Panahon Nin Cuaresma

PANAHON NIN CUARESMA
ENOT NA DOMINGO NIN CUARESMA

Ciclo A
Enot na Babasahon Genesis 2:7-9; 3:1-7
Pagbasa sa Libro nin Genesis
Linalang nin Dios na Kagurangnan an tawo na hale sa alpog kan daga.

Ihinayop sa saiya ng mga dungo an hinangos nin buhay asin an tawo nagin
buhay na linalang. An Dios na Kagurangnan nagbugtak nin jardin sa Eden
sa sirangan asin duman ibinugtak an tawo na saiyang ginibo. Sa daga
pinatubo nin Dios na Kagurangnan an gabos na kahoy, magayon na
paghilingon asin marahay na pagkakanon. Yaon duman sa tahaw kan
jardin an kahoy nin buhay asin an kahoy nin pagkamidbid kan marahay
asin maraot. An halas iyo an orog katuso sa gabos na hayop na linalang nin
Dios na Kagurangnan. Nagsabi sa babae: "Talaga daw na sinabi nin Dios
na dai kamo magkakan sa arin man na kahoy digdi sa jardin?" An babae
nagsimbag sa halas: "An bunga kan mga kahoy sa jardin samuyang
makakakan, alagad an Dios nagsabi: Dai kamo magdotdot kaiyan tibaad
kamo magadan." Alagad an halas nagsabi sa babae: "Dai kamo magagadan.
Aram nin Dios na kun kamo magkakan kaiyan, an saindong mga mata'
mabubuksan; asin kamo makakabaing sa Dios na tatao kan marahay asin
maraot." Kan mahiling kan babae na an kahoy marahay na kakanon asin
magayon na paghilingon, asin man huli sa kadonongan na ikakadolot,
kinua an bunga asin kinakan. Tinawan niya an saiyang agom asin
nagkakan man. Asin an mga mata nindang duwa nabuksan asin ta
nahiling ninda na sinda huba. Kaya nagtahi sinda nin mga dahon sa
pagtahob sa sainda man sana.
Tataramon kan Kagurangnan.

Salmo-Responsorio Salmo 51:3-4.5-6.12-13.14.17
S. Kaheraki kami Kagurangnan ta kami nagkasala.
Kaheraki kami, O Dios,

susog sa sukol nin saimong danay na pagkamoot;
Patawada an sakuyang mga kasombikalan,
susog sa sukol nin saimong dakulang pagkaherak.
Hugasi ako kan sakong karatan, Linigi ako kan sakong kasalan;
Aram ko an sakong mga kasombikalan,
Asin an sakong kasalan danay na uya sa sakong atubang.
Malinig na puso giboha sa sakuya, O Dios;

Matanos asin bagong espiritu tawan sakuya;
Hare ako pagsikwalan sa saimong atubang,
Asin an saimong banal na Espiritu hare paghalea sa sako.
Giraray paog ha ako kan saimong tabang;

Pakusoga ako kan espiritu nin kalodokan.
Kagurangnan, bukahon mo an sakuyang ngoso
asin an sakong dila magrorokyaw kan saimong kaomawan.

Ikaduwang Babasahon Roma 5:12-19 5:12.17-
19
Pagbasa sa Surat ni San Pablo sa mga taga-Roma
Kaya an kasalan nakalaog sa kinaban huli sa sarong tawo; asin huli sa

kasalan, an kagadanan. An kagadanan nakalakop sa gabos na tawo, huli ta
lambang saro nagkasala. Kun totoo na an kagadanan naghade sa gabos
huli sa kasalan nin sarong tawo, orog na totoo na an mga nag-ako nin
dakul na biyaya, kapatawaran asin katanosan maghahade sa buhay, huli sa
sarong tawo na si Jesucristo. Sa sarong pagtaram: huli sa kasalan nin
sarong tawo, pinadusahan an gabos na tawo, siring man, huli sa katanosan
nin sarong tawo, itinao sa gabos an buhay asin an gabos nagin matanos.
Huli sa dai pagkuyog nin sarong tawo, dakul nagin mga parakasala, siring
man, huli sa pagkuyog nin sarong tawo, dakul an mga nagin matanos.

Verso Mateo 4:4
An tawo dai nabubuhay sa tinapay sana, alagad sa lambang

tataramon na minahale sa ngoso nin Dios.
Evangelio Mateo 4:1-

11
✠ Pagbasa kan Banal na Evangelio sosog ki San Mateo
Si Jesus dinara kan Espiritu sa disierto tanganing pagsugotan kan demonio.

Si Jesus nag-ayuno sa laog nin cuarentang aldaw asin banggi, asin siya
nagutom. Rinanihan siya kan parasugot asin sinabihan: Kun ika Aki nin
Dios, giboha na an mga gapong ini magin tinapay. Sinimbag ni Jesus: -
Nasusurat: "Bako sanang sa tinapay nabubuhay an tawo, kundi man sa
tataramon na gikan sa ngoso nin Dios." Dangan dinara siya kan demonio
sa banal na ciudad: ibinugtak sa atop kan templo asin siya sinabihan: - Kun
ika Aki nin Dios, lumampaw ka huli ta nasusurat: "Pinagbotan niya an mga
angeles tanganing atamanon ka; siring man dadarahon ka sa saindang mga
kamot, tanganing an saimong bitis dai masingkog sa mga gapo." Si Jesus
nagsimbag: Nasusurat man: "Dai mo Pagsugotan an Kagurangnan mong
Dios." Pakatapos dinara siya kan demonio sa halangkaw na bukid;
ipinahiling Saiya an gabos na kahadean nin kinaban asin an saindang
kamurawayan. Dangan nagsabi: - Ini gabos itatao ko saimo, kun lumuhod
ka asin sambahon mo ako. Sinimbag siya ni Jesus: Humale ka, Satanas, huli
ta nasusurat: "Sambahon mo an Kagurangnan mong Dios, asin siya sana an
saimong paglingkodan." Pakatapos binayaan siya kan demonio; dangan an
mga angeles nagdolok asin naglingkod saiya.
Marahay na Bareta kan Kagurangnan.

Ciclo B
Enot na Babasahon Genesis 9:8-15
An Dios nagsabi ki Noe asin sa saiyang mga aki: "Ako nakikipagtipan

saindo, sa mga aki na magikan saindo asin sa mga buhay na linalang mga
Gamgam asin gabos na mga hayop na kaiba nindo: gabos na hale sa arka,
gabos na nabubuhay sa ibabaw nin daga. Ako nakikipagtipan saindo: an
laman dai na sagkod pa man mapapara kan mga tubig nin baha: dai na
liwat magkakaigwa nin baha na maraot kan daga." Nagsabi pa an Dios:
"Uya an tanda para sa gabos na panahon, tanda kan sakong pakipagtipan
saindo asin sa gabos na linalang. An hablondawani na sakong ibubugtak sa
panganoron iyo an magigin tanda nin sakong pakipagtipan sa daga. Kun
may panganoron sa langit asin an hablondawani magpahiling sa
panganoron, sakong gigiromdomon an sakong pakipagtipan saindo asin sa
gabos na linalang tanganing sagkod pa man an tubig dai na magbaha sa
pagraot kan gabos na linalang.”

Salmo-Responsorio Salmo 25:4-5.6-7.8-9
S. An saimong dalan, Kagurangnan, pagkamoot asin katotoohan para sa

nag-uutob kan saimong tipan.
Kagurangnan, amidbid mo sako an saimong dalan.

Kagurangnan, itukdo mo sako an saimong linakawan
Palakawa ako sa saimong katotoohan:
tukdoe ako, huli ta ika Dios, sakong paratubos.

Giromdoma an saimong pagkaherak,

Kagurangnan, asin an pagkamoot na ipinahiling mo kaidto.
Lingawe an mga kasalan ko kan ako aki pa,
Huli ta ika mamomoton, giromdoma ako.

Maboot asin matanos an Kagurangnan,

sa mga nalagalag saiyang ipinapahiling an dalan.
An mga mapakumbaba saiyang dinadara sa tamang dalan;
sa mga dukha itinutukdo an dapat paglakawan.

Ikaduwang Babasahon 1 Pedro 3:18-22

Pagbasa sa Enot na Surat ni San Pedro
Sararo-an na nagadan si Cristo huli sa mga kasalan. Matanos siyang tawo

alagad nagadan siya para sa mga makasalan, tanganing madara niya kita
sa Dios. Ginadan siya sa hawak alagad binuhay siya sa espiritu. Sa siring
na kamugtakan, siya nagduman asin naghulit sa mga kalag na yaon sa
bilanggoan. Ini an mga kalag kan mga dai nagkuyog kaidtong panahon ni
Noe, kan an Dios nagparahalat sainda mantang ginibo ni Noe an arka.
Dikit sana an tawo walo katawo gabos a nakaligtas sa paagi kan tubig. An
tubig na idto tanda kan bonyag na iyo an nagliligtas saindo ngonian. An
bonyag bakong paghugas kan ati sa hawak kundi sarong panuga sa Dios
gikan sa malinig na consiencia. Iliniligtas kamo kan bonyag sa paagi kan
pagkabuhay liwat ni Jesucristo. Nagsakat siya sa langit asin yaon sa too nin
Dios; sakop niya an gabos na angel, langitnon na mga autoridad saka mga
kapangyarihan.
Verso Mateo 4:4

An tawo nabubuhay bako sana sa tinapay, kundi man sa
tataramon na gikan sa ngoso nin Dios.
Evangelio Marcos 1:12-15
✠ Pagbasa kan Banal na Evangelio sosog ki San Marcos
Tolos man sana si Jesus dinara kan Espiritu pakadlagan. Duman siya sa
laog nin apat na polong aldaw, asin pinagsugotan ni Satanas, mga hayop
an kaibahan niya asin mga angeles naglingkod saiya. Pakatapos na si Juan
dinakop, si Jesus nagpa-Galilea sa pagrokyaw kan Marahay na Bareta sa
ngaran nin Dios. Sinabi niya: “Uminabot na an panahon: uya na an
Kahadean nin Dios. Magsolsol kamo asin magtubod sa Marahay na
Bareta."

Ciclo C
Enot na Babasahon Deuteronomio 26:4-10
Pagbasa sa Libro nin Deuteronomio
Si Moises nagsabi sa banwaan: kukuahon kan padi an bakol na tinagba sa

saimong kamot asin ibubugtak sa atubang kan altar nin Kagurangnan na
saimong Dios. Dangan sa atubangan nin Kagurangnan na saimong Dios,
Ika mataram: "An sakong Ama sarong Arameong parabaklay: nagpa-
Egipto asin nakihimanwa duman. Dikit sa bilang alagad duman nagdakul,
naging banwaan na dakula asin mapangyari. Pinadusahan kami asin
pinasakitan kan mga taga-Egipto: pinasakitan sa makuring kaonipnan.
Nag-agrangay kami sa Kagurangnan, Dios nin samong mga magurang,
asin an samong inagrangay dinangog nin Kagurangnan. Nahiling niya an
samong pagtios, kahorasaan asin kaoripnan. Sa saiyang dakulang
kapangyarihan kinua kami digdi asin itinao samo an dagang ini: daga na
naglalangoy sa gatas asin tangguli, asin uya idinodolot ko ining mga
tinagba, mga enot na bunga kan daga na itinao mo sako, Kagurangnan.
Dangan ibubugtak mo an mga iyan sa atubang nin Kagurangnan na
saimong Dios asin saimong sasambahon. Dangan ika asin an saimong
familia, kaiba kan Levita asin mga dayuhan na yaon saindo, maoogma huli
kan gabos na karahayan na tao saimo nin Kagurangnan na saimong Dios."
Salmo-Responsorio Salmo 91: 1-2.10-11.12-13.14-15

S. Ibanhi ako, Kagurangnan, kun ako nasa kasakitan.
An nag-eerok sa lindong nin Orog Kahalangkaw,

An yaon sa anino nin Dios na Makakamhan
Minasabi sa Kagurangnan: "Sakong paalawan,
Sakong balwarte, Dios na sakong sinasarigan!"
Mayong karatan na makakaabot saimo,

Mayong helang makakarani sa harong mo.
Huli saimo tinugon niya an saiyang mga angel
Na bantay ka sa gabos mong lalakawan.
Dadarhon ka ninda sa saindang mga kamot,

Tanganing dai ka masingkog sa kagapoan,
Leon asin halas matutungtungan mo,
Ugbon na leon asin dragon babantayan mo.
Siya namomoot sako, kaya ililigtas ko siya;

Midbid nya an ngaran ko, kaya susurogon ko.
Aagawon ko siya kun nasa kahorasaan,
Asin itatao ko saiya kamurawayan.
Ikaduwang Babasahon Roma 10:8-

13
Ano an nasasabi sa kasuratan? Harani saimo an tataramon: yaon sa

saimong ngoso asin sa saimong puso: Boot sabihon an tataramon nin
pagtubod na satuyang ipinagrokyaw. Kun an saimong ngoso magpahayag
na si Jesus iyo an Kagurangnan asin kun an saimong puso magtubod na si
Jesus binuhay liwat nin Dios sa mga gadan, ika makakaligtas. Kun
todok sa puso na ika magtubod, ika magkakamit nin katanosan. Kun tunay
sa ngoso ika magpahayag, ika magkakamit nin kaligtasan. Nasasabi sa
kasuratan: An nagtutubod saiya dai ipapasupog. Daing pinapalaen na
Judio asin Griego: gabos sakop nin saro sanang Kagurangnan, mayaman
para sa gabos na nag-aarang saiya huli ta an gabos na nag-aapod kan
ngaran nin Kagurangnan makakaligtas.
Verso Mateo 4:4

Bako sanang sa tinapay nabubuhay an tawo, kundi man sa
tataramon na gikan sa ngoso nin Dios.
Evangelio Lucas 4:1-

13
✠ Pagbasa kan Banal na Evangelio sosog ki San Lucas.
Si Jesus nagbalik sa Jordan pano nin Espiritu Santo; Dinara siya kan
Espiritu sa lantad asin duman pinagsugotan kan demonio. Sa laog nin apat
na polong aldaw dai nagkakan asin pakatapos nagutom. Dangan an
demonio nagsabi: "Kun ika Aki nin Dios, giboha na an gapong ini maging
tinapay." Si Jesus nagsimbag: "Nasusurat: Bako lang sa tinapay nabubuhay
an tawo." Dangan dinara siya kan demonio sa itaas, ipinahiling saiya an
gabos na kahadean nin kinaban asin nagsabi: “Sa saimo itatao ko ini gabos
na kapangyarihan asin kamurawayan: ini itinao sako asin sakuyang itatao
sa kiisay man na boot kong tawan: ini gabos saimo na; kun lumuhod ka
asin sambahon mo ako.” Si Jesus nagsimbag “Nasusurat: Sambahon mo an
Kagurangnan mong Dios asin siya sana an saimong paglilingkodan.”
Dangan dinara siya sa Jerusalem asin ibinugtak sa alitoktok kan simbahan
asin nagsabi: “Kun ika Aki nin Dios, lumampaw ka huli ta nasusurat:
Tutugonon niya an saiyang mga angeles nganing atamanon ka asin
bantayan: siring man, dadarahon ka sa saindang mga kamot nganing an
saimong mga bitis dai masingkog sa mga gapo." Si Jesus nagsimbag: “Nasa
tugon: Dai ka magsugot sa Kagurangnan mong Dios.” Pagkatapos kaining
mga sogot, binayaan siya kan demonio.
IKADUWANG DOMINGO NIN CUARESMA

Ciclo A
Enot na Babasahon Genesis 12:1-4
An Kagurangnan nagsabi ki Abraham: "Bayaan mo an saimong banwaan

asin mga katood patin an harong nin saimong ama; paduman ka sa daga
na ipapahiling ko saimo. Gikan saimo magibo ako nin dakulang banwaan.
Bebendicionan taka asin magigin dakula an saimong ngaran.
Bebendicionan ko an mga nagbebendicion saimo asin bubusongon ko an
mga nagbubusong saimo, asin sa saimo magigin paladan an gabos na tawo
sa ibabaw nin daga." Huli kaini si Abraham naglakaw susog sa itinugon
saiya nin Kagurangnan.
Salmo-Responsorio Salmo 33:4-5.18-19.20.22

S. Kagurangnan kaheraki kami na nagsasarig saimo.
Matanos an tataramon nin Kagurangnan,

Maimbod siya sa gabos niyang mga gibo;
Namomoot sa kabanalan asin sa katanosan.
An mata nin Kagurangnan nasa mga natatakot saiya,

Nasa mga nagsasarig sa saiyang pagkamoot,
Nganing iligtas an saindang kalag sa kagadanan,
Nganing atamanon sa panahon nin gutom.
An sakuyang kalag naghahalat sa Kagurangnan,

Siya an samuyang tabang asin kalasag;
Magdanay samo, Kagurangnan, an saimong pagkamoot,
Huli ta kami nagsasarig saimo.
Ikaduwang Babasahon 2 Timoteo 1:8-10

Pagbasa sa Ikaduwang Surat ni San Pablo ki Timoteo
Sa kaibahan ko, tiosa an mga kasakitan huli sa Marahay na Bareta, bilog an

paniwala sa kapangyarihan nin Dios, na nagligtas sato asin nag-apod sato
sa kabanalan-bakong huli sa anoman na naginibo niato, kundi huli sa
saiyang kabotan asin sa saiyang biyaya. An biyayang ini iwinaras sa
satuya, ki Cristo Jesus, bago nagpoon an panahon, alagad ipinahayag kan
nagpahiling an satong Kagtubos na si Cristo Jesus. Dinaog niya an
kagadanan, ipinagrokyaw niya an buhay, asin buhay na daing kasagkoran
sa paagi kan Marahay na Bareta.
Verso Mateo 17:5

Sarong tingog hale sa maliwanag na panganoron nagsabi: Ini an
sakuyang Aki, sakuyang namomotan, sakuyang padangat. Himatea
nindo siya.
Evangelio Mateo 17:1-9
Pakalihis nin anom na aldaw, ipinag-iba ni Jesus si Pedro, Santiago asin

Juan sa halangkaw na bukid. Sinda sana duman, asin sa atubang ninda si
Jesus nagbago; an saiyang gubing nagkintab sa kaputian mas maputi pa sa
anoman na nakakaputi. Dangan nagpahiling sainda si Elias asin si Moises
nakipag-olay ki Jesus. Si Pedro nagsabi ki Jesus: “Maestro, marhay kun
digdi n asana kita! Mapagibo kita nin tolong harong-harong: saro saimo,
saro ki Moises asin saro ki Elias.” Sa katakotan dai man aram kun ano an
saiyang sinasabi. Uminabot an panginoron na nakatahob sainda asin hale
sa panganoron may tingog na nagsabi: “Ini an sakuyang namomotan na
Aki. Himatea nindo siya.” Dangan pagkalag-kalag ninda, dai na sindang
ibang nahiling kundi si Jesus n asana. Paglusot ninda hale sa bukid,
pinatanidan sinda ni Jesus: “Dai nindo ipag-osip sa kiisay man an saindong
nahiling, sagkod na an Aki nin Tawo mabuhay liwat sa mga gadan.”
Kinuyog ninda an patanid, minsan ngani saindang pinag-orolayan kun ano
an boot sabihon kan pagkabuhay-liwat sa nga gadan.

Ciclo B
Enot na Babasahon Genesis 22:1-2.9.10-13.15-18
Tinukso nin Dios si Abraham "Abraham, Abraham," inapod siya nin Dios.
"Uya ako" simbag ni Abraham. An Dios nagsabi: "Daraha an saimong
bugtong na aking si Isaac: aking saimong namomotan. Paduman ka sa
daga nin Moria. Duman idolot mo siya siring sa tinutong na atang sa
ibabaw kan bukid na ipapahiling ko saimo." Pag-abot ninda sa lugar na
ipinahiling nin Dios saiya, kinaptan an kutsilyo na igagadan sa saiyang aki
asin ibiningat ni Abraham an saiyang kamot Alagad, hale sa langit, an
anghel nin Kagurangnan nag-apod: "Abraham, Abraham." "Oya ako",
simbag ni Abraham. An angel nagsabi: "Hare pagbingatan an saimong
kamot laban sa aki. Dai mo siya pagkulgan Ngonian aram ko na ika may
pagkatakot sa Dios. Dai mo isinayuma sako an saimong aki, an saimong
bugtong na aki." Pagtingkalag ni Abraham, nahiling niya an sarong
karnero na an mga sungay nakapurupot sa balagon. Kinua ni Abraham an
karnero asin inatang na kasalihid kan saiyang aki. Hale sa langit an angel
nin Kagurangnan nagsabi giraray ki Abraham: "Ako minasumpa,
nagtataram an Kagurangnan huli ta ginibo mo ini, huli ta dai mo
isinayuma sako an saimong aki, bebendicionan taka; an saimong mga aki
papadakulon ko siring sa mga bitoon sa langit asin siring sa mga baybay sa
tampi nin dagat. Masasakopan kan saimong mga aki an mga pintoan kan
saindang mga kaiwal. An gabos na banwaan sa daga magigin paladan huli
kan saimong mga aki, bilang balos kan saimong pagtubod.
Salmo-Responsorio Salmo 116:10.15.16-17.18-19
S. Ako malakaw sa atubang nin kagurangnan sa daga nin mga buhay.

Ako nagsarig, dawa ngani ako nagsabi:
"Ako nasa makuring kahorasaan."
Mahalaga sa mata nin Kagurangnan an
kagadanan nin mga maimbod saiya.
Surugoon mo ako, Kagurangnan, surugoon mo;

hinubad mo an mga nakagapos sako.
Atang nin pasasalamat idodolot ko:
an ngaran nin Kagurangnan aapodon ko.
S. Ako malakaw sa atubang nin kagurangnan sa daga nin mga buhay
Mga panuga ko sa Kagurangnan sakong uutobon

sa atubang nin bilog na banwaan,
sa mga natad kan harong nin Kagurangnan,
sa tahaw mo, o Jerusalem.
Ikaduwang Babasahon Roma 8:31-34

Kun an Dios parasurog niato siisay an makakalaban sato? Dai
pinagkanugonan nin Dios an saiyang sadiring Aki, kundi itinao niya sato
gabos; dai daw niya itatao an gabos sato kaiba an siring na balaog? Siisay
an masumbong laban sa mga pinili nin Dios? Kun pinapatawad nin Dios,
susay an mahukom? Si Jesucristo? Siya bako lamang nagadan huli sa sato,
kundi man nabuhay liwat sa mga gadan, nasa too nin Dios asin
ipinapamibi kita.
Verso
nindo siya.
Pakalihis nin anom na aldaw ipinag-iba ni Jesus si Pedro, Santiago asin

Juan sa halangkaw na bukid. Sinda sana duman, asin sa atubang ninda si
Jesus nagbago, an saiyang gubing nagkintab sa kaputian mas maputi pa sa
anoman na nakakaputi. Dangan nagpahiling sainda si Elias asin si Moises
nakipag-olay ki Jesus. Si Pedro nagsabi ki Jesus: “Maestro, marhay kun
digdi na sana kita! Mapagibo kita nin tolong harong-harong saro saimo,
saro ki Moises asin saro ki Elias." Sa katakotan dai man aram kun ano an
saiyang sinasabi. Uminabot an panganoron na nakatahob sainda asin hale
sa panganoron may tingog na nagsabi: "Ini an sakuyang namomotan na
Aki. Himatea nindo siya.” Dangan pagkalag-kalag ninda, dai na sindang
ibang nahiling kundi si Jesus na sana. Paglugsot ninda hale sa bukid,
pinatanidan sinda ni Jesus: "Dai nindo ipag-osip sa kiisay man an saindong
nahiling, sagkod na an Aki nin Tawo mabuhay liwat sa mga gadan.”
Kinuyog ninda an patanid, minsan ngani saindang pinag-orolayan kun ano
an boot sabihon kan pagkabuhay-liwat sa mga gadan.

Ciclo C
Enot na Babasahon Genesis 15:5-12.17-18
Si Abraham ilinuwas nin Kagurangnan asin sinabihan: "Tumingkalag ka sa

langit asin bilanga an mga bitoon, kun mabibilang mo." Dangan idinagdag:
"Magigin siring kaiyan an saimong aki." Si Abraham nagtubod sa
Kagurangnan asin ini an saiyang nagin katanosan. Dangan nagsabi saiya:
"Ako an Kagurangnan na nagkua saimo hale sa Ur nin mga Caldeo,
nganing masadirihan mo an daga na ini." Alagad si Abraham nagsabi:
"Dios na sakong Kagurangnan, paano kong maaraman na ako an magigin
kagsadiri kan daga na ini?" Sinimbag nin Kagurangnan: "Daraha sako an
baka na may tolong taon, salampati asin ugbon nin salampati." Ini gabos
dinara ni Abraham, binaraak asin pinaghampang an mga kabaak, alagad
an mga gamgam dai binaak. Mga uwak buminaba sa mga bangkay, asin
binugaw. Pagsolnop kan aldaw nangaturog na hararom si Abraham asin
inabtan nin takot. Kan solnop na an aldaw asin madiklom na nahiling an
sarong omong nag-aaso na pinag-baranga. Kan aldaw na iyan an
Kagurangnan nakipagtipan ki Abraham asin nagsabi: "Sa mga aki mo
itatao ko an daga na ini poon sa salog nin Egipto sagkod sa Dakulang
Salog."
Salmo-Responsorio Salmo 27:1.7-8.13-14

S. An Kagurangnan sakong ilaw asin kaligtasan.
An Kagurangnan sakong ilaw asin kaligtasan.

Sisay an sakong matatakotan?
An Kagurangnan paalawan nin sakong buhay;
sa Kisay ako matatakot?
Kagurangnan, pag-apod ko an sakong tingog dangoga;

maherak ka asin an sakong pamibi simbaga.
Dapit saimo an puso ko nagsabi;
"Hanapa an saiyang lalawgon"
Saimong lalawgon, Kagurangnan, an hinahanap ko.
Aram ko na an pagkamarahayon, an hinahanap ko.

sakuyang mahihiling sa daga nin Kagurangnan
maglaom saiya, magdanay, pasarigon an puso.
Maglaom sa Kagurangnan!
Ikaduwang Babasahon Filipos 3:17-4:1 o 3:20-

4:1
Pagbasa sa Surat ni San Pablo sa mga taga-Filipos
Mga tugang, mag-arog kamo sako. Aroga nindo idtong mga nabubuhay
susog sa modelo na uya sa samo. Dayaday na sinabi ko na saindo kaidto,
asin ngonian may luha na sinasabi ko saindo giraray, kadakul an
nabubuhay na mga kaiwal kan cruz ni Cristo. Sinda talagang
mapapakaraot. An kakanon saindang gigibohong Dios; ipinapaabaw-abaw
an bagay na dapat ikasupog: pinapahalagahan an mga bagay na
kinabanon. Alagad kita, langit an satong banwaan, asin hale sa langit
madatong an Paratubos na satong hinahalat, si Jesucristong Kagurangnan.
Siya an maliwat kaining satong makaherak-herak na hawak, gigibohon
niyang mamurawayon arog kan saiyang hawak sa bagsik kan
kapangyarihan na saiyang ginagamit sa pagsakop kan bilog na linalang.
Kaya, mga tugang, kong minamahal asin namomotan, sakuyang
kaogmahan asin sakuyang corona: Magsarig kamo sa Kagurangnan.
Verso Mateo 17:5

nindo siya.
Evangelio Lucas 9:28-36
✠ Pagbasa kan Banal na Evangelio sosog ki San Lucas
Ipinag-iba ni Jesus si Pedro, Juan asin Santiago sa sarong bukid tanganing.

Magpamibi. Kan siya nagpapamibi, an saiyang lalawgon nagbago asin an
saiyang gubing nagkintab sa kaputian. Dangan nagpahiling an duwang
lalaki: si Moises asin si Elias na nakikiolay saiya dapit sa mangyayari saiya
duman sa Jerusalem. Si Pedro asin an saiyang mga kairiba nangaturog sa
tungka, alagad nagimata asin nahiling an kamurawayan ni Jesus, asin an
duwang lalaki na kaibahan niya. Kan an mga ini mahale na, si Pedro
nagsabi ki Jesus: Maestro, maray pa digdi na sana kita: mapagibo kita nin
tolong harong-harong: saro saimo, saro ki Moises, saro ki Elias. Dai aram ni
Pedro kun ano an saiyang sinasabi. Mantang ini sinasabi niya, may
duminatong na panganoron na nakatahob sainda. Natakot sinda sa laog
kan panganoron, asin hale sa panganoron sarong tingog nagsabi: "Ini an
sakuyang Aki, sakuyang Pinili: Himatea nindo siya." Pakataram kan
tingog, si Jesus na sana an saindang nahiling. An mga disipulos dai
nagtaram, dai ipinag-osip sa kiisay man an saindang nahiling sa oras na
idto.
IKATOLONG DOMINGO NIN CUARESMA

Ciclo А
Enot na Babasahon Exodo 17:3-7
Pagbasa sa Libro nin Exodo
Sa saindang pagkapaha, an mga tao nagngorob-ngorob laban ki Moises:

"Tadaw ta ilinuwas mo kami sa Egipto? Gagadanon mo kami sa paha?
Kami asin an samong mga aki patin mga hayop? Huli kaini si Moises
nagsabi sa Kagurangnan: "Ano an dapat kong gibohon sa mga tawong ini?
Kun pahalaton sinda tibaad gapoon ako." An Kagurangnan nagsabi ki
Moises: "Umagi ka sa atubang kan banwaan. Ipag-iba mo an nagkapira sa
mga gurang sa Israel. Daraha an sugkod na ipinukol mo sa Nilo asin
paduman. Uya, matindog ako sa atubang mo duman sa gapo sa Horeb.
Pukulon mo an gapo asin mabulos an tubig na inomon kan banwaan."
Siring an ginibo ni Moises sa atubang kan mga gurang na Israel. An lugar
na idto nginaranan Massa asin Meriba huli ta sa pagngorob-ngorob kan
mga Israelitas asin huli ta sinugutan ninda an Kagurangnan, kan sinabi
ninda: "Uya daw sa satuya an Kagurangnan o dai?"

S. Kun ngonian madangog nindo an Kagurangnan, hare pagpatagasa an
puso nindo.
Madya, mag-awit sa Kagurangnan;

Ipag-ogma niato an gapo nin satong kaligtasan.
Madya, magpasalamat kita sa saiyang atubang,
Magpasalamat asin mag-awit nin kaomawan.

puso nindo.
Madya, magsamba kita asin lumuhod;

Lumuhod sa Kagurangnan sa satong Kaglalang:
Siya an satuyang Dios, Kita an banwaan na saiyang tinubos.

puso nindo.
Dangogon nindo an saiyang tingog;

Hare pagpatagasa an saindong puso,
Arog duman sa Meriba asin sa Massa sa lantad,
Kan ako pinagsugotan kan saindong mga magurang.
S. Kun ngonian madangog nindo an Kagurangnan hare pagpatagasa an

puso nindo.
Ikaduwang Babasahon Roma 5:1-2.5-8

Kaya huli ki Jesucristong Kagurangnan ta sa bagsik kan pagtubod, kita
nagin matanos; kita nagmatoninong sa Dios. Huli ki Jesus sa bagsik kan
pagtubod, kita nakalaog sa kamugtakan na ini nin gracia na kita naoogma
sa paglaom na makamtan ta an kamurawayan nin Dios. Asin an paglaom
dai nagdadaya huli ta an pagkamoot nin Dios iwinaras sa satuyang mga
puso kan Espiritu Santo na itinao sato. Mga maluya pa kita, kan sa takdang
panahon, si Cristo nagadan huli sa mga tawong parakasala. Totoong
masakit na magpagadan huli sana sa tawong marhay: alagad maogmang
magpagadan, kun para sa tawong tunay na maninigo. Alagad an
nagpapatotoo na an Dios namomoot sato iyo na si Cristo nagadan mantang
yaon pa kita sa kasalan.
Verso Juan 4:42.15

Kagurangnan ika an Paratubos nin kinaban; buhay na tubig itao
mo sakuya, tanganing sagkod pa man dai na ako mapaha.
Evangelio Juan 4:5-42 o 4:5-15.19-26.39.40-42
✠ Pagbasa kan Banal na Evangelio sosog ki San Juan
Si Jesus kaipohan na mag-agi sa Samaria asin siya nakaabot sa sarong

banwa na ngangaran Sicar, harani sa daga na itinao ni Jacob. Si Jesus, pagal
sa pagbabaklay, nagtukaw sa gilid kan bubon. Asin kaudtohan na gayo.
Sarong babae na taga-Samaria duminatong sa pagsakdo, asin si Jesus
nagsabi saiya: Painoma ako. (An mga disipulos nagpabanwa sa pagbakal
nin kakanon). An Samaritana nagsabi: "Judio ka, asin ako Samaritana
tadaw ta minahagad ka sako na painomon taka?” (An mga Judio asin
Samaritano dai nagtitirinohan). Si Jesus nagsimbag: "Kun maaraman mo an
balaog nin Dios asin kun susay an naghahagad na painomon mo, ika
mahagad saiya asin ipapainom saimo tubig na buhay." An babae naghapot:
"Kagurangnan, dai ka nin isasakdo asin hararom an bobon, saen ka makua
nin tubig na buhay? Dakula ka pa sa samong ama na si Jacob na nagtao
samo kan bubon na ini, na pinag-inoman niya nin saiyang mga aki asin
mga hayop?" Si Jesus nagsimbag: “An minainom kan tubig na ini
mapapaha giraray, alagad an minainom kan tubig na sakuyang itatao, dai
na mapapaha sagkod sa buhay na daing kasagkoran.” An babae nagsabi:
“Kagurangnan, tawi ako kan tubig na iyan, tanganing dai na ako mapaha
asin dai na magdigdi sa pagsakdo. Kagurangnan, nahihiling ko na ika
sarong profeta An samong mga magurang nagsamba sa Dios sa bukid na
ini; alagad ika nagsasabi na an lugar na dapat pagsambahan saiya iyo an
Jerusalem.” Si Jesus nagsabi: “Magtubod ka sako, babae. Harani na an oras
na kamo masamba sa Ama bakong sa bukid na ini ni sa Jerusalem. Kamo
nagsasamba sa dai nindo midbid; midbid mi an samong sinasamba, huli ta
an kaligtasan hale sa mga Judio. Harani na an oras na an mga tunay na
parasamba magsasamba sa Dios sa espiritu asin katotoohan; huli ta
hinahanap nin Ama an mga siring na parasamba. An Dios Espiritu, asin an
mga nagsasamba saiya dapat na magsamba sa espiritu asin katotoohan."
An babae nagsabi: “Aram ko na madatong an Mesias, an Cristo: pagdatong
niya an gabos ipapaliwanag niya samo." Si Jesus nagsimbag "Ako iyan, ako
na nakikipag-olay saimo." Dakul na mga Samaritano sa banwang idto
nagtubod saiya huli ta an babae nagsabi: “Sinabi niya sako an gabos kong
naginibo." Kaya, pag-abot kan mga Samaritano, nakimaherak na
magpawalat siya sainda, asin nagpawalat duman nin duwang aldaw. Orog
na nagdakul an nagtubod huli kan saiyang sinabi sainda, asin nagsabi
sinda sa babae: "Kami nagtutubod bako na huli kan saimong inosip;
nadangog mi asin aram mi na siya tunay na iyo an paratubos nin kinaban.”

Ciclo B
Enot na Babasahon Exodo 20:1-17 o 20:1-3.7-8.12-17
Ini an mga tugon na itinao nin Dios. Sinabi niya: "Ako an Kagurangnan na
saimong Dios. Kinua taka hale sa daga nin Egipto, hale sa harong nin
kaoripnan. Dai nin ibang mga dios kundi Ako sana. Dai mo pagbasang-
basangon an ngaran nin Kagurangnan na saimong Dios, huli ta
binubusong nin Kagurangnan an nagbabasang-basang kan saiyang ngaran.
Giromdoma an aldaw na Sabado asin saimong ipaglehe. Galangan mo an
saimong ama asin ina tanganing mapasaimo an halawig na buhay sa daga
na itatao saimo nin Kagurangnan na saimong Dios Dai ka manggadan. Dai
ka magdurog sa bako mong agom. Dai ka maghabon. Dai ka magsaksi nin
putik sa kapwa mo tawo. Dai ka maara sa harong nin saimong kapwa. Dai
ka maara sa agom nin saimong kapwa, sa saiyang surugoon na lalaki o
babae; sa saiyang baka o asno, o sa anoman na rogaring niya.”
Salmo-Responsorio Salmo
19:8.9.10.11
S. Yaon saimo Kagurangnan, an mga tataramon nin buhay na daing

kasagkoran.
An tugon nin Kagurang marahayon:
nagtataong buhay sa kalag.
An tugon nin Kagurangnan mapapaniwalaan nagtataong
kadonongan sa mapakumbaba.

kasagkoran.
An mga pagboot nin Kagurangnan tama:

nagtataong kaogmahan sa puso.
An tugon nin Kagurangnan maliwanag:
nagtataong ilaw sa mga mata.

kasagkoran.
Banal an may pagkatakot sa Kagurangnan:

nagdadanay sagkod pa man.
Totoo an mga pagboot nin Kagurangnan:
matanos an gabos na iyan.

kasagkoran.
Orog na pagmawoton kisa bulawan,

kisa pinakapinong bulawan,
orog na mahamis kisa dugus,
dugus na gikan sa anira.

kasagkoran.
Ikaduwang Babasahon 1 Corinto 1:22-25
Pagbasa sa Enot na Surat ni San Pablo sa mga taga-Corinto

Mantang mga milagro an hagad kan mga Judio asin kadonongan an hagad
kan mga Griego, satuyang ipinagrorokyaw si Cristo na ipinako sa cruz
singkogan para sa mga Judio, karungawan para sa mga Pagano: alagad
para sa mga inaapod, Judio asin Griego, si Cristo iyo an kapangyarihan
asin kadonongan nin Dios. Huli ta an kadonongan nin Dios orog na
madonong kisa kadonongan nin mga tawo, asin an kaluyahan nin Dios
orog na makusog kisa kusog nin mga tawo.
Verso Juan 3:16 (o hilingon an n.

224)
An Dios namoot na gayo sa kinaban, kaya itinao niya an saiyang
Bugtong na Aki tanganing an nagtutubod saiya magkamit kan
buhay na daing kasagkoran.
Evangelio Juan 2:13-

25
Harani na an pasko kan mga Judio, kaya si Jesus nagtukad sa Jerusalem.

Naabtan sa simbahan an mga nagpapabakal nin mga baka, kamero asin
salampati; yaon duman an mga pararibay nin kuwarta. Naggibo nin
pamakol na pisi asin pinaluwas sinda gabos sa simbahan sagkod kan mga
karnero asin baka, inola an mga kuwarta asin tinumba an mga lamesa kan
mga pararibay. Sa mga paratinda nin salampati nagsabi: Halea nindo iyan;
an harong nin sakuyang Ama dai nindo paggibohon na tindahan.
Naromdoman kan saiyang mga disipulos an nasasabi sa kasuratan:
"Tutunawon ako kan pagkamoot sa saimong harong". Pagkahiling kaini an
mga Judio naghapot: Ano an saimong tanda sa paggibo nin siring kaini? Si
Jesus nagsimbag: An simbahan na ini rompagon asin sa ikatolong aldaw
sakuyang papatindogon. An mga Judio nagsabi: Apat na polo may anom
na taon pinatindog mi an simbahan na ini, asin papatindogon mo sa laog
nin tolong aldaw? An simbahan na sinasabi ni Jesuis iyo an saiyang hawak.
Kan siya nabuhay-liwat, naromdoman kan mga disipulos an sinabi niya:
nagtubod sinda sa kasuratan asin sa mga tataramon na ini ni Jesus Kan siya
na sa Jerusalem huli kan Pasko, dakul an nagtubod saiya pagkahiling kan
mga tanda na saiyang ginibo. Sinda gabos midbid ni Jesus, alagad dai siya
naniniwala sainda. Dai siya napag-osipan dapit sa tawo, huli ta aram niya
kun ano an nasa isip nin tawo.

C
Enot na Babasahon Exodo 3:1-8.13-15
Si Moises nagbantay kan mga karnero ni Jetro na saiyang panugangan,

padi sa Madian. Dinara niya an mga kamero sa ibong kan kadlagan asin
nakaabot sa Horeb, bukid nin Dios. An angel nin Kagurangnan
nagpahiling saiya sa laad kan kalayo sa tahaw kan sadit na kahoy.
Nahiling ni Moises na an kahoy naglalaad, alagad dai napupuspos.
"Maduman ako", olay niya, asin hihilingon ko kun tadaw ta an kahoy dai
natututong". Kan mahiling nin Kagurangnan na si Moises nagduman,
inapod nin Dios hale sa kahoy: "Moises, Moises!" "Uya, po," simbag ni
Moises. Dangan sinabihan: "Dai ka magrani: halea an sapin sa saimong
bitis, banal an daga na saimong natitindogan. Ako an Dios nin saimong
ama, Dios ni Abraham, Dios ni Isaac asin Dios ni Jacob." Tinakpan ni
Moises an saiyang lalawgon: natakot siyang nagtingkalag sa Dios. Dangan
an Kagurangnan nagsabi: "Nahiling ko an pagtios nin sakong banwaan sa
Egipto: sakong nadangog an saindang inagrangay, aram ko an sakong mga
kasakitan, asin napadigdi ako sa pagligtas sainda sa kamot nin mga taga-
Egipto asin sa pagdara sainda hale sa Egipto pasiring sa daga na mayaman
asin mahiwas: daga na naglalangoy sa gatas asin tangguli. Dangan si
Moises nagsabi sa Dios: "Kun dumanon ko an banwaan nin Israel asin
sabihon ko sainda, asin kun sinda maghapot "Ano an saiyang ngaran? Ano
an isisimbag ko sainda?" An Dios nagsabi ki Moises:" Ako iyo Ako. Ini an
sabihon mo sa banwaan nin Israel. Ako iyo an nagsugo sako saindo."
Sinabi man nin Dios ki Moises: "Ini an sabihon mo sa banwaan nin Israel:
An Kagurangnan nin saindong mga magurang, an Dios ni Isaac, Dios ni
Jacob iyo an nagsugo sako saindo. Ini an ngaran ko sagkod pa man: sa
ngaran na ini ako gigiromdomon nin gabos na kapag-arakian.
Salmo-Responsorio Salmo 103:1-2.3-4.6-7.8.11

S. An Kagurangnan marahayon asin maheherakon.
Kalag ko, magpasalamat ka sa Kagurangnan,

gabos na uya sako, omawon an saiyang ngaran.
Kalag ko, magpasalamat ka sa Kagurangnan,
an gabos niyang balaog dai mo paglingawan.
Pinapatawad niya an gabos mong kasalan,

binubulong niya an gabos mong helang,
an buhay mo inaagaw niya sa lulubngan,
ika saiyang namomotan asin naheherakan.
Katanosan ginigibo nin Kagurangnan,

sinusurog niya an gabos na pinapasakitan,
An saiyang dalan ipinahayag niya ki Moises
asin sa mga taga-Israel an saiyang mga gibo.
Ikaduwang Babasahon 1 Corinto 10:1-6.10-

12
Mga tugang, boot kong romdomon nindo ini: an satong mga magurang
gabos nagsunod sa panganoron na nakakalindong sainda asin gabos nag-
agi sa dagat. Sinda gabos binonyagan ni Moises duman sa panganoron asin
duman sa dagat sinda gabos nagkakan kan kakanon na espiritual, asin
sinda gabos nag-inom kan inomon na spiritual huli ta sinda gabos nag-
inom sa yapong spiritual na nagsubaybay sa sainda: gapo na iyo si Cristo
alagad kadaklan sa sainda dai nagustohan nin Dios: asin an saindang mga
bangkay nagkahurutan sa lantad. Ini gabos nangyari bilang patanid para sa
sato, na dai kita maara sa maraot arog sainda. Dai kamo maggurumod-
gumod siring kan ginibo nin nagkapira saindo asin ginadan sinda kan
Paragadan. Ini gabos nangyari sa sainda bilang patanid, asin ini sinurat
tanganing adalan ta na mga nabubuhay sa kataposan kan mga panahon.
Verso Mateo 4:17 (o hilingon an n.

224)
Olay nin Kagurangnan: "Magsolsol kamo ta harani na an kahadean
nin langit."

9
Sa oras na idto may nagkapirang duminatong, inosip ki Jesus na isinalak ni

Pilato an dugo kan mga taga-Galilea sa dugo kan mga atang na idinodolot
ninda. Si Jesus nagsabi sainda: "Sa paghona nindo an mga taga-Galileang
idto orog na mga parakasala ki sa iba, huli ta siring an saindang
pagkagadan? Bako. Sinasabi ko saindo, na kun kamo dai magsolsol, kamo
siring man kaiyan magkakagaradan. Idtong sampolo may walo na
nagadan, nagabaan kan torre sa Siloe: sa paghona nindo, orog sindang may
kasalan ki sa ibang mga taga-Jerusalem? Bako, sinasabi ko saindo; asin kun
kamo dai magsolsol, kamo man gabos siring magkakagaradan Asin
idinagdag ining parabola: "Sarong lalaki may baligang na ipinatanom sa
saiyang oma, naghahanap nin bunga asin daing nakua. Dangan nagsabi sa
nagtanom: "Nahiling mo: tolong taon na ako nin pagparadigdi sa
paghanap nin bungn sa baligang na ini asin dai akong nakukua. Paluda. Sa
anong pakinabang an daga na saiyang ginagamit?' Alagad an nagtanom
nagsabi: 'Kagurangnan, bayaan mo ngona sa taon na ini; sakuyang
gugudakon asin bubugtakan nin abuno, kun dai, paludon.’”
Marahay na Bareta kan Kagurangnan

IKA-APAT NA DOMINGO NIN CUARESMA
Ciclo A
Enot na Babasahon 1 Samuel 16:1.6-7.10-13
Pagbasa sa Enot na Libro ni Samuel
An Kagurangnan nagsabi ki Samuel: "Panoa nin lana an sungay asin

paduman: sinusugo taka ki Jesse na taga-Belen, huli ta sa saiyang mga aki
nagpili ako nin saro na magin hade." Pag-abot niya duman, nahiling niya si
Elias asin nagsaboot: "Totoo na an linahidan nin Kagurangnan yaon
duman sa atubang niya." Alagad an Kagurangnan nagsabi ki Samuel: "Dai
ka maghiling sa saiyang lalawgon o langkaw, huli ta habo ako saiya. An
paghiling nin Kagurangnan bakong siring kan paghiling nin tawo.
Nahihiling nin tawo an lalawgon sana; alagad nahihiling nin kagurangnan
an puso." Ipinamidbid ni Isai ki Samuel an saiyang pitong aking lalaki
alagad si Samuel nagsabi ki Isai: "Bakong an mga ini an pinili nin
Kagurangnan." Asin si Samuel nagsabi: "Ano uya digdi an gabos mong
aki?" Si Isai nagsimbag: "Igwa pang saro: an kangudhi sa gabos: Siya
nagpapasabsab kan mga camero." Si Samuel nagsabi ki Isai: "Padigdiha.
Dai kita makakan sagkod dai siya mag-abot." Pinaapod asin pinalaog.
Mapula an saiyang pisngi, bulaw an mga mata, asin magayon an tindog.
An Kagurangnan nagsabi: "Ini an sakong pinili, lahidan mo siya." Tolos
kinua ni Samuel an sungay na pano nin lana asin linahidan sa atubang nin
saiyang mga tugang, asin an Espiritu nin Kagurangnan huminilig ki David
poon kan aldaw na idto.
Salmo-Responsorio Salmo 23:1-3.3-4.5.6

S. An Kagurangnan sakuyang Pastor dai nin anoman na magkukulang
sako.
An Kagurangnan Pastor: Dai nin anoman na magkukulang sakuya,

Dinara niya ako sa mga verdeng sabsaban;
Pinapakusog niya an sakuyang kalag sa tampi
nin mga tubig na malinaw.

sako.
Dinadara niya ako sa dalan nin katanosan Huli kan saiyang

ngaran;
Minsan ako maglakaw sa anino nin kagadanan,
Dai ako nin matatakotan huli ta ika uya sako.

sako.
Sarong lamesa inandam mo para sako

Sa atubang nin sakuyang mga kaiwal;
Linahidan mo nin lana an sakuyang payo,
An sakuyang baso nagsusupay.

sako.
Karahayan asin pagkaherak iwinaras sako

sa gabos na aldaw nin sakuyang buhay;
Mag-eerok ako sa harong nin Kagurangnan
sa panahon na daing kasagkoran.

sako
Ikaduwang Babasahon Efeso 5:8-
14
Pagbasa sa Surat ni San Pablo sa mga taga-Efeso
Kamo kaidto kadikloman, alagad ngonian kamo liwanag sa Kagurangnan.

Mabuhay kamo siring sa mga aki nin liwanag, huli ta an mga ibinubunga
kan liwanag mahihiling sa marahay asin matanos na pagkabuhay asin sa
katotoohan. Hanapa kun ano an kagustohan nin Kagurangnan. Dai nindo
pagpakiaraman an mga daing halagang gibo nin kadikloman, kundi
ipahayag nindo an mga iyan. An mga bagay na ginigibo sa hilom iyo
idtong mga bagay na ikinakasupog na sabihon; alagad an ipinapahayag
kan liwanag maiilawan asin nagigin liwanag. Kaya nasasabi: Magmata sa
saimong pagkakaturog, bumangon ka sa mga gadan: asin ika
maliliwanagan ni Cristo.

Verso Juan 8:12
Ako an liwanag nin kinaban, olay nin Kagurangnan, an minatubod

sako magkakaigwa kan liwanag nin buhay.
Evangelio Juan 9:1-41 o 9:1.6-9.13-17.34-38
Mantang naglalakaw si Jesus, nahiling niya an sarong lalaking namundag

na buta Dangan naglutab sa daga, sa ilinutab naggibo nin laboy na ilinahid
sa mga mata kan buta asin sinabihan: “Paduman, maghugas ka sa tangke
nin Siloe (boot sabihon "Simugo")." An buta nagduman, naghugas asin
nagbalik nakahiling na. An mga katood asin an mga tawo na kaidto
nahiling siya na nakikilimos naghapot: "Bakong siya idto na nagtutukaw
na nakikilimos?" May nagsabi: "Opo. Siya idto." Alagad, an iba nagsabi:
“Bako, kundi sarong nakaomagid saiya." Siya nagsimbag: "Iyo ako." An
lalaki na kaidto buta dinara sa mga fariseos. An mga fariseos naghapot kun
paano na siya nakahiling giraray. Sinimbag niya sinda: "Linahidan niya nin
laboy an sakong mga mata, ako naghugas asin ako nakahiling na." An mga
fariseos nagsabi: “An tawong iyan dai naglelehe kun sabado: bako siyang
hale sa Dios." Alagad an iba nagsabi: "Papaanohon nin sarong parakasala
an paggibo nin siring na milagro?" Dai sinda nagkaoroyon. Giraray
hinapot an buta: "Binuksan niya an saimong mga mata Ano an paghona
mo dapit saiya?" Sinimbag: "Sa paghona ko siya sarong profeta." Nagsabi
sainda: "Ika bulanos na namundag sa kasalan, ika nangangahas na
magtukdo samo?" Asin pinahale ninda. Naisihan ni Jesus na pinahale siya:
Hinanap asin hinapot: "Minatubod ka sa aki nin Tawo?" Nagsimbag:
“Siisay siya, Kagurangnan, nganing tubodon ko?” Si Jesus nagsabi: “Siya
nahiling mo, siya nakikiolay saimo." Nagsabi: "Minatubod ako,
Kagurangnan. Asin luminuhod sa pamitisan niya."

Ciclo B
Enot na babasahon 2 Cronica 36:14-17.19-

23
Pagbasa sa Ikaduwang Libro nin mga Cronica
Tambak-tambak an mga kasombikalan na naginibo kan mga prinsipe sa

Juda, kan mga padi asin kan banwaan. Inarog ninda an mga makasusupog
na gibo kan mga pagano: pinagdigtaan ninda an templo na ikinonsagra nin
Kagurangnan para duman sa Jerusalem. An Kagurangnan, Dios nin
saindang mga magurang, daing untok na nagsugo nin mga surugoon sa
sainda, huli ta boot patawadon an saiyang banwaan asin an saiyang
harong. Alagad pinag-ulog-ulog ninda an mga sinugo nin Dios,
pinagbasang-basang an saiyang mga tataramon, pinagngisihan ninda an
saiyang mga profeta sagkod na an kaanggotan nin Kagurangnan nag-init
laban sa saiyang banwaan, kaanggotan na daina mapupugol. Sinulo nin
mga Caldeo an templo nin Dios, rinumpag an mga paril sa Jerusalem,
pinakalayohan an gabos na mga palacio, rinunot an gabos na bagay-bagay
na may halaga. An mga dai nagadan isinubol ni Nebukadnesar sa
Babilonia: Duman sinda naglingkod saiya asin sa saiyang mga aki sagkod
na sinda masakopan kan kahadean nin Persia. Digdi nautoban an
ipinagtaram nin Kagurangnan ki Jeremias: sagkod na mabawi kan dagang
ini an saiyang nawarang sabado, sagkod na makalihisan pitong polong
taon, saiyang ipinaglelehe an sabado sa gabos na aldaw nin pagkabihag
saiya. Kan enot na taon ni Ciro, hade sa Persia, tanganing mautob an
ipinagtaram nin Kagurangnan ki Jeremias, pinukaw nin Kagurangnan an
espiritu ni Ciro asin pinagibo nin surat na ipinaharubay sa bilog na
kahadean "Uya an tataramon ni Ciro hale sa Persia. Itinao sako nin
Kagurangnan, Dios nin langit, an gabos na kahadean sa daga: tinugon niya
ako na igibo ko siya nin templo sa Jerusalem sa Juda. An siisay man saindo
na kaayon sa saiyang banwaan, mapapasaiya an saiyang Dios. Tinugon
niyang pumaduman."
Salmo-Responsorio Salmo 137:1-2.3.4-5.6
S. An sakuyang dila dai makataram, kun ika sakuyang malingawan.
Sa tampi kan mga salog sa Babilonia,

Kami nagturukaw asin nagtarangis
Samong ginigiromdom an Sion.
Sa mga sanga kan mga kahoy duman
Binitay mi an samong mga arpa.
S. An sakuyang dila dai makataram, kun ika sakuyang malingawan
Huli ta duman hinagad ninda samo

Na awitan mi an mga nagbihag samo.
Olay ninda, "Awiton nindo samo
An saro sa mga awit sa Sion."
O pano ming maaawit an awit nin Kagurangnan,

Kun kami uya sa dagang dayuhan?
Jerusalem, kun ika malingawan ko.
Maalang lugod an too kong kamot.
Dumukot lugod an dila sa ngoso ko,

Kun ika dai ko magiromdoman;
Kun an Jerusalem dai ko ibilang
Sa pinaorog kong kaogmahan.

Ikaduwang Babasahon Efeso 2:4-
10
Pagbasa sa Surat ni San Pablo sa mga taga-Efeso
An Dios mayaman sa pagkaherak: kanigoan na gayo an saiyang

pagkamoot sato: kan kita gadan huli kan satong mga kasalan, binuhay niya
kita ki Cristo Huli kaining gracia, kamo ilinigtas. Binangon niya kita asin
pinatukaw sa kalangitan, kaiba niya, diyan ki Cristo Jesus. Ini ginibo
tanganing ikapahiling sa mga maabot na panahon, huli kan saiyang
karahayan para sa sato diyan ki Cristo Jesus, an daing sukol na kayamanan
nin saiyang gracia. Sa bagsik kan saiyang gracia, kamo ilinigtas huli sa
pagtubod; bakong huli sa anoman na balaog na hale sa Dios; bakong huli
sa anoman na gibo nindo, tanganing mayo nin makapagpaabaw-abaw.
Kita ginibo nin Dios; linalang diyan ki Cristo Jesus para sa mga gibong
karahayan. Poon sa kapinonan binoot na kita mabuhay sa mga gibong
Karahayan.

Verso Juan 3:16
Huli ta namoot na gayo an Dios sa Kinaban kaya itinao niya an

saiyang bugtong na Aki, tanganing an siisay man na magtubod
saiya dai magadan kindi magkamit nin buhay na daing kataposan.
Evangelio Juan 3:14-21
Si Jesus nagsabi ki Nicodemo: “Duman sa lantad an halas initaas ni Moises,

siring man an Aki nin Tawo iitaas, tanganing an gabos na nagtutubod
saiya, magkaigwa nin buhay na daing kasagkoran. An Dios namoot na
gayo sa kinaban, kaya itinao niya an saiyang Bugtong na Aki, tanganing an
nagtutubod saiya dai mawara kundi magkamit kan buhay na daing
kasagkoran. Huli ta sinugo nin Dios an saiyang Aki sa kinaban, bako sa
paghukom, kundi tanganing an kinaban, huli saiya, makaligtas An
nagtutubod saiya, dai pinaghuhukoman; alagad an dai minatubod,
pinaghuhukoman na, huli ta habong magtubod sa ngaran kan Bugtong na
Aki nin Dios. An paghukom iyo an liwanag na napadigdi sa kinaban,
alagad an mga tawo namoot sa kadikloman orog kisa liwanag huli ta
maraot an saindang mga gibo. An naggigibo nin maraot minadulag sa
liwanag natatakot na maliwanagan an saiyang mga gibo. Alagad an
minagibo susog sa katotoohan minarani sa liwanag tanganing mahiling an
saiyang mga gibo, huli ta an mga ginibo susog sa kabotan nin Dios.

Ciclo C
Enot na Babasahon Josue 5:9.10-12
Pagbasa sa Libro ni Josue
An Kagurangnan nagsabi ki Josue: "Ngonian hinale ko saindo an

kasupugan na tinios nindo duman sa Egipto". Kan an Israelitas na sa
Gilgal, inutob ninda an pasko na ikakag-apat na aldaw kan bulan
pagkabanggi duman sa kapatagan sa Jerico. Pagkaaga, pakatapos kan
pasko, kan aldaw man sanang idto, kinakan ninda an mga bunga kan daga:
mga tinapay na daing lebadura asin tinutong na mais, an manna
tuminunong poon na sinda nagkakan kan mga bunga nin daga. Huli ta
mayo nang manna, an mga Israelitas nagkakan kan hale sa daga kan
Canaan, poon kan taon na idto.

S. Namiti asin hilnga: an Kagurangnan marahayon.
Oomawon ko an Kagurangnan sa gabos na panahon,

An saiyang kaomawan danay na uya sa sakong ngoso.
An Kagurangnan ipag-oogma nin sakong kalag,
An mga mapakumbaba mahimate asin maoogma.
Ipagrokyaw niato an Kagurangnan,

Burunyog na ipagrokyaw niato an saiyang ngaran.
Hinanap ko an Kagurangnan asin dinangog ako;
Sa gabos kong pagkatakot ilinigtas ako.
Maghiling kamo saiya asin kamo maliwanag,

Dai masupog an saindong lalawgon.
An dukha nag-apod; dinangog nin Kagurangnan,
Asin ilinigtas sa gabos na kahorasaan.

Ikaduwang Babasahon 2 Corinto 5:17-
21
Pagbasa sa Ikaduwang Surat ni San Pablo sa mga taga-Corinto
An sisay man na yaon ki Cristo, siya sarong bagong linalang: lihis na an

daan, ngonian bago na an gabos. Ini gabos gibo nin Dios: ibinalik kita nin
Dios sa saiya huli ki Cristo, asin itinao sato an ministerio nin pakikipag-
olian Huli ta ki Cristo an kinaban ibinalik nin Dios sa saiya, dai sinala sa
sainda an saindang mga kasombikalan asin itinao sato an mensaje na kita
ibinalik na sa Dios. Kami mga sinugo ni Cristo: pinapaagi samo an
pakiolay nin Dios sa saindo. Sa ngaran ni Cristo sinasabihan mi kamo:
makipag-olian kamo sa Dios. An daing kasalan ginibong kasalan huli sato,
tanganing sa saiya kita maging katanosan nin Dios.

Verso
Mabangon ako, mapuli sa sakuyang Ama asin masabi ako saiya:

Ama, nagkasala ako sa Dios asin saimo.
Evangelio Lucas 15:1-3.11-

32
An mga publicano asin mga parakasala nagrani sa paghinanyog ki Jesus.

An mga fariseos asin mga escribas naggurumod-gumod na an sabi: "An
tawong ini nag-ako kan mga parakasala asin nagkakan sa kaibahan ninda."
Kaya, inosip ni Jesus sa sainda ining parabola. Sarong lalaki igwa nin
duwang aki. An nguhod nagsabi sa saiyang ama: "Ama, tawan sako an
kabtang kan pamana na manonongod sako." Binanga kan ama an mga
rogaring sa sainda.
Pagkalihis nin nagkapirang aldaw, tinipon kan nguhod an gabos na

nanonongod saiya, naglakbay sa harayo asin duman ginamit an saiyang
rogaring sa maraot na pamumuhay. Kan ubos na, nagkaigwa nin makuring
gutom asin nagpoon siyang makamate nin pangangaipo. Nagdolok siya
asin nagpatandan sa sarong taga-duman: isinubol siya na maglate asin
magbahog kan mga orig. An ipinagbabahog sa mga orig iyoan saiyang
kinakakan; huli ta mayo nin minatao nin kakanon sa saiya. Ini saiyang
napag-isip-isip asin nagsabi: “Pira sa mga surugoon nin sakuyang ama
may tinapay na labi pa sa kaipuhan ninda, mantang ako digdi nagagadan
sa gutom. Mabangon ako, mapuli sa sakuyang ama asin masabi ako saiya:
Ama, nagkasala ako saimo, dai ako maninigo na apodon pang aki mo:
giboha akong saro na lamang sa saimong mga surugoon."
Dangan nagbangon asin nagpuli sa harong nin saiyang ama: harayo pa
nahiling na kan ama asin naglumoy an puso. Duminalagan, kinugos an aki
asin hinadokan. An aki nagsabi: "Ama, nagkasala ako saimo, dai ako
maninigo na apodon pang aki mo." Alagad an Ama nagtugon sa mga
surugoon: "Luwasan an pinakamagayon na gubing asin isulot
saiya; an muro singsingan asin an mga bitis sapinan; kuaha an pinatabang
baka asin bunoon: magkakan asin mag-ogma, huli ta ining sakuyang aki
nagadan asin nabuhay giraray, nawara asin nagbalik giraray." Asin
saindang ipinag-ogma. An tugang na matua yaon sa oma. Pagpuli, kan
harani na sa harong, nadangog an tugtog asin sarayaw, ipinaapod an saro
sa mga surugoon asin hinapot kun ano an nangyari. Sinimbag: "Nagpuli an
saimong tugang asin an pinatabang baka pinabuno kan saimong ama, huli
ta an saiyang aki nakabalik na marhay asin buhay." An tugang na matua
naanggot alagad an ama nagluwas asin kinaolay: An aki nagsimbag:
"Hilnga, sa halawig na panahon na ako naglingkod saimo asin dai ko
linapas ni saro man lamang kan saimong pagboot dai mo ako tinawan ni
sarong kanding na sakuyang ikapag-ogma sa kaibahan kan sakong mga
katood: alagad pag-abot kaining saimong aki na nagpatunaw kan saimong
sadiri sa mga maraot na babae, an pinatabang baka pinabuno mo para
saiya." An Ama nagsabi saiya: "Aki ko, ika danay na uya sako; an gabos na
sakuya saimo. Alagad matanos asin maninigo na satong ipag-ogma, huli ta
ining saimong tugang nagadan asin nabuhay giraray."

IKALIMANG DOMINGO NIN CUARESMA
Ciclo A
Enot na Babasahon Ezekiel 37:12-

14
Pagbasa sa Libro ni Profeta Ezekiel
Ini an sabi nin Dios na Kagurangnan: "Uya bubukasan ko an saindong mga

lubongan asin babagonon ko kamo sa mga lubongan. O banwaan ko
papapulion ko kamo sa daga nin Israel. Maaaraman nindo na ako an
Kagurangnan, kun bubukasan ko an saindong mga lubongan asin
babangonon ko kamo sa saindong lubongan banwaan ko asin an sakuyang
espiritu itatao ko saindo asin mabubuhay kamo, asin ibubugtak ko kamo sa
saindong sadiring daga. Dangan maaaraman nindo na ako saindong
Kagurangnan, nagtaram asin naggibo kaiyan."

Salmo-Responsorio Salmo 130:1-2.3-4.5-6.7-8
S. Yaon sa Kagurangnan an pagkaherak asin kaligtasan.
Hale sa kairaroman minaagrangay ako saimo, Kagurangnan.

Kagurangnan, hinanyoga an sakong pamibi!
Pakihinanyoga kan saimong talinga An tingog nin sakong mga
pakimaherak.
Kagurangnan, kun tandaan mo an mga karatan,

Siisay, Kagurangnan, an makakatagal?
Alagad an kapatawaran yaon saimo,
Huli kaiyan ika samuyang ginagalangan.
Naghahalat ako sa Kagurangnan,

An sakong kalag naghahalat sa Kagurangnan,
Siring sa bantay na naghahalat sa kaagahan.
O Israel, magsarig ka sa Kagurangnan.
S. Yaon sa Kagurangnan an pagkaherak asin kaligtasan
Yaon, sa Kagurangnan an pagkaherak, asin an bilog na kaligtasan:

An Israel saiyang ilinigtas sa gabos niyang kasombikalan.
S. Yaon sa Kagurangnan an pagkaherak asin kaligtasan

Ikaduwang Babasahon Roma 8:8-
11
An mga tawong makilaman dai ikinakaogma nin Dios. Alagad kamo

bakong makilaman kundi maki-espiritu, huli ta yaon sa saindo an Espiritu
nin Dios. Kun mayo saindo an Espiritu ni Cristo, bako kamong ki Cristo.
Kun si Cristo yaon saindo, minsan gadan an hawak huli sa kasalan, buhay
sa espiritu huli sa katanosan. Kun yaon sa saindo an Espiritu nin nagbuhay
liwat ki Jesucristo sa mga gadan, an nagbuhay liwat ki Cristo sa mga gadan
iyo an mataong buhay sa saindong mga hawak na magagadanon, sa bagsik
kan saiyang Espiritu na yaon sa saindo.

Verso Juan 11:25.26
Ako an buhay asin pagkabuhay-liwat, olay nin Kagurangnan. An

minatubod sako dai magagadan sagkod pa man.
Evangelio Juan 11:1-45 o 11:3-7.17.20-27.33-45
An duwang tugang na babae ni Lazarus nagpaisi ki Jesus, "Kagurangnan,

an saimong katood naghehelang." Si Jesus, pagkadangog kaini, nagsabi:
"An helang na ini bakong para sa kaomawan nin Dios, tanganing an Aki
nin Dios pag-omawon huli kaiyan." (Si Jesus ugos na katood ni Marta, ni
Maria asin ni Lazaro). Kan naisihan na naghehelang, nagpahalat pa nin
duwang aldaw dangan nagsabi sa mga disipulos: “Maduman giraray kita
sa Judea." Pag-abot ni Jesus, nahiling na si Lazaro apat na aldaw na sa
lolobongan. Kan madangog ni Marta na si Jesus nagdadangadang
luminuwas sa pagsabat saiya, mantang si Maria nagtutukaw sa laog kan
harong Si Marta nagsabi ki Jesus: "Kagurangnan, kun yaon ka digdi, dai
kutana nagadan an sakong tugang. Minsan siring aram ko na itatao nin
Dios an anoman na saimong hagadon saiya." Si Jesus nagsabi: “An
saimong tugang mabubuhay liwat sa huring aldaw." Si Jesus nagsabi saiya:
“Ako an pagkabuhay-liwat asin an buhay. An minatubod sako, minsan
gadan na, mabubuhay. An nabubuhay asin minatubod sako, dai
magagadan sagkod pa man. Minatubod ka kaini?”Sinimbag ni Marta: "Opo
Kagurangnan. Ako minatubod na ika an Mesias, an Aki nin Dios na
napadigdi sa kinaban." Pagkahiling nagtangis man, nahiro an saiyang puso
asin naghapot: "Saen nindo siya ilinobong?" Simbag ninda “Kagurangnan,
madya asin hilnga." Si Jesus nagtangis. An mga Judio nagsabi: "Hilnga,
kanigoan na gayo an pagkamoot niya saiya!" Alagad an iba sainda nagsabi:
“An nagbukas kan mga mata nin sarong buta, dai man daw niya mahimo
na ini dai magadan?" Si Jesus, giraray nahiro an saiyang puso,
nagpalulubngan ini sarong lungib na tinakopan nin gapo Si Jesus nagsabi:
"Halea nindo an gapo." Si Maria, tugang kan gadan, nagsabi:
"Kagurangnan, namamamarong na: apat na aldaw na siya gadan." Si Jesus
nagsabi giraray saiya: "Bakong sinabi ko saimo na kun ika may pagtubod,
mahihiling mo an kapangyarihan nin Dios?" Dangan hinale ninda an gapo.
Itiningkalag ni Jesus sa langit an saiyang mga mata asin nagsabi "Salamat
Ama, ta dinangog mo ako. Aram ko na danay mo akong dinadangog, ini
sinasabi ko huli sa mga tawo na uya sa palibot, tanganing magtubod sinda
na ako sinugo mo." Dangan sa makusog na tingog nagsabi: "Lazaro,
lumuwas ka!" An gadan luminuwas, an mga takyag asin bitis nagagapos
asin an lalawgon natatahoban kan tamong Si Jesus nagboot sainda:
"Hubadan nindo asin palakawon." Dakul na nagsungko ki Maria asin
nakahiling kan ginibo ni Jesus nagtubod saiya. Alagad nagkapira
nagduman sa mga fariseos asin inosip kun ano an ginibo ni Jesus.

Ciclo B
Enot na Babasahon Jeremias 31:31-34
Pagbasa sa Libro ni Profeta Jeremias
Madatong an mga aldaw, olay nin Kagurangnan, na ako makikipagtipan sa

harong nin Israel asin harong ni Juda. Bakong arog kan tipan na ginibo ko
sa saindang mga magurang kan aldaw na sinda sakong kinua asin ilinuwas
sa daga nin Egipto. Dai ninda inutob an sakong tipan, kaya ipinasabot ko
sainda kun siisay an Kagurangnan, olay nin Kagurangnan. Ini an tipan na
gigibohon ko sa harong ni Israel, olay nin Kagurangnan. Tudok sa puso
ninda ibubugtak ko an sakong Tugon: isusurat ko sa puso ninda. Ako
magigin saindang Dios asin sinda magigin sakuyang banwaan. Dai na
kaipohan na tukdoan ninda an saindang katood asin kapwa kun siisay an
Kagurangnan. Ako mamimidbid ninda gabos, sadit asin dakula, olay nin
Kagurangnan: papatawaron ko an saindang kasombikalan asin dai ko
gigiromdomon an saindang kasalan.

S. Pusong malinig lalanga sako, O Dios!
Kaheraki ako, O Dios huli ta ika maheherakon;

Paraa an sakong kasalan, huli ta ika maugayon.
Hugasi an maraot na sakong naginibo;
Asin sa sakong kasalan linigi ako:
Pusong malinig lalanga sako, O Dios!

Espiritung maimbod itao mo sako.
Hare ako pagsikwalan sa atubang mo;
hare paghalea sako an saimong banal na espiritu
Ibalik mo sako an kaogmahan nin saimong tabang;

Pakusoga ako kan espiritu nin kalodokan:
tanganing sa mga tampalasan ikatukdo ko an saimong dalan;
Asin magbalik-boot saimo an mga makasalan.

Ikaduwang Babasahon Hebreo 5:7-
9
Pagbasa sa Surat sa mga Hebreo
Kan panahon na si Cristo uya pa digdi sa daga, nagdolot siya nin mga
pamibi asin pakimaherak, sa makusog na tingog asin toninong na mga
luha, nagdolot sa may kapangyarihan na magligtas saiya sa kagadanan. An
saiyang pamibi dinangog huli kan saiyang magalang na kapakumbabaan.
Minsan ngani siya Aki nin Dios, alagad huli kan saiyang mga tinios,
nakanood siyang maging makinuyog-kuyog, asin huli ta marahayon an
saiyang ginibo, siya nagin burabod nin kaligtasan na daing kataposan para
sa gabos na nagsusunod saiya.

Verso Juan 12:26
An boot na maglingkod sako, olay nin Kagurangnan, sumunod

sako; asin kun haen ako, yaon man duman an naglilingkod sako.
Sa mga nagtukad sa Jerusalem sa pagsamba huli ta pintakasi, an nagkapira

mga Griego. An mga ini nagrani ki Felipe, na taga-Betsaida sa Galilea,
nagsabi. "Boot ming mahiling si Jesus." Dinolok ni Felipe si Andres; dangan
si Andres, kaiba si Felipe, nagdolok asin nagsabi ki Jesus. Si Jesus
nagsimbag: "Duminatong na an oras na an Aki nin Tawo
pagmumurawayon. Totoong sinasabi ko saindo: kun an banhi nin trigo dai
mahulog sa daga asin dai magadan, dai mabunga, alagad kun magadan,
mabunga nin dakul. An dayupot sa sadiring buhay, mawawara niya iyan;
an dai nagpapahalaga sa sadiring buhay, makakamtan niya iyan para sa
buhay na daing kataposan. An boot na maglingkod sako, sumunod sako,
asin kun haen ako, yaon man duman an naglilingkod sako. An
naglilingkod sako pag-oomawon nin sakuyang Ama. Ngonian narinibong
an kalag ko. Ano kaya an sakong sasabihon? Hagadon ko kaya sa Ama na
iligtas ako sa oras na ini? Dai, huli ta para sa oras na ini ako napadigdi
Ama, pamurawaya an saimong ngaran!” Dangan nadangog an sarong
tingog na hale sa langit: "Pinamuraway ko na, asin pamumurawayon ko
giraray iyan.” An mga tawo na yaon duman asin nakadangog nagsabi na
nagdalugdog, may nagsabi man na sarong angel an nagtaram. Si Jesus
nagpaliwanag na an sabi: "An tingog na iyan bakong para sako, kundi para
saindo. Ngonian minapoon an paghukom laban sa kinaban na ini, ngonian
an prinsipe kaining kinaban paluluwason. Alagad ako, kun ako ikaitaas na
sa daga, an gabos dadarahon ko sakuya." Sinabi niya ini tanganing
ikapasabot kun pano siya magagadan.

Ciclo C
Enot na Babasahon Isaias 43:16-21
Pagbasa sa Libro ni Profeta Isaias
Siring kaini an sinabi nin Kagurangnan na naggibo nin dalan sa dagat:

aagihan nin masulogon na mga tubig, Karro asin kalayo ibinugtak niya sa
daga, asin mat mapangyaring hukbo na napukan asin dai na mabangon
giraray napara, naparong siring sa metsa An nakaagi dai na kaipohan na
giromdomon; an ginibo kaidto dai na kaipohan na pag-isipon Uya, bagong
bagay an sakuyang ginigibo. Ngonian minapahiling ... dai nindo
nahihiling? Totoo, ako magibo nin dalan sa kadlagan, mga tinampo sa
lantad, mga mabangis na hayop, mga ganid na ayam asin mga gamgam
magalang sako, huli ta ako matao nin tubig sa kadaklan (mga salog sa
lantad). Papa-inomon ko an sakong piniling banwaan. An banwaan na
ginibo para sako mag-oomaw sa sako.

Salmo-Responsorio Salmo 126:1-2.2-3.4-5.6
S. Dakulang bagay ginibo sato nin Kagurangnan pano kita nin kaogmahan.
Kan an Sion ilinigtas nin Kagurangnan,

May mga ilinigtas hale sa kaoripnan,
Garo sarong pangaturogan.
May mga ngisi sa satong mga ngoso,
May mga awit sa satong mga dila.
Mga pagano nagsabi: "Anong mga ngangalasan

An ginibo nin Kagurangnan para sainda"
Mga ngangalasan ginibo sato nin Kagurangnan!
Kita tunay na pano nin kaogmahan.
Kagurangnan, ligtasan kami sa kaoripnan,

Siring sa mga burabod sa alang na daga.
An mga minasabwag sa luha,
Maawit mantang minaani sa ogma.
Sinda maluwas pano nin mga luha,

Dara an banhi na isasabwag;
Sinda mabalik pano nin mga awit.
Dara an saindang mga upong.
Ikaduwang Babasahon Filipos 3:8-14
An gabos na bagay pinaghohona kong daing pakinabang, tangani sanang

mamidbid ko si Cristo Jesus na sakuyang Kagurangnan, huli saiya
sakuyang inaako na daing pakilaban an gabos na bagay asin sakuya man
na ibinibilang na basura an gabos na bagay tangani sanang makamtan ko si
Cristo, asin ako mapasaiya. Dai ko na hinahanap an katanosan sa bagsik
kan satuyang sadiring paghingoha, katanosan na gikan sa Tugon. An
sakong katanosan gikan sa pagtubod ki Cristo, katanosan na gikan sa Dios
asin minasang sa pagtubod. Dai akong ibang minamawot kundi na
mamidbid ko si Cristo asin an bagsik kan saiyang pagkabuhay-liwat; siring
man boot kong mapasakuya an saiyang mga tinios tanganing makaarog
ako sa saiyang kagadanan. Sa siring na paagi linalaom ko na sakuyang
makamtan an pagkabuhay-liwat sa mga gadan Bako ta nakamtan ko na an
katanosan, o naabot ko na: ako nagdadalagan pa tanganing sakuyang
masadirihan an premio, siring na ako nasadirihan ni Cristo Jesus. Mga
tugang, ako dai naghohona na naabot ko na an kataposan: an masasabi ko
iyo na linilingawan ko an nakaagi asin hinihingowa kong makamtan an
maabot; ako nagdadalagan pasiring sa kataposan tanganing makamtan ko
an premio na pinag-apodan sako nin Dios; buhay sa itaas diyan ki Cristo
Jesus.

Verso Ezekiel 33:11
Habo ko na an parakasala magadan, olay nin Kagurangnan, kundi

bumalik sako asin mabuhay.
Si Jesus nagduman sa bukid nin mga Olivo. Pagkaagang amay si Jesus

nagpasimbahan giraray. Yaon duman an bilog na banwaan. Nagtukaw siya
asin nagtukdo. An mga escribas asin fariseos nagdara nin sarong babae na
nadakop na nakikidurog sa bakong agom: ibinugtak sa tahaw, dangan
naghapot ki Jesus: “Maestro, an babaeng ini nadakop na nakikidurog sa
bakong agom. An tugon ni Moises nagboboot na ini gapoon. Ano an
masasabi mo?" Ini hinapot ninda sa pagtukso saiya. Si Jesus duminuko asin
nagpoon pagguhit kan saiyang muro sa daga. Giraray naghapot sinda
saiya. Si Jesus nagtanos asin nagsabi: “An siisay man saindo na daing
kasalan iyo an enot na gumapo saiya." Giraray duminuko si Jesus asin
padagos an pagsurat sa daga. Pagkadangog kaini saro-saro na nagharale,
poon sa pinakagurang Siya sana an nawalat asin an babae na nasa atubang
niya. Nagtanos asin naghapot sa babae, “Babae, haen na sinda? Dai nin
naghatol saimo?" Si Jesus nagsabi: "Dai ta ka man hahatolan. Magpuli ka
na, asin dai ka na magkasala liwat."

DOMINGO NIN PASION DOMINGO DE RAMOS
Ciclo A
(Pag-Procesion)

11
Kan sinda nagdadangadang sa Jerusalem, asin nakaabot sa Betfage, harani

sa bukid nin mga Olivo, duwang disipulos sinugo ni Jesus asin sinabihan:
"Paduman kamo sa ibong na barrio asin tolos makakanompong kamo nin
asno na nakagakod kaiba an saiyang ugbon; hubadi nindo asin daraha
digdi sako. Kun igwa nin magtuyaw sabihi nindo na kaipohan nin
Kagurangnan, asin tolos itutugot iyan. Ini nangyari tanganing mautob an
sinabi kan profeta." "Sabihan nindo an aking babae nin Sion hilnga an
saimong hade madatong Mapakumbaba, nakasakay sa asno, torilyong
ugbon nin asno," An mga disipulos nagduman asin ginibo an ipinagboot ni
Jesus. Dinara ninda an asno asin an ugbon, ibinugtak an saindang mga
gubing sa taludtod asin suminakay si Jesus. Kadaklan sa mga tawo
nagbiklad kan saindang mga gubing sa dalan, an iba nagputol kan mga
sanga nin mga kahoy asin saindang isinamno sa agihan. An mga nasa
enotan asin sa hurihan nagkukurahaw: "Osana! Mabuhay an Aki ni David!
Pag-omawon an nadigdi sa ngaran nin Kagurangnan! Osana! sa kaitaasan."
Paglaog ni Jesus sa Jerusalem naribok an bilog na banwa asin naghapot:
"Siisay ini?" An mga tawo nagsimbag "Ini an profeta, si Jesus na taga-
Nazareth nin Galilea."

Ciclo B
Kan sinda nagdadangadang sa Jerusalem, pag-abot sa Betfage asin Betania,

harani sa bukid nin Olivo, duwa sa mga disipulos sinugo ni Jesus asin
sinabihan" "Paduman kamo sa ibong na baryo, asin paglaog makakahiling
kamo nin asno na nagagakdan: sa asnong iyan dai pa nin tawo na
suminakay. Hubadi nindo asin daraha digdi. Kun may maghapot: 'Ano an
gigibohon nindo?' simbaga nindo na kaipuhan nin Kagurangnan, asin
ibabalik sana tolos saindo." Nagduman sinda asin nakua an asno sa luwas,
nasa tinampo, nakagakod sa sarong pintoan asin saindang hinubadan
Hinapot sinda kan nagkapira na mga yaon duman: "Tadaw ta an asno
saindong pinaghuhubadan?" sinimbag ninda sining sa sinabi ni Jesus: asin
itinugot sainda Dinara an asno ki Jesus, ibinugtak an saindang mga gubing
sa taludtod asin si Jesus suminakay. Dakul nagbiklad kan saindang mga
gubing sa tinampo, an iba nagputol kan sanga nin mga kahoy asin
isinamno sa dalan. Gabos, sa enotan asin hurihan, nagkurahaw "Pag-
omawon an minadatong sa ngaran nin Kagurangnan! Pag-omawon an
minadatong na kahadean ni David, na satong Ama. Osana sa kaitaasan!" Si
Jesus naglaog sa Jerusalem, dagos sa simbahan, nangalag-kalag, asin huli ta
banggi na, nagpuli sa Betania, kaiba an Doce.
(o ining minasunod)

Kan masunod na aldaw, an mga tawo na nakipagpintakasi, pagkadangog

na Jesus nagdadangadang sa Jerusalem, nagruluwas sa pagsabat saiya,
dara mga sanga nin palma, asin nagkurahaw: "Mabuhay! Paladan an
nadigdi sa ngaran nin Kagurangnan, an hade sa Israel" Alagad si Jesus
nakakua nin asnong ugbon asin surrunakay sining sa nasusurat Dai ka
matakot, banwa nin Sion, hinga, an saimong hade minadatong, nakasakay
sa asnong ugbon Dai tolos ini nasabotan kan saiyang mga disipulos; alagad
kan si Jesus pinagmuraway na, naromdoman ninda na an mga dapit sa
saiya nangyari.
Ciclo C
Si Jesus nag-enot pagtukad pasiring sa Jerusalem. Kan harani na siya sa

Betfage asin Betania, sa poon kan bukid nin mga Olivo, sinugo niya an
duwa kan saiyang mga disipulos asin sinabihan: "Paduman kamo sa ibong
na barrio: pag-abot nindo duman mahihiling nindo an sarong asno na
nakagakod, dai pa nasangkayan nin siisay man: Hubadi nindo asin daraha
digdi. Kun may maghapot kun tadaw ta hinuhubadan nindo, simbagon
nindo: Kaipohan ini kan Kagurangnan." An mga sinugo nagduman asin
nahiling ninda siring sa sinabi sainda. Mantang hinuhubadan an asno, an
kagsadiri naghapot: "Tadaw ta hinuhubadan nindoan asno?" Nagsimbag
sinda: "Kaipohan ini nin
Kagurangnan." Dinara ninda ki Jesus, binugtakan nin mga gubing asin
pinasangkay si Jesus. Mantang naglalakaw, an tinampo pinagbikladan nin
mga alikboy kan mga tawo. Kan nagdadangadang na sa lugsotan kan
bukid nin mga Oliyo, an mga disipulos, pano nin kaogmahan, nag-omaw
sa Dios, ipinagrokyaw an mga ngangalasan na saindang nahiling. Ini an
saindang sinabi: "Pag-omawon an hade na nadigdi sa ngaran nin
Kagurangnan! Sa langit katoninongan asin sa Dios kamurawayan!"
Nagkapirang mga pariseo kaiba kan katawohan nagsabi ki Jesus: “Maestro,
sawaya an saimong mga disipulos." Si Jesus nagsimbag: "Sinasabi ko
saindo: Kun an mga ini dai maggirong an mga gapo makurahaw."
DOMINGO NIN PASION

ABC
DOMINGO DE RAMOS
(Misa)
Enot na Babasahon Isaias 50:4-

7
Dila nin may inadalan itinao sako nin Dios na Kagurangnan, tanganing
maaraman ko kun ano an sakong isisimbag sa mga napapagal. Aga-aga
pinupukaw niya ako sa pagdangog, sa paghimate siring sa nag-aadal.
Binuksan nin Dios na Kagurangnan an sakong talinga Dai ako nagtumang,
dai ako nagtalikod. An sakong likod itinaya ko sa mga naghahampak sako;
an sakong pisngi sa mga nagrabnot kan sakong barabas. Dai ko tinakopan
an sakong lalawgon sa muda asin sa lutab. Sinusurog ako nin Dios na
Kagurangnan, kaya dai ako ipapasupog. Kabaing sa gapong matagas an
sakong lalawgon: aram ko na dai ako masusupog.

Salmo-Responsorio Salmo 22:8-9.17-18.19-20.23-24
S. Dios ko, Dios ko, tadaw ta pinabayaan mo ako?
Pinag-olog-olog ako nin gabos na nakahiling sako,booba na

nagturuya-tuya sinda asin nagtarango-tango.
"Nagsarig siya sa Kagurangnan: iligtas siya nin Kagurangnan
"Kun katood niya an Kagurangnan: Agawon siya nin
Kagurangnan"
Pinalibotan ako nin dakul na ayam;

Dinaguso ako nin mga tawong tampalasan.
Tinusok ninda an sakong mga kamot asin bitis,
nabibilang ko an gabos kong mga tulang.
Pinagbaranga ninda an sakuyang gubing,

Pinagripahan an sakong bado.
Kagurangnan, hare pagrayo sako;
sakong kusog, paghumare sa pagtabang sako.
An saimong ngaran irorokyaw ko sa mga tugang;

Oomawon taka saen man sinda magtiripon.
An Kagurangnan omawon nindo na nag-aarang saiya:
Omawon nindo gabos, mga aki ni Israel.
S. Dios ko, Dios ko, tadaw ta pinabayaan mo ako.
Ikaduwang Babasahon Filipos 2:6-11
Diosnon an Kamugtakan ni Cristo, alagad dai niya ipinagpadayaw an

saiyang pagkapantay sa Dios, kundi nagpakumbaba, nagin siring sa
oripon, nagin siring sa tawo, asin huli ta siya arog kan gabos na tawo, orog
siyang nagpakumbaba. inako niya an kagadanan, kagadanan duman sa
cruz. Kaya initaas siya nin Dios asin tinawan nin ngaran na orog sa gabos
na ngaran, kaya an gabos sa langit, sa daga asin sa irarom nin daga
magluhod sa ngaran ni Jesus, asin an gabos na dila magrokyaw na si
Jesucristo Kagurangnan, para sa kamurawayan nin Dios Ama.

Verso Filipos 2:8-9
Inako niya an kagadanan, kagadanan duman sa cruz; kaya initaas

siya nin Dios asin tinawan nin ngaran na orog sa gabos na ngaran.
Evangelio Mateo 26:14-27:66 o 27:11-54
✠ Pagbasa kan Pasion ni Jesucristo sosog ki San Mateo
Saro sa doce, si Judas Iscariote, nagdolok sa mga poon nin kapadian asin
nagsabi: "Pira an ibabayad nindo sako, kun itao ko siya saindo?"
Pinagkaoroyonan na tolong polong monedang plata an ibabayad saiya.
Poon kaidto si Judas naghahanap kun paano niya ikakapadakop si Jesus.
Enot na aldaw kan Tinapay na daing Levadura, an mga disipulos nagrani
ki Jesus asin naghapot: "Saen mo gusto na andamon mi para saimo an
pamanggihan sa Pasko?" Si Jesus nagsimbag "Paduman kamo sa ciudad, sa siring
na tawo, asin sabihon nindo saiya: Ini an togon nin Kagurangnan: harani na an
saiyang oras asin sa harong mo kami macelebrar kan pasko kaiba an saiyang mga
disipulos.’” Ginibo kan mga disipulos an itinugon ni Jesus asin inandam
ninda an pamanggihan sa Pasko. Pagsolnop kan aldaw si Jesus nasa lamesa
kaiba an doce. Mantang nagkakakan, si Jesus nagsabi: “Totoong sinasabi ko
saindo: saro sa saindo magpapasaluib sako." An mga disipulos nagkamurundo
asin nagharapot saro-saro: “Tibaad ako Kagurangnan!” Si Jesus nagsimbag:
An magbuntog kan saiyang kamot sa pinggan na ginagamit ko: iyan an
magpapasaluib sako. An aki nin Tawo ipapagadan, siring sa nasusurat: alagad,
herak man sa magpapasaluib kan Aki nin Tawo, marahay pa na dai na siya
namundag!" Dangan naghapot si Judas, an magpapasaluib: "Tibaad ako,
Kagurangnan!” Sinimbag ni Jesus: “Sadiri mong tataramon iyan."
Mantang sinda nagkakakan, kinua ni Jesus an tinapay, benendicionan,

binaak, itinao sa mga disipulos asin nagsabi: "Akoa asin kakana nindo: Ini iyo
an sakuyang hawak.” Dangan kinua an caliz, nagpasalamat, itinao sainda
asin nagsabi: "Inoma nindo gabos: ini an sakuyang dugo: dugo nin tipan: dugo
na pinapabulos huli sa gabos para sa kapatawaran nin mga kasalan. Sinasabi ko
saindo: poon ngonian dai na ako mainom liwat kaining bunga nin ubas sagkod sa
aldaw na iyan inomon ko kaiba nindo sa kahadean nin sakong Ama." Nag-awit
nin mga salmo asin nagluwas pasiring sa Bukid nin mga Olivo. Dangan si
Jesus nagsabi sainda: “Ngonian man sanang banggi madurulag kamo gabos huli
sakuya, nin huli ta nasusurat: Sakong lulugadon an pastor asin madurulag an
mga carnero.' Alagad pakatapos na ako mabuhay liwat, mangengenotan ako
saindo duman sa Galilea." Si Pedro nagpahayag: "Dawa sinda gabos
magdurulag, ako dai sagkod pa man madulag.” Sinabihan siya ni Jesus:
“Totoong sinasabi ko saimo: ngonian man sanang banggi, bago magturaok an
manok, makatolo mo akong nenegaran.” Si Pedro nagsimbag "Minsan ako
magadan kaiba mo, dai taka nanggad nenegaran.” Iyo man an sinabi kan ibang
mga disipulos. Si Jesus, kaiba an mga disipulos, nakaabot sa tatamnan na
inaapod Getsemani, asin nagsabi sainda "Tukaw kamo digdi, mantang ako
maduman asin mamibi."
Ipinag-iba si Pedro asin an duwang aki ni Zebedeo, dangan inabtan nin

dakulang kamundoan asin kahorasaan. Nagsabi sainda: "Ako magagadan sa
kamundoan. Pawalat kamo digdi asin magpuka sa kaibahan ko." Ruminayo nin
kadikit, luminaob sa daga asin namibi: "Ama ko, kun mahihimo pa sana na
makalihis an caliz na ini: alagad kuyogon bako an boot ko, kundi an boot mo.”
Dinolok an mga disipulos, nahiling na tunurog asin nagsabi ki Pedro "Dai
kamo nakapagpuka nin sarong oras sa kaibahan ko? Magpuka asin mamibi na dai
mahulog sa sugot; an espiritu makusog, alagad an laman maluya." Giraray si
Jesus ruminayo asin namibi: "Ama ko, kun ini dai makalihis na dai ko inomon,
kuyugon an boot mo". Binalikan an mga disipulos asin nahiling na tururog
pa giraray, dai ninda minuklat an mata. Kaya, binayaan, ruminayo giraray
asin namibi nin ikatolo: ginamit an iyo man sanang tataramon. Dangan
nagrani sa mga disipulos asin nagsabi “Nagtuturog asin nagpapahingalo pa
kamo? Uya, an oras duminatong na, na an Aki nin Tawo ipagpapasaluib sa kamot
nin mga parakasala. Tindog na kamo, maduman na kita! Uya na an
magpapasaluib sakuya."
Nagtataram pa si Jesus, kan dumatong si Judas, saro sa doce; dakul na

tawo an kaibahan, may darang mga minasbad asin pamakol, sinugo kan
mga poon nin kapadian asin mga poon nin banwaan, si Judas nagtao nin
tanda sainda: "An sakong hadokan, siya iyan: dakopa nindo.” Tolos rinanihan
niya si Jesus asin sinabihan: "Tara, maestro!” Asin hinadokan Alagad si
Jesus nagsabi "Katood, tadaw ta uya ka digdi?" Dangan dinolok ninda si Jesus
asin dinakop. Saro kan mga kairiba ni Jesus naghugkot kan minasbad, sa
sarong tigbas napalong an talinga kan surugoon kan poon nin kapadian. Si
Jesus nagsabi saiya: "Isarong mo an saimong minasbad: an maggamit nin
minasbad magagadan minasbad. Naghohona ka na dai ako makakahagad sa sakong
Ama? Ngonian man sana ikakapadara niya sako sampolo may diwang legion nin
mga angeles. Alagad paanong mautob an Kasuratan na nagsasabi na ini dapat
mangyari?" Dangan si Jesus nagsabi sa mga tawo: "Nagruluwas kamo,may
darang mga minasbad asin pamakol, sa pagdakop sako siring sa sarong tulisan?
Aroaldaw nagtukaw ako sa simbahan sa pagtukdo asin dai ako nindo dinakop.” Ini
gabos nangyari nganing mautob an sinurat kan mga profetas. Sa oras na
idto binayaan siya kan mga disipulos asin nagdurulag.
Dinara si Jesus kan mga nagdakop saiya sa harong ni Caifas, halangkaw na

padi; duman nagtiripon an mga escribas asin an mga poon sa banwaan. Si
Pedro sa harayo nagsunod saiya sagkod sa palacio kan halangkaw na padi:
luminaog asin tuminukaw kataed kan mga bantay sa paghiling kun ano an
magigin kataposan. An mga poon nin kapadian asin bilog Sanggunian
naghahanap nin ikakasumbong laban ki Jesus tanganing ipagadan, alagad
dai sinda nakakua nin anoman laban saiya. Sa kahuri-hurihi, may
duminatong na duwang saksi na nagsabi: “An tawong ini nagsabi na
magagaba niya an simbahan nin Dios asin mapapatindog niya giraray sa laog nin
tolong aldaw." An halangkaw na padi nagtindog asin naghapot: “Dai mo ini
sisimbagon? Ano an sinasabi kan mga tawong ini laban saimo?" Si Jesus dai
naggirong. An halangkaw padi nagsabi saiya: "Ipinagboboot ko saimo sa
ngaran nin Dios na buhay: sabihon mo kun ika an Cristo, an Aki nin Dios.” Si
Jesus nagsimbag: “Sinabi mo na. Alagad bako lamang iyan. Sinasabi ko saindo
na mahihiling nindo an Aki nin Tawo nakatukaw sa too nin Makakamhan asin
madigdi giraray sa ibabaw kan mga panganoron sa langit." Ginisi kan
halangkaw na padi an saiyang gubing asin nagsabi: “Naglanghad; dai na kita
nagkakaipo nin mga saksi. An saiyang paglanghad nadangog nindo. Ano an hatol
nindo?" Nagsirimbag “Ipagadan!" Dangan linutaban ninda an saiyang
lalawgon asin pinakol. An iba nagsampal saiya asin nagsabi: “Okuda daw,
Cristo siisay an nagsampal saimo?"
Si Pedro nagtutukaw sa luwas sa patio; nagrani saiya an babaeng surugoon

asin nagsabi: “Ika man kaiba ni Jesus na taga-Galilea.” Siya nagnegar sa
atubang nin gabos asin nagsabi: "Dai ko nasasabotan kun ano an sinasabi mo."
Pagluwas ni Pedro sa pintoan, sarong babaeng surugoon na nakahiling
saiya nagsabi sa mga yaon duman: "An tawong ini kaiba ni Jesus Nazareno,"
Giraray nagnegar asin nagsumpa. “Dai ko midbid an tawong iyan!" Dai
nahaloy nagdolok saiya an mga yaon duman asin nagsabi: "Talagang totoo
na ika saro man sa sainda: Namimidbid ka sa saimong mga pagtaram." Si Pedro
nagpoon pagmuda asin nagsumpa: “Talagang dai ko midbid an tawong iyan!"
Asin tolos nagturaokan manok. Nagiromdoman ni Pedro an sinabi ni Jesus:
"Bago magturaok an manok, makatolo mo na akong pagnenegaran." Asin
pagluwas, nagtangis nin mapaiton.
Pagkaaga, pinagkaoroyonan kan gabos na poon nin kapadian asin man

kan mga poon sa banwaan na si Jesus ipagadan. Ginapos ninda asin dinara
sa atubang ni Pilato na gobemador, asin itinao ninda saiya. Si Judas na
traidor, kan mahiling na si Jesus ipapagadan, nagbasol asin inuli an tolong
polong monedang plata sa mga poon nin kapadian asin mga poon sa
banwaan, asin nagsabi: "Nagkasala ako: ipinagadan ko an dai nin sala."
Nagsimbag sinda "Anong labot mi kaiyan? Ika an bahala!" Dangan inapon sa
simbahan an mga moneda: naghale asin binitay an saiya man sanang
sadiri. Pinonpon kan mga padi an mga moneda asin nagsabi: “Dai tugot na
ini ilaog sa kahon kan mga dolor, huli ta kabakalan nin dugo." Pakatapos na
saindang pinag-orolayan, ibinakal kan oma nin paragibong-koron, kaya an
omang idto sagkod ngonian inaapod na "Oma nin Dugo". Digdi nautob an
sinurat ni Profeta Jeremias: "Kinua ninda an tolong polong monedang plata,
bayad kan ipinabakal nin nagkapira sa mga aki nin Israel, asin ibinakal kan oma
nin paragibong-koron, siring sa itinugon sako nin Kagurangnan." (Jer 32:6-9)
Si Jesus inatubang sa gobemador, asinan gobemador naghapot: "Ika an hade

kan mga Judio?" Si Jesus nagsimbag: "Sadiri mong mga tataramon iyan."
Mantang siya ipinagsumbong kan mga poon nin kapadian asin mga poon
nin banwaan, dai siya nagsimbag. Kaya si Pilato naghapot: "Dai mo
nadadangog an mga sumbong laban saimo?" Si Jesus dai nagsimbag sa ano
man na sumbong; ini dakulang ipinagngalas kan gobernador. Sa aldaw na
fiesta an gobernador may ugali na magpaluwas nin sarong preso na
hinahagad kan banwaan. Igwa kaidto duman nin sarong bantog na preso,
si Barabas. Pagtinipon kan katawohan hinapot ni Pilato: “Siisay an boot
nindo na paluwason ko? Si Barabas o si Jesus na inapod na Cristo?" Aram niya
na dahil sa kaorihan si Jesus itinao ninda saiya. Mantang siya nasa tribunal,
an saiyang agom nagpatugon: “Dai mo pakilabotan an banal na tawong iyan.
Kasubanggi dakul an tinios ko sa pangaturugan dahil saiya." An mga tawo
sinadol kan mga poon nin kapadian asin mga poon sa banwaan na
hagadon si Barabas asin ipagadan si Jesus. An gobernador naghapot:
"Siisay an boot nindo na paluwason ko?" Nagsimbag sinda: “Si Barabas."
Hinapot sinda ni Pilato: “Ano an gigibohon ko ki Jesus na inaapod Cristo?"
Nagsimbag sinda gabos: "Ipako siya sa cruz.” Si Pilato giraray naghapot:
“Tadaw? Anong maraot an naginibo niya?” Sinda gabos orog na nagkurahaw:
"Ipako siya sa cruz.” Kan mahiling ni Pilato na mayo siyang maginibo, ata
ngani nag-oorog an ribok, naghagad nin tubig asin naghugas kan kamot sa
atubang kan katawohan, dangan nagsabi: “Dai akong sala sa dugo na ini.
Kamo na an bahala!" An gabos na tawo nagsimbag: “Kami asin an samong
mga aki an bahala kan saiyang dugo!” Huli kaini si Barabas itinao ni Pilato sa
sainda, alagad si Jesus ipinahampak asin ipinako sa cruz Si Jesus dinara
kan mga soldados kan gobernador sa Pretorio asin tinipon an bilog na
batalyon. Hinubaan asin sinanglean nin gubing na pula, nagsalapid nin
koronang-tunok, ibinugtak sa saiyang payo asin sa toong kamot sarong
kawayan. Nagluhod-luhod sinda, pinag-olog-olog siya asin
pinagngingisihan: “Tara, hade kan mga Judio!" Pinaglutaban siya ninda,
kinua an kawayan asin ipinakol sa payo. Pakapag-olog-ologa siya, dinara
tanganing ipako sa cruz, hinale an manto, isinangle an dating bado
Kan sinda nagluwas, nasabat ninda an sarong lalaki na taga-Cirene na an

ngaran Simon, asin pinirit na magpasan kan cruz ni Jesus. Pag-abot sa
lugar na inaapod Golgota (boot sabihon, lugar nin mga bungo), ipinainom
saiya arak na sinalakan nin apdo, ninamitan ni Jesus, alagad habong
inomon. Pakatapos na saindang ipinako sa cruz pinagbaranga an saiyang
gubing asin pinagripahan. Dangan nagturukaw asin pinagbantayan siya
ninda sa ibabaw kan saiyang payo ibinugtak an sumbong laban saiya.
Ipinako man sa cruz kaiba niya duwang tulisan: saro sa too asin saro sa
wala. An mga nag-aragi nag-olog-olog saya asin nagsabi: "Ika an magaba
kan simbahan asin mapatindog kaiyan sa laog min tolong aldow, ligtasan an
saimong sadiri!” Kun ika an Aki nin Dios, tumanggal ka sa cruz." Siring man,
an mga poon nin kapadian, kaiba an mga escribas asin an mga poon sa
banwaan, nag-olog-olog saiya asin nagsabi "Nagligtas sa iba asin dai
makaligtas sa saiya man sana. Hade siya nin Israel! Tumanggal siya sa cruz asin
kita matubod saiya. Nagsarig siya sa Dios! Kun totoong gusto nin Dios, siya
ililigtas niya, huli ta siya man sana nagsabi: "Ako an Ala nin Dios." An mga
tulisan na ipinako sa cruz kaiba niya nag-olog-olog man saiya.
Poon pagkaudto sagkod pag-alas-tres nin hapon nagdiklom an bilog na
daga. Pag-alas-tres si Jesus nagkurahaw nin makusog "Eli, Eli, lema
sabachthani." Boot sabihon: "Dios ko, Dios ko tadaw ta pinabayaan mo ako?"
Pagkadangog kaini, nagkapira sa mga yaon duman nagsabi "Inaapod si
Elias.” Saro sainda nagdalagan, nagkua nin esponja, binasa sa suka,
ibinugtak sa tukon asin ipinainom saiya. An mga iba nagsabi "Halat!
Hilngon ta kun si Elias magdigdi sa pagligtas saiya." Giraray si Jesus
nagkurahaw nin makusog asin nautsan.
An cortina sa simbahan nagisi poon sa itaas sagkod sa ibaba, an daga

nayogyog, an mga gapo nagkabaranga, an mga lolobngan nagkaburukasan
asin dakul na mga bangkay nin mga banal na nagadan nagbarangon.
Pakatapos kan pagkabuhay-liwat ni Jesus, nagruluwas sa mga lolobngan,
nagduruman sa banal na ciudad asin nagpahiling sa dakul na mga tawo.
An centurion asin an mga soldados na kaibahan niya sa pagbantay ki Jesus,
kan mahiling an linog asin an gabos na nangyari, pano nin takot nagsabi:
"Totoo man nanggad: ini an Aki nin Dios."
[Yaon duman naghihiling sa harayo dakul na mga babae na nagsusunod ki

Jesus poon sa Galilea asin naglilingkod saiya, arog baga ki Maria
Magdalena, Maria na ina ni Santiago asin Jose, asin an ina kan mga
Zebedeo. Pagkahapon, sarong mayaman na taga-Arimatea, na ngaran Jose,
duminatong Disipulo man siya ni Jesus. Nagduman ki Pilato asin hinagad
an bangkay ni Jesus. Itinugot ni Pilato. Kinua ni Jose an bangkay pinatos
nin malinig na tamong asin ilinobong sa bagong lolobngan na tinuki sa
gapo na pinaligid sa pintoan kan lolobngan, dangan naghale. Yaon duman
si Maria Magdalena asin saro pang Maria, nagtutukaw sa atubang kan
lolobngan. Kan masunod na aldaw tapos na an Aldaw nin Pag-andam, an
mga poon nin kapadian asin mga fariseos nagduman ki Pilato asin nagsabi:
“Kagurangnan, samuyang nagiromdoman na an putikon na idto, kan buhay pa,
nagsabi: “Sa ikatolong aldaw ako mabubuhay liwat.' Kaya ipagboot mo na
bantayan an lolobngan sagkod sa ikatolong aldaw, tibaad kun an mga disipulos
magduman, habonon an bangkay asin sabihon sa banwaan na siya nabuhay liwat
sa mga gadan. An huring putik na ini magigin-orog pa ki sa naenot." Si Pilato
nagsimbag: "Uya an bantay, paduman kamo asin pabantayan nindo susog sa
saindong naaraman." Nagduman sinda asin pinabantayan an lolobngan,
pakatapos na an gapo saindang minarkahan.]
Ciclo B
Verso Filipos 2:8-

9
Inako niya an kagadanan, kagadanan sa cruz; kaya initaas siya nin

Dios asin tinawan nin ngaran na orog sa gabos na ngaran.
Evangelio Marcos 14:1-15:47 o 15:1-39
✠ Pasion ni Jesucristong Kagurangnan sosog ki San Marcos
[Kulang pang duwang aldaw para sa Pasko asin sa mga Tinapay na Daing
Levadura. An mga poon nin kapadian asin escribas nag-orolay kun anong
pasaluib an gigibohon tanganing si Jesus madakop asin ipagadan. Olay
ninda: "Bakong sa fiesta, tibaad magkariribok an mga tawo." Kan si Jesus nasa
Betania, nakatukaw sa lamesa sa harong ni Simon na daoton, nagrani saiya
an sarong babae, may darang praskong olor na mahal asin mahalaga;
pinasa an prasko asin an olor inola sa payo ni Jesus. Nagkapira sa mga
yaon duman naanggot asin nagsabi: "Tadaw ta sinayang an olor na ini?
Kutana ipinabakal sa halangkaw na halaga, asin an kabakalan itinao sa mga
dukha." Inanggotan ninda an babae alagad si Jesus nagsabi: "Pabayae nindo siya.
Tadaw ta iniiwal nindo? Magayon an ginibo niya sakuya. An mga dukha danay
na yaon sa saindo, asin anoman na oras matatabangan nindo sinda; alagad ako
bakong danay na uya saindo. Sa paglahid niya nin olor sa sakong hawak,
inaandam niya ini para sa paglobong. Totoong sinasabi ko saindo: saen man sa
bilog na kinaban ipagrokyaw an Marahay na Bareta, ining ginibo niya
gigiromdomon para sa saiyang kaomawan."
Si Judas Iscariote, saro sa doce, nagduman sa mga poon nin kapadian,

tanganing ikapasaluib niya si Jesus sa sainda. Pakadangog kaini,
nagkaorogma sinda asin tinugaan na tatawan nin cuarta si Judas, kaya
nagpoon paghanap nin lugar asin oras na si Jesus ikapasaluib.
Enot na aldaw kan Tinapay na Daing Levadura, aldaw na an cordero
pascual inaatang, an mga disipulos nagsabi ki Jesus: "Saen mo gusto na kami
mag-andam kan pamanggihan sa pasko?" Duwang disipulos sinugo ni Jesus
asin sinabihan: "Paduman kamo sa barwa asin masasabat nindo an sarong lalaki
na may darang dulay na tubig: sunoda nindo asin paglaog sa harong, sabihan
nindo sa kagharong: Nagpapahapot an Maestro kun saen siya makakan kan
cordero pascual kaiba an saiyang mga disipulos! Ipapahiling saindo an dakulang
sala sa itaas, sangkap asin andam na. Duman kamo mag-andam kan pasko para
sato." An mga dispulos nagduman, nakaabot sa banwa, nakua an gabos sa
sinabi sainda, asin duman nag-andam kan pamanggi sa pasko.
Pagkabanggi duminatong si Jesus kaiba an doce Mantang sinda

nagkakakan sa lamesa, si Jesus nagsabi: "Totoong sinasabi ko saindo: saro sa
saindo magpapasaluib sakuya: saro na nagkakakan kaiba ko." Nagkamurondo
sinda, asin saro-saro naghapot: "Ako kaya?" Si Jesus nagsimbag "Siya saro
sa doce: siya nagsasawsaw sa pinggan sa ginagamit ko. An Aka nin Tawo mahale
siring sa nasusurat: alagad herak man sa magpapasalub saiya! Marahay pa na an
siring na tawo dai namundag!" Mantang sinda nagkakakan, kinua ni Jesus
tinapay, benendicionan, binaak, itinao sa mga disipulos, asin nagsabi:
"Akoa nindo: ini an sakuyang hawak." Dangan kinua an caliz, nagpasalamat,
itinao sainda asin gabos nag-inom. Asin nagsabi: "Ini an sakuyang dugo,
dugo nin bagong tipan, dugo na papabuloson para sa gabos. Totoong sinasabi ko
saindo: dai na ako mainom kan bunga nin ubas sagkod sa aldaw na ako mag-inom
nin bagong arak sa kahadean nin Dios."
Nag-awit nin mga salmos, dangan nagluwas pasiring sa bukid nin mga
Olivo. Si Jesus nagsabi sainda: "Kamo gabos masiribog ngonian na banggi,
siring sa nasusurat: 'Lulugadon ko an pastor asin an mga carnero magkaka-
wararak (Zac. 13:17). Alagad pakatapos na ako mabuhay liwat, maenot ako saindo
sa Galilea." Si Pedro nagpahayag "Dawa gabos magsiribog, ako dai." Si Jesus
nagsabi saiya: "Totoong sinasabi ko saimo: ngonian man sanang banggi, bago an
manok tumuraok na makaduwa, makatolo mo na akong pinagnegaran." Alagad si
Pedro nagmaisog sa pagsabi: "Minsan ako magadan sa kaibahan mo, dai taka
sagkod pa man pagnenegaran." Iyo man ini an sinabi kan ibang mga
disipulos.
Nakaabot sinda sa sarong tatamnan na an ngaran Getsemani, asin si Jesus

nagsabi sa saiyang mga disipulos: "Tukaw kamo digdi, mantang ako
namimibi." Ipinag-iba si Pedro, Santiago asin Juan; natakot asin nahorasa;
dangan nagsabi sainda: "Ako magagadan sa kamundoan: magpawalat kamo
digdi asin magbantay." Nagpaere-enotan luminuhod sa daga asin
nakimaherak na kun mahihimo, irayo an oras na idto. Sinabi niya: "Abba!
Ama! an gabos na bagay mahihimo mo: irayo mo sako na caliz na ini; alagad
kuyogon an boot mo, bako an sakuya." Rinanihan sinda asin nahiling na
nagtururog. Nagsabi ki Pedro: "Ano ka nagtuturog man, Pedro? Dai ka
nakapag-bantay sa laog nin sarong oras? Magbantay asin mamibi na dai mahulog
sa sugot; an espiritu makusog, alagad an laman maluya." Giraray ruminayo asin
namibi sa paulit-ulit na mga tataramon. Binalikan sinda asin nahiling
tururog pa, magabaton an saindang mga mata; asin dai aram kun ano an
isisimbag saiya. Sa ikatolong pagbalik, nagsabi sainda: "Tururog pa kamo?
Tama na iyan: uminabot na an oras! An Aki nin Tawo ipagpapasaluib sa kamot
nin mga parakasala. Tindog na kamo! Machuman na kita! Uya na an
magpapasaluib sakuya."
Nagtataram pa si Jesus, kan dumatong si Judas, saro sa doce, kaiba dakul

na may minasbad asin palo, isinubol kan mga poon nin kapadian, mga
escribas asin mga senadores. Pinagkahororonan na an traidor matao nin
tanda. Nagsabi sainda: "An hadokan ko, iyo iyan: dakopon nindo asin darahon.
Pag-abot dagos nagrani ki Jesus asin nagsabi: Maestro!" Asin hinadokan.
Pinugol ninda asin dinakop. Alagad saro sa mga yaon duman kinua an
minasbad asin tinigbas an talinga kan surugoon kan poon nin kapadian
asin napalong. Si Jesus nagsabi sainda: "Mga minas bad asin palo dara nindo
sa pagdakop sako. Ano an paghona nindo sako tulisan? Aroaldaw ako yaon saindo
nagtutukdo sa simbahan, asin dai ako nindo dinakop." Ini nangyari tanganing
mautob an Kasuratan. Binayaan siya nin gabos asin gabos nagdurulag.
Sinunod siya nin sarong joven na lalaki an inaalikboy tamong asin dinakop
ninda. Alagad ini nakadulag huba, walat an tamong.
Si Jesus dinara sa harong kan poon na padi, asin nagtiripon an mga poon
nin kapadian, mga senadores asin mga escribas. Si Pedro nagsunod sa
harayo asin nakalaog sa natad kan harong kan poon na padi, asin
nagtukaw kaiba kan mga bantay, nagpapahimbong sa kalayo. An mga
poon nin kapadian asin an Sanggunian naghahanap nin saksi laban ki
Jesus nganing ipagadan, alagad dai nin nakua. Dakul an mga saksing putik
laban saiya, alagad dai nagkaka-oroyon. Nagkapira nagtindog asin
nagtugod-tugod laban saiya: "Nadangog mi siyang nagsabi: "Gagabaon ko an
simbahan na ini na gibo nin tawo, asin sa laog nin tolong aldaw matugdok ako nin
bagong simbahan na bakong gibo nin tawo!" Dapit kaini dai man
nagkakaoroyon an mga saksi. An poon na padi nagtindog asin naghapot:
"Dai ka nin isisimbag? Anong masasabi mo sa mga sumbong ninda laban saimo?"
Si Jesus dainaggirong asin dai nagsimbag Giraray naghapot an poon na
padi "Ika an Mesias, Aki nin Dios na sinanglitan?" Si Jesus nagsimbag: "Opo,
iyo ako. Asin mahihiling nindo an Aki nin Tawo, nakatukaw sa too nin
Makakamhan, madatong, sa tahaw nin mga panganoron" (Dn 7:13). Pinuknit
kan poon na Padi an saiyang mga gubing, asin nagsabi: "Ano pang saksi an
kaipuhan niato? Nadangog nindo an saiyang panglanghad sa Dios. Ano an
paghona nindo?" Hatol nin gabos na siya ipagadan. Linutaban siya ninda,
tinakpan an lalawgon, asin sinuntok. Sabi ninda: "Ukuda daw, profeta." An
mga bantay na nag-ako saiya nagsuntok man saiya.
Mantang si Pedro yaon duman sa natad, uminabot an babaeng surugoon

kan poon na Padi. Pagkahiling na si Pero nagpapahimbong, hinampang
asin sinabihan: "Ika man kaiba ni Jesus Nazareno?" Siya nagnegar na an sabi:
"Dai ko aram asin dai ko nasasabotan kun ano an sinasabi mo." Luminuwas sa
pintoan, asin sarong manok tuminuraok. Hiniling giraray siya kan babaeng
surugoon asin nagsabi sa mga yaon duman: "Saro man ini sa sainda." Si
Pedro nagnegar giraray. Dangan an mga yaon duman nagsabi saiya: "Totoo
na ika saro sa sainda: Galileo ka man." Alagad siya nagmaldicion asin
nagsumpa: "Dai ko midbid an tawong iyan na sinasabi nindo." Tolos man sana,
tuminuraok liwat an manok, nagiromdoman ni Pedro an sinabi ni Jesus:
"Bago an manok tumuraok na makaduwa, makatolo mo na akong pagnenegaran."
Asin buminulos an saiyang luha.]
Pagkaagang amay nagtiripon an mga poon nin kapadian, kaiba an mga

senadores, mga escribes asin an bilog sa Sanggunian. Andam na kun ano
an saindang gigibohon: pinaggapos si Jesus, dinara asin itinao ki Pilato.
Hinapot siya ni Pilato: "Ika an hade kan mga Judeo?" Si Jesus nagsimbag:
"Sinasabi mo na." Dakul an mga sumbong kan mga poon nin kapadian
laban saiya. Giraray naghapot si Pilato: "Dai ka nin anoman na isisimbag?
Dakul an sumbong laban saimo. Ano an masasabi mo?" Si Jesus dai nagsimbag,
kaya kanigoan na gayo an pagngalas ni Pilato. Kun fiesta ugali ni Pilato na
paluwason an sarong bilanggo na hagadon kan mga tawo. Kan mga aldaw
na idto nasa bilanggoan an sarong lalaki na an ngaran Barabas, kaiba kan
mga rebelde na nakagadan huli sa kariribokan. An mga tawo nagsakat asin
hinagad ki Pilato na gibohon an kinaugalian. Si Pilato nagsabi: "Boot nindo
na paluwason ko an hade kan mga Judeo?" Aram ni Pilato na si Jesus itinao
saiya kan mga poon nin kapadian huli sa pagkauri, alagad an mga tawo
sinadol kan mga poon nin kapadian na hagadon na paluwason si Barabas.
Giraray si Pilato nagtaram asin naghapot: "Kun siring, ano an boot nindong
gibohon ko sa hade kan mga Judeo?" Sa hapot na ini nagkurahaw sinda: "Ipako
siya sa cruz!" Si Pilato nagsimbag "Tadaw...anong karatan an saiyang ginibo?"
Orog na kinusog an saindang pagkurahaw: “Ipako siya sa cruz!" Si Pilato,
nganing mapauntok an kurahaw kan mga tawo, pinaluwas si Barabas asin
si Jesus pinahampak asin itinao na ipako sa cruz. Si Jesus dinara kan mga
soldados sa laog kan Pretorio, residencia kan gobernador, asin an bilog na
batalyon ipinaapod. Ginubingan siya ninda nin purpura; mga tunok ginibo
nindang korona asin ikinorona saiya, dangan pinagrokyaw siya ninda:
"Mabuhay, hade nin mga Judeo!" An payo pinukpok ninda nin kawayan,
pinaglutaban asin nagruluhod man ngaya sa pagtaong-galang saiya.
Pakapag-olog-ologa saiya hinale an purpura asin sinanglean kan dati
niyang gubing asin ilinuwas tanganing ipako sa cruz.
Nag-agi duman hale sa oma si Simon Cireneo, ama ni Alejandro asin Rufo;
asin pinirit ninda na magpasan kan cruz ni Jesus. Dinara ninda si Jesus sa
Golgota (boot sabihon Kabungoan). Ipinainom saiya arak na may salak na
mirra, alagad dai niya ininom. Ipinako sa cruz, pinagbaranga an saiyang
gubing asin pinagripahan (Salmo 22:19), kun siisay an makakua. Alas
nueve nin aga kan siya ipinako sa cruz. Duman sa cruz isinurat an
sumbong na iyo an dahelan na siya ipinagadan: Ipinako man sa cruz kaiba
niya duwang tulisan: saro sa too asin saro sa wala. An mga nag-aragi
nagturuya-tuya asin nagtarango-tango na an sabi: "Ika na magaba kan
simbahan asin mapatindog kaiyan sa laog nin tolong aldaw: humilig ka sa cruz
asin iligtas mo an saimong buhay." Sining man, pinagturuya-tuya siya kan
mga poon nin kapadian, asin mga escribas. Olay ninda "Nagligtas sa iba,
asin dai nakakaligtas sa saiya man sana. Kun sha an Mesias, an hade nin Israel,
tumanggal siya sa cruz tanganing mahiling mi asin magtubod kami." An
duwang tulisan na napapako kaiba niya nag-olog olog man saiya. Pagka-
udto an bilog na daga duminiklom sagkod sa ika-alas-tres nin hapon Pag-
alas-tres si Jesus uminagrangay nin makusog "Eli, Eloi lama sabachthani"
(boot sabihon). "Dios ko, Dios ko tadaw ta pinabayaan mo ako?" (Salmo 221)
Nagkapira sa mga yaon duman na nakadangog kaini, nagsabi: "Inaapod
niya si Elias " May saro na nagdalagan, dara an esponja na pinasaromsom
sa suka, itinugod sa kawayan asin idinuhol ki Jesus tanganing ipainom,
dangan nagsabi: "Hilngon ta kun dumigdi si Elias sa pagtanggal saya." Alagad
si Jesus kuminurahaw nin makusog asin nautsan An kortina sa simbahan
nabanga poon sa itaas sagkod sa ibaba. An kapitan na nasa atubangan ni
Jesus, pakahiling na kuminurahaw nin makusog asin nautsan, nagsabi:
"Totoo man nanggad, ini an Aki nin Dios." Nagkapirang mga babae
nagmamasid sa harayo, kabilang ninda si Maria Magdalena, si Maria na
ina ni Santiago asin Jose, asin si Salome. An mga ini nagsunod asin
nagtabang ki Jesus, kan siya yaon duman sa Galilea, asin dakul pang ibang
mga babae na nag-iba saiya pasiring sa Jerusalem. Madorodiklom na an
pagkahapon (huli ta aldaw nin pag- andam, boot sabihon, bisperas kan
Sabado), si Jose de Arimatea, ginagalangan na kaayon sa Sanggunian,
naghahalat man kan kahadean nin Dios, nagmaisog na makiatubang ki
Pilato asin hinagad an bangkay ni Jesus Dai naghona si Pilato na gadan na
si Jesus, ipinaapod an kapitan asin hinapot kun baga talagang gadan na.
Pinatunayan kan kapitan, asin tolos itinugot an bangkay ki Jose. Ini
nagbakal nin tamong, tinanggal si Jesus, pinatos kan tamong, ibinugtak sa
lolobngan na tinuki sa gapo, asin sarong gapo pinaligid sa pintoan kan
lolobngan. Si Maria Magdalena asin si Maria na ina ni Jose nagmasid kun
saan ibinugtak an bangkay.]

Ciclo C
Verso Filipos 2:8-9
Inako niya an kagadanan, kagadanan duman sa cruz, kaya initaas

siya nin Dios asin tinawan nin ngaran na orog sa gabos na ngaran.
Evangelio Lucas 22:14-23:56 o 23:1-49
✠ Pasion ni Jesucristong Kagurangnan na Sinurat ni San Lucas
Pag-abot kan oras, si Jesus nagtukaw sa lamesa kaiba an mga apostoles,

asin nagsabi sainda "Kanigoan na gayo an sakuyang pagmawot na
makapamanggi kaining pasko sa kaibahan nindo, bago ako magtios! Sinabi ko
saindo: dai na ako makakan kaini sagkod na mautob sa kahadean nin Dios." Kinua
an caliz, nagpasalamat asin nagsabi: "Akoa nindo ini asin ihiras sa lambang
saro saindo. Sinasabi ko saindo: poon ngonian dai na ako mainom kan bunga nin
ubas sagkod na dumatong an kahadean nin Dios."
Kinua an tinapay nagpasalamat, binaak, itinao sainda asin nagsabi: "Ini an

sakuyang hawak na idodolot para saindo: giboha nindo ini sa pagromdom sa sako."
Sining man, pakapamanggi, kinua an caliz asin nagsabi: "An caliz na ini iyo
an Bagong Tipan sa sakuyang dugo, na pinabulos para sa saindo. Alagad uya sa
kataed ko sa lamesa an kamot kan magpapasaluib sako. An Aki nin Tawo
nagsusunod sa itinalaan saiya. Alagad herak man sa magpapasaluib saiya!"
Nagporoon sinda paghapot kun siisay daw sa sainda an magibo kaiyan.
An mga apostoles nagpasuruhay kun siisay sainda an orog kadakula.

Sinabihan sinda ni Jesus: "An mga hade nin mga banwaan nakakasakop sainda,
asin an mga nagkakapot nin kapangyarihan gustong pag-apodon na mga
parasurog. Sa saindo bakong siring kaiyan; kundi an orog kadakula saindo magin
siring sa ngohod, asin an namamayo siring sa naglilingkod. Siisay an orog
kadakula: an nasa lamesa? Alagad uya ako saindo siring sa naglilingkod. Kamo
nakidamay sako sa sakuyang mga kasakitan, asin itinatao ko saindo an kahadean
siring na iyan itinao sako kan sakuyang · Ama. Sa sakuyang kahadean kamo
makakan asin mainom sa sakuyang lamesa, asin matukaw kamo sa mga trono asin
saindong huhukuman an kaguwang tribu sa Israel. Simon, Simon! hinagad ni
Satanas na saligsigon ka siring sa trigo. Alagad ipinangadie taka na dai magluya
an saimong pagtubod. Asin pakapagsolsol mo, pasariga an saimong mga tugang."
Si Pedro nagsimbag "Kagurangnan, kaiba mo andam ako na ilaog sa bilanggoan
o darahon sa kagadanan." Si Jesus nagsabi: "Sinasabi ko saimo Pedro, na
ngonian man sana, bago magturaok an manok, makatolo kang masabi na dai mo
ako midbid." Asin nagsabi sa gabos: "Kan simigo ko kamo na daing bolsa, ni
supot, ni sapin, nagkulang daw kamo nin anoman?" Simbag ninda: "Dai"
Dangan nagsabi "Ngonian, kun may bolsa, darahon; siring man, kun may supot;
an daing
espada, ipabakal an alikboy, asin magbakal nin sarong espada Huli ta sinasabi ko
saindo; kaipuhan na mautob sakuya an nasusurat: 'Ibinilang na sarong tulisan'
(Is 53:12). An manonongod sakuya matatapos na." Nagsabi sinda:
"Kagurangnan, igwa digdi nin duwang espada." Si Jesus nagsimbag "Tama
na."
Dangan nagluwas asin, siring sa kinaugalian, nagpasiring sa bukid nin

mga Olivo; alagad sinunod kan mga disipulos Pag-abot duman, nagsabi
sainda: "Mamibi kamo, nganing dai madaog nin sugot." Suminiblag sa sainda,
sa harayo na madadaklag nin gapo, luminuhod asin namibi "Ama, kun boot
mo, pakirayoan sako an caliz na ini, alagad koyogon bako an boot ko, kundi an boot
mo." Nagpahiling an sarong angel hale sa langit na pagpapakusog saiya.
Inabtan nin makuring sakit namibi nin orog na malodok Ganot na garong
dugo na nagtotoro, buminulos sagkod sa daga. Pakapamibi, nagbangon,
dinulok an mga disipulos asin naabtan na nagtuturog sa kamundoan.
Nagsabi sainda: "Tadaw ta nagnuturog kamo? Bangon na kamo asin manibi
tanganing dai madaog nin sugot."
Nagtataram pa si Jesus, kan dumatong an mga tawo Si Judas, saro sa doce,

an nangengenotan asin nagrani sa paghadok ki Jesus. Si Jesus nagsabi
saiya: "Judas, sa sarong hadok pinapasaluiban mo an Aki nin Tawo?" Kan
maisihan kun ano an nangyayari, an mga kaibahan niya nagsabi:
"Kagurangnan, ano tigbason mi kaining espada?" Dangan tinigbas kan saro
sainda an oripon kan Halangkaw na Padi; napalongan idto kan toong
talinga. Alagad sinaway sinda ni Jesus: "Tama na.” Dangan kinua an
talinga asin binulong. Nagsabi sa mga poon nin kapadian, sa mga oficiales
kan simbahan asin sa mga poon sa banwaan na nagduman sa pagdakop
saiya: "Nagpadigdi kamo, may darang mga espada asin pamakol; garo kamo
madakop nin sarong tulisan. Aroaldaw yaon ako saindo sa simbahan asin dai ako
nindo dinadakop. Alagad ini an oras nindo: oras kan kapangyarihan nin
kadikloman."
Si Jesus dinakop asin dinara ninda. Dinara sa harong kan halangkaw na

padi, asin si Pedro nagsusunod sa harayo. Nag-aramak nin kalayo sa
tahaw kan patio, nagtutukaw sa palibot asin si Pedro nakikidangdang
kaiba ninda. Sarong surugoon na babae, pagkahiling saiya na
nakikidangdang, minasdan asin sinabihan: "Ini man kaibahan niya." Si
Pedro nagnegar: "Babae, dai ko siya midbid." Dai nahaloy, nahiling siya nin
saro pang surugoon asin sinabihan: "Ika man saro sa sainda." Si Pedro
nagsimbag "Bako. Bakong ako." Pakalihis nin sarong oras, may nagsabi
saiya: "Totoo, ini man kaibahan niya. Galileo man!" Si Pedro nagsabi: "Dai ko
aram an sinasabi mo!" Nagtataram pa siya, kan padaling nagturaok an
manok. An Kagurangnan nagsalingoy asin nahiling si Pedro. Dangan
nagiromdoman ni Pedro an sinabi saiya nin Kagurangnan: "Bago magturaok
an manok ngonian, makatolo mo na akong pinagnegaran." Asin pakaluwas, si
Pedro nagtangis nin mapaiton.
Si Jesus pinag-olog-olog asin sinuntok kan mga lalaki na nagbabantay saiya

sa bilanggoan. Tinakpan an saiyang mga mata asin sinabihan: "Ukoda daw,
profeta, kun siisayan nagsuntok saimo" Asin dakul pang mga paglalanghad an
sinabi ninda saiya. Pagka-aga, nagtinipon an mga poon sa banwaan, an
mga poon nin kapadian asin mga escribas. Si Jesus dinara ninda sa atubang
kan Sanggunian asin sinabihan: "Kun ika an Mesias, sabihon mo samo."
Sinimbag niya sinda: "Kun sabihon ko na ako, dai kamo matubod; kun ako
maghapot saindo, dai kamo masimbag Alagad poon ngonian, an Aki nin Tawo
mahihiling nindo na nakatukaw sa too nin Dios na makakamhan." Gabos
nagsabi: "Kun siring ika an Aki nin Dios?" Sinimbag "Kamo an nagsasabi na
ako iyo iyan." Nagsabi sinda: "Dai na nagkakaipo nin ibang mga saksi.
Nadangog na niato hale sa saya man sanang ngoso."]
An bilog na Sanggunian nagtindog asin dinara si Jesus sa atubang ni Pilato.

Pinagsumbong siya ninda na an sabi: "Namasdan mi na an tawong ini
nagpaparibok sa satong banwa, nagpapangalad na magtao nin buwis ki cesar asin
nagsasabi na siya Mesias asin hade" Si Pilato naghapot: "Ika an hade kan mga
Judio?" Si Jesus nagsimbag: "Ika an nagsasabi kanyan." Si Pilato nagsabi sa
mga poon nin kapadian asin sa mga tawo: "Dai akong makuang kasalan sa
tawong ini." Nag-orog an saindang pagsumbong: "Pinariribok niya an banwa
huli kan saiyang katukdoan sa bilog na rona, poon sa Galilea sagkod digdi." Kan
madangog ni Pilato, naghapot kun baga si Jesus taga-Galilea, kan
naaraman na sakop ni Herodes, ipinadara saiya na kan aldaw na idto yaon
duman sa Jerusalem.
Naogma si Herodes kan mahiling niya si Jesus, haloy nang pinagmawot

niya na mahiling siya huli ta dakul an nadangog niya dapit saiya asin man
huli ta boot niyang mahiling an milagro na saiyang ginigibo. Pinaghapot
niya dapit sa dakul na bagay, alagad si Jesus dai nagsimbag.
An mga poon nin kapadian asin mga escriba yaon duman,

ipinagsusumbong siya ninda nin makuri. Pinagbasang-basang asin pinag-
olog-olog ni Herodes asin nin saiyang mga soldados, ginubingan nin
magayon dangan ipinabalik ki Pilato. Kan aldaw na idto nagkaolian si
Herodes asin si Pilato; bago kaidto magkaiwal sinda.
Pinaapod ni Pilato an mga poon nin kapadian, mga poon sa banwa asin
mga tawo, dangan sinabihan: "Dinara nindo sako an tawong ini; sabi nindo na
siya nagpaparibok sa banwa; hinapot ko siya sa atubang nindo asin dai ko nakua
na an tawong ini nagkasala sa mga ipinagsusumbong nindo laban saiya. Siring
man si Herodes, kaya ibinalik siya sato. Nahiling na nindo na an tawong ini dai
nakagibo nin anoman na magin dahelan na siya ipagadan. Kaya, siya sakong
ipapahampak asin pabubutasan." Alagad sinda gabos dorongan na
nagkurahaw: "Halea an tawong ini asin itao samo si Barabas" (Si Barabbas
nabibilanggo huli ta nagparibok sa banwaan asin huli man ta nakagadan
nin tawo.) Giraray nagtaram si Pilato, huli ta boot niyang pabutasan si
Jesus. Alagad sinda nagkurahaw: "Ipako sa cruz! Ipako sa cruz!” Giraray
nagtaram si Pilato sainda: "Anong karatan an ginibo kan tong ini? Dai akong
nakuang
dahelan kun tada ta ipagadan. Kaya siya sakong padudusahan asin pabubutasan."
Alagad sinda nagpirit. Hinagad sa makusog na kinurahaw na siya ipako sa
cruz. Asin an saindang kinurahaw nautob. Sa pagboot ni Pilato binutasan
an saindang hinagad (an nabibilanggo ta nagparibok asin ta nakagadan)
asin si Jesus itinao sainda nganing gibohon saiya an anoman na boot ninda.
Kan si Jesus saindang ilinuwas, dinakop ninda si Cireneo na nagpupuli
hale sa oma asin ipinapasan ninda saiya an cruz sa likod ni Jesus. Dakul na
tawo an nagsusunod saiya asin dakul na babae an nagtangis asin
nanambitan huli saiya Si Jesus nagsalingoy asin nagsabi sainda: "Mga babae
sa Jerusalem, dai ako nindo pagtangisan; pagtangisan nindo an saindo man sana
asin an saindong mga aki, hui ta maabot an aldaw na masabi sinda: 'Paladan an
mga bawas an mga tulak na daing aki asin an mga daghan na daing pinapasoso.'
Sa mga bulod masabi sinda, 'Pukanan nindo kami. Sa mga bukid masabi sinda:
Tambonan nindo kami!' Kun ini ginigibo ninda sa kahoy na berde, ano daw an
ginigibo ninda sa kahoy na alang?"
Duwa pa katawo, na mga tulisan, ilinuwas ninda tanganing gadanon sa

kaibahan niya Pag-abot ninda sa lugar na inaapod Calvario, ipinako ninda
si Jesus sa cruz asin man an mga tulisan: saro sa wala asin saro sa too. Si
Jesus nagsabi: "Ama, patawara sinda: dai ninda aram an saindang ginigibo."
An saiyang gubing pinagbaranga asin pinagripahan ninda. An mga tawo

nagmamasid. An mga poon sa banwaan nag-colog-olog saiya asin nagsabi
"Ilinigtas niya an iba: iligtas man niya an saiyang sadiri, kun siya an Mesias nin
Dias, an Pinili." An mga soldados nagrani sa pag-olog-olog man saiya,
dinolotan siya nin suka asin sinabihan: "Kun ika an hade kan mga Judio,
iligtas mo an saimong sadiri" Duman sa itaas kan cruz nasusurat: "Ini an
Hade kan mga Judio." Saro sa mga tulisan na nabibitay sa cruz nag-olog-olog
saya asin nagsabi: "Bakong ika an Mesias? Ligtasan an saimong sadiri asin
ligtasan man kami" Alagad sinaway siya kan kapwa niya tulisan asin
sinabihan: "Dai ka natatakot sa Dios, mantang ika nasisilotan nin siring? An
satong silot matanos, maninigo sa satong sala; alagad ini daing sala na ginibo."
Dangan nagsabi: "Jesus, giromdoma man ako kun yaon ka na sa saimong
kahadean." Si Jesus nagsimbag: "Totoong sinasabi ko saimo: ngonian man sana
maiba ka sako sa paraiso."
Udto na kan magdiklom an aldaw asin an bilog na rona sagkod sa alas-tres

nin hapon. An kortina sa simbahan nagisi sa tahaw. Sa makusog na tingog
si Jesus nagsabi: "Ama, sa saimong kamot idinodolot ko an sakong espiritu!"
(Salmo 31:6). Pakasabi kaini, nautsan. An kapitan, na nakahiling kaining
mga nangyayari, nag-omaw sa Dios asin nagsabi: "Totoo man nanggad: an
tawong ini daing sala!"
An mga tawo na nagtitipon sa paghiling kaini, kan nahiling an nangyayari,
nagpuli sa banwa tinuturumbok an saindang daghan. An saiyang mga
kamidbid asin an mga babae na nagsunod saiya poon sa Galilea,
nagtirindog sa harayo asin saksi kaini gabos
[Sarong lalaki na an ngaran Jose, kaayon sa Sanggunian, marahay asin

matanos na tawo bakong oyon sa ginibo kan mga Judio. Siya taga-
Arimatea, banwa sa Judea. Naghahalat man siya kan kahadean nin Dios.
Ini nagduman ki Pilato asin hinagad an bangkay ni Jesus. Tinanggal,
pinatos sa tamong asin ibinugtak sa lolobngan na tinuki sa gapo. Dai pa
nin ilinobong duman. Aldaw idto kan pag-andam asin magsasabado na.
An mga babae na kairiba niya poon sa Galilea nagsunod sa paghiling kan

lolobngan asin kun paano ilinaog an bangkay. Pagpuli nag-andam nin mga
pahamot asin mga panlahid.]

TRIDUO PASCUAL ASIN PASKO NIN PAGKABUHAY-LIWAT
JUEVES SANTO
Ciclo ABC
Misa sa Crisma
Enot na Babasahon Isaias 61:1-3.6.8-9
An Espiritu nin Kagurangnan itinao sakuya, huli ta linahidan ako nin

Kagurangnan. Sinugo niya ako sa pagdara kan Marahay na Bareta sa mga
dukha, sa pagbugkos kan mga pusong maraot, sa pagrokyaw kan
kaligtasan sa mga bihag, asin katalingkasan sa mga nasa bilanggoan: Sa
pagrokyaw kan taon nin biyaya hale sa Kagurangnan, aldaw nin pagbalos
para sa satuyang Dios; sa pagranga kan mga namumundo nganing itao
sainda korona nin mga burak, bakong abo, lana nin kaogmahan, bakong
kamundoan, kaomawan, bakong kaluyahan nin boot. Alagad aapodon
kamo na "mga padi nin kagurangnan" sasabihon na kamo "mga surugoon
nin satuyang Dios". Maimbod na sinda sakuyang babalsan, asin
makikipagtipan ako sainda sagkod pa man. Sinda ipagbabantog sa gabos
na banwaan, an saindang mga aki ipagbabantog sa mga katawohan An
gabos na makahiling sainda masabi sinda sarong banwaan na
benendicionan nin Kagurangnan.

Salmo-Responsorio Salmo 89:21-
22.25.27
S. Sakuyang pag-aawitan sagkod pa man an pagkamarahayon nin

Kagurangnan.
Si David na sakuyang surugoon sakong nakua:

Banal na lana sakuyang ilinahid saiya.
An sakuyang kamot magdadanay sa saiya;
an sakuyang takyag magpapakusog saiya.

Kagurangnan.
An sakong katotoohan asin pagkamoot yaon saiya;

Sa ngaran ko pag-oomawon an saiyang kapangyarihan.
Masabi siya sako: "Ika an sakuyang Ama,
sakuyang Dios, gapo nin sakuyang kaligtasan."

Kagurangnan.
Ikaduwang Babasahon Kapahayagan 1:5-8
Pagbasa sa Libro nin Kapahayagan
Mapasaindo an biyaya asin katoninongan na hale ki Jesucristo maimbod na

saksi, enot na nabuhay liwat sa mga gadan, hade nin mga hade sa daga.
Namomoot siya sato asin pinara niya kan saiyang dugo an satong mga
kasalan: ginibo niya kitang mga hade asin mga padi sa paglingkod sa
saiyang Dios asin Ama. Mapasaiya an kamurawayan asin kapangyarihan
sa panahon na daing kasagkoran. Amen. Siya an minadatong sa
panganoron Mahihiling siya nin lambang saro, sagkod kan mga
luminugad saiya. Pagtatangisan siya nin gabos na banwaan sa daga. Ini an
katotoohan. Amen. "Ako an Alfa asin Omega", olay nin Dios na
Kagurangnan: siya ngonian, siya kaidto, siya an madatong: an
Makakamhan.

Verso Isaias 61:1 (Lucas
4:18)
An Espiritu nin Kagurangnan uya sako: sinugo ako sa pagdara kan

marahay na Bareta sa mga dukha.
Si Jesus nagduman sa Nazareth, banwa na saiyang pinag-dakulaan, susog

sa saiyang kinaugalian kun aldaw na Sabado, naglaog siya sa sinagoga asin
nagtindog sa pagbasa. Itinao saiya an libro ni Profeta Isaias, binuksan asin
binasa ining nasusurat: An Espiritu nin Kagurangnan uya sako, huli ta
linahidan niya ako asin sinugo sa pagdara kan Marahay na Bareta sa mga
dukha, sa pagrokyaw kan kaligtasan sa mga bihag, sa pagmuklat kan mga
buta, sa pagsurog kan mga inaapi, sa pagrokyaw kan mabalaog na taon nin
Kagurangnan (Is 61:1-2). Pininto an libro, itinao sa katabang asin
nagtukaw. An mga mata nin gabos sa sinagoga nakatorohok saiya Dangan
nagsabi siya sainda: "Ngonian nautob an nasusurat digdi na saindong
nadangog."

JUEVES SANTO
Ciclo ABC
Misa Pagkahapon kan Pamanggi nin Kagurangnan
Enot na Babasahon Exodo 12:1-8.11-14
Duman sa daga nin Egipto, an Kagurangnan nagsabi ki Moises asin ki

Aaron: "An bulan na ini para saindo iyo an enot sa gabos na bulan. Sabihan
nindo an bilog na banwaan nin Israel: Sa ikasampolong aldaw kan bulan
na ini lambang saro kumua nin cordero para sa lambang familia. Kun an
familia sadit mala ta dai makakaubos nin sarong cordero, an lalaki
makiayon sa kataed niyang harong, susog sa bilang kan mga tawo. Dapat
na maisihan ngona an kayang makakan nin lambing saro, tanganing
mabilang kun pira katawo an maninigo para sa sarong cordero An cordero
kaipuhan na daing digta, lalaki na may sangtaon na. Kuahon ini sa mga
camero o sa mga kanding. Laomon sagkod sa ikakag-apat na aldaw kan
bulan. Pagkahapon kan aldaw na iyan, bonoon kun tinipon na an bilog na
banwaan nin Israel An dugo saindang kuahon, ilahid sa duwang poste asin
sa itaas kan pintoan kan harong na saindang pinagkakakanan. Sa bangging
iyan kakanon an laman na inasal sa kalayo Kakanon kaiba an tinapay na
daing levadura asin mga doot na mapait. Arog kamo kaini pagkakan: may
bugkos sa habayan, may sandalyas sa bitis, may sugkod sa kamot.
Kakanon na madali: ta iyo ini an pag-agi nin kagurangnan. Sa bangging
iyan, malibot ako sa daga nin Egipto, gagadanon ko an gabos na panganay
sa daga nin Egipto, tawo asin hayop, asin sakuyang papadusahan an gabos
na mga anito sa
Egipto. Ako an Kagurangnan. An dugo magigin tanda sa mga harong na
saindong pinag-eerokan. Kun mahiling ko an dugo, lilihisan ko kamo asin
makakaligtas kamo sa maraoton na padusa na sakuyang ipapadara sa
Egipto. An aldaw na ini giromdomon nindo asin ipaglehe siring sa
pintakasi nin Kagurangnan. Gigibohon nindo an aldaw na ini bilang
pintakasi sagkod pa man."
S. An satong caliz nin bendicion iyo an pag-ako kan dugo nin

Kagurangnan.
Paano akong makakabalos sa Kagurangnan

kan saiyang pagkamarahayon sakuya?
Sakong itaas an caliz nin kaligtasan;
aapodon ko an ngaran nin Kagurangnan.

Kagurangnan.
Magayon sa mata nin Kagurangnan an kagadanan

nin saiyang mga banal
Surugoon mo ako, Kagurangnan, surugoon mo:
Hinubad mo an nakakagapos sako.

Kagurangnan.
Madolot ako nin atang bilang pasalamat:

Aapodon ko an ngaran nin Kagurangnan.
Uutobon ko an sakong panuga sa Kagurangnan
sa atubang kan bilog niyang banwaan.

Kagurangnan.
Ikaduwang Babasahon 1 Corinto 11:23-
26
Inako ko hale sa Kagurangnan an itinukdo ko saindo: na kan banggi na

siya pinasaluiban, kinua ni Jesus na Kagurangnan an tinapay,
nagpasalamat, binaak asin nagsabi: "Ini an sakuyang hawak na idodolot
para saindo giboha nindo ini sa pagromdom sako." Sining man,
pakapamanggi kinua an caliz asin nagsabi: "An caliz na ini iyo an bagong
tipan nin sakuyang dugo. An lambang pag-inom nindo kaini, gibohon
nindo sa pagromdom sako." Kaya lambang pagkakan nindo kan tinapay na
ini asin pag-inom kan caliz na ini, ipinagrorokyaw nindo an kagadanan nin
Kagurangnan sagkod na siya bumalik

Verso Juan 13:34
Bagong tugon itinatao ko saindo: magkaminootan kamo siring kan

pagkamoot ko saindo.
Bisperas na kan Pasko. Aram ni Jesus na duminatong na an oras na siya

mahale sa kinaban na ini asin mapuli sa Ama. Namotan niya an saiyang
mga pinadangat na uya sa kinaban asin namotan sagkod sa kataposan.
Sinda namamanggi. Ipinapasabong na kan demonio ki Judas, aki ni Simon
Iscariote, na pasaluban niya si Jesus. Aram ni Jesus na an gabos na bagay
itinao nin Ama sa saiyang kamot Aram man niya na gikan siya sa Dios asin
sa Dios mapuli: nagtindog, hinale an alikboy asin ihinagkos an tuwalya,
linagan nin tubig an palanggana asin nagpoon paghanaw kan mga bitis nin
saiyang mga disipulos, pinahidan kan tuwalya na hagkos niya. Pagdolok
ki Pedro, ini nagsabi: "Kagurangnan, ika mahanaw kan sakong mga bitis?"
Si Jesus nagsimbag "An ginigiboko dai mo pa masasabotan ngonian:
masasabotan mo ngapit." Nagsabi si Pedro "Sagkod pa man dai ka
mahanaw kan sakong mga bitis!" Nagsimbag si Jesus: "Kun dai ka
magpahanaw sako, dai ka makakaiba sako." Si Simon Pedro nagsabi
"Kagurangnan, kun siring, bako sana an sakong mga bitis kundi man an
sakong mga kamot asin sakong payo." Si Jesus nagsabi saiya: "An
nagparigos daina nagkakaipong maghanaw malinig na siya. Kamo man
mga malinig na, alagad bakong kamo gabos" Aram ni Jesus kun siisay an
mapasaluib saiya, kaya nagsabi: "alagad bakong kamo gabos malinig".
Pakahanaw kan mga bitis, isinulot an alikboy asin nagsabi: "Nasabotan
nindo kun ano an ginibo ko? Inaapod nindo ako na Maestro asin
Kagurangnan; tama an sinasabi nindo, huli ta iyo man nanggad. Kun ako,
na saindong Maestro asin Kagurangnan, naghanaw kan saindong mga
bitis, kamo man dapat na maghanaw-hanawan Ako nagtao saindo nin
halimbawa, tanganing kun ano an ginibo ko, iyo man an gibohon nindo."
VIERNES SANTO
Ciclo ABC
Pasion nin Kagurangnan
Enot na Babasahon Isaias 52:13-53:12
Hilnga an sakuyang surugoon mauswag, babangonon siya, itataas,

ilalangkaw. Siring an mga tawo mangingiring maghiling saiya - huli ta an
saiyang forma garo bako nang siring sa tawo -- ipagngangalas siya nin
katawohan asin an mga hade magkakamorongnan sa atubang niya huli ta
mahihiling ninda an dai ipinag-osip kaidto asin saindang masasaksihan an
dai pa nadangog kaidto: "Siisay an matubod dapit sa satong nadangog? Sa
kiisay ipinahayag an kapangyarihan Kagurangnan?" Siya nagtalubo siring
sa joven na kahoy sa satuyang atubang, siring sa gamot na yaon sa alang
na daga: nahiling ta na siya daing kagayonan, daing kamahalan, mayong
hitsura na makawiwili sa satong mga mata: sarong bagay na ikinakaoyam
asin isinisikwal nin katawohan; tawong tagob nin mga kapaitan, asin tood
sa pagtios. Sa atubang niya tinatakpan nin mga tawo an saindang
lalawgon. Pinag-api siya asin dai niato tinabangan Alagad satuya an mga
kasakitan na saiyang tinios, satuya an mga kapatan na salyang
namamatean. Pinaghona niato na siya pinadusahan, kinastigo nin Dios
asin hinamak. Linugad siya kan satong mga kasombikalan, ninonot huli
kan satong mga kasalan. Itinao saiya an padusa na nagdara sato nin
katoninongan, asin huli kan saiyang mga lugad kita nagkaoromayan. Kita
gabos nalagalag siring sa mga kamero, lambang saro sa saiyang sadiring
padudumanan, asin sa saiya ikinarga nin Kagurangnan an silot sa mga
kasalan niato gabos. Pinasakitan, alagad mapakumbabang tinios, dai
binuka an saiyang ngoso, siring sa korderongdinadara sa bonoan, siring sa
carnero sa atubang kan paragunting daing girong, dai binuka an ngoso.
Dinakop asin hinatolan susog sa tugon siisay an masurog sa saiyang
magigin kapaladan? Siya hinale sa daga nin mga buhay, linugad huli sa
kasombikalan nin saiyang banwaan Lolobngan itinao saiya kaiba kan mga
tampalasan, lolobngan sa kaibahan nin mga tawong mayaman, maski
ngani mayo siyang naginibong kasalan, asin sa saiyang ngoso mayo nin
kaputikan. Binoot nin Kagurangnan na siya ronoton sa kasakitan. Kun
buhay idolot niya sa pagbayad kan mga kasalan, kapagarakian mahihiling
niya, mahalawigan saiyang mga aldaw, asin huli saiya mauutob an
kamawotan nin Kagurangnan. Kun tapos na an kahorasaan nin saiyang
kalag, mahihiling niya an liwanag asin siya maoogma. Huli kan mga
kasakitan na tinios, saiyang pinapasan an saindang mga kasalan. Kaya
itatao ko saiya dakulang kahirasan, an mga mapangyari hihirasan niya kan
mga ginana. Huli ta an buhay idinodolot niya sa kagadanan, ibinilang niya
an sadiri siring sa parakasala, pinasan niya an mga pagkakasala nin
kadaklan asin sa gabos na oras ipinapamibi niya an mga tampalasan.

Salmo-Responsorio Salmo 31:2.6.12-13.15-
16.17.25
S. Ama sa saimong kamot idinodolot ko an sakong Espiritu.
Sa saimo Kagurangnan, ako minapaalaw; hare ako pagsubolan sa

kasupugan.
Huli ta ika matanos, ako ligtasan, sa saimong kamot idinodolot ko an
sakong espiritu.
Ika an matubos sako, Kagurangnan.
Ako pinag-olog-olog nin gabos kong kalaban,

Pinag-ngingisihan nin sakong mga katood, kinakatakotan nin sakong
mga kamidbid.
Nahihiling ninda ako sa tinampo asin pinagdudulagan ninda ako.

Nalingawan ninda ako siring sa gadan: siring sa sarong bagay na
itinapok.
Alagad minasarig ako saimo, Kagurangnan

Ako minasabi: "Ika an sakuyang Dios.
An buhay ko yaon sa kamot mo: agawa ako sa kamot kan mga naoongis
sako."

Ipahiling mo sa saimong surugoon an saimong lalawgon,
Ako namomotan mo: ligtasan ako.
Magmakusog kamo asin pasarigon an boot:
Kamo gabos na naglalaom sa Kagurangnan.
Ikaduwang Babasahon Hebreo 4:14-16; 5:7-9
Pagbasa sa Surat sa mga Hebreo
Igwa kita nin halangkaw na padi - si Jesus na Aki nin Dios - na nakalaog sa
kalangitan. Ini an pagtubod na satuyang ipahayag. An satong padi bakong
siring sa dai nakakamati kan satuyang mga kaluyahan: ata ngani siya nag-
agi sa gabos na kasakitan siring satuya, minsan ngani mayo siya nin
kasalan. Kaya pano nin pagsarig, dumulok kita sa trono nin gracia,
tanganing makamtan ta an pagkaherak asin makua ta an gracia sa panahon
na kita nagkakaipo nin tabang. Kan panahon na siya uya pa digdi sa daga,
nagdolot siya nin mga pamibi asin pakimaherak: nagdolot sa may
kapangyarihan na nagligtas saiya sa kagadanan. An saiyang pamibi
dinangog huli kan saiyang magalang na kapakumbabaan. Minsan ngani
siya Aki, alagad huli kan saiyang mga tinios, nakanood siyang magsunod,
asin huli ta marahayon an saiyang ginibo, siya nagin burabod nin
kaligtasan na daing kataposan para sa gabos na nagsusunod saiya.

Verso Filipos 2:8-9
Si Cristo nagpakumbaba huli sato. Inako niya an Kagadanan:

Kagadanan sa cruz. Kaya initaas siya nin Dios asin tinawan nin
ngaran na orog kisa gabos na ngaran.
Evangelio Juan 18:1-19:42
✠ Pasion ni Jesucristong Kagurangnan na Sinurat ni San Juan
Pakasabi kaini, si Jesus nagluwas kaiba an saiyang mga disipulos, nagbalyo

sa salog nin Cedron asin naglaog sa sarong tatamnan. An tatamnan na ini
midbid ni Judas na nagpasaluib saiya, huli ta si Jesus kaiba an saiyang mga
disipulos dayaday na nagtiripon duman. Si Judas nagkua nin mga
soldados asin mga surugoon kan mga poon nin kapadian asin mga fariseos
asin nagduman may darang mga parol, mga karaba asin mga armas Aram
ni Jesus an gabos na nangyayari dinolok niya sinda asin hinapot: "Siisay an
hinahanap nindo?" Simbag ninda: "Si Jesus Nazareno". Si Jesus nagsabi
sainda: "Ako siya". Kaiba ninda si Judas na nagpasaluib saiya. Pagsabi ni
Jesus na "ako siya" nagsimbag sinda asin nagkapurukan. Giraray hinapot
sinda ni Jesus: "Siisay an hinahanap nindo?" Simbag ninda: "Si Jesus
Nazareno". Si Jesus nagsabi sainda: "Sinabi ko na saindo na ako siya. Kun ako
hinahanap nindo, pabaye nindo na an mga ini humale". Digdi nautob an
kasabihan: "Sa mga itinao mo sakuya, dai nin saro na nawara."
Dangan hinugot ni Simon Pedro an minasbad na saiyang dara, tinigbas an

surugoon kan poon na padi asin napalong an toong talinga. Malco an
ngaran kan surugoon. Si Jesus nagsabi ki Pedro "Isarong mo an saimong
minas bad. Dai ko daw inomon an calis na ipinapainom sako nin Ama?" Dinakop
si Jesus kan mga soldados, kan kapitan asin mga bantay nin mga Judio,
ginapos asin dinara enot sa harong ni Anas, panugangan ni Caifas na poon
na padi kan taon na idto. Si Caifas iyo an naghatol na "kaipuhan magadan
an sarong tawo para sa banwaan." Si Simon Pedro asin saro pang disipulo
nagsunod ki Jesus. An disipulong ini, na midbid kan poon na padi, nag-iba
ki Jesus paglaog sa Palacio kan poon na padi. Si Pedro naghalat sa luwas
kan pintoan, an disipulo na midbid kan poon na padi nagluwas, kinaolay
an portera asin pinalaog si Pedro. An surugoon na iyo an nagportera
naghapot ki Pedro: "Bakong saro ka man na disipulo kan tawong iyan?" Si
Pedro nagsimbag "Bako." Huli ta malipot, an mga surugoon asin mga
bantay nagpalaad nin kalayo tanganing makapahimbong sinda. Si Pedro
yaon man duman nakatindog asin nagpahimbong kaibahan ninda. An
poon na padi naghapot ki Jesus dapit sa saiyang mga disipulos asin
katukdoan. Si Jesus nagsimbag "Ako nagtaram nin hayag sa bilog na kinaban;
ako danay na nagtukdo sa sinagoga asin sa simbahan, na pinagtiriponan kan mga
Judio, dai ako nin anoman na sinabi sa hilom. Tadaw ta hinapot mo ako? Hapota
an mga nakadangog sako kun ano an itimukdo ko. Aram ninda kun ano an sinabi
ko." Sa saiyang pagtaram kaini, si Jesus sinampaling kan saro sa mga
bantay na an sabi: "Siring kaiyan an saimong simbag sa poon na padi?" Si Jesus
nagsabi saiya: "Kun sala an sakong itinaram, ipahiling kun haen an sala. Alagad
kun tama, tadaw ta sinasampaling mo ako?" Dangan si Jesus ipinagapos asin
ipinadara ni Anas ki Caifas, poon na padi. Yaon duman si Simon Pedro
nakatindog asin nagpahimbong. Hinapot siya ninda: "Bako daw na saro ka
man na disipulos niya?" Nagnegar "Ako bako". Sarong surugoon kan poon na
padi, kadugo kan lalaki na an talinga pinalong ni Pedro, nagsabi saiya:
"Bakong nahiling taka na kaiba duman sa tatamnan?" Giraray pinagnegaran ni
Pedro asin tolos nagturaok an manok.
Dangan hale sa harong ni Caifas dinara ninda si Jesus sa harong kan

gobemador. Nagbabanaag an kaagahan Dai sinda naglaog nganing dai
madigtaan asin nganing makapagcelebrar kan pamanggi sa pasko. Si Pilato
nagluwas asin naghapot sainda: "Ano an sumbong nindo laban sa tawong
ini?" Simbag ninda: "Kun siya bakong tampalasan, dai mi sna dadarahon
saimo" Si Pilato nagsabi sainda: "Kamo na an bahala sanya; hukuman nindo
susog sa saindong tugon." An mga Judio nagsimbag "Dai tugot samo na
maggadan sa kiisay man". Ini nangyari tanganing mautob an sinabi ni Jesus
kun paano siya magagadan.
Si Pilato nagbalik sa laog, ipinaapod si Jesus asin sinabihan: "Ika an hade
kan mga Judio?" Si Jesus nagsimbag "han an saimong paghona o may nagsabi
saimo dapit sako?" Si Pilato naghapot: "Ano ako bakong Judio? Dinara ka sako
kan saimong bawaan asin kan mga poon nin
kapadian. Ano an ginibo mo?" Si Jesus nagsimbag "An Kahadean ko bakong sa
kinaban na ini. Kun sa kinaban na ini an kahadean ko, an sakong mga kampon
makikilaban kutana, tanganing dai ako mahulog sa kamot kan mga Judio. Kaya sa
katunayan, an kahadean ko bakong gikan digdi." Si Pilato nagsabi: "Kun siring
ika an hade?" Si Jesus nagsimbag. "Ika an nagsasabi na ako hade. Huli kain ako
namundag asin huli kainiako napadigdi sa kinaban tanganing magin saksi kan
katotoohan." Si Pilato nagsabi: "Katotoohan? Ano an katotoohan?" Pakasabi
kaini, si Pilato nagluwas giraray, nagduman sa mga Judio asin nagsabi:
"Dai akong nakuang sala sa tawong ini. May kaugalean kamo na sa Pasko sarong
nabibilanggo sakong paluwason. Boot nindo na pahwason ko an hade kan mga
Judio?" Nagkurahaw sinda: "Bako iyan kundi si Barabas." (Si Barabas sarong
tulisan.)
Dangan si Jesus ipinahampak ni Pilato. An mga soldados nagsalapid nin

tunok, ginibong korona asin ikinorona sa payo ni Jesus, ginubingan nin
purpura, dangan nagdolok asin nagsabi saiya: "Mabuhay, hade nin mga
Judio!" Asin sinampaling siya ninda Giraray si Pilato nagluwas asin
nagsabi sainda "Uya, ipinapahiling ko siya saindo tanganing maaraman nindo
na dai akong nakuang sala sa saiya.” Si Jesus nagluwas, nakokoronahan nin
tunok asin nagugubingan nin purpura. Si Pilato nagsabi sainda: "Uya an
tawo." An mga poon nin kapadian asin bantay nagkurahaw: "Ipako sa cruz! Ipako
sa cruz!" Si Pilato nagsimbag "Kuaha nindo asin ipako nindo sa cruz, dai
akong nakuang sala sa saiya."An mga Judio nagsabi: "Igwa kami nin Tugon,
asin sosog sa Tugon, snya dapat na ipagadan, huli ta nagpapatubod na siya aki
nin Dios." Kan madangog ni Pilato an mga tataramon na ini orog na
natakot.
Naglaog giraray asin naghapot ki Jesus: "Taga saen ka?" Dai siya sinimbag
ni Jesus. Kaya si Pilato nagsabi: "Habo kang makiolay sako? Dai mo aram na
igwa ako nin kapangyarihan sa pagpaluwas saimo asin man kapangyarihan sa
pagpako saimo sa cruz?" Sinimbag ni Jesus: "Dai ka nin kapangyarihan sa sako,
kun bako an kapangyarihan na itinao saimo nin Dios. Kaya an nagpasaluib sako
asin nagtao saimo orog na may kasalan." Huli kaini pinaghingowa ni Pilato na
si Jesus mapaluwas, alagad an mga Judio nagkurahaw: "Kun iyan
paluwason mo, bako kang katood ni Cesar. An gabos na nagpapatubod na hade
kaiwal ni Cesar." Pakadangog ni Pilato kan mga tataramon na ini, ilinuwas
niya si Jesus asin tuminukaw sa tribunal, sa lugar na inaapod "Pinalitada"
(sa Arameo, Gabbata). Bisperas na kan Pasko, harani na an kaodtohan Si
Pilato nagsabi sa mga Judio: "Uya an saindong hade." Sinda nagkurahaw:
"Haleon, haleon! Ipako sa cruz!" Si Pilato nagsabi sainda: "An saindong hade
ipako sa cruz?" An mga poon nin kapadian nagsimbag "Dai kaming ibang
hade kundi si Cesar."
Sa kataposan, si Jesus itinao ni Pilato sa sainda tanganing ipako sa cruz.

Kaya, kinua ninda si Jesus asin pinapasan kan cruz, paluwas pasiring sa
lugar na inaapod Calvario (sa Arameo, Golgota); duman ipinako siya
ninda sa cruz kaiba an duwa katawo saro sa mag-ibong asin si Jesus sa
tahaw. Si Pilato nagsurat nin sarong paisi na ipinabugtak sa cruz. An sabi:
JESUS NAZARENO HADE KAN MGA JUDIO. An paising ini nabasa nin
dakul na mga Judio huli ta an lugar na pinagpakoan ki Jesus harani sa
banwa asin man huli ta isinurat sa Hebreo, Latin asin Griego. An mga poon
nin kapadian nagsabi ki Pilato: "Dai mo isurat na "Hade kan mga Judio.'
Ibugtak mo: 'Ini nagsabi na siya hade kan mga Judio." Si Pilato nagsimbag "An
sinurat ko, simurat ko na!" Pakapakoan ki Jesus sa cruz, pinag-apat kan mga
soldados an saiyang gubing, tigsararo lambang soldados, dai hiniro an
tunica sarong tunica na dai tinahi kundi bilog na hinabol. An mga soldados
nagsabi "Dai niato pagbarangaon, kundi ripahan kun mapa kisay." Digdi
nautob an kasuratan "Pinagbaranga ninda an sakuyang gubing, asin an
sakayang tunica saindang pinagripahan" (Salmo 22:19). Ini an ginibo kan mga
soldados.
Yaon duman sa pamitisan kan cruz an saiyang ina, an tugang kan saiyang
ina si Maria Cleofas asin si Maria Magdalena. Pakahiling kan saiyang ina
asin kan saiyang disipulong namomotan sa kataed niya, si Jesus nagsabi:
"Babae, uya an saimong aki." Dangan sa disipulo: "Uya an saimong ina." Poon
kaidto inako siya kan disipulo sa saiyang harong. Pagkatapos kaini, aram
ni Jesus na an gabos nautob na, asin tanganing bulanos na mautob an
kasuratan, nagsabi: "Ako napapaha." Igwa duman nin sarong basong pano
nin suka. Sarong esponja na sinaromsom sa suka, itinakod sa tokon asin
idinuhol sa saiyang ngimot. Pakanamiti an suka, si Jesus nagsabi: "Natapos
na." Dangan idinuko an payo, asin nautsan.
Aldaw idto nin pag-andam, an mga Judio, tangani na an bangkay dai
mawalat sa cruz sa aldaw na sabado, huli ta an dakulang aldaw an
sabadong ito, nakimaherak ki Pilato na bararion an mga tabay asin
haraleon. Kaya an mga soldados nagduman asin binari an mga tabay kan
saro na ipinako, dangan an mga tabay na man kan saro. Alagad pag-abot ki
Jesus, nahiling na gadan na, dai ninda binari an tabay, alagad sarong
soldado ginarod an saiyang hirog, asin tolos buminulos an dugo asin tubig.
Saksi an nagsasabi kaini, asin an saiyang pagsaksi totoo. Aram na totoo an
saiyang sinabi, tanganing magtubod kamo, huli ta ini nangyari tanganing
mautob an kasuratan: "Dai siya ninda binarian nin tulang" (Ex. 12:46; Salmo
34:21) asin sa ibang lugar sinasabi: "Mahihiling ninda an saindang ginarod"
(Zac 12:10). Pakatapos kaini, si Jose de Animatea, disipulo ni Jesus, alagad
hilom huli sa takot sa mga Judio, naghagad ki Pilato na itogot saiya na
haleon an bangkay. Tinogotan siya ni Pilato, kaya nagduman asin kinua an
bangkay ni Jesus. Nagduman man si Nicodemo, nagdalaw ki Jesus sarong
banggi dara sanggatos na librang mirra asin aloe. Kinua ninda an bangkay
ni Jesus, pinatos nin mga tamong na lino asin inolaan nin
aroma, susog sa ugali kan mga Judio sa paglobong. Duman sa lugar na
pinagpakoan ki Jesus igwa nin tatamnan, asin sa tatamnan igwa nin
bagong lolobngan, na dai pa nin ilinobong, Nin huli ta para sa mga Judio
aldaw idto nin pag-andam asin an lolobngan harani man sana, duman
ninda ilinobong si Jesus.
Marahay na Bareta kan Kagurangan.

VIGILIA PASCUAL
Ciclo ABC
Enot na Babasahon Genesis 1:1-2:2 o 1:1.26-37
Sa kapinonan linalang nin Dios an langit asin an daga. An daga daing laog,
daing anoman. (An kadikloman nasa ibabaw kan kararoman asin an
Espiritu nin Dios naglalayaw-layaw sa ibabaw kan katubigan. An Dios
nagsabi: "Magkaigwa nin liwanag", asin nagkaigwa Nahiling nin Dios na
an liwanag marahay: an liwanag linaen sa diklom. An liwanag inapod
"aldaw" asin an diklom inapod "banggi" Naghapon asin nag-aga: enot na
aldaw. An Dios nagsabi: "Magkaigwa nin firmamento sa pag-ultanan kan
mga tubig." Asin siring an nangyari. Ginibo nin Dios an firmamento: an
mga tubig sa ibabaw linaen sa mga tubig sa ibaba "Langit" an ngaran na
itinao nin Dios sa firmamento. Naghapon asin nag-aga ikaduwang aldaw.
An Dios nagsabi: "Magkasararo an mga tubig na nasa irarom kan langit
asin lumuwas an mamarang daga." Asin siring an nangyari. "Daga" an
inginaran nin Dios sa mamara asin "dagat" sa mga tubig na nagkasararo.
Nahiling nin Dios na ini marahay. An Dios nagsabi: "Magtubo sa daga an
mga tinanom na nagbubunga asin tinanom na an bunga may pisog." Asin
sining an nangyari. Sa daga nagtubo an mga tinanom na manlaan-laen an
mga bunga asin mga kahoy na may bunga na manlaan-laen an pisog.
Nahiling nin Dios na ini marahay. Naghapon asin nag-aga ikatolong
aldaw. An Dios nagsabi: "Magkaigwa nin mga ilaw sa langit. Tanganing an
aldaw ilan sa banggi asin magin tanda para sa mga panahon, sa mga aldaw
asin mga taon. An mga ilaw sa langit magliwanag sa daga." Asin siring an
nangyari. Duwang ilaw ginibo nin Dios: saro dakula para sa aldaw, asin
saro sadit para sa banggi. Ginibo man nin Dios an mga bitoon asin
ibinugtak sa langit tanganing maliwanagan ninda an daga, mapakarhay an
dalagan kan aldaw asin banggi asin laenon an liwanag sa diklom. Nahiling
nin Dios na ini marahay. Naghapon asin nag-aga: ikaapat na aldaw. An
Dios nagsabi: "Magkaigwa nin mga buhay na linalang sa mga tubig asin
mga gamgam na naglalayog sa ibabaw kan daga, sa sirong kan langit."
Asin sining an nangyari. Linalang nin Dios an mga dakulang sira sa dagat,
an gabos na mga hayop na buhay na naglalangoy sa tubig asin gabos na
may pakpak. Nahiling nin Dios na ini marahay. Benendicionan nin Dios na
an sabi: "Magdagdag kamo asin magdakul: panoa nindo an tubig sa dagat.
Siring man an mga gamgam magdakul sa ibabaw nin daga Naghapon asin
nag-aga: ikalimang aldaw. An Dios nagsabi: "Magkaigwa nin mga linalang
na may buhay sa daga: mga hayop na may sungay, mga hayop na
nagkakanap, gabos na klaseng hayop sa kadlagan. Asin siring an nangyari.
Ginibo nin Dios an gabos na klaseng hayop sa kadlagan, gabos na klaseng
hayop na may bitis, gabos na klaseng hayop na nagkakanap. Nahiling nin
Dios na ini marahay.) An Dios nagsabi: "Gibohon ta an tawo na arog sato,
sa satong ladawan asin kabaing. Itao ta saiya an kapangyarihan sa mga sira
sa dagat, sa mga gamgam sa langit, sa mga hayop na may bitis, gabos na
hayop sa kadlagan asin gabos na
nagkakamang sa ibabaw kan daga." Linalang nin Dios an tawo na kabaing
saiya: sa kabaing nin Dios linalang niya an tawo; linalang na lalaki asin
babae. Benendicionan sinda nin Dios asin sinabihan: "Magdagdag kamo
asin magdakul: panoon nindo asin sakopon an daga. Magboot kamo sa
mga sira sa daga, sa mga gamgam sa langit asin sa gabos na hayop sa
ibabaw nin daga." An Dios nagsabi: “Uya, itinatao ko saindo an gabos na
mga tinanom sa daga na an bunga may pisog; an gabos na kahoy na
nagbubunga tanganing magin kakanon nindo. An mga dahon kan mga
tinanom itinatao kong kakanon kan gabos na mga hayop sa kadlagan,
gabos na gamgam sa langit asin gabos na nagkakamang sa daga." Asin
siring an nangyari. Nahiling nin Dios an gabos niyang ginibo, asin an
gabos marahay. Naghapon asin nag-aga: ikaanom na aldaw. Siring kaini an
paghaman kan langit asin daga kaiba an gabos na yaon diyan. Sa ikapitong
aldaw tapos na an gibo nin Dios. Nagpahingalo siya sa ikapitong aldaw,
pagkatapos na mahaman an gabos niyang gibo.

Salmo-Responsorio S. 104:1-2.5-6.10.12.13-14.24.35
S. Kagurangnan, isubol mo an Saimong Espiritu, asin bagoha an lawog nin

kinaban.
Mag-omaw ka sa Kagurangnan, O kalag ko!

Dios na Kagurangnan, ika orog kadakula,
An gubing mo kamahalan asin kamurawayan,
Nagugubingan ka nin liwanag.
S. Kagurangnan, isubol mo an Saimong Espiritu asin bagoha an lawog nin

kinaban.
An daga pinatindog Mo na saiyang sarigan

Magdadanay sagkod pa man.
Pinalibotan mo nin dagat siring sa akikboy;
An mga tubig mas halangkaw kisa mga bukid.

kinaban.
Mga burabod pinapabulos mo sa mga kapatagan;

Minabulos sa pag-ultanan nin mga bukid.
Sa saindang mga pangpang yaon an mga gamgam sa langit;
Sa mga sanga inaawit ninda an saindang awit.

kinaban.
Hale sa pinag-eerokan mo saimong tinutubigan an mga bukid;

An daga minainom bale sa saimong balaog,
an doot pinapatubo mo para sa hayop,
Asin an tinanom para sa kaipuhan nin tawo.

kinaban.
Ikaduwang Babasahon Genesis 22:1-18
Inapod nin Dios si Abraham asin tinukso "Abraham, Abraham!" Si

Abraham nagsimbag "Uya ako." An Dios nagsabi: "Kuaha an saimong aki,
si Isaac na saimong bugtong na aki. Siya saimong namomotan. Paduman sa
daga nin Moria. Duman idolot mo siya bilang tinutong na atang, sa ibabaw
kan bukid na ipapahiling ko saimo."
(Pagkaagang amay nagbangon si Abraham, inandam an asno, ipinag-iba

duwa sa saiyang mga surugoon asin an saiyang aking si Isaac, Nagputol
nin panggatong para sa tinutong na atang asin nagpasiring sa lugar na
ipinahiling saiya nin Dios. Sa ikatolong aldaw si Abraham nagtingkalag
asin nahiling an lugar sa harayo. Dangan si Abraham nagsabi sa mga
surugoon: "Maghalat kamo digdi kaiba an asno. An aki asin ako maduman,
masamba asin babalikan mi kamo." Kinua ni Abraham an panggatong para
sa tinutong na atang, ipinapasan ki Isaac, dara niya sa saiyang kamot an
kalayo asin kutsilyo.
Dangan naglakaw sindang' duwa. Si Isaac nagtaram ki Abraham na

saiyang ama: "Ama," sabi niya. "Opo, aki ko," simbag ni Abraham. Si Isaac
nagsabi: "Uya, igwa nang kalayo asin panggatong, alagad haen an cordero
para sa tinutong na atang?" Si Abraham nagsimbag "Aki ko, Dios na an
bahala kan cordero para sa tinutong na atang." Dangan padagos an
paglakaw nindang duwa.) Pag-abot ninda sa lugar na ipinahiling nin Dios
saiya, si Abraham nagpatindog nin altar asin pinakarhay an panggatong.
Dangan ginapos si Isaac na saiyang aki asin ibinabaw sa panggatong na
yaon sa altar. Ibiningat ni Abraham an saiyang kamot na kapot an kutsilyo
ta gagadanon an saiyang aki Alagad inapod siya kan angel nin
Kagurangnan hale sa langit: "Abraham, Abraham!" Si Abraham
nagsimbag: "Uya ako," An angel nagsabi, "Hare pagbingata an saimong
kamot laban sa aki. Dai mo siya pag-anohon. Ngonian aram ko na ika may
pagkatakot sa Dios. Dai mo isinayuma sako an saimong aki, an saimong
bugtong na aki." Pagtingkalag, nahiling ni Abraham an sarong carnero na
an mga sungay nakasabit sa sarong kahoy-kahoy. Kinua ni Abraham an
carnero asinidinolot bilang tinutong na atang, bako an saiyang aki. (Inapod
ni Abraham an lugar na idto "Dios na an bahala." Sagkod ngonian sinasabi:
Sa bukid na ini Dios na an bahala.) Si Abraham inapod giraray kan angel
nin Kagurangnan hale sa langit: "Sa sakuyang sadiring ngaran ako
minasumpa nagtataram an Kagurangnan huli ta sa ginibong ini, huli ta dai
mo isinayuma sako an saimong aki, an saimong bugtong na aki,
bebendicionan taka, papadakulon ko an saimong mga aki arog kan mga
bitoon sa langit, arog kan mga baybay sa pangpang kan dagat.
Masasakopan kan saimong mga kaakian an mga banwaan nin saindang
mga kalaban An gabos na banwaan sa daga maggin paladan sa saimong
mga kaakian, huli ta ika nagkukuyog."

Salmo-Responsorio Salmo 16:5.8.9-
10.11
S. Ampona ako Kagurangnan, Ika an sakong paglaom.
Ika, Kagurangnan, an sakong pinili, sakong caliz,

Ika man sana an sakuyang magigin balos.
Danay kong ginigiromdom an Kagurangnan.
Uya siya sa too kong kamot: ako magdadanay.
Naoogma an sakong puso, naoogma an sakong kalag:

Sagkod an sakong hawak nasa katiwasayan.
Dai mo pabayaan na malapa an saimong namomotan.
Ipapahiling mo sako an dalan nin buhay.

Yaon sa atubang mo an bilog kong kaogmahan;
Yaon sa too mong kamot an kaogmahan sagkod pa man.
S. Ampona ako Kagurangnan, Ika an sakong paglaom

Ikatolong Babasahon Exodo 14:15-15:1
An Kagurangnan nagsabi ki Moises: "Tadaw ta inapod mo ako? Sabihon

mo sa mga aki nin Israel na padagoson an pagbaklay. Para saimo, itaas an
saimong sugkod, unata an saimong kamot sa ibabaw kan dagat: bangaa an
dagat tanganing an mga aki nin Israel makalakaw sa mamarang daga sa
tahaw kan dagat. Sakong papatagason an puso kan mga taga-Egipto
tanganing lamagon ninda an mga aki nin Israel Ako pag-oomawon, huli ta
madadaog si Faraon, an bilog niyang hukbo, an saiyang mga lunadan asin
parakabayo. Kun ako bantog na, huli ta dinaog si Faraon, asin saiyang mga
lunadan asin an saiyang hukbo, maaaraman kan mga taga-Egipto na ako
an Kagurangnan. Dangan an angel nin Kagurangnan na nangengenotan sa
hukbo nin Israel, nagpahuri. Siring man an harigeng-panganoron na nasa
enotan, nagpahuri nag-untok sa pag-ultanan kan hukbo nin mga taga-
Egipto asin kan hukbo nin Israel. An panganoron madiklom, asin bilog na
banggi an mga hukbo dai nagkainabotan. Inunat ni Moises an saiyang
kamot sa ibabaw kan dagat. Sa kusog kan doros na nagdagsa bilog na
banggi, pinasibog nin Kagurangnan an dagat. Nabanga an mga tubig
pinaril na tubig sa wala asin pinanil na tubig sa too an mga aki nin Israel
nag-agi sa mamarang daga sa tahaw. Linamag sinda kan mga taga-Egipto:
Gabos na mga kabayo ni Faraon, an saiyang mga lunadan asin an mga
parakabayo naglamag sainda Pagkahale sa harigeng-kalayo asin sa
harigeng panganoron dinungawan nin Kagurangnan an hukbo kan mga
taga-Egipto asin winararak an saindang hukbo. Ginoroong an mga rueda
kan saindang mga lunadan, kaya dai sinda nakahiro. An mga taga-Egipto
nagkurahaw: "Dumulag kita sa mga Israelita: Sinusurog sinda nin
Kagurangnan, asin linalabanan an mga taga-Egipto." An kagurangnan
nagsabi ki Moises: "Unata an saimong kamot sa ibabaw kan dagat,
tanganing an mga tubig bumulos balik sa mga taga-Egipto, sa saindang
mga lunadan asin sa saindang mga para-kabayo." Inunat ni Moises an
saiyang kamot sa ibabaw kan dagat, asin pagsirang kan aldaw, an dagat
buminalik sa dati An mga taga-Egipto nagdurulag sa dagat asin linamos
sinda nin Kagurangnan sa tahaw kan dagat. An mga tubig, pagbalik sa
dati, nagkaralantopan an mga lunadan asin an mga para-kabayo kan
hukbo ni Faraon na naglamag sa mga Israelita pasiring sa dagat. Mayo sa
sainda nin natada, mayo ni saro man lamang. Alagad an mga aki nin Israel
naglakaw sa mamarang daga, sa dagat sa pag-ultanan kan pinanil na tubig
sa too asin pinaril na tubig sa wala. Kan aldaw na iyan ilinigtas nin
Kagurangnan an Israel sa mga taga-Egipto, nahiling kan Israel an mga
taga- Egipto nagkahurutad sa baybayon. An Israel saksi sa dakulang
ngangalasan na ginibo nin Kagurangnan laban sa mga taga-Egipto. An
Kagurangnan sinamba kan banwaan: nagtubod sinda sa Kagurangnan asin
ki Moises na saiyang surugoon. Kaya si Moises asin an mga aki nin Israel
nag-awit kaining awit sa kaomawan nin Kagurangnan.

Salmo-Responsorio Salmo 15:1-2.3-4.5-6.17-
18
S. Mag-awit kita sa Kagurangnan pano siya nin kamurawayan.
Maawit ako sa Kagurangnan: mamurawayon an saiyang panggana!

Kabayo asin parakabayo itinapok niya sa dagat!
An Kagurangnan sakong kusog, sakong awit, sakong kaligtasan.
Siya an sakong Dios, siya an sakong aawitan;
Dios an sakong ama, siya sakong pag-oomawon.
S. Mag-awit kita sa Kagurangnan: pano siya nin kamurawayan.
An Kagurangnan paralaban!
Kagurangnan an saiyang ngaran.
An nasa irarom kan dagat: nag-irarom siring sa gapo.
S. Mag-awit kita sa Kagurangnan: pano siya nin kamurawayan
An too mong kamot Kagurangnan,

mamurawayon sa kapangyarihan;
An kalaban rinonot kan too mong kamot, Kagurangnan.
An kaiwal rinonot mo sa saimong dakulang kamurawayan.
S. Mag-awit kita sa Kagurangnan pano siya nin kamurawayan.
Sinda saimong dadarahon asin itatanom sa saimong bukid,

Lugar na saimong pinag-eerokan, Kagurangnan;
Santuario na ginibo kan saimong kamot, Kagurangnan.
An Kagurangnan maghahade sagkod pa man.
S. Mag-awit kita sa Kagurangnan pano siya nin kamurawayan

Ikaapat na Babasahon Isaias 54:5-14
Poon ngonian an saimong Kaglalang magigin saimong agom;

Kagurangnan nin mga hukbo an saiyang ngaran. An banal sa Israel
magigin saimong Kagtubos, Dios nin bilog na kinaban an saiyang ngaran.
Siring sa agom na nasa kahorasaan asin binayaan sa espiritu pinapabalik
ka nin Kagurangnan.
Siisay na lalaki an minasubol sa saiyang agom na babae poon kan siya aki
pa? -- hapot nin saimong Dios. Binayaan taka sa halipot na panahon,
alagad sa dakulang pagkamoot ika sakuyang kinukua giraray. Sa labilabi
kong kaanggotan, sa madaling panahon sa saimo tinago ko an sakuyang
lalawgon. Alagad sa pagkamoot na daing kataposan ika sakuyang
naherakan, olay nin Kagurangnan, na saimong Kagtubos. Ako ngonian
arog kaidto kan mga aldaw ni Noe, kan ako nagsumpa na an mga tubig ni
Noe dai na sagkod pa man mabaha sa ibabaw nin daga. Kaya ngonian sa
saimo sakong isinusumpa an sakong kaanggotan asin padusa laban saimo.
An mga bulod mapapara, an mga bukid mayuyugyog, alagad dai ka
sagkod pa man babayaan kan sakong pagkamoot; an sakong tipan nin
katoninongan sa saimo dai sagkod pa man matatanyog, olay nin
Kagurangnan na naheherak saimo! O mamundoon, makaherak-herak,
daing palad! hilnga, an saimong mga gapo sakong ibababaw sa mga
carbunclo, an saimong mga base ibababaw ko sa mga safiro, rubi an
saimong mga almena, esmeralda an mga pintoan, asin an paril mahalagang
mga gapo. An saimong mga aki tutukdoan nin Kagurangnan. An saimong
mga aki magkakaigwa nin dakulang katoninongan. Ika papantindogon sa
katanosan, harayo sa mga nag-aapi asin nagpapasakit, dai ka dapat na
matakot: an takot dai makakarani saimo.

Salmo-Responsorio Salmo 30:2.4.5-6.11-
12.13
S. Kagurangnan, oomawon taka, huli ta ako ilinigtas mo.
Kagurangnan, oomawon taka, huli ta ako ilinigtas mo:

An sakong mga kalaban dai mo tinawan nin dahelan na mag-
ogma.
Kagurangnan, an kalag ko binangon mo sa kagadanan,
Inagaw mo sa kaibahan kan mga minahilig sa lolobngan.
S. Kagurangran, oomawon taka, huli ta ako ilinigtas mo.
Kamo na mga namomoot sa Kagurangnan,

Mag-awit saiya, pasalamatan an saiyang banal na ngaran.
An saiyang kaanggotan agi sana:
an saiyang balaog nagdadanay bilog na buhay.
S. Kagurangran, oomawon taka, huli ta ako ilinigtas mo.
An Kagurangnan naghimate asin naherak.

Sa banggi may luha, pagkaaga may ogma.
An Kagurangnan naghumali sa pagtabang sako.
An sakong kamundoan, sinanglean mo nin pagsayaw.
Kagurangnan kong Dios, salamat saimo sagkod pa man.
S. Kagurangnan, oomawon taka, huli ta ako ilinigtas mo.

Ikalimang Babasahon Isaias 55:1-11
Ini an sabi nin Kagurangnan: Kamo gabos na napapaha, madya sa tubig,

minsan mayo kamong cuarta, madya! Mayong cuarta bumakal nin mais
asin kumakan, daing bayad uminom nin arak asin gatas. "Tadaw ta an
cuarta ginagasto nindo sa bagay na bakong tinapay? An saindong tandan
ginagasto nindo sa bagay na dai nakakabasog? Himatea, ako nindo: asin
magkakaigwa kamo nin mga marahay na bagay na kakanon: managom na
kakanon na saindong ikakaogma. Magmaan kamo, madya kamo sako:
maghimate, asin an saindong kalag mabubuhay. Ako makikipagtipan
saindo sarong tipan na daing kasagkoran, huli sa mga bagay na itinuga ko
ki David. Siya ginibo kong saksi para sa mga banwaan, lider asin hade nin
mga banwaan. Aapodon mo an sarong banwaan na dai mo midbid;
banwaan na dai ka midbid maghihidali pasiring saimo, huli sa
Kagurangnan na saimong Dios, huli sa Banal nin Israel na mag-oomaw
saimo. Hanapa nindo an Kagurangnan mantang makukua, apoda nindo
mantang siya yaon sa harani; talikdan kan tawong tampalasan an saiyang
dalan, talikdan kan tawong maraot an saiyang mga kaisipan. Magbalik sa
Kagurangnan na maheherak saiya; sa satuyang Dios na mayaman sa
pagkaherak. An sakong mga kaisipan bako an saindang kaisipan,
tataramon ini nin Kagurangnan - Siring na an langit halangkaw, nasa
ibabaw kan daga, an sakong mga dalan orog na halangkaw kisa saindong
mga dalan, an sakong mga kaisipan orog kisa saindong mga kaisipan. An
oran asin yelo nahilig hale sa langit asin dai minabalik duman sagkod na
an daga masaromsom, mapatubo asin mapabunga an mga tinanom,
tanganing an parasabwag matawan nin banhi asin an nagkakakan
matawan nin tinapay, arog kaiyan an sakuyang tataramon: mahale sa
sakuyang ngoso, dai mabalik na daing laog, na dai nautob an sakuyang
kabotan, na dai nagibo an sakuyang ipinapagibo.

Salmo-Responsorio Isaias 12:2-3.4.5-6
S. Kamo maogmang masakdo nin tubig sa mga burabod nin kaligtasan.
Totoo man nanggad Dios an sakong kaligtasan.

Ako nagsasarig. Dai akong matatakotan.
Huli ta an Kagurangnan iyo an sakong kusog,

sakong awit, siya nagin sakong paratubos.
Kamo maogmang maharok nin tubig sa mga burabod nin
kaligtasan.
Magpasalamat sa Kagurangnan: omawon an saiyang ngaran!

An sniyang mga gibong ngangalasan ipamidbid sa mga baxiwaan,
Ipapahayag an kadakulaan nin saiyang ngaran.
Salmo awiton sa Kagurangnan, huli ta mamurawayon
an saiyang ginibo: ipamidbid sa bilog na kinaban!
Banwaan nin Sion, mag-awit na maogma,
ta dakula sa tahaw nindo an banal nin Israel.

Ikaanom na Babasahon Baruc 3:9-15.32-4:4
Pagbasa sa Libro ni Profeta Baruc
Dangoga, Israel, an mga tugon na nagtataong-buhay, Himatea, asin

maaaraman mo kun ano an boot sabihon. Tadaw, Israel, ta yaon ka sa daga
nin saimong mga kaiwal, naggugurang na naggugurang sa dagang
dayuhan, nadigtaan kaiba kan mga gadan, kabilang kan mga yaon nag-
eerok sa kairaroman? Huli ta binayaan mo an burabod nin kadonongan.
Kun sinunod mo an dalan nin Dios, kutana ika nasa katoninongan sagkod
pa man. Adalan mo kun saen makukua an pakasabot, an kaisogan, an
kadonongan, asin maaaraman mo kun saen an halawig na buhay, kun saen
an liwanag nin mga mata asin katoninongan. Alagad siisay an nakakaaram
kun saan siya nag-eerok? Siisay an nakalaog sa harong nin saiyang
kayamanan? Midbid siya kan nakakaaram nin gabos na bagay, pinasubo
siya asin natatalastas. An daga linalang niya sagkod pa man asin pinano
niya nin mga hayop na apat an bitis, an liwanag saiyang pinagbobotan -
asin minaduman, saiyang pinapabalik – asin tinatakigan na minakuyog; an
mga bitoon maogmang nagliliwanag sa takdang panahon, kun saiyang
inaapod, minasimbag "Uya kami." Maogma sindang nagliliwanag para sa
Kaglalang Siya an satuyang Dios: daing ibang dios na ikakabaing saiya.
Talastas niya an dalan nin kadonongan asin itinukdo ki Jacob na saiyang
surugoon, ki Israel na saiyang namomotan. Pakatapos nagpahiling sa
kinaban asin nakisumaro sa mga katawohan. Ini an libro kan mga tugon
nin Dios: tugon na nagdadanay sagkod pa man; mabubuhay an mga nag-
uutob kaiyan, magagadan an mga nagpapabaya kaiyan. Magbalik ka.
Jacob, akoa giraray: maglakaw ka sa bangraw nin saimong privilegio, dai
mo ipagtao sa banwaan na dayuhan. Paladan kita, Israel, huli ta
ipinahayag sato kun ano an ikinakaogma nin Dios na Kagurangnan.

Salmo-Responsorio Salmo
19:8.9.10.11
S. Kagurangnan, yaon sa saimong mga tataramon an buhay na daing

kasagkoran.
An tugon nin Kagurangnan marahayon

Nagtataong buhay sa kalag.
An tugon nin Kagurangnan mapapaniwalaan,
Nagtataong kadonongan sa mapakumbaba.
An mga pagboot nin Kagurangnan maliwanag,
Nagtataong-ilaw sa mga mata.

kasagkoran.
Banal an pagkatakot sa Kagurangnan

Nagdadanay sagkod pa man;
Totoo an mga pagboot nin Kagurangnan,
Matanos an gabos niyang kabotan.

kasagkoran.
Orog na minamawot kisa bulawan,

Kisa pinakapinong bulawan:
Orog na mahamis kisa dugos:
Kisa dugos na hale sa arina.

kasagkoran.
Ikapitong Babasahon Ezekiel 36:16-
28
Pagbasa sa Libro ni Profeta Ezekiel
Ini an sabi sako nin Kagurangnan - Aki nin tawo, an mga kaayon sa
Harong nin Israel kaidto nag-erok sa saindang sadiring daga alagad,
alagad saindang pinagdigtaan kan saindang buhay asin gibo: para sako an
saindong gibo nakakabaing sa dugo na maati. Kaya inola ko sainda an
sakong kaanggotan, huli kan dugo na pinabulos ninda sa saindang daga
daga na saindang pinagdigtaan kan saindang mga anito lwiniarak ko sinda
sa mga banwaan: iwinarak ko sa mga banwaan na dayuhan. Pinadusahan
ko sinda susog sa maninigo sa saindang buhay asin gibo Ngonian
pinagbasang-basang nindaan sakuyang ngaran sa mga banwaan na
sandang pinagdumanan kaya dapit sainda an mga tawo nagsabi: "Ini an
vaan nin Kagurangnan: sinda pinahale sa saiyang daga." Ako may
pagmakulog sa sakuyang banal na ngaran, na pinagbasang-basang kan
Harong nin Israel sa mga banwaan na saindang pinadumanan. Kaya
sabihon mo sa harong nin Israel "Ini ginigibo ko bakong huli saindo,
Harong nin Israel, kundi huli sa sakuyang banal na ngaran na saindong
pinagbasang-basang sa mga banwaan na saindong pinagdumanan. Boot
kong ipahayag an kabanalan kan dakula kong ngaran na pinagbasang-
basang nindo duman Makaaraman gabos na banwaan na ako an
Kagurangnan - an Kagurangnan iyo an nagtataram kun ipahayag ko an
sakuyang kabanalan huli saindo sa atubang nin saindang mga mata.
Dangan kukuahon ko kamo, hahaleon ko kamo sa mga banwaan asin
titiponon ko kamo hale sa mga banwaan na dayuhan asinipupuli ko kamo
sa saindong dagang tinubuan. Malinig an tubig ioola ko saindo asin kamo
malilinigan. Lilinigan ko kamo sa gabos na digta asin sa gabos na anito.
Bagong puso itatao ko saindo, asin bagong espiritu ibubugtak ko saindo.
An pusong-gapo hahaleon ko sa saindong mga hawak asin pusong kame
an sakong isasangle. An sakong espiritu ibubugtak ko saindo. Ipapautob
ko saindo an sakong mga tugon asin gagalangan nindo an sakong mga
kabotan. Kamo mag-eerok sa daga na itinao ko sa saindong mga
magurang. Kamo magigin sakong banwaan asin ako saindong Dios.
Salmo-Responsorio Salmo 42:3.5;43:3.4
S. Siring sa osa na naghahanap kan kan tubig na nagbubulos, an sakuyang

kalag naghahanap saimo, O sakuyang Dios!
An sakuyang kalag napapaha sa Dios,

Sa Dios nin sakuyang buhay,
Noarin daw ako makakalaog asin sakong mahihiling
an lalawgon nin Dios?

An mga bagay na ini sakuyang gigiromdomon

mantang sakuyang inoola an sakuyang kalag;
An mga tawong naoogma boot kong madara sa harong nin Dios,
sa kinurahaw nin kaogmahan asin kapasalamatan,
an mga tawo nagkukurahaw sa kaogmahan.

Madolok ako sa altar nin Dios, sa Dios nin sakuyang kaogmahan.

Sakuyang paratubos, ako mapasalamat saimo sa arpa,
O Dios, O sakuyang Dios.

S. Pusong malinig lalanga sako, O Dios.
Pusong malinig lalanga para sako, O Dios,

Espiritung masarig ibugtak mo sa sako.
Hare ako pagsikwalan sa saimong atubang,
Hare paghalea sako an saimong banal na espiritu.
Ibalik mo sako an kaogmahan nin saimong tabang;

Sa espiritu nin kalodokan papagdanaya ako,
Tanganing ikatukdo sa tampalasan an saimong dalan,
Asin an parakasala magbalik-boot sa saimo.
Dai mo ikinakaogma an atang;

Habo ka kan tinutong na atang hale sako.
Espiritung nagsosolsol an sakuyang atang.
Pusong mapakumbaba asin nagsosolsol saimong inaako.

Epistola Roma 6:3-
11
Nalingawan nindo na kan kita binonyagan, isinaro kita ki Cristo Jesus;

binonyagan kita sa saiyang kagadanan? Sa ibang tataramon, kan kita
binonyagan, ilinobong kita kaiba niya asin isinaro sa saiyang kagadanan,
tanganing siring na si Cristo nabuhay liwat sa mga gadan huli sa
kamurawayan nin Ama, kita man magbagong buhay.
Kun kaiba ni Cristo makaarog kita sa saiyang kagadanan, kita makakaarog

man saiya sa saiyang pagkabuhay liwat. Dapat niatong maaraman na an
dati niatong pagkatawo ipinako sa cruz kaiba niya, tanganing gadanon
ining hawak na parakasala asin iligtas kita sa kaoripnan nin kasalan. An
gadan na, tapos na sa saiya an kasalan. Alagad kita nagtutubod na kun kita
nagagadan kaiba ni Cristo kita man mabubuhay kaiba niya: Aram niato na
si Cristo nabuhay liwat sa mga gadan dai na liwat magagadan.
An kagadanan dai na nin kapangyarihan sa saiya. Kan siya nagadan,

nagadan na makasaro alagad sagkod pa man, nagadan para sa kasalan,
kaya an saiyang buhay ngonian buhay kaiba nin Dios. Kaya isipon nindo
na kamo mga gadan para sa kasalan, alagad mga buhay para sa Dios diyan
ki Cristo Jesus.

Salmo-Responsorio Salmo 118:1-2. 16-17.22-23
S. Alleluia, Alleluia, Alleluia.
Magpasalamat kita sa kagurangnan, huli ta siya marahayon;

An saiyang pagkamoot dai nin kataposan.
An mga aki nin Israel magsabi:
An saiyang pagkamoot dai nin kataposan
An toong kamot min Kagurangnan nanggana;

Initaas ako kan toong kamot nin Kagurangnan.
Dai ako magagadan: ako mabubuhay:
An saiyang mga gibo sakuyang ipagsasaysay.
An gapo na isinikwal kan mga paratugdok

nagin sarigan na gapo.
Gibo ini nin Kagurangnan;
Makangangalas na paghilngon.

Ciclo A
10
Pakalihis kan Sabado, enot na aldaw nin semana, pagbanaag kan

kaagahan, si Maria Magdalena asin saro pang Maria nagduman sa
lolobngan. Padaling naglinog nin makusog mantang an angel nin
Kagurangnan naghilig hale sa langit, nagrani, binungkal an gapo asin
nagtukaw sa ibabaw. An angel, may lalawgon na sa kikilat asin an saiyang
gubing maputi siring sa ambon. An mga bantay tinakigan sa takot asin
haros magadan. An angel nagsabi sa mga babae: "Dai kamo matakot. Aram
ko na hinahanap nindo si Jesus na ipinako sa cruz. Mayo na digdi.
Nabuhay liwat, siring sa saiyang sinabi. Madya, hilnga nindoan lugar na
pinaglobongan saiya, dangan naghidale, sabihon nindo sa mga disipulos
na siya nabuhay sa mga gadan asin maenot sainda sa Galilea, duman
mahihiling siya ninda. Ini an bareta ko saindo." Natatakot, alagad pano nin
dakulang kaogmahan, madaling naghale sa lolobngan asin nagdalagan sa
pagdara kan bareta sa mga disipulos. Sinabat sinda ni Jesus sa dalan asin
sinabihan: "Mag-ogma kamo!" Nagrani sinda, nagluhod asin kinugos an
bitis. Si Jesus nagrani sainda: "Dai kamo matakot; paduman kamo, ibareta
nindo sa sakuyang mga tugang na magduman sinda sa Galilea. Duman
ninda ako mahihiling."

Ciclo B
Pakalihis kan Sabado, si Maria Magdalena, si Maria na ina ni Santiago asin

si Salome nagbakal nin mga pahamot na ilalahid ka Jesus. Amay pang
marhay, anot na aldaw nin semana, pagsirang na gayo kan aldaw,
nagduman sinda sa lolobngan. Nag-orolay-olay sinda "Siisay an
mabungkal kan gapo para sa sato sa pintoan kan lolobngan?"
Pagkalagkalag ninda, nahiling an gapo bungkal na: asin an gapo dakulaon
na gayo. Naglaog sinda sa lolobngan, nahiling an sarong jovan na lalaki na
maputi an gubing nagtukaw sa too. Nagkatarakot sinda. An joven na lalaki
nagsabi sainda "Dai kamo matakot. Hinahanap nindo si Jesus Nazareno na
ipinako sa cruz Nabuhay siya liwat: mayo na siya digdi Hilnga nindo an
pinaglobngan saya. Ngonian lakaw kamo, sabihon nindo sa saiyang mga
disipulos asin ki Pedro na maano siya sainda sa Galilea. Duman siya ninda
mahihiling sining sa sinabi niya sainda" An mga babae nagluwas sa
lolobngan asin nagdalagan: inabtan sinda nin takot asin takig, huli kaini
dai sinda nag-osip sa kisay man.

Ciclo C
12
Aldaw na sabado sinda nagpahingalo susog sa tugon, alagad sa enot na

aldaw kan semana, agang amay, an mga babae nagduman sa lolobngan,
dara an mga pahamot na saindang inandam. Nahiling na an gapo
binungkal na, naglaog sinda asin dai nakua an bangkay ni Jesus na
Kagurangnan. Dai maabot kan saindang isip kun ano an boot sabihon
kaini, asin uya nagpahiling sainda duwang lalaki, nagkikintab an mga
gubing An mga babae nagkatarakot asin duminuroko. An duwang lalaki
nagsabi sainda - "Tadaw ta an buhay hinahanap nindo sa mga gadan?
Mayo na siya digdi nabuhay na liwat. Giromdoma nindo an sinabi niya
kan yaon pa siya duman sa Galilea: 'An Aki nin Tawo itatao sa kamot nin
mga tampalasan asin ipapako sa cruz, alagad sa ikatolong aldaw
mabubuhay liwat'." Naromdoman ninda an saiyang mga tataramon,
binayaan an lolobngan asin ini gabos ibinareta sa Once na mga Apostoles
asin sa iba. An mga babae iyo si Maria Magdalena, si Juana asin si Maria
ina ni Santiago; an iba pang mga babae na kaibahan ninda nag-osip man sa
mga apostoles, alagad para sa mga apostoles an osipon na ini daing
katunayan, kaya dai sinda nagtubod. Minsan siring, si Pedro nagtindog
asin nagdalagan pasiring sa lolobngan Paglaog, daing ibang nahiling sa
salog kundi an tamong na ipinatos, nagpuli sa harong pano nin pagngalas
dapit sa nangyari.

Panahon Nin Cuaresma

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Panahon Nin Cuaresma

Uploaded by

Copyright:

Available Formats

PANAHON NIN CUARESMA

ENOT NA DOMINGO NIN CUARESMA

Enot na Babasahon Genesis 2:7-9; 3:1-7

Pagbasa sa Libro nin Genesis

Linalang nin Dios na Kagurangnan an tawo na hale sa alpog kan daga.

Tataramon kan Kagurangnan.

S. Kaheraki kami Kagurangnan ta kami nagkasala.

Kaheraki kami, O Dios,

S. Kaheraki kami Kagurangnan ta kami nagkasala.

S. Kaheraki kami Kagurangnan ta kami nagkasala.

Malinig na puso giboha sa sakuya, O Dios;

S. Kaheraki kami Kagurangnan ta kami nagkasala.

Giraray paog ha ako kan saimong tabang;

S. Kaheraki kami Kagurangnan ta kami nagkasala.

Pagbasa sa Surat ni San Pablo sa mga taga-Roma

Kaya an kasalan nakalaog sa kinaban huli sa sarong tawo; asin huli sa

Tataramon kan Kagurangnan.

An tawo dai nabubuhay sa tinapay sana, alagad sa lambang

Evangelio Mateo 4:1-

✠ Pagbasa kan Banal na Evangelio sosog ki San Mateo

Si Jesus dinara kan Espiritu sa disierto tanganing pagsugotan kan demonio.

Marahay na Bareta kan Kagurangnan.

Enot na Babasahon Genesis 9:8-15

Pagbasa sa Libro nin Genesis

An Dios nagsabi ki Noe asin sa saiyang mga aki: "Ako nakikipagtipan

Tataramon kan Kagurangnan.

S. An saimong dalan, Kagurangnan, pagkamoot asin katotoohan para sa

Kagurangnan, amidbid mo sako an saimong dalan.

S. An saimong dalan, Kagurangnan, pagkamoot asin katotoohan para sa

Giromdoma an saimong pagkaherak,

S. An saimong dalan, Kagurangnan, pagkamoot asin katotoohan para sa

Maboot asin matanos an Kagurangnan,

S. An saimong dalan, Kagurangnan, pagkamoot asin katotoohan para sa

Ikaduwang Babasahon 1 Pedro 3:18-22

Sararo-an na nagadan si Cristo huli sa mga kasalan. Matanos siyang tawo

Tataramon kan Kagurangnan.

Verso Mateo 4:4

Evangelio Marcos 1:12-15

✠ Pagbasa kan Banal na Evangelio sosog ki San Marcos

Marahay na Bareta kan Kagurangnan.

ENOT NA DOMINGO NIN CUARESMA

Enot na Babasahon Deuteronomio 26:4-10

Pagbasa sa Libro nin Deuteronomio

Si Moises nagsabi sa banwaan: kukuahon kan padi an bakol na tinagba sa

Tataramon kan Kagurangnan.

Salmo-Responsorio Salmo 91: 1-2.10-11.12-13.14-15

An nag-eerok sa lindong nin Orog Kahalangkaw,

S. Ibanhi ako, Kagurangnan, kun ako nasa kasakitan.

Mayong karatan na makakaabot saimo,

S. Ibanhi ako, Kagurangnan, kun ako nasa kasakitan.

Dadarhon ka ninda sa saindang mga kamot,

S. Ibanhi ako, Kagurangnan, kun ako nasa kasakitan.

Siya namomoot sako, kaya ililigtas ko siya;

S. Ibanhi ako, Kagurangnan, kun ako nasa kasakitan.

Ikaduwang Babasahon Roma 10:8-

Ano an nasasabi sa kasuratan? Harani saimo an tataramon: yaon sa

Tataramon kan Kagurangnan.

Verso Mateo 4:4

Evangelio Lucas 4:1-

✠ Pagbasa kan Banal na Evangelio sosog ki San Lucas.

Marahay na Bareta kan Kagurangnan.

IKADUWANG DOMINGO NIN CUARESMA

Enot na Babasahon Genesis 12:1-4