რამდენიმე დამატებითი კითხვა თბილისის სასულიერო აკადემიის პროფესორ

ედიშერ ჭელიძესთან

კითხვა:
ბ-ნო ედიშერ, თქვენს ბოლო პუბლიკაციაში სახელწოდებით "ეშმაკეული
ქვემძრომიელი" იმდენად მკაფიოდ და მასალობრივად განმარტეთ მძიმე
ცთომილება ძე ღმერთის "არსებით ანუ ღმრთეებით განკაცებულობისა", რომ
აღარ გვეგონა, ამ საკითხზე ისევ თუ მოგმართავდით უფრო მეტი განმარტების
სურვილით, მაგრამ როგორც ირკვევა მამა იერომიელი კვლავაც მთელი
მონდომებით და თქვენდამი რისხით განაგრძობს იმის მტკიცებას, რომ ძე
ღმერთი არის სწორედ "არსებით ანუ ღმრთეებით განკაცებული". რას
იტყოდით ამის შესახებ?
პასუხი:
რა შეიძლებოდა გვეთქვა? გარწმუნებთ, რომ ხსენებული პიროვნება კიდევ
მეტად გასასტიკდება, კიდევ მეტად გათავხედდება, ვინაიდან იგი სრულად
იქნა სააშკარაოზე გამოყვანილი მთელი თავისი სამოძღვრო გაუკუღმართებით,
რასაც აქამდე გულდაგულ ფარავდა. როდესაც ბოროტების უკეთურება მზის
შუქზე გამოიტანება, ამ უკეთურების მთელი სიბილწე და, ძველი ქართული
ტერმინი რომ გამოვიყენოთ, "სულმყრალობა" სწორედ მაშინ აშკარავდება,
ბოროტი კი ყველანაირი საშუალებით ცდილობს კვლავ სიბნელეში გაექცეს
ამგვარ გამოაშკარავებას, რომ ასე მკვეთრად დასანახი არ იყოს მისი უღვთოება.
კითხვა: ჩვენ ზემოთ ხაზი გავუსვით, რომ