Professional Documents
Culture Documents
Jamita Minggu XIII Dung Trinitatis 11 September 2022
Jamita Minggu XIII Dung Trinitatis 11 September 2022
PATUJOLO
Barita nauli sian si Mateus, masuk tu horong ni Injil Sinoptik. Sian opat
Injil Sinoptik mangarihon haunikon na be hombar tu sipareakan na be,
hombar tu sipananginangi na sinangkap ni si panggurit, latar belakang
budaya dohot parngoluon di partingkian i. Umbahen i do dang ulaon na
mura laho mangalapati napinikkiran ni panggurit. Sangkap ni panggurit
bukku Mateus dinalaho manggurathon bukku Mateus ima nanaeng
manjamitahon parngoluon ni halak naporsea ikkon togu di haporseaon
na i tu Debata Jahowa na mangolu di bagasan habonaranNa. Angkup ni
i, si Mateus naeng pabotohon ngolu ni halak na porsea ikkon do sada di
bagasan parsaoran tu Debata. Na maniop gomos haporseaonna sahat
tu ujung ni parngoluon di portibion. Sangkap ni panurat bukku on, asa
panjaha ni bukku Mateus boi mangarahon angka donganna tu
haporseaon na mangolu di bagasan Tuhan Jesus jala manjadihon sude
gabe sisean ni Jesus di portibi on, songon tahi ni Jesus na ro tu portibi
on laho mangalului dohot paluahon angka jolma na mago di dosana.
(Mateus 18:11 dohot Mateus 28:19-20).
HATORANGAN
Dilehon Jesus do sada tudos-tudosan tu angka sisean-Na dohot angka
naumbege jamita-Na. Tudos-tudosan i, dibahen Jesus sian parngoluan
siapari. Parmahan di bangso Israel, ima sada ulaon naung mansai
tangkas diboto halak Israel. Jadi dipungka Jesus ma mangajari nasida:
Marhite Tondi i, boi ma botoonta sadia dao ma hita sian Tuhan Jesus.
Molo tung mansai dao, maradu so ta tanda be lomo ni roha ni Tuhan i, di
si ma hita naung lilu. Alai molo tung na lilu pe hita, tangkas do dipaboa
di jamita on, tung naso lomo do roha ni Jesus hita lilu, di lului do hita
sahat tu jumpangNa. Molo dung jumpang Ibana hita, tung mansai las
roha ni Jesus. Dungi taruli ma hita di hangoluan sogot na saleleng ni
leleng na, jala tarpasu-pasu ma hita di ngolunta di portibion. Amen.