IKAPITONG LINGGO-Ikaapat na Araw

I. Layunin

Nabibigyang- kahulugan ang mapa ng pamayanan F5EP-If-g-2

II. Paksang-Aralin

Paksa: Kahulugan ng Mapa ng Pamayanan

Sanggunian: Curriculum Guide p.68

Pagdiriwang ng Wikang Filipino (Pagbasa) p.174

https://www.google.com.ph

Kagamitan: DLP, tsart, metacards

Pagsasapuso: Pagtulong sa kapwa

III. Yugto ng Pagkatuto

A. Pagganyak

Ipakita ang larawan.

Itanong:

1. Ano ang tawag natin sa larawang ito?

2. Ano-ano ang mga makikita ninyo sa isang mapa?

B. Pangganyak na tanong

Ano-ano ang mga pananda na makikita ninyo sa isang

pamayanan?

C. Gawin Natin

Sabay-sabay na basahin ang isang tula

Halina sa Aming Pamayanan
Likhang tula:dggulle_bauan east central school

Amin pong barangay ay napakaganda

Maraming pananda kayong makikita

Magsisilbing gabay sa inyong pagpunta

Kaya mawiwili kayong bibisita

Munisipyo nami’y walang kasingganda

Nakatayo ito sa gawing hilaga

Sa tabi rin nito’y inyong makikita

Aming palengke na maraming paninda

Sa timog silangan nitong pamayanan

Nandon ang ospital nitong aming bayan

Mga empleyado tunay na huwaran

Sa paglilingkod, hindi matatawaran

Paaralang Sentral ng Silangang Bauan

Sa bandang silangan ay matatagpuan

Guro, mag-aaral at mga magulang

Talagang tunay na nagmamahalan

Ang simbahan po sa aming pamayanan

Matatagpuan sa bandang kanluran

Doo’y nagdarasal aming kababayan

Dalangin sa Diyos, kami ay gabayan

 Pagtalakay:

1. Ano-anong mga pananda ang nabanggit sa tula?

2. Saang direksyon matatagpuan ang simbahan ng kanilang

pamayanan? ang ospital? munisipyo?

3. Paano ang mga ito makakatulong sa isang tao na babagong

nakakapunta sa isang lugar?

D. Gawin Ninyo

Pangkatin ang klase. Ipagawa sa bawat grupo ang nakasulat sa

metacard.

Pangkat I- Iguhit ang mapa ng pamayanan ng nabasang tula.

Pangkat II- Magsadula ng isang pangyayari kung saan may dumating

na tao sa inyong lugar. Ikaw ang napagtanungan ng lugar
na kanyang pupuntahan.

Pangkat III- Iguhit ang daan at mga pananda na makikita mula sa

inyong tahanan patungong paaralan para makagawa ng
mapa.

E. Gawin Mo

Iguhit ang inyong tahanan at ang mga panandang katabi nito.

F.Paglalahat

Ano-ano ang mga pananda sa mapa ng pamayanan?

G. Pagsasapuso

May nakasalubong kang babaeng tila nawawala? Anong

gagawin mo?

IV. Subukan Natin

Pag-aralan ang mapa sa ibaba. Pagkatapos, sagutin ang mga

tanong sa ibaba.
 1. Saan bahagi ng pamayanan naroon ang plasa?

2. Ano ang nasa timog ng paaralan?

3. Ano ang nasa hilaga ng bahay pamahalaan?

4. Ituro mo ang direksyon papunta sa palaruan kung ang taong

naghahanap nito ay nasa Health Center.

5. Gusto mong magsimba dahil araw ng Linggo. Saang direksyon ka

patungo kung ang inyong bahay ay nasa kaliwa ng bahay

pamahalaan?

V. Gawaing Pantahanan

Iguhit sa isang malinis na papel ang mapa ng inyong pamayanan.