PAG-AARAL NG KONTEMPORARYONG ISYU A. Konsepto ng Kontemporaryong Isyu
Nahahati ang kontemporaryong isyu sa dalawang kataga:
“kontemporaryo” at “isyu”. Matatalunton ang pinag-ugatan nang mga kontemporaryo sa salitang Latin na contemporarius. Mula ang contemporaries sa salitang “con ” na nangangahulugang “kasama sa” at “tempur o tempor” na nangangahulugang “panahon”. Kung gayon, ibig sabihin nito ay “kapanahon o kapanabayan. Sa konstektong ito masasabi nating ang kontemporaryo ay “kapanahon o kasalukuyang panahon o malapit sa nakaraan”. Naging tulay ang mga wikang English at Spanish upang
maging bahagi ito ng wikang Filipino. Ang mga salitang
nangangahulugang kapanahon sa salitang English na contemporary na nagmula ang kontemporaryo, samantalang sa salitang Spanish naman na contemporaneo nagmula ang kontemporaryo. Ang salitang kontemporaryo ay ginagamit sa iba’t ibang konstekto isang halimbawa nito ay ang paggamit ng kontemporaryong daigdig na naglalarawan sa panahon mula ika–20 dantaon hanggang sa kasalukuyan. Ang mga pangyayari sa panahong ito ay sinasabing naaalala
pa ng tao sa ngayon. Isa pang halimbawa ay ang paggamit ng
kontemporaryong kasaysayan na tumutukoy naman sa panahon mula sa pagitan ng ika-20 dantaon hanggang sa kasalukuyan. Samakatuwid ang mga pangyayaring naganap sa nakalipas na dekada na nakakaapekto sa kasalukuyang henerasyon ay bahagi ng kontemporaryong panahon. Gayundin ang mga pangyayaring nagaganap sa kasalukuyan ay sadyang maituturing na kontemporaryo. Ang ikalawang salita na bumubuo sa kontemporaryong isyu ay ang “isyu” na nangangahulugang paksa, tema o suliraning nakakaapekto sa lipunan. Ito ay napag-uusapan, nagiging batayan ng debate, at may malaking epekto sa pamumuhay ng tao sa lipunan. Maaaring ito ay may negatibo at positibong epekto sa buhay ng tao. Kung pagsasamahin ang dalawang salita kontemporaryong
isyu ang tawag sa mga pangyayari o ilang suliraning
gumambala o nagpapabago sa ating pamayanan, pamumuhay, kapaligiran sa bansa at sa buong mundo. Maaari ring sabihin na ang kontemporaryong isyu ay isang mahalagang usapin na umiiral sa kasalukuyan o kaya ay umiral sa malapit na nakaraan. Ang mga paksang ito ang nagiging talakayan ng mass media at nang madla at pagtutuunan ng pag-aaral ng mga eksperto sa partikular na larangan B. Mga Hugis at Anyo ng Kontemporaryong Isyu
MAAARI RING MAGKAROON NG IBA’T IBANG HUGIS AT
ANYO ANG MGA ISYU. MAUURI ANG MGA ITO BATAY SA LARANGANG APEKTADO, O KAYA AY BATAY SA NG SAKOP NG MGA ITO AT BATAY SA LARANGAN, MAAARING MAURI ANG MGA ISYU BILANG PULITIKAL, KULTURAL, EKONOMIKO, PANGKAPALIGIRAN O PANGLIPUNAN. SA USAPIN SA SISTEMA NG PAMAMAHALA, PAGKAKAMIT AT PAGGAMIT NG KAPANGYARIHAN, AT PAGGANAP SA MGA GAWAING PULITIKAL. MGA HALIMBAWA NITO ANG PAG - AARAL SA MGA DINASTIYANG PULITIKAL, PANDARAYA SA H A L A L A N , P A G S U S O G S A S A L I G A N G - B A T A S A T K O R A P S Y O N . Isyung kultural o pangkalinangan
yaong may kinalaman sa uri ng pamumuhay, sining,
panitikan at mga pagpapahalaga ng mga tao. Sakop
nito ang mga usapin tungkol sa pangangalaga at pagpapanatili sa mga yamang kultural, pagwawalang -bahala sa mga katutubong kultura, at maging access sa mataas na kalidad na edukasyon. Isyung pang ekonomiya
ang mga paksang may kinalaman sa paggamit ng
mga kapos na pinagkukunang-yaman. Kabilang
dito ang globalisasyong ekonomiko, kawalan ng trabaho, mataas na antas ng implasyon at pagkawasak ng kalikasan sa ngalan ng paglago ng ekonomiya. Isyung Pangkapaligiran
yaong may kinalaman sa kalikasan at paano nito
naaapektuhan ang mga gawain ng tao. Ilang
kontemporaryong isyung pangkapaligiran ang climate change, tamang paraan tungo sa likas- kayang pag-unlad at epektibong estratihiya tungo sa disaster risk reduction. Isyung Panlipunan o sektoral
naman ang tawag sa isyung mga batayan sa
pagpapangkat na ito ng etnisidad, relihiyon, hindi pagbibigay ng sapat na atensiyon sa mga pangkat- etnolingguistiko at pang aabuso sa kababaihan at mga bata. C. Mga Uri ng Kontemporaryong Isyu batay sa lawak ng sakop May pag-uuri din sa mga isyu batay sa lawak ng sakop, maaaring
uriin ang mga isyu bilang lokal, pambansa at pandaigdigan. Lokal na
isyu kung nakakaapekto lamang ito sa pamayanan- maaring isang subdibisyon, barangay, bayan o lungsod, maging panlalawigan. Pambansa naman ang isyu kapag apektado nito ang buong bansa o kaya ang maraming lokalidad sa iba’t ibang bahagi ng bansa. Samantala, ang isang isyung pandaigdigang nalalapatan ng wastong lunas ay maaaring maging isang isyung pang lokal o pambansa na lamang bago tuluyang mawala. D. Mga Batayan ng Kontemporaryong Isyu
May mga kasanayang kailangan sa pag-aaral ng
kontemporaryong isyu. Sa pagsusuri ng isang isyu kailangang malaman kung kailan at paano nagsimula at saan nanggaling ang isyung sinusuri upang matiyak na ito ay hindi gawa-gawa o kathang isip lamang. Mahalaga ring malaman ang naapektuhan nito, sinu-sino ang nakinabang at ang mga napinsala. Kailangang din malaman ang pagkakaiba ng pananaw at ang mga naging epekto nito sa buhay ng tao, lipunan, kapaligiran at kamalayan. Kilalanin din ang mga sanggunian na pinagmulan ng mga isyu. E. Mga Pinagkunang Sanggunian ng mga Isyu
MARAMING MGA BAGAY, PANGYAYARI, SULIRANIN
AT ISYU SA ATING KAPALIGIRAN ANG NALALAMAN
NATIN SA IBA’T IBANG PARAAN. MAKAKAKALAP
TAYO NG MGA KAALAMAN SA PAMAMAGITAN NG
MGA SANGGUNIAN. MAAARING ITO AY PRIMARYA
O SEKONDARYANG SANGGUNIAN. primaryang sanggunian
o pinagkukunan ng impormasyon ay mga orihinal
na tala ng mga pangyayaring isinulat o ginawa ng
mga taong nakaranas sa mga ito. Halimbawa ng mga ito ay mga sulat, journal, legal na dokumento, guhit, larawan, sariling talaarawan, ulat ng saksi, accounts, talambuhay at talumpati. sekundaryang sanggunian
ay mga impormasyon, interpretasyon batay sa primaryang pinagkunan ng
kaalaman o ibang sekundaryang sanggunian na inihanda o isinulat ng taong
walang kinalaman sa mga pangyayaring naitala. Kadalasang ginagamit ng mga mananaliksik ang mga primaryang sanggunian upang malaman ang nakaraang pangyayari subalit sila rin mismo ang gagawa ng sekundaryang sanggunian. Ang ilan sa sekundaryang sanggunian ay mga ulat, teksto, guhit at kahit anong nabuo batay sa pinagkunang primaryang sanggunian. Mga halimbawa ng pangsekundaryang sanggunian gaya ng aklat, talambuhay, artikulo, komentaryo, encyclopedia at dibuhong pampulitika. Sa modernong panahon ngayon ay marami nang mga sanggunian ang mapagkukunan natin ng impormasyon tungkol sa mga kontemporaryong isyu tulad ng telebisyon, radyo, internet, social media, text messages, at mga nakalathalang material tulad ng billboards, anunsyo, flyers, pahayagan at mga babasahin. Karagdagang gawain(neuvle)
Panuto: Para sa iyo, anong pinakamahalagang
benepisyo ang makukuha mo sa pag-aaral ng kontemporaryong isyu. Bumanggit ng tiglilimang kaisipan na magbibigay ng kaliwanagan sa iyong kasagutan. Bawat kaisipang iyong maisusulat ay may kaukulang 2 puntos. a. para sa iyong sarili b. b. para sa bansa Gawaing pagpapaunlad (NEUVLE) PAGTATAYA/QUIZ (NEUVLE)