NOVENANG PARANGAL KANG

SANTO PADRE PIO NING PIETRELCINA , PARI

MUMUNANG ALDO

King Lagyu ning Ibpa, ampon ning Anak, ampon ning Espiritu
Santo. Amen.

O Kaluguran ming Santo Padre Pio ning Pietrelcina,

mipagkaluban ka karing mal nang tanda ning kasakitan ning
Guinung HesuKristo king kekang katawan. Malugud mong tinggap
at pisanan deting stigmata para karing sabla pibatan mu ing emu
nanung kasakitan king katawan man o king kaisipan a minye dalan
king kekang katawan at kaladwa king mas maragul a
pamagsakripisyu. Pagamu-amu ming ipanalangin mu kami, ban
kanita kaulan at pusanan mi lang mitmung lugud ding kekaming
sarasariling Krus kabang maglakbe kami keni karinan ning lua at
mananu na sanang idaun mi la deting kasakitan king Dios, a
mengaku kekaming bie alang kapupusan kayabe na.

O kaluguran ming Santo ngamung mengamanu “Masampat

mung idaun mu ing kekang kasakitan king Guinung HesuKristo,
uling ing Guinu ena abatang akakakit misasakitan, iya mismu
saupan naka’t antabayanan, panuanan na ka’t pakalulwan.” O Santo
Padre Pio, ilapit mo king Guinu ding kekaming daing at kasakitan at
ding kekaming kayadwanan keya … (Sambitan ding kayadwanan).
Ipagkalam mu pu, O Santo Pio deting adwan mi kaniting
nobena, king ikatula na at ikaligaya ning Dios at anting
parangal mu naman keka. Amen.

Mangading Metung a Ibpa Mi, Bapu Maria, at Ligaya…

Santo Padre Pio ning Pietrelcina, Ipanalangin mu kami!

KADWANG ALDO

King Lagyu ning Ibpa, ampon ning Anak, ampon ning Espiritu
Santo. Amen.

Nuan a Santo Padre Pio, kambe ning Guinu tamung JesuKristo,

migtagumpe kayu babo ning pamaglinlang ning demonyo. Dinalan
kang e mu nanung sakit, pamabatbat, at pamanasakit ning demonyo
nasa na ing iyaksi at lakwan ing bie kabanalan. Pagamu-amu ming
ipanalangin mu kami, ban kanita king kausapan mu at ding sablang
banal, ing mikasikanan kaming dumayu king kasalanan at patibayan
ding kekaming kasalpantayanan angga na king kekaming
kamatayan.

O kaluguran ming Santo ngamung mengamanu “Magpakatatag

kayu at e mitatakutan ning upaya ning Demonyo, pabustan yeng
gulisakan at ligaligan ne ing kekayung konsensya, uli iti tanda ne
ning alayu king mismung katawan yu.” O Santo Padre Pio, ilapit mo
king Guinu ding kekaming daing at kasakitan at ding kekaming
kayadwanan keya … (Sambitan ding kayadwanan). Ipagkalam mu
pu, O Santo Pio deting adwan mi kaniting nobena, king
ikatula na at ikaligaya ning Dios at anting parangal mu
naman keka. Amen.

Mangading Metung a Ibpa Mi, Bapu Maria, at Ligaya…

Santo Padre Pio ning Pietrelcina, Ipanalangin mu kami!

KATLUNG ALDO

King Lagyu ning Ibpa, ampon ning Anak, ampon ning Espiritu
Santo. Amen.

O Maganakang Padre Pio, bina meng kaluguran ing Nuan a

Virgen Maria, uli ning kekang lugud keya mipapagkaluban kang e
mu nanung grasya at tula manibat keya. Ipanalanging mu kami king
Virgen Maria, O Santo Padre Pio. Ibili yu la pu king keyang gamat
ding kekaming lungkut, sakit at dusa. Ban kanita mamilatan ya
kekami anti ing gewa karin king Cana Galilea. Katatawlian ilapit na
kami sana king Guinu ban kanita ding kekaming lagyu miyabe la
king libru ning bie alang-angga.

O kaluguran ming Santo ngamung mengamanu “I Maria iya

ing maningning a tala a munye sala king kekang daklat at turu king
dalan painturu king bie alang-angga.” O Santo Padre Pio, ilapit mo
king Guinu ding kekaming daing at kasakitan at ding kekaming
kayadwanan keya … (Sambitan ding kayadwanan). Ipagkalam mu
pu, O Santo Pio deting adwan mi kaniting nobena, king
ikatula na at ikaligaya ning Dios at anting parangal mu
naman keka. Amen.

Mangading Metung a Ibpa Mi, Bapu Maria, at Ligaya…

Santo Padre Pio ning Pietrelcina, Ipanalangin mu kami!

KAPAT A ALDO

King Lagyu ning Ibpa, ampon ning Anak, ampon ning Espiritu
Santo. Amen.

O Santo Padre Pio ning Pietrelcina, mibie-bie mitmung

kalinisan, kaluguran meng bina ing kekang Anghel de la Guardia a
munye kasaupan keka at talapanualu at talapamalita. Ding angeles
migsilbi lang talapamilatan karing panalangin anak mu karing
karelang panalangin. Pagamu-amu ming ipanalangin mu kami,ban
kanita mabiasa kaming maus karing kekaming Anghel de la Guardia
a makasadyang sumaup at maglualu kekami, at tuntun karing
mangayap a daklat at iwasan manabu king kasalanan.

O kaluguran ming Santo ngamung mengamanu “Ausan yu la

ding kekayung Banal a Angheles, a munye sala at kasaupan. Telaga
no ning Dios ban saupan at ingatan da kayu.” O Santo Padre Pio,
ilapit mo king Guinu ding kekaming daing at kasakitan at ding
kekaming kayadwanan keya … (Sambitan ding kayadwanan).
Ipagkalam mu pu, O Santo Pio deting adwan mi kaniting
nobena, king ikatula na at ikaligaya ning Dios at anting
parangal mu naman keka. Amen.

Mangading Metung a Ibpa Mi, Bapu Maria, at Ligaya…

Santo Padre Pio ning Pietrelcina, Ipanalangin mu kami!

KALIMANG ALDO

King Lagyu ning Ibpa, ampon ning Anak, ampon ning Espiritu
Santo. Amen.

Tune bantug a Santo Padre Pio ning Pietrelcina, a atin malalam

a debosyun karing maldang kaladwa king purgatorio a nung kenu
mu dinaun ing bie mu anting kapamayaran karing karelang
kakulangan. Pagamu-amu ming ipanalangin mu kami at iyawad mu
king Guinu ing mikalunus kami’t masabal kareting kaladwang
mangailangan king saup mi. Mananu na sanang kareting paralan
mipawi mu man ing sakit a karelang daralanan, at mananu na
sanang kapamitan ding kekaming panalangin at sakripisyu,
makasaup karela painturu banwa.

O kaluguran ming Santo ngamung mengamanu “O Guinu

dagdagan mu iting kasakitan a daralanan ku ban kanita maging
kabayaran karing kakulangan ding kaladwang atyu king
purgatoryo” O Santo Padre Pio, ilapit mo king Guinu ding kekaming
daing at kasakitan at ding kekaming kayadwanan keya … (Sambitan
ding kayadwanan). Ipagkalam mu pu, O Santo Pio deting adwan
mi kaniting nobena, king ikatula na at ikaligaya ning Dios at
anting parangal mu naman keka. Amen.

Mangading Metung a Ibpa Mi, Bapu Maria, at Ligaya…

Santo Padre Pio ning Pietrelcina, Ipanalangin mu kami!

KANAM A ALDO

King Lagyu ning Ibpa, ampon ning Anak, ampon ning Espiritu
Santo. Amen.

O Mapamintung Santo Padre Pio ning Pietrelcina, lubus mong

pakamalan ding masakit maigit keka, uling kapamilatan da akakit
me ing Divinung Maestro. Uli na niting lugud dakal kang mala at
pamipakayap a depat karela a makawanging king pamipakayap
nang Jesus at uli na niti mika kapayapan la pilubluban at panibayung
sikanan. Pagamu-amu ming ipanalangin mu kami, mananu na
sanang ding sablang atyu king dase ning kapanamdaman midinan
lang kapaldanan king pamamilatan nang Maria, at mikabayu lang
sikanan at tetagan king pamanantabe ning Espiritu Santo.
 O kaluguran ming Santo ngamung mengamanu “Nung atin
kayung balung atin kapanamdaman king kaisipan, katawan at
kaladwa, pangadi yu la king Dios ban itimawa na la king karelang
kapanamdaman at dinan nong kapaldanan.” O Santo Padre Pio,
ilapit mo king Guinu ding kekaming daing at kasakitan at ding
kekaming kayadwanan keya … (Sambitan ding kayadwanan).
Ipagkalam mu pu, O Santo Pio deting adwan mi kaniting
nobena, king ikatula na at ikaligaya ning Dios at anting
parangal mu naman keka. Amen.

Mangading Metung a Ibpa Mi, Bapu Maria, at Ligaya…

Santo Padre Pio ning Pietrelcina, Ipanalangin mu kami!

KAPITUNG ALDO

King Lagyu ning Ibpa, ampon ning Anak, ampon ning Espiritu
Santo. Amen.

O Nuan a Santo Padre Pio ning Pietrelcina, mekiyagum ka

king obra ning Dios king keyang pamagligtas, kapamilatan ning
kekang kasakitan ban mitimawa la ding makasalanan king
pangagapus da keti. Pagamu-amu ming ipanalangin mu kami, ban
ding sablang e sasalpantaya king Dios mibayu nala kapilubluban,
ding makasalanan ume nong miblaik at mibayu bie at ume muli king
bale ning Ibpa at king pisamban at mibie-bie anting mayap a
Kristiano. Katatawlian panalangin mo ding sablang sasalpantaya ban
kanita manatili la king kasalpantayanan angga king karelang
kamatayan, ban takman da ing bunga ding dapat da.

O kaluguran ming Santo ngamung mengamanu “Nung atin

metung mu man manakit king legwan ning kaladwang atyu king
grasya ning Dios, ding sablang makasalanan ume lang mibayu
kapilubluban.” O Santo Padre Pio, ilapit mo king Guinu ding
kekaming daing at kasakitan at ding kekaming kayadwanan keya …
(Sambitan ding kayadwanan). Ipagkalam mu pu, O Santo Pio
deting adwan mi kaniting nobena, king ikatula na at ikaligaya
ning Dios at anting parangal mu naman keka. Amen.

Mangading Metung a Ibpa Mi, Bapu Maria, at Ligaya…

Santo Padre Pio ning Pietrelcina, Ipanalangin mu kami!

KAWALUNG ALDO

King Lagyu ning Ibpa, ampon ning Anak, ampon ning Espiritu
Santo. Amen.

O Nuan a Santo Padre Pio ning Pietrelcina, a mibie-bie

kitmung kalinisan. Denasan mu ing e makasubaling lugud karing
kekang anak king kasalpantayanan at seupan mu la kapamilatan
ding kekang turu at alimbawa. Linapit mula king Ginu kapamilatan
ning pamamye mung sarili. Pagamu-amu ming ipanalangin mu
kami, ikaming e menakit keka ituring mu kami naman sana anting
kekang anak. Pagkalub mu sana ing kekang kaingatan, kasaupan at
lugud, iyawad mu kaming grasya king Dios ban kanita king
katatawlian akit mi ya king bie alang kapupusan.

O kaluguran ming Santo ngamung mengamanu “Nanung

kapasnawan ing damdaman tamu king Dios ing amanu nang
“Mekeni, malaus ka king kanakung kayarian.” O Santo Padre Pio,
ilapit mo king Guinu ding kekaming daing at kasakitan at ding
kekaming kayadwanan keya … (Sambitan ding kayadwanan).
Ipagkalam mu pu, O Santo Pio deting adwan mi kaniting
nobena, king ikatula na at ikaligaya ning Dios at anting
parangal mu naman keka. Amen.

Mangading Metung a Ibpa Mi, Bapu Maria, at Ligaya…

Santo Padre Pio ning Pietrelcina, Ipanalangin mu kami!

KAWALUNG ALDO
King Lagyu ning Ibpa, ampon ning Anak, ampon ning Espiritu
Santo. Amen.

O Mitmung kababan Santo Padre Pio ning Pietrelcina, lubus

meng kaluguran ing Santa Iglesia, panalangin mu kami. Mananu na
sanang ing Divinong Maestro magparala lang talapagobra king
palutan na. Ding mekibat king kayausan ning Guinu dinan mong
sikanan at kalinawan kaisipan ban asuywan da la pa ding kekang
kawan. Ipanalangin mu king Nuan a Indu, ing tipunan na ding
sablang talasalpantaya, pagkaluban na la sanang tune kamasmasan.
Ding melili king dalan miuli la sanang alang kasasagkulan. Ding
malungkut mipagkaluban lang tune tula’t kapayapan.

O Santo Padre Pio, ilapit mo king Guinu ding kekaming daing at

kasakitan at ding kekaming kayadwanan keya … (Sambitan ding
kayadwanan). Ipagkalam mu pu, O Santo Pio deting adwan mi
kaniting nobena, king ikatula na at ikaligaya ning Dios at
anting parangal mu naman keka. Amen.

Mangading Metung a Ibpa Mi, Bapu Maria, at Ligaya…

Santo Padre Pio ning Pietrelcina, Ipanalangin mu kami!