DZRM
SCRIPTWRITING AND BROADCASTING
STATION ID: D-Z-R-M, Singko-Kwatro-Singko
Radyo Mabalacat
STATION HYMN: Himpilan ng Katotohanan, Boses ng Mamamayan
COACHES: Michael Bryan Rosilla
Jayrra Manangan
MAIN ANCHOR 1 - Mark Jay Naval
MAIN ANCHOR 2 – Viennah Viado
FIELD REPORTER 1 – Ilyena Dominguez
FIELD REPORTER 2 – Angelo Zarate
FIELD REPORTER 3 – Kaye Bernabe
FIELD REPORTER 4 – Johnley Luteria
TECHNICAL – Khaizher Miranda
(INTRO MUSIC MALAKAS NA BAGSAK TAS BIGLANG HIHINA)
ANCHOR 1 – Kumakaripas sa paghahanap ng katotohanan,
ANCHOR 2 – matatag sa pagbatid ng balita, at handang maging tinig ng sambayanang
Pilipino.
ANCHOR 1 – Kasama ninyo kami sa pagbabalita nang may puso at paninindigan,
ANCHOR 2 - Boses ang aming sandata sa pagbubukas ng bawat kwento ng masa.
ANCHOR 1 – Bawat salita ay para sa mamamayan, ang bawat ulat ay para sa bayan.
ANCHOR 2 – Ihanda ang inyong pandinig at damdamin, sapagkat tayo’y tutungo na sa
ulo ng mga balita.
(TRANSITION SA MASIGLANG MUSIC)
ANCHOR 1 – Magandang araw, Pilipinas! Mula rito sa lungsod ng Mabalacat, ika-28 ng
Nobyembre 2025
ANCHOR 1 – Ako si Mark Jay Naval,
ANCHOR 2 – At ako naman si Viennah Viado
(STINGER TING)
ANCHOR 1 – Para sa Himpilan ng Katotohanan..
ANCHOR 2 – Boses ng Mamamayan
VOICE - D-Z-R-M Singko-Kwatro-Singko
ANCHOR 1 - Rumaratsada, Radyo Mabalacat.
(STATION HYMN)
ANCHOR 1&2 - Iisang tinig, Titindig!
(MUSIC BAGSAK TAS HIHINA)
1. STD INTRO
(LIPAT SA MEDYO MABILIS NA MUSIC BED)
2. HEADLINES
ANCHOR 2 – Headlines ngayon!
(LASER SOUND EFFECT)
ANCHOR 2 - Patient Transport Vehicle sa Mabalacat City, Meron na!
(LASER SOUND EFFECT)
ANCHOR 1 - Zaldy Co, Umamin na sa umanoy malaking budget.
(LASER SOUND EFFECT)
ANCHOR 2 - Malaking sunog sa Hongkong: Mahigit 94 ang nasawi!
(LASER SOUND EFFECT)
ANCHOR 1 - Gilas Pilipinas handa na sa laban kontra Guam
(LASER SOUND EFFECT)
(PALIT SA TEASER MUSIC)
3. BALITANG LOKAL
ANCHOR 2 – Tinanggap ni Mayor Geld Aquino ng Mabalacat City ang Patient
Transport Vehicle na ipinagkaloob ng Phillipines Charity Sweepstakers Office. Para sa
karagdagang impormasyon, Ilyena Dominguez, Ibalita mo!
(LASER SOUND EFFECT)
(PALIT SA BACKGROUND MUSIC)
FIELD REPORTER 1 – Ipinagkaloob ng Phillipines Charity Sweepstaker Office ng
Mandaluyong ang Patient Vehicle sa syudad ng Mabalacat. Pinangunahan ni P-C-S-O
Assistant General Manager Atty. Laura Patiag ang turn over.
Ayon kay Mayor Aquino, malaking tulong ito upang magkaroon agarang pagresponde
sa mga nangangailangan at may malubhang karamdaman patungong ospital.
Nagpahayag din ng pasasalamat ang P-C-S-O sa patuloy na suporta sa mga lokal na
pamahalaan. Tiniyak naman ng Local Government Unit na gagamitin para sa
Serbisyong Medikal ang mga sasakyan. Para sa D-Z-R-M Singko-Kwatro-Singko, Ilyena
Dominguez, Nag-uulat.
(LASER SOUND EFFECT KASABAY NG PAGBALIK SA TEASER MUSIC)
4. BALITANG NATIONAL
ANCHOR 1 – Pag-amin ni Zaldy Co sa umano’y 100-billion-peso Insertion, nagpasiklab
ng Kontrobersya sa gobyerno. Para sa karagdagang impormasyon, iuulat sa atin ni
Angelo Zarate.
(LASER SOUND EFFECT)
(PALIT SA BACKGROUND MUSIC)
FIELD REPORTER 2 – Naglabas ng video si dating AKO Bicol Representative Zaldy
Co, kung saan inamin niya na mayroon siyang di-umanong 100-billion-peso budget
insertions, para sa 2025 budget, Iginiit niyang utos daw ito mismo mula kina Pangulong
Ferdinand Marcos Jr. at House Speaker Martin Romualdez. Ayon sakanya, personal
daw niyang hinatid ng maleta ng pera sa dalawang opisyal. Para sa D-Z-R-M Singko-
Kwatro-Singko, Angelo Zarate, Nag-uulat.
(LASER SOUND EFFECT KASABAY NG PAGBALIK SA TEASER MUSIC)
ANCHOR 2 – Kami’y magbabalik pagkatapos ng isang paalala…
(LIPAT SA MAINGAY AT MARAMING DUMADAAN SA KALSADA NA SFX)
5. INFOMERCIAL
PERSON 1 – Bili na po kayo sampaguita! Bente, isa lang po!
PERSON 2 – Uy, bata! Ano ginagawa mo?
PERSON 1 – Nagbebenta para may pangkain.
PERSON 1 (Bulong sa Utak) – Ang ganda naman ng uniforme niya, Sana ako rin..
(HIHINA UNG MUSIC TAPOS ACAPELLA)
VOICE - Hindi na makapag-aral. Minumulto nako ng pangarap ko, ng pangarap ko.
(RISER SOUND EFFECT)
VOICE - Mahalagang Paalala: Ang Bawat kabataan ay may Karapatan mag-aral para
sa kanilang kinabukasan. Ang paalalang ito ay hatid sa inyo ng Department of
Education at ng himpilang ito.
(BABALIK SA BACKGROUND MUSIC)
ANCHOR 1 – At muling nagbabalik ang
VOICE - D-Z-R-M Singko-Kwatro-Singko
ANCHOR 1 – Rumaratsada, Radyo Mabalacat
(STATION HYMN)
(TIMECHECK)
(LIPAT SA TEASER MUSIC)
6. BALITANG INTERNATIONAL
ANCHOR 2 – Matapos ang ilang dekada, muling nagkaroon ng malaking sunog sa
Hongkong. Para sa karagdagang impormasyon, Kaye Bernabe. I-ulat mo!
(BALIK SA BACKGROUND MUSIC NA MAY LASER SOUND EFFECTS)
FIELD REPORTER 3 – Ayon sa awtoritad ng Hongkong noong Biyernes, tumaas na
umano ng mahigit kumulang 94 ang nasawi at iilan ay pinaghahanap pa sa naganap na
malaking sunog sa Wang Fung Court sa Hongkong Tai Po District. Higit sa 76 na tao
ang sugatan, kasama na rin ang 11 bumbero at hindi na nadagdagan pa simula noong
Huwebes. Pinagpapatuloy pa rin ng mga bumbero na buhusan ng tubig ang gusali
upang hindi muling sumiklab ang apoy. Ayon naman sa isang nakasaksi ng pangyayari,
napakabilis raw ng pagkalat ng apoy at pakiramdam niya ay mabagal ng sinubukang
iligtas ang ilang mga gusali. Para sa D-Z-R-M Singko-Kwatro-Singko, Kaye Bernabe,
nag-uulat.
(LIPAT SA TEASER MUSIC KASABAY NG LASER SOUND EFFECT)
7. BALITANG SPORTS
ANCHOR 1 – Gilas Pilipinas, pinupuntirya ang panalo para sa Qualifiers. Para sa
karagdagang inpormasyon, iuulat sa atin ni Johnley Luteria.
(TRANSITION ULIT SA BACKGROUND MUSIC WITH LASER SOUND EFFECT)
FIELD REPORTER 4 – Magarbong simulan ang Laban kontra Guam ito ang pakay ng
Gilas Pilipinas sa first window FIBA World Cup Asian Qualifiers ngayong araw sa Calvo
Field House. Nakatakda ang bakbakan sa Alas-Syete ng gabi at Alas-Sinko naman ng
hapon sa Maynila, kung saan nais ng mga Pinoy players na makuha ang panalo sa
qualifiers.
Importante ang larong para sa Gilas kaya’t kailangan makuha nito ang dalawang panalo
sa Home and Away game para sa malaking tyansang makapasok sa World Cup. Para
sa D-Z-R-M Singko-Kwatro-Singko, Johnley Luteria, Nag-uulat.
(LASER SOUND EFFECT)
(TRANSITION SA CLOSING NA MASIGLANG BACKGROUND MUSIC)
8. STD EXTRO
ANCHOR 1 – At iyan ang kabuuan ng mga balita ngayong araw. Muli, ako si Mark Jay
Naval.
(LASER SOUND EFFECT)
ANCHOR 2 - At ako naman si Viennah Viado.
(LASER SOUND EFFECT)
ANCHOR 1 - Para sa Himpilan ng Katotohanan.
ANCHOR 2 – Boses ng Mamamayan
VOICE - D-Z-R-M Singko-Kwatro-Singko
ANCHOR 1 - Rumaratsada, Radyo Mabalacat.
(STATION HYMN)
ANCHOR 1&2 - Iisang tinig, Titindig!
(MUSIC FADES)
