Dr. Jose Rizal – ang pambansang bayani ng Pilipinas. Ang
taong may matayog na pagtingin sa kabutihan ng bawat nilalang, lalong- lalo na ng kanyang mga kababayan ay karapat-dapat pag-ukulan ng paghanga, pagpipigitan at higit sa lahat ng puwang sa kaibuturan ng puso ng bawat Pilipino. Ang dakilang taong ito, bagama’t patay na, ay buhay pa sa alalaala ng bawat Pilipinong nagmamahal sa kanyang simulain at ideyalismo.
Ang kanyang buong pangalan ay Jose Protacio Rizal
Mercado y Alonzo Realonda. Siya ay ipinanganak sa lalawigan ng Laguna, noong ika-19 ng Hunyo, 1861. Siya ay ikapitong anak ni Francisco Engracio Rizal Mercado y Alejandro at ang asawa nitong si Teodora Morales Alonzo Realonda y Quintos. Noong ika-21 ng Nobyembre, 1849 ay ginamit ng pamilya ang apelyidong Rizal na nangangahulugang “luntiang bukurin.” Ang kanyang inang si Donya Teodora ang kanyang naging unang guro. Hindi lamang pagbasa, pagsulat, at pagbilang ang natutuhan niya sa kanyang ina kundi maging ang pagdarasal at pagsagot sa mga dasal.
9 na taong gulang si Jose nang siya ay ipinadala sa
Binyang at dito’y nag-aral sa ilalim ng pamamahala ni Ginoong Justiano Aquino Cruz. Siya naman ay nagsimulang pumasok sa Ateneo Municipal de Manila noong ika-20 ng Enero, 1872. Dito siya nagpamalas ng kahanga-hangang talas ng isip, at nagtamo ng lahat ng mga pangunahing medalya at notang Sobresaliente sa lahat ng aklat. Sa Paaralan ito ay tumanggap siya ng katibayang Bachiller En Artes at pagkailalang sobresaliente(Excellent), noong ika-14 ng Marso, 1877. Sa unibersidad ng Santo Tomas, nang sumunod na taon, ay nag-aral siya ng Filosofia y letras at lumipat sa pag- aaral ng medisina. Nagtapos din siya ng kanyang Land Surveying sa Ateneo noong 1878. Nagtungo siya sa Europa noong ika-5 ng Mayo, 1882 upang ipagpatulay ang kanyang pag-aaral.
Sa Madrid Espanya, ay nagpatuloy siya sa pag-aaral ng
Medicina at Filosofia y Letras. Taong 1884 ay nagsimula si Rizal sa pag-aaral ng Ingles; marunong na siya noon ng Pranses, sapagkat nag-aaral na siya ng wikang ito buhat nang umalis sa Pilipinas. Bukod sa mga wikang Italyano at Aleman sapagkat naghahanda siyang naglagbay sa iba’t-ibang bansa sa Europa. Ayon kay Wencelao Retana na unang sumulat ng talambuhay ni Rizal, ipinahayag ni Rizal na isinulat nito ang unang kalahati ng Noli Me Tangere sa Madrid noong nagtatapos 1884 o nang nagsisimula ang 1885; ang isangkapat ay isinulat niya sa Paris , at ang isangkapat ay sa Alemanya. Natapos ni Rizal ang Noli Me Tangere sa Berlin noong ika-21 ng Pebrero, 1887. Ipinalimbag ang nobelang ito sa limbagan ng kapisanang itinatag ni Ginang lette sa Berlin kung saan natapos ito noong taon din iyon- Marso 1887. Dalawang libong(2,000) sipi lamang ang ipinalimbag, at ang ibinayad niya sa pagpapalimbag ay hiniram niya kay Dr. Maximo Viola, taga-San Miguel, Bulakan. Ang nasabing halaga na umabot sa Php 300 ay binayaran niya kay Dr. Viola nang dumating ang padalang pera mula sa kanyang magulang. Ang El Filibusterismo na siyang kasunod ng aklat ng Noli Me Tangere ay ipinalimbag naman sa Chent,Belgium, noong 1891.
Noong ika-8 ng Hukyo, 1892, ay itinatag ni Dr, Rizal sa
Maynila ang La Liga Filipina, isang samahan ang mithiin ay ang mabago ang naghaharing sistema ng pamahalaan sa Pilipinas sa pamamagitan ng mapayapang paraan at hindi ng paghihimagsik. 21 taon pa lamang si Dr. Jose Rizal nang lisanin niya ang Pilipinas noong ika 5 ng Mayo, 1882 upang magpatuloy sa pag-aaral sa Espanya,Pransiya, at Alemanya. Nagbalik siya sa Pilipinas noong ika-5 ng Agosto, 1887. Umalis siyang muli sa Maynila noong ika-3 ng pebrero, 1888 upang magtungo sa Europa;Hong kong,Yokohama(Japan); San Francico at New York(US); at sa liverpool at London(US). Muli siyang nagbalik sa Maynila noong ika-26 ng Hunyo, 1889. Alinsunod sa kautusan ni Gobernador-Heneral Despujol noong ika-7 ng hulyo, 1892, ay ipinatapon si Rizal sa Dapitan noong ika-15 ng Hulyo noong taon din iyon dahil sa bintang na siya’y may kinalaman sa kilusang ukol sa paghihimagsik. Ito ay nasa isla sa hilagang-kanluran ng Mindanao, sa Dapitan ay nagtayo si Rizal ng isang maliit na paaralan at nagturo sa mga batang lalaki roon.
Siya’y binigyan ni Gobernaodr-Heneral Ramon Blanco ng
pahintulot na makapagkayag papupunatang Cuba. Ngunit habang naglalakbay si Dr. Rizal, patungong Espanya nanag magtatapos ang taong 1896 ay hinuli siya sa kanyang sinasajyang barko nang dumaong ito sa Barcelona at ibinalik siya sa Pilipinas. Ipiniit si Dr. Rizal sa Maynila sa Real fuerza de santiago. Nang iharap siya sa Hukumang Militar at litisin ay nahatulan siyang barilin sa bugambayan. Isinulat ni Dr. Rizal ang “Mi Ultimo Adios”(huling paalam). Ito ang huling isinulat ni Dr. Jose Rizal bago siya binaril sa bagumbayan(Rizal Park o Luneta ngayon) noong ika-30 ng Disyembre, 1896.