NASKAH SOSIO

XII IPS 4
KEARIFAN LOKAL DAN PEMBERDAYAAN

PEMERAN
1. Babeh : Aldino
2. Nyak : Nurlela
3. Mpok Julaeha : Jelyta
4. Rahmat : Galang
5. Rozak : Bayu
6. Jaenab : Naila
7. Adul : Zulkifli
8. Paman Julaeha : Zidan
9. Bibi Julaeha : Putri
10. Paman Adul : Ahad
11. Bibi Adul : Suci
12. Besti Julaeha : Syahla & Nafiisah Mei
13. Besti Adul : Rafly & Abdus
14. Palang Pintu : Galuh & Afri
15. Penghulu : Ilham
16. Penari : Khayla
17. MC : Sharon
18. Dian : Nafisah
19. Jaja : Davit
20. Oky : Nafisah Mei
CHAPTER 1
(kumpul keluarga)
Rahmat: "Nyak aye laper nyak, gada makanan ape?"
Nyak: "Noh ada, di tudung saji jangan manja lo!"
Rahmat: "Ah makanannye ini mulu nyak, kali2 kek mekdi kaepci, yang kata diluar2 ono
nyak"
Nyak: "Makanan diluar mah penyakit, masakan enyak paling sehat tinggi giji"
Babeh: "bener noh kata nyak lo, babeh aje kecintaan sama masakan nyak lo ini"
Nyak: "ah babeh bisa aje"
Rahmat: "udeh udeh, geli nyak aye dengernye, aye makan dah ni makanan enyak yg paling
sehat"
Nyak: "Nih deh, dibanding elu ngerengek minta makanan luarrrrrr. mendingan gua masakin
elu2 pada nii soto betawi yeee"
Julaeha: "Mau dongg mau bikin soto betawi ye nyak? Najung maooo"
Babeh: "jiehh gini lu baru keluar jung..jungg"
Rahmat: "bener ntuuuu, giliran makanan ajee cepet, tapi kalo lagi pengen dimintain tolong
aje.. ngibrit anaknyee, jiehhh"
Julaeha: "terserah aye, wlee"
Nyak: "udehh udehh, najung! Lu bantuin enyak masak, jangan mau makan doang lu! Anak
perempuan gaboleh males!"
Julaeha: "iyee iyeee nyakk"

(di dapur)
Julaeha: “Nyak, aye harus ngapain dulu nih nyak?
Nyak: “Pake nanya lu! Udeh lu ambil aje daging ama rempah-rempah, udah nyak siapin lu
tinggal rebus aje.”
Julaeha: “yaudeh nyak iye”
Julaeha: “Kalo udeh ngapain lagi nih aye”
Nyak: “Kalo udeh tumis nih bumbu. Nyak mau meres Santen”
Julaeha: “iye iyee”
Nyak: “minggir, gua mau naro Santen.”
Nyak : “lu ambil babat ama daging sono”
Julaeha: “iye nyak”
Julaeha: “nih nyak”
Nyak : "setelah entu, masukin deh babat sama dagingye"
Julaeha: "Akhirnye udeh jadi jugaa wangi bgt ye nyak"

(soto betawi dihidangkan, mereka makan bersama di keluarga)

(Di Ruang Makan)

Rahmat: "Enak bener yak masakan nyak, mpok bisa kayak nyak ga ya?
Julaeha: "ihh apaansih lo, kan nanti belajar"
Rahmat: "Sekarang aja gabisa masak, apalagi besok nikah suami lo mau dikasih makan
apaan?"
Nyak : "Udehh, lagi makan gini sempet-sempetnye berantem, udah ah makan dulu"
(Sambil menikmati soto betawi)
Babeh : "Hmm enak bener masakan nyak lu pade, gasalah gue milih bini"
Nyak : (Tersipu malu)
Babeh : "Eh ngomong-ngomong nih ye, Leha lu kapan kawin? Umur lu udeh tua juga, belom
kawin-kawin, babeh mau nimang cucu nih"
Julaeha: "Ahh babeh, yaudeh cariin mantu"
Babeh : "Bener ye, ntar kalo udeh dapet lu langsung gua kawinin yak"
Julaeha: "Iyee beh, cari yang cakep yak"

(Sebulan kemudian, Lagi santai di teras rumah)

Babeh : "Lehaaa" (memanggil leha dari teras)
Julaeha: "Iye kenape beh?" (Keluar dari kamar menuju teras)
Babeh : "Babeh udeh dapet mantu nih, lu beneran mau kawin kan?"
Julaeha: "Sama siapa beh?"
Babeh : "Ade anak temen babeh, anaknya ncang Rozak, Adul namanye, ntar babeh kenalin ke
lu yee"
Julaeha : "Hahh? ama anak juragan kontrakan itu yee beh? waah insyaallah leha mau beh"
Babeh : "Kalo lu siap, Minggu depan babeh temuin"
Julaeha : "Iye beh"

(Babeh menemui ncang Rozak di kediamannya)

Babeh : "Jaakk.."
Rozak :"Ehh Rojali, gimane kabar nyee nii, dah lama kite ga ketemu nii. Adee keperluan ape
nii lu kerumah gue?
Babeh : " baekk gue mahh, alhamdulilah.. kalo elu sama keluarga begimane? Sehat jakk?”
Rozak : “Alhamdulilah sehat jall, gua se-keluarga sehat wal Afiat. Nah sekarang gua tanya lu
ada keperluan apee kerumah gue ni jall?”
Babeh : "Hehe inii jak, anak lu laki kan ye? udah ada calon belom nih?"
Rozak :"waahh belum ade jall"
Babeh : "Gini jakk, maksud gue kemari mau ngejodohin anak lu ama anak gue, kira-kira lu
mau ga ya?"
Rozak :"waduhh kebetulan banget nih jall, tu anak emang santai bener kaga mikirin nikah,
padahal babehnya mah pengen nimang cucu yakk"
Babeh : "Ahh sama banget ama Leha tuh"
Rozak : "Yahh gue mah mauu banget besanan ama lu, temen sohib gue banget"
Babeh : "Alhamdulillah, kalo bisa minggu depan kite kenalin aja yak si Adul ama si Leha"
Rozak : "Bolehh jall, lebih cepat lebih baik"
Babeh : "iyee yaudah jak, ane balik dulu ye mau ngabarin si Leha"
Rozak : "Iyee jal, makasih yak"

(Tiba saat dimana babeh mempertemukan Adul kepada leha)

Babeh : "Lehaaa, siap-siap duluu, ntar abis juhur Ncang rozak dateng ama calon laki lu"
Nyak : "Yang cakep ye leha, biar tu laki mau ama lu"
Julaeha: "Iyee babeh ama nyak tenang ajee"
Tokk Tokk Tokk....
rozak : "Assalamualaikumm..."
Babeh : "Waalaikumsalam, eh Rozak udeh dateng aje lu"
Nyak : "Sebentar ye bang, aye panggilin Leha dulu, kayanya die masih siap-siap di
kamarnye"
(Leha keluar dari kamar dan menghampiri Adul)
Rozak : "MasyaAllah.. cakep benerr ni anaknye Rojali"
(Adul kagum melihat kecantikan Leha)
Babeh :"Nahh ini jakk, anak ayee si Leha"
(Leha Bersalaman sama ncang rozak dan Adul)
Rozak :"Jadi gini dul, babeh mau jodohin lu sama Leha ini, gimane? lu nye mau kagak?
Adul : "Aduhh.. Gimane ye behh aye malu hehe.."
Babeh :"Nihh mumpung lagi ketemu lu pada langsung ngomong deh"
Adul :"Hehe.. kalo aye sih mau-mau aje behh, gatau kalo neng Leha nye gimane"
Julaeha:"Bismillah, neng mau bang"
(Sontak babeh dan ncang rozak ngomong Alhamdulillah secara bersamaan)
Nyak : "Alhamdulillah Bang, kite sebentar lagi punya mantu"
Babeh : " iyee, alhamdulillah"
Rozak : "Nanti kite obrolin lagi ye ini persiapannya kapan ama kawinnye tanggal berape"
Babeh : "iyee tuh jak, makin cepet makin baik"

(Sebulan Sudah berlalu, babeh ingin menentukan tanggal pernikahan Leha dengan Adul,
babeh pun mendatangi rumah Ncang Rozak)
Babeh : "Assalamualaikum.."
Rozak : "Waalaikumsalam, ehh rojalii ada ape nihh"
Babeh :"Gini jakk, aye mau ngejelasin aje, kapan ye anak kite dikawinin?"
Rozak : "Anak aye si mau kapan aje, lu nya sendiri gimane?"
Babeh :"Kalo menurut aye sih kalo bulan depan aje gimane? ga baik kalo kelamaan"
Rozak:"Waah, boleh tuh tar aye omongin ke si Adulnye"
Babeh : "iye deh jakk, makasih banyak ye, aye pamit duluu.."
Rozak :"Iyee jall, hati-hati"
(Dirumah keluarga rozak)
Nyak Jaenab : “akhirnya anak satu-satunye nyak kawin juga”
Adul: “iye nyak, adul harus siapin ape ye nyak”
Nyak Jaenab:” kite siapin seserahan buat lamarannye dul”
Babeh Rozak: “tenang ajee babeh ada kenalan yang biasa nyiapin seserahan”
Adul: “Oke beh alhamdulillah besok kite langsung kesana”

(Beberapa hari kemudian)

Rozak: “assalamualaikum”
Babeh: “walaikumsalam, akhirnya dateng juge lu jak”
Rozak: “maaf lama jal tadi macet bgt dah buset”
Nyak: “yaudeh langsung masuk aje yu”

(ruang tamu)
Babeh Rozak: “jadi maksud dan tujuan keluarga kemari, kite ingin melamar juleha menjadi
bini adul”
Adul: “Babeh Rozak dan Nyak Rokimah, aye izin menikah dengan Juleha”
Nyak: “Iye dul, tolong jaga baek baek juleha ye babeh ame nyak percaya sama adul”
Babeh: “Jangan pernah nyakitin Juleha ye lu dul kalo same si juleha kenape nape gue gibeng
lu”
Adul: “Babeh Nyak tenang aje pasti juleha aman ame adul”
Adul: “Neng Juleha, gimana neng mau jadi bini abang?”
Juleha: “Iye bang neng mau”
Babeh Rozak: “alhamdulillah besanan kite jal”
Nyak Jaenab: “Ini ada sedikit seserahan dari kite mohon di terima yak”
Nyak: “Aduh banyak banget mpok”
Jaenab: "maklum anak laki satu satunye mpok jadi seneng aye makanya banyak begini dah"
Babeh: "ni mumpung pade di mari, sekalian aje kita tentuin tanggal nikahnya"
Rozak: "nah bener tu, adul julaeha mau kapan kira kira?"
Julaeha: "leha sih ikut gimane baiknye aja beh"
Adul: "gimane kalo (tanggal brp ni ngarang trserah) aje beh nyak?"
Babeh: "nah boleh tuh, dari sekarang kita kudu siap siapin semuanye kalo gitu"
Rozak: "tenang aje jal istri aye punya udeh sering ngurusin kawinan sodaranye noh"
Jaenab: "iye ntar lagi aja dah bahas kawinannye sekarang kita kudu pamit dulu ye, makasi
banyak babeh rojali ame nyak rokimah"
Nyak: "same samee mpok hati hati di jalan ye"
Julaeha: "makasih banyak ye babeh rojak nyak jaenab, bang adul hati hati di jalan ye"
Adul: "makasi neng leha, abang pamit ye"
Babeh: "jiahh ilahh anak muda mentang mentang mau kawin, udeh udeh bubar dah"
CHAPTER 2

(Jalan menuju ke rumah Juleha)

Rozak : “Ettt dahhh lama bener jalannye, cepetan dikit ngapa siii!”
Adul : “Jangan cepet-cepet napa beh, kasian nyak nohh, ntar keserimpet yang ade”

Dorrr dor dor (Suara petasan)

Palang pintu perempuan:

Kayu gelondongan kayu cendane
Anak Belande mati di tangsi
Nih rombongan darimane mao kemane
Liwat sini kudu permisi

Palang pintu laki :

Orang tue umpame keramat
Kalo ngomong jangan nyakitin ati
Saya dateng ame Bang Adul dan orangtuanye dengan segale hormat
Mohon diterime dengan senang ati

Palang pintu perempuan :

Liat di atas si burung Nuri
Terbang tinggi ame kawannye
Kalo emang Bang Adul udeh niat dateng kemari
Saye kepengen tau ape nih tujuannye

Palang pintu laki :

Kaga salah Abang tanem ari-ari
Tapi sayang udeh kaga ade lampunye
Kaga salah Abang Adul datang kemari
Yang pastinye mao nemuin si eneng yang cantik jelite

Palang pintu perempuan :

Mending abang pergi ke Cikini
Daripade ke Senayan
Mending Abang pegi dari mari
Daripade maksudnye kaga kesampean

Palang pintu laki :

Ibarat baju udeh kepalang basah
Masak nasi udeh jadi bubur
Biar kate saya mati bekalang tanah
Niat baek ini kaga bakal bikin gugur
Palang pintu perempuan :
Laen dulu laen sekarang
Cari orang cari mantu
Pasang kuping biar tenang
Adepin dulu saya punye palang pintu
(Melakukan atraksi silat antar kedua palang pintu dan palang pintu dari pihak laki-laki
menang)

Palang pintu laki :

Buah Naga disimpen malah busuk
Buah delime dapet beli dari Angke
Saya sekeluarge di ijinin masuk
Saya terime dengan tangan tebuka

Palang pintu perempuan :

Makan Kecapi makan Kesemek
Jangan ditelen ame biji-bijinye
Saya seneng ngebolein masuk
Dengan segale hormat dipersilahkan duduk

(Adul sama keluarganye masuk)

MC : “Assalamualaikum.. begimane nih kabarnye abang-abang ame mpok-mpok

yang udah dateng ni ari (hari)? moga kite semua diberikan kesehatan ye ame Allah SWT.,
ye.. soalnye ni ari kite dateng di mari mau jadi saksi ijab qobulnye si Juleha ame si Adul anak
jurangan kontrakan kampung sebelah nohh. yaudah lah yak dari pada lama-lama gue
nyerocos mulu, mendingan kite saksiin ijab qobul si Adul ame si Juleha yak. Buat para tamu
undangan di arep buat tenang ame buat calon penganten dipersilakan duduk ditempat yang
udeh disediaiin, soale ijab qobul mao dimulai ni”

(Dialog pas ijab qobul)

Babeh Rojali : “Saya nikahkan dan saya kawinkan engkau saudara Abdullah Marjuki bin
Rozak Sayidi dengan anak saya yang bernama Juleha Endang Alawiyah binti Rojali Sueb
dengan maskawin berupa tanah 7 hektare, emas 50 gram, uang tunai $1.000, dan seperangkat
alat sholat dibayar tunai”

Adul : “Saya terima nikah dan kawinnya Juleha Endang Alawiyah binti Rojali Sueb
dengan maskawin tersebut dibayar tunai”

Penghulu : “gimana para saksi? sah?”

Para hadirin : “Sah... Sahhhhhhh”

Mc : “Allhamdullilah yak bang…mpok tadi kite udeh jadi saksi nikahannye si

Juleha ame si Adul. Moga ye buat penganten baru dapat diberikan keberkahan dalam
menempu idup baru…aamiin. Oke bang..mpok, buat acara selanjutnye adalah acara
sungkeman yang bakal dilakuin ame penganten kite ari ini”

(Juleha dan Adul salim ame kedua orang tua masing-masing)

Juleha : “Beh (nangis terharu) Leha udeh kawin Beh, Leha udeh punya laki…jangan
kangen Leha ye Beh.

Babeh Rojali : “Leha (nangis terharu) anak perawan gue dah gede yak, udah jadi bini
orang… pokonye lo kudu nurut ame laki lo ye.. jangan males juga Leha, jadi bini yang
soleha. Oh iye Babeh nitip yak, kasih Babeh ame Nyak lo cucu yang cakep-cakep ye”

Nyak Juleha : “(nangis terharu) Leha anak gue…dengerin ye nasehat Babeh lo…jangan
lupain gue ame Babeh lo yak, sering-sering maen lu bedua ame laki lo.. ntar Nyak masakin
Soto Betawi dehh”

Juleha : “Iye Nyak, Leha denger ko… pokonye Leha kaga bakal lupain Babeh ame
Nyak ko, Nyak Soto Betawi buat Leha yang banyak ye Nyak”

(Dilain posisi, yaitu Adul)

Babeh Rozak : “Dul anak Babeh jurangan kontrakan, jangan lupa bimbing bini lo ke jalan
Allah yak…awas aje lu jahatin mantu gue.. gue gibeng lo ampe ketauan gue, jangan lupa yak
kasih gue cucu”

Adul : “Iye Beh, aye ga bakalan jahatin bini aye ko… pokonye ntar aye sayang si
Leha Beh.. Babeh baek-baek ya pokonye kudu jagain Nyak juga”

Adul : “Nyakkkk…Adul udeh kawin Nyakk…si Leha cakep ye Nyak, pokonye ntar
aye sering ajak maen kerumah si leha ye Nyak, biar Babeh ame Nyak kaga kesepian juga”

Nyak Adul : “He Adul anak Nyak… kaga nyaka yak, dulu lo masih kecil gue gendong..eh
sekarang udeh kawin aje lu, jagain bini lu yak, itu mantu kesayangan Nyak.

(Kini keduanye tukar posisi untuk sukeman)

(Adul sungkeman dengan orang tua Juleha)

Adul : “Babeh mertua…Adul izin bawa Leha ye Beh buat tinggal bedua bareng
Adul. Babeh jangan kawatir yeh Beh… nanti si Leha Adul kasih makan ko”

Babeh Rojali : “Ah lu Dul bise aje.. udeh kaye Babeh lo, demen becanda mulu… pokonye
gue titip anak gue yak.. si Leha. Bimbing die jadi bini soleha buat lu yak”

Adul : “Nyak mertua... ini Adul anaknye Babeh Rozak minta izin yak, buat ambil si
Leha.. yang sekarang udeh jadi bini Adul”

Nyak Juleha : “Dul… gue titip yakk si Leha.. kalo die males bilangin gue yak, pokonya lo
kudu jagain Leha yang udeh jadi bini lu, awas aja sampe kaga, ntar gue bogem lu yak”

(Juleha sungkeman ame orang tua Adul)

Nyak Adul : “Juleha mantu kesayangan gue… baek-baek ya lo bedua ama si Adul, ntar
tuh anak kalo iseng ame lo, lo bilangin aje ame gue.. biar gue omelin tu anak”

Juleha : “Iye Nyak bang Adul… pasti ntar Leha laporin ye kalo die bangor…”
Babeh Adul : “Juleha mantu gue, jadi bini Adul yang baek ye, sampe maut yang misahin lo
bedua yak, pokonye yang tebaek deh buat lo bedua”

Juleha : “Iye Babeh bang Adul… aamiin, makasi ye Beh”

(Acara sungkuman sudah selesai dan dilanutkan dengan acara makan-makan)

(Juleha dan Adul duduk di kursi manten)

Juleha : Bang..Leha udah jadi bini abang ye (salim sama Adul)

Adul : Iye Leha… ternyata cakep bener lo ye, nape kaga dari dulu yak gue kawinin lu..
(memegang kepala Leha).

Juleha : Ah Abang bisa aje…Leha jadi malu bang.

Adul : Ceh elah.. kaga usah malu Leha bini abang Adul anaknya Babeh Rozak jurangan
kontrakan. (menoel dagu Leha).

Adul : Leha… abis ini, kite bakal langsung pindah yak ke rumah yang udah Abang siapin.
Pokonya kita mulai dari awal same-same ye Leha.

Juleha : Kaga pape bang… Leha mau ko di bawa abang kemana aje, asal ame bang Adul
terus yakk.

Tamu undangan : Woii lu bedua, penganten baru.. sini gabung nyanyi-nyanyi napa, jangan
beduan mulu…

Juleha & Adul : GAK MAU!! WLEE

(Para tamu hanya geleng-geleng kepala dan tertawa bersama)

Babeh Rojali : Weh Rozak, akhirnye ye.. anak kite bedua dah kawin… seneng gue liatnye
mereka akur gitu ye. (Rojali dan Rozak menatap Juleha dan Adul dengan senyuman).

Babeh Rozak : “Akhirnye gue ame lo jadi juga besanan. kaga sabar gue mau nimang cucu”

Babeh Rojali : ”Ah lo Zak bisa aje emang lo ye, tapi emang gue juge mau siii”

(Di laen sisi)

Nyak Juleha : “ Weh Besan sini maka dulu dah… ni ada semur jengkol, sedep bet dah…
yang masak jago bet yak”

Nyak Adul : “Ah lu bisa aje.. dah makan aja yakk, gue baeloman laper ini… gua lagi
seneng banget dah liat si Adul sekarang dah punya bini kaya si Leha”

Nyak Juleha : “Iyak juga yak… gue juge sekarang ngerasa seneng, karena Leha sekarang
dah kawin ama orang yang pas buat die.

Acara berlanjut dengan meriah hinga sore tiba… dan SELESAI (bab pernikahan)
CHAPTER 3
Di halaman rumah rahmat sedang berkumpul dengan teman teman yang ingin
merencanakan sesuatu

Dian : mat gue pengen deh lestariin budaya kita

rahmat : emang lu mau lestariin budaya kita kayak gimane
Dian : kite kan orang betawi mat menurut lu bagusnye kita bikin ape
rahmat : aduh elu mau lestariin budaya tapi gatau kau ngapain
rahmat : gimane kalo kite semua bikin ondel ondel nah itu kan budaya betawi
Dian : wah bener juga dul ide lu
rahmat : yaiyelah gue orang betawi asli dul, kagak kaye lu betawi
boongan .
Dian : tapi gimane dul cara bikin nye
rahmat : ayo dul, jaja , oky kite bikin hari libur sekolah
Saat libur sekolah, mereka berkumpul dihalaman rumah Rahmat
Dian: “ kite harus siapin ape aje ye?”
jaja : “ bambu tua, topeng sama baju ondel-ondel”
rahmat : “ yaude nyok cari dulu”

Merekapun pergi membeli alat dan bahan tersebut kemudian kembali ke rumah Rahmat

Oky : “ mulai dari rangka dasar ye , kite potong bambunye terus disatuin buat rangka
bawahnye “

Perlahan merekapun merakit dasar dari ondel-ondelnya yang berbentuk lingkaran sebagai
pondasi awal dari badan ondel-ondel dengan diameter 1 meter.

Rahmat : “ neh karna dasarnye ude jadi abistu kite lanjut bikin badan atasnye lingkar badan
atas dibentuk lebih lonjong buat bagian pundaknye yeee “
jaja : kek gini ye? *jaja mencontohkan dia membuat badan atasnya *
Rahmat : “ nah iye bener itu begitu tinggal dilanjuyin aje abis itu bikin sm pasang
kerangka kepalanye ukuran 30cm trs tingginye diukur 50cm”
Dian:” duh lumayan susah ye, sebenernye ondel-ondel kisahnya gimane sih?”
Rahmat : “ sejarahnya ondel-ondel itu ude dari waktu Jakarta masi namanye Sunda Kelapa,
dibikin oleh para pedagang yang rindu sm halaman kampungnye jadilah dikenal boneka
ondel-ondel smpe sekarang. Ondel-ondel dulu juga dipake buat penolak laba, acara sama di
kerajaan. Ondel-ondel juge selalu tampil berpasangan dan trus mengalami perubahan
seiring berjalannye zaman”
Dian, Oky, Jaja : “ Oh gituuu menarik banget ye kisahnya pantes aje sekarang jadi
simbol Jakarta”
Mereka pun melanjutkan pembuatan Ondel-ondel
Dian: “Eh ude jadiiii horayyy akhirnye yee , tinggal dipakein topeng sama bajunye
dehh”
Oky : “ ayo bantuin ayeee pasangin soalnya lumayan berat nehh”
Jaja, Rahmat : “ iyee”