BIAHE (JOURNEY)

Dai ko masabutan an sakuyang namamatian

Minsan maugma, minsan garo binagsakan nin kalangitan
Ta an sakuyang pag aalinlangan dai ko mapugulan
Dai ko masabutan an sakuyang namamatian

Sa sakuyang pag eskwela una ko madali sana

Una ko madali sana ta haon ang eskwelahan asin pamilya
Una ko madali sana ta haon ang mga barkada
Pero dai ko unaon na arog palan kaini ang Sistema

Dakol kang mabibisto asin makakaiba

Pero habang nagaaloy namamati ko
Na dawa saro ang barkada basta tunay ang presensia
Raranihan ka sa kamunduan bako sana sa pag eskwela

Ang sakuyang biahe paduman sa karahayan

Pirmi ko napapangiturugan
Ta dai ko mapugulan mag hadit asin paghurop-hurupan
Kung ano ang buhay na madudumanan

Sa sakuyang pangiturogan
Tunay na pag maistra ang sakuyang namumuotan
Marhay na trabaho asin kabuhayan
Matatabangan an sadiri asin ang mga kaakian

Sa biaheng makapagal, urualdaw na malaban

Sa kagipitan, kamunduan asin kadipisilan
Dai mapundo hanggat dai naabot ang karahayan
Ta ang tunay na karahayan dai tulos nadudumanan

Dai masuko, padayon ang pirming tandaan

Maabot ang panahon na arani ka na sa karahayaan
Pabayaan mo sana kung gurano ang kadipisilan
Haon ang magurang handa ka suportahan