Витамин Б5, или пантотенска киселина, е еден од најважните витамини за човечкиот живот: помага во создавање на крвни клетки и помага во конвертирање на изедената храна во енергија. Витаминот Б5 е еден од осумте Б- витамини. Сите Б- витамини ви помогаат во конвертирање на протеини, јаглени хидрати и масти во енергија. Исто така, витаминот Б-5 е потребен за: здрава кожа, коса и очи правилно функционирање на нервниот систем и црниот дроб здрав дигестивен тракт создавање на црвените крвни зрнца, кои го носат кислородот низ телото стресот поврзани хормони во надбубрежните жлезди Пантотенската киселина или витамин Б5, спаѓа во групата на Б -витамини. При нормална прехрана кај човекот не е позната појава на хиповитаминоза, затоа што ја има во скоро сите намирници. Претставува составен дел на коензимот А кој има важна улога во метаболизмот на јаглехидратите, мастите и протеините. Постои во две форми: чиста пантотенска киселина и нејзината калциумова сол – калциум пантотенат. Пантотенатот помага во регулирање на високото ниво на холестерол и триглицеридите во крвта, додека пак пантотенската киселина помага во третман на ревматоиден артритис и во спречувањето на појава на акни. Природни извори на витамин Б5 се : месото, мешункастите плодови, јајцата, црниот дроб, темното пилешко и мисиркино месо, овошјето и зеленчукот, печурките, лососот, оревите, компирот, пченката, кикириките, квасецот и друго. Пантотенската киселина која се наоѓа во лосиони и креми ја ублажува болката од изгореници, исеченици, гребаници, и исто така го намалува воспалението на кожата и го забрзува заздравувањето на раните. Недостатокот на витамин Б5 е многу редок, затоа што е присутен во скоро сите намирници. Симптомите при недостаток на витамин Б-5 се:: повраќање, нервоза, абдоминална болка, мускулни грчеви, инфекција на горните респираторни органи и друго. Дневна препорачана доза за витамн Б5 е 4 – 7 мг за возрасни и адолесценти, и 3 – 4 мг за деца. Овие количини можат да се внесат во организмот со правилна прехрана. Зголемени количини на пантотенска киселина се потребни кај трудниците и алкохоличарите. Преголеми количини на овој витамин можат да бидат штетни за мајката и фетусот. Не постои податок за хипервитаминоза и токсично делување на пантотенската киселина.