NOVENA SA

KABANAL-BANALANG
BIRHENG MARIA
NUESTRA SEÑORA DE LA MERCED

Parokya ng
Nuestra Señora de la Merced
Bahay Pare, Candaba, Pampanga

Aparisyon ng Nuestra Senora de la Merced
kay San Pedro Nolasco, San Raymundo de
Peñafort, at Haring Jaime I ng Aragon
Agosto 2, 1218
MAIKLING KASAYSAYAN
NG PINAGMULAN NG DEBOSYON
SA MAHAL NA BIRHEN,
NUESTRA SEÑORA DE LA MERCED
Ayon sa mga tala ng kasaysayan, ang
debosyon sa Mahal na Birheng Maria, Nuestra
Señora de la Merced ay nagmula sa bansang
Espanya, kung saan maraming Kristiyano ang
dinakip, pinag-uusig, at ginawang alipin ng mga
Moro. Maraming tapat na binyagan ang
nabilanggo dahil sa hindi nila pagsuko sa kanilang
pananampalataya.
Dahil sa patuloy na pagdalangin at paghingi ng
awa, noong ika-2 ng Agosto, 1218, nagpakita sa
isang mahimalang aparisyon ang Mahal na Ina ng
Diyos kay Pedro Nolasco, Raymundo de Peñafort,
isang paring Dominikano at kay Haring Jaime I ng
Aragon. Ang aparisyong ito ay naganap mula
hating-gabi ng ika-1 ng Agosto hanggang madaling
araw ng ika-2 Agosto, sa magkakasunod na
pagkakataon. Dito ay itinagubilin ng Mahal na Ina
ang kanyang eskapularyo na naging instrumento
1
sa pagpapalaya sa mga Kristiyanong bihag ng mga
Moro.
Si Pedro Nolasco, sa pakikipagtulungan nina
Haring Jaime I at Raymundo de Peñafort, ang
nagtatag ng Orden ng Nuestra Señora de la
Merced (Mercedarian Order) na ang pangunahing
misyon ay tubusin ang mga Kristiyanong bihag.
Ang orden ay itinatag noong ika-10 ng Agosto,
1218 at pinagtibay ni Papa Gregorio IX. Siya rin
ang nagpalabas ng kautusan na nagtatalaga sa ika-
24 ng Setyembre ng bawat taon bilang kapistahan
ng Mahal na Birheng Maria, sa ilalim ng titulong
Nuestra Senora de la Merced. Ito ay ipinalaganap
sa buong Santa Iglesia ni Papa Inocecio XII.
Tinatayang ika-18 siglo nang dalhin ng mga
misyonerong Paring Kastila ang mapaghimalang
imahen ng Nuestra Senora de la Merced sa Bahay
Pare, Candaba, Pampanga kung saan siya ay
itinanghal bilang Patrona. Ang ilan naman ay
nagsasabing ito ay dala ni Padre Aniceto de la
Merced na siyang naging ika-78 na kura paroko ng
Parokya ng San Andres sa Candaba, Pampanga at
matagal na nanirahan sa bayan ng Baliuag,
2 3
Bulacan. Siya ang sumulat ng sikat na Pasyong
Candaba na nasusulat sa wikang Tagalog. Mula
naman sa ilang impormasyon, ang imahen ay dala
ng mga Hospitaller Brothers of St. John dahil pag-
aari nila noon ang Hacienda de Bahay Pare. Hindi
man matukoy ang tunay na pinagmulan ng
imahen, ito ay isa sa mga pinakamahalagang
biyayang tinanggap ng parokya sa Bahay Pare.
Sa lugar na ito nagsimula ang debosyon sa
Mahal na Birhen, Nuestra Senora de la Merced sa
Pilipinas. Siya ang naging sandigan ng mga
mananampalataya para sa kagalingan ng mga
maysakit, sa mga kalamidad at sakuna, sa
panahon ng digmaan, para sa matagumpay na pag
-aaral, para sa pagkakasundo ng pamilya, sa
matatag na bokasyon sa buhay relihiyoso, sa
panahon ng kagipitan, sa pagkakaroon ng matatag
at buhay na pananampalataya. Ang Parokya ng
Nuestra Señora de la Merced sa Bahay Pare ay isa
sa mga simbahang nagtatanghal sa kanya bilang
Patrona. Ang ilan sa iba pang mga parokya ay
matatagpuan sa Matatalaib, Tarlac, sa Taysan,
Batangas, sa Novaliches, Siyudad ng Quezon, sa
New Bilibid Prison Reservation, Lungsod ng
Muntinlupa, sa Mercedes, Catbalogan, Samar, sa
Barcelona, siyudad ng Dapitan, Zamboanga del
Norte, at sa Mercedes, Lungsod ng Zamboanga. At
batay sa mga nakalap na impormasyon, ang
imahen ng Birheng Maria sa Bahay Pare ang
kauna-unahan at pinakamatandang imahen ng
Nuestra Senora de la Merced sa Pilipinas.

ANG ESKAPULARYO NG
NUESTRA SEÑORA DE LA MERCED
Ang eskapularyo na ibinigay ng Nuestra
Señora de la Merced kay San Pedro Nolasco
noong ika-2 ng Agosto, 1218 ay siyang ginamit
upang matubos ang mga Kristiyanong bihag ng
mga Moro. Ito rin ang haligi sa pagkakatatag ng
Orden ng Nuestra Señora de la Merced na siyang
hiniling ng Mahal na Ina upang mailigtas sa
pagkakaalipin ang kanyang mga anak.
Dahil sa biyaya ng Diyos, ang eskapularyo ng
Mahal na Birhen de la Merced ay dumating sa
Pilipinas sa pamamagitan ng mga deboto na Ang Eskapularyo ng
nagmula sa Bahay Pare, Candaba, Pampanga sa Nuestra Señora de la Merced
hindi inaasahang panahon — Disyembre, 2002 —
4 5
panahong nagdeklara ang Amerika ng giyera sa
Iraq, at kaalinsabay ng panahon ng pagkaligalig sa
Mindanao. Ito ay kanilang natagpuan sa St.
Patrick’s Cathedral sa New York, Amerika. Ang
panahong yaon ang lalong nagpatatag sa
paniniwala ng mga deboto na ang pagganap ng
Mahal na Ina sa kanyang tungkulin na
pagpapalaya sa kanyang mga anak na bihag ng
kaguluhan ay kanya pa ring ginagampanan sa
kasalukuyang panahon upang ipadama ang pag-
ibig ng Diyos sa tao. Agosto 2, 2003 bilang
paggunita sa ika-785 taong anibersaryo ng
pagpapakita ng Mahal na Birhen, Nuestra Señora
de la Merced, inilunsad sa parokyang ito ang
kanyang eskapularyo. Simula noon, ay
pinalaganap na ng mga deboto ang pagsusuot ng
eskapularyo Nuestra Señora de la Merced, bilang
pagkilala sa kanyang makainang lingap at
pamamatnubay. Tuwing magsisimba, lalo na sa
mga araw ng Sabado kung saan ay dinadasal ang
nobena sa karangalan ng Nuestra Señora de la
Merced, ay makikita ang mga deboto na may suot
ng eskapularyo.
6 7
Ang eskapularyo ay nakarating na sa libu-
libong deboto hindi lamang sa Pilipinas kundi sa
iba’t ibang panig ng mundo kung saan ito ay
dinala at ipinamahagi ng mga deboto mula sa
Bahay Pare. Lalong bantog ang pagpapahawak ng
eskapularyong mula sa Bahay Pare sa imahen ng
Nuestra Señora de la Merced sa Mercedarian
Generelate sa Roma.
Hindi na mabilang ang mga kuwento at
salaysay hinggil sa kapangyarihan ng panalangin
sa tulong ng eskapularyo ng Mahal na Nuestra
Señora de la Merced. Kabilang na rito ang
paggaling ng mga maysakit, ang proteksyon laban
sa anumang uri ng kapahamakan, pagtatagumpay
sa pag-aaral, pagkakasundo ng pamilya,
masaganang ani, at marami pang iba. Subalit higit
sa lahat ng ito, ang eskapularyo ay naging
mabisang kasangkapan ng Mahal na Birhen, Ina ng
Awa upang magkaroon ng pagbabalik-loob at
lalong mapalapit ang puso at pananampalatayang
Kristiyano ng mga deboto.
 ANG SANTO ROSARYO
+Sa ngalan ng Ama, ng Anak, at ng Espiritu
Santo. Amen.
Namumuno: Aba Ginoong Maria, napupuno ka ng
grasya, ang Panginoong Diyos ay sumasaiyo.
PALAGIANG NOVENA SA Lahat: Bukod kang pinagpala sa babaeng lahat at
MAHAL NA BIRHEN pinagpala naman ang iyong Anak na si Hesus.
NUESTRA SEÑORA DE LA MERCED
Namumuno: Panginoon, buksan mo ang aking
(Tuwing Araw ng Sabado)
mga labi.
Lahat: At pupurihin ka ng aking bibig.
Namumuno: Diyos ko, ako’y Iyong tulungan
Lahat: Panginoon, magmadali Ka sa pagsaklolo sa
akin.
Namumuno: Luwalhati sa Ama, at sa Anak, at sa
Espiritu Santo.
Lahat: Kapara noong una, ngayon at
magpakailaman at magpasawalang hanggan.
Amen.

8 9
 Ang Sumasampalataya
Sumasampalataya ako sa Diyos Amang
makapangyarihan sa lahat, na may gawa ng langit
at lupa. Sumasampalataya naman ako kay
Hesukristo, iisang Anak ng Diyos, Panginoon
nating lahat. Nagkatawang-tao Siya lalang ng
Espiritu Santo, ipinanganak ni Santa Mariang
Birhen. Pinagpakasakit ni Poncio Pilato, ipinako sa
krus, namatay, at inilibing. Nanaog sa
kinaroroonan ng mga yumao. Nang may ikatlong
araw ay nabuhay na mag-uli. Umakyat sa langit,
naluluklok sa kanan ng Diyos Amang
Makapangyarihan sa lahat. Doon magmumulang
paririto't maghuhukom sa nangabubuhay at
nangamamatay na tao.
Sumasampalataya naman ako sa Diyos Espiritu
Santo, sa Banal na Simbahang Katolika, sa
kasamahan ng mga banal, sa kapatawaran ng
mga kasalanan, sa pagkabuhay na mag-uli ng
nangamatay na tao, at sa buhay na walang
hanggan. Amen.
10
Ama Namin
Ama namin, sumasa-langit Ka. Sambahin ang
ngalan Mo. Mapasa amin ang Kaharian Mo.
Sundin ang loob Mo, dito sa lupa para nang sa
langit. Bigyan Mo kami ngayon ng aming kakanin
sa araw-araw, at patawarin Mo kami sa aming
mga sala, para nang pagpapatawad namin sa mga
nagkakasala sa amin, at huwag Mo kaming
ipahintulot sa tukso, at iadya Mo kami sa lahat ng
masasama. Amen
Aba Ginoong Maria
Aba Ginoong Maria, napupuno ka ng grasya,
ang Panginoong Diyos ay sumasa-iyo,
bukod kang pinagpala sa babaeng lahat at
pinagpala naman ang iyong Anak na si Hesus.
Santa Maria, Ina ng Diyos, ipanalangin mo
kaming makasalanan, ngayon at kung kami’y
mamamatay. Amen
Ang Luwalhati
Luwalhati sa Ama at sa Anak at sa Espiritu
Santo.
11
 Kapara nang sa una, ngayon at 4. Ang pagbabagong-anyo ni Hesus.
magpasawalang hanggan. Amen. 5. Ang pagtatatag ni Hesus ng Eukaristiya.
Ang Mga Misteryo sa Tuwa
(tuwing Lunes at Sabado) Ang Mga Misteryo sa Hapis.
(tuwing Martes at Biyernes)
1. Ang pagpapahayag ng balita sa Mahal na
Birhen. 1. Ang pagdurusa sa halamanan ng Gethsemani.
2. Ang pagdalaw ng Mahal na Birhen kay Isabel. 2. Ang paghahampas sa ating Panginoon na
3. Ang pagsilang sa ating Panginoong Hesukristo. natatali haliging bato.
4. Ang paghahandog sa sanggol na si Hesus sa 3. Ang pagpuputong ng koronang tinik.
templo. 4. Ang pagpasan ng Krus patungong Kalbaryo.
5. Ang pagkatagpo sa batang si Hesus sa templo. 5. Ang pagpapako sa Krus at kamatayan ng
Panginoon.
Ang Mga Misteryo sa Liwanag
(tuwing Huwebes) Ang Mga Misteryo sa Luwalhati
(tuwing Miyerkules at Linggo)
1. Ang pagbibinyag kay Hesus sa Jordan.
2. Ang sariling pagbubunyag ni Hesus sa kasalan 1. Ang pagkabuhay na mag-uli ng ating
sa Cana. Panginoon.
3. Ang pagpapahayag ni Hesus tungkol sa 2. Ang pag-akyat sa langit ng ating Panginoon.
paghahari ng Diyos. 3. Ang pagpanaog ng Espiritu Santo sa mga
apostoles.
12 13
4. Ang pag-aakyat sa langit ng Mahal na Birhen,
kaluluwa pati katawan.
5. Ang pagpuputong ng korona sa Mahal na
Birheng Maria
Aba Po Santa Mariang Reyna
Aba po Santa Mariang Reyna, Ina ng Awa.
Ikaw ang kabuhayan at katamisan; Aba
pinananaligan ka namin,
Ikaw nga ang tinatawagan namin, pinapanaw
na taong anak ni Eba.
Ikaw rin ang pinagbubuntung-hininga namin
ng aming pagtangis dini sa lupang bayang kahapis
-hapis.
Ay aba, pintakasi ka namin, ilingon mo sa amin
ang mga mata mong maawain, at saka kung
matapos yaring pagpanaw sa amin, ipakita mo sa
amin ang iyong Anak na si Hesus.
Santa Maria, Ina ng Diyos, maawain, maalam
at matamis na Birhen.
14
Namumuno: Ipanalangin mo kami, Santang Ina ng
Diyos.
Lahat: Nang kami’y maging dapat makinabang ng
mga pangako ni Hesukristong Panginoon.
Panalangin
O Diyos, na ang Bugtong na Anak ay
nagkatawang-tao namatay at muling nabuhay
upang tamuhin para sa amin ang gantimapala
nang walang hanggang kaligtasan. Ipagkaloob Mo
na sa pamamagitan ng pagdidili-dili namin ng mga
misteryo ng kabanal-banalang Rosaryo ng Birheng
Maria, na matularan namin ang kanyang
nilalaman at matamo ang kanyang mga
ipinangako. Alang-alang din kay Kristong
Panginoon namin. Siya nawa.
Litanya sa Mahal na Birheng Maria
Panginoon, maawa Ka sa amin.
Panginoon, maawa Ka sa amin.
Kristo, maawa Ka sa amin.
Kristo, maawa Ka sa amin.
Panginoon, maawa Ka sa amin.
Panginoon, maawa Ka sa amin.
15
Kristo, pakinggan Mo kami. Inang kataka-taka,
Kristo, pakinggan Mo kami. Ina ng mabuting kahatulan,
Kristo, pakapakinggan Mo kami. Ina ng may gawa sa lahat,
Kristo, pakapakinggan Mo kami. Inang mapag-adya,
Diyos Ama sa Langit, Ina ng Banal na Simbahang Katolika,
maawa Ka sa amin. Birheng kapaham-pahaman,
Diyos Anak na tumubos sa sanlibutan, Birheng dapat igalang,
maawa Ka sa amin. Birheng dapat ipagbantog,
Diyos Espiritu Santo, Birheng makapangyayari,
maawa Ka sa amin. Birheng maawain,
Santisima Trinidad na Tatlong Persona at iisang Birheng matibay na loob sa magaling,
Diyos, maawa Ka sa amin. Salamin ng katuwiran,
Santa Maria, ipanalangin mo kami. Luklukan ng karunungan,
Santang Ina ng Diyos, Mula ng tuwa namin,
Santang Birhen ng mga Birhen, Sisidlan ng kabanalan,
Ina ni Kristo, Sisidlan ng bunyi at bantog,
Ina ng grasya ng Diyos, Sisidlan ng bukod-tanging kataimtiman,
Inang kasakdal-sakdalan, Rosang bulaklak na 'di mapuspos ng bait ng tao
Inang walang malay sa kahalayan, ang halaga,
Inang 'di malapitan ng masama, Tore ni David,
Inang kalinis-linisan, Toreng garing,
Inang kaibig-ibig, Bahay na ginto,

16 17
Kaban ng tipan, -Patawarin Mo po kami, Panginoon.
Pinto ng langit, Kordero ng Diyos na nakakawala ng kasalanan ng
Talang maliwanag, sandaigdigan.
Mapagpagaling sa mga maysakit, -Pakapakinggan Mo po kami, Panginoon.
Tanggulan ng mga makasalanan Kordero ng Diyos na nakakawala ng kasalanan ng
Mapang-aliw sa nangagdadalamhati, santinakpan.
Mapag-ampon sa mga kristiyano, -Maawa Ka sa amin.
Reyna ng mga Anghel,
Reyna ng mga Patriarka, Panalangin para sa Intensyon ng Santo Papa
Reyna ng mga Propeta, Dasalin ang…
Reyna ng mga Apostol, (1) Ama Namin
Reyna ng mga Martir, (2) Aba Ginoong Maria
Reyna ng mga Kumpesor, (3) Luwalhati
Reyna ng mga Birhen,
Reyna ng lahat ng mga Santo, Panalangin sa Araw-Araw
Reynang ipinaglihi na 'di nagmana ng salang
orihinal, O mahal na Birheng Ina ng Awa, Reyna ng
langit at lupa, mapagbiyaya ng tanang
Reynang iniakyat sa langit,
kayamanan, isinasamo ko sa iyo, na ipagkamit mo
Reyna ng kasantu-santusang rosaryo,
sa akin sa pamamagitan ng iyong Mahal na Anak
Reyna ng mga pamilya, ang grasyang ninanasa ko (tahimik na banggitin
Reyna ng kapayapaan. ang kahilingan); tuloy biyayaan ng
Kordero ng Diyos na nakakawala ng kasalanan ng pananampalataya ang mga hindi binyagan;
sanlibutan.
18 19
patibayin ang lahat ng mga kristiyano; pakabutihin
ang lahat ng mga pari; bigyan ang mga puno ng
mahusay na pagpapasunod at ang mga sakop ng
isang madaling pagsunod; tubusin ang mga alipin;
patapangin ang mga manunubos; pakatuwirin ang
mga abogado; pakatibayin ang mga tinutukso;
aliwin ang mga namatayan; bigyan ng grasya ang
mga banal; panatilihin sa kalinisan ang mga
birhen; bigyan ng katahimikan ang mga mag-
asawa; pakaingatan sa dilang panganib ang mga
balo; pagalingin ang mga maysakit; patapangin
ang loob ng mga taong naghihingalo; at kaming
lahat ay iyong tulungan at bendisyunan ngayon at
sa oras ng aming kamatayan, nang kami’y maging
dapat na sumama sa iyo sa kaluwalhatian sa
langit. Siya nawa.
Panalangin para sa Maysakit
Ama naming bukal ng pagpapala at habag, /
Diyos ng aming buhay, / pinupuri Ka namin at
pinasasalamatan. // Ikaw ang dahilan ng aming
lakas at kagalingan. // Sa Iyo lamang kami
20
umaasa. // Ipagkaloob Mo po / sa tulong ng
Birheng Maria,/ ang Nuestra Señora de la
Merced, / ang kagalingan ng aming mga kapatid
na maysakit. // Ang pag-akay ni Maria sa amin
patungo kay Hesus / ang siyang bukal ng
kagalingan at kapayapaan ng kalooban. //
Ipagkaloob Mo po sa amin ang lakas ng loob / at
katatagan na harapin nang may kapayapaan / ang
anumang pagsubok sa buhay. // Sa mga sandaling
kami ay nahihirapan, / ipaalala Mo po sa amin / na
aming niyayakap / ay si Hesukristong nakayakap
sa aming paghihirap. // Hinihiling namin ito sa
pamamagitan ni Hesus / kasama ng Espiritu
Santo / magpasawalang hanggan. // Amen.
Ang Memorare
Alalahanin mo, / O lubhang maawaing Birheng
Maria, / na kailanma’y di narinig / na may
dumulog sa iyong pag-aampon, / humingi ng iyong
tulong, / at nagmakaawa ng iyong saklolo / na
iyong pinabayaan. // Dala ng pag-asang ito’y
dumudulog ako sa iyo. / O Birhen ng mga Birhen,
21
Ina! / Sa iyo po ako’y lumalapit, sa iyo po ako’y
humaharap na makasalanan at namimighati, / O
Ina ng walanghanggang Verbo! / Huwag mo pong
siphayuin ang aking mga pagluhog, / bagkus sa
iyong habag ay pakinggan mo po ako at
pakapakinggan. // Amen.
PAGSISIYAM SA
KABANAL-BANALANG
BIRHENG MARIA
NUESTRA SEÑORA DE LA MERCED
(Setyembre 15 — 24)

22 23
 PANALANGING TAIMTIM SA PAGSISIYAM
+Sa ngalan ng Ama, at ng Anak, at ng Espiritu
Santo. Amen
Namumuno : Panginoon kong Hesukristo,
Lahat: Diyos na totoo at tao naman totoo, /
gumawa at sumakop sa akin, / pinagsisisihan kong
masakit sa tanang loob ko / ang dilang
pagkakasala ko sa Iyo, / na Ikaw nga ang Diyos
ko, / Panginoon ko at Ama ko / na iniibig kong lalo
sa lahat. / Nagtitika akong matibay na matibay /
na di na ako muling magkakasala sa Iyo, / at
nagtitika naman akong magkumpisal ng dilang
kasanalan ko. / Umaasa akong patatawarin Mo
rin / alang-alang sa Iyong mahal na Pasyon / at
pagkamatay sa Krus dahilan sa akin. /
Sa mga panahon ng aming pagsisiyam kay
Mariang aming Ina, Iyong Ina, / Nuestra Señora
de la Merced, / tulungan Mo po akong lubusan
Kang makilala, / mahalin Ka nang buong
katapatan, / at higit Kang paglingkuran. /
Ipagkaloob Mo sa akin ang biyayang mabuhay na
masigasig / sa paglilingkod sa Iyo hanggang
kamatayan. / Amen.
24
PAMBUNGAD NA PANALANGIN
SA ARAW-ARAW
Kataas-taasang Birhen Maria, Inang hinirang
ng Diyos, ipinaglihi sa grasya, ngayo’y dumudulog
sa iyong mahal na harapan ang lalong palamara ng
mga tao at dumadaing sa iyo, na yayamang
nanaog ka sa lupa mula sa langit at iyong
ipinahayag na ikaw nga ang Ina ng biyaya at
kaawaan, ay kaawaan mo nga itong iyong
mababang lingkod. Sapagkat ikaw nga ang Ina ng
mga nagsisising makasalanan, kaaliwan ng
nahahapis at mapag-ampon sa nasasalatan. Ako
nga ang iyong alipin, ako’y iyong turuan,
patnubayan mo at ampunin, nang ako ay
matutong maglingkod sa iyo at nang kamtan ko
ang hinihingi at ninanasa ko dito sa pagsisiyam na
ito, kung siyang kagustuhan ng iyong Mahal na
Anak na si Hesus at nararapat sa aking kaluluwa.
Siya nawa.
PANALANGIN SA UNANG ARAW
Panginoon kong Diyos na makapangyarihan at
walang hanggang Ama, kung paano Kang
25
nangusap kay Moises sa bundok ng Oreb , sa
pagliligtas sa Iyong hinirang na bayan sa
pagkaalipin sa Ehipto ay gayon Ka ring nangusap
kay Pedro Nolasco sa bayang Barcelona upang
matubos ang mga aliping Kristiyano at ang Iyong
kabanal-banalang Ina ang Iyong isinugo. Dahil dito
ay isinasamo ko, na sa pagkakandili ng Kamahal-
mahalang Birhen na Iyong Ina, na huwag lumapit
sa aking kaluluwa ang usok ng kamunduhan, kundi
ang humahalimuyak na usok ng kabanguhan at
kalinisan, katulad nitong Kamahal-mahalang
Birhen. Siya nawa.
PANALANGIN SA ARAW-ARAW
O Mahal na Birheng Ina ng Awa, Reyna ng
langit at lupa, mapagbiyaya ng tanang
kayamanan, isinasamo ko sa iyo, na ipagkamit mo
sa akin sa pamamagitan ng iyong Mahal na Anak
ang grasyang ninanasa ko ( tahimik na banggitin
ang kahilingan ); tuloy biyayaan ng
pananampalataya ang mga hindi binyagan;
patibayin ang lahat ng mga Kristiyano;
pakabutihin ang lahat ng mga pari; bigyan ang
mga puno ng mahusay na pagpapasunod at ang
26
mga sakop ng isang madaling pagsunod; tubusin
ang mga alipin; patapangin ang mga manunubos;
pakatuwirin ang mga abogado; pakatibayin ang
mga tinutukso; aliwin ang mga namatayan; bigyan
ng grasya ang mga banal; panatilihin sa kalinisan
ang mga birhen; bigyan ng katahimikan ang mga
mag-asawa; pakaingatan sa dilang panganib ang
mga balo; pagalingin ang mga maysakit;
patapangin ang loob ng mga taong naghihingalo;
at kaming lahat ay iyong tulungan at bendisyunan,
ngayon at sa oras ng aming kamatayan, nang
kami’y maging dapat na sumunod sa iyo sa
kaluwalhatian sa langit. Siya nawa.
PANALANGIN NG BAYAN SA
MAHAL NA BIRHEN DELA MERCED
O Maria, Ina ng Awa at Reyna ng aming
tahanan, patnubayan mo kami na iyong mga anak
dito sa lupa ng iyong mapagkalingang
pagmamahal. Bigkisin mo kami sa PAGKAKAISA,
PAGKAKAUGNAYAN at PAGBABAHAGINAN sa
ngalan ng iyong Anak at aming Panginoong
Hesukristo. Bago mamatay ang iyong Anak na si
Hesus sa Krus ay ipinagkaloob ka Niya sa amin
27
bilang aming Ina na ang puso ay nag-aalab sa pag- Ang puso mong mahabagin
ibig sa sangkatauhan. Nawa ay patuloy mong Sa Kristiyanong inaalipin
patnubayan at pagningasin ang bokasyon sa Ng mga Morong suwail
pagsunod sa tawag ng Panginoon, kalingain mo at Ay tinagos ng patalim
aliwin ang mga manggagawa sa aming bayan Ang lupang iyong nilakad
lalung-lalo na ang lahat ng mga manggagawang Sa sinta mo sa may hirap.
Katoliko sa aming pamayanang Kristiyano at
marapatin mong maging matibay ang aming mga Si Raymundo at si Nolasco,
puso sa pagsamba sa Panginoong Diyos. Kasama Kapwa dakilang santo
mo, manatili nawa kaming nananalig kay Kristo At si Jaimeng lingkod mo,
bilang aming Daan, Katotohanan at Buhay at sa Ang iyong pinasaklolo
pamamagitan nito ay lalo pang magningas ang Sa Kristiyanong nag-iiyak
aming pagmamahal at paglilingkod kay Kristo at sa Sa kaalipinan sa paghihirap.
aming kapwa.
O Maria, Nuestra Señora de la Merced, Itinayo nilang lubos
Ang Orden mo sa pagsakop
ipanalangin mo kami. Amen.
Sa kamay ng mga Moro
DALIT SA MAHAL NA Ang nasawing mga Kristiyano
BIRHEN DE LA MERCED Aliw kang kaliyag-liyag
Sa tulong mo, Birheng liyag Ng Kristiyanong nasa hirap.
Na lunas ng nasa hirap,
Dalitan mong iligtas Barcelona at ibang bayan
Ang sa sala’y nabibihag Ay binigyan kang galang
At di minsan natikman
28 29
Sa puso mo ang katamisan
Sila’y iyong iniligtas
Sa sari-saring paghihirap.
Ang sa iyo’y tumatawag
Pinakikinggan mo agad
Dala ng malaking habag
Sila’y iyong pinapagkapalad
Ang Kristiyanong naghihirap
Ang tulong mong walang liwag.
Inang kalinis-linisan
Pintakasi ng aming bayan,
Tanang dito’y napipisan
Iadya sa kahapisan
Tanggulan ng naghihirap
Imperatrix na marilag
Dalitain mong iligtas
Ang sa sala’y nabibihag
Sa tulong mo, Birheng liyag
Na lunas ng nasa hirap.
30
Namumuno: Ipanalangin mo kami, Santang Ina ng
Diyos.
Lahat: Nang kami ay maging dapat magkamit ng
mga pangako ni Hesukristong Panginoon. Ang
tanang kinapal sa langit at sa lupa ay naninikluhod
sa iyong mahal na harapan at nagbabati na ang
wika’y: “Aba, Ina ng Awa, aliw ng kahapisan,
manunubos ng mga aliping Kristiyano, ikaw nga
ang kaluwalhatian ng Herusalem, ang katuwaan
ng Israel at kapurihan ng ating bayan.”
Namumuno: Ilingon mo, Ina ng Diyos ang mga
mata mong maawain dito sa iyong bayan.
Lahat: Iyong dalawin at pagkahusayin, yayamang
iyong pag-aari.
PANALANGIN SA IKALAWANG ARAW
Dakilang Hari, Ama ng awa at Diyos ng buong
kaaliwan, ipinakilala Mo sa Haring Faraon ang
kadakilaan ng Iyong kapangyarihan at siya na
ngang ipinagbasag ng katigasan ng kanyang loob
at sa ganitong paraa’y naligtas sa kaalipinan ang
31
mapighating nabibihag Mong bayan. Isinasamo
namin sa Iyo ng buong kapakumbabaan na
kasama ng aming Señora de la Merced, ay Iyong
pasukuin ang mga pita ng aming katawan at Iyong
pigilin ang aming masasamang gawain at
palambutin ang katigasan ng aming mga puso. At
kung aming kamtan na malagot ang mga tanikala
ng aming mga sala, ay maligtas kami sa
pagkaalipin sa kasalanan at kami’y Iyong
pagkalooban ng iyong mahal na grasya, nang
kami’y maging dapat na makipagluwalhati sa Iyo
magpasawalang-hanggan. Siya nawa.
PANALANGIN SA IKATLONG ARAW
Makapangyarihang Panginoon at Amang
maawain, bukod sa iniligtas Mo ang abang bayan
ng Israel sa kanyang kaalipinan, ay nabigyan mo
pa siya ng isang kataka-takang alapaap na
panganlong na nakaaliw na lubha sa kanila, na sa
gabi'y may aninong apoy na nagpapaliwanag sa
kanila ng huwag silang malihis at matisod.
Ipinamamanhik namin sa Iyo nang buong
kapakumbabaan sa pamamagitan ng kataka-
takang kolumnang panganlong na aming Señora
32
de la Merced, na kami'y iligtas sa kabagsikan ng
Iyong pagkahustisya at ng dapat kaming magkamit
ng apoy ng Iyong pag-ibig na magpapaalab sa
aming malalamig na puso at magpapaliwanag sa
aming mga isip, nang huwag kaming maligaw sa
matuwid na daang patungo sa langit. Siya nawa.
PANALANGIN SA IKAAPAT NA ARAW
Katamis-tamisang Hesus, at walang hanggang
Diyos, Bugtong na Anak ni Santa Maria, yayamang
ipinahayag Mo sa mga tao na Iyong kinalulugdan
ang mahal na titulo na de la Merced, matikman
nawa namin ang katamisan nitong mahinhing
pangalan nang kami’y ipagtanggol at nang
maligtas kami sa mga tukso ng kaaway at nang
kami’y matutong maglingkod sa Iyo dito sa lupa at
saka purihin Ka namin sa kaluwalhatian sa langit,
Siya nawa.
PANALANGIN SA IKALIMANG ARAW
Panginoong maawain at makapangyarihang
Ama, bagama’t nararapat sa amin dahil sa aming
mga kasalanan, ang mga hirap, sakit, pighati at
parusa, ay aming idinadalangin sa Iyo ng taimtim
33
sa loob na kami’y Iyong papasukin sa totoong
magaling na Arko ni Noe, kay Maria baga na Iyong
mahal na Ina, nang kami’y maligtas doon sa
kalangitan ng Iyong matuwid na poot at ang
nananawag sa kanya, sa marangal na titulo na de
la Merced o Ina ng Awa, ay puspusin ng Iyong
mahal na grasya, na magtagumpay kami sa dilang
panganib sa mundo at makarating na maluwalhati
sa bayang masaya sa langit. Siya nawa.
PANALANGIN SA IKAANIM NA ARAW
Maawaing Diyos at aming Panginoon, sa
pamamagitan ng panalangin ng aming Señora de
la Merced, ay iligtas Mo kami sa kamatayan, sa
kasalanan, at bigyan kami ng buhay at ng grasya
hanggang makamtan namin ang kaluwalhatiang
walang hanggan. Siya nawa.
PANALANGIN SA IKAPITONG ARAW
Kasantu-santusang Trinidad, Diyos Ama, Diyos
Anak at Diyos Espiritu Santo, Inyong kinoronahan
si Maria ng mga bituin at pinaramtan ng di malirip
na kariktan at kaluwalhatian. Kanyang pinasuko
ang demonyong kaaway at pinadapa sa kanyang
34
malilinis na paa. Isinasamo namin sa Iyo nang
buong kapakumbabaang puso, na kami’y Inyong
tingnan, para ng sumukong alipin at mababang
lingkod nitong mahal na Señora na aking
sinasambit na Ina ng Awa, Birhen de la Merced,
nang kami’y maligtas sa mga kaaway ng aming
kaluluwa at makamtan namin ang kaluwalhatiang
walang hanggan. Siya Nawa
PANALANGIN SA IKAWALONG ARAW
Masintahing Diyos at aming Panginoon,
isinasamo namin sa Iyo nang buong
kapakumbabaan sa kaibuturan ng aming puso na
sa halimbawa ng aming Señora de la Merced, sa
pagbibigay aliw sa mga nalulumbay at sa
pagliligtas sa mga aliping Kristiyano sa kanilang
abang lagay, kaming lahat ay Iyong iligtas sa
tanang panganib ng katawa’t kaluluwa, nang
kami’y magkamit ng buhay na walang hanggan sa
langit. Siya nawa.
PANALANGIN SA IKASIYAM NA ARAW
Diyos at Panginoon ng lahat ng kinapal, dala
ng malaking habag sa aming mga kahirapan, ay
35
minarapat Mong Ikaw ay magkatawang-tao sa
kalinis-linisang sinapupunan ni Santa Maria, sa
pagtubos ng aming kaalipinan sa kasalanan, ay
ipinamamanhik namin sa Iyo, alang-alang dito sa
walang hanggang panininta yayamang ang Iyong
hinirang na Ina ay lubhang malinis at maawain, ay
makatupad kami sa kanyang mga kabanalan dito
sa lupa at makamit tuloy ng kaluwalhatiang
walang hanggan sa langit.
PAGHAHANDOG SA
MAHAL NA INA NG AWA
O katamis-tamisang Ina ng Diyos at Ina naming
lahat, reyna ng langit at lupa, kalugud-lugod na
Ina ng Awa, bilang masunuring mga anak na
nakapaligid sa inyong trono at nakaluhod sa harap
ng iyong karangalang pagiging Ina ng Diyos, sa
araw na ito na napakaligaya para sa iyo at
malaking kasiyahan para sa amin, inihahandog
namin sa iyo ang aming katauhan, ang aming mga
kapatid, ang aming pamilya, ang aming bayan, at
ang buong sangkatauhan. Inihahandog namin ang
lahat ng pag-aari namin mula sa mga biyaya at
walang hanggang awa ng Diyos.
36
Kami’y iyong angkinin pinakamamahal na Ina,
sa lahat ng oras ng aming buhay, sa kasaganaan at
paghihikahos, sa tagumpay at sa kasawian, sa
kagalakan at sa kalungkutan, sa kalusugan at
karamdaman, sa buhay at kamatayan.
Ngayong ipinagdiriwang namin ang iyong
kapistahan, tanggapin mo ang aming taimtim na
pasasalamat sa maraming biyaya at awa na
ipinagkaloob mo sa amin. At nawa ay
pagkalooban mo kami ng lakas ng isip, puso,
katawan, at kaluluwa upang kami’y
makapagpuring lagi sa iyo at sa Iyong Anak na
aming Panginoong Hesukristo, na nabubuhay at
naghaharing kasama ng Diyos Ama at Espiritu
Santo, sa kaluwalhatian sa langit. Amen.
37
 RITO NG PAGBABASBAS NG
ESKAPULARYO NG
NUESTRA SEÑORA DE LA MERCED
Pari: Panginoon naming Hesukristo, Diyos na
yumakap sa aming pagkatao, ipinapakiusap po
naming gawaran Mo ng pagbabasbas mula sa
iyong kagandahang loob, + ang eskapularyong ito
na itinalaga ng pinuno ng Simbahan na ang
sinumang magsususot nito ay mapagkakalooban
ng biyaya ng kagalingan at kapayapaan ng
kalooban. Nawa ang pagsususot ng eskapularyong
ito ay magdulot ng kabanalan ngayon at
magpasawalang hanggan. Amen.
Manalangin tayo.
Ama naming bukal ng pagmamahal at habag,
karapat-dapat Ka naming purihin at parangalan
dahil sa ginawa Mong kabutihan mula sa Iyong
kagandahang-loob. Ipinagkaloob Mo ang lubos na
biyaya sa aming Mahal na Inang si Maria sa
pamamagitan ng Iyong Anak na si Hesus.
Ipinagkaloob Mo sa amin si Maria bilang Ina na
puno ng awa at habag. Siya ang naging
38
tagapagtanggol ng mga naaapi, at naging
tagapagkalinga ng mga maralita lalo na ang mga
maysakit. Pinaganap Mo ang kanyang pagkatao sa
pamamagitan ng malaya niyang pagtugon sa
panawagan Mo. Hinihiling namin ngayon na
pakabanalin Mo ang mga eskapularyong ito na
magiging tanda ng aming pamimintuho at
paggalang sa Mahal na Ina ng Diyos, si Maria.
Ipagkaloob Mo po sa sinumang nagnanais na
magsuot nito ang walang hanggang biyaya mula
sa Iyong pusong puno ng habag sa pamamagitan
ni Hesukristo kasama ng Espiritu Santo,
magpasawalang hanggan. Amen.
Ama namin…
Aba Ginoong Maria…
Luwalhati…
Litanya ng mga Santo
Nuestra Señora de la Merced,
Ipanalangin mo kami.
San Jose
Ipanalangin mo kami.
39
San Miguel
Ipanalangin mo kami.
San Juan Bautista
Ipanalangin mo kami.
San Pedro Nolasco,
Ipanalangin mo kami.
San Raymundo de Peñafort,
Ipanalangin mo kami.
Lahat ng mga Banal sa Orden Mercedario
Ipanalangin mo kami.
San Lorenzo Ruiz
Ipanalangin mo kami.
San Pedro Calungsod
Ipanalangin mo kami.
Beato Jose Maria de Manila
Ipanalangin mo kami.
40
MGA KARAGDAGANG PANALANGIN
Panalangin para sa Bokasyon sa Pagpapari at
Pagmamadre
O Panginoong Hesus, Ikaw na rin ang nagsabi:
“ Ang aanihin ay totoong marami, datapwa’t
kakaunti ang mga manggagawa. Idalangin Ninyo
sa Panginoon ng ani na magpadala Siya ng mga
manggagawa sa Kanyang bukid.” Isinasamo namin
sa Iyo na tawagin ang marami sa aming kabataang
Pilipino na maglingkod sa iyo at sa kanilang kapwa
bilang mga pari at madre.
Itulot Mo na makilala nila at ng kanilang mga
magulang ang kadakilaan at kagandahan ng
pagpapari at pagmamadre.
Ipagkaloob Mo na ang lahat ng napili Mo na
maglingkod sa Iyo ay manatili sa pagsunod sa Iyo.
Tulungan Mo rin ang mga pinagkatiwalaan Mo
sa paghubog sa kanila na matupad nila ang
kanilang mga tungkulin nang buong tapat. Siya
nawa.
41
 Panalangin sa Isang Mabuti at Magandang
Kamatayan
O Maria na naglihing hindi nabahiran ng
kasalanan, ipanalangin mo kami na dumudulog sa
iyo. O sakdalan at takbuhan ng mga makasalanan,
Ina ng mga naghihingalo, huwag mo kaming iiwan
lalung-lalo na sa oras ng aming pagpanaw kundi
bagkus ipagkamit mo sa amin ang isang matinding
kalumbayan at paghihinagpis sa aming mga
kasalanan, isang ganap na kapatawaran sa aming
mga kasalanan, isang marapat na pagtanggap kay
Kristo sa komunyon at mabisa at pampalakas na
bunga ng Sakramento ng Paglalanya nang maaari
kaming humarap na panatag sa luklukan nang
Matuwid, ngunit sa kabilang dako naman ay
maawaing hukom na aming Diyos at mananakop.
Siya nawa.
Panalangin para sa mga Pari
O makapangyarihang Diyos, tunghayan Mo po
ang mukha ng Iyong Anak na si Hesus, at alang-
alang sa pag-ibig sa Kanya, na Punong Paring
walang hanggan. Kahabagan Mo po ang Iyong
42
mga pari. Alalahanin Mo, O lubhang maawaing
Diyos, na sila ay mahihina at marurupok na mga
nilikha, pukawin Mo po sa kanila ang biyaya ng
bokasyon na tinanggap nila nang ipatong sa kanila
ang kamay ng Obispo. Pakaingatan Mo po sila
nang hindi mamayani laban sa kanila ang kaaway,
upang huwag silang makagawa ng anuman, gaano
man kaliit na di karapat-dapat sa kanilang
matayog na bokasyon.
O Hesus, idinadalangin ko sa Iyo ang Iyong mga
paring tapat at masigasig ang Iyong mga paring di
matatapat at matatamlay, ang Iyong mga paring
nagpapakasakit dito at sa mga malayong lupain at
nagmimisyon, ang Iyong mga paring natutukso,
ang Iyong mga paring bata pa, ang Iyong mga
paring matatanda na, ang Iyong mga paring
maysakit, ang Iyong mga paring naghihingalo, ang
mga kaluluwa ng Iyong mga paring nasa
purgatoryo.
Higit sa lahat, inihahabilin ko sa Iyo ang mga
paring pinakamahal sa akin; ang paring nagbinyag
sa akin, ang mga paring naghandog ng mga
misang aking dinaluhan at nagbigay sa akin ng
43
Iyong Katawan at Dugo sa pakikinabang, ang mga
paring nagturo at tumulong sa akin at nagpalakas
ng aking loob. Ang mga paring pinagkakautangan
ko ng loob sa anu pa mang paraan, lalung-lalo na
si Padre…
O Hesus, ingatan Mo po sila sa Iyong puso at
ibuhos Mo sa kanila ang Iyong pagpapala ngayon
at magpasawalang-hanggan. Siya nawa.
Maria, Reyna ng mga pari, ipanalangin mo po
kami, at idalangin mo po na kami ay pagkalooban
ng maraming banal na pari. Amen.
Panalangin para sa Matagumpay na Pag-aaral
O Maria, Ina ng dalisay na pagmamahal, ng
pagsamba, ng karunungan, at banal na pag-asa,
dahil sa iyong pamamagitan, ang lalo mang
mangmang ay buong panggigilalas na
nagtagumpay sa karunungan at kabanalan, ikaw
ang pinili kong maging taga-akay at pintakasi sa
aking pag-aaral at buong pagpapakumbaba akong
sumasamo, sa pamamagitan ng Iyong masuyong
pagmamahal-ina, lalo na sa walang hanggang
karunungan, na nagmarapat na kunin sa Iyo ng
44
luningning na mahigpit sa lahat ng mga banal, ay
tulungang sumaakin ang mahal na grasya ng
Espiritu Santo upang aking matutuhan,
matandaan, maipakita sa gawa at salita at maituro
naman sa iba ang lahat ng bagay na nagdudulot sa
iyo ng karangalan at sa iyong Anak, na sa akin at
sa iba man ay makatulong sa buhay na walang
hanggan. Siya nawa.
Panalangin kay San Ramon Nonnato at
Birhen de la Merced ng mga nagdadalang-tao
O lubhang maawaing Birhen, na ang pamagat
ay de la Merced, ipinagmamakaawa ko sa iyong
katamis-tamisang puso na dinggin mo akong
tumatawag sa iyo; at alang-alang doon sa iyong
panganganak na wala munti mang hirap at alang-
alang naman sa mga karapatan ng iyong lingkod
na si San Ramon Nonnato na ipinanganak sa kagila
-gilalas na panganganak ay pagkalooban mo ako
nang isang mapalad at maluwalhating pagdaraan,
yayamang humahain akong alipin sa dakila mong
kamahalan, nang lalo kong mapaglikuran ang
bugtong mong Anak na si Hesukristong aking
mananakop. Siya nawa.
45
 MGA BANAL SA ORDEN NG
NUESTRA SEÑORA DE LA MERCED
San Pedro Nolasco - (Kapistahan — Mayo 6)
Isinilang noong 1182 sa Languedoc, Francia sa
isang mayamang pamilya. Punong tagapagtatag
ng Orden ng Nuestra Señora de la Merced
(Mercedarian Order). Ipinagbili niyang lahat ang
kanyang kayamanang mana at inubos n’ya iyon sa
pagliligtas ng mga Kristiyanong bihag. Namatay
noong Disyembre 24, 1256. Idineklarang Santo
noong Setyembre 30, 1628 ni Papa Urbano VII.
San Raymundo de Peñafort - (Kapistahan —
Enero 7) Isang paring Dominikano na isinilang sa
Barcelona, Espanya noong 1175. Naging
tagapagtanggol ng Batas kanoniko sa Diyosesis ng
Barcelona at sa edad na 40 ay pumasok sa Orden
Predicadores ni Sto. Domingo. Ginawa n’ya ang
mga palatuntunan ng bagong kapisanan ng
Kabanal-banalang Birhen de la Merced sa
panunubos ng mga Krsityanong bihag. Siya ay
namatay noong Enero 6, 1275 at idineklarang
santo ni Papa Clemente VIII noong 1601.
46
San Serapion - (Kapistahan — Nobyembre 14)
Isinilang noong 1179 sa Ireland. Taong 1222 nang
tanggapin niya ang abito ng Orden ng Nuestra
Señora de la Merced upang iligtas ang mga
kristiyanong bilanggo. Siya ay naging bihag sa
Algeria at ipinako sa ekis na krus ng mga Moro.
Siya ay namatay noong Nobyembre 14, 1240 at
idineklarang santo ni Papa Benedicto XIV. Si San
Serapion ang patron ng mga maysakit.
Santa Maria Cervellon - (Kapistahan —
Setyembre 19) Isinilang noong Disyembre 1, 1230
sa Barcelona, Espanya. Itinatag ang unang
komunidad ng mga madre ng Orden ng Nuestra
Señora de la Merced noong 1265. Kilala sa
pangalang Socorro o tagatulong dahil siya ay
nakikitang sumasagip ng mga lumulubog na barko
sa karagatan. Siya ay namatay noong Setyembre
19, 1290 at idineklarang santo ni Papa Inocencio
XII. Si Santa Maria Cervellon ang pintakasi ng mga
manlalayag.
47
San Raymundo Nonnato - (Kapistahan —
Agosto 31) Isinilang sa Catalonia, Espanya noong
1204. Siya ay tinawag na “nonnatus” na ang ibig
sabihin ay “hindi isinilang” dahil siya ay inilabas sa
sinapupunan ng kanyang bangkay na ina sa
pamamagitan ng operasyon. Sumapi sa Orden ng
Nuestra Señora de la Merced sa murang edad at
itinalagang cardinal ni Papa Gregorio IX. Siya ay
namatay noong 1240 at idineklarang santo ni
Papa Alejandro VII. Si San Raymundo Nonnato ang
patron ng mga nagdadalang tao.
San Pedro Paschasius - (Kapistahan —
Disyembre 6 ) Isinilang sa Valencia, Espanya
noong 1227. Tinaggap niya ang abito ng Orden ng
Nuestra Señora de la Merced noong 1250 at
itinalaga namang obispo ng Jaen ni Papa Bonifacio
VIII noong 1296. Isa sa mga unang nagtanggol at
nagsulat patungkol sa doktrina ng Mahal na
Birheng Maria na ipinaglihing walang bahid ng
kasalanan, ang Immaculada Concepcion. Namatay
noong Disyembre 6, 1300 nang pugutan siya ng
ulo ng mga Moro. Siya ay idineklarang santo ni
48
Papa Clemente X at kinikilalang patron ng mga
mag-aaral ng orden.
San Pedro Armengol - (Kapistahan — Abril 27)
Isinilang sa Taragona, Espanya noong ika-13 siglo.
Mula sa mabuting pamilya, siya’y nahulog sa tukso
ng kasamaan. Sa kanyang pakikidigma sa mga
taong isinugo ni Haring Jaime, nakalaban niya ang
kanyang sariling ama na si Arnaldo Armengol de
Moncada. Sa pagharap niya sa kanyang ama,
nagsimula ang pagbabago ng kanyang buhay at
doon siya’y nagpasyang mapabilang sa
pamayanan ng mga paring Mercedario. Nagpasiya
siya na ialay ang kanyang nalalabing buhay sa
pagkakawang-gawa para sa kaligtasan ng mga
nalupig. Siya ay namatay noong 1304 at
idineklarang santo ni Papa Inocencio XI. Siya ang
pintakasi ng mga kabataang nasa peligro.
Beata Maria Ana Navarro de Jesus - (Kapistahan
— Abril 17) Isinilang sa Madrid, Espanya noong
1565. Taong 1614 nang mapabilang siya sa Orden
49
Tercera ng mga Mercedario. Inialay niya ang Beato Mariano Alcala Perez at ang labing
kanyang sarili sa kawanggawa lalo na sa walong Mercedariong Martir - (Kapistahan —
paglilingkod sa mga maysakit at nangangailangan. Setyembre 16) Ang mga martir ng Orden ng
Siya ay huwaran ng kababaang loob, biyaya ng Nuestra Señora de la Merced na nanatiling
pagiging isang propeta at karunungang bumasa matatag at tapat sa pananampalatayang
sa mga tanda ng panahon. Siya ay namatay noong Kristiyano Katoliko nang sumiklab ang digmaang
Abril 17, 1624 at idineklarang beata noong 1783 sibil sa Espanya noong 1934 kung saan pinag-
sa pangunguna ni Papa Pio VI. uusig ang simbahan. Sila ay idineklarang mga
martir sa Tarragona, Espanya noong Oktubre 13,
2013 sa kautusan ni Papa Francisco.
Beata Margarita Lopez de Maturana -
(Kapistahan — Hulyo 23) Isinilang sa Bilbao,
Espanya noong Hulyo 25, 1884. Pumasok siya sa
Monasteryo ng ng Mercedarians of Berriz sa
gulang na 19. Ang kanyang matinding
pagmamahal kay Hesus ang nagtulak upang
buksan ang mga rehas ng monasteryo para isilang
ang isang Missionary Institute, ang Mercedarian
Missionaries of Berriz. Taong 1926, nabuksan ang
misyon sa China, sumunod sa Japan, Marianas, at
Caroline Islands. Siya ay namatay noong Hulyo 23,
1934 at idineklarang beata noong Oktubre 22,
2006.

50 51
 MGA AWIT SA NOVENA
Inang Birhen de la Merced
Inang Birhen de la Merced
Mahal naming patrona
Pari at tao mong mahal
Basbasan mong lubusan.
Dini sa lupang bayang kahapis-hapis
Kaya’t ilingon mo sa amin
Ang mga mata mong maawain
At saka kung matapos aming pagpanaw
Ipakita mo sa amin
Ang iyong Anak na si Hesus
O magiliw, maawain
Matamis na Birheng Maria.

O ina ‘yong tulungan Mariang Ina ko

Kumilala nang tunay
Sa ‘yong makainang lingap Sa 'king paglalakbay,
At sa ‘yong pagmamahal. sa bundok ng buhay
Sa ligaya't lumbay
Salve Regina maging talang gabay

O Santa Maria KORO:

O Reyna’t Ina ng Awa
Ika’y aming buhay pag-asa’t katamisan
Sa ‘yo nga kami tumatawag
Pinapanaw na anak ni Eba
Sa ‘yo rin kami tumatangis
Mariang ina ko,
Ako ri'y anak mo
Kay Kristong Kuya ko akayin mo ako
Kay Kristong Kuya ko akayin mo ako

52 53
Maging aking tulay
Sa langit kong pakay
Sa bingit ng hukay
Tangnan aking kamay. (KORO)
Sabihin sa Kanya
Aking dusa at saya
Ibulong sa Kanya,
minamahal ko Siya. (KORO)
Araw-araw kay Maria
Araw-araw kay Maria
Kami ay nagdarasal
Si Maria aming Reyna
Ibig naming marangal
Kanyang tulong laging-lagi
Kami ay humihingi
Pupurihin namin siya
Maging araw at gabi
Kung kami’y nasa panganib
Kay Maria tatakbo
54
Siya ay aming tatawagin
Kung lalapit ang tukso
O Maria ‘yong tulungan
Kaming nangabubuhay
Kami ay ipanalangin
Kung kami’y mamamatay.
Inang Minamahal
Inang minamahal, si Hesus sa iyo sinilang
Inang sinasamba, ang Diyos sa ‘yo nagpala
Inang minamahal, kay Hesus kami ‘yong ialay
Ilaan sa kanyang kaharian, upang D’yos ay
maparangalan
Ilaan sa kanyang kaharian, upang kapwa’y
mapaglingkuran.
Inang minamahal, ni Hesus naming Mananakop
Inang sinasamba ng lahat mong mga anak
Nawa’y ilawan mo ang landas naming tatahakin
Kaligtasan namin at pag-asa, tulong ng iyong
panalangin
Sa harap ng aming kamatayan, O Ina kami’y ‘yong
aliwin.
55
Birhen de la Merced
Birhen de la Merced
Ina naming lahat
Sa iyo’y tumatawag
Ang ‘yong mga anak.
Ave, Ave, Ave Maria
Ave, Ave, Ave Maria
Birheng Maligaya
Kami’y patnubayan
Sa pagdiriwang naming
Ng iyong kapistahan
Ave, Ave, Ave Maria
Ave, Ave, Ave Maria
Ang Puso’y Nagpupuri
Koro: Ang puso ko’y nagpupuri,
nagpupuri sa panginoon
nagagalak ang aking espiritu
sa ‘king tagapagligtas.
56
1. Sapagkat nilingap N’ya
kababaan ng Kanyang alipin
mapalad ang pangalan ko
sa lahat ng mga bansa.
2. Sapagkat gumawa ang Poon
ng mga dakilang bagay
banal sa lupa’t langit
ang pangalan ng Panginoon.
3. At kinahahabagan N’ya
ang mga sa Kanya’y may takot
at sa lahat ng salinlahi
ang awa Niya’y walang hanggan.
4. At ipinakita N’ya
ang lakas ng Kanyang bisig
at ang mga palalo’y
pinangalat ng Panginoon.
5. Ibinulid sa upuan
ang mga makapangyarihan
57
 itinampok, itinaas
ang mga mabababang-loob.
6. At Kanya namang binusog
ang mga nangagugutom
pinaalis, walang dala
ang mayamang mapagmataas.
7. Inampon n’ya ang Israel
na Kanyang aliping hinirang
sa dakila N’yang pagmamahal
at dala ng laking awa N’ya.
8. Ayon sa ipinangako N’ya
sa ating mga magulang
kay Abraham at lipi n’ya
at ito’y magpakailanman.
9. Luwalhati sa Ama,
sa Anak, at sa Espiritu Santo
kapara noong unang-una,
ngayon at magpakailanman.
58
Salve Regina (Latin)
Salve, Regina, Mater Misericordiae:
Vita, dulcedo, et spes nostra, salve.
Ad te clamamus, exsules, filii Hevae.
Ad te suspiramus, gementes et flentes
In hac lacrimarum valle.
Eia ergo, Advocata nostra,
Illos tuos misericordes oculos
Ad nos converte.
Et Jesum, benedictum fructum ventris tui,
nobis, post hoc exsilium ostende.
O clemens! O pia!
O dulcis Virgo Maria!
MGA AWIT SA BANAL NA ROSARYO
ANG MGA MISTERYO SA TUWA
1. Ang pagpapahayag ng balita sa Mahal na
Birhen.
Sinugo ng Diyos ang anghel kay Maria
‘Aba. O tigib ka ng biyaya ng Diyos.
59
 KORO: Ave, Ave, Ave Maria 3. Ang pagsilang sa ating Panginoong
Ave, Ave, Ave Maria Hesukristo.

‘Sa pamamagitan ng Espiritu Santo At nang isinilang ang Hari ng Langit

Magiging Ina ka ng Kanyang Anak. Higaa’y sabsaban, danas ay sakit.

‘Kalooban Nya’y maganap sa akin’ Kay Birheng Maria ipinanganak

Ito ang sagot ni Mariang Birhen. Ang ating sala’y Siyang magwawalat.

2. Ang pagdalaw ng Mahal na Birhen kay Tanda ng pag-ibig ng Diyos si Hesus

Isabel. Sala’y talikdan at S’ya’y ating sundan.

Pinsan ni Maria na si Isabel 4. Ang paghahandog sa sanggol na si Hesus sa

Nagluwal ng sanggol ang pangalan ay Juan. templo

Wika ni Isabel, “Mapalad ako, At S’ya’y inialay, ang Batang Hesus

Ina ng Mesiyas dinalaw ako.” Ng kanyang Ina sa dambana ng Diyos.

Sagot ni Maria, “Puso ko’y lipos ng awit Mga anak natin sa Misa’y dalhin
At tanging papuri sa Diyos.” Sa Panginoon buhay ay ihain.

Maria ikaw din ang aming Ina

Sa mga tukso kami’y ipag-adya.

60 61
5. Ang pagkatagpo sa batang si Hesus sa
templo.
Minsa’y tatlong araw na Siya’y nawala
Balisa silang naghanap sa Kanya.
Maria’t Jose sa wakas nakita
Siya’y nasa tahanan ng Kanyang Ama.
Laging masunurin sa Kanyang magulang
Halimbawa Niya’y ating pag-aralan.
ANG MGA MISTERYO SA LIWANAG
1. Ang pagbibinyag kay Hesus sa Jordan.
Ang buong misteryo ni Kristo Hesus
Siya ang liwanag ng ating mundo.
Habang si Kristo ay binibinyagan
Buong kalangitan ay nabubuksan.
Espiritu Santo ay bumababa
Pinagkaloob ang misyong ‘sasagawa.
62
2. Ang sariling pagbubunyag ni Hesus sa
kasalan sa Cana.
Unang kababalaghang ginawa Niya
Kasalan sa Cana, sa Galilea.
Sabi ni Maria Ina ni Hesus
Gawin anumang sabihin N’ya sa ‘nyo.
Salamat Maria sa pamamagitan
Dalin kaming lagi kay Kristong mahal.
3. Ang pagpapahayag ni Hesus tungkol sa
paghahari ng Diyos.
Nangaral si Hesus sa mga tao
Sa pagdating ng kaharian ng Diyos.
Ito’y misteryo ng habag at awa
Tayo ng magbalik-loob sa Kanya.
Patawad Hesus sa kasalanan ko
Turuan akong sumunod sa Iyo.
63
4. Ang pagbabagong-anyo ni Hesus.
Nagbagong-anyo Panginoong Hesus
Doon naganap sa Bundok ng Tabor.
Panginoong Hesus ay maghahari
Lakas Niya’y laging mananatili.
Sabi ng Diyos pakinggan ninyo S’ya
Anak N’yang mahal lubhang kinalugdan.
5. Ang pagtatatag ni Hesus ng Eukaristiya.
Ang Eukaristiya Kanyang tinatag
Tanda ng pag-ibig sa sangkatauhan.
Halina’t sambahin ang Panginoon
Sa Eukaristiya Siya’y ating tanggapin.
Purihin si Hesus sa Sakramento
Purihin Siya ng lahat ng tao.
64
ANG MGA MISTERYO SA HAPIS
1. Ang pagdurusa sa halamanan ng
Gethsemani.
Minsa’y tinatatag sa huling hapunan
Tinapay ng Buhay Kanyang binigay.
Nang Siya’y manalangin sa halamanan
Basa ng dugo pawis ang katawan.
Bilin N’ya sa atin, “Magtanod kayo
Laging manalangin laban sa tukso.”
2. Ang paghahampas sa ating Panginoon na
natatali haliging bato.
Gayon man Siya’y walang kasalanan
Ang katawan Niya’y kanilang sinaktan.
Nawa’y kasalanan aking puksain
At nang matutunan kitang mahalin.
65
 O Birheng Maria, turuan ako
Gawin ding dalisay ang katawan ko.
3. Ang pagpuputong ng koronang tinik.
Koronang tinik ang putong sa Kanya
Ulo’y nasugatan, Haring kinutya.
Buong pag-iisip bigay ko sa iyo
Nang di marungisan ng isip-mundo.
Maria, ikaw Rosa Mistika
Pawiin ang isip kong masasama.
4. Ang pagpasan ng Krus patungong Kalbaryo.
Ang kahoy na krus ay Iyong pinasan
Sa aming tiisin Ika’y susundan.
Sa daan nagkita, Anak at Ina
Sa bundok Kalbaryo ang tungo nila.
Mariang kaibig-ibig kong Ina
Turuan akong magmahal sa Kanya.
66
5. Ang pagpapako sa Krus at kamatayan ng
Panginoon.
Doon sa kalbaryo Siya’y pinako
Dala ng pagkakasala ng mundo.
Lahat ng samang umiiral ngayon
Ay s’yang nagpapako sa Panginoon.
Laban sa dangal ng tao’t pamilya
Laban sa simbahan, laban sa kapwa.
ANG MGA MISTERYO SA LUWALHATI
1. Ang pagkabuhay na mag-uli ng ating
Panginoon.
Nang ikatlong araw S’yang nabuhay
Yaring kamatayan di nagtagumpay.
Sa Kanyang tagumpay hindi mag-iisa
Pagka’t nais tayong isama din N’ya.
67
 Muling pagkabuhay ating kakamtan
Kung ang kasalanan ating talikdan.
2. Ang pag-akyat sa langit ng ating Panginoon.
Apatnapung araw ang nakalipas
Nagtungo sa langit si Kristong Hesus.
Kay Pedrong apostol ang tanging bilin
“Kawan ko’y pakanin at ‘yong mahalin.”
Hesus kong mabuti’t maamong Pastol
Buhay mo’y sa amin ‘yong iniukol.
3. Ang pagpanaog ng Espiritu Santo sa mga
Apostoles.
Espiritu Santo ay pagmamahal
N’yaring Diyos Anak at Ama N’yang banal
Siya’y isinugo sa Kanyang Simbahan
Upang tayo’y matutong magmahalan.
68
Espiritu Santo’y ating tanggapin
Buhay nati’y Kanyang pakabanalin.
4. Ang pag-aakyat sa langit ng Mahal na Birhen,
kaluluwa pati katawan.
Yumaong Maria, kanyang katawan
Hindi naagnas sa kanyang libingan.
Inakyat sa langit ng kanyang Anak
Buong kalangitan ay nagalak.
Maging katawan at kaluluwa niya
Ay di nabahiran ng salang mana.
5. Ang pagpuputong ng korona sa Mahal na
Birheng Maria
Damit n’ya’y araw si Mariang Reyna
Labindalawang tala ang korona.
Mariang Birhen ang s’yang nagluwal
Kay Kristong Hesus Panginoong mahal.
69
Sa tanging pagpanaw sa mundong ito
Tungo sa langit kami’y akayin mo.

70