KERKIMET E TREGUT

JAVA 5
Prof dr Shpetim Rezniqi
Pasi është mbledhur informacioni për
karakteristikat, dëshirat dhe marrjen e vendimeve
nga ana e konsumatorëve, veçoritë e shoqërisë,
industrisë dhe për faktorët e mjedisit, një firmë,
është gati të zgjedhë tregun e synuar, të cilin ajo
mendon t'a tërheqë e të zhvillojë një strategji të
duhur lidhur me të.
Nga këndvështrimi i marketingut, tregu i
përgjithëshëm për një mall ose shërbim të veçantë
përbëhet nga të gjithë njerëzit dhe organizatat që
dëshirojnë atë mall ose shërbim, kanë burime të
mjaftueshme të bëjnë blerje
dhe janë gati e të aftë të blejnë.
Për hartimin e një strategjie për tregun
e synuar, firmat, shpesh mbështeten në
segmentimin e tregut.
Zhvillimi i një strategjie për tregun e synuar
përfshin tre faza të përgjithëshme, të cilat
janë:
1. Analiza e kërkesës konsumatore
2. Caktimi i tregut të synuar
3. Zhvillimi i strategjisë së marketingut
 Tregu dhe Kuptimi i Tij
Në kuptimin e tij origjinal, tregu, është përcaktuar si një vend
fizik ku blerësit dhe shitësit mblidhen për të këmbyer mallra e
shërbime.
Qytetet mesjetare kishin sheshe tregjesh, ku shitësit sillnin
mallrat e tyre dhe blerësit i blenin këto mallra.
Aktualisht, tregu, nuk është e thën se duhet të jetë një vend
fizik, i cili detyrimisht vë përballë njëri tjetrit shitësin dhe
blerësin.
Transaksionet mund të zhvillohen edhe pa prezencën fizike të
dy palëve dhe shembull për këtë është realizimi i
shitblerjes së mallrave nëpërmjet internetit.
Sipas gjykimit të ekonomistit, tregu, përshkruan të gjithë
shitësit dhe blerësit të cilat këmbejnë me njëri tjetrin mallra e
shërbime.
Në fakt, ajo që i intereson një ekonomisti janë
struktura, sjellja dhe ecuria e çdo tregu.
Sipas gjykimit të tregtuesit, tregu është tërësia
e blerësve aktuale dhe potencialë të një
produkti.
Tregu është tërësia e blerësve dhe industria
përfaqëson tërësinë e shitësve.
Një tregtues, për të përcaktuar një treg, duhet
të ndjekë një procedurë, e cila kalon në disa
faza dhe fillon me popullsinë e përgjitheshme.
Atëherë, cilat janë hapat/fazat ku duhet të
kalojë tregtuesi për të përcaktuar tregun?
Ato janë si vijon:
• duhet përcaktuar nëse ekziston nevoja për një
produkt ose shërbim;
• duhet përcaktuar nëse, ata, të cilët kanë nevojë, janë të
interesuar ose potencialisht të interesuar për të blerë
produktin ose shërbimin;
• duhet përcaktuar nëse këta konsumatorë kanë
mjaft para;
• duhet përcaktuar nëse ata, të cilat kanë para, janë të
gatëshëm t'i shpenzojnë ato për produktin ose shërbimin.
Tregu i referohet njerëzve ose bizneseve me interes
potencial, fuqi blerëse dhe të gatshëm të shpenzojnë
para për të blerë një produkt ose shërbim që plotëson një
nevojë.
Tregu i konsumatorëve finalë përbëhet nga
blerësit (ose blerësit potencialë), të cilët
synojnë më tepër të përdorin vetë përfitimin
nga produkti ose shërbimi, se sa të blejnë
për të rishitur produktin.
Tregu i konsumatorëve industrial përbëhet
nga bizneset, individët ose organizatat, të cilat
blejnë produkte ose shërbime për t'i përdorur
në prodhimin e produkteve dhe shërbimeve të
tjera, për përdorim në aktivitetin e tyre të
përditshem ose për t'i rishitur.
Për shembull, makinat fotokopjuese shiten në
të dy tregjet në atë të konsumatorëve finalë
dhe në tregun e konsumatorëve industrialë,
por nevojat, kërkesat, qëndrimet dhe sjelljet e
blerësve janë të ndryshme.
Konsumatorët finalë kërkojnë çmime të ulta,
kompaktësi, lehtësi përdorimi dhe
besueshmëri.
Konsumatorë industrialë janë të interesuar, në
radhë të parë, për kosto të ulta për 1-kopje,
cilësinë e kopjeve, funksionet dhe
besueshmërinë.
Gjithashtu, sasia e blerë, sasia e shitjes personale
të kërkuar, paketimi, natyra e çmimit dhe faktorë të
tjerë marketingu, siç janë shpejtësia e lëvrimit dhe
krediti, janë të gjitha tepër të ndryshme në tregjet e
konsumatorëve finalë dhe atyre industrial.
Për këtë arsye, të dy tregjet, duhet të analizohen të
veçuar dhe për secilin nevojiten strategji të
ndryshme marketingu.
Organizatat, të cilat u shesin konsumatorëve finalë
dhe atyre industrialë e njohin faktin se, ato, nuk
mund të joshin të gjithë blerësit në të dyja tregjet
ose të paktën, jo si gjithë blerësit në të njejtën
mënyrë.
Bleresit janë të shumtë në numër, janë tepër
të shpërndarë dhe ndryshojnë në kërkesat e
praktikat blerëse të tyre çdo shoqëri duhet të
identifikojë pjesët e tregut më tërheqëse, të
cilave mund t'u shërbejë me efektivitet.
Tregtuesit nuk e kanë zbatuar kurdoherë këtë
filozofi.
Gjykimi i tyre ka kaluar përmes tre
periudhave:
 1. Marketingu masiv.
Në këtë rast, shitësi, prodhon, shpërndan dhe
promovon në mënyrë masive një produkt tek
të gjithë blerësit.
Coca Cola Company, prodhonte vetëm një
pije për të gjithë tregun duke shpresuar se
ajo pije do të tërhiqte çdo njeri.
Argumenti në favor të marketingut masiv
është se, ai, do të shpjerë në kosto e çmime
nga me të ultat dhe do të krijonte tregun
potencial më të madh.
 2. Marketingu i produkteve të diferencuara.
Në këtë rast, shitësi prodhon dy ose me shumë produkte,
të cilat shfaqin veti, stile, cilësi, madhësi, etj, të ndryshme
sot p.sh Coca Cola Company prodhon disa pije freskuese,
të paketuara në madhësi dhe forma të ndryshme.
Ato janë dizenjuar më tepër për t'i ofruar variacion blerësit
dhe jo për të tërhequr segmente të ndryshme tregu.

3. Marketingu me synim (objektiv).

Në këtë rast, shitësi, dallon segmente tregu, zgjedh një ose
më shumë prej këtyre segmenteve dhe zhvillon produkte e
mikse marketingu në përshtatje me çdo segment.
Për shembull, Coca Cola, ka prodhuar Coca Cola Light për
t'u shërbyer konsumatorëve, të cilat janë më të ndjeshëm
për shëndetin e tyre.
Aktualisht, shoqëritë po shfaqin më tepër
interes dhe po orientohen gjithnjë e më
shumë drejt marketingut me synim/objektiv.
Ky i fundit i ndihmon shitësit të identifikojnë
më mirë mundësitë e marketingut dhe të
zhvillojnë në këtë mënyrë, produktin e duhur
për çdo treg të synuar.
FALEMINDERIT