Unang Tula Para kay Crush

Noong unang beses mo akong tinitigan, kasabay ng iyong pag ngiti, ramdam ko na nahulog na ako.

Ramdam ko ang pagkahapo nang hinayaan mo akong hawakan ang mga kamay mo, nang hinayaan mo
akong isilid ang mga daliri mo sa pagitan ng mga daliri ko.

Ramdam ko ang galak satwing hinahaplos ko ang likod at balikat mo na parang gusto kong sabihing
andito lang ako para sayo.

Ramdam ko ang kuryenteng dumadaloy sa mga ugat ko satwing hinahayaan mo akong iparamdam sayo
ang pag- aalagat pagmamahal kahit sa katunayan ay hindi mo alam kung ano ba talaga ang pakay ko.

Ipaparamdam ko sayo ang pagmamahal ngunit hindi ko maaring sabihin,hindi mo dapat malaman dahil
na rin sa pagkatakot ko na baka ikaw ay umiwas at lumayo at maiwan akong luhaan, hindi pa ako handa.

Sa araw- araw na lumilipas ay mas lalo pa akong nahuhulog at hahayaan ko lang na mahulog ako sayo
kahit wala akong kasiguraduhang bukas ang mga bisig mo sa pagsalo

Susugal pa rin ako

Susugal ako sa pagmamahal sayo

Hahayaan kong ikulong ang sarili ko sa selda ng pag-asang sana magkaroon ng tayo

At kung tuluyan man akong bumagsak at masaktan ay hindi ko pa rin pagsisisihang nahulog ako sayo
dahil mahal kita.

Mahal na kita.

Kaya isasantabi ko ang ako, isusugal ko ang ako itataya ko ang puso ko para lang sa ikaw at sana ay
dumating ang panahong ang tayo naman ang tataya sa sugal na ito.

03/06/16

Una At Huling Tula Para Kay Ex

Tinanong nila ako noon

Kung sino daw ba ang pipiliin ko,

Ikaw na girlfriend ko

Pero malayo sa tabi ko,

O siya na araw-araw nakakasamat abot kamay ko

Oo,masaya ako kapag kasama ko siya

Pero pinili kita,

Pinili ko na tigilan siya

Pinili ko na pilitin muli ang sarili ko na mahalin ka

Pinili ko na ituon sa'yo ang atensyon ko

Pinili ko na pasayahin ka

Pinili ko na pakinggan ang mga kwento mong paulit-ulit na

At medyo nakakasawa na

Pinili pa rin kita

Alam ko di mo hiniling na piliin kita

Pero pinili pa rin kita

Dahil mas mahal kita kesa sakanya,

Pinili pa rin kita

dahil ikaw talaga ang gusto kong makasama,

Pinili pa rin kita

Dahil punyeta,mahal kita!

Ayokong isipin na mali ang naging desisyon ko,

Na pinili kong pilitin ang hindi na pwede pa

Kesa sa bagong simula kasama siya

Pero nagkamali ako

Tang ina,kung alam ko lang sana

Na bibitawan mo rin ako

Di ko na sana pinilit pa

Tang ina, kung alam ko lang sana

Na iiwan mo rin ako

Di na sana kita pinili pa

Tuwing binabalik- balikan ko

ang mga masasayang ara

at mga alaala nating dalawa,

pakiramdam ko dahan- dahan akong nadudurog.

Naalala ko na may isang hapon,

noong araw ng kalayaan

ay napalaya mo ang puso ko

na minsan nang nakulong sa mapait kong nakaraan.

Isang hapon, nakilala kita

binasag mo ang kalungkutan

at unti- unting binuo ang mga ngiti

na minsan nang nahimlay.

Isang hapon, sinabi mo na mahal mo ako

attinanggapako ng buong- buo

kahit alam mo na hindi pa ako kumplet0

Ikaw ang piraso na bumuo sa nawawala kong pagkatao.

Naalala ko ang gabi- gabing

pagtawag mo sa telepono,

kung paano mo sinasambit ang pangalan ko

kasunod ang pagpapadama mo na mahal mo ako.

Punong- puno ng musika ang paligid ko

Sa tuwing naririnig ko ang tinig mo.

Ang malambing mong tinig

ang pumapawi sa pagod ko sa maghapon.

Ang iyong halakhak,

mga kwento mo na kahit paulit- ulit na

ay hindi pa rin ako magsasawang

pakinggan ang mga ito

Naalala ko kung paano mong nakukumpleto ang umaga ko.

Pagbati mo ang bumubungad sa pag gising ko

at lilipas ang buong maghapon

na hindi napapawi ang ngiti sa labi ko.

Sinisimulan at tinataposmo ang araw

na pinapadama mo ang pagmamahal

nahindimatatapatan
ng kahit na sino.

Naalala ko na tanging ang pangalan mo ang sinasambit ng dila ko,

sa umaga, sa pag gising ko na mahal pa rin kita,

sa tanghali, ikaw ang bukambibig ko sa barkada,

sa gabi, bago ako matulog, nagpapasalamat ako na lagi kang nariyan sa aking tabi.

Naalala ko kung paano mo akong tinitigan.

Nalulusaw ako sa ganda ng mga mata mo

Tila isang kandilang natutunaw sa titig mo,

pinapabilis nito ang pagkabog ng dibdib ko.

Noon, nakikita ko pa ang galak sa mga mata mo.

Ngayon, hindi ko na makita kahit na anino ko.

Blanko, di ko malaman kung galit, lungkot o pareho.

Nakakalungkot na tanging luha ko na lang ang makikita mo sa mga mata ko.

Naalala ko kung paano mo hinalikan ang mga labi ko.

Ang init at tamis ng iyong halik ang laging hinahanap- hanap ko.

Nararamdaman ko pa rin ang gigil ng paghalik mo sa tuwing pinipikit ko ang mga mata ko

at napapaluha na lang ako dahil alam ko hindi na iyon mauulit pa.

Naalala ko ang mga yakap mo

Na halos hindi makadaloy ang dugo ko dahil sa higpit nito.

Ramdam ko ang kuryenteng dumadaloy sa ugat ko sa tuwing niyayakap mo

At dahan- dahang lumalamig ang paligid nang unti- unting lumuluwang ang mga ito.

Naalala ko kung paano mong hawakan ang kamay ko noong minsang namasyal tayo.

Ramdam ko na kahit anong mangyari ay hindi ka bibitaw, hindi ka susuko,

iyon ang akala ko.

Ramdam ko ang bigat ng pagbagsak ng kamay ko nang binitawan mo ito.

Naalala ko ang gabing winakasan mo ang ating pagsasama,

ang gabing nasira ang mga pangako sa isa't- isa.

At noong gabing sumuko ka na, doon ko lang naalala kung gaano tayo kasaya sa umpisa,

kung gaano kaganda ang ating pagsasama at kung gaano kakulay ang mundo ko nang dumating ka.
Sa isang iglap nasira ang lahat.

Nagsimula at natapos tayo sa tatlong salita,

"mahal na kita" at "ayaw ko na"

na parehong sa'yo nagsimula

at hanggang ngayon masakit pa.

3/24/16

Pangalawang Tula Para Kay Crush

Mahal na kita

Mahal na nga ba talaga kita?

Oo, mahal na kita

Paano ko ba sasabihin sayo na mahal na kita ng walang halong biro?

Me aap se pyar karta hun

Napansin mo ba na pabiro kong binanggit ang mga katagang walang kasiguraduhan kung tama ba ang
pagbaybay pero sigurado ako sa nararamdaman ko

Sa mga kaibigan mo ako unang umamin

Kasunod ng pero wala akong plano ligawan siya

Pero ang totoo, gusto ko sana.

Natatakot lang ako sa magiging reaksyon nila.

Ang kasiya siyang pagtanggap

O ang lagim ng pagtanggi

Mahal na kita

Kaya sinusubukan ko ng umiwas

Dahil na rin sa medyo napaghahalataan na

Wala rin naman yata akong pag- asa

At kung mapansin mo man ang pagbagsak ko sa'yo

Hindi naman ako umaasa na mahalin mo rin ako,

Pero sana oo

Katulad na lang ng hindi ko pag- asa na may bayad akong makukuha sa bawat tulang nasusulat ko
Pero sana may makapansin nito at masabi nila sayo

Dahil wala pa talaga akong lakas ng loob na aminin sa'yo

Ramdam kong muli ang pagkahapo

Ngunit sa pagkakataong ito, dahil yon sa sakit ng pag- iwas ko sayo

Pero hindi pa ito ang huling tula ko para sa'yo

Aamin pa ako

Tanggapin mo kaya ako?

03/11/16

Bakit Ikaw Pa?

Bakit sa dinami rami ng maaari kong makasalubong sa aking paglalakad, bakit ikaw pa? Ikaw na siyang
nagpangiti sakin nung umpisa. Ikaw na siyang nagparamdam sa akin ng walang kwentang pagmamahal,
nagpatunay saakin na hindi totoo ang magpakailan pa man, bakit ikaw pa?

Bakit sa dinami rami ng maaari mong gawin noong unang makasalubong kita,bakit ngumiti ka pa? Mga
ngiti mong napakaganda,na siyang nagbibigay lakas at enerhiya sa aking nakakatamad na umaga. Mga
ngiti na nagbibigay liwanag sa makulimlim na gabi. Ngiti na nagpapainit sa puso kong naninigas na sa
lamig satuwing sasapit ang hating gabi, bakit ngumiti ka pa?

Bakit sa dinami rami ng maari mong sabihin noong muli tayong magkita, bakit sinabi mo pa na mahal
kita? Dalawang salita na noo'y nagpapangiti saakin satuwing ako'y nalulumbay. Dalawang salita na
nagpapalakas ng aking kalooban satuwing ako'y nanginginig sa kaba. Dalawang salita na nagbibigay
saakin ng pag-asa satuwing ako'y nadarapa.

Mahal kita mga salitang aking pinaniwalaan hanggang sa makita kitang may kayakap nang iba. Init na
dala ng mga yakap mong mahigpit, ngayo'y nanlalamig na.

Mahal kita mga salitang aking pinaniwalaan hanggang sa nakita kitang hinalikan mo siya. Mga halik ng
malasutla mong labi na siyang nagbibigay tamis sa aking buhay,ngayo'y pumapait na.

Mahal kita mga salitang aking pinaniwalaan hanggang sa nakita ko kung paano mo siyang tingnan, mga
titig na satuwing natutuon saakin ay para akong kandilang unti-unting natutunaw. Mga mata mo na
nagsasabing hindi kita iiwan ngayon ako'y tuluyan ng nilisan.

Mahal kita dalawang salitang lubos kong pinaniwalaan hanggang sa nakita kitang masaya na sa iba.

Wala akong ibang ninais kundi ang makita kang masaya,ngunit masakit,masaya ka na nga pala sa iba.
Pero bakit nga ba sakanya ka pa naging masaya? Bakit ikaw pa ang unang bumitaw? Ikaw na unang
nagsabi na mahal kita. Mahal, sa huling pagkakataon,nakikiusap ako sumagot ka,nang sa ganon ay
matapos ko na rin itong tula. Hayaan mo, huli na to, pagkatapos, bibitawan na rin kita.