Misa-Domingo I - Vi (ABC) Kan Pascua Asin Octava

AN SANTA MISA
domingo i - vi ( abc ) kan pascua asin octava
PAGPOON
Padi: Sa ngaran kan + AMA, asin kan AKI, asin kan ESPIRITU
SANTO.
Banwaan: Amen.
Padi: An gracia ni Jesu-Cristong Kagurangnan ta, an

pagkamoot kan Dios asin an pakisumaro kan Espiritu
Santo mapasaindo gabos.
An gracia asin an katoninongan na gikan sa Dios

satuyang Ama asin ki Jesu-Cristong Kagurangnan
mapasaindo gabos.
An Kagurangnan mapasaindo.
Banwaan: Asin sa Saimong Espiritu.
GAWE NIN PAGSOLSOL
Padi: Mga tugang, akoon ta an satong mga kasalan,

tanganing magkanigo kitang magcelebrar kan mga
banal na misterio:
Gabos: Nagkukumpisal ako sa Dios na makakamhan,

asin saindo, mga tugang, ta nagkasala ako nin makuri
sa isip, sa tataramon, sa gibo, asin sa kapabayaan:
sala ko, sala ko, makuring sala ko. Kaya nangangadyi
ako ki Santa Maria, danay na Virgen, sa gabos
na angeles asin santos, asin saindo, mga tugang,
na ako ipamibi sa Kagurangnan tang Dios.
Padi: Maherak man logod sato an Dios na makakamhan

asin, pakapatawada an satong mga kasalan,
darahon kita sa buhay na daing kasagkoran.
Banwaan: Amen.
1
=================================================================
banal na misterio:
Maherak ka samo, Kagurangnan.
Banwaan: Ta kami nagkasala Saimo.
Padi: Ipahiling Mo samo, Kagurangnan, an Saimong

pagkaherak.
Banwaan: Asin tawan samo an Saimong kaligtasan.

Banwaan: Amen.
=================================================================
banal na misterio:
Ika na sinugo sa pagpaomay kan mga nagsosolsol:
Kagurangnan, maherak.
Banwaan: Kagurangnan, maherak.
Padi: Ika na nagdigdi sa pag-apod kan mga parakasala:

Cristo maherak ka.
Banwaan: Cristo maherak ka.
Padi: Ika na nagtutukaw sa too kan Ama sa pagsurog samo:

Kagurangnan, maherak ka.
Banwaan: Kagurangnan, maherak ka.

Banwaan: Amen.
=================================================================
Padi: Kagurangnan, maherak ka.
Padi: Cristo, maherak ka.

Banwaan: Cristo, maherak ka.
Padi: Kagurangnan, maherak ka.

2
GLORIA
Kamurawayan sa Dios sa kaitaasan

asin sa daga katoninongan
sa mga tawong marahay an boot.
Inoomaw mi Ika,
rinorokyaw mi Ika,
sinasamba mi Ika,
pinapamuraway mi Ika,
pinapasalamatan mi Ika
huli kan dakula Mong kamurawayan,
Kagurangnan na Dios,
Hadeng Langitnon,
Dios Amang makakamhan.
Kagurangnan aking Bogtong, Jesu-Cristo,
Kagurangnan na Dios,
Cordero kan Dios,
Aki kan Ama,
Ika na nagpapara kan mga kasalan kan kinaban,
kaheraki kami;
Ika na nagpapara kan mga kasalan kan kinaban,
akoa an samong pakimaherak.
Ika na nagtutukaw sa too kan Ama,
kaheraki kami.
Ta Ika sana an banal,
Ika sana an Kagurangnan,
Ika sana an orog kahalangkaw,
Jesu-Cristo kaiba kan Espiritu Santo:
sa kamurawayan kan Dios Ama. . .Amen!
3
=================================================================
domingo - i kan pascua
Antifona sa Paglaog:
An Kagurangnan totoong nabuhay liwat, alleluia! Saiya an kamurawayan
asin kapangyarihan sa gabos na panahon sagkod pa man, alleluia, alleluia!
. . .Lucas 24 : 34 / Kaphayagan 1 : 6
COLECTA
Mamibi kita. . .
O Dios, na ngonian na aldaw,

huli kan Bogtong Mong Aki, sa pagdaog
kan kagadanan, binuksan Mo para samo
an pintoan pasiring sa buhay
na daing kasagkoran, tawan samo,
namimibi kami, na kaming nag-ootob
kan mga solemnidad kan pagkabuhay-
liwat kan Kagurangnan, magbangon
sa liwanag nin buhay huli kan pagbabago
na gibo kan Saimong Espiritu.
Huli ki Jesu Cristong Kagurangnan niamo,
Saimong Aki,
na kaiba Mong nabubuhay asin naghahade,
sa pagkasaro kan Espiritu Santo,
Dios, sa gabos na kapanahonan
kan mga panahon. . .Amen!
=================================================================
4
=================================================================
lunes : octava kan pascua
An Kagurangnan nagdara saindo sa daga na nagbubulos gatas asin anira; tanganing
an togon kan Kagurangnan magdanay sa saindong ngoso, alleluia. . .Exodos 13 : 5, 9
COLECTA
Mamibi kita. . .
O Dios, na danay na nagpapatalubo

kan Saimong Simbahan
huli kan bagong kapag-arakian,
warasan sa Saimong mga nasasangkoban,
na an sacramentong inako ninda
sa pagtubod sa saindang buhay tungkosan.
Saimong Aki,
=================================================================
5
=================================================================
martes : octava kan pascua
Pina-inom sinda kan tubig nin kadonongan; papasarigon ini sainda,
asin dai matatanyog, i-itaas sinda kaini sagkod pa man, alleluia. . .Sirac 15 : 3 – 4
COLECTA
Mamibi kita. . .
O Dios,
na nagtao samo nin mga ranga kan Pascua,
daraha an Saimong banwaan sa langitnon
na balaog, tanganing, makamtan
an kapanoan nin katalingkasan,
mag-ogma sinda sa kalangitan
na ginikanan kan rinorokyaw ninda ngonian
sa kinaban.
Saimong Aki,
=================================================================
6
=================================================================
miercoles : octava kan pascua
Madya, kamong mga benedicionan kan sakong Ama, manaha nindo an kahadean
nan inandam para saindo sa kapinonan kan kinaban, alleluia. . .Exodos 13 : 5, 9
COLECTA
Mamibi kita. . .
O Dios, na pinapa-ogma kami

kan taon-taon na solemnidad
kan pagkabuhay-liwat kan Kagurangnan,
kaugaying warasan,
na huli kan fiesta ngonian
na samong sine-celebrar,
magkanigo kaming magkamit
nin kaogmahan sagkod pa man.
Saimong Aki,
=================================================================
7
=================================================================
jueves : octava kan pascua
Sarabay sindang nag-oomaw sa mapanggana mong kamot, Kagurangnan,
ta an kadonongan nagbukas kan ngosong pula, asin nagpataram na husay
kan mga dila nin omboy, alleluia. . .Kapahayagan 10 : 20 – 21
COLECTA
Mamibi kita. . .
O Dios, na nagbonyog
kan mga manlaen-laen na nacion
itugot Mo na an mga namundag-liwat
sa tubig kan Bonyag,
magin saro sa kaimbodan nin puso
asin sa kabanalan nin gawe.
Saimong Aki,
=================================================================
8
=================================================================
viernes : octava kan pascua
An Kagurangnan nagdara kan saiyang banwaan sa paglaom, asin linantopan
kan dagat an saiyang mga kaiwal, alleluia. . .Salmo 77 : 53
COLECTA
Mamibi kita. . .
O Dios na makakamhan sagkod pa man,

na nagwaras kan Sacramento pascual
sa tipan nin pakipag-olian kan katawohan,
tugotan Mo an samong mga puso
na arogon mi sa gibo an sine-celebrar mi
sa pagpahayag nin pagtubod.
Saimong Aki,
=================================================================
9
=================================================================
sabado : octava kan pascua
An Kagurangnan nagdara kan saiyang banwaan sa kagaya-gayahan, asin kan saiyang
mga pinili sa kaogmahan, alleluia. . .Salmo 104 : 43
COLECTA
Mamibi kita. . .
O Dios,
na huli kan kadakulaan kan Saimong gracia
pinapadakul an mga tawong
nagtutubod Saimo, kaugaying hilinga
an Saimong pinili, tanganing,
an mga namundag-liwat sa sacramento
nin Bonyag, gubingan Mo nin mapalad
na daing-pagkagadan.
Saimong Aki,
=================================================================
10
=================================================================
domingo ii kan pascua ( abc )

domingo nin diosnon na pagkaherak
Akoa nindo an kaogmahan kan saindong kamurawayan, mantang nagpapasalamat
sa Dios, na nag-apod saindo sa mga langitnon na kahadean, alleluia!. . .4 Esdra 2 : 36
– 37
COLECTA
Mamibi kita. . .
O Dios nin daing sagkod na pagkaherak,

na nagpapalaad kan pagtubod nin banwaan
na pinabanal para Saimo sa tabang man
sana kan fiesta pascual, pataluboa
an biyaya na itinao Mo, tanganing an gabos
makarurop kan maninigong donong
na huli kaini sinda nahugasan kan tubig
nin bonyag, namundag giraray sa espiritu,
asin tinubos kan dugo.
Saimong Aki,
=================================================================
11
=================================================================
domingo - iii kan pascua ( abc )
Bilog na daga, mag-ogma kamo sa Dios, mag-awit nin salmo sa saiyang ngaran,
magmuraway sa saiyang kaomawan, alleluia!. . .Salmo 65 : 1 – 2
COLECTA
Mamibi kita. . .
O Dios danay lugod na magrokyaw

an Saimong banwaan sa binagong puso
nin pagka-aki, tanganing
an nag-oogma ngonian sa pagbalik saiya
kan kamurawayan nin pag-ampon,
maghalat lugod kan aldaw
nin pagkabuhay-liwat sa paglaom
kan tunay na kaogmahan.
Saimong Aki,
=================================================================
12
=================================================================
domingo - iv kan pascua ( abc )
An daga pano kan pagkaherak kan Kagurangnan; sa tataramon kan Kagurangnan
an kalangitan tinogdas, alleluia!. . .Salmo 32 : 5 – 6
COLECTA
Mamibi kita. . .

daraha kami sa pakisumaro
sa mga langitnon na kaogmahan,
tanganing an mapakumbabang
ariponpon maka-abot duman,
kun saen an puso-anon na Pastor
enot nang naggikan.
Saimong Aki,
=================================================================
13
=================================================================
domingo - v kan pascua ( abc )
Mag-awit kamo sa Kagurangnan nin bagong awit, huli ta an Kagurangnan naggibo
nin mga ngangalasan; sa atubang kan mga nacion siya nagpahayag kan saiyang
katanosan, alleluia!. . .Salmo 97 : 1 – 2
COLECTA
Mamibi kita. . .

danay na hamanon Mo samo an Sacramento
pascual, tanganing an mga pinagkanigo
Mong bagohon sa Banal na Bonyag,
magdolot nin dakul na bunga sa tabang
kan Saimong pagbantay, asin itogot Mo
na maka-abot sa mga kaogmahan
nin buhay na daing kasagkoran.
Saimong Aki,
=================================================================
14
=================================================================
domingo vi kan pascua ( abc )
Ibareta nindo an tingog nin kaogmahan, asin siya mahinanyog, ibareta nindo
sagkod sa poro kan daga; an Kagurangnan nagligtas sa saiyang banwaan,
alleluia!. . .Isaias 48 : 20
COLECTA
Mamibi kita. . .
O Dios na makakamhan, giboha kaming
magcelebrar sa ma-orop na katigayonan
kaining mga aldaw nin kaogmahan,
na Saimong ginigibo sa kaomawan
kan Kagurangnan na nabuhay-liwat,
tanganing an samong binabalikan
sa pagromdom sa gibo
danay niamong rimposon.
Saimong Aki,
=================================================================
15
16
Liturgia kan Tataramon
17
domingo kan pascua
ENOT NA BABASAHON
Gibo 10 : 34, 37 – 43
Pagbasa sa mga Gibo kan mga Apostol:
Si Pedro nagtaram: “Aram nindo padagos nangyari sa bilog na

Judea; nagpoon siya sa Galilea, pagktapos na ikahulit ni Juan an
bonyag. An sakong sinasabi iyo si Jesus Nazareno, linahidan nin
Dios sa bagsik kan Espiritu Santo; naglibot, naggibo nin
karahayan asin nagbulong kan mga pinapasakitan kan demonio,
huli ta an Dios yaon saiya. Kami mga saksi kan gabos na ginibo
niya sa banwaan kan mga Judio asin sa Jerusalem. Siya ginadan
ninda, binitay sa sarong kahoy, alagad sa ikatolong aldaw binuhay
siya liwat nin Dios, asin nagpahiling, bako sa bilog na banwaan,
kundi sa mga saksi na pinili niya, sa samuya na nagkakan asin
nag-inom sa kaibahan niya pagkatapos na siya mabuhay-liwat sa
mga gadan. Kami tinogon niya na itokdo sa banwaan asin
magpatotoo na siya ginibo nin Dios na hukom sa mga buhay asin
sa mga gadan. Dapit saiya nagsaksi an gabos na profetas, na sa
bagsik kan saiyang ngaran, an minatubod saiya minaako kan
kapatawaran nin mga kasalan.”
Tataramon kan Kagurangnan.
18
domingo kan pascua
SALMO RESPONSORIAL
Salmo 118 : 1 – 2, 16 – 17, 22 – 23
Simbag: “ Ini an aldaw na ginibonin Kagurangnan,

satuyang ipag-ogma asin ipagrokyaw. ”
Pasalamatan nindo an Kagurangnan,

huli ta siya marahayon:
An saiyang pagkaherak daing kasagkoran.
Magsabi an mga aki ni Israel:
An saiyang pagkaherak daing kasagkoran. . .
An toong kamot nin Kagurangnan nanggana;

initaas ako kan too niyang kamot.
Dai ako magagadan: Ako mabubuhay;
asin an saiyang mga gibo sakong isasaysay. . .
An gabos na isinikwal kan mga paratogdok

magin patindogan kan harong.
Gibo ini nin Kagurangnan,
makangangalas na paghilngon. . .
19
domingo kan pascua
IKADUWANG BABASAHON
Colosas 3 : 1 – 4
Pagbasa sa Surat nin Pablo sa mga taga-Colosas:
Huli ta kamo nabuhay-liwat kaiba ni Cristo, hanapon nindo

an mga bagay na sa langit, ta yaon duman si Cristo nagtutukaw
sa too nin Dios. Isipon nindo an mga bagay na langitnon,
asin bako sa mga bagay digdi sa daga, huli ta kamo nagadan
asin an saindong buhay natatago kaiba ni Cristo sa Dios.
Sa aldaw na si Cristo na saindong buhay magpahiling,
kamo man ipapahiling pano nin kamurawayan.
20
domingo kan pascua : misa pagka-aga
E V A N G E L I O
Juan 20 : 1 – 9
Pagrokyaw: Alleluia! Alleluia! Alleluia!. . .Si Cristo

na satuyang Pasko inatang satuyang
ipag-ogma an Kagurangnan!. . .Alleluia!
Alleluia! Alleluia!
Pagbasa kan Banal na Evangelio sosog ki Juan.
Enot na aldaw nin semana pagka-aga madorodiklom pa,

si Maria Magdalena nagduman sa lolobngan asin nahiling
na an gapo hinale na. Nagdalagan pasiring ki Simon Pedro
asin sa disipulo na namomotan ni Jesus asin nagsabi:
“Kinua ninda sa lolobngan an Kagurangnan asin dai niato aram
kun saen ninda ibinugtak.” Si Pedro asin an disipulo
nagpalolobngan: nagdalagan sindang duwa, alagad an disipulo,
huli ta orog na masigkat ki Pedro, na-enot sa lolobngan,
duminungaw sa lolobngan, nahiling an mga tamong na lino
sa daga, alagad dai naglaog. Si Simon Pedro na nahudyan,
naglaog sa lolobngan asin nahiling an mga tamong na lino sa daga;
an podong sa payo, dai kaiba an mga tamong na lino,
kundi nalolokot sa sarong gilid. Dangan naglaog man an disipulo
na na-enot asin, pagkahiling kaidto, nagtubod. Sagkod sa oras
na idto dai ninda nasabotan an sinasabi sa Kasuratan na siya
dapat mabuhay-liwat sa mga gadan.
Marahay na Bareta kan Kagurangnan.
21
domingo kan pascua : misa pagka-hapon/banggi
E V A N G E L I O
Lucas 24 : 13 – 35
Pagrokyaw: Alleluia! Alleluia! Alleluia!. . .Si Cristo

na satuyang Pasko inatang satuyang
ipag-ogma an Kagurangnan!. . .Alleluia!
Alleluia! Alleluia!
Pagbasa kan Banal na Evangelio sosog ki Lucas:
Kan aldaw man sanang idto, duwang disipulos na naglalakaw

sa dalan pa-barrio na an ngaran Emaus, duwang kilometro
an distancia hale sa Jerusalem. Pinag-oolayan ninda an dapit
sa mga nangyari. Mantang sinda nag-oolay, si Jesus nagdolok
sainda asin nag-iba sa saindang paglakaw. Nalilibong pa sinda
asin dai siya ninda namidbid. Si Jesus nagsabi sainda:
“Ano an saindong pinag-oolayan sa dalan? Tadaw ta kamo
mamundo?” Saro sainda, na an ngaran Cleofas, nagsimbag:
“Ika sana an uya sa Jerusalem an dai nakaka-aram kan mga
bagay na nangyari sa mga aldaw na ini?” Si Jesus naghapot:
“Anong mga bagay?” Simbag ninda: “Dapit ki Jesus Nazareno,
profeta na mapangyari sa gibo asin sa tataramon sa atubang
nin Dios asin man sa atubang nin banwaan. An mga poon
nin kapadian asin mga poon sa banwaan naghatol na siya
ipagadan, asin saindang ipinako sa cruz, mantang kami naglalaom
na siya an matubos kan Israel. Bako lamang iyan, ika-tolo
nang aldaw ngonian poon na an mga bagay na ini, nangyari.
Totoo tinakot kami nin nagkapirang babae sa samong pag-iriba.
Na-amay sinda sa lolobngan asin kan dai nakua an bangkay,
nagbalik dara an osipon na nakahiling sinda nin mga anghel,
na nagsabi sainda na siya buhay. Nagkapira sa samuya nagduman
22
man sa lolobngan, asin nahiling siring na gayo kan sinabi kan mga
babae: alagad siya dai ninda nahiling.” Dangan si Jesus nagsabi:
“Mga mangmang! Mga maluya an pagtubod sa ibinareta kan mga
profeta! Bakong kaipuhan na an Mesias magtios ngona bago
maglaog sa saiyang kamurawayan?” Dangan poon ki Moises
sagkod sa mga profeta ipinaliwanag niya sa sainda an gabos
na nasusurat dapit saiya. Kan harani na sa barrio na saindang
padudumanan, nagpasabot na magpadagos kan saiyang paglakaw,
alagad pinogolan siya ninda. Sinabi ninda: “Digdi ka na samo;
mabanggihan ka, solnop na an aldaw.” Asin nagpapogol.
Kan sinda nasa lamesa, kinua an tinapay, benendicionan, binaak,
dangan itinao sa sainda. Nabuksan an saindang mga mata
asin namidbid ninda siya, alagad siya napanaw. Nag-orolay-olay
sinda: “Bakong naglaad an satong mga puso, kan siya nagtataram
sato duman sa dalan, mantang ipinapaliwanag an mga
Kasuratan?” Tolos nagtindog asin nagbalik sinda sa Jerusalem:
duman nakua ninda an Onse kaiba an mga katood. Sabi ninda:
“Totoo man nanggad: an Kagurangnan nabuhay liwat
asin nagpahiling ki Simon.” Dangan inosip ninda an nangyari
sa dalan asin kun paano namidbid siya ninda sa pagbaak
kan tinapay.
23
24
octava kan pascua ( abc )
lunes sa octava kan pascua
ENOT NA BABASAHON
Gibo 2 : 14, 22 – 32
Si Pedro nakatindog kaiba kan Once, naghagad na himateon siya

asin nagtaram sainda: “Mga Judio asin gabos na mga taga
Jerusalem, himatea nindo an sakong mga tataramon asin
pakasaboton nindo. Mga Israelita, dangoga nindo ako.
Ako nagtataram saindo dapit ki Jesus na taga-Nazareth,
tawong pinatunayan nin Dios sa atubang nindo: naggibo nin mga
milagro, mga tanda asin mga ngangalasan na aram nindo.
Sosog sa dati nang plano nin Dios, itinao siya saindo,
asin saindong ipinagadan sa kamot nin mga masiwawa kan ipako
siya sa cruz. Alagad siya binuhay liwat nin Dios, asin hinale
an mga sakit nin kagadanan; huli ta dai mahihimo na siya
masakopan kan kagadanan, siring sa sinabi ni David dapit saiya:
Danay na uya sako an Kagurangnan, siya sa too ko dai ako
mag-aalang-alang. Kaya ikinaka-ogma kan sakuyang puso, nag-aawit
an sakuyang dila, asin an sakuyang pagkatawo nabob uhay sa paglaom.
Huli ta dai mo ako itatao sa kagadanan, dai ka man matogot
na an saimong Banal malapa. Itinotukdo mo sako an dalan nin buhay,
papanoon mo ako nin kaogmahan sa saimong atubang (Salmo 16: 8 – 11).
Mga tugang, tugoti akong magtaram saindo kan katotoohan:
An patriakang si David nagadan asin ilinobong, asin an saiyang
lobongan uya sato sagkod ngonian. Alagad siya profeta asin aram
niya na tinugaan siya nin Dios asin sinumpaan na saro sa saiyang
kapag-arakian papatukawon sa saiyang trono (Salmo 132: 11);
kan sinabi na dai siya itatao sa kagadanan asin an saiyang laman dai
makakamidbid nin kalapaan (2 Sam 7: 12). Sinabi ini dapit
sa pagkabuhay liwat kan Mesias. Iyo ini si Jesus na binuhay liwat
nin Dios. Kami an mga saksi kaini.
25
SALMO RESPONSORIAL
Salmo 16: 1 – 2, 5, 7 – 8, 9 – 10, 11
Simbag: “ Soroga ako, O Dios, Ika an sakong

paglaom. ”
Ampona ako, O Dios,

ta sa saimo ako nagpapaalaw.
Masabi ako: “Ika an sakong Kagurangnan.”
Ika, Kagurangnan, an sakong kahirasan
asin sakong caliz;
Ika an magpapadanay kan sakong pamana. . .
Inoomaw ko an Kagurangnan
na naghuhulit sako;
minsan banggi pinapatanidan ako
kan sakong puso.
Danay kong ginigiromdom
an Kagurangnan; kun siya nasa too ko,
dai nin makakapurisaw sako. . .
Itukdo mo sako an dalan nin buhay,

yaon sa atubang mo
an bilog kong kaogmahan,
26
an kagayagayahan makukua sa too mo
sagkod pa man. . .

E V A N G E L I O
Mateo 28 : 8 – 15
Pagrokyaw: Alleluia! Alleluia! Alleluia! Iyo ini

an aldaw na ginibo nin Kagurangnan,
satuyang ipagrokyaw asin ipag-ogma.
Alleluia!. . .Salmo 118 : 24
Pagbasa kan Banal na Evangelio sosog ki Mateo.
Natatakot, alagad pano nin dakulang kaogmahan, hidaleng

nagruluwas sa lolobgan an mga babae asin nagdalagan
sa pagbareta sa mga disipulo. Sinabat sinda ni Jesus sa dalan
asin sinabihan: “Mag-ogma kamo!” Nagrani sinda, nagluhod
asin kinugos siya sa bitis. Si Jesus nagsabi sainda: “Dai kamo
matakot, paduman kamo, ibareta nindo sa sakuyang mga tugang
na magduman sinda sa Galilea. Duman ninda ako mahihiling.”
Mantang an mga babae nasa dalan pasiring sa Galilea,
nagkapira sa mga bantay nagduman sa ciudad asin inosip
sa mga poon nin kapadian an gabos na nangyari. An mga ini
nagtiripon kaiba an mga poon sa banwaan; nagka-oroyon sinda,
dangan an mga soldado tinawan nin cuarta, asin tinogon:
“Ini an sabihon nindo: pagkabanggi an saiyang mga disipulo nagduman
asin hinabon an bangkay, mantang kami tururog. Kun ini makaabot
sa talinga kan governador, kami na an bahala saiya.
Dai kamo mahandal.” Inako kan mga soldado an cuarta
asin inutob an itinogon sainda; kaya sagkod ngonian iyo ini
an osipon sa mga Judio.
27
martes sa octava kan pascua
ENOT NA BABASAHON
Gibo 2 : 36 – 41
Si Pedro nagtaram sa mga Judio: “Dapat na masabotan nin bilog

na Israel na an Dios ginibong Kagurangnan asin Mesias si Jesus
na saindong ipinako sa cruz.” An mga tataramon na ini nakatadom
sa saindong puso; nagharapot ki Pedro asin sa mga apostol:
“Ano an dapat niamong gibohon, mga tugang?” Si Pedro
nagsimbag: “Magsolsol kamo asin magpa-bonyag an lambang saro
sa ngaran ni Jesus na Mesias, tanganing mapatawad an saindong
mga kasalan asin akoon nindo an balaog kan Espiritu Santo.
Huli ta an panuga para sa saindong mga aki asin man para
sa gabos na ina-aapod nin Dios na satong Kagurangnan.”
Sa iba pang dakul na paliwanag hinulitan niya sinda asin sinadol:
“Maglikay kamo sa mga masombikal na tawong ini.” An mga
nag-ako kan saiyang mga tataramon nagpabonyag asin kan aldaw
na idto may tolong ribo an naka-ayon sa sainda.
28
SALMO RESPONSORIAL
Salmo 33 : 4 – 5, 18 – 19, 20, 22
Simbag: “ An daga pano kan pagka-marahayon

nin Kagurangnan. ”
Matanos an tataramon nin Kagurangnan,

asin an saiyang mga gibo masasarigan.
Karahayan asin katanosan saiyang namomotan:
An daga pano kan pagkaherak
nin Kagurangnan. . .
Binabantayan nin Kagurangnan

an mga natatakot saiya,
an mga naglalaom sa saiyang pagkaherak.
Ililigtas niya sinda sa kagadanan,
asin aatamanon sa panahon nin gutom. . .
An satuyang kalag naglalaom sa Kagurangnan:
29
Siya an satuyang tabang asin kalasag.
Mapasamuya lugod, Kagurangnan,
an saimong pagkaherak:
mapasamuya na mga naglalaom saimo. . .

E V A N G E L I O
Juan 20 : 11 – 18

Sa luwas, harani sa lolobngan, yaon si Maria Magdalena

nagtatangis. Mantang nagtangis, duminungaw sa lolobngan
asin nahiling an duwang anghel, puti an mga gubing, nagtutukaw
sa namugtakan kan bangkay ni Jesus: saro sa pamayohan
asin saro sa pamitisan. Hinapot siya ninda: “Babae, tadaw ta
nagtatangis ka?” Si Maria nagsimbag: “Huli ta kinua ninda
an sakong Kagurangnan asin dai ko aram kun saen ninda dinara.”
Pakasabi kaini, nagsalingoy asin nahiling Jesus na nakatindog,
alagad dai niya aram na si Jesus idto. Si Jesus naghapot:
“Babae, tadaw ta nagtatangis ka? Si isay an hinahanap mo?”
Sa paghona na siya an paratanom, si Maria nagsabi: “Kun ika po
an nagkua saiya, isabi mo kun saen mo dinara, ta kukuahon ko
siya.” Si Jesus nagsabi saiya: “Maria!” Si Maria nag-atubang
asin nagsabi: “Rabboni!” (boot sabihon MAESTRO). Si Jesus nagsabi saiya:
“Dai mo ako pagkapotan ta dai pa ako nakakasakat sa sakong
Ama. Lakaw, sabihon mo sa sakong mga tugang: Ako masakat
30
sa sakong Ama na iyo man an saindong Ama, sa sakong Dios na iyo man
an saindong Dios.” Si Maria Magdalena naglakaw asin nag-osip
sa mga disipulo: “Nahiling ko an Kagurangnan, asin mga bagay
na ini sinabi niya sako.”

miercoles sa octava kan pascua
ENOT NA BABASAHON
Gibo 3 : 1 – 10
Sarong aldaw si Pedro asin si Juan nagpa-simbahan pag-alas tres

nin hapon tanganing mamibi. Dinara duman an sarong lalaking
lopog poon pagka-mundag, na aroaldaw saindang ibinubugtak
sa inaapod Magayon na Pintoan kan simbahan, tanganing
makilimos sa mga naglalaog. Kan mahiling si Pedro asin si Juan
na naglalaog sa simbahan, an lopog naghagad na limosan:
“Hilnga kami.” An mata itinuruhok sainda, asin naghalat n
a limosan. Si Pedro nagsabi saiya: “Pirak asin bulawan mayo ako;
alagad an uya sako itinatao ko saimo: sa ngaran ni Jesus
na taga-Nazaret, tindog asin lakaw.” Kinabit ni Pedro sa toong
kamot asin binangon an lopog. Tolos kuminusog an saiyang
mga bitis asin buko-buko; sa sarong lukso nakatindog asin
nakalakaw. Luminaog kaiba ninda sa simbahan, naglulukso
asin nag-oomaw sa Dios. An gabos na tawo nahiling siyang
naglalakaw asin nag-oomaw sa Dios. Kaya, kan ma-araman na siya
iyo idtong makilimos, na nagtutukaw sa Magayon na Pintoan,
nagngaralas sa nangyari saiya.
31

SALMO RESPONSORIAL
Salmo 105 : 1 – 2, 3 – 4, 6 – 7, 8 – 9
Simbag: “ An daga pano kan pagka-marahayon

nin Kagurangnan. ”
Pasalamatan an Kagurangnan,
arangon an saiyang ngaran;
ibantog sa mga banwaan
an saiyang mga kagibohan.
Mag-awit nin kaomawan sa Kagurangnan;
irokyaw an saiyang mga ngangalasan. . .
Magmuraway sa saiyang banal na ngaran;

mag-ogma kamo, na mga naghahanap
sa Kagurangnan!
Magsarig kamo sa Kagurangnan,
danay siyang paglingkodan. . .
32
Kamo, kapag-arakian ni Abraham
na saiyang oripon;
mga aki ni Jacob na saiyang pinili!
An Kagurangnan iyo an satuyang Dios;
sa bilog na kinaban pag-kukuyogon
an saiyang kabotan. . .

E V A N G E L I O
Lucas 24 : 13 – 35


“Ano an saindong pinag oolayan sa dalan? Tadaw ta kamo
33
na siya an matubos kan Israel. Bako lamang iyan, ika-tolo nang
aldaw ngonian poon na an mga bagay na ini, nangyari.
mabanggihan ka, solnop na an aldaw.” Asin nagpapogol.
Kan sinda nasa lamesa, kinua an tinapay, benendicionan, binaak,
duman nakua ninda an Onse kaiba an mga katood. Sabi ninda:
“Totoo man nanggad: an Kagurangnan nabuhay liwat
kan tinapay.
34
jueves sa octava kan pascua
ENOT NA BABASAHON
Gibo 3 : 11 – 26
Mantang an lopog na narahay nakakabit ki Pedro asin Juan,

an mga tawo, pano nin pag-ngalas, nagdaralagan sa sainda duman
sa portico ni Solomon. Si Pedro, pagkahiling sa mga tawo,
nagtaram: “Mga Israelita, tadaw ta ini ipinag-ngangalas nindo?
Tadaw ta kami hinihiling nindo na garo baga kami an nagpalakaw
kan lalaking ini sa samuyang sadiring kapangyarihan? An Dios
ni Abraham, ni Isaac, asin ni Jacob, an Dios nin satong mga
magurang iyo an nagpamuraway sa saiyang sorogoon na si Jesus.
Siya saindong pinasaluiban asin isinikwal sa atubang ni Pilato,
kan pinagmarhay kaini na siya pabutasan. Pinaghaboan nindo
an Santo, an Banal: asin hinagad lugod nindo na pabutasan
an paragadan-tawo. Ginadan nindo an Kagtao nin buhay,
alagad binuhay siya liwat nin Dios: kami mga saksi kaini.
An saiyang ngaran, asin an pagsarig sa ngaran na ini nakapakusog
sa lalaking ini na saindong midbid asin saindong nahihiling.
35
An pagtubod niya ki Jesus iyo an nagpaomay saiya siring
sa nahihiling nindo gabos. Alagad, mga tugang, aram ko na iyan
ginibo nindo huli ta dai kamo nin pakasabot: siring man
an saindong mga poon. Sa siring na paagi inutob nin Dios
an saiyang sinabi sa mga Profeta, na an saiyang Mesias dapat na
magtios. Kaya, magsolsol kamo asin magbakle tanganing mapara
an saindong mga kasalan; asin tanganing itao nin Kagurangnan
an panahon nin karangahan dangan isubol an Mesias na itinuga
saindo, si Jesucristo. Kaipuhan na siya magdanay sa langit sagkod
na umabot an panahon na mapakarhay an gabos na bagay,
siring sa ipinahayag nin Dios sa ngoso kan mga banal na profeta
kaidtong panahon. Si Moises nagsabi: Papatuboon nin Dios
na Kagurangnan sa tahaw nin mga tugang an sarong profeta na siring
sako: hihinanyogon nindo an gabos na sabihon niya saindo; asin an dai
maghinanyog sa profeta hahaleon sa banwaan.” An gabos na profeta,
magpoon ki Samuel, nagtaram man dapit kan mga aldaw na ini.
Kamo mga aki kan mga profeta asin nagmana kan tipan na ginibo nin Dios
sa saindong mga magurang kan sinabi ki Abraham: Huli sa saimong kapag
arakian magigin paladan an gabos na banwaan sa kinaban.
Enot huli saindo binuhay liwat nin Dios an saiyang sorogoon,
tanganing darahon saindo an bendicion na iyan; alagad kaipuhan
na lambang saro sa saindo rumayo sa kasalan.”
36
SALMO RESPONSORIAL
Salmo 8 : 2, 5, 6 – 7, 8 – 9
Simbag: “ Dios na Kagurangnan, makangangalas

an saimong ngaran sa bilog na kinaban. ”
Dios na samong Kagurangnan,

mamurawayon an saimong ngaran
sa bilog na kinaban.
Ano an tawo ta ginigiromdom mo,
O an aki nin tawo ta inaataman mo?. . .
Ginibo mo siyang hababa sanang kadikit

sa mga anghel,
asin kinoronahan mo nin kamurawayan
asin kaomawan.
37
Pinasakopan mo saiya an gabos na lalang
nin saimong kamot;
gabos na bagay ibinugtak mo
sa irarom nin saiyang mga bitis. . .
An mga karnero asin baka,

an gabos na hayop sa daga,
siring man an mga gamgam sa kalangitan;
an mga sira sa dagat, asin gabos
na naglalangoy sa kadagatan. . .
E V A N G E L I O
Lucas 24 : 35 – 48

Pagbasa kan Banal na Evangelio sosog ki Lucas.
Inosip kan duwang disipulos an nangyari sa dalan pa Emaus

asin kun paano namidbid ninda si Jesus sa pagbaak kan tinapay.
Nag-oorolay pa sinda dapit kaini gabos, kan si Jesus nagpatahaw
sa sainda asin nagsabi: “Mapasaindo an katoninongan!”
Nagka kurubhanan sinda asin natakot ta sa paghona ninda kalag
an saindang nahiling. Si Jesus nagsabi: “Tadaw ta nakubhanan
kamo? Tadaw ta nag-aalang-alang an saindong mga puso?
Hilnga nindo an sakong mga kamot asin bitis: ako tunay na uya
digdi. Kapotan nindo ako. An kalag daing laman asin tulang,
alagad ako igwa, siring sa saindong nahihiling.” Pakasabi kaini,
ipinahiling niya sainda an saiyang mga kamot asin mga bitis.
Huli sa dakulang kaogmahan garong dai sinda magtubod;
38
nagka-morongnan. Si Jesus nagsabi: “Igwa kamo diyan
nin kakanon?” Tinawan siya ninda nin sarong pidasong sira
na inasal: kinua asin kinakan sa atubang ninda. Dangan nagsabi:
“Iyo ini an sinabi ko saindo kan uya pa ako saindo: na kaipuhan
mautob an gabos na nasusurat dapit sako sa tugon ni Moises;
sa mga Profeta asin mga Salmo.” Pinaliwanagan niya an saindang
isip tanganing masabotan ninda an mga Kasuratan.
Nagsabi sainda: “Sosog sa nasusurat: An Mesias magtitios,
sa ikatolong aldaw mabubuhay liwat asin sa ngaran niya irorokyaw
an pagsolsol asin kapatawaran nin mga kasalan para sa gabos
na mga banwaan, poon sa Jerusalem. Kamo mga saksi kaini gabos.”

viernes sa octava kan pascua
ENOT NA BABASAHON
Gibo 4 : 1 – 12
Mantang si Pedro asin si Juan nagtataram sa banwaan,

nag-arabot an mga padi, an kapitan kan mga guardia sa simbahan
asin mga saduceo, aranggot huli ta sinda nagtutukdo sa banwaan
asin nagpapahayag na an pagkabuhay nin mga gadan nangyari
ki Jesus. Dinakop sinda asin, huli ta banggi na, ilinaog sinda
sa bilanggoan sagkod sa masunod na aldaw. Kadakul sa mga
nakadangog kan tataramon, nagtubod; an bilang kan mga lalaki
naka-abot sa limang ribo. Kan masunod na aldaw nagtiripon
sa Jerusalem an mga poon nin banwaan, mga senador
asin escriba, kaiba an poon nin kapadian na si Anas; kaiba man
si Caifas, Juan Alejandro asin gabos na ka-ayon sa familia
kan mga poon nin kapadian. Pina-atubang si Pedro asin si Juan,
asin hinapot: “Sa ki isay na kapangyarihan o sa ki isay na ngaran
ginibo nindo iyan?” Si Pedro, pano nin Espiritu Santo, nagsimbag:
“Mga poon nin banwaan asin mga kamagurangan: kun kami
39
ngonian hinapot nindo dapit sa karahayan na ginibo mi sa tawong
ining lopog, sa pagsiyasat kun paano narahay an lalaking ini,
dapat ma araman nindo gabos asin nin bilog na Israel na siya
na-omayan sa kapangyarihan kan ngaran ni Jesucristo
na taga-Nazaret, na saindong ipinako sa cruz, asin binuhay liwat
nin Dios sa kagadanan; sa bagsik kan saiyang ngaran
uya an lalaking ini marahay na sa atubang nindo. Si Jesus iyo
an “gapo na pinaghaboan kan mga paratugdok asin siya nagin
sarigan na gapo” (Salmo 118:22). An kaligtasan dai na sa iba.
Sa irarom nin langit daing ibang ngaran na itinao an Dios
na makakapagligtas sato tanganing kita makaligtas.”

SALMO RESPONSORIAL
Salmo 118 : 1 – 2, 4, 22 – 24, 25 – 27
Simbag: “ An gapo na isinikwal kan mga paratugdok

nagin sarigan na gapo. ”
Magpasalamat sa Kagurangnan
ta siya marahayon; ta an saiyang pagkaherak
nagdadanay sagkod pa man.
An harong nin Israel nagsabi:
“An saiyang pagkaherak
nagdanay sagkod pa man.”. . .
An gapo na hinaboan kan mga paratugdok

nagin patugmadan na gapo.
Gibo ini ni Kagurangnan;
40
makangangalas na paghilngon.
Satuyang ipagrokyaw asin ipag-ogma. . .
Tawan samo, Kagurangnan, an katiwasayan

asin kauswagan. Paladan an nadigdi
sa ngaran nin Kagurangnan; inoomaw mi ika
poon sa saimong simbahan;
An Kagurangnan iyo an Dios,
siya an nagtao sato nin kaliwanagan. . .

E V A N G E L I O
Juan 21 : 1 – 14

Giraray si Jesus nagpahiling sa mga disipulo duman sa baybayon

kan danaw nin Tiberias. Nangyari siring kaini: Nagkatiripon
si Simon Pedro, si Tomas na inaapod Kambal, si Natanael
na taga- Cana nin Galilea, an duwang aki ni Zebedeo
asin duwa pang disipulos. Si Pedro nagsabi sainda:
“Ako maninira.” Nagsimbag sinda: “Maiba kami saimo.”
Nag-iba sinda sa sakayan, alagad kan bangging idto dai sinda
nakadakop. Pagbana-ag kan ka-agahan, si Jesus nagpahiling
sa baybayon, alagad dai siya namidbid kan mga disipulo.
41
Hinapot sinda ni Jesus: “Mga katood, igwa na kamo nin sira?
Nagsimbag sinda: “Dai lamang.” Nagsabi sainda: “Ihulog nindo
an hikot sa too kan sakayan asin makakadakop kamo.” Ihinulog,
asin haros dai na ninda maguguyod an hikot sa kadakul
na mga sira. An disipulong padangat ni Jesus nagsabi ki Pedro:
“An Kagurangnan iyan.” Pakadangog na iyo idto an Kagurangnan,
si Simon Pedro nagbado, huli ta huba, asin luminampaw sa tubig.
An ibang mga disipulo nagdoong, guyod an hikot na pano
nin mga sira: harani na sinda sa baybayon, may sanggatos
na metros na sana. Pakahawas ninda sa daga, nahiling na igwa
nang kalayo, may inasal na sira, asin tinapay. Si Jesus nagsabi
sainda: “Magdara kamo digdi nin nagkapirang sira na bago
nindong madakop.” Si Simon Pedro nagbalik sa sakayan
asin ginuyod sa baybayon an hikot na pano nin dakulang mga sira,
sanggatos limang polo may tolo; minsan siring kadakul,
dai nagisi an hikot. Si Jesus nagsabi sainda: “Madya kamo,
mamahaw.” Mayo sa mga disipulo nin nangahas maghapot:
Si isay ka? Aram nindang padagos na siya iyo an Kagurangnan.
Si Jesus nagrani, kinua an tinapay asin itinao sa sainda;
siring man an sira. Ini an ikatolong pagpahiling ni Jesus
sa mga disipulo pakatapos na siya nabuhay liwat sa mga gadan.
42
sabado sa octava kan pascua
ENOT NA BABASAHON
Gibo 4 : 13 – 21
An mga padi asin kamagurangan nagngalas kan mahiling

na si Pedro asin si Juan dai natatakot, dangan na-araman
na ini mga daing inadalan. Namidbid man na an mga ini kairiba
ni Jesus. Alagad huli ta idtoon sa kataed ninda an lalaki
na narahay, dai sinda nin ikinasimbag. Pinaluwas sinda
sa Sanggunian, dangan nag-orolay: “Ano an dapat niatong gibohon
sa mga tawong ini huli ta sarong hayag na milagro an ginibo ninda;
aram ini kan bilog na Jerusalem asin dai niato manenegaran?
Alagad tanganing dai na ini makalakop sa mga tawo, patanidan
niato sinda na dai na magtaram sa kiisay man dapit sa tawong ini.”
Inapod sinda asin pinatanidan na dai na magtaram o magtukdo
43
sa ngaran ni Jesus. Si Pedro asin si Juan nagsabi sainda:
“Tama daw sa mata nin Dios na kami magsunod saindo orog ki
sa Dios? Isipon nindo. Dai kami makakatagal na dai mi iosip
an samong nahiling asin nadangog.” Pinatakot sinda asin
pinabutasan. Dai sinda pinaduasahan huli ta an banwaan
orog na nag-oomaw sa Dios huli sa nangyari.

SALMO RESPONSORIAL
Salmo 118 : 1, 14–15, 16–18, 19–21
Simbag: “ Inoomaw taka, Kagurangnan, ta sinimbag

mo ako. ”
Magpasalamat sa Kagurangnan,
huli ta siya marahayon;
ta an saiyang pagkaherak
nagdadanay sagkod pa man.
An Kagurangnan iyo an sakong kusog
asin paglaom, siya an sakong paraligtas.
Magkurahaw sa kaogmahan diyan
sa harong nin mga matanos. . .
An toong kamot nin Kagurangnan

manggagana; an toong kamot
nin Kagurangnan mapangyare.
44
Dai ako magagadan, kundi mabubuhay;
asin ibabareta ko an mga gibo nin Kagurangnan.
Sinisilotan ako nin Kagurangnan,
alagad dai ko itinugot sa kagadanan. . .
Buksan nindo an mga pintoan nin katanosan;

ta malaog asin magpapasalamat ako
sa Kagurangnan. Ini an pinto nin Kagurangnan:
diyan malaog an mga banal.
Magpapasalamat ako ta sinimbag mo ako,
asin ika an sakuyang paraligtas. . .

E V A N G E L I O
Marcos 16 : 9 – 15

Pagbasa kan Banal na Evangelio sosog ki Marcos:
Si Jesus nabuhay liwat agang amay sa enot na aldaw nin semana

asin nagpahiling enot ki Maria Magdalena, sa babaeng ini pitong
demonio an saiyang pinaluwas. Ini nagbareta sa mga parasunod
ni Jesus na tagob nin kamundoan asin nagtarangis.
Alagad, pagkadangog na si Jesus buhay asin nahiling niya,
dai nagturubod. Dangan si Jesus nagpahiling sa duwang disipulo
na naglalakaw sa dalan pasiring sa oma. An mga ini nagbalik
asin nag-osip sa iba, alagad an mga inosipan dai man nagturubod.
45
Sa kahuri-hurihi, nagpahiling si Jesus sa Onse, mantang sinda
nasa lamesa. Tinuyaw niya an saindang dai pagtubod
asin an katagasan nin saindang puso, ta habong magtubod
sa mga nakahiling na siya nabuhay liwat. Dangan nagsabi:
“Lakaw kamo sa bilog na kinaban ipagrokyaw nindo an Marahay
na Bareta sa gabos na linalang.”
46
domingo - ii kan pascua ( abc )
47
domingo ii kan pascua ( a )
ENOT NA BABASAHON
Gibo 2 : 42 – 47
Nagdadanay sinda sa paghimate kan katokdoan kan mga apostol

asin sa buhay na sararo, sa pagbaak kan tinapay asin sa mga
pamibi. Ipinagngalas nin gabos an dakul na mga ngangalasan asin
mga milagro na ginigibo kan mga apostol. An mga nagtutubod
sararo, asin pinagsararo an gabos nindang sadiri. An gabos
nindang rogaring ipinapabakal asin pinagboboro-baranga sosog sa
pangangaipo nin lambang saro. Aroaldaw napa-simbahan sinda;
48
binabaak an tinapay sa mga harong, nagkakan na sararo, maogma
asin bilog na puso na nag-oomaw sa Dios, asin na-ooyonan nin
gabos; aroaldaw idinadagdag nin Kagurangnan sa sainda an mga
makakaligtas.

SALMO RESPONSORIAL
Salmo 118 : 2 – 4, 13 – 15, 22 – 24
Simbag: “ Magpasalamat sa Kagurangnan ta siya

marahayon: an saiyang pagkamoot
dai nin kasagkoran. ”

“An saiyang pagkamoot daing kasagkoran.”
Magsabi an mga aki ni Aaron:
Magsabi an mga takot sa Kagurangnan:
“An saiyang pagkamoot daing Kasagkoran.”. . .
49
Ako itinuklang, itinuklang asin nahulog,
alagad an Kagurangnan tinabangan ako.
Sakong awit, sakong kusog an Kagurangnan;
siya an sakuyang paraligtas.
Mga kinurahaw nin kaogmahan asin panggana
duman sa mga tolda kan mga matanos.
An gapo na isinikwal kan mga paratogdok

naging patindogan kan harong.
Ginibo ini nin Kagurangnan:
Ini an aldaw na ginibo nin Kagurangnan:
satong ipag-ogma asin ipag-rokyaw. . .
IKADUWANG BABASAHON
1 Pedro 1 : 3 – 9
Pagbasa sa Enot na Surat ni Pedro:
Pag-omawon an Dios, Ama ni Jesucristong Kagurangnan ta:

huli kan saiyang dakulang pagkaherak itinao niya sato an bagong
pagkamundag sa bagsik kan pagkabuhay liwat ni Jesucristo
sa mga gadan. Kaya, igwa kitang tunay na paglaom asin panuga
nin sarong pamana na dai mararaot, dai madidigtaan
asin dai mawawara, huli ta sinaray para sa satuya duman
sa langit. Huli sa pagtubod susorogon kamo kan kapangyarihan
nin Dios sagkod na an kaligtasan, na inandam, ipahayag
sa katapusan kan panahon. Ini saindong ipinag-ogma;
50
minsan ngani sa madaling panahon kamo matios nin manlaen-laen
na mga kasakitan, tanganing sa aldaw na si Jesucristo
magpahiling, an saindong pagtubod pinag probaran na siring
sa bulawan: an saindong pagtubod orog na mahalaga ki sa
bulawan na natutunaw dawa pinag-paagi sa kalayo, dangan kamo
magkakamit nin kaomawan asin kamurawayan asin paggalang.
Dai nindo siya nahiling, alagad siya saindong tinubod.
Ikinaka-ogma nindo sa kaogmahan na mamurawayon asin sa dai
masabi, huli ta inaako nindo an katuyohan kan saindong
pagtubod, an kaligtasan kan saindong mga kalag.
domingo ii kan pascua ( b )

ENOT NA BABASAHON
Gibo 4 : 32 – 35
Sa ka-ayonan kan nagtutubod sinda gabos siring sa sarong puso

asin sarong kalag; dai nin nagsasabi na an saiya, saiya,
kundi an gabos na rogaring sadiri nin gabos. Sa dakulang
kapangyarihan an mga apostol nagsaksi sa pagkabuhay liwat
ni Jesus na Kagurangnan, asin sinda gabos ikina-kaogma
51
nin Dios. Sa katunayan, sa sainda dai nin nasa pangangaipo.
An mga may sadiring daga o harong, ipinabakal;
an kabaklan dinadara asin ini-intrega sa mga apostol;
dangan pinagburu-baranga sa sukol nin pangangaipo nin lambang
saro.

SALMO RESPONSORIAL
Salmo 118 : 2 – 4, 13 – 15, 22 – 24


52


IKADUWANG BABASAHON
1 Juan 5 : 1 – 6
Pagbasa sa Enot na Surat ni Juan:
An nagtutubod na si Jesus iyo an Cristo ipinangaki nin Dios:

an namomoot sa Ama namomoot man sa Aki. Aram niato na kita
namomoot sa mga aki nin Dios, kun ika namomoot sa Dios,
asin inootob ta an saiyang mga tugon. Ini an tunay na pagkamoot
sa Dios; na otobon ta an saiyang mga tugon. An saiyang mga
tugon bakong masakit, huli ta an kinaban dinaog na kan
ipinangaki nin Dios. Ini an panggana na nakadaog sa kinaban:
53
an satong pagtubod. Si isay an nakakadaog kan kinaban?
An nagtutubod na si Jesus Aki nin Dios. Si Jesucristo na
napadigdi sa tubig asin sa dugo: bako sanang sa tubig,
kundi sa tubig asin sa dugo. An Espiritu iyo an saksi, huli ta
an Espiritu iyo an katotoohan.
domingo ii kan pascua ( c )

ENOT NA BABASAHON
Gibo 5 : 12 – 16
Dakul na mga milagro asin ngangalasan an ginibo kan mga apostol

sa mga tawo. Sinda gabos nagkakatiripon duman sa portico
ni Solomon. Mayo nin nangahas na mag-ayon sa sainda,
alagad omaw sinda kan mga tawo. Orog na nagdakul
54
an mga nagtubod sa Kagurangnan, mga lalaki asin babae.
Sagkod an mga naghehelang dinadara sa tinampo asin ibinubugtak
sa mga higdaan, tanganing pag-agi ni Pedro an saiyang anino
makaabot sa sainda. An mga tawo nagtitiripon hale sa mga
banwaan na nasa palibot kan Jerusalem. Dara an mga
naghehelang asin mga pinapasakitan kan mga maraot na Espiritu,
asin sinda gabos nagkaka-oromayan.

SALMO RESPONSORIAL
Salmo 118 : 2 – 4, 13 – 15, 22 – 24


55


IKADUWANG BABASAHON
Kapahayagan 1 : 9–11, 12–13, 17–19
Pagbasa sa Libro nin Kapahayagan:
Ako, si Juan, saindong tugang, kadamay nindo ki Jesus:

kadamay sa kasakitan, sa kahadean asin sa gabos na saindong
tinios. Ako kaidto man nasa isla kan Patmos, sa paghulit
56
kan Tataramon nin Dios asin pagsaksi huli ki Jesus. Sa aldaw
nin Kagurangnan uminabot sako an Espiritu, asin nadangog ko
sa likod an makusog na tingog kan trompeta: Isurat mo sa libro
an gabos mong nahiling. Nagsalilngoy ako sa tingog na nagtataram
sako asin nahiling ko pitong bulawan na kandelero, asin sa tahaw
ninda, an sarong lalaki na arog sa Aki nin Tawo, halaba an gubing
asin may hagkos na bulawan. Kan siya sakuyang nahiling
napukan ako na haros gadan sa saiyang pamitisan. Idinoot niya
sako an saiyang toong kamot asin nagsabi: “Dai ka matakot
ako an kapinonan asin an kataposan: ako an tunay na buhay.
Ako gadan asin ngonian ako mabubuhay sagkod pa man. Uya sako
an llave nin kagadanan asin nin infierno. Isurat mo an nahiling
mga nangyayari ngonian asin mga mangyayari sa maabot
na panahon.”
domingo ii kan pascua

E V A N G E L I O ( ABC )
Juan 20 : 19 – 31
Pagrokyaw: Alleluia! Alleluia! Alleluia!. . .Si Jesus

nagsabi: “Minatubod ka huli ta nahiling
mo ako: Paladan an mga dai
nakahiling, alagad minatubod.”
Alleluia! Alleluia! Alleluia!. . .Juan 20:29
57
Pagka-banggi kan aldaw na idto, enot na aldaw nin semana pirinto

an mga pintuan duman sa harong na pinagtiriponan kan mga
disipulo huli sa takot sa mga Judio, si Jesus naglaog, nagpatahaw
sa sainda asin nagsabi: “Mapasaindo an katoninongan.”
Pakasabi kaini, ipinahiling niya sainda an saiyang mga kamot
asin an saiyang hirog. An mga disipulo nagka-orogma pagkahiling
sa Kagurangnan. Giraray nagsabi si Jesus sa sainda: “Mapasaindo
an katoninongan. Siring na ako sinugo kan Ama, kamo man
sinusugo ko.” Dangan pakasabi kaini, hinayopan niya sinda
asin sinabihan: “Akoa nindo an Espiritu Santo: an ki isay man
na kasalan na saindong patawadon, mapapatawad; an ki isay man
na mga kasalan na dai nindo patawadon, dai mapapatawad.”
Saro sa Doce, si Tomas, na inaapod Kambal, dai ninda kaiba,
kan nagpahiling sainda si Jesus. Inosipan siya kan ibang mga
disipulo: “Nahiling mi an Kagurangnan.” Alagad siya nagsimbag:
“Kun dai ko mahiling sa saiyang mga kamot an pila na iwinalat
kan mga pako, asin ika-laog an sakong muro sa pinag-pakoan,
asin an sakong kamot sa saiyang hirog, dai ako matubod.”
Pakalihis nin walong aldaw, giraray nagkatiripon an mga disipulo
duman sa laog kan harong, asin kaiba na ninda si Tomas.
Pirinto an mga pintoan, si Jesus naglaog, nagpatahaw sa sainda
asin nagsabi: “Mapasaindo an katoninongan.” Dangan nagsabi
ki Tomas: “Uya an sakong mga kamot, irani mo an saimong muro;
irani an kamot asin ilaog sa sakong hirog. Dai ka magduwa-duwa,
magtubod ka.” Si Tomas nagsimbag: “Kagurangnan ko asin Dios
ko!” Si Jesus nagsabi saiya: “Huli ta nahiling mo ako, nagtubod ka.
Paladan an mga minatubod minsan dai nakahiling.” Dakul pang
mga ngangalasan ginibo ni Jesus sa atubang kan saiyang
mga disipulo, na dai nasurat sa librong ini. An mga ini sinurat
tanganing magtubod kamo na si Jesus iyo si Cristo na Aki
nin Dios; asin sa pagtubod na ini mapasaindo an buhay huli saiya.
58
59
domingo iii kan pascua ( a )
ENOT NA BABASAHON
Gibo 2 : 14, 22 – 28
60
Si Pedro, nakatindog kaiba an Once, naghagad na himateon siya

asin nagtaram: “Mga Judio asin gabos na mga taga-Jerusalem,
himatea nindo an sakong mga tataramon asin pakasaboton nindo
an nangyari. Mga Israelita, dangoga nindo ako. Ako nagtataram
saindo dapit ki Jesus Nazareno, tawong aprobado nin Dios
sa atubang nindo: naggibo nin mga milagro, mga tanda asin mga
ngangalasan na aram nindo. Sosog sa plano na aram nin Dios,
itinao siya saindo, asin saindong ipinagadan sa kamot nin mga
masiwara asin ipinako sa cruz. Alagad siya binuhay liwat nin Dios,
pinutol an mga gapos nin kagadanan; dai mahihimo na siya
masakopan kan kagadanan, huli ta si David nagsabi: Danay na uya
sako an Kagurangnan, siya sa too ko dai ako mag-aalang-alang.
Kaya ikinaka-ogma kan sakuyang puso, nag-aawit an sakuyang dila
asin an sakuyang laman naghihingalo sa paglaom. Huli ta dai mo ako
itatao sa kagadanan, dai ka man matogot na an saimong Banal malapa.
Itinokdo mo sako an dalan nin buhay, papanoon mo ako nin kaogmahan
sa saimong atubang (Salmo 16:8-11). Mga tugang, tugoti ako nindong
magtaram saindo kan katotoohan: An patriarkang si David
nagadan asin ilinubong, asin an saiyang lolobngan uya sato sagkod
ngonian. Alagad siya profeta asin aram niya na tinugaan siya nin Dios
asin sinumpaan na saro sa saiyang kapag-arakian papatukawon
sa saiyang trono ( Salmo 132 : 11 ); kan sinabi na dai siya itatao sa kagadanan
asin an saiyang laman dai makakamidbid nin kalapaan ( 2 Samuel 7 : 12 ).
Sinabi ini dapit sa pagkabuhay liwat kan Mesias. Kaya ini si Jesus
binuhay liwat nin Dios, asin kami gabos mga saksi. Pinagmuraway
kan toong kamot nin Dios, inako niya hale sa Ama an Espiritu
Santo na itinuga asin iwinaras: iyo ini an saindong nahihiling
asin nadadangnog.”

SALMO RESPONSORIAL
Salmo 16 : 1-2, 5, 7-8, 9-10, 11
61
Simbag: “ Kagurangnan, itukdo mo samo an dalan
nin buhay. ”
Ampona ako, O Dios, ako minapaalaw saimo.

Sa Kagurangnan ako minasabi:
Ika an sakong Kagurangnan.
Kagurangnan, Ika an sakong pinili
asin sakong caliz;
Ika an sakong premio, sakong pamana. . .
Inoomaw ko an Kagurangnan
na naghuhulit sako, na minsan banggi
tinutokdoan an sakong puso;
danay kong ginigiromdom
an Kagurangnan, siya uya sa sakong too:
masarig an sakong pagkatindog. . .
Na-oogma an sakong puso,

na-oogma an sakong kalag:
an sakong hawak nasa katiwasayan;
dai mo ihuhulog an kalag ko
sa mga gadan: dai mo papabayaan
na malapa an saimong namomotan. . .
Itukdo mo sako an dalan nin buhay:

yaon sa saimong atubang
an bilog kong kaogmahan:
yaon sa too mong kamot an kaogmahan
sagkod pa man. . .
IKADUWANG BABASAHON
1 Pedro 1 : 17 – 21
62
Sa pamibi ina-arang bilang Ama an Dios na mayong pinapalaen na

tawo asin balang saro hinu-hukoman sosog sa naginibo. Kun siring
magmaan kamo mantang uya pa kamo nagbabaklay sa buhay na
ini. Giromdoma na bakong mga bagay na matutunaw, bakong plata
o bulawan an ibina-balukat saindo, kan kamo ilinigtas sa daing
pakinabang na buhay na saindong nanodan sa saindong mga
magurang, kundi an mahal na dugo ni Cristo, Corderong malinig
asin daing digta. Kaidto pa bago linalang an kinaban itinalaan na
siya sa gibong ini, alagad ipinahayag ngonian sa panahon niato,
kataposan nin mga panahon, huli saindo. Dahil saiya kamo
nagtutubod sa Dios na nagbuhay liwat saiya sa mga gadan asin
itinao saiya an kamurawayan, tanganing kamo magtubod asin
maglaom sa Dios.

E V A N G E L I O
Lucas 24 : 13 - 35
63
Pagrokyaw: Alleluia! Jesus na Kagurangnan,
ipaliwanag Mo samo an mga kasuratan:
papaglaada an samong mga puso,
kun Ika nagtataram sa samuya.
Alleluia!. . .Lucas 24 : 32

“Ano an saindong pinag- oolayan sa dalan? Tadaw ta kamo
na siya an matubos kan Israel. Bako lamang iyan, ika-tolo nang
aldaw ngonian poon na an mga bagay na ini, nangyari.
64
mabanggihan ka, solnop na an aldaw.” Asin nagpapogol. Kan sinda
nasa lamesa, kinua an tinapay, benendicionan, binaak,
duman nakua ninda an Onse kaiba an mga katood.
Sabi ninda: “Totoo man nanggad: an Kagurangnan nabuhay liwat
kan tinapay.
domingo iii kan pascua ( b )

ENOT NA BABASAHON
Gibo 3: 13 – 15, 17 – 19
65
Si Pedro, pakahiling sa mga tawo, nagtaram sainda: “An Dios

ni Abraham, ni Isaac asin ni Jacob, an Dios nin satong
mga magurang nagpamuraway sa saiyang sorogoon na si Jesus
na saindong pinasaluiban asin isinikwal sa atubang ni Pilato,
kan pinagmarhay kaini na siya pabutasan. Pinaghaboan nindo
an Santo, an banal; asin hinagad nindo na pabutasan
an paragadan tawo; ginadan nindo an kagtao nin buhay,
binuhay siya liwat nin Dios; kami mga saksi kaini. Alagad,
mga tugang, aram ko na iyan ginibo nindo huli ta dai nindo
naisihan; siring man an saindong mga poon. Sa siring na paagi
inutob nin Dios an saiyang sinabi sa mga Profeta na an saiyang
Mesias dapat na magtios.

SALMO RESPONSORIAL
Salmo 4 : 2, 4, 7 – 8, 9
66
Simbag: “ Kagurangnan, ipahiling mo samo
an saimong lalawgon. ”
Kun ako mag-apod, simbaga ako,

O Dios nin katanosan
iligtas mo ako sa kahorasaan,
kaheraki asin hinanyoga ako!. . .
Mga balaog iwinaras nin Kagurangnan

sa saiyang mga namomotan;
Ako hinihinanyog nin Kagurangnan,
kun ako mina-pamibi saiya. . .
Ipahiling mo samo an liwanag

nin saimong lalawgon, Kagurangnan.
Ibinugtak mo samo sa puso ko
orog kadakulang kaogmahan. . .
Ako mahigda sa katoninongan,

asin tolos akong makakaturog;
huli ta ika, Kagurangnan,
ika sana an minapa-erok sako sa katiwasayan. . .
IKADUWANG BABASAHON
1 Juan 2 : 1 – 5
67
Ini isinurat ko, mga aki, tanganing dai na kamo magkasala;

alagad kun igwa nin magkasala, igwa kitang parasurog sa atubang
nin Ama: si Jesucristo na matanos. Siya an atang na nagpara
kan satong mga kasalan: bako sana kan satong mga kasalan,
kundi man kan mga kasalan nin bilog na kinaban. Aram niato
na an Dios satong namimidbid, kun inuutob ta an saiyang
mga tugon. An nagsasabi: Midbid ko an Dios, alagad dai nag-uutob
kan saiyang mga tugon, sarong tunay na putikon na habong
mag-ako kan katotoohan. Alagad an nag-uutob kan saiyang
itinaram, an pagkamoot nin Dios tunay na yaon saiya.

E V A N G E L I O
68
Lucas 24 : 35 - 48
Pagrokyaw: Alleluia! Jesus na Kagurangnan,

ipaliwanag Mo samo an saimong
itinaram. Alleluia!. . .Lucas 24 : 32
Inosip kan mga disipulo an nangyari sa dalan asin kun paano

namidbid siya ninda sa pagbaak kan tinapay. Nag-oorolay pa sinda
dapit kaini gabos, kan si Jesus nagpatahaw sa sainda
asin nagsabi: “Mapasaindo an katoninongan!” Nagkakurubanan,
asin natakot sa paghona na kalag an saindang nahiling.
Si Jesus nagsabi sainda: “Tadaw ta nakubanan kamo?
Tadaw ta nag aalang-alang an saindong mga puso? Hilnga nindo
an sakong mga kamot asin bitis: Ako tunay na uya digdi.
Kapotan nindo ako. An kalag daing laman asin tulang; alagad ako
igwa, siring sa saindong nahihiling.” Pakasabi kaini, ipinahiling
niya sainda an saiyang mga kamot asin mga bitis.
Huli sa dakulang kaogmahan garong dai sinda makatubod;
nagka-murongnan. “Igwa kamo nin anoman na kakanon?”
Tinawan siya ninda nin sarong pidasong sira na inasal:
kinua asin kinakan sa atubang ninda. Dangan nagsabi: “Iyo ini an
sinasabi ko saindo kan uya pa ako saindo, na kaipuhan mautob
an gabos na nasusurat dapit sako sa tugon ni Moises,
sa mga Profeta asin mga Salmo.” Pinaliwanagan niya an saindang
isip tanganing masabotan ninda an mga Kasuratan.
Nagsabi sainda: “Sosog sa nasusurat: An Mesias magtitios,
sa ikatolong aldaw mabubuhay liwat asin sa ngaran niya irorokyaw
an pagsolsol asin kapatawaran nin mga kasalan para sa gabos na mga
banwaan, poon sa Jerusalem. Kamo mga saksi kaini gabos.”

domingo iii kan pascua ( c )
ENOT NA BABASAHON
69
Gibo 5 : 27 – 32, 40 – 41
An poon na padi naghapot: “Bakong pinatanidan mi kamo

na dai magtukdo sa ngaran kan tawong iyan? Alagad pinano nindo
an Jerusalem kan saindong katukdoan asin boot nindong ipahiling
na kami an may sala kan saiyang dugo.” Si Pedro asin an mga
apostol nagsimbag: “Dapat kaming magkuyog sa Dios bakong
sa mga tawo. Si Jesus na saindong ginadan, na saindong ipinako
sa Cruz, binuhay liwat kan Dios nin satong mga magurang.
Pinagmuraway siya kan toong kamot nin Dios, ginibong
Kagurangnan asin kagtubos, tanganing iwaras sa Israel
an pagsolsol asin kapatawaran kan mga kasalan. Saksi kami
asin an Espiritu Santo na itinao nin Dios sa mga minakuyog
saiya.” Nag oroyon sinda saiya asin inapod an mga apostol;
saindang ipinahampak, pinatanidan na dai magtaram sa ngaran
ni Jesus asin pinabutasan. An mga Apostol nagruluwas
sa Sanggunian, pano nin kaogmahan, huli ta sinda
pinapagkanigong magtios nin kasupogan huli sa ngaran ni Jesus.

SALMO RESPONSORIAL
70
Salmo 30 : 2, 4, 5 – 6, 11 – 12, 13
Simbag: “ Oomawon taka, Kagurangnan, ta ika

an sakong kaligtasan. ”
Oomawon taka, Kagurangnan;

Ako saimong ilinigtas
asin dahilan nin kaogmahan,
dai mo itinao sa sakong mga kalaban,
Kagurangnan, an kalag ko, binangon mo
sa mga gadan; ibinalik mo sa buhay,
inagaw mo ako sa mga nahulog sa lolobngan. . .
Mga salmo awiton sa Kagurangnan,

awiton nindo na mga namomoot saiya;
pasalamatan an saiyang banal na ngaran.
Agi sana an saiyang ka-anggotan;
an saiyang karahayan sagkod lamang.
Pagkabanggi may luha, pagka-aga may ogma. . .
An Kagurangnan naghimate asin naherak,

an Kagurangnan naghumari sa pagtabang sako.
Sayaw isinangle mo sa sakong kamundoan;
An sakal ko hinale mo,
ihinagkos mo sako, kaogmahan.
Kaya, mga salmo daing untok na inaawit saimo
kan sakong kalag.
O Dios na sakuyang Kagurangnan,
salamat saimo sagkod pa man. . .
IKADUWANG BABASAHON
71
Kapahayagan 5 : 11 – 14
Sa sakuyang nahiling, nadangog ko an tingog nin kadakul

na mga anghel palibot kan trono, kan mga hayop asin kan mga
Gurang. An saindang bilang ginatos na ribo asin rinibo-ribo.
Sa makusog na tingog ini an sinabi ninda: “An cordero na inatang
maninigong tawan nin kapangyarihan, kayamanan, kadonongan,
kusog, kaomawan asin kamurawayan.” Dangan sakong nadangog
an gabos na linalang sa langit asin sa daga; gabos sa irarom
kan daga asin kan dagat, gabos nagsimbag: “Sa nagtutukaw
sa trono asin sa Cordero: mapasaiya an kaomawan, paggalang,
kamurawayan asin kapangyarihan sa panahon na daing
kasagkoran!” An apat na hayop nagsabi: Amen asin an mga gurang
nagdapa sa pagsamba.

E V A N G E L I O
72
Juan 21 : 1 – 19
Pagrokyaw: Alleluia! Si Cristo nabuhay; binago

an gabos na bagay, naherak sa bilog
na kinaban. Alleluia!. . .Lucas 24 : 32
Pagbasa kan Banal na Evangelio sosog ki Juan:
Pakalihis nin nagkapirang aldaw, si Jesus nagpahiling sa mga

disipulo duman sa tampi kan danaw nin Tiberias. Nangyari siring
kaini: nagkatiripon si Simon Pedro, si Tomas na inaapod kambal,
si Natanael na taga-Cana nin Galilea, an duwang aki nin Zebedeo
asin duwa pang disipulos. Si Pedro nagsabi sainda:
“Ako maninira.” Nagsimbag sinda: “Maiba kami saimo.”
Nag-iba sinda sasakayan; alagad kan bangging idto dai sinda
nakadakop. Pag alaga-ag kan ka-agahan, si Jesus nagpahiling
sa baybayon, alagad dai aram kan mga disipulo na iyo siya.
Hinapot sinda ni Jesus: “Mga katood, igwa na kamo nin sira?”
Nagsimbag sinda: “Dai pa.” Nagsabi sainda: “Ihulog nindo an hikot
sa too kan sakayan asin makakadakop kamo.” Ihinulog; asin haros
dai na ninda maguyod an hikot huli sa kadakul na mga sira.
An disipulong padangat ni Jesus nagsabi ki Pedro:
“An Kagurangnan iyan.” Pakadangog na iyo idto an Kagurangnan,
si Simon Pedro nagbado, huli ta huba, asin luminampaw sa tubig.
An ibang mga disipulo nagdoong, guyod an hikot na pano
nin mga sira: harani na sinda sa baybayon, may sanggatos
na metros na sana. Pakahawas ninda sa daga nahiling na igwa
nang kalayo, may inaasal na sira asin tinapay. Si Jesus nagsabi
sainda: “Dara daw kamo digdi nin sira na nadakop nindo.”
Si Simon Pedro nagbalik sa sakayan asin ginuyod sa baybayon
an hikot na pano nin dakulang mga sira, sanggatos may limang
pulo may tolo; minsan siring kadakul, dai nagisi an hikot.
Si Jesus nagsabi sainda: “Madya kamo, mamahaw.” Mayo sa mga
disipulo na nangahas na maghapot: si isay ka aram nindang
73
padagos na siya iyo an Kagurangnan. Si Jesus nagrani,
kinua an tinapay asin itinao sa sainda; siring man an sira.
Ini an ikatolong pagpahiling ni Jesus sa mga disipulo, pakatapos
na siya nabuhay liwat sa mga gadan. . .Paka-kakan, hinapot ni
Jesus si Simon Pedro: “Simon, aki ni Juan, namomotan mo ako
orog kan pagkamoot ninda sako?” Simbag ni Pedro:
“Opo, Kagurangnan. Aram mo na namomotan taka.”
Si Jesus nagsabi saiya: “Pasabsaba an an sakuyang mga kordero.”
Giraray hinapot: “Simon, aki ni Juan, namomotan mo ako?”
Sinimbag: “Opo, Kagurangnan. Aram mo na namomotan taka.”
Si Jesus nagsabi saiya: “Atamana an sakuyang mga karnero.”
Ikatolong paghapot: “Simon, aki ni Juan, namomotan mo ako?”
Ikinamundo ni Pedro na siya hinapot na makatolo kun baga
namomoot siya saiya, asin nagsimbag: “Kagurangnan, aram mo
an gabos: aram mo na ako namomoot saimo.” Si Jesus nagsabi
saiya: “Pasabsaba an sakuyang mga karnero. Totoong sinasabi ko
saimo: kan ika aki pa, nagsadiri kang maghagkos asin maglakaw
kun saen an gusto mo; alagad kun ika gurang na, hohonaton mo
an saimong mga kamot; iba na an maghahagkos saimo
asin dadarahon ka sa habo mong padumanan.” Sa mga tataramon
na ini ipinasabot saiya an kagadanan na huli kaiyan siya
mag-oomaw sa Dios. Dangan isinugpon: “Sumunod ka sako.”
74
domingo iv kan pascua ( a )
ENOT NA BABASAHON
Gibo 2 : 14, 36 – 41
75
Si Pedro, nakatindog kaiba an Once, naghagad na himateon siya

asin nagtaram sainda: “Kaya, dapat na masabotan nin bilog
na Israel na ginibo kan Dios na Kagurangnan asin Mesias si Jesus
na saindong ipinako sa cruz.” An mga tataramon na ini nakatadom
sa saindang puso; nagharapot ki Pedro asin sa mga apostoles:
“Ano an dapat ming gibohon, mga tugang?” Si Pedro nagsimbag:
“Magsolsol kamo asin magpa-bonyag gabos sa ngaran ni Jesus
na Mesias, tanganing mapatawad an saindong mga kasalan
asin aakoon nindo an balaog kan Espiritu Santo. Huli ta ini
panuga para sa saindo, para sa saindong mga aki asin man para
sa gabos na inapod kan Dios na satong Kagurangnan.” Sa iba pang
dakul na paliwanag hinulitan niya sinda asin sinadol:
“Maglikay kamo sa mga masombikal na tawong ini.” An mga
nag-ako kan saiyang mga tataramon nagpa-bonyag, asin kan aldaw
na idto may tolong ribo an naka-ayon sa sainda.

SALMO RESPONSORIAL
76
Salmo 23 : 1 – 3, 3 – 4, 5, 6
Simbag: “ An Kagurangnan sakong pastor, daing

anoman na magkukulang sako. ”
An Kagurangnan Pastor:
dai nin anoman na magkukulang sakuya.
Dinadara niya ako sa mga berdeng sabsaban;
pinapakusog niya an sakuyang kalag,
sa tampi nin mga tubig na malinaw. . .
Dinadara niya ako sa dalan nin katanosan

huli kan saiyang ngaran:
Minalakaw sa anino nin kagadanan,
dai ako nin matatakotan huli ta ika uya sako. . .
Sarong lamesa inandam mo para sa sako;

sa atubang nin sakuyang mga kaiwal;
linahidan mo nin lana an sakuyang payo.
An sakuyang baso nagsusupay. . .
Karahayan asin pagkaherak iwinaras sako.

Sa gabos na aldaw nin sakuyang buhay;
mag-eerok ako sa harong kan Kagurangnan
sa panahon na daing kasagkoran. . .
77
IKADUWANG BABASAHON
1 Pedro 2 : 20 – 25
An merito, sa mata kan Dios, nasa pagtios kun tama an gibo nindo
asin pinadusahan kamo. Sa katunayan, ini an pinag-apodan
saindo, huli ta si Cristo nagtios para sa saindo asin tinawan kamo
nin halimbawa tanganing sumunod kamo sa saiyang linakawan.
Dai siya nagkasala, asin dai nin daya an saiyang ngoso.
Kan siya pinag-olog-olog dai siya nag-olog-olog; siya pinasakitan,
dai siya nagpatakot; kundi naniwala sa hukom na matanos.
Dinara niya an satong mga kasalan sa saiyang hawak duman
sa cruz, tanganing kita magadan sa satong mga kasalan
asin mabuhay para sa kabanalan; huli kan saiyang mga lugad
kamo nabolong. Kamo nalagalag siring sa mga carnero,
alagad ngonian nakabalik kamo sa pastor asin parabantay
kan saindong mga kalag.
78
E V A N G E L I O
Juan 10 : 1 – 10
Pagrokyaw: Alleluia! “Ako an Marahay na Pastor,”

olay kan Kagurangnan. “Midbid Ko
an sakuyang mga karnero, asin midbid
man ako ninda.” Alleluia!. . .Juan 10:14
Si Cristo nagsabi: “Parahabon asin tulisan an dai mina-agi sa pinto

paglaog sa toril, kundi sa ibang agihan. An pastor mina-agi
sa pintoan; pinapalaog kan bantay asin an saiyang tingog
dinadangog kan mga karnero. Ina-apod niya sinda sa saindang
ngaran asin dinadara sa luwas. Kun gabos nasa luwas, mina-enot
siya sainda asin sinda minasunod saiya huli ta midbid an saiyang
tingog. An dayuhan na pastor dai ninda sinusunod,
kundi dinudulagan, huli ta dai ninda midbid an tingog
nin mga dayuhan.” Ining parabola sinabi ni Jesus sa sainda,
alagad dai ninda nasabotan kun ano an boot sabihon:
kaya giraray nagsabi: “Totoong sinasabi ko saindo: ako an pintoan
kan mga karnero. An mga napadigdi kaidto, gabos sinda mga
parahabon asin tulisan, alagad an mga carnero dai naghimate
sainda. Ako an pintoan: an mina-agi sako makakaligtas:
siya malaog asin maluwas, asin igwa nin sabsabon para saiya.
An parahabon mina laog daing ibang tuyo kundi maghabon,
maggadan asin magraot. Ako napadigdi tanganing sinda mabuhay
asin mapano nin buhay.”
79
domingo iv kan pascua ( b )
ENOT NA BABASAHON
Gibo 4 : 8 – 12
Si Pedro, pano nin Espiritu Santo, nagtaram sainda: “Mga poon

nin banwaan asin mga gurang: kun ngonian hinahapot nindo kami
dapit sa pagkaherak na ginibo ko sa lalaking pilay asin kun paano
siya na-omayan, sakuyang ikina-kaogmang sabihon saindo
tanganing ma-araman nindo asin man nin bilog na banwaan
na siya naomayan sa ngaran ni Jesus Nazareno na saindang
ipinako sa Cruz, alagad binuhay liwat nin Dios sa atubang nindo.
Iyo ini an gapo na pinaghaboan kan mga paratugdok,
asin iyo logod an nagin sarigan na gapo. Dahil ta sa gabos na
ngaran, sa irarom nin langit, na itinao sa mga tawo, iyo sana ini
an ngaran na ikakaligtas niato.”
80
SALMO RESPONSORIAL
Salmo 118 : 1, 8–9, 21–23, 26, 28, 29
Simbag: “ An gapo na pinaghaboan

kan mga paratugdok iyo logod
an nagin sarigan na gapo. ”
ta siya marahayon,
ta an saiyang pagkamoot dai nin kataposan;
Marahay an nagpapa-ampon sa Kagurangnan
ki sa magsarig sa mga tawo. . .
Nagpapasalamat ako saimo,

huli ta dinangog mo ako
asin huli ta ika sakuyang paratubos;
gibo ini nin Kagurangnan:
makangangalas na paghilngon!. . .
Pag-omawon an nadigdi
sa ngaran nin Kagurangnan.
Pag-omawan siya sa harong nin Kagurangnan.
Ta siya marahayon, ta an saiyang pagkamoot
dai nin kataposan. . .
81
IKADUWANG BABASAHON
1 Juan 3 : 1 – 2
Isip-isipon nindo an pagkamoot na iwinaras nin Ama sa sato:

tinugotan niya kitang pag-apodon na mga aki nin Dios,
asin iyo iyan kita. Huli ta an kinaban habo na magmidbid sa Dios,
kaya dai man minamidbid sato. Namomotan kong mga tugang,
ngonian kita mga aki nin Dios, alagad kun magigin ano kita
sa maabot na panahon, dai pa ini ipinapahayag; aram niato
na kun ipahayag, kita magigin siring saiya, huli ta nahiling niato
siya sa katunayan.
82
E V A N G E L I O
Juan 10 : 11 – 18
Pagrokyaw: Alleluia! “Ako an Marahay na Pastor,”

olay kan Kagurangnan. “Midbid Ko
an sakuyang mga karnero, asin midbid
man ako ninda.” Alleluia!. . .Juan 10:14
Si Jesus nagsabi: “Ako an Marahay na Pastor. An Marahay

na Pastor nagdodolot kan saiyang buhay huli sa mga karnero.
An nagpapatandan, huli ta bakong totoong pastor asin huli ta
an mga karnero bako niyang sadiri, kun nahihiling na an lobo
na nagdadangadang, binabayaan an mga karnero asin minadulag;
dangan an mga karnero tinatabag asin winawasak kan lobo.
Ini nangyari huli ta siya nagpapatandan sana; dai siya
nin pagmakulog sa mga karnero. Ako an Marahay na Pastor.
An sakuyang mga karnero midbid ko, asin ako man midbid ninda,
siring na ako midbid kan Ama asin an Ama midbid ko.
An sakuyang buhay idinodolot ko huli kan sakong mga karnero.
Igwa pa ako nin ibang mga karnero na mayo sa laog kan toril
na ini: sinda man dapat na magsunod sako, dapat na maghimate
kan sakuyang tingog, asin magkakaigwa nin saro sanang toril
asin saro sanang Pastor. An Ama namomoot sako, huli ta
idinudusay ko an sakuyang buhay tanganing mabawi ko man
giraray. Dai nin minahale kaiyan sako; rogaring na boot
na sakuyang idinudusay. Nasa kamot ko an pagdusay kaiyan,
nasa kamot ko man an pagbawi kaiyan. Ini an pagboot na itinao
sako kan Ama.”
83
domingo iv kan pascua ( c )
ENOT NA BABASAHON
Gibo 13 : 14, 43 – 52
Hale sa Perge, nagpados sinda sa Antiokia sa Pisidia; aldaw na

Sabado naglaog sinda sa sinagoga asin nagtukaw. Pakatapos kan
pagtiripon dakul na mga Judio asin mga tawong may pagkatakot
sa Dios nag-iriba ki Pablo asin Bernabe na nagpadagos
sa pagtukdo asin pagsadol sainda na magdanay sa biyaya na itinao
nin Dios sainda. Kan masunod na Sabado, haros gabos na tawo
sa banwa nagtiripon sa paghinanyog kan tataramono nin Dios.
An mga Judio, pakahiling nin kadakul na mga tawo, nauri
asin sinimbag nin mga paglanghad an gabos na sinabi ni Pablo.
Dangan si Pablo asin si Bernabe nagtaram na hayag
asin maliwanag: “Kaipuhan na sa saindo enot na ibareta niamo
an tataramon nin Dios, alagad huli ta isinikwal nindo asin huli ta
an paghona nindo dai kamo maninigo sa buhay na daing
kasagkoran, kami maduman sa mga pagano. Ini an tugon samo
nin Kagurangnan, kan sinabi niya: Ginibo ta kang ilaw nin mga
banwaan, tanganing an skauyang kaligtasan makaabot sa puso kan
daga.” Kan ini nadangog kan mga pagano, nagka-orogmang gayo
sinda asin nagpasalamat sa Kagurangnan huli kan saiyang
tataramon asin an gabos na itinalaga para sa buhay na daing
kasagkoran nagtubod. An tataramon nin Kagurangnan
ibinabalangibog sa bilog na rona. Alagad an mga Judio nagparibok
sa mga babaeng iginagalang asin maki-Dios asin man mga poon
nin banwaan, sinadol na labanan si Pablo asin si Bernabe
asin pinaluwas sa saindang rona. Pinagpag ninda an alpog sa
saindang mga bitis laban sa sainda asin nagpasiring sa Iconio,
84
mantang an mga disipulos napano nin kaogmahan asin nin
Espiritu Santo.

SALMO RESPONSORIAL
Salmo 100 : 1 – 2, 3, 5
Simbag: “ Kita saiyang banwaan: karnero na saiyang

ataman. ”
Maogmang mag-awit sa Kagurangnan,

Kamo gabos na uya sa kinaban.
Maogmang maglingkod sa kagurangnan;
Madya sa atubang niya, mag-awit na maogma. . .
Aram nindo na an Kagurangnan Dios.

Siya an satong kaglalang: sadiri niya kita,
Kita banwaan niya:
Mga carnero na ataman niya. . .
Totoong marahayon an Kagurangnan,

an saiyang pagkamoot daing kasagkoran.
Siya maimbod sagkod pa man. . .
85
IKADUWANG BABASAHON
Kapahayagan 7 : 9, 14 – 17
Pakatapos nahiling ko an dai mabilang na mga tawo na hale

sa gabos na banwaan, rona, tribo asin tataramon.
Sinda nakatindog sa atubang kan trono asin kan cordero.
Maputi an mga gubing asin may mga darang langkoy.
Saro sa mga gurang nagsabi sako: “Ini an mga hale sa dakulang
kasakitan: linabahan ninda an saindang mga gubing asin pinaputi
an dugo kan cordero. Kaya sinda nasa atubangan nin Dios,
nagsamba saiya aldaw-banggi sa saiyang santuario: asin kan
nagtutukaw na trono. Dai na sinda magugutom, dai na mapapaha,
dai na maiinitan kan aldaw. Huli ta an cordero na yaon sa trono
magiging pastor nindo asin dadarahon sinda sa mga burabod
nin tubig na buhay. Asin papahidon an luha sa saindang mga
mata.
86
E V A N G E L I O
Juan 10 : 27 – 30
Pagrokyaw: Alleluia! “Ako an Marahay na

Pastor,” olay kan Kagurangnan.
“Midbid Ko an sakuyang mga
carnero, asin midbid man ako
ninda.” Alleluia!. . .Juan 10:14
Olay ni Jesus: “An sakuyang mga karnero naghihimate

kan sakuyang tingog: midbid ko asin sinusunod ninda ako;
buhay na daing kasagkoran itinatao ko sainda; dai sinda
mawawara sagkod pa man, asin dai nin ma-agaw sainda
sa sakuyang kamot. An itinao sako nin sakuyang Ama
iyo an orog na mahalaga; asin dai nin makakaagaw sa kamot
nin Ama. Ako asin an Ama saro sana.
87
88
domingo v kan pascua ( a )
ENOT NA BABASAHON
Gibo 6 : 1 – 7
Kaidtong mga aldaw, mantang nagdadakul an bilang kan mga

disipulo, an mga Griego nag-gurumod-gumod laban sa mga
Hebreo; huli ta sa aroaldaw na paglingkod napapabayaan
na matawan kan rasyon an saindang mga babaeng-balo.
Tinipon kan mga apostol an gabos na mga disipulo asin sinabihan:
“Bakong tama na kami maglingkod sa lamesa asin mapabayaan mi
an tataramon kan Dios. Kaya, mga tugang, pumili kamo nin pitong
lalaki na marahay an dangog, pano nin espiritu asin kadonongan;
ta itatao mi sainda an gibong iyan; kami sa pamibi asin sa
pagbalangibog kan tataramon.” Ini pinag-marahay nin gabos
asin pinili ninda si Esteban, lalaking pano nin pagtubod asin kan
Espiritu Santo, si Felipe, Procopio, Nicanor, Simon, Parmenas,
asin Nicolas, na taga Antiokia. Dinara sinda sa mga apostol
asin ibinugtak kan mga apostol an saindang mga kamot sa sainda
asin namibi. An tataramon kan Dios naka-balangibog asin sa
Jerusalem nagdakul an bilang kan mga disipulo; sa mga kapadian
dakul man an nagtubod.
89

SALMO RESPONSORIAL
Salmo 33 : 1 – 2, 4 – 5, 18 – 19
Simbag: “ Kagurangnan, kaheraki kami

na nagsasarig saimo. ”
Mga banal, mag-ogma kamo sa Kagurangnan.

An banal maninigong pag-omawon.
Pasalamatan an Kagurangnan sa tugtog kan lira.
Mag-awit saiya an arpa
na may sampolong cuerdas. . .
Maimbod an tataramon kan Kagurangnan;

asin an gabos niyang gibo masasarigan;
namomoot siya sa kabanalan asin katanosan;
an daga pano kan saiyang pagkaherak. . .
An mata kan Kagurangnan

nasa mga natatakot saiya,
nasa mga nagsasarig saiyang pagkaherak;
90
an saindang kalag ililigtas niya
sa kagadanan, asin aatamanon
sa panahon nin gutom. . .

IKADUWANG BABASAHON
1 Pedro 2 : 4 – 9
Rumani kamo saiya: siya na buhay na gapo, isinikwal kan mga

tawo, alagad pinili asin pinadangat nin Dios. Kamo man dapat
na magin mga buhay na gapo na nagpapatindog kan harong
na spiritual, banal na pagkapadi na nagdodolot nin mga atang
na spiritual; mga atang na ina-ako nin Dios huli ki Jesucristo.
Siring na nasasabi sa Kasuratan: Uya, ibinugtak ko sa Sion
an sarigan-gapo na sakong pinili asin an nagtutubod dai mapupukan
(Isaias 28 : 16) . Boot sabihon na an gapong ini mahalaga para sa
saindo na nagtutubod, alagad para sa mga dai nagtutubod,
an gapo na isinikwal kan mga paratokdo asin nagin sarigang-gapo
(Salmo 18 : 22), gapo na singkogan asin gapo na padungkalan (Isaias 8 : 14).
Nasisingkog sinda, huli ta dai sinda nagtutubod sa tataramon.
Ini an natatalaga para sa sainda. Kamo sarong piniling banwaan,
kahadean nin mga padi, banwaan na banal, banwaan na sinadiri nin Dios
(Isaias 43 : 20 – 21 ; Exodo 19 : 5 – 6) . Ipagrokyaw nindo an mga kaomawan
nin Dios na nag-apod saindo hale sa kadikloman asin dinara kamo
sa saiyang makangangalas na kaliwanagan.
91

E V A N G E L I O
Juan 14 : 1 – 12
Pagrokyaw: Alleluia! “Ako an dalan, an katotoohan

asin an buhay,” olay kan Kagurangnan.
“Dai nin nakaabot sa Ama kun
dai nag-agi sa sakuya.” Alleluia!
. . .Juan 14 : 6
Si Jesus nagsabi: “Dai kamo mahandal, magsarig kamo sa Dios

asin magsarig sako. Sa harong nin sakuyang Ama dakul na mga
kwarto. Kun bako, dai ko kutana sinabi saindo na maduman ako
sa pag-andam nin lugar para saindo. Kun ako nagduman asin
mag-andam nin lugar para saindo, mabalik giraray ako tanganing
ikapag-iba ko kamo, ta kun haen ako, duman man kamo. Aram na
nindo an dalan pasiring sa sakuyang padudumanan.” Si Tomas
naghapot: “Kagurangnan, dai mi aram kun saen ka maduman.
Paano ming maaraman kun saen an dalan?” Si Jesus nagsimbag:
“Ako an dalan, an katotoohan asin an buhay. Dai nin nakakadolok
sa Ama, kun dai mag-agi sakuya. Kun ako midbid na nindo midbid
man nindo an sakuyang Ama. Poon ngonian midbid na nindo siya
asin siya saindong nahihiling.” Si Felipe nagsabi: “Kagurangnan,
pahilngan samo an Ama asin ini tama na para sa samo.” Si Jesus
nagsimbag: “Haloy nang panahon na ako uya saindo, asin dai mo
pa ako midbid, Felipe? An nakakahiling sako nakakahiling man sa
Ama, tadaw ta minasabi ka: pahilnga samo an Ama? Dai ka
92
minatubod na ako yaon sa Ama asin an Ama uya sako? An
sinasabi ko saindo bakong gikan sakuya; an Ama na uya sakuya
iyo an minagibo kan saiyang mga gibo. Minatubod kamo na ako
yaon sa Ama asin an Ama uya sakuya? Kun dai, magtubod kamo
huli sa sakong mga gibo. Totoong sinasabi ko saindo: an
minatubod sako magibo kan sakuyang mga gibo asin orog pa
kaiyan: huli ta ako maduman sa Ama.”

domingo v kan pascua ( b )
ENOT NA BABASAHON
Gibo 9 : 26 – 31
Pag-abot ni Saulo sa Jerusalem, boot niyang maka-ayon

sa mga disipulo; alagad sinda gabos natakot saiya: dai sinda
nagtubod na siya tunay na disipulo. Inibahan siya ni Barnabas,
ipinamidbid sa mga apostol asin isinaysay kun paano nagpahiling
an Kagurangnan ki Saulo asin nagtaram saiya kan siya nasa dalan
nagbabaklay, asin kun paano siya nagtukdo na daing takot
sa ngaran ni Jesus duman sa Damasco. Si Saulo nagpoon paglibot
kaiba ninda sa Jerusalem, nagtukdo na daing takot sa ngaran
nin Kagurangnan. Alagad pakataram niya sa mga Griego
asin pakipag debate sainda, boot nindang gadanon siya.
Kan ini maisihan kan tugang, dinara siya ninda sa Cesarea
93
asin hale duman isinubol sa Tarso. Matoninong na an Simbahan
sa bilog na Judea, Galilea asin Samaria; kaya nagkukusog
asin nagdadakul: pano nin pagkatakot sa Kagurangnan
asin man nin karangahan na hale sa Espiritu Santo.

SALMO RESPONSORIAL
Salmo 22 : 26 – 27, 28, 30, 31 – 32
Simbag: “ Mag-oomaw ako saimo Kagurangnan,

sa tahaw nin saimong banwan. ”
An sakong panuga uutobon

sa atubang nin mga natatakot saiya:
An mga dukha makakan asin mababasog:
Mag-omaw sa Kagurangnan
an mga naghahanap saiya:
an saindang puso mabubuhay sagkod pa man. . .
94
An bilog na daga makakagiromdom
asin mabalik sa Kagurangnan:
An gabos na banwaan magsasamba
sa atubang niya:
an gabos na mga mapangyari sa daga
masamba saiya. . .
An sakong kalag mabubuhay para saiya,

an sakong mga aki maglilingkod saiya;
an mga kapag-arakian sa maabot na panahon
oosipan ninda dapit sa kagurangnan. . .

IKADUWANG BABASAHON
1 Juan 3 : 18 – 24
Namomotan kong mga aki, mamoot kita bakong sa tataramon

o sa dila kundi sa gibo asin sa katotoohan: digdi niato mahihiling
na kita mga aki nin katotoohan: arin man digdi satong mapapa
toninong an satong consiencia dapit sa anoman na laban sato,
huli ta an Dios orog na dakula kisa satong consiencia asin aram
niya an gabos. Mga namomotan, kun kita dai matutunaw
kan satong sadiring consiencia, dai kita matakot sa atubang
95
nin Dios, asin anoman na hagadon ta Saiya, satuyang akoon,
huli ta kinuyog ta an saiyang tugon asin ginibo ta an sosog
sa saiyang kabotan. Uya an saiyang tugon: na kita magtubod
sa ngaran nin saiyang Aki si Jesucristo; na kita magkaminootan
siring sa itinugon niya sa sato. An nag-uutob kan saiyang tugon
yaon sa Dios asin an Dios yaon saiya. Aram niato na siya uya sato
sa Espiritu Santo na itinao niya sato.

E V A N G E L I O
Juan 15 : 1 – 8
Pagrokyaw: Alleluia! “Magdanay kamo sako

asin ako magdadanay saindo,”
olay nin Kagurangnan; “an sakuyang
mga sanga magbubunga nin dakul.”
Alleluia!. . .Juan 15:4.5
Si Jesus nagsabi sa saiyang mga disipulo: “Ako an tunay

na balagon, asin an sakuyang Ama iyo an nag-aataman.
An lambang sanga na uya sako, alagad dai nagbubunga,
96
pinuputol; asin an lambang sanga na nagbubunga pinuputolan
tanganing orog na magbunga. Asin kamo pinagputolan na,
huli kan tataramon na sinabi ko saindo. Magdanay kamo sako
asin Ako sa saindo. An sanga, kun sa saiya sana,
dai makakabunga: kaipuhan na siya saro sa balagon.
Siring man kamo, kun dai kamo magdanay sa sako.
Ako an balagon, kamo an mga sanga. An nagdadanay sa sako
asin ako sa saiya, nagbubunga nin dakul. Kun suhay sa sako,
mayo kamo nin mahahaman. An dai nagdadanay sa sako
nakakabaing sa sanga na itinatapok asin na-aalang. An siring na
sanga tinitipon asin isinusugba sa kalayo asin natototong.
Kun kamo magdanay sa sako asin an sakuyang tataramon
magdanay sa saindo, hagadon nindo an anoman na boot nindo
asin saindong makakamtan. Kaomawan nin sakuyang Ama
na kamo magbunga nin dakul: asin kun siring kamo magigin
mga disipulo ko.”

domingo v kan pascua ( c )
ENOT NA BABASAHON
Gibo 14 : 21 – 27
Kan masunod na aldaw si Pablo, kaiba si Bernabe, nagpa-Derbe;

pagkatapos na ikarokyaw an Marahay na Bareta sa banwang idto
nagkaigwa nin dakul na mga disipulo, nagbalik sinda sa Listra,
Iconio asin Antiokia, pinasarig ninda an mga disipulo asin sinadol
na magdanay sa pagtubod. Olay ninda: “Kaipuhan na kita magtios
97
nin dakul na kasakitan bago makalaog sa kahadean nin Dios.”
Sa lambang comunidad o simbahan nagbugtak sinda nin mga
namamahala; namibi, nag-ayuno asin idinusay ninda sa
Kagurangnan an saindang tinubod. Nag-agi sinda sa Pisidia
asin naka-abot sa Panfilia. Nagrokyaw kan Marahay na Bareta
sa Perge, nagbaba sa Atalia, asin duman nagsakay pa-Antiokia
na saindang pinaghadean: duman sinda idinusay sa gracia
nin Dios para sa mission na saindang nautob. Pag-abot tinipon
an comunidad, inosip an gabos na ginibo nin Dios huli sainda,
asin kun paano binuksan an pintoan nin pagtubod sa mga
pagano.

SALMO RESPONSORIAL
Salmo 145 : 8 – 9, 10 – 11, 12 – 13
Simbag: “ Oomawon sagkod pa man

an saimong ngaran sakuyang Hade
asin sakuyang Dios. ”
An Kagurangnan maugayon asin maheherakon,

maluya sa pag-anggot, mayaman sa pagkamoot.
An Kagurangnan marahayon para sa gabos,
98
maheherakon para sa gabos na linalang. . .
An gabos mong mga linalang

magpapasalamat saimo Kagurangnan
asin an saimong mga sorogoon,
magpapasalamat saimo siring man
saindang ibareta an kamurawayan
nin saimong kahadean
asin sa saimong kapangyarihan, O Dios. . .
Ipapamidbid ninda sa mga tawo an mga gibo mo,

an kamurawayan nin kahadean mo,
an kahadean mo daing kataposan,
Maghahade ka sa panahon
na daing kasagkoran. . .

IKADUWANG BABASAHON
Kapahayagan 21 : 1 – 5
Dangan nahiling ko an bagong langit asin bagong daga: an enot

na daga napinaw, asin an dagat dai na. Nahiling ko an banal
na ciudad, an bagong Jerusalem, nahiling hale a langit,
99
hale sa Dios: magayon siring sa nobya na ginugubingan
para sa saiyang esposo. Dangan an sarong makusog na tingog
na hale sa trono nagsabi: “Yaon digdi an Dios kaiba kan mga tawo:
kaiba ninda nag-eerok sa Dios; sinda magiging saiyang banwaan
asin siya magiging saindang Dios na magdadanay na kaiba ninda.
Papahidon niya an gabos na luha sa saindang mga mata:
dai nin pagtatangisan, dai nin anoman na kamundoan, huli ta dai
na nin dating kinaban. An nagtutukaw sa trono nagsabi:
Ngonian, bagong kinaban an ginibo ko.”

E V A N G E L I O
Juan 13 : 31 – 35
Pagrokyaw: Alleluia! Bagong tugon itinao ko saindo:

magkaminorootan kamo siring kan
pagkamoot ko saindo. Alleluia!
. . .Juan 13 : 34
100
Pakaluwas ni Judas, nagsabi si Jesus: “Ngonian pag-oomawon an
Aki nin tawo. Asin huli saiya an Dios pag-oomawon; kun an Dios
pag-oomawon huli saiya; pag-oomawon man siya nin Dios sa
madaling panahon. Mga aki ko; dai na ako mahahaloy saindo.
Bagong tugon itinatao ko saindo: na magkaminootan kamo; siring na
ako namoot saindo; siring man an pagkaminorootan nindo. Digdi
mamimidbid na kamo mga disipulo ko, kun nagkakaminootan
kamo.”
101
domingo - vi kan pascua ( abc )
domingo vi kan pascua ( a )
ENOT NA BABASAHON
Gibo 8 : 5 – 8, 14 – 17
Si Felipe naglugsot sa banwa ni Samaria asin si Cristo saiyang

ihinulit sainda. An mga tawo sararo sa paghinanyog sa mga hulit
102
ni Felipe, huli ta nahiling ninda an mga milagro na saiyang
ginigibo; sa kadakul na mga tawo nagruluwas an mga marompot
na espiritu na nagkukurahaw; mga paralitiko asin mga pilay
narahay. An banwa napano nin kaogmahan. Kan nadangog kan
mga apostol sa Jerusalem na an Samaria nag-ako kan tataramon
kan Dios, ipinadara ninda sainda si Pedro asin si Juan. An mga ini
nagpa-Samaria asin ipinamibi sinda tanganing akoon ninda an
Espiritu Santo; sa katunayan an Espiritu Santo dai pa huminilig sa
ki isay man sa sainda; nabonyagan sana sinda sa ngaran ni Jesus
na Kagurangnan. Ibinugtak an mga kamot sa sainda asin inako
ninda an Espiritu Santo.

SALMO RESPONSORIAL
Salmo 66 : 1 – 3, 4 – 5, 6 – 7, 16, 20
Simbag: “ An bilog na kinaban maogmang mag-aawit

sa Dios. ”
Bilog na kinaban, mag-awit sa Kagurangnan;

mag-awit sa kamurawayan nin saiyang ngaran.
Itao sa saiya an mamurawayon na kaomawan;
sabihon sa Dios:
“Makangangalas an saimong mga gibo!. . .
103
An bilog na kinaban magsamba saimo;
mag-awit saimo, mag-awit sa saimong ngaran;
madya asin hilnga an mga gibo kan Dios;
makangangalas an saimong gibo sa mga tawo. . .
An dagat ginibo niyang mamarang daga;

nag-aragi sinda dai nadumog sa tahaw
kan salog. Ini dapat niatong ipag-ogma
sa saiya. Na naghahade sagkod pa man
huli sa sadiring kapangyarihan. . .
Madya asin maghimate:

kamo na natatakot sa Dios isasabi ko
an ginibo niya para sa sakuyang kalag;
Pag-omawon an Dios, pag-omawon an Dios
na naghihimate kan sakuyang pamibi,
asin dai hinale
sa sakuya an saiyang pagkamoot. . .
IKADUWANG BABASAHON
1 Pedro 3 : 15 – 18
Galangan nindo si Jesucristo sa saindong mga puso.

Danay na mag-andam kamo kun ano an isisimbag nindo
sa mga tawo na naghahapot kun an dahilan kan paglaom
na yaon sa saindo. Simbagon nindo na mahuyo asin magalang.
104
Magdanay na malinig an saindong consiencia, tanganing an mga
nagpapakaraot saindo huli ta marahay an saindong buhay diyan ki
Cristo, maprobaran na nasasala sinda sa saindang mga sumbong.
Kun kabotan kan Dios na kamo magtios, mas marahay na magtios
kamo huli sa marahay na gibo kisa maraot na gibo.
Si Cristo, na daing sala, nagadan huli kan satong mga kasalan,
nagadan huli sa mga parakasala, tanganing madara niya kita
sa Dios. Sa hawak siya nagadan, sa espiritu siya nabuhay liwat.

E V A N G E L I O
Juan 14 : 15 – 21
Pagrokyaw: Alleluia! “An namomoot sakuya

magdadanay sa Sakuyang tataramon:
an sakuyang Ama namomoot saiya
asin maduman kami saiya.” Alleluia!
. . .Juan 14 : 23
105
Si Jesus nagsabi: “Kun kamo namomoot sako, ootobon nindo
an sakuyang mga togon. Hahagadon ko sa Ama na tawan kamo
nin ibang Parasorog na magdadanay sa saindo: an Espiritu
nin Katotoohan. Dai siya maako kan kinaban, huli ta dai siya
nahihiling asin dai midbid; alagad midbid nindo, ta uya saindo
asin nagdadanay sa saindo. Dai ko kamo babayaan na mga ilo:
mabalik ako saindo. Sa kadikit na panahon dai na ako mahihiling
kan kinaban; alagad mahihiling nindo ako, huli ta sa buhay
na uya sako kamo mabubuhay. Sa aldaw na iyan masasabotan
nindo na ako yaon sa Ama, kamo uya sakuya asin ako yaon
sa saindo. An mina-ako kan sakong mga togon asin minatubod
kaiyan, iyan an namomoot sako, asin an namomoot sako,
kamomotan kan sakuyang Ama: ako man namomoot saiya
asin mapahiling ako saiya.”
domingo vi kan pascua ( b )

ENOT NA BABASAHON
Gibo 10 : 25 – 26, 34 – 35, 44 – 48
106
Pag-abot ni Pedro sa harong, sinabat siya ni Cornelio na nagluhod
sa saiyang pamitisan asin duminapa: alagad binangon siya
ni Pedro asin sinabihan: “Tindog, huli ta ako tawo lamang.”
Dangan si Pedro nagtaram sainda: “An katotoohan na ngonian
sakong natalastas iyo na an Dios dai nin pinapalaen, kundi inaako
an si isay man na may pagkatakot sa Dios asin naggigibo
ni matanos.” Kan si Pedro nagtataram, an Espiritu Santo huminilig
sa gabos na nagdadangog kan tataramon. Nagngalas an mga
Judiong Cristiano na kaiba ni Pedro, huli ta an balaog nin Espiritu
Santo iwinaras man sa mga pagano. Nadangog na sinda man
nagtataram nin manlaen-laen na mga tataramon asin saindang
ipinagrorokyaw an Dios. Si Pedro nagsabi: “Igwa daw nin
makakasayuma kan tubig nin bonyag sa mga tawong ini
na ngonian, siring sato, nag-ako man kan Espiritu Santo?”
Kaya si Pedro nagboot na sinda bonyagan sa ngaran ni Jesucristo.
Pakatapos, nakimaherak sinda na magpawalat siya sa laog
nin nagkapirang aldaw.

SALMO RESPONSORIAL
Salmo 98 : 1, 2 – 3, 3 – 4
Simbag: “ Ipinahayag nin Kagurangnan sa gabos
107
na mga banwaan an saiyang kaligtasan. ”
Bagong awit awiton nindo sa Kagurangnan,

huli ta naggibo siya nin mga ngangalasan;
nanggana an saiyang banal na kapangyarihan. . .
Ipinahayag nin Kagurangnan an kaligtasan,

ipinahayg niya an saiyang katanosan.
Sa atubang nin mga banwaan:
naromdoman an saiyang pagkaherak
sa harong nin Israel. . .
Nahiling kan bilog na kinaban

an kaligtasan nin satong Dios.
Maogmang mag-awit sa Kagurangnan,
gabos na banwaan!
Mag-awit kamo sa saiyang kaomawan. . .

IKADUWANG BABASAHON
1 Juan 4 : 7 – 10
108
Mga orog na namomotan: “Magkaminootan kita huli ta an

pagkamoot gikan sa Dios asin ta an namomoot aki nin Dios
asin nakamidbid sa Dios. An dai namomoot dai nakakamidbid
sa Dios, huli ta an Dios pagkamoot. An pagkamoot nin Dios
sato ipinahayag, kan ipadara niya sa kinaban an saiyang Bogtong
na Aki, tanganing huli saiya magkaigwa kita nin buhay.
Iyo ini an pagkamoot na sinasabi ko: bako an satuyang pagkamoot
sa Dios, kundi an pagkamoot nin Dios sato, kan ipadara niya
an saiyang Aki na magin atang na nagpara kan satuyang
mga kasalan.”

E V A N G E L I O
Juan 15 : 9 – 17
109
Pagrokyaw: Alleluia! “An namomoot sako
mag-uutob kan sakong tataramon;
an sakong Ama mamoot saiya
asin kami madalaw saiya.”
Alleluia!. . .Juan 14 : 23
Si Jesus nagsabi sa saiyang mga disipulo: “An Ama namoot sako,

kaya ako man namoot saindo. Magdanay kamo sa pagkamoot sako.
Kun ootobon nindo an sakuyang mga tugon, magdadanay kamo
sa pagkamoot sako, siring na ako nag-utob kan tugon
nin sakuyang Ama asin nagdadanay ako sa pagkamoot saiya.
Ini sinasabi ko saindo, tanganing an sakuyang kaogmahan
magin dalisay diyan sa saindo, asin man magin dalisay
an saindong kaogmahan. Iyo ini an sakuyang tugon:
magkaminootan kamo siring sa pagkamoot ko saindo.
Daing pagkamoot na ma-orog kaini: na idolot nin tawo an saiyang
buhay huli sa saiyang katood. Kamo mga katood ko, kun gibohon
nindo an tugon ko saindo. Dai ko na kamo pag-aapodon
na sorogoon, huli ta an sorogoon dai nakakaisi kun ano an gibo
kan saiyang Kagurangnan: inaapod ko kamo na katood,
huli ta ipinahayag ko saindo an gabos na na-aaraman ko
sa sakuyang Ama. Dai nindo ako pinili; kamo pinili ko asin tinugon
ko kamo na maglakaw asin magbunga: bunga na magdadanay.
Dangan itatao saindo kan Ama an anoman na hagadon nindo saiya
sa ngaran ko. An tugon ko saindo iyo na magkaminootan kamo.”

domingo vi kan pascua ( c )
ENOT NA BABASAHON
Gibo 15 : 1 – 2, 22 – 29
110
Nagkapira na naglugsot hale sa Judea nagtukdo sa mga tugang na

kun dai magpa-circumcidar susog sa itinugon ni Moises, dai
makakaligtas. Ini naging dahilan nin kariribokan pakatapos nin
halawig na pakikipag-paliwanagan ki Pablo asin ki Bernabe.
Napagka-oroyonan na si Pablo asin Bernabe, kaiba an nagkapira
sa sainda, magpa-Jerusalem, maki humapot sa mga apostol asin
mga namamahala manonongod sa bagay na ini. Pinagka-oroyonan
kan mga apostol asin mga namamahala, asin man kan bilog na
katiriponan, na magpili nin nagkapira sa sainda asin ipadara sa
Antiokia, kaiba ni Pablo asin ni Bernabe. Pinili ninda si Judas
Barsaba asin si Silas, mga lalaking iginagalang sa katiriponan nin
magtugang, asin itinao sainda ining masunod na surat: an mga
apostol asin mga namamahala, saindong mga tugang, pinapatara
tara sa mga tugang sa Antiokia, Siria asin Cilicia na gikan sa
paganismo. Nabaretaan mi na nagkapira sa samong mga ka ayon
nagparibok saindo kan saindang mga hinahagad asin
nakaparibong kan saindong isip. Mayo sinda nin tugon na hale
samuya, kaya, pinagka-oroyonan niamo na magpili nin mga
delegado asin ipadara saindo kaiba si Bernabe asin si Pablo, mga
lalaking samong minamahal, huli ta idinusay ninda an saindang
buhay huli sa ngaran ni Jesucristo na satong Kagurangnan. Siring
man ipinadara mi saindo si Judas asin si Silas. Saindang
ipapaliwanag sa tataramon an samong sinabi sa surat na ini.
Pinagmarhay kan Espiritu Santo asin man niamo na dai ipapasan
saindo an anoman na karga kundi ining mga talagang kaipuhan:
“Dai kamo magkakan kan karne na inatang sa mga anito, maglikay
sa dugo asin karne nin mga hayop na tinook, asin dai magsambay.
An mga ini likayan, asin magigibo nindo kun ano an tama.
Bantay.”

SALMO RESPONSORIAL
Salmo 67 : 2 – 3, 5, 6, 8
111
Simbag: “ Pag-omawon ka, O Dios, nin gabos
na banwaan. ”
O Dios, kaheraki asin bendicioni kami;

sumirang sa samo an saimong lalawgon.
Mga dalan mo mamidbid sa kinaban,
kaligtasan mo ma-aaraman
nin gabos na banwaan. . .
Mag-ogma asin mag-awit sa mga banwaan,

huli ta ika matanos na hade nin kinaban.
Matanos na naghahade ka sa katawohan,
inaataman mo an mga banwaan sa daga. . .
O Dios, pag-omawon ka nin mga banwaan,

pag-omawon ka nin gabos na banwaan.
Pag-omawon ka nin gabos na banwaan.
Bendicionan giraray kita nin Dios
sagkod na an gabos na daga mag-arang saiya. . .

IKADUWANG BABASAHON
Kapahayagan 21 : 10 – 14, 22 – 23
112
Sa Espiritu, dinara ako sa alitoktok nin dakulaon na bukid,

asin ipinahiling sa sako an Jerusalem, an banal na ciudad,
naghilig hale sa Dios, hale sa langit. Yaon saiya an bilog
na kamurawayan nin Dios, makintab siring sa alahas
na mahalaga, siring sa diamanteng nagkikinang na garong kristal.
An mga kudal halangkaw asin may sarong angel; asin sa itaas
kan trangkahan nasusurat an mga ngaran kan kagduwang tribu
sa Israel. May tolong trangkahan sa sirangan, tolo sa amihan,
tolo sa timog asin tolo sa solnopan. An kudal kan ciudad
pinatindog sa kagduwang gapo na dara an ngaran kan kagduwang
apostoles kan kordero. Dai akong nahiling sa santuario duman:
huli ta an Kagurangnan Dios na makakamhan asin sa kordero
iyo an santuario. Sa ciudad na ini dai kaipuhan an liwanag
nin aldaw o kan bulan, huli ta naliliwanagan kan kamurawayan
nin Dios: an saiyang ilaw iyo an Kordero.

E V A N G E L I O
Juan 14 : 23 – 29
113
Pagrokyaw: Alleluia! “An namomoot sako
maotob kan sakuyang tataramon:
an Ama mamomoot saiya; kami
maduman asin maerok saiya.”Alleluia!
. . .Juan 14 : 23
Si Jesus nagsabi sa saiyang mga disipulo: “An namomoot sako

mautob kan sakuyang tataramon: an Ama mamomoot saiya;
kami maduman asin ma-erok sa saiya. An dai namomoot sako
dai nag-ootob kan sakuyang tataramon; an tataramon na saindong
nadangog bakong gikan sakuya, kundi sa Ama na nagsugo sako.
An mga bagay na ini sinabi ko saindo mantang uya pa ako saindo;
an Parasurog na ipapadara saindo kan Ama sa ngaran ko,
an Espiritu Santo, matukdo saindo kaini gabos
asin ipapagiromdom saindo an gabos na sinabi ko.
Katoninongan iwinawalat ko saindo, an sakong katoninongan
itinatao ko saindo, bakong siring sa itinatao kan kinaban.
Dai kamo mahandal, dai matakot. Nadangog nindo an sinabi ko
na ako mahale asin mabalik giraray. Kun kamo namomoot sako,
kutana ipinag-ogma nindo na ako maduman sa Ama,
huli ta an Ama orog sako. Ini sinasabi ko saindo bago mangyari,
tanganing kung mangyari, magtubod kamo.
=================================================================
PAGBAGO KAN MGA PANUGA SA BONYAG
114
( Gigibohon ini sa gabos na Misa kan Enot na Domingo nin Pascua. )
Padi: Orog na namomotan kong mga tugang, huli kan

Misterio Pascual linobong kita kaiba ni Cristo,
tanganing kaiba Niya maglakaw kita sa bagong
buhay. Kaya, pakatapos kan pag-otob kan
Cuaresma, bagohon ta an mga panuga sa banal
na Bonyag, na kaidto satong sinikwal si satanas
asin an saiyang mga gibo, asin nanugang
maglingkod sa Dios sa banal na Catolicong
Simbahan. . .Kaya:
Padi: Isinisikwal nindo si Satanas?

Gabos: Opo, isinisikwal niamo.
Padi: Asin an gabos niyang mga gibo?

Padi: Asin an saiyang mga padaya?

=========================== o kaya ==============================
Padi: Isinisikwal nindo an kasalan tanganing mabuhay

kamo sa katalingkasan kan mga aki kan Dios?
Padi: Isinisikwal nindo an mga padagka kan karatan

tanganing dai kamo pagsakopon kan kasalan?
Padi: Isinisikwal nindo si Satanas, an kagtogdas asin

prinsipe nin kasalan?
=================================================================
115
Padi: Nagtutubod kamo sa Dios, Amang makakamhan,
Kaglalang kan langit asin daga?
Gabos: Opo, nagtutubod kami.
Padi: Nagtutubod kamo ki Jesu Cristo, Bogtong Niyang

Aki, satong Kagurangnan, namundag ki Virgen
Maria, nagtios sagkod sa kagadanan asin ilinobong,
na nabuhay-liwat sa mga gadan asin nagtutukaw
sa too kan Ama?
Padi: Nagtutubod kamo sa Espiritu Santo, sa banal

na Catolicong Simbahan, sa paro-pakinabang nin
mga santo, sa pagpatawad nin mga kasalan, sa
pagkabuhay-liwat nin laman asin sa buhay na
daing kasagkoran?
Padi: Asin an Dios na makakamhan, Ama ni Jesu Cristo

satong Kagurangnan, na nagtao sato nin bagong
buhay sa tubig asin Espiritu Santo, asin nagtao
sato kan kapatawadan sa mga kasalan, atamanon
kita sa saiyang gracia, ki Jesu Cristo satong
Kagurangnan, sagkod sa buhay na daing
kasagkoran. . .Amen!
=================================================================
116
HOMILIA
CREDO APOSTOLICO
( Ipinapangadie o kakantahon sa ika-duwa sagkod sa ika-anom na domingo nin Pascua. )
Nagtutubod ako sa Dios,

Amang makakamhan,
Kaglalang kan langit asin daga,
asin ki Jesucristo, Aking Bogtong niya,
Kagurangnan ta,
ipinangidam huli kan Espiritu Santo,
namundag ki Virgen Maria,
pinasakitan kan panahon ni Poncio Pilato,
ipinako sa cruz, nagadan, asin ilinubong,
huminilig sa mga gadan,
kan ikatolong aldaw,
nabuhay-liwat hale sa mga gadan,
suminakat sa kalangitan,
nagtutukaw sa too kan Dios Amang makakamhan,
hale duman mabalik sa paghukom
sa mga buhay asin mga gadan.
Nagtutubod ako sa Espiritu Santo,
sa banal na simbahan na Catolico,
sa paropakinabang nin mga santos,
sa pagpatawad nin mga kasalan,
sa pagkabuhay-liwat nin laman,
sa buhay na daing kasagkoran. . .Amen!
117
CREDO NICENO-CONSTANTINOPOLITANO
Nagtutubod ako sa sarong Dios, Amang makakamhan,

kaggibo kan langit asin daga,
kan gabos na nahihiling asin dai nahihiling.
Asin sa sarong Kagurangnan na si Jesu Cristo,
Bogtong na Aki nin Dios, asin namundag gikan sa Ama
bago kan gabos na panahon.
Dios na gikan sa Dios, ilaw na gikan sa ilaw,
totoong Dios na gikan sa totoong Dios,
ipinangaki, dai linalang, saro sa pagka-Dios sa Ama:
huli saiya nagkaigwa kan gabos.
Huli sa satong mga tawo asin huli sa satong kaligtasan
naghilig siya hale sa kalangitan.
( Sa mga minasunod na tataramon, sagkod sa asin nani-tawo,
an gabos minaduko. . . )
Asin nani-laman huli kan Espiritu Santo,

ki Virgen Maria, asin nani-tawo.
Ipinako sa cruz para sato kan panahon ni Poncio Pilato;
nagtios sagkod sa kagadanan asin ilinobong,
asin kan ikatolong aldaw nabuhay-liwat,
sosog sa mga Kasuratan, asin suminakat sa langit,
nagtutukaw sa too kan Ama.
Asin mamuraway na mabalik,
sa paghukom sa mga buhay asin mga gadan,
an saiyang kahadean daing katapusan.
Asin sa Espiritu Santo,
Kagurangnan asin kagtao nin buhay:
na gikan sa Ama asin sa Aki,
Siya, kaiba kan Ama asin kan Aki,
sabay na sinasamba asin pinapamuraway:
siya nagtaram sa paagi nin mga profeta.
Asin sa saro, banal, catolico asin apostolicong Simbahan.
Nagpapahayag ako nin pagtubod sa sarong bonyag
sa pagpatawad nin mga kasalan.
Asin naghahalat ako kan pagkabuhay-liwat
nin mga gadan,
asin kan buhay sa maabot na panahon. . .Amen!
118
PAMIBI NIN BANWAAN (I-A)
Padi: Si Cristo binuhay liwat kan Ama sosog sa saiyang plano

nin kaligtasan. Itinao man sato an panuga nin buhay
na daing kasagkoran. Mamibi kita Saiya asin satong
sabihon:
Simbag: JESUS, HADE NIN KAMURAWAYAN

DANGOGA AN SAMONG PAMIBI.
1.An Banal na Simbahan sa bilog na kinaban:

tanganing ibalangibog an buhay na daing kasagkoran
na hale sa pagdolot kan sadiri ni Cristo duman sa cruz
. . .mamibi kita.
2.An gabos na pamayo nin banwaan, comunidad asin familia:

tanganing hingowahon ninda an pagkasararo, katoninongan,
pagrespeto asin pagkaminorootan kan saindang mga
nasasakopan. . .mamibi kita.
3.An gabos na mga nangangaipo nin tabang asin pakisumaro

nin saindang kapwa: tanganing rangahon asin ayudahan
kaiba an pagkamoot asin pagkaherak. . .mamibi kita.
4.An gabos na uya sa Misang ini: tanganing danay na magsarig

asin magdulok ki Cristo, an dalan, katotoohan asin buhay
nin lambang Cristiano. . .mamibi kita.
5.Para sa pagpapasalamat niato sa mga biyayang iwinaras sato

nin Kagurangnan, orog na an pasasalamat na dolot ni:
_____. . .mamibi kita.
6. An gabos na kalag sa purgatorio, orog na an kalag ni: _____,

tanganing an gracia nin katoninongan asin kamurawayan
na iwanaras kan pagkabuhay-liwat ni Jesu Cristo saindang
makamtan. . .mamibi kita.
Padi: Amang mamomoton, itao Mo samo an kaogmahan

nin puso, huli sa samong pagsarig sa Saimong panuga
119
na buhay. Ibalangibog niamo an Saimong kahadean.
Huli ki Cristo samong Kagurangnan. . .Amen!
PAMIBI NIN BANWAAN (I-B)
Padi: Pano nin kaogamhan, mamibi kita sa Dios na satuyang

Kagurangnan. Danay Niyang dinadangog an satuyang
pamibi, orog nang gayo kun pina-paagi sa Saiyang
namomotan na Aki. Saihon ta Saiya:
Simbag: HADE NIN KAMURAWAYAN, HIMATEA KAMI.
1.An Santo Papa asin mga lider spriritual: tanganing

ma-ataman ninda nin marahay an banwaan na ipinaniwala
sainda kan Marhay na Pastor. . .mamibi kita.
2.An bilog na kinaban: tanganing mamidbidan si Cristo

asin magdanay sa katoninongan na iwinalat Niya sato
. . .mamibi kita.
3.An nagtitios, dukha asin mga nangangaipo: tanganing

an saindang pagtios masanglean nin kaogmahan,
kaogmahan na dai na mahahale sainda sagkod pa man
. . .mamibi kita.
4.An gabos na uya sa celebracion na ini: tanganing sa satuyang

isip, gibo asin buhay kita magin saksi kan Pagkabuhay-liwat
ni Cristo. . .mamibi kita.


logod makamtan ninda an kaligtasan asin kamurawayan na
hatod kan pagkabuhay-liwat ni Jesucristo. . .mamibi kita.
Padi: Hade nin kamurawayan, Dios na Makakamhan,

aram Mo na an buhay digdi sa ibabaw nin daga pano
nin mga kasakitan, kahandalan asin katikapohan.
120
Kami namomoot saimo. Bilog an samuyang paglaom
Saimo. Danay na hinanyoga an samuyang pamibi.
PAMIBI NIN BANWAAN (I-C)
Padi: Si Jesucristo nabuhay-liwat: ginibong Kagurangnan nin

langit asin daga: pinasarig an satong paglaom
na kita mabubuhay liwat. Mamibi kita Saiya asin
satong sabihon:
Simbag: MAMURAWAYON NA JESUS,

DANGOGA AN SAMONG PAMIBI.
1.An Santo Papa, an mga Obispo asin kapadian:

tanganing sa kapangyarihan kan Espiritu Santo
sinda magin saksi kan Marahay na Bareta na si Cristo
nabuhay liwat. . .mamibi kita.
2.Para sa mga namamayo nin banwaan, comunidad

asin familia: tanganing saindang midbidon si Jesucristo
bilang Kagurangnan asin iwaras sainda an Espiritu
nin katanosan asin katoninongan. . .mamibi kita.
3.Para sa mga dukha, nagtitios, mga pinapasakitan,

mga naghehelang: tanganing magsarig sinda sa paglaom
asin pagtubod ki Cristo na nabuhay liwat. . .mamibi kita.
4.Na kita gabos na uya sa celebracion na ini: tanganing magka-

minorootan asin magpatarabang-tabang sa pagsaksi na si
Cristo nabuhay liwat. . .mamibi kita.


121
Padi: O Dios asin Ama ni Jesucristong Kagurangnan niamo,
kaheraki man kami. Bagoha kami sa Saimong Aki
na nagadan asin nabuhay liwat para sa samong
kaligtasan. Huli ki Cristo samong Kagurangnan
. . .Amen!
PAMIBI NIN BANWAAN ( II - A )
Padi: Bilang mga disipulo ni Cristo na nabuhay liwat,

kita uya sa tahaw kan gabos na mga pagbalo
asin karatan. Kaya mamibi kita sa satong Ama sa langit
asin sabihon niato Saiya:
Simbag: KAGURANGNAN, HIMATEA AN SAIMONG BANWAAN.
1.An Santo Papa, mga Obispo asin mga kapadian:

lugod mamatean ninda an katoninongan asin kagaya-
gayahan sa isip asin puso sa panahon nin kadificilan,
asin danay na magin panalmingan nin pagkasararo
asin pagtubod kan banwaan nin Dios. . .mamibi kita.
2.An bilog na Catolicong Simbahan na nakalakop sa bilog

na kinaban: logod magin buhay na saksi kan presencia ni
Cristo sagkod sa kataposan nin kinaban. . .mamibi kita.
3.An mga nagtitios, napupurisaw asin naghehelang: logod

maka-abot sainda an kaogmahan ni Cristong nabuhay-liwat
asin mamatean an danay na pagmangno asin pagkamoot
nin gabos na nagsusunod ki Cristo. . .mamibi kita.
4.An mga tugang niatong naghahalat asin naghahanap

kan saindang kaligtasan, manompongan logod ninda
si Cristo asin akoon Siya bilang saindang Kagurangnan
asin Paraligtas. . .mamibi kita.
5.An pagpapasalamat niato sa mga biyayang iwinaras sato

kan satuyang Kagurangnan, orog na an pasasalamat dolot ni:

tanganing huli sa pagkaherak kan Dios, hawason
sa saindang mga pagtios, asin akoon an kamurawayan
sa Saiyang kahadean. . .mamibi kita.
122
Padi: Kagurangnan, Ika nagpapahiling ngonian sa lalawgon
nin samong mga tugang. Mamidbidan mi man logod Ika
asin ipamate sa sainda an Saimong presencia.
PAMIBI NIN BANWAAN ( II - B )
Padi: Si Cristo nabuhay liwat, dai na Siya magagadan.

An kagadanan dai na nin kapangyarihan Saiya.
Ipamibi niato na kita gabos magbagong buhay,
huli sa gracia nin pagkabuhay-liwat. Sabihon ta Saiya:
Simbag: KAGURANGNAN, HINANYOGA AN SAMONG PAMIBI.
1.An Simbahan sa bilog na kinaban: tanganing maglakaw

sa dalan nin pagtubod, paglaom asin pagkamoot ki Cristo
na nabuhay-liwat. . .mamibi kita.
2.An mga pamayo nin banwaan, familia asin comunidad:

tanganing an pagkabuhay-liwat ni Cristo iyo an magin
pundasyon kan saindang paglingkod sa gabos. . .mamibi
kita.
3.An gabos na dukha asin nangangaipo: tanganing danay

na magsarig sa kasuripotan nin Dios. . .mamibi kita.
4.An gabos na uya sa Misang ini: tanganing danay na hagadon

an balaog nin pagtubod sa pagkabuhay-liwat ni Jesu-Cristo,
satuyang dalan, katotoohan asin buhay. . .mamibi kita.
5.Para sa pagpapasalamat sa mga biyayang iwinaras satuya kan

satong Kagurangnan, orog na an pasasalamat dolot ni:
6.An gabos na kalag sa purgatorio, orog na an kalag ni: _____,

tanganing huli sa pagkaherak kan Dios, hawason sa
saindang mga pagtios, asin akoon sa Saiyang
kahadean. . .mamibi kita.
123
Padi: Dios na makakamhan, akoa an pamibi nin Saimong
banwaan. Likayan kami sa gabos na pag-alaman,
tanganing makapaglingkod kami Saimo na daing takot
asin daing kaolangan. Huli ki Cristo samong
Kagurangnan. . .Amen!
PAMIBI NIN BANWAAN ( II - C )
Padi: Bilang mga disipulo ni Cristo na nabuhay liwat,

kita uya sa tahaw nin gabos na mga pagbalo
asin karatan. Kaya mamibi kita sa satong Ama sa langit
asin sabihon niato Saiya:
Simbag: KAGURANGNAN,
PAKUSOGA AN SAMONG PAGTUBOD.
1.An Santo Papa, mga Obispo asin kapadian: logod mamatean
ninda an katoninonagn sa isip asin puso sa panahon
nin kadificilan. . .mamibi kita.
2.An Simbahan na nakalakop sa bilog na kinaban: logod magin

mga buhay na saksi kan danay na presencia ni Cristo
sagkod sa kataposan nin kinaban. . . mamibi kita.
3.An mga tugang niatong naghahalat asin naghahanap

kan saindang kaligtasan masabatan lugod si Cristo
asin akoon Siya bilang Kagurangnan asin Paraligtas
. . .mamibi kita.
4.Kitang inapod na mga paladan huli ta nagtubod maski dai

niato nahihiling si Cristo, magtalubo sa pagkamidbid
Saiya. . .mamibi kita.
5.Na an satuyang pagsarig sa Kagurangnan na nabuhay liwat

magtaong pasabong sa sato na maghiras sa mga dukha,
na magkaigwa kita nin panahon sa mga nangangaipo sa sato,
na magtao nin ranga sa mga may helang asin sa mga
nagtitios nin kasakitan. . .mamibi kita.

kan satong Kagurangnan, orog na an pasasalamat
na dolot ni: _____. . .mamibi kita.
124
Padi: Kagurangnan, Ika nagpahiling ngonian sa lalawgon

nin samong mga tugang. Mamidbidan mi man lugod Ika
asin ipamate sa sainda an Saimong presencia.
PAMIBI NIN BANWAAN ( III - A )
Padi: Ama binuhay Mo an Saimong Bogtong na Aki sa mga

gadan. An karahayan Mong ini bantog sa bilog
na kinaban. Hinanyoga an samuyang mga pamibi.
Sa dakula asin posog na pagtubod, mamibi kita Saiya:
Simbag: DIOS NIN MGA BUHAY,

HINANYOGA AN SAMUYANG PAMIBI.
1.An bilog na Simbahan: tanganing an pagkabuhay-liwat

ni Cristo magpalaad kan saindang puso sa pagpatotoo
kan pagtubod na ini. . .mamibi kita.
2.An mga namamayo kan banwaan, comunidad asin familia:

tanganing sa saindang paglingkod sa saindang
mga nasasakopan, sinda magin maimbod asin matinao
. . .mamibi kita.
3.An mga nagtitios, inaapi, asin nabibilanggo: tanganing

sa saindang kapurisawan sa buhay sinda maranga
kan pagkabuhay-liwat ni Jesus sa mga gadan. . .mamibi
kita.
4.An gabos na uya sa Misang ini: tanganing maninigo kitang

mag-ako ka mga merito kan pagkabuhay-liwat ni Jesus
sa mga gadan. . .mamibi kita.


tanganing huli sa pagkaherak kan Dios, hawason
125
sa saindang mga pagtios, asin akoon an kamurawayan
sa Saiyang kahadean. . .mamibi kita.
Padi: Dios Amang Makakamhan, hinanyoga an samong

mga pamibi para sa kaomawan ni Jesucristo
na nabuhay sa mga gadan, asin naghahade kaiba Mo
sa kapanahonan kan mga panahon. . .Amen!
PAMIBI NIN BANWAAN ( III - B )
Padi: Sa atubang ni Cristo, an Aki kan Tawo na nagadan
asin nabuhay liwat para sa satong kaligtasan,
hagadon niato sa Dios Ama an langitnon
na kadonongan tanganing masabotan niato an misterio
pascual. Ini an satong sabihon:
Simbag: KAGURANGNAN, WARASAN SAMO

AN SAIMONG KADONONGAN.
1. An Santo Papa, mga Obispo, kapadian, mga religioso

asin misyonero: tanganing padagos na ipagrokyaw an
Marhay na Bareta nin pagkamoot asin kaligtasan kan Dios
sa paagi ni Cristo, an Panugang Mesias. . .mamibi kita.
2. An gabos na pamayo asin nag-aataman nin mga banwaan,
comunidad asin familia: tanganing an katanosan,
katotoohan, pagkasararo asin katoninongan, hingowahon
asin papagdanayon. . .mamibi kita.
3. An mga dukha asin nagtitios, naghehelang, napupurisaw
asin nabibilanggo: tanganing mabuhay sa mapusog
na pagtubod asin paglaom sa gracia kan pagkabuhay-
liwat . . .mamibi kita.
4. An gabos na uya sa Misang ini: tanganing magin pusog
an pagtubod sa Simbahan asin sa saiyang mga katukdoan,
sa pagka-aram na an Kagurangnan danay na kaibahan
niamo. . .mamibi kita.
5. Para sa pagpasalamat niato sa mga biyayang iwinaras
kan satong Kagurangnan, orog na an pasasalamat ni: _____.
. .mamibi kita.
126
6. An gabos na kalag sa purgatorio, orog na an kalag ni:
_____, tanganing makamtan an kapatawaran
asin kamurawayan na hatod kan Pagakabuhay-liwat
Padi: Makakamhan na Dios, samong paalawan asin kusog,

hinanyoga kami asin warasan samo an Saimong
panugang kaligtasan. Huli ki Cristo samong
PAMIBI NIN BANWAAN ( III - C )
Padi: Mamibi kita sa Dios na satuyang Ama, an Saiyang Aki

kan nagadan, dinaog an kagadanan, asin kan
nabuhay-liwat ibinalik an buhay sa kinaban.
Sa lambang kahagadan sabihon niato Saiya:
1.Na an gabos na tawo makaligtas sa kaoripnan nin kasalan

. . .mamibi kita.
2.Na an gabos na banwaan makaligtas sa persecucion,

kasakitan asin karibokan. . .mamibi kita.
3.Na an mga dukha asin daing sukat, mga nagtitios,

makaligtas sa gutom asin kadaihan. . .mamibi kita.
4.Na kita gabos maglakaw sa dalan nin katanosan, katotoohan

asin katoninongan. . .mamibi kita.
5.Na an gabos na uya sa Misang ini, tanganing pagyamanon

asin ingatan an pagtubod na ipinahayag sa mga pagano,
alagad may marhay na boot. . .mamibi kita.

127
logod makamtan ninda an kaligtasan asin kamurawayan
na hatod kan pagkabuhay-liwat ni Jesucristo. . .mamibi
kita.
Padi: O Dios, sa kagadanan nin Saimong Aki, itinao Mo samo

an paglaom sa buhay na daing kasagkoran.
Makamtan mi man lugod ini huli ki Cristo samong
PAMIBI NIN BANWAAN ( IV - A )
Padi: Mamibi kita sa Marahay na Pastor. Inaapod Niya
an mga apostol na sumunod Saiya; ipamibi niato
na apodon Niya an jovenes ngonian na sumunod man
asin maglingkod Saiya sa pagpadi, pagka-religioso asin
pagka-misionero. Sabihon ta Saiya:
1.An bilog na Catolicong Simbahan sa kinaban: tanganing
sa tabang kan Espritu Santo, an Simbahan magin marahay
na pastor sa gabos niyang nasasakopan. . .mamibi kita.
2.An gabos na namamayo nin banwaan, comunidad asin familia:
logod magdanay sindang mga marahay na pastor, sa
tataramon asin gibo, sa saindang mga
3.An jovenes sa satuyang dioceses asin parokya: tanganing
maogmang sumunod ki Cristo asin magdolot kan saindang
kakayahan sa pagbalangibog kan evangelio asin maglingkod
sa banwaan kan Dios. . .mamibi kita.
4.An gabos na nagtatabang sa mga seminarista asin seminario,
sa paaging financial o spiritual: logod an saindang apostolado
magdanay asin mag-inspirar sa iba na magin bukas-palad
man sa simbahan. . .mamibi kita.
5.An gabos na uya sa Misang ini: tanganing an pakasabot
asin pagkamoot niato ki Cristo magtalubo asin magsadol sato
na hanapon Siya sa tahaw kan mga kakundian, kapurisawan
asin kaluyahan sa buhay. . .mamibi kita.
128
6. An pagpapasalamat niato sa mga biyayang iwinaras sato
7. Para sa kapahingaloan asin kamurawayan kan kalag ni:
_____, asin kan gabos na kalag sa purgatorio. . .mamibi kita.
Padi: Dios na Kagurangnan, an Saimong pag-apod makaabot

lugod sa kadakul na tawo na andam na maglingkod
sa Saimo asin sa Simbahan. Papagdanaya sinda
sa Saimong biyaya asin pagkamoot. Huli ki
Cristo samong Kagurangnan. . .Amen!
PAMIBI NIN BANWAAN ( IV - B )
Padi: O Dios na samuyang Ama, ipinadara Mo an Saimong
Bogtong na Aki tanganing iligtas kami asin darahon
Saimo. Siya an samuyang Marahay na Pastor
na danay na nag-aataman asin nagmamakulog samo.
Huli Saiya idinodolot niamo Saimo an samong
mga kahagadan. Mamibi kita Saiya:
Simbag: KAGURANGNAN, DANGOGA AN SAMONG PAMIBI.
1. Para sa satong Santo Papa, mga Obispo, kapadian,

mga religioso asin misionero: tanganing arog kan Marahay
na Pastor, danay lugod nindang mapangatamanan
an banwaan na ipinagkatiwala sainda kan Kagurangnan
. . .mamibi kita.
2. Makalakop lugod an Saimong kahadean sa bilog

na kinaban, huli ta dakul an naghahanap Saimo, dakul an
boot na makamidbid asin mamoot Saimo. . .mamibi kita.
3. An jovenes, lalaki o babae: logod maogmang magsunod

asin maglingkod Saimo sa pagdara kan Marhay na Bareta
nin kaligtasan sa gabos na banwaan. . .mamibi kita.
4. Kita gabos na uya sa Misang ini: danay logod kitang

maghimate sa tingog kan Kagurangnan, an Marahay
na Pastor asin padagos na maglakaw sa dalan nin
kabanalan asin kaligtasan. . .mamibi kita.
129
. .mamibi kita.

Padi: Salamat po, Ama, sa danay Mong pangataman samuya.

Magkanigo man lugod kaming mag-ako kan samong
mga kahagadan asin padagos na makusunod
sa Saimong banal na kabotan. Huli ki Cristo samong
PAMIBI NIN BANWAAN ( IV - C )
Padi: Mamibi kita sa Marahay na Pastor. Inapod Niya an mga
Apostol na sumunod Saiya. Sagkod ngonian padagos
an Saiyang pag-apod. Aldaw ngonian nin pamibi
para sa mga inaapod, pamibi para sa mga vocacion
sa pagpadi, pag-religioso asin pag-misionero.
Sa lambang kahagadan sabihon ta Saiya:
Simbag: KAGURANGNAN, HINANYOGA AN PAMIBI

NIN SAIMONG BANWAAN.
1. An bilog na Simbahang Catolico: tanganing danay na
padarahan nin mga sorogoon na marahay, matanos asin
banal. . .mamibi kita.
2. An gabos na namamayo nin banwaan, comunidad asin
familia: logod magdanay sindang mga marahay na pastor,
sa tataramon asin gibo, sa saindang mga
3. An satuyang dioceses asin parokya: tanganing apodon
nin Dios an jovenes na lalaki asin babae na sumunod
ki Cristo sa paglingkod sa banwaan nin Dios. . .mamibi
kita.
4. An gabos na naghehelang, nagtitios asin nagagabatan
sa buhay: logod sa tabang kan saindang kapwa, mamatean
ninda an danay na pag-ampon kan Marahay na Pastor
na si Jesu Cristo. . .mamibi kita.
130
_____, logod makamtan ninda an kaligtasan asin
kamurawayan na hatod kan pagkabuhay-liwat ni
Jesucristo. . .mamibi kita.
Padi: Kagurangnan, habo Mo na an mga kalag mawara,

kundi makaligtas. Mag-apod Ka asin kami masunod.
Ika an dalan nin kaligtasan, kaogmahan asin kapanoan
nin buhay. Huli ki Cristo samong
PAMIBI NIN BANWAAN (V-A)
Padi: Si Cristo nabuhay-liwat. An kagadanan dai na nin

kapangyarihan Saiya. Ipamibi niato na kita gabos
magbagong buhay huli sa gracia nin pagkabuhay-liwat.
Sabihon ta Saiya:
Simbag: KAGURANGNAN, DANGOGA AN PAMIBI

KAN SAIMONG BANWAAN.
1.Tanganing an bilog na Simbahan magbagong buhay:

maglakaw sa dalan nin pagtubod, pagsarig asin pagkamoot
sa Dios. . .mamibi kita.
2.Tanganing an gabos na namamayo nin banwaan, comunidad

asin familia, magbagong buhay: maglakaw sa dalan
nin katanosan, magsunod sa tingog nin konsensiya
asin magkuyog sa mga tugon nin Dios. . .mamibi kita.
3.Tanganing an mga nagtitios asin nadedeficilan sa buhay,

an nasa kahorasaan asin mga naghehelang: dai malingawan
kan saindang mga familia asin mga tugang sa
pagtubod. . .mamibi kita.
131
5. Tanganing an gabos na mga gadan, orog na si: _____,

magkamit kan kamurawayan, bunga kan Pagkabuhay-liwat
ni Jesu Cristo. . .mamibi kita.
Padi: O Dios na makakamhan, akoa an pamibi nin Saimong

banwaan. Likayan kami sa gabos na pag-alaman
tanganing makapag-lingkod kami Saimo na daing takot
asin daing kaolangan. Huli ki Cristo samong
PAMIBI NIN BANWAAN (V-B)
Padi: Mamibi kita sa Dios Ama na nagsugo ki Jesu Cristo
sa pagtubos sato sa kasalan asin kagadanan.
Hagadon niato an balaog nin perseveranda, kaimbodan
asin katotoohan. Sa lambang pamibi sabihon ta:
1. An Santo Papa, mga Obispo, kapadian, religioso

asin misionero: tanganing danay na ibalangibog si Jesu
Cristo bilang tunay na balagon na nagtatao nin buhay
sa mga sanga na iyo an Saiyang banwaan nin pagtubod
. . .mamibi kita.
2. An mga namamayo nin mga banwaan, comunidad

asin familia: tanganing magkasararo sa pag-otob
asin pagsabuhay kan katanosan, katoninongan asin
pagrespeto. . .mamibi kita.
3. An gabos na dai pa nakakamidbid ki Cristo, an mga
parasagin-sagin: tanganing iwaras sainda an balaog
nin sinceridad asin kapakumbabaan. . .mamibi kita.
4. An mga dukha asin naghehelang, mga nasa bilanggoan

asin kadificilan huli sa anoman na pangangaipo:
tanganing tabangan asin paglingkodan kan saindang mga
familia asin kapwa na nagtutubod sa Dios. . .mamibi kita.
132
5. An gabos na uya sa Misang ini: tanganing magtalubo
asin mamunga sa kabanalan asin katotoohan na uya
sa tunay na balagon na iyo si Cristo. . .mamibi kita.

. .mamibi kita.
7. An gabos na kalag sa purgatorio, orog na an kalag ni:_____,

tanganing makamtan an kapatawaran asin kamurawayan
na hatod kan Pagkabuhay-liwat ni Cristo. . .mamibi kita.
Padi: Kagurangnan, hinanyoga an pamibi nin Saimong

banwaaan. Sa Saimong pagkamoot patawada
an samong kasalan asin ibalik Mo samo an buhay.
PAMIBI NIN BANWAAN (V-C)
Padi: Mga tugang, sa malaad na pagtubod ki Cristo

na nabuhay-liwat. Mamibi kita sa Amang langitnon.
Sabihon ta Saiya:
Simbag: KAGURANGNAN, HIMATEA AN PAKIMAHERAK

KAN SAIMONG BANWAAN.
1.An Simbahan Catolico sa bilog na kinaban: tanganing

mahiling bilang tanda nin tunay na pagkaminootan, paglaom,
pagrespeto asin pagkasararo. . .mamibi kita.
2.An gabos na banwaan, comunidad asin familia: tanganing

maotob sa sainda an katotoohan asin katanosan
kan Evangelio. . .mamibi kita.
3.An gabos na Cristiano: tanganing maipahiling na sinda

mga tunay na disipulo ni Cristo huli kan saindang
pagkaminorootan asin pagmakulog sa lambang
saro. . .mamibi kita.
4.An mga nagtitios, nagugutom, mga dukha, mga naghehelang:

tanganing mamatean ninda an danay na pagkamoot asin
133
pag-ampon nin Dios sa maimbod na pagriparo asin tabang
kan saindang mga familia asin kapwa. . .mamibi kita.


na hatod kan Pagkabuhay-liwat ni Jesucristo. . .mamibi
kita.
Padi: O Dios, samuyang paalawan asin kusog, burabod

nin gabos na pagkaherak, hinanyoga asin kaheraki
kami ngonian asin sagkod pa man. Huli ki Cristo
samong Kagurangnan. . .Amen!
PAMIBI NIN BANWAAN ( VI - A )
Padi: Si Cristo nagsabi: “Kun kamo namomoot sako, ootobon
nindo an sakuyang mga tugon.” Hagadon ta sa
satuyang Ama sa langit na itao sato an tunay
na pagkamoot, tanganing mautob ta an tugon.
Sabihon ta Saiya:
Simbag: KAGURANGNAN, DANGOGA AN SAIMONG BANWAAN.
1.An Santo Papa, mga Obispo asin kapadian: tanganing an

saindang pagkamoot ki Cristo, mautob ninda an tugon
na ibalangibog an Evangelio sa bilog na kinaban. . .mamibi
kita.
2.An mga namamayo nin banwaan, comunidad asin familia:

tanganing danay na utobon ninda an tugon na hanapon
asin hingowahon an karahayan, katanosan, katoninongan
asin pagkasararo kan saindang mga nasasakopan. . .mamibi
kita.
3.An mga nagtitios: tanganing mautob ninda an tugon

na mamoot asin mag-arog ki Cristo na maboot
asin mapakumbaba. . .mamibi kita.
134
4.An mga maykaya sa buhay: tanganing mautob ninda
an tugon na maherak asin magtabang sa nangangaipo
. . .mamibi kita.

6. Tanganing an gabos na mga gadan, orog na si: _____,

magkamit kan kamurawayan, bunga kan pagkabuhay-liwat
ni Jesu Cristo. . .mamibi kita.
Padi: Dios na samong Ama sa langit, tama na para sa samo

na kami kamotan Mo asin warasan samo an balaog
nin Saimong pagkaherak. Huli ki Cristo samong
PAMIBI NIN BANWAAN ( VI - B )
Padi: Mamibi kita sa Dios Ama sa langit. Huli sa pagkamoot
linalang Niya an kinaban; asin huli sa pagkamoot
tinubos Niya kita na nagkasala. Sa lambang pamibi
sabihon ta:
Simbag: KAGURANGNAN, HIMATEA AN SAMONG PAMIBI.
1. An banal na Catolicong Simbahan sa bilog na kinaban:

tanganing maipahayag sa gabos na nacion asin katawohan
an importancia nin pagkamoot sosog sa ehemplo
ni Jesu-Cristo. . .mamibi kita.
2. An gabos na mga namamayo nin mga banwaan, comunidad
asin familia: tanganing mamoot siring sa pagkamoot
ni Cristo handang maglingkod na mayo nin bayad
o kaomawan. . .mamibi kita.
3. An gabos na naghahanap ki Cristo sa tahaw nin
kariribokan asin labi-labing pagtios: tanganing dangogon
kan Dios an saindang mga inagrangay. . .mamibi kita.
4. An gabos na uya sa govierno asin negocio: tanganing
papaghadeon an katanosan asin tunay na pagmakulog
sa mga dukha asin nagtitios. . .mamibi kita.
135
5. An gabos na uya sa Misang ini: tanganing magtalubo sa
paghiras kan yaman, talento asin panahon para sa
pagtabang sa parokya huli sa ehemplo ni Cristo. . .mamibi
kita.
. .mamibi kita.
Padi: O Dios, kagrogaring kan samong pagkamoot,

tabangi kami na mabuhay sosog sa katukdoan
nin pagkamoot. Daraha kami sa pagdolot kan samong
buhay huli ki Cristo samong Kagurangnan. . .Amen!
PAMIBI NIN BANWAAN ( VI - C )
Padi: Mamibi kita sa Dios, Amang makakamhan na nagbuhay
liwat ki Cristo asin man magbubuhay liwat sato
sa huring aldaw. Sabihon ta Saiya:
Simbag: KAGURANGNAN, HINANYOGA KAMI.
1.An bilog na Simbahan Catolico sa bilog na kinaban: tanganing

an Espiritu ni Cristo na nabuhay liwat magdara saiya sa
dalan nin pagkamoot. . .mamibi kita.
2.An gabos na namamayo nin mga banwaan, comunidad

asin familia: tanganing saindang hingowahon na maghade
an pagkasinarabotan, pagtarabang-tabang, pagrespeto asin
pagkasararo. . .mamibi kita.
3.An mga naghehelang, nabibilanggo asin nangangaipo:

tanganing darahon sinda ni Cristo sa kamurawayan nin
Saiyang pagkabuhay-liwat. . .mamibi kita.
4.An gabos na naghahanap nin kaogmahan asin kahulugan

sa saindang buhay asin pagkatawo: tanganing mahiling
136
asin mamatean ki Cristo na nabuhay liwat para satuya
. . .mamibi kita.
5.Kita gabos na uya sa Misang ini: tanganing an kaogmahan

kan pagkabuhay-liwat ni Cristo magin paglaom sa aroaldaw
na kahorasaan nin buhay. . .mamibi kita.


na hatod kan pagkabuhay-liwat ni Jesucristo. . .mamibi
kita.
Padi: Amang Langitnon, si Jesus binuhay Mo liwat sa mga

gadan. Kami may pagtubod na bagong buhay itatao Mo
sa kinaban. Huli ki Cristo samong
137
Liturgia kan Eucaristia
LITURGIA KAN EUCARISTIA
Padi: Inoomaw ka, Kagurangnan, Dios nin gabos na linalang,

huli ta sa Saimong pagkamatinao nag-ako kami nin
tinapay, na idinodolot mi Saimo, bunga kan daga asin
kan gibo kan mga kamot nin mga tawo: ini magigin
para samo tinapay nin buhay.
Banwaan: Pag-omawon an Dios sagkod pa man.
Padi: Huli sa misterio kaining tubig asin arak magi man lugod kaming kahiras
sa pagka-Dios niya, na nagpakumbabang magin kahiras sa samong
pagka-tawo.
Inoomaw ka, Kagurangnan, Dios nin gabos na linalang,

huli kan Saimong pagkamatinao nag-ako kami nin
arak, na idinodolot mi Saimo, bunga kan balagon asin
kan gibo kan mga kamot nin mga tawo: ini magigin
para samo inomon nin kalag.
Banwaan: Pag-omawon an Dios sagkod pa man.
138
Padi: Sa kapakumbabaan asin pagsolsol maako mo man lugod kami,
Kagurangnan; asin lugod an samuyang atang sa atubang mo ngonian,
maoyonan Mo, Kagurangnan na Dios.
Hugasi ako, Kagurangnan, sa sakuyang karatan, asin linigi ako

sa sakuyang kasalan. . .
Magpamibi kamo, mga tugang,

tanganing an sako asin an saindong atang
maako man lugod
kan Dios Amang makakamhan.
Banwaan: Akoon man lugod kan Kagurangnan an atang sa saimong mga kamot
para sa kaomawan asin kamurawayan kan saiyang ngaran para man
sa pakinabang niato asin kan bilog niyang banal na Simbahan.
=================================================================
PAMIBI SA MGA ATANG

Kagurangnan,
nagrorokyaw sa mga kaogmahan
kan Pascua, nagdodolot kami
nin mga sacrifcio, na huli kaini
an Saimong Simbahan makangangalas
na namumundag-liwat asin pinapakakan.
Huli ki Cristo
=================================================================
PAMIBI SA MGA ATANG
Kagurangnan, namimibi kami,

kaugaying akoa an mga atang
kan Saimong mga banwaan, tanganing,
binago kan pagpahayag kan Saimong ngaran
139
asin kan Bonyag, magkamit sinda
kan daing tapos na kaogmahan.
Huli ki Cristo
=================================================================
PAMIBI SA MGA ATANG

kaheraking akoa an mga dolot
kan Saimong familia, tanganing, sa tabang
kan Saimong pagbantay, dai ninda mawara
an mga iwinaras, kundi makamtan ninda
an mga balaog na daing-sagkod.
Huli ki Cristo
=================================================================
=================================================================
PAMIBI SA MGA ATANG

akoa an mga sacrificio sa pagtubos
kan katawohan,
asin kaugaying hamanon Mo samo
an kaligtasan nin kalag asin hawak.
Huli ki Cristo
=================================================================
PAMIBI SA MGA ATANG

kaugaying akoa an mga sacrificio,
na maogma niamong dinodolot
140
para sa mga namundag-liwat,
asin sa pagpahidali kan langitnon
na tabang. Huli ki Cristo
=================================================================
PAMIBI SA MGA ATANG

Kagurangnan,
kaugaying gibohang bolanos samo
an panugang honglonan
nin mga atang kan Pascua,
tanganing makabalyo kami
hale sa mga kinabanon na pagka-ara,
pasiring sa langitnon na kamawotan.
Huli ki Cristo
=================================================================
=================================================================
PAMIBI SA MGA ATANG

warasan na kami danay na mag-ogma
huli kan mga misterio pascual,
tanganing an padagos na gibo
kan pagbago samo magin para samo
danay na dahilan nin kaogmahan.
Huli ki Cristo
=================================================================
domingo - ii kan pascua
PAMIBI SA MGA ATANG

Kagurangnan, nakikimaherak kami,
na akoon Mo an mga atang kan Saimong
141
banwaan asin kan mga namundag liwat
Saimo, tanganing an mga binago
huli kan pagtubod sa Saimong ngaran
asin huli kan Bonyag, magkamit
kan kapaladan na daing kasagkoran.
Huli ki Cristo
=================================================================
domingo - iii kan pascua
PAMIBI SA MGA ATANG

Namimibi kami, Kagurangnan, akoon Mo
an mga mga atang kan nag-oogmang
Simbahan, asin sa saiya na Saimong
tinawan kan dahilan nin siring kadakulang
kaogmahan, warasan Mo kan bunga
nin daing-sagkod na kagaya-gayahan.
Huli ki Cristo
=================================================================
=================================================================
domingo - iv kan pascua
PAMIBI SA MGA ATANG

warasan na kami danay na mag-ogma
huli kan mga misterio pascual,
tanganing an padagos na gibo
kan pagbago samo magin para samo
danay na dahilan nin kaogmahan.
Huli ki Cristo
=================================================================
domingo - v kan pascua
PAMIBI SA MGA ATANG

O Dios, kaming ginibo Mong mga kahiras
142
kan saro asin pinaka-halangkaw
na Pagkadios, huli sa paggalang
kan pagpatinao-taohan kaining sacrificio,
namimibi kami, warasan, na, siring na
minidbid mi an Saimong katotoohan,
kami makasunod man nanggad kaiyan
sa mga marahay na gawe. Huli ki Cristo
=================================================================
domingo - vi kan pascua
PAMIBI SA MGA ATANG

Kagurangnan, umitaas lugod pasiring Saimo
an samong mga pamibi, kaiba kan mga
pagdolot nin mga Sacrificio, tanganing
kaming nalinigan kan Saimong karahayan,
ma-andam kan mga Sacramento
nin dakulang kabanalan.
Huli ki Cristo
=================================================================
prefacio i sa pascua
an misterio pascual
Padi: An Kagurangnan mapasaindo.

Banwaan: Asin sa saimong Espiritu.
Padi: Iitaas an mga puso.

Banwaan: Initaas mi na sa Kagurangnan.
Padi: Magpasalamat kita sa Kagurangnan satuyang Dios.

Banwaan: Maninigo asin dapat.
Padi: Totoong maninigo asin dapat,

matanos asin nakakaligtas,
na Ika, Kagurangnan,
ipagrokyaw sa gabos na panahon,
143
ata ngani mas mamuraway na iharubay
orog nang gayo sa bangging (aldaw na) ini
(orog nang gayo sa panahon na ini)
na si Cristo samong Pascua idinolot na sacrificio.
Ta Siyang gayo an tunay na Cordero

na nagpara kan mga kasalan kan kinaban.
Sa pagkagadan, rinompag Niya an samong kagadanan
asin sa pagkabuhay-liwat ibinalik an buhay.
Kaya, sa labi-labing kaogmahan kan pascua,

nag-oogma an gabos sa bilog na kinaban.
Pati ngani an mga langitnon na virtudes
asin an angheles na potestades,
nag-aawit kan himno kan Saimong kamurawayan,
daing tapos na nagsasabi:
Gabos: Banal, Banal, Banal an Kagurangnan Dios nin mga Hukbo.

An langit asin daga pano kan saimong kamurawayan.
Hosanna sa kaitaasan. Paladan an minadigdi sa ngaran kan
Kagurangnan. Hosana sa kaitaasan.
prefacio ii sa pascua
an bagong buhay ki Cristo




144
orog nang gayo sa panahon na ini
Huli Saiya namumundag an mga aki nin liwanag

para sa buhay na daing kasagkoran
asin nabubuksan an mga tata
kan langitnon na kahadean sa mga maimbod.
Huli ta tinubos an samong kagadanan
kan Saiyang kagadanan, asin sa pagkabuhay Niya liwat
an gabos nabuhay liwat.

Kaya an mga langitnon na virtudes
asin an mga anghel na potestades,

prefacio iii sa pascua
si Cristo buhay asin danay na namimibi para samo




145
Dai Siya nag-ontok sa pagdolot kan sadiri para samo,

ata ngani danay na sinusurog kami sa atubang Mo;
idinolot na sacrificio, dai na siya nagagadan;
ginadan, siya danay na buhay.


prefacio iv sa pascua
an pagbago kan gabos huli kan misterio pascual




146
Huli ta sa pagkarompag kan lumang pagkabuhay,

an gabos na isinikwal, binabago,
asin an karahayan kan buhay
ibinabalik samo ki Cristo.


prefacio v sa pascua
si Cristo : an padi asin victima




147
Sa pagdolot kan sadiring hawak,

linubos an mga daan na sacrificio
sa katunayan kan cruz,
asin sa pagpaubaya kan sadiri Saimo
para samong kaligtasan,
nagpamidbid siyang padi, altar asin cordero.


PAMIBI SA EUCARISTIA II
Padi: Kagurangnan, Ika nanggad an Banal, burabod nin

gabos na kabanalan. Kaya ining mga atang, namimibi
kami, pabanala kan ambon kan Saimong Espiritu,
tanganing para samo magin Hawak asin + Dugo
kan samong Kagurangnan na si Jesu-Cristo.
Kan Siya nagtugot na pasaluiban sa sagkod sa Pasion,

nagkua Siya nin tinapay, asin pagpasalamat; binaak ini,
asin itinao sa Saiyang mga disipulo na an sabi:
MAG-AKO KAMO GABOS

ASIN MAGKAKAN KAINI:
TA INI AN SAKUYANG HAWAK,
NA IDODOLOT PARA SAINDO. . .
148
Siring man, pakapamanggi, pagkua niya man nin calis,
asin giraray pagpasalamat Saimo, itinao sa saiyang
mga disipulo, na an sabi:
MAG-AKO KAMO GABOS

ASIN MAG-INOM KAINI:
TA INI AN CALIS KAN SAKUYANG DUGO,
KAN BAGO ASIN DANAY NA TIPAN,
NA PAPABOLOSON PARA SAINDO
ASIN PARA SA DAKUL
SA PAGPATAWAD KAN MGA KASALAN.
INI PAGGIBOHON NINDO
SA PAGROMDOM SAKO. . .
Misterio kan Pagtubod!
Banwaan: An pagkagadan mo, Kagurangnan, ipinapamareta niamo,

an pagkabuhay mo liwat ipinapahayag, sagkod na ika magdatong.
Padi: Kaya kami na nagroromdom
kan saiyang pagkagadan asin pagkabuhay-liwat,
nagdodolot Saimo, Kagurangnan,
kan tinapay nin buhay asin calis nin kaligtasan,
nagpapasalamat ta pinapagkanigo Mo
na mag-atubang asin maglingkod Saimo.
Asin nakikimaherak kaming nag-aarang,
na kaming nagpapakinabang kan Hawak asin Dugo
ni Cristo pagsararoon kan Espiritu Santo.
Giromdoma, Kagurangnan, an Saimong Simbahan
na nakalakop sa bilog na kinaban,
tanganing malubos Mo siya sa pagkamoot
kaiba kan samong Papa si _____
asin kan samong Obispo si _____
asin kan gabos na clero.
======================================================
Giromdoma an Saimong sorogoon, si _____,
149
na inapod Mo (ngonian) Saimo hale sa kinaban na ini.
Itugot Mo, na an katubo sa pag-arog
sa kagadanan kan Saimong Aki,
makisumaro sa Saiya man sanang pagkabuhay-liwat.
======================================================
Siring man giromdoma sa Saimong pagkaherak,
an samong mga tugang na nagturog sa paglaom
kan pagkabuhay-liwat, asin an gabos na mga gadan,
dangan akoa sinda sa liwanag kan Saimong lalawgon.
Kaheraki kami gabos, namimibi kami,
tanganing kaiba ni Santa Maria,
Virgen na Ina kan Dios,
kan paladan na si Jose, saiyang Esposo,
kan mga banal na Apostoles asin gabos na Santos
na kaidto pa nakapagaya-gaya Saimo,
magkanigong magin kahiras
kan buhay na daing kasagkoran,
mag-omaw asin magpamuraway Saimo siring man,
huli sa Aki Mong, si Jesu-cristo:
HULI SAIYA, ASIN KAIBA NIYA, ASIN SA SAIYA,
SAIMO DIOS AMANG MAKAKAMHAN
SA PAGKASARO KAN ESPIRITU SANTO,
AN GABOS NA KAGALANGAN ASIN KAMURAWAYAN,
SA GABOS NA KAPANAHONAN KAN MGA PANAHON.
Banwaan: Amen.
PAMIBI SA EUCARISTIA III
Padi: nakabuka an mga takyag, nagsasabi:
Kagurangnan, Ika nanggad an Banal,
asin an gabos na linalang na inaataman Mo
maninigong nag-oomaw Saimo,
huli ta sa Saimong Aki,
samong Kagurangnan, Jesu-Cristo
sa bagsik asin kusog kan Espiritu Santo,
binubuhay asin pinapabanal Mo an gabos,
asin dai ka nag-oontok sa pagtipon
kan banwaan para Saimo,
tanganing poon pagsirang sagkod pagsolnop
kan saldang
malinig na atang ikadolot sa Saimong ngaran.
150
benebendito an mga kamot, dangan laob an mga ini sa ibabaw
kan mga atang, nagsasabi:
Kaya, Kagurangnan,
kami nakikimaherak na nag-aarang Saimo,
na ining mga atang na dinadara mi Saimo
tanganing mabendicionan,
papagkanigoang pabanalon
kan iyo man sanang Espiritu,
benebendito an mga kamot; dangan benebendicionan an hostia asin arak,
nagsasabi:
tanganing magin Hawak asin + Dugo
kan Saimong Aki, samong Kagurangnan Jesu-Cristo:
benebendito an mga kamot

sa Saiyang pagboot sine-celebrar mi ining mga misterio.
Ta kan banggi na Siya pinasaluiban,
nagkua nin tinapay
asin pagpasalamat Saimo, nagbendicion,
binaak, asin itinao sa Saiyang mga disipulo,
na an sabi:
MAG-AKO KAMO GABOS

ASIN MAGKAKAN KAINI:
TA INI AN SAKUYANG HAWAK,
NA IDODOLOT PARA SAINDO. . .
Siring man, pakapamanggi,
pagkua niya nin calis asin pagpasalamat Saimo,
nagbendicion,
asin itinao sa Saiyang mga disipulo, na an sabi:
MAG-AKO KAMO GABOS

ASIN MAG-INOM KAINI:
TA INI AN CALIS KAN SAKUYANG DUGO,
KAN BAGO ASIN DANAY NA TIPAN,
NA PAPABOLOSON PARA SAINDO
ASIN PARA SA DAKUL
SA PAGPATAWAD KAN MGA KASALAN.
INI PAGGIBOHON NINDO
SA PAGROMDOM SAKO. . .
151
Misterio kan Pagtubod!
Banwaan: An pagkagadan mo, Kagurangnan, ipinapamareta niamo,

an pagkabuhay mo liwat ipinapahayag, sagkod na ika magdatong.
Padi: nakabuka an mga takyag, nagsasabi:

Kaya, Kagurangnan, kami na nagroromdom
kan nakakaligtas na pasion kan Saimong Aki
asin kan makangangalas na pagkabuhay-liwat
patin pagsakat sa langit,
siring man kaming naghahalat
kan Saiyang ikaduwang pagdatong,
nagpapasalamat na nagdodolot Saimo
kaining buhay asin banal na sacrificio.
Lilingya, namimibi kami,

an dolot kan Saimong Simbahan
asin sa pagmidbid Mo kan Hostia,
na sa pagsacrificio kaiyan, minawot Mong maulian boot,
itugot Mo na kaming binabago kan Hawak asin Dugo
kan Saimong Aki,
pano kan Saiyang Espiritu Santo,
maabtan man logod na sarong hawak
asin sarong espiritu ki Cristo.
Gibohon Niya logod kaming daing-sagkod
na dolot Saimo,
tanganing kaiba kan Saimong mga pinili
makamtan mi an pamana,
enot, kaiba kan orog kapalad na Virgen Maria,
Ina kan Dios, kan paladan na si Jose, saiyang Esposo,
kaiba kan Saimong santos Apostoles
asin mamuraway na Martires ( kaiba ni: _____ )
patin gabos na mga Santo:
sa danay nindang pagsurog sa atubang Mo
nagsasarig kaming matabangan.
Ining Hostia kan samong pakipag-ulian,

namimibi kami, Kagurangnan,
152
makapauswag man logod kan katoninongan
asin kaligtasan sa bilog na kinaban;
an Saimong Simbahan, na nagbabaklay sa daga,
papagkanigoang magsarig sa pagtubod asin pagkamoot
kaiba kan Saimong sorogoon si _____, samong Papa
asin kan samong Obispo si _____,
kaiba kan gabos na obispo, asin gabos na clero,
asin kan bilog na banwaan na tinipon Mo.
Kaugayi an mga panuga kaining familia,

na binoot Mong maki-atubang Saimo.
Maugayon na Ama, kaheraking pagsararoa Saimo,
an gabos Mong aki saen man sinda nakawarak.
An mga + tugang niamong gadan
asin an gabos na nagpapagaya-gaya saimo,
na nagtalikod na sa panahon na ini,
maboot Mong akoon sa Saimong kahadean,
naglalaom kaming makakaduman,
tanganing sarabay kaming mapano sagkod pa man
kan Saimong kamurawayan,
======================================================
+ Giromdoma an Saimong sorogoon si _____,

na inapod Mo Saimo(ngonian) hale sa kinaban na ini.
Tugoti, na an katubo sa pag-arog sa kagadanan
kan Saimong Aki,
makisumaro man sa Saiyang pagkabuhay-liwat,
kun nuarin babangonon Niya an mga gadan sa laman
hale sa daga
asin ibabaing an hawak ming hamak
sa mamuraway Niyang hawak.
Dangan an mga tugang niamong gadan
asin an gabos na magaya-gaya Saimo
nagtalikod na sa panahon na ini,
maboot Mong akoon sa Saimong kahadean,
naglalaom kaming makakaduman,
153
tanganing sarabay kaming mapano sagkod pa man
kan Saimong kamurawayan,
kun nuarin papahidon Mo an gabos na luha
sa samong mga mata,
nin huli ta Ika, sa katunayan Mo, samuyang Dios,
mahihiling niamo
asin makakabaing Saimo sa gabos na panahon,
asin daing tapos na mag-oomaw Saimo
======================================================
benebendito an mga kamot
huli ki Cristo, samong Kagurangnan,

sa paagi Niya iwinawaras Mo
an gabos na karahayan sa kinaban. +
kinukua an patena asin an caliz, dangan ibabayaw na sinasabi:
HULI SAIYA, ASIN KAIBA NIYA, ASIN SA SAIYA,

SAIMO DIOS AMANG MAKAKAMHAN
SA PAGKASARO KAN ESPIRITU SANTO,
AN GABOS NA KAGALANGAN
ASIN KAMURAWAYAN,
SA GABOS NA KAPANAHONAN
KAN MGA PANAHON.
Banwaan: Amen.
COMUNION
Padi: Natukdoan kan mga nakakaligtas na tugon, asin
pinatood kan Diosnon na kaugalian, nangangahas
kitang magsabi:
Gabos: AMA NIAMO, NA YAON SA LANGIT;
PABANALON AN NGARAN MO;
MAGDATONG AN KAHADEAN MO;
MANGYARI AN BOOT MO SA DAGA
NIN SIRING SA LANGIT.
AN SAMONG KAKANON SA AROALDAW
ITAO MO SAMUYA NGONIAN,
ASIN PATAWADON MO KAMI
SA SAMONG MGA KASALAN,
SIRING NA PINAPATAWAD NIAMO
154
AN MGA NAGKAKASALA SAMUYA,
ASIN HARE KAMI PAGDARAHA SA SUGOT;
KUNDI AGAWA KAMI SA MARAOT.
Padi: Agawa kami sa gabos na maraot,
namimibi kami Kagurangnan;
warasan sa mga aldaw niamo an katoninongan,
tanganing kaming natabangan
kan Saimong pagkaherak
magin danay na talingkas sa kasalan
asin man ligtas sa gabos na kapurisawan:
mantang kami naghahalat kan maogmang paglaom
asin pagdatong kan samong paraligtas
na si Jesu-Cristo.
Banwaan: Huli ta saimo an kahadean, asin an kapangyarihan,
siring man an kamurawayan sa mga kapanahonan.
Padi: Jesu-Cristong Kagurangnan,

ika na nagsabi sa Saimong mga apostol:
katoninongan iwinawalat ko saindo,
an sakong katoninongan itinatao ko saindo:
hare paghilinga an samong mga kasalan,
kundi an pagtubod kan saimong simbahan;
asin papagkanigoa na siya mapatoninong
asin magkaboronyog sosog sa saimong kabotan.
Ika na nabubuhay asin naghahade
sa kapanahonan kan mga panahon.
Banwaan: Amen
Padi: An katoninongan kan Kagurangnan danay
na mapasaindo.
Padi: Magpatinaraohan kamo nin katoninongan.

Ining pagsalak kan hawak asin dugo kan Kagurangnan niatong
si Jesu-Cristo magdara sato na mga nag-aako kaini sa buhay na daing
kasagkoran.
Gabos: Cordero kan Dios, na nagpapara kan mga kasalan

kan kinaban: kaheraki kami.
Cordero kan Dios, na nagpapara kan mga kasalan
kan kinaban: kaheraki kami.
155
Cordero kan Dios, na nagpapara kan mga kasalan
kan kinaban: tawi kami nin katoninongan.
Padi: Jesu-Cristong Kagurangnan, Aki kan Dios na buhay, Ika, na sa pagboot

kan Ama, sa tabang kan Espiritu Santo, nagtaong buhay sa kinaban
huli kan Saimong pagkagadan: agawa ako huli kaining orog kabanal
Mong Hawak asin Dugo sa gabos kong kasalan asin gabos na karatan:
asin giboha akong danay na dayupot sa Saimong mga tugon,
asin dai Mo nanggad itugot na ako makasuhay Saimo.
An pag-ako kan saimong Hawak asin Dugo, Jesu-Cristong Kagurangnan,

dai man lugod magin hukom asin padusa sako: kundi huli kan saimong
pagkaherak, magin kalasag ko sa isip asin hawak,
asin bulong na makakapa-omay.
Uya an cordero kan Dios,

uya an nagpapara kan mga kasalan
kan kinaban.
Paladan an mga inapod sa pamanggi
kan cordero.
Banwaan: Kagurangnan, bako akong maninigo na ika magdagos sa sakuyang

harong: alagad magtaram ka sana, asin an sakong kalag maoomayan.
Padi: Atamanon man lugod ako kan hawak [ dugo ] ni Cristo sagkod sa buhay
na daing kasagkoran.
(mantang naglilinig, an padi hilom nagsasabi. . .)
An inako kan samong ngoso, Kagurangnan, mapakinabangan man lugod
niamo sa malinig na kalag, asin ining inako niamo digdi sa kinaban
magi ming bulong na daing kasagkoran.
=================================================================
Antifona sa Comunion:
Si Cristo satong Pascua idinolot na sacrificio; kaya magpintakasi kita sa tinapay
na daing levadura nin kalinigan asin katotoohan, alleluia, alleluia!. . .1 Corinto 5 : 7 – 8
156
PAMIBI PAKA-COMUNION
Mamibi kita. . .
O Dios,
hilinga an Saimong Simbahan
sa danay asin banal na karahayan,
tanganing,
binago kan mga misterio pascual,
makaabot siya sa kamurawayan
nin pagkabuhay-liwat.
Huli ki Cristo
=================================================================
=================================================================
Si Cristo na nabuhay-liwat sa mga gadan, ngonian dai na nagagadan, an kagadanan
dai nanggad makakasakop saiya, alleluia!. . .Roma 6 : 9
157
Mamibi kita. . .

an gracia kan sacramento pascual
magsupay sa samong mga isip,
tanganing, an ginibo Mong maglakaw
sa dalan nin danay na kaligtasan,
papagkanigoon sa Saimong mga balaog.
Huli ki Cristo
=================================================================
=================================================================
158
Kun kamo nabuhay-liwat kaiba ni Cristo, hagadon nindo an mga bagay sa langit,
kun saen si Cristo nagtutukaw sa too kan Dios; namitan nindo an mga bagay
na langitnon, alleluia!. . .Colosas 3 : 1 – 2
Mamibi kita. . .
O Dios na makakamhan,
hinanyoga kami, asin, sa pagkamit
kan danay na kapaladan,
andama an mga puso kan Saimong familia,
an tinawan Mo kan lubos na gracia
kan Bonyag.
Huli ki Cristo
=================================================================
=================================================================
159
Si Jesus na Kagurangnan namidbid kan mga disipulo sa pagbaak kan tinapay,
alleluia!. . .Lucas 24 : 35
Mamibi kita. . .
Kagurangnan,
namimibi kaming mga nalinigan
kan gabos na daan na pagkabuhay,
na an magalang na pakisumaro
sa mga Sacramento kan Saimong Aki
maghimo samong magin bagong linalang.
Huli ki Cristo
=================================================================
=================================================================
160
Banwaan na binalukat, iharubay an mga kabagsikan niya, na nag-apod saindo
hale sa kadikoman pasiring sa makangalas niyang liwanag, alleluia!. . .1 Pedro 2 : 9
Mamibi kita. . .
Kagurangnan,
hinanyoga an samong mga pamibi,
tanganing an orog kabanal na honglonan
kan samong pagtubos
magdara samong tabang
sa buhay ngonian, asin magwaras
nin mga kaogmahan sagkod pa man.
Huli ki Cristo
=================================================================
=================================================================
161
Si Jesus nagsabi sa saiyang mga disipulo: Madya kamo, magkakan. Asin kinua
an tinapay, asin tinao sainda, alleluia!. . .Juan 21 : 12 – 13
Mamibi kita. . .

padagos Mong bantayan
an mga linigtas Mo sa kabanalan,
tanganing, an mga tinubos sa Pasion
kan Saimong Aki, mag-ogma
sa Saiyang Pagkabuhay-liwat.
Siya na nabubuhay asin naghahade
sa kapanahonan
=================================================================
=================================================================
162
Kamo gabos na binonyagan ki Cristo, iginubing si Cristo, alleluia!. . .Galacia 3 : 27
Mamibi kita. . .

kaugaying hilinga an Saimong banwaan,
asin an pinagkanigo Mong mabago
kan mga danay na misterio,
warasan Mong magkamit
kan pagkabuhay-liwat kan dai-matunaw
na laman na papamurawayon.
Huli ki Cristo
=================================================================
=================================================================
PAGPAHUMALE

Padi: Iduko an mga payo, maghagad nin bendicion:
163
Bendicionan kamo kan Dios na makakamhan,
huli kan solemnidad kan Pascua ngonian,
asin kaherakan kamong sorogon sa mga paghipa
kan gabos na kasalan. . .
Banwaan: Amen.
Padi: Asin, Siyang nagsulit saindo sa buhay na daing

kasagkoran huli kan pagkabuhay-liwat kan Bogtong
Niyang Aki, panoon kamo kan mga premio nin buhay
na daing kagadanan. . .
Banwaan: Amen.
Padi: Asin, mantang tapos na an mga aldaw kan Pasion

kan Kagurangnan, kamong nagcecelebrar kan mga
kaogmahan kan Fiesta Pascual, huli kan Saiya
man sanang pagtabang, makaabot na nagrorokyaw
an mga kalag, sa fiestang ini na sinecelebrar
sa kaogmahan sagkod pa man. . .
Banwaan: Amen.
Padi: Bendecionan kamo kan Dios na Makakamhan:

+ Ama, asin Aki, asin an Espiritu Santo.
Banwaan: Amen
Padi: Lakaw kamo sa katoninongan ni Cristo: Alleluia!

Alleluia!
Banwaan: Salamat sa Dios. Alleluia! Alleluia!
=================================================================
=================================================================
domingo ii kan pascua ( abc )

domingo nin diosnon na pagkaherak
164
Sa pila kan saimong kamot, asin midbida an mga pinakoan, asin dai ka magduwa-
duwa, alagad magtubod, alleluia!. . .Juan 20 : 27
Mamibi kita. . .
O Dios, na makakamhan,
itogot Mo, namimibi kami,
na an pakasabot
kan sacramento pascual
padagos na magdanay
sa samong mga isip.
Huli ki Cristo
=================================================================
=================================================================
PAGPAHUMALE

165

Banwaan: Amen.

Banwaan: Amen.

Banwaan: Amen.

Banwaan: Amen

Alleluia!
=================================================================
=================================================================
Antifona sa Comunion ( A ):
Namidbid kan mga disipulo si Jesus na Kagurangnan sa pagbaak kan tinapay,
alleluia!. . .Lucas 24 : 35
166
=========================================================================
Antifona sa Comunion ( B ):
Kaipohan na si Cristo magsakit, asin mabuhay-liwat sa mga gadan na sa ika-tolong
aldaw, asin sa saiyang ngaran iharubay sa gabos na mga banwaan an pagsolsol asin
ankapatawadan nin mga kasalan, alleluia!. . .Lucas 24 : 46 – 47
=========================================================================
Antifona sa Comunion ( C ):
Si Jesus nagsabi sa saiyang mga disipulo: “Madya kamo, magkakan.” Asin kinua
an tinapay, asin tinao sainda, alleluia! . . .Lucas 24 : 35
Mamibi kita. . .

kaugaying hilinga an Saimong banwaan,
asin an pinagkanigo Mong mabago
kan mga danay na misterio,
warasan Mong magkamit
kan pagkabuhay-liwat kan dai- matunaw
na laman na papamurawayon.
Huli ki Cristo
=================================================================
=================================================================
PAGPAHUMALE

167
Banwaan: Amen.

Banwaan: Amen.

Banwaan: Amen.

Banwaan: Amen

Alleluia!
=================================================================
=================================================================
168
An marahay na Pastor nabuhay liwat, siya na nagdusay kan saiyang buhay
para sa saiyang mga karnero, asin nagkanigong magadan para sa saiyang
ariponpon, alleluia !
Mamibi kita. . .
O marahay na Pastor, kaugaying antabayi

an Saimong ariponpon,
asin an mga karnerong tinubos Mo
huli kan mahal na dugo kan Saimong Aki,
papagkanigoon Mong tiponon
sa mga sabsaban na daing kasagkoran.
Huli ki Cristo
=================================================================
=================================================================
PAGPAHUMALE

169
Banwaan: Amen.

Banwaan: Amen.

Banwaan: Amen.

Banwaan: Amen

Alleluia!
=================================================================
=================================================================
170
“Ako an tunay na balagon asin kamo an mga sanga,” olay kan Kagurangnan;
“an nagdadanay sakuya asin ako saiya, ini mabunga nin dakul, alleluia!
. . .Juan 15 : 1, 5
Mamibi kita. . .
Namimibi kami, Kagurangnan,

kaugaying maghumare Ka
sa Saimong banwaan na tinukdoan Mo
sa paagi kan mga langitnon
na misterio, asin palipaton Mo
hale sa lumang buhay
pasiring sa bagong buhay.
Huli ki Cristo
=================================================================
=================================================================
PAGPAHUMALE

171
Banwaan: Amen.

Banwaan: Amen.

Banwaan: Amen.

Banwaan: Amen

Alleluia!
=================================================================
=================================================================
domingo - vi kan pascua ( abc )
172
“Kun namomotan nindo ako, otobon nindo an sakong mga tugon,”
olay kan Kagurangnan. “Asin ako mamimibi sa Ama, asin itatao niya saindo
an saro pang Parasurog tanganing magdanay na kaiba nindo sagkod pa man.”
Alleluia !. . .Juan 14 : 15 – 16
Mamibi kita. . .

na sa pagkabuhay-liwat ni Cristo
nag-andam samo para sa buhay
na daing kasagkoran,
padakula samo an mga bunga
kan Sacramento kan Pascua
asin panoa an samong mga puso
kan kusog nin nakakaligtas na kakanon.
Huli ki Cristo
=================================================================
=================================================================
PAGPAHUMALE

173

Banwaan: Amen.

Banwaan: Amen.

Banwaan: Amen.

Banwaan: Amen

Alleluia!
=================================================================
174
domingo i - vi kan pascua ( abc )
asin octava
175
domingo i - vi kan pascua ( abc )
asin octava
176
177

Misa-Domingo I - Vi (ABC) Kan Pascua Asin Octava

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Misa-Domingo I - Vi (ABC) Kan Pascua Asin Octava

Uploaded by

Copyright:

Available Formats

AN SANTA MISA

domingo i - vi ( abc ) kan pascua asin octava

Padi: An gracia ni Jesu-Cristong Kagurangnan ta, an

An gracia asin an katoninongan na gikan sa Dios

GAWE NIN PAGSOLSOL

Padi: Mga tugang, akoon ta an satong mga kasalan,

Gabos: Nagkukumpisal ako sa Dios na makakamhan,

Padi: Maherak man logod sato an Dios na makakamhan

Padi: Ipahiling Mo samo, Kagurangnan, an Saimong

Padi: Maherak man logod sato an Dios na makakamhan

Padi: Ika na nagdigdi sa pag-apod kan mga parakasala:

Padi: Ika na nagtutukaw sa too kan Ama sa pagsurog samo:

Padi: Maherak man logod sato an Dios na makakamhan

Padi: Cristo, maherak ka.

Padi: Kagurangnan, maherak ka.

Kamurawayan sa Dios sa kaitaasan

domingo - i kan pascua

O Dios, na ngonian na aldaw,

lunes : octava kan pascua

O Dios, na danay na nagpapatalubo

martes : octava kan pascua

miercoles : octava kan pascua

O Dios, na pinapa-ogma kami

jueves : octava kan pascua

viernes : octava kan pascua

O Dios na makakamhan sagkod pa man,

sabado : octava kan pascua

domingo ii kan pascua ( abc )

O Dios nin daing sagkod na pagkaherak,

domingo - iii kan pascua ( abc )

O Dios danay lugod na magrokyaw

domingo - iv kan pascua ( abc )

O Dios na makakamhan sagkod pa man,

domingo - v kan pascua ( abc )

O Dios na makakamhan sagkod pa man,

domingo vi kan pascua ( abc )

Pagbasa sa mga Gibo kan mga Apostol:

Si Pedro nagtaram: “Aram nindo padagos nangyari sa bilog na

Tataramon kan Kagurangnan.

Simbag: “ Ini an aldaw na ginibonin Kagurangnan,

Pasalamatan nindo an Kagurangnan,

An toong kamot nin Kagurangnan nanggana;

An gabos na isinikwal kan mga paratogdok

Pagbasa sa Surat nin Pablo sa mga taga-Colosas:

Huli ta kamo nabuhay-liwat kaiba ni Cristo, hanapon nindo

Tataramon kan Kagurangnan.

Pagrokyaw: Alleluia! Alleluia! Alleluia!. . .Si Cristo

Pagbasa kan Banal na Evangelio sosog ki Juan.

Enot na aldaw nin semana pagka-aga madorodiklom pa,

Marahay na Bareta kan Kagurangnan.

Pagrokyaw: Alleluia! Alleluia! Alleluia!. . .Si Cristo

Pagbasa kan Banal na Evangelio sosog ki Lucas:

Kan aldaw man sanang idto, duwang disipulos na naglalakaw

Marahay na Bareta kan Kagurangnan.

Pagbasa sa mga Gibo kan mga Apostol:

Si Pedro nakatindog kaiba kan Once, naghagad na himateon siya

Simbag: “ Soroga ako, O Dios, Ika an sakong

Ampona ako, O Dios,

Itukdo mo sako an dalan nin buhay,

lunes sa octava kan pascua

Pagrokyaw: Alleluia! Alleluia! Alleluia! Iyo ini

Pagbasa kan Banal na Evangelio sosog ki Mateo.

Natatakot, alagad pano nin dakulang kaogmahan, hidaleng