Mifologiyada xalqların mәnşә, digәr adıyla desәk etnoqonik miflәri onların
kosmik anlayışlarının toplum düşüncәsindәki әkslәri vә bunların da milli psixologiyaya etdiyi tәsir hәddәn artıq önәmlidir, çünki bir millәti millәt edәn dәyәrlәr onda öz әksini tapır. Dünya mifologiyasında, ilkin ata vә ana ümumiyyәtlә göy vә yer tanrılarıdır. Bu anlayışa görә yaradıcı tanrı ilkin insanı ümumiyyәtlә bitki, ağaç, qaya vә ya palçıqdan yaradıb, yәni dünyada olan varlıqlardan. Kainatdakı varlıqlar da dünyaya gәlir, böyüyüb kamilliyә çatır vә axırda ölüb gedir, ancaq bu hadisәdәn sonra yendәn yaranış başlayır. Bu anlayış Hind-Avropai xalqların anlayışındadır, türk millәtinin mifik düşüncәsindә bu anlayış yoxdur. Rumınyalı alim Mircea Eliadeyә görә, etnoqonik, yәni mәnşә miflәrindәn söhbәt açılarkәn o vaxtlarda dünyanın var olduğu qәbul edilir. Bir çox şәyin mәnşәinin nә olduğu mәsәlәsi izah edilmәdәn kosmoqoniya mifindәn söhbәt açılır. Bir sözlә dünyada var olan hәr-hansı şey, ancaq kainat vә dünya yarandıqdan sonra izah edilә bilәr. Bu sәbәblә mәnşә miflәri ilә kosmoqoniya arasında sınmaz bir әlaqә vardır (Dönmez, 2001:21). Hind-Avropa xalqlarının mifik anlayışında tanrılar eynilә insan kimidir vә onlar yeyib-içir, fikirlәşir, danışır, hirslәnir, evlәnib ailә qurur, uşaqları olur. Ancaq bu tanrılar fani olanlara qarşı fәrqli rәftar edirlәr. Yunan, Misir, Hind xalqlarının tanrıları insanların etdiyi yaxşılığı qiymәtlәndirir, onlara qarşı daha mülayim hәrәkәt edir vә dara düşdükdә yardım edirlәr (Rosenberg, 2003:18). Hindlilәrin etnoqonik, yәni mәnşә miflәrinә görә heç nә olmadan Atman vardı. Әtrafına baxdı vә tәk olduğuna görә qorxdu, ancaq fikirlәşdi ki, mәndәn savayı heç nә yoxdursa niyә qorxum. Lakin xoşbәxt deyildi, özünә bir yoldaş axtardı vә özünü ikiyә böldü bir tәrәfi kişi, bir tәrәfi qadın oldu. Onunla oldu vә insanlıq yarandı. Qadın, o mәni özündәn yaratdı nә cür mәnimlә cinsi әlaqә yarada bilәr deyә düşündü vә özünü gizlәdәrәk inәk donuna girdi. Kişi tәrәfi isә buğa oldu vә onların birlәşmәsindәn heyvanat yarandı (Campbell,2014:18). Yunan miflәrini toplayan Homeros ilә Hesiodosdur. Hesiodosun teoqoniyasına (tanrıların yaranması) görә әn başda xaos vardı. Xaos, Yunan mifologiyasına görә әfsanәvi olan Qızıl Çağda dünyanı idarә edәn güclü tanrıların irqi olan ölmәz titanları dünyaya gәtirib. İlkin Qaia (torpaq ana), sonra yeraltı dünyasını idarә edәn Tartaros vә gözәlliyi ilә ölümsüz tanrıların yaradılmasına ilham mәnbәi olan Eros (eşq) yaranıb (Rosәnbәrg,2003:34). Ancaq Yunan tanrılarının әn böyüyü Zeusdur. Onun arvadı Hera Olympos dağının kraliçası, evlilik vә doğum olaylarından mәsul ilahәdir. Ancaq Hera, Zeusun bacısıdır, yәni Zeus bacısı ilә cinsi әlaqәyә girir (Rosәnbәrg,2003:33). Yenә Hesiodosun teoqoniyasına görә Zeus hәr biri öncәkindәn daha pis olan beş insan irqi yaradıb (Rosәnbәrg,2003:29). Yunanlıların mifik anlayışına görә Zeus yunanlıları yaradan tanrıdır. Onların mifinә görә hәyatın mәnbәi Torpaq Anadır, yәni Qaia. Göyün hakimi olan Uranos Qaianın hәm oğlu hәm dә әridir. İkinci nәsil isә Qaia ilә Uranosun uşaqlarıdır (Rosenberg,2003:32). Şimali Avropa xalqlarının miflәri dә eynilә Yunan miflәri kimidir, çünki onların da bir hissәsi Hind-Avropai xalqlardandır. Misir mifindә göy öncә inәk ilahә Hathor idi, daha sonra insana oxşayan ilahә Nut yarandı. Piramidaların üstündәki yazılarda Nut, “parlaq, böyük, böyük qoruyucu, uzun saçlı, sallaq döşlü” kimi ifadәlәrlә qeyd edilib. Yer ilahı Gәb isә onun altındadır, ancaq ikisi hava ilahı Şu tәrәfindәn bir-birindәn ayrılıb (Campbell, 2014:121). Yaponiyanın vә Yaponların yaranması da eynilә Yunan miflәrinә oxşayır. Onların mifi belә deyir: Öncә qat-qarışıqlıqdı. Heç bir güc vә heç nә yoxdu. Nәhayәt göy vә yer bir- birindәn ayrıldı, müqәddәs ruh işә başladı. Öncә göyün müqәddәs mәrkәzinin hörmәtli Usta Ruhu, möhtәşәm şeylәri yaradan Ruh vә digәr şeylәri yaradan Baba olmaqla üçü birdәn ortaya çıxdı sonra yoxa çәkildilәr. Cavan olan yer, suyun üstündә yağ kimi üzürdü, birdәn qarğı kimi bir şey yüksәldi, içindәn iki ruh çıxdı; toxum yaradan palçıq, yәni İzanagi vә cavan bacısı İzanami. İzanagi vә cavan bacısı İzanami bir müddәt baxışdılar. İzanagi vә dәvәtkar bacısı İzanami digәr göy ruhları ilә Yaponiyanı yaratmağa başladılar. Bir araya gәlib suda hәrәkәt edәn Yaponiyanı yaratdılar. İzanagi vә İzanami göyün üstündә üzәn körpüdә durub cavahiratlı nizәylә aşağıya әyilib okeanın dibini qarışdırdılar vә o guruldayana kimi qarışdırıb nizәni çәkdilәr. Okean damcılamağa başladı, damcılar yığılıb-yığılıb öz-özünә qatılaşdı vә Yapon adası yarandı. İzanagi vә bacısı İzanami bura endi. İkisinin dә bәdәnlәri böyümәyә başladı. Oğlan, “mәnim ifrat dәrәcәdә böyüyәn hissәmi sәnin az böyüyәn hissәnlә birlәşdirib torpaq yaradaq” dedi. Bacısı qәbul etdi. Biri ordakı sütunun sağından getdi, digәri solundan üzlәşdiklәrindә dәvәtkar İzanami onu görüb “nә qәşәng oğlan!”, dәvәtkar İzanagi da ona “nә qәşәng qız!” dedi. Ancaq oğlan, “qadınların öncә danışması yaxşı deyil” dedi. Birlәşdilәr “Lәç” adında bir oğulları oldu. İzanami sonra Köpük Adasını doğdu, ancaq o uğursuz oldu. İki müqәddәs ruh fikirlәşib, uşaqlarımız yaxşı deyil bunu göydәki ruha bildirәk deyib yanına getdilәr. Müqәddәs ruh da, “qadın öncә danışdığına görә uşaqlarınız sәhhәtli deyil, gedib o işi tәzdәn görün” dedi. Hәmin yerdә bu dәfә dәvәtkar oğlan İzanagi dindi. Sonra birlәşdilәr vә İzanami Yaponiyanın yeddi adasını doğdu. Adalarda olan hәr bir şeyi özlәrindәn yaratdılar (Campbәll, 2014:474-478). Türk millәtinin yaradılışla bağlı anlayışı isә bunların heç birinә uymur. Bilgә Kaqan abidәsinin şәrq üzündә bu ifadәlәr yer tutub: “Üstdә mavi göy, altda yağız yer yaradıldığında ikisinin arasında insanoğulları yaradılıb. İnsanoğullarının üstündә babalarım Bumın Kaqan, İstәmi Kaqan hökmdar kimi taxtda әylәşib” (Tәkin,2006:51). Ayrı bir sәtirdә isә bu sözlәr yer tutub: “Türk Tanrısı, müqәddәs yer vә suları belә ediblәr şәksiz: Türk xalqı yox olmasın deyә, xalq olsun deyә atam İltәriş Kaqanı vә anam İlbilgә Xatunu tutub yuxarı göyün tәpәsinә qaldırıb…” (Tәkin,2006:53) Bu cür möhtәşәm ifadәlәr dünyanın heç bir mifologiyasında yer tutmur. Bizim anlayışımızda hәr bir şeyi yaradan Ulu Tanrıdır. Türklәrin ilkin babasına gәldikdә isә Farsca yazılan Oğuz Dastanına әsasәn Nuh Peyğәmbәr dünyanı oğulları arasında bölüşdürdüyündә Yafәsә şәrq tәrәflәri ilә Türküstan düşüb. Türklәrin deyişi ilә Yafәs, Olcay Xan kimi yad әdilirmiş özü dә köçәri yaşayırmış (Ögәl,1988:49). Әfsanәyә görә Türklәrin ilk atası Oğuzdur vә onun evliliyi Oğuz Dastanında bu cür dilә gәtirilib: “Oğuz Kaqan bir yerdә Tanrıya yalvararkәn birdәn qaranlıq basdı, göydәn aydan vә günәşdәn dә parlaq bir işıq endi. Oğuz Kaqan ona sarı getdi vә işığın ortasında dünya gözәli bir qızın oturduğunu gördü, onu sevdi vә evlәndi. Ondan Gün, Ay vә Ulduz adlı üç oğlu dünyaya gәldi (Ögәl,2010:117). O yenә bir gün ova getmişdi, meşәdәki gölün ortasında bir ağac vardı onun koğuşunda bir qız oturmuşdu. Gözü göydәn daha göy idi, o bir Tanrı qızıydı. Oğuz onu görüb sevdi vә evlәndi ondan da Göy, Dağ, Dәniz adında üç oğlu oldu (Ögәl,2010:117- 118). Bizim mәnşә mifimizdә ulu babamız Yunanlılarınkı kimi öz qızı, anamız isә öz oğlu ilә evlәnmir. Ulu babamızın hәyat yoldaşı Tanrı tәrәfindәn ya işğın içindә göydәn yollanıb vә ya yerin töhfәsi kimi ağacın koğuşunda tәqdim edilib. Bu hal da bizim etnoqonik anlayışımızın digәr xalqların mifik anlayışından nә qәdәr fәrqlәndiyini sübut edir. Әdәbiyyat: 1. Campbәll, Josәph, Doğu Mitolojisi (Tanrının Maskәlәri II), Islık Yayınları, İstanbul 2014 2. Dönmәz, Pınar, Türk Mitolojisi Üzәrinә Türkiyә’dә Yapılan Yayınların Bibliyografyası Vә Bu Yayınların Analizi, Әgә Ünivәrsitәsi Sosyal Bilimlәr Әnstitüsü Türk Halk Bilimi Anabilim Dalı, İzmir 2001 3. Ögәl, Bahaәddin, Türk Kültürünün Gәlişmә Çağları, Türk Dünyası Araştırmaları Vakfı, İstanbul 1988 4. Ögәl, Bahaәddin, Türk Mitolojisi I, TTK Yayınları, Ankara 2010 5. Rosәnbәrg, Donna, Dünya Mitolojisi, İmgә kitabәvi, Ankara 2003 6. Tәkin, Talat, Orhon Yazıdları, TDK Yayınları, Ankara 2006
Aydın, Hasan - İslam Felsefesinde Rüya Kuramı, İşlevleri Ve Kimi Sonuçları, Ondokuz Mayıs Üniversitesi İlahiyat Fakültesi Dergisi, 2007, Sayı 23, S. 165-177 PDF