Para sa Kapatawaran ng mga Kasalanan at sa Ikahuhupa ng Pagkalat ng Karamdaman

Banal na Oras

Pambungad na Awit

O salutaris Hostia Uni trinoque Domino

Que caeli pandis ostium Sit sempiterna gloria
Bella premunt hostilia Qui vitam sine termino
Da robur fer auxilium Nobis donet in patria

Itatanghal ng punong tagapagdiwang ang banal na sakramento sa altar at iinsensuhan ito.

Pari: Papuri sa Diyos Ama, hari ng sangkalupaan,

Gayundin sa Espiritu Santo karapat-dapat sa lahat ng papuri
Bayan: Purihin at ipagdangal ang Poon magpakailanman.

Pari: Papuri sa bugtong na Anak,

ipinanganak ng Birheng Mahal para sa kaligtasan ng lahat
Bayan: Purihin at ipagdangal ang Poon magpakailanman.

Pari: Papuri sa Espiritung banal,

gabay ng simbahan tungo sa kaganapan ng katotohanan.
Bayan: Purihin at ipagdangal ang Poon magpakailanman.

Pari o Namumuno:

Ang pagkakasala ng tao ang siyang naging daan upang ang tao ay
mapalayo sa Diyos na pinagmumulan ng buhay. Ngunit dahil sa
kagandahang-loob ng Diyos, isinugo ng Ama si Hesukristo upang tubusin
ang tao sa kanyang pagkaka-utang at pagkakasala. Sa pamamagitan ni
Hesukristo muling naibalik sa tao ang kanyang karapatan na mapabilang
sa mga pinaghaharian ng Diyos. Sa ating pagtitipon at pananalangin
ngayon, dumulog tayo sa Diyos na pinagmumulan ng lahat ng buhay at
pagpapala na pagkalooban niya ang sangkatauhan ng ganap na
kapatawaran sa kanyang mga kasalanan, at iadya niya tayo sa
mapanganib na sakit na nagpapahirap sa buong sanlibutan lalo’t higit sa
ating pamayanan.

2
 Para sa Kapatawaran ng mga Kasalanan at sa Ikahuhupa ng Pagkalat ng Karamdaman

Matapos ang sandaling katahimikan, darasalin ng punong tagapagdiwang.

PAMBUNGAD NA PANALANGIN
Pari: Manalangin tayo,

Ama naming makapangyarihan,

lakas ka ng mga walang inaasahan kundi ikaw.
Ang pagluhog namin ay iyong pagbigyan
sapagka’t kami’y mga tao lamang
na pawang mahihina kapag iyong iniwanan
kaya nama’y lagi mong tulungan
upang sa pagtupad ng iyong mga kautusan
ikaw ay aming mabigyang kasiyahan
sa aming iniisip at ginagawa araw-araw
sa pamamagitan ni Hesukristo
kasama ng Espiritu Santo magpasawalang hanggan.
R. Amen.

3
Banal na Oras

PARA SA KAPATAWARAN NG MGA KASALANAN

AT SA IKALALAGANAP NG PANANAMPALATAYA,
PAG-ASA AT PAG-IBIG

PAGBASA Joel 2, 12-18

Magsisi kayo nang taos sa puso, hindi pakitang-tao lamang.

Ang Salita ng Diyos mula sa aklat ni Propeta Joel

Sinasabi ngayon ng Panginoon: “Mataimtim kayong magsisi at

manumbalik sa akin, kayo’y mag-ayuno, manangis at magdalamhati.
Magsisi kayo nang taos sa puso, hindi pakitang-tao lamang.” Magbalik-
loob kayo sa Panginoon na inyong Diyos. Siya’y may magandang-loob at
puspos ng awa, mapaghinuhod at tapat sa kanyang pangako; laging
handang magpatawad at hindi magpaparusa. Maaring lingapin kayo ng
Panginoon at bigyan ng masaganang ani. Kung magkagayon,
mahahandugan natin siya ng haing butil at alak. Ang trumpeta ay hipan
ninyo, sa ibabaw ng Bundok ng Sion; iutos ninyo na mag-ayuno ang
lahat, tawagin ninyo na mag-ayuno ang lahat, tawagin ninyo ang mga
tao para sa isang banal na pagtitipon. Tipunin ninyo ang lahat,
matatanda’t bata pati mga sanggol at maging ang mga bagong kasal.
Mga saserdote, kayo’y tumayo sa pagitan ng pasukan at ng dambana,
manangis kayo’t manalangin ng ganito: “Mahabag ka sa iyong bayan, O
Panginoon. Huwag mong tulutang kami’y hamaki’t pagtawanan ng ibang
mga bansa at tanungin, “Nasan ang inyong Diyos?” Pagkaraan,
ipinamalas ng Panginoon na siya‟y nagmamalasakit sa kanyang bayan.

Ang Salita ng Diyos.

R. Salamat sa Diyos.

Magkakaroon ng katahimikan para sa personal na pananalangin.

4
 Para sa Kapatawaran ng mga Kasalanan at sa Ikahuhupa ng Pagkalat ng Karamdaman

SAAN KAMI TUTUNGO?

Saan kami tutungo, kaming makasalanan?

Saan kami susulong, dahas laging kapisan?
Ikaw, Hesus, ang susundan. Ikaw, Poon, ang hantungan.

Sino kayang uusig sa di makatarungan?

Sino kayang lulupig, sakim na umiiral?
Sa sinumang sa Diyos mulat, katarungang magbubuhat.

Kaloob Mong talino, atas Mo'y pagyamanin,

Sa pakikihamok, lagi naming gamitin.
Karahasa'y pipilitin, kamali-a'y tutuwirin.

PARA IPAG-ADYA ANG BANSA SA PANGANIB NG

NAKAKAHAWA AT MALUBHANG SAKIT NA COVID-19

PAGBASA Panaghoy 3, 17-26

Pinakamabuting magagawa ng tao
ay buong tiyagang maghintay sa pagliligtas ng Panginoon.

Ang Salita ng Diyos mula sa aklat ng mga Panaghoy.

Sa akin ay wala ni bakas ng kalusugan, katiwasayan at kaligayahan.

Kaya’t sinasabi ko, ˝Nawala na ang aking lakas at ang aking pag-asa sa
Panginoon.˝ simpait ng apdo ang alalahanin sa aking paghihirap at
kabiguan, lagi ko itong naaalaala, at ako’y labis na napipighati.
Gayunma’y nanunumbalik ang aking pag-asa pag naalaala ko ito: ang
hindi nagmamaliw na pag-ibig ng Panginoon, at ang kanyang walang
kupas na kahabagan. Hindi nagbabago tulad ng bukang liwayway.
Dakila ang kanyang katapatan. Ang Panginoon ay akin, sa kanya ako
magtitiwala. Ang Panginoon ay mabuti sa mga nagtitiwala sa kanya,
pinakamabuting magagawa ng tao ay buong tiyagang maghintay sa
pagliligtas ng Panginoon.
Ang Salita ng Diyos.
R. Salamat sa Diyos.
Magkakaroon ng katahimikan para sa personal na pananalangin.
5
Banal na Oras

UMASA KA SA DIYOS

(R) Umasa ka sa Diyos ang mabuti‟y gawin

at manalig kang ligtas sa lupain
sa Diyos mo hanapin ang kaligayahan
at pangarap mo ay makakamtan.

1 Ang iyong sarili sa Diyos mo ilagak

at magtiwalang tutulungan kang galak.
Ang kabutihan mo ay magliliwanag
katulad ng araw pag tanghaling tapat. (R)

2 Sa harap ng Dyos pumanatag ka,

maging matiyagang maghintay sa kanya
huwag mong kainggitan ang gumiginhawa
sa likong paraan umunlad man sila. (R)

PARA SA UMUUGIT SA PAMAHALAAN, MGA MANGGAMOT

AT DALUBHASA SA LARANGAN NG PANGGAGAMOT

PAGBASA Ezekiel 3, 16-21

Ginagawa kitang bantay ng bansang Israel.

Ang Salita ng Diyos mula sa aklat ni Propeta Ezekiel

Noong mga araw na iyon, sinabi sa akin ng Panginoon, ˝Tao,

ginagawa kitang bantay ng bayang Israel, anuman ang sabihin ko sa
iyo‟y sasabihin mo sa kanila bilang babala. Maaring ito‟y hatol na
kamatayan para sa masam. Kapag hindi mo sila pinagsabihang lumayo
sa kasamaan, mamamatay sila sa kanilang kasamaan ngunit pananagutan
mo sa akin ang kanilang kamatayan. Ngunit wala kang pananagutan
kung ayaw nilang talikdan ang kanilang kasamaan matapos mong
babalaan. Kapag nagpakasama ang isang matuwid ay ilalagay ko siya sa
panganib.

6
 Para sa Kapatawaran ng mga Kasalanan at sa Ikahuhupa ng Pagkalat ng Karamdaman

Mawawalan ng kabuluhan ang kabutihang ginawa niya noong una

at mamamatay siya sa kanyang kasalanan. Pag hindi mo siya
pinaalalahanan, pananagutan mo sa akin ang kanyang kamatayan.
Ngunit kapag pinayuhan mo siyang lumayo sa kasamaan, at nakinig sa
iyo, hindi siya mamamatay at wala kang pananagutan.

Ang Salita ng Diyos.

R. Salamat sa Diyos.

Magkakaroon ng katahimikan para sa personal na pananalangin.

ANG PANGINOON ANG AKING PASTOL

(R) Ang Panginoon ang aking pastol

pinagiginhawa nya akong lubos

Handog nyang himlaya‟y sariwang pastulan

ang pahingahan ko’y payapang batisan
hatid sa kaluluwa ay kaginhawahan
sa tuwid na landas sya ang patnubay. (R)

Madilim na lambak man ang tatahakin ko

wala akong sindak Sya’y kasama ko
ang hawak niyang tungkod ang s’yang gabay ko
hawak nyang pamalo sigla’t tanggulan ko.

7
Banal na Oras

PARA SA MGA TAONG MAY DINADALANG KARAMDAMAN

DULOT NG COVID-19

PAGBASA Isaias 53, 1-5. 10-11

Tiniis niya ang hirap na tayo ang dapat magbata.

Ang Salita ng Diyos mula sa aklat ni Propeta Isaias.

Sino ang maniniwala sa ibinabalita naming ito? Sino ang

makakapagpatunay na pinahintulutan ito ng Panginoon? kalooban ng
Panginoon na ang kanyang lingkod ay matulad sa isang halamang
natanim sa tuyong lupa, walang katangian o kagandahang makatawag-
pansin, wala siyang taglay na pang-akit para lapitan siya. Hinamak siya
ng mga tao at itinakwil. Nagdanas siya ng sakit at hirap. Wala man lang
nagtapon ng sulyap sa kanya. Hindi natin siya pinansi, para siyang
walang kabuluhan. Tiniis niya ang hirap na tayo dapat ang magbata,
gayun din ang kirot na tayo sana ang lumasap; akala natin ang dinanas
niya’y parusa sa kanya ng Diyos. Dahil sa ating mga kasalanan kaya siya
nasugatan; siya ay binugbog dahil sa ating kasamaan. Tayo ay gumaling
dahil sa pahirap na tinamo niya. At sa mga hampas na kanyang
tinanggap. Sinabi ng Panginoon, ˝Ang kanyang paghihirap ay kalooban
ko; inihandog niya ang sarili upang sa pamamagitan noon ay magkaroon
ng kapatawaran. Dahil dito’y mabubuhay siya ng matagal, makikita ang
lahing susunod sa kanya at sa pamamagitan niya’y maisagawa ang aking
panukala. Pagkatapos ng pagdurusa, lalasap siya ng ligaya, malalaman
niyang hindi nawalan ng kabuluhan ang kanyang pagtitiis. Ang aking
tapat na lingkod at lubos kong kinalulugdan ang siyang tatanggap sa
parusa ng marami at alang-alang sa kanya sila’y patatawarin.˝

Ang Salita ng Diyos.

R. Salamat sa Diyos.

Magkakaroon ng katahimikan para sa personal na pananalangin.

8
 Para sa Kapatawaran ng mga Kasalanan at sa Ikahuhupa ng Pagkalat ng Karamdaman

AWIT NG PAGHILOM

Panginoon ko, hanap-hanap Ka ng puso,

Tinig Mo'y isang awit paghilom.

Ang baling ng aking diwa ay sa 'Yo,

H'wag nawang pababayaang masiphayo.
Ikaw ang buntong hininga ng buhay;
Dulot Mo'y kapayapaan, pag-ibig.

Panginoon ko, hanap-hanap Ka ng puso,

Tinig Mo'y isang awit paghilom.
Ako'y akayin sa daang matuwid.
H'wag nawang pahintulutang mabighani.
Sa panandalian at huwad na rilag
Ikaw ang aking tanging Tagapagligtas.

Luluhod ang lahat para sa panalangin ng Oratio Imperata

9
Banal na Oras

ORATIO IMPERATA UKOL SA COVID-19

Amang makapangyarihan
lumalapit kami ngayon
para kami’y ipagsanggalang sa COVID-19
na nagdudulot ng pangamba at kumikitil ng buhay.
Gabayan mo ang mga taong
naghahanap ng lunas sa sakit na ito
at nagsisikap na pigilin ang paglaganap.
Pangalagaan mo ang mga eksperto sa medisina
upang mapaglingkuran nila ang mga maysakit
nang buong kaalaman at pagmamalasakit.
Ang mga nagkasakit dulot ng virus na ito
ay bigyan mo nawa ng kagalingan sa madaling panahon.
Panatilihin mong malusog ang mga nag-aalaga sa kanila.
Ang mga yumao ay magkamit nawa
ng walang hanggang kapayapaan.
Ipagkaloob mo sa panahong ito ang biyaya
na makagawa kami para sa ikabubuti ng lahat
lalo na ng mga nangangailangan.
Ipinamamanhik namin
na tapusin mo na ang paglaganap ng virus na ito
at pawiin mo ang aming mga takot at pangamba.
Hinihiling namin ito sa pamamagitan ni Hesukristo,
kasama ng Espiritu Santo
magpasawalang hanggan. Amen.

Kupkupin mo kami sa iyong pagkakandili, O Mahal na Ina ng Diyos.

Huwag mo kaming tanggihan sa aming mga pangangailangan
Bagkus ipag-adya mo kami sa mga panganib at kasamaan.
O maluwalhati at pinagpalang Birhen. Amen.

Maria, Ina ng kagalingan ng mga maysakit, Ipanalangin mo kami.

San Rafael Arkanghel, Ipanalangin mo kami.
San Roque, Ipanalangin mo kami.
San Francisco ng Assisi, Ipanalangin mo kami.
San Lorenzo Ruiz, Ipanalangin mo kami.
San Pedro Calungsod, Ipanalangin mo kami.
10
 Para sa Kapatawaran ng mga Kasalanan at sa Ikahuhupa ng Pagkalat ng Karamdaman

AWIT-PAMBUNGAD SA MABUTING BALITA (Tatayo ang lahat)

MABUTING BALITA Mateo 8, 1417

Kinuha niya ang ating mga kahinaan.
P: Sumainyo ang Panginoon.
B: At sumaiyo rin.

P: + Ang Mabuting Balita ng Panginoon ayon kay San Mateo.

B: Papuri sa iyo, Panginoon.

Noong panahong iyon, pumunta si Hesus sa bahay ni Pedro at doo‟y

nakita niya ang biyenan nito, nakahiga at inaapoy ng lagnat. Hinawakan
ni Hesus ang kamay ng babae at nawala ang lagnat nito. Pagkatapos,
bumangon ito at naglingkod sa kanya.

Nang gabing iyon, dinala kay Hesus ang maraming inaalihan ng mga
demonyo. Sa isang salita lamang ay pinalayas niya ang masasamang
espiritu, at pinagaling ang lahat ng may karamdaman. Ginawa niya ito
upang matupad ang sinabi ni Propeta Isaias, “Kinuha niya ang ating mga
kahinaan at binate ang ating mga karamdaman.”

Ang Mabuting Balita ng Panginoon.

R. Pinupuri ka namin, Panginoong Hesukristo.
Luluhod ang lahat para sa panalangin ng Oratio Imperata
11
Banal na Oras

Uupo ang lahat.

AWIT: HESUS NA AKING KAPATID

Hesus na aking kapatid

sa lupa nami'y bumalik
Iyong mukha'y ibang - iba
hindi kita nakikilala
Tulutan mo aking mata,
mamulat sa katotohanan
Ikaw Poon makikilala
sa taong mapagkumbaba

Hesus na aking kapatid

putikin man ang Iyong sapin
Punit - punit ang Iyong damit
Nawa Ika'y mapasa - akin
Tulutan mo aking mata,
mamulat sa katotohanan
Ikaw Poon makikilala
sa taong mapagkumbaba

Hesus na aking kapatid

Sa bukid ka nagtatanim,
o sa palengke rin naman
Ikaw ay naghahanap - buhay
Tulutan mo aking mata,
mamulat sa katotohanan
Ikaw Poon makikilala
Ikaw Poon makikilala
Ikaw Poon makikilala
sa taong mapagkumbaba
Sandaling katahimikan. Luluhod ang lahat bago dasalin ang Litanya

12
 Para sa Kapatawaran ng mga Kasalanan at sa Ikahuhupa ng Pagkalat ng Karamdaman

LITANYA NG MGA PAGDULOG SA SANTISIMO SAKRAMENTO

T (Tugon): PINUPURI KA NAMIN, PANGINOON.

Diyos na totoo at taong totoo,
na tunay na nananahan sa Banal na Sakramento, T.
Aming Manunubos, Diyos na sumaatin, tapat at puno ng awa, T.
Aming Hari, Panginoon ng sannilikha at ng kasaysayan, T.
Ikaw na nagwagi laban sa kasalanan at kamatayan, T.
Kaibigan ng sangkatauhan,
ikaw na nabuhay na magmuli at naluluklok sa kanan ng Ama, T.

T: SUMASAMPALATAYA KAMI, PANGINOON.

Bugtong na Anak ng Ama
na nanaog mula sa kalangitan para sa aming kaligtasan, T.
Banal na Manggagamot, na ibinaba ang sarili sa aming karalitaan, T.
Korderong hain, inialay para tubusin kami mula sa sala, T.
Mabuting Pastol, na nagaalay ng kanyang buhay
para sa minamahal niyang kawan, T.
Tinapay ng buhay
na siyang nagbibigay ng buhay na walang-hanggan. T.

T: I-ADYA MO KAMI, PANGINOON.

Mula sa kapangyarihan ni Satanas at sa mga pang-aakit ng mundo, T.
Mula sa kapalaluan
at sa pag-aakalang makakayanan namin ng hindi ka kapiling, T.
Mula sa panlilinlang ng takot at dalamhati, T.
Mula sa kawalan ng pananampalataya at pag-asa, T.
Mula sa katigasan ng puso at sa kawalang-kakayahang magmahal, T.
13
Banal na Oras

T: ILIGTAS MO KAMI, PANGINOON.

Mula sa lahat ng kasamaang nagpapasakit sa sangkatauhan, T.
Mula sa gutom, tagsalat, at pagkamakasarili, T.
Mula sa mga sakit, epidemya,
at sa takot makisalamuha sa aming kapwa, T.
Mula sa mga kahangalan, mga malulupit na interes, at kasamaan, T.
Mula sa kasinungalingan, sa mga fake news,
at sa pagsupil sa mga konsensya, T.

T: ALIWIN MO KAMI, PANGINOON.

Masdan mo ang iyong Simbahang naglalakbay sa isang disyerto, T.
Masdan mo ang sangkatauhang binabalot ng takot at dalamhati, T.
Masdan mo ang mga maysakit
at mga malapit nang mamatay na sinisiil ng kalungkutan, T.
Masdan mo ang mga Doktor at iba pang mga gumagawa
sa larangan ng kalusugan na napapagod at napapagal, T.
Masdan mo ang mga pulitiko at iba pang awtoridad sa pamahalaan,
na pasan ang tungkulin ng wastong pagpapasya, T.

T: ISUGO MO SA AMIN ANG IYONG ESPIRITU, PANGINOON.

Sa mga oras ng pagsubok at pagkatalo, T.
Sa mga panahon ng tukso at kahinaan, T.
Sa paglaban sa kasamaan at kasalanan, T.
Sa paghanap sa kabutihan at tunay na kaligayahan, T.
Sa pagpiling manatili sa Iyo at sa Iyong pakikipagkaibigan, T.

14
 Para sa Kapatawaran ng mga Kasalanan at sa Ikahuhupa ng Pagkalat ng Karamdaman

T: GAWIN MO KAMING BUKAS SA PAG-ASA, PANGINOON.

Kapag sinisiil kami ng kasalanan, T.
Kapag isinasara ng galit ang aming mga puso, T.
Kapag dinadalaw kami ng pangalaw, T.
Kapag sumasagi sa aming isipan
ang panlalamig sa pangangailangan ng aming kapwa, T.
Kung tutupukin na kami ng kamatayan, T.

15
Banal na Oras

BENEDICTION
Iinsensuhan ng punong tagapagdiwang ang sakramento at aawitin ang mga sumusunod.

Tantum ergo sacramentum Genitori genitoque

Venermur cernui Laus et jubilation
Et antiquum documentum Salus honor virtus quoque
Novo cedat ritui : sit et benediction
Preastet fides supplementum procedenti abutroque
Sensuum defectui. Comparsit Laudatio

P/ Panem de coelo praestitisti eis.

R/ Omne delectametum in se habentem.

Tatayo ng punong tagapagdiwang at darasalin ang sumusunod.

P/ Oremus.

Deus qui nobis sub sacramento mirabilis

passionis tuae memoriam relequisti
tribue quesumus,
ita nos corporis et sanguinis tui sacra mysteria venerari
ut redemptionis tuae fructum in nobis iugiter sentiamus.
Qui vivis et regnas in saecula saeculorum.

R/ Amen.

Magpuprusisyon patungo sa canopy ng simbahan upang ibasbas sa mga nasasakupan ng parokya

ang Santisimo habang inaawit ang Hesus na aking Kapatid o Christus Vincit.

16
 Para sa Kapatawaran ng mga Kasalanan at sa Ikahuhupa ng Pagkalat ng Karamdaman

PAGPUPURI

Purihin ang Diyos.

Purihin ang kanyang santong ngalan.
Purihin si Hesukristo Diyos na totoo at tao namang totoo.
Purihin ang ngalan ni Hesus.
Purihin ang kanyang kabanal-banalang Puso.
Purihin ang kanyang kamahal-mahalang Dugo.
Purihin si Hesukristo sa Santisimo Sakramento sa altar.
Purihin ang Espiritu Santo ang mang-aaliw.
Purihin ang dakilang ina ng Diyos si Maria Santisima.
Purihin ang kalinis-linisang paglilihi sa kanya
Purihin ang maluwalhating pag-akyat kay Maria kaluluwa at katawan.
Purihin ang ngalan ni Maria birhen at ina.
Purihin si San Jose ang kanyang kalinis-linisang esposo.
Purihin ang Diyos sa kanyang mga anghel at kanyang mga Santo.

PAGBABALIK SA BANAL NA SAKRAMENTO SA TABERNAKULO

Tatayo ang pari. Ilalagay uli ang Banal na Sakramento sa siboryo habang inaawit
ng sambayanan ang sumusunod:

O Sakramentong Mahal,
na sa langit buhat,
papuri ng santinakpan,
Iyong-iyong lahat; Iyong-iyong lahat.

O Sakramentong Banal,
Hiwagang dalisay,
Kami’y Iyong bendisyunan,
at laging ingatan; at laging ingatan.

17
Banal na Oras

PANALANGIN NG BAYAN

Pari: Lumuhog tayo sa Ama sa kalangitan na pinili ang kanyang Anak

upang maging ating tagapagligtas. Puno ng pagtitiwala humiling
tayo ng lakas at gabay para sa ating lahat. Ating isamo: Panginoon
dinggin mo ang aming panalangin.

N. Idinadalangin namin ang buong Simbahan lalo‟t higt para sa mga

namumuno dito, ang Santo Papa, mga Obispo, mga pari at mga
diyakono. Pagkalooban mo sila ng pusong handang laging
maglingkod para sa kapakanan ng lahat. Manalangin tayo sa
Panginoon.
B. Panginoon dinggin mo ang aming panalangin.

N. Idinadalangin namin ang mga umuugit sa ating pamahalaan.

Pagkalooban naw sila ng Diyos ng kalakasan ng katawan at
kalooban upang magawa nilang akayin ang sambayanan ng Diyos
tungo sa liwanag ng kaligtasan. Manalangin tayo sa Panginoon.
B. Panginoon dinggin mo ang aming panalangin.

N. Idinadalangin namin ang mga dalubhasa at mga mangagamot upang

sa biyayang ng karunungan at kaalamang ipinagkaloob sa kanila ng
Diyos ay magtamasa nawa ang lahat ng tao ng kalusugan at
kaligtasan mula sa karamadamang pangkatawan at pang kalooban.
Manalangin tayo sa Panginoon.
B. Panginoon dinggin mo ang aming panalangin.

N. Idinadlangin namin ang sangkatauahan, ang ating bansa at

pamayanan, iligtas nawa tayo ng Diyos mula sa kapahamakang
idinudulot ng sakit na covid-19. Pagkalooban nawa ng pagkakaisa at
pagmamahalan ang lahat upang magapi ang nakamamatay na
karamadamang ito. Manalangin tayo sa Panginoon.
B. Panginoon dinggin mo ang aming panalangin.

18
 Para sa Kapatawaran ng mga Kasalanan at sa Ikahuhupa ng Pagkalat ng Karamdaman

N. Idinadalangin namin ang mga taong may karamdaman at nagdurusa

dahil sa covid-19. Pagkalooban nawa sila ng Diyos ng malalim na
pagtitiwala sa kanya at ng kagalingan mula sa kanilang
karamadaman. Manalangin tayo sa Panginoon.
B. Panginoon dinggin mo ang aming panalangin.

N. Idinadalangin namin ang lahat ng pumanaw dahil sa karamdamang

COVID-19. Pagkalooban nawa sila ng kapayapaan at
pamamahingang walang hanggan kasama ang lahat ng anghel at
banal doon sa kalangitan. Manalangin tayo sa Panginoon.
B. Panginoon dinggin mo ang aming panalangin.

Pari: Manalangin tayo ayon sa dasal na itinuro sa atin:

Ama namin, sumasalangit ka. Sambahin ang ngalan mo.

Mapasaamin ang kaharian mo. Sundin ang loob mo dito sa lupa
para nang sa langit. Bigyan mo kami ngayon ng aming kakanin sa
araw-araw. At patawarin mo kami sa aming mga sala para nang
pagpapatawad namin sa nagkakasala sa amin. At huwag mo
kaming ipahintulot sa tukso. At iadya mo kami sa lahat ng
masama.

Inihanda para sa Mahal na Araw 2020

19
Banal na Oras

20