RITO KAN PAG-AKO SA IMAHEN NIN EL DIVINO ROSTRO ASIN

NUESTRA SEÑORA DE PEÑAFRANCIA

Commentator: Sa satuyang pag-celebrar kan ika-500 na

taon nin Kristiyanismo sa satuyang nasyon,
satuya mang sineselbrar an ika- 139 na
taon kan debosyon sa Divino Rostro, asin
an ika-311 na taon kan debosyon ki
Nuestra Señora De Peñafrancia. An tema
kan satuyang selebrayon sa taon na ini na
iyo man an taon ni San Jose iyo an:

“An Paghiras kan Balaog nin pagtubod sa

Espiritu nin maimbod na pagkuyog ni
Maria asin Jose”

Matindog po an gabos.

An Padi minadolok sa Altar habang inaawit an awit sa pagpoon

Padi: +Sa Ngaran kan Ama, Asin kan Aki, Asin

kan Espiritu Santo,

Gabos: Amen.

Padi: An Kagurangnan mapasaindo.

1
Gabos: Asin sa saimong Espiritu.

Padi: Mga tugang, satuya na sasabaton asin

aakoon an imahen kan satuyang Mahal na
Ina asin an Divino Rostro. Logod an
celebrasyon na ini kan Kafiestahan kan
satuyang Mahal na Ina magdara sato sa
padagos na paghiras kan balaog nin
pagtubod na satuyang inako.

Mamibi kita:
Dios na Kagurangnan, namimibi kami,
Warasan sa saimong mga nasasangkoban
Na mag-ogma sa danay na karahayan nin
kalag asin hawak,
Asin, sa mamuraway na tabang ni Virgen
Maria, Nuestra Señora De Peñafrancia
Makaligtas sa kamundoan ngonian,
Asin makinabang kan daing tapos na
kaogmahan.
Huli ki Jesu Cristo, samong Kagurangnan.

Gabos: Amen.

Commentator: MATUKAW PO AN GABOS

An Debosyon sa Divino Rostro naghale pa

sa Osa de la Vega sa Espanya asin dinara sa
Kabikolan kan taon 1883 sa panahon kan
Epidemia na dara kan helang na Cholera
Morbo na naglakop sa bilog na rona. Huli sa
2
 tabang asin pagkaherak kan Divino Rostro,
an bilog na rona naligtas sa nasabing
epidemia asin poon kaidto sagkod ngonian,
an Divino Rostro tinatawan nin honra kaiba
an Virgen nin Peñafrancia.

Matindog po an gabos asin sarabay

niyatong iwagayway an satuyang mga
panyo asin maogma tang sabaton an
Imahen kan El Divino Rostro

Viva El Divino Rostro!

Dangan an Imahen kan Divino Rostro dinadara pasiring

atubangan kan altar asin iniinsensohan kan Padi bago ilaag sa
saiyang altar habang inaawit an Himno Ki Divino Rostro

Padi: PAMIBI KI DIVINO ROSTRO

O Jesus, sa saimong makuring pagsakit ika

nagin niamong pangarogan. Sa saimong
makalunos-lunos na lalawgon yaon an
dakulang pagkamoot.

Ako napupuspos kan sakong kamawotan

na ika kamotan asin logod kamotan kan
gabos siring man. Inoomaw ko an saimong
Banal na Lalawgon nin huli ta iyo iyan an
ladawan kan satong Ama sa langit.

An luha sa saimong mga mata garo sarong

perlas na sakong minamawot na makua

3
 asin maiatang para sa sako asin kan gabos
na makasalan.

O Jesus, papaglaada ako kan saimong

pagkamoot tanganing an sako sanang
maging kagustuhan iyo an paghorop-horop
kan saimong mamurawayon na lawog.
Amen.

Commentator: Matukaw po an gabos

An debosyon ki Nuestra Señora De

Peñafrancia nagpoon kan taon 1710 kan
nagpatindog nin sarong capilla sa
pamitisan kan Bulod nin Isarog si Padre
Miguel Robles de Covarrubias asin
nagpagibo nin ladawan kan Virgen nin
Peñafrancia. Sa padagos na paglakop kan
Debosyon sa Mahal ni Ina ipinagmawot kan
simbahan na tawan importansya asin
pagkilala ining dakulang debosyon kan mga
Bikolano ki Nuestra Señora De Peñafrancia
kaya kan taon 1924, siya kinoronahan asin
idineklara kan simbahan bilang Patrona
kan Bilog na Kabikolan.

Matindog po an gabos asin sarabay

niyatong iwagayway an satuyang mga
panyo asin maogma tang sabaton an
Imahen kan satuyang Mahal na Ina.

4
 Viva la Virgen!
Viva Nuestra Señora De Peñafrancia!
Viva sa satuyang mahal na Patrona!
Viva la Virgen!

Dangan an Imahen kan Nuestra Señora De Peñafrancia dinadara

pasiring atubangan kan altar asin iniinsensohan kan Padi bago
ilaag sa saiyang altar habang inaawit an Himno Ki Nuestra
Señora De Peñafrancia

Padi: Awiton po niato an Salve Regina

Salve Regina mater miseri cordiae, vita,

dulcedo et spes nostra salve
Ad te clamamus, exsules filii Hevae
Ad te suspiramis gementes et flentes in hac
lacrimarum valle
Eia ergo advocata nostra, illos tuos miseri
cordes oculos ad nos converte
Et Jesum benedictum fructum ventris tui
nobis post hoc exsilium ostende
O clemens, o pia, o dulcis virgo Maria

Ora pro nobis, sancta Dei Genetrix.

Gabos: Ut digni efficiamur promissionibus Christi.

Padi: Oremus

5
 Omnipotens sempiterne Deus, qui gloriosae
Virginis Matris Mariae corpus et animam,
ut dignum Filii tui habitaculum effici
mereretur, Spiritu Sancto cooperante,
praeparasti: da, ut cuius commemoratione
laetamur; eius pia intercessione, ab
instantibus malis, et a morte perpetua
liberemur. Per eundem Christum Dominum
nostrum. Amen

An Kagurangnan mapasaindo.

Gabos: Asin sa saimong Espiritu.

Padi: Bendicionan man logod kamo kan Dios na

makakamhan, an Ama, asin an Aki, + asin
an Espiritu Santo.

Gabos: Amen.

Padi: Lakaw kamo asin padagos na iheras an

balaog nin pagtubod asin debosyon an
satuyang inako.

Gabos: Salamat sa Dios!