KICHWA ANCHA CHANIYOQ KASQANMANTA

QILLQAY

Kay sumaq kichwa rimayninchik ñaupaq ancha sarupasqa

karqa manan kay irgikunapa yachaywasinpi yacharqachu
aswantaqmi kay castella simi nisqanta waputa yachachirqaku
kay kichwa rimayninchita mana rikukuqta ruwarqaku ichaqa
kunanqa kay yachaywasikunapi yachachinkuna chaiqa allinmi
Hinallataqmi kay kichwataqa rimanchik kay peru suyunchikpi
aswantaqa Qusqu llaqtapi Ayacucho llaqtapi, Puno llaqtapi,
Huancavelica llaqtapi, Apurímac, huk suyukunapipas kay
kichwa siminchiktaqa rimanku ecuadorsuyupi, Colombia, chile
qinallataq Bolivia suyukunapipas
Perú suyunchimpiqa kichwa simitaqa kay punchaukunapiqa
ancha allin simipaqmi qawarinku, ichaqa amaya chinkachunchu
puntaman apasunchi mirachisunchi
Kay kichwa simiqa Perú suyupi diversidad cultural nisqanpi
ancha chaniyuqmi.
¿imata rurachkanki?
Ñuqa llaqtayman rispaqa parlani turiykunawan paniykunawan
rimaniku chacra llankaypipas uywakunapa qipampipas
parlakunim kay sumaq runasimitaqa mana pinqakuspa
hinallataqmi kay yachaywasi instituto superior pedagógico jose
maria Arguedas nisqanpipas mastarinim kay
yachaymasiykunawan ruwaniku kay spotify nisqampipas
willakuyta mastariniku kay willakuykuna mastarikunampaq lliu
peru suyupi qinallataq uk suyukunamampas
Qinallataq ruwanikutaq kay yotube nisqanpi churaniku
videokunata willakuymanta chaynata puntaman qispirinanpaq
kay kichwa simincha allin riksisqa kanampas kay uh runa
simikuna qina mastarisqa kananta munaspaiko
Hinallataqmi watan wata ruraniku kay carnaval nisqanta kay
hatun poqoy killapi chaypi tusuniku takiniku kay
runasiminchikpi watan wata ruraniku kay raymikuta hinaspa
puntaman puririchiniku kay sumaq kichwanchikta.
Hinallataqmi kay wawaymanpas rimapayani kay kichwa
siminchikpi ñuqa munayman kay irgichay yachananta mana
pinqakuspa rimananpaq maypipas puntaman apananta kay
kichwa chaninchananta.
Kay peru suyuntinpi umalliqkuna manan kay kichwa rimaq
runakunataqa qawarinkucho aswan saruparunku chaymi
anchata piñakuni.

¿imakunata ruranki?

Ñuqa amautaqina yachachisaq kay irgichakunata kay

yachaywasi nisqampi taqsachanmata pacha chay paykuna
wiñanqa hinaspa puntaman puririchinqaku mana pinqakuspa.
Hinallataqmi ñuqa ruwayman kay kichwa tecnologico
yanapakuykunata yachasqanchi qina manan ancha tarikunchu
kay aplicacionkuna web nisqakuna kay kichwa siminchikpi
chaimy ñuqa kay programakuna ima willakuykunaman
yaykuyta yanapanqa, chaynata kallpachanqa kay runasimchikta
Hinallaqmi anchatawan yachayta munayman ari ñuqa
manaraqmi anchataqa qillqayta yachanichu chaymi
anchatawan yachapaspay kay qipa watakunaman
yachachiyman kay hatun yachaywasikunapi llaqtaykunapi kay
yachaywasikunapi hinallataqmi kay ivestigacion nisqantapas
rurayman qillqayman kay kichwa siminchikpi qinatinqa kay
qillqayniypas huk suyukunamanpas chayanman chayman
hinachiki kay kichwa siminchiqa chaninchasqa kanqa.

¿pikunawan rimanki?
Ñuqa rimani kay runa siminchikta kay taytawan mammaywan
paniywan turiywan chaynallataqmi llaqtaypi
umalliqkunawanpas amautakunawanpas hinallataqmi kay
yachaywasipi rimaniku kay yachaymasiykunawan kay qarawikuna
ruwaspa rimaniki