Holy Thursday, Year B

SAMBAYANG KOPOKIINSIANAN: 28.03.2024

Faado/Katigis:
Doid kinopomohiungan di Jesus do takod di mokiki-ia’ ngaavi’ Disido, pinointahang
Disido do Oikaristia Tobitua nopo nga’ hobi mantad do koponomposizan do
songuhun: momoguno ii do koginavaan do kopohiangan. Kanou no sumambayang
montok do koginavaan di otogui i okon ko oosizan do popokito dii montok di tuhun i
momoguno. Sisimba nopo dotokou nga’:
IZON NO DOID DAGAI, OI TUHAN.

1. Montok do saviavi’ ii monompuan do tuhun ngaavi’ do Kinoingan sabaagi do

gugumompi, hobi no kozo doid kogompizan om koponoinaan di sontob
osonguhunan om ii nongohiivan.
Kanou no sumambayang do id di Tuhan.

2. Do boogizan no daa di tuhun ngaavi’ di ongosimaan i sontob ngaavi’ di

modop do poingkibit do hous.
Kanou no sumambayang do id di Tuhan.

3. Do oongou no daa om osimba i ohou ngaavi’ di tuhun popiipibabas doid

pomogunan ngaavi di nouta do pisangadan om kountingaan.
Kanou no sumambayang do id di Tuhan.

4. Kanou no sumambayang do gumazo no daa o hizab do tuhun ngaavi’ di

ongotumbazaan, hobi no kozo do ontok sodop diti, montok do pisompuuvan
do songinhiput izioho’ do taakanan di Tuhan.
Kanou no sumambayang do id di Tuhan.

5. Montok di tobpinai dagai ngaavi’ di Johudi do maamaso izioho; tomounda’

do manaandak do Tadau Kinahapasan.
Kanou no sumambayang do id di Tuhan.

6. Sambayang Diosis dotokou.

Faado / Katekis:
Oi Ama’, doid sodop tobitua diti monongkotohuod zikoi montok di titaak ngaavi’: I titiu
om vaig, montok do kavakasan do hongon do pointounda’ do monompuan.
Monongkotohuod zikoi do hoohobi no kozo montok do louti i tinan di Kristus om i
anggur i pidondian dagai do miampai Diau doid zaa Disido. Papadano zikoi no, oi
Ama’, doid saviavi’ titaak Nu tu’ pokionuon dagai iti maza’ di Kristus, Tuhan za. Amen.