"Tulang Walang Pamagat"

Ni: Jhomari Antonio

Isa

Isang hakbang palayo sayo

Kung saan Walang lilingon

At tuloy tuloy Lang tayo

Dalawa

Dalawang tenga ang nakikinig

Sa bawat hinanaing

Na hindi mo dininig

Tatlo

Tatlong beses kong sinubukang lumingon

Ngunit pinanindigan ang iyong suhestyon

At sa aking paglingon

Isang aninong tuluyan ng naglaho

Apat

Apat na beses kong sinubukang habulin ka

Pero pagod na ako

Ayaw ko na

Gusto ko ng tumakas

Gusto ko ng lumayo

Gusto ko ng umusad

Mula sa pagkakadapa

Sa mga ala-alang nakatatak

Sa isip, sa Puso, na tuluyan ng napagod

Ayaw ko ng makulong

Sa mga ala-ala ng kahapon

Titigil na ako

Gusto ko ng umuwi

Paturo pabalik sa daan

Kung saan Wala ng sakit

Wala ng lungkot

At 'di na babalik

Sa daang patungo sa hinanakit...

Ayaw ko na.

Ayaw ko ng balikan ang panahong

Hindi ko alam ang salitang

"Ang sakit sakit na"

Pipikit nalang ako

Nang maibsan ang nararamdaman ko

Na ang dahilan

Ay ang paglisan mo

Na ang tanging iniwan mo ay AKO

Ako na syang nagmahal ng todo

Ako na umaasa

Na sa pagdating ng LIMA

Ay magkakaroon ng tayo

TAYO na kailanman
Ay hindi mo ipinangako

Kaya sa pang-ANIM

Heto ako

Kakanta ng

TAYA TAYAAN MALIWANAG ANG BUWAN

WALA SA LIKOD

WALA SA HARAP...

PANG BILANG KO NG PITO

AY AALIS NA AKO

DAHIL WALA NA AKONG

MATAGPUAN NA KATULAD MO.