6-525

Eşref-i bilâd rûy-ı zemîn olan Medine-i Münevvere Nurhâ Allah Te’âlâ (?) …. ‘da sâkin Harem-i Şerif-i
Nebevi ağâlarından biri fevt oldukta terekeleri cümle ma’rifeti ve ma’rifet-i şer’le tahrir ve fürûht
olunub zuhûr iden düyûnu ma’rifet-i şer’le bade’s-sübût edâ ve müteveffânın vesâyâsı tenfîz ve ihrâ
ve kusûr kılân bir tereke müteveffa ber-mûcib kânûn-ı ağvan-ı Harem-i Nebeviye tevzi’ ve taksim ve
I'tâ olunagelüb ancak bu esnâda bazı ağvânın terekelerinden düyûn edâ olunmayub vesâyâsı dahi
tenfiz olunmaktan ağvân-ı mumaileyhim zuhûr eden mecmû’ tereke-i müteveffâyı zabt
eylediklerinden ashâb-ı düyûna gadr-ı külli olub vesâyâsı dahi tenfiz olunmayub utekâ ve etbâ’ına gadr
olduğunu ve Medine-i Münevvere kâdılarının vâki’ olan müdâhalelerini hâlâ Şeyhü’l-Harem-i Nebevi
Elmâs Ağa kulları mektubiyle takrir ve istirhâm etmekle fî-mâbâd Şeyhü’l-Harem-i Nebevi’nin gayrı
vefât iden Ağvân-ı Harem-ı Şerifin terekeleri cümle ma’rifetini ve ma’rifeti şer’le tahrir ve fürûht
olunub düyûn-ı vârişi (?) bade’s-sübût edâ ve herhâlde müteveffânın u’tekâ ve etbâ-ı’ himâyet ve
hiyânet olunarak vesâyâsı tenfiz olunduktan sonra bâki kalan tereke-i müteveffa ber-mûcib kânûn
ağvân-ı mezkûreye tevzi’ ve taksim ve I'tâ olunub taraf-ı ahirun dahl ü ta’aruz olunmamak üzere bir
kıta’ emr ü âli sudûru muvâfık rehâ-yı mülükâneleridir ol bâbda emr ü fermân veliyyü’l-emr efendimiz
hazretlerinindir.

Takrir mucebince emr ü ısdâr oluna