1

Hkristu Hta Masha Ningnan Tai Sai Ngu Ai Maka Kumla Ni

Ga Hpaw: Masha shagu gaw yubak galaw chye ai shingra tara hku shangai chyinghkai wa ai ni
hkrai re. Dai shingra tara a majaw byin hkrum hkra ra wa ai yubak a shabrai si ai kawn lawt lu let,
Karai Kasang jaw ai nhpaw n-ya hte seng ai htani htana asak hpe Yesu Hkristu hpe tinang a hkye
la madu hku hkap la kam sham ai hku nna sha lu la mai nga ga ai. Dai hpe Hkristu hta ningnan tai
ai asak hkrung lam ngu tsun masat ai re. Dai zawn, Hkristu hta masha ningnan tai sai ngu ai maka
kumla ni hpe lawu de na lam ni hku chyena la mai nga ga ai.
1. Karai Kasang Kaw nna shangai ai wa (Born of God): Hkristu hta masha ningnan tai ai wa
gaw, Karai Kasang Yesu Hkristu hta Chyoi Pra ai Wenyi hku shangai la ai mahkrum madup nga ai
wa re. Hpa majaw nga yang Karai a up hkang bau sin bau maka ai n pu hta asak hkrung ai wa re
majaw, Karai a hpung shingkang hpe shani shana hkam sha lu nga ai wa re. Yubak hpe matsat
nna, yubak hpe koi gam ai wa re. “Karai Kasang kaw nna shangai ai wa gaw yubak n galaw ai:
kaning rai nme law, shi a nli gaw shi hta rawng nga ai rai nna, Karai Kasang kaw nna shangai wa
sai majaw, shi yubak galaw lu ai n rai” (I Yawhan 3:9).
2. Wenyi myit hte asak hkrung ai wa re (Makes One Spiritually Minded): Hkum sai shan a myit
marin lam the wenyi a ra marit lam hpe chye ginhka let, wenyi myit hku asak chye hkrung ai wa
re. “Hkum shan myit gaw si mat ai lam rai nga ai; Wenyi a myit chyawm gaw, hkrung nga ai lam
the ngwi pyaw ai lam rai nga ai” (Roma 8:6). “Ga ningtsa arai ni hpe myit hkum manoi myit;
ningtsa na aria ni hpe myit mano inga mu” (Kolose 3:2). Wenyi the hpring tsup nga lu hkra, asak
hkrung lam hpe Karai kaw tsep kawp ap nawng nna asak hkrung ai wa re. CHyum mungga hpe
shani shana myit mang ai the Chyoi Pra ai Wenyi a lam woi bau maka lam hpe hkam la nga lu nga
ai wa re.
3. Asak Hkrung lam ningnan hkam la lu ai wa (New Life): Yesu Hkristu hpe tinang a hkye la
madu hku hkap la kam sham ai wa re. “Hkristu hta e marai langai ngai rai nga ai teng yang gaw,
shi gaw ningnan hpan da ai wa rai nga ai; dingsa the gaw lai mat was ai” (II Kor 5:17).Yesu a
marang e ding hpring ai wa tai lu ai the, yubak a mayam hku asak hkrung ai wa n rai, Yesu hta
asak hkrung ai wa tai nga ai wa re.
4. Wenyi asi si ai wa (Bears the 9 fruit of spirit): Yesu hta ningna tai sai wa a lak lai ai kum la
gaw Wenyi hta asak hkrung nga ai a kumla wenyi asi si ai lam re. “Wenyi a asi chyawm gaw taw
ra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai, myit
nem ai the tinang myit hpe hkang lu na rai nga ai” (Galati 5:22-23). HKum shan hku sak hkrung ai
lam gaw, shingra tara hku asa hkrung nga aiw a a kum la re. “Hkum shan a bungli gaw dan dan
leng leng rai nga ai rai nna, dai the gaw: hpye ai amu, n san n seng ai amu, ngang ai amu, gawng-
ngu sumla naw ai lam, mandan alkle amu, n dawng n yawt ai, ga law ga la ai, manawn masham ai,
pawt sindawng ai, shai wa bra wa ai lam, daw hka wa ai lam, hpung karan wa ai lam, nsu nnawnai,
chyaru nang ai, sawse lawklek ai the bung ai lam rai nga ma ai; shing rai galaw ai ni gaw, Karai
Kasang a mungdan a Sali wunli hkam la l una n rai” (Galati 5:19-21).
5. Chyoi pra ai wa tai nga lu na matu asak hkrung ai wa re (Holy): “Kaning rai nme law, Ngai
chyoi pra nga nngai majaw, nanhte mung chyoi pra nga myit ga, nga nna ka da nu ai” (I Petru
1:16).
6. Mungkan hpe awng dang ai wa re (Overcomes the world): “Anhte a Madu Yesu Hkristu a
Kawa Karai Kasang gaw a nga u ga: si mat ai ni kaw na Yesu Hkristu a bai hkrung rawt wa ai a
marang e, a hkrung nga ai myit mada shara the, n run n hten ai, awu asin n re ai, n wai n mat ai Sali
wunli hpe hkam la l una matu, shi a galu kaba ai chyeju majaw, shi anhte hpe bai shangai mi ai” (I
Petru 1:3-4). “Karai Kasang kaw nna shaprat ai wa kadai rai ti mung, dai mungkan ga hpe dang
 2

kau nu ai; mungkan ga hpe dang kau lu ai padang lam chyawm gaw, anhte a makam masham rai
mali ai” (I Yawhan 5:4-5).
7. Mungkan lam n hkan dagraw ai wa re (Not Conformed to this world): “Dai hta kaga, ndai
dinghta ga a myit n hkan dagraw ai sha, Karai Kasang a mai kaja ai, sharawng awng ai the hkum
tsup re ai myit mang lam hpe anhte chye ginhka lu myit ga, myit nnan lu la na hku arawn asam
gala inga mu” (Rom 12:2).
8. Mai kaja ai amu bungle galaw na matu jin jin rai nga ai wa re (Ready for every good work):
“Dai re ai majaw, dai ni hta na tinang hkum hpe jasan jaseng kau ai wa rai yang gaw, chyoi pra ai,
madu lang ging ai the, amu kaja shagu a matu hkyen da ai arawng lu ai wa, rai na ra ai” (II Tim
2:21).
9. Yesu the rau wudang hta asak hkrun glam dinsa a matu jen hkam sai wa re (Crucified in
Christ): “Si mat ai wag aw yubak hta na lawt pru nga ai majaw, yubak a mayan anhte naw n tai ng
asana, ngu nna yubak hkum gaw shaza kau ai hkrum u ga she, anhte a gawng shing-yan dingsa
gaw shi the rau wudang hta jen da hkam ai hpe, anhte chye nga ga ai” (Rom 6:6-7).
10. Shakawn Kungdawn ai hte law htam wa ai (Abounds in thanksgiving): “Shi hta e ru jung nna
gaw da nga ai hte, nanhte sharin achyin la ai the maren, nanhte a makam masham hta ngang ngang
hkang hkang rai nga let, dai hta e shakawn kungdawn ai the law htam wa u” (Kolose 2:7).
11. Myit galau ai (Patience): “(Galati 5:22-23). “Yehowa hpe ala nga ai ni chyawm gaw, n-gun lu
la nna, kalang zawn singkaw nnan the pyen lung na mara ai: shanhte gat ti mung, hki ban a n rai,
hkawm timung, n-gun yawm na n rai” (Esaia 40:31).
12. Myit sumnung ai (Meekness): “Ngai gaw myit sumnung ai the myit gyip nga nngai rai nna
nye a kandang hpe hpai mu, nye a lam sharin la mu: dai rai yang nanhte a myit masin ban sa ai
hkrum na malit dai” (Mahte 11:29).
13. Yubak hta si ai ( Dead to sin): “ (Rom 6:1-11) hta yubak hta si ai ngau ai gaw, yubak hta asak
hkrung ai wa n rai sai sha Yesu Hkrusta the rau hkrung rawt ai asak the bai hkrung nga ai hpe tsun
mayu ai re. laiwa sai aten ra marin ai yubak hpe matsat mat nna, Yesu Hkristu hta hkrung nga lu ai
ngwi pyaw simsa lam hpe manu dan dik hku chye na let sak hkrung nga ai wa re.