GOZOS KI SR.
SAN VICENTE FERRER
Ica Mahal na Vicente, sa Dios samong
pintacasi.
Vicente arangan cami, an simong
ugay halat mi.
Agilang orog camahal, harayo ca pang
sumirang. Sa tahaw ca na tinodan,
sangra na paglalaoman. Pinag-omaw
nin kinaban, sa macuring caogmahan.
(S)
Dai nin casamang gayo, sa gracia
pagcamundag mo, minsan mga
elemento, anan pinagbobot-an mo,
natatacot an impyerno, pacamasid can
anggot mo. (S)
Si-yam pa sanang taon ca, si gadan
binuhay mo na, si simong cadaradara,
saksi can saimong gracia. Si dangog
sinasabi pa, si Jesus pintakasi ca. (S)
Ginubingan ni Domingo, can mahal ni-
yang abito, pinacabaingan mong
totoo, ilaw na tingraw saimo.
Apostol ca man ni Cristo, parahulit
nganing gayo. (S)
Labing pitong polong ribo, nagcuyog
simong Hudiyo, an moros man walong
ribo, buminaya sa anito.
Herejes man riboribo, na sa Diyos
nadara mo. (S)
Dila nin Valenciano, an ginamit
paghulit mo, an nacasabot caidto,
manlain-lain na tawo. Nagilantas an
Cristiano, paghiling can liwanag mo.
(S)
Sarong babaeng bubulanon, ginadan
si aking bogtong, an pamumuhay
marigon, ta boot niyang cacanon.
Ginorot ta lulutoon, binilog mo pang
buhayon. (S)
Malabi sa tolong ribo, pinagcayahan
mong tawo, caglima sanang
biscocho, huli sa simong milagro.
Saramang namomotan mo, an dukha
maginoo. (S)
Anghel ca na nagboot baga, caidtong
tawong gadan na, ta minsan
nahuhutad na, pinapagtaram mo
siya. Sa paghusay inosisa,
catotoohan nacua. (S)
Caglimang aldaw na husto, naghulit
an ladawan mo, cadacul an nasagi
mo, sa marurupit na gibo.
Herejes para anito, mga hocloban na
tawo. (S)
Sa mga gibong milagro, minadoloc
gabos simo, cahelangan man o ano,
gabos pinagraranga mo. Mga buta
binulong mo, na baga ca-enfermero.
(S)
An bungog, lapo o pula, an pilay an
mga buta, an may biyade pang iba,
dapan mo nahadoc sinda. Sagcod sa
poon mo pa, pinagmilagro mo sinda.
(S)
May apat na polong ribo,
nagpangaking sinurog mo, dukha
pinayayaman mo, gabos
tinatabangan mo. Nawawara sa
ngaran mo, mga daya can demonio.
(S)
Sarong nangaking bulto, pagdot-i can
reliquias mo, ngani magayon na niño
na daing casamang gayo. Siring man
ngani caidto si aki nin cabalyero. (S)
Anghel, profeta, doctor man. Virgen
apostol pagngaran, sa pagsorog mo
nag-arang, an mga debotong anan.
Naghagad saimong tabang, sa oras
nin pagcagadan. (S)