HKBP RESSORT ADIANNANGKA

ACARA PARTANGIANGAN KELUARGA

UJUNG BULAN MEI 2023
1. Parade diri (Martangiang na hohom)
2. Marende BE No 17 : 1 – 2 “Raja Na Tumimbul”
3. Tangiang Pamuhai
4. Manjaha Turpuk : Hosea 10 : 12
5. Manjaha Hatorangan ni Turpuk :

MANABUR HATIGORAN ASA MANGGOTIL DI ASI NI ROHA

Hea do hita kecewa di bagasan ngolunta? Boasa kecewa hita? Biasana kecewa sasahalak ala
ndang sesuai na terjadi tu na hinirim ni rohana. Situasi na sisongoni do na boi berengonta
dibagasan turpukta sadari on. Tarhirim (kecewa) Debata maradophon bangso Israel. Didok
Debata tu bangso Israel : “Olat ni angka ari di Gibea, sai mardosa do ho, ale Israel!”. Dibahen
panurirang Hosea do tudosan (ilustrasi) hau anggur na rugun, marparbue, lam ganda parbuena,
lam dipatorop angka langgatan, hombar tu denggan ni tanona, dipadenggan nasida ganaganaan.
Tudosan (ilustrasi) on manggombarhon pasupasu ni Debata tu bangso Israel alai baliksa do
balosna marsomba tu ganaganaan do bangso i. Pangalaho sisongoni do mambahen gabe terhirim
(kecewa) Debata tu bangso Israel, ndang diboto bangsoi manghamauliatehon pasupasu ni
Debata. Disiala pangalaho na sisongoni, marhite Panurirang Hosea dilumbahon Debata do uhum
nanaeng sipamasaonNa tu Israel.
Ala ni i, diturpukta sadari on, disosoi do tu bangso Israel asa mangalului Jahowa. Di ayat 12
didok :” Sabur hamu ma di hamu bahen hatigoran asa manggotil hamu hombar tu asi ni roha!
Totas hamu ma di hamu sada ladang naimbaru, ai nunga * jumpang tingki mangalului Jahowa,
paima ro ibana jala dipaudanhon tu hamu hatigoran.”
Pangalaho ni bangso Israel, na so mangahamauliatehon Pasupasu ni Debata, jotjot do
jumpang di parngoluonta. Nunga dibasabasahon Tuhanta tu hita ragam ni pasupasu, isarana
hahipason, gabe ta ula jala sinur na ta pahan, alai jotjot do ndang mandok mauliate hita tu Tuhan
i. Marhite turpuk sadari on, disungguli hita, songon angka na porsea jala na pinasupasuNa, asa
jumpang hamubaon jala talului ma Debata dibagasan ngolunta siapari. Molo ndung talului
Jahowa, dapotan asi ni roha ni Debata ma hita dibagasan ngolunta. Amen

6. Martangiang : Talului ma Jahowa dibagasan ngolunta marhite mangulahon lomo ni

rohaNa
7. Marende : BE. No. 114 : 1 + 3 “Parohon HarajaonMu” (Pelean)
8. Tangiang Aleamanami