salita at ibigay ang mga naging partisipasyon nila sa pananakop ng mga Hapones sa Pilipinas. 1.USAFFE- _______________________ 2.HUKBALAHAP- _______________________ 3.Gerilya- _______________________ 4.Kempeitai- _______________________ 5.Makapili- _______________________ Sino ang kilala ninyong bayani na Malaki ang ginampanan sa ating kalayaan? Ano ang napansin mo sa larawan? Ano sa palagay mo ang katangiang ipinapakita ng mga nasa larawan? Pangatwiranan ang iyong sagot. Ang Pagmamahal ng mga Pilipino sa Bayan sa Panahon ng Digmaan Dumanas ng matinding hirap ang mga Pilipino sa pananakop ng mga dayuhan sa Pilipinas. Marami ang nasawi, nawalan ng tirahan at kabuhayan dahil sa digmaan. Dahil dito, ipinakita ng mga Pilipino ang kanilang pagmamahal sa bayan at nag-ibayo naman ang katapangan ng mga kilusan at iba pang samahan ng mga Pilipino na naglalayong mapalaya ang Pilipinas sa mga dayuhang mananakop. Maliban sa mga gerilya at Huk, marami ring mga Pilipino ang nagpamalas ng kabayanihan sa panahon ng digmaan. May mga Pilipino ring nagbuwis ng kanilang buhay alang-alang sa pagmamahal sa bayan. Malaki ang ginampanan ng mga sibilyan sa pakikibaka laban sa mga Hapones. Sila ay nakibaka sa pamamagitan ng pagiging espiya laban sa mga Hapones. Kinupkop, ginamot at pinapakain nila ng lihim ang mga sugatang gerilya. Ginamit naman ng mga kababaihan ang kanilang kagandahan upang linlangin ang mga Hapones. Ang mga kabataan ang naging tagapagdala ng armas at mensahe maipagpatuloy lamang ang operasyon ng samahan. Upang matustusan ang mga pangangailangan ng mga kasapi ng gerilya, tumulong ang iba pang sibilyan sa pamamagitan ng paglalaan ng tulong materal at pinansyal. Sa pagbabalik ni Heneral Douglas MacArthur, sumugod ang mga Amerikano sa iba’t ibang panig ng bansa hanggang sa nagapi ang mga Hapones at sumuko sila sa mga Amerikano. Sa panahong ito, muling itinatag ang Pamahalaang Komonwelt. Hindi lamang naghintay ang mga Pilipino sa pagbabalik ng mga Amerikano para palayain ang Pilipinas sa kamay ng mga dayuhan. Kasama ang mga Pilipino sa mga nakipaglaban sa mga Hapones noong bumalik ang mga Amerikano. Buong tapang silang nakipaglaban para sa kalayaan na kanilang inaasam. Iba’t iba man ang ipinamalas na kagitingan, kabayanihan, katapangan at masidhing pagmamahal sa bayan sa panahon ng digmaan, maituturing na napakalaki ang naging ambag ng bawat isa makamit lamang ang kalayaan. Hindi pumayag ang mga Pilipino na patuloy na yurakan ng mga Hapones ang kanilang dangal ng walang kalaban laban. Hindi naging sagabal ang kakulangan nila sa armas at kagamitang pandigma maisulong lamang ang kanilang karapatan. Panuto: Sagutin ang mga tanong sa ibaba upang mas mapalalim mo pa ang pagkakaunawa mo sa iyong binasa. 1. Ano ano ang iba’t ibang paraan ng pagmamahal sa bayan ang ipinamalas ng mga Pilipino sa panahon ng digmaan? 2. Paano ipinamalas ng mga sibilyan ang kanilang kagitingan sa panahon ng mga Hapon? 3. Ano anong mga katangian ang ipinakita ng mga Pilipino upang makamit ang Kalayaan? Panuto: Sagutin ng Oo o Hindi ang mga sumusunod na katanungan. Isulat ang tamang sagot sa patlang bago ang bilang.
__________1. Malaya bang nagagawa ng mga Pilipino ang kanilang nais sa
panahon ng mga dayuhang mananakop? __________2. Sumuko ba kaagad ang mga Pilipino noong panahon ng digmaan? __________3. Nakipaglaban din ba ang mga sibilyang Pilipino sa digmaan? __________4. Nagpatuloy ba sa paglaban ang mga Pilipino kahit nasakop na ng mga dayuhang ang Pilipinas? __________5. Ipinakita ba ng mga Pilipino ang kanilang pagmamahal sa bayan? Pangkatang Gawain Ibigay ang iyong reaksiyon hinggil sa aralin sa pamamagitan ng mga sumusunod . Pangkat 1 gumuhit ng isang poster Pangkat 2: sumulat ng islogan Pangkat 3 sumulat ng tula Pangkat 4 gumawa ng isang awit Pangkat 5 bumuo ng isang dula dulaan Kung ikaw ay nabuhay noong panahon ng mga Hapones, paano mo ipakikita o ipamamalas ang pagmamahal sa bayan? Panuto: Isulat ang Tama kung wasto ang isinasaad ng pangungusap at Mali kung ito ay di- wasto. 1. Dumanas ng matinding hirap ang mga Pilipino sa pananakop ng mga dayuhan sa Pilipinas. 2. Maliban sa mga gerilya at Huk, marami ring mga Pilipino ang nagpamalas ng kabayanihan sa panahon ng digmaan. 3.Malaki ang ginampanan ng mga sibilyan sa pakikibaka laban sa mga Hapones 4. Kasama ang mga Pilipino sa mga nakipaglaban sa mga Hapones noong bumalik ang mga Amerikano. 5. Naging sagabal ang kakulangan sa armas at kagamitang pandigma maisulong lamang ang kanilang karapatan.
Panuto: Isulat ang W kung wasto ang isinasaad ng pangungusap at DW kung ito ay di- wasto. _____1. Ginamit ng mga kababaihan ang kanilang katalinuhan upang linlangin ang mga Hapones. _____2. Ang mga sibilyan ay nakibaka sa pamamagitan ng pagiging espiya laban sa mga Hapones. _____3. Hindi naging sagabal ang kakulangan nila sa armas at kagamitang pandigma maisulong lamang ang kanilang karapatan. _____4. Maliban sa mga gerilya at Huk, marami ring Pilipino ang nagpamalas ng kabayanihan sa panahon ng digmaan. _____5. Malaki ang ginampanan ng mga sibilyan sa pakikibaka laban sa mga Hapones