Si Mita ay may maamong mata. Siya ay maganda. Ang mga mata ni Mita ay kamukha ng sa ama. 1. Sino ang may magandang mata?
2. Paano mo ilalarawan ang mga
mata ni Mita? 3. Kaninong mata ang kamukha ng mata ni Mita? Ang Susi May mga susi sa mesa. Ang mga susi sa mesa ay kay Ana. Kay Ana ang mga susi. Ito ay mga susi sa bahay ni Ato. 1. Sino ang may susi?
2. Nasaan ang mga susi?
3. Para kaninong bahay ang mga
susi? Ang Tasa May tasa sa mesa. Ang tasa sa mesa ay isa. Isa ang tasa sa mesa. Ang tasa ay kay Sisa. 1. Sino ang may tasa?
2. Nasaan ang tasa?
3. Ilan ang tasa sa mesa?
Ang Matabang Tuta Nakakita ng matabang tuta si Sisa. May laso ito sa leeg. Hinahabol nito ang tutubing lumilipad. May tumatahol na aso. Lumapit dito ang tuta. Ang aso ay si Ato. Ang tuta ay anak ni Ato. Ang aso ay kay Ana. 1. Ano ang nakita ni Sisa? 2. Ano ang nasa leeg ng tuta? 3. Ano ang hinahabol ng tuta? 4. Sino ang tumatahol? 5. Ano ng aso ang tuta? 6. Kanino ang aso? Ang mga Lata Ang mga lata ay may tali. Pula ang tali ng mga lata. Ang mga lata ay kay Lala. 1. Ano ang may tali? 2. Ano ang kulay ng tali? 3. Kanino ang lata? 4. Bakit kaya may lata si Lala? 5. Ano kaya ang gagawin ni Lala sa lata? Ang Goma Si Gardo ay may lata. May tali ang lata. Goma ang tali ng lata. Matibay ang goma na tinali sa lata. 1. Sino ang may lata? 2. Ano ang tali? 3. Ano ang nakatali sa lata? 4. Bakit goma ang tinali sa lata? 5. Bakit kaya may tali ang lata? Ang mga Lobo May mga lobo na nakatali sa silya. Makulay ang mga lobo. Lima ang mga lobo. Ito ay para kay Lito. Kaarawan niya ngayon. 1. Sino ang may lobo? 2. Ano ang mga nakatali sa silya?
3. Ilan ang lobo?
4. Para kanino ang mga lobo? 5. Bakit kay Lito ang mga lobo? Ang Kama Si Maria ay may kama. Ang kama ni Maria ay malaki. May sapin na kulay lila ang kama. Ang sapin ng kama ay malambot. Masarap dito matulog. 1. Sino ang may kama? 2. Ano hitsura ng kama? 3. Ano ang kulay ng sapin nito? 4. Bakit may sapin ang kama? 5. Ano ang masasabi mo sa sapin ng kama? Ang Pako May mga pako sa paso. Lima ang mga pako sa paso. Matulis ang mga pako. Ito ay pampako sa silyang sira. 1. Ano ang nasa paso? 2. Ilan ang mga pako? 3. Ano ang hitsura ng mga pako?
4. Para saan ang mga pako?
Ang Apa Si Mang Pilo ay isang sorbetero. Araw-araw siya sa kalye Pajo. Marami siyang suki rito. Isa sa mga suki niya si Pia. Kapag narinig na niya ang tunog ng “klang,klang,klang” ay “Mang Pilo, isa po! Ang sa akin ay ilagay sa matamis na apa.” 1. Sino ang sorbetero? 2. Saan nagtitinda si Mang Pilo? 3. Sino ang kanyang suki? 4. Anong tunog ang naririnig ni Pia kapag parating na si Mang Pilo?