Ang pagkakaroon ng estratehikong lokasyon ng ating bansa ay nakatulong nang malaki hindi lamang sa pagsulong ng ekonomiya nito kundi maging sa paglaganap ng malayang kaisipan sa bansa. Ang pagiging bukas ng Pilipinas sa mga kaisipang liberal ay naging daan upang mahubog sa mga Pilipino ang pagkakaroon ng damdaming makabansa. Ang mga Pilipino noon ay wala pang konsepto ng nasyon o bansa. Bago pa dumating ang mga Espanyol ang pamahalaang mayroon sa bansa ay mga nagsasariling barangay lamang. Walang isang wika, tradisyon, relihiyon, o gawaing maaring magbuklod sa lahat ng mga Pilipino noon. Sa pagbubukas ng mga daungan para sa pandaigdigang kalakalan, umunlad ang ekonomiya ng bansa. Nakapasok din ang liberal na ideya at mas maunlad na kaisipan.
Lumaki ang pagnanasa ng mga
Pilipino na maging malaya at matamasa ang mga karapatan sa isang malayang bansa. Ang kaisipang ito na ikinagalit ng mga Espanyol ay tinawag nilang FILIBUSTERISMO o subersibong kaisipan. Sa pamamagitan ng balita mula sa babasahin at maging ng kanilang mga narinig sa mga mangangalakal na nakarating sa bansa tungkol sa mga kaugaliang nangyari sa Europa ay nagkaroon ng pagkaunawa ang mga Pilipino ng kaisipang mapanghimagsik o rebolusyonaryo. Isa sa mga nakaantig sa kanilang mga puso ang islogang, “Kalayaan, Pagkakapantaypantay, Pagkakapatiran” (Liberte, Elgalite, Fraternite) ng mga Pranses sa nangyaring French Revolution noong 1789- 1799 at naging tanyag na rebolusyon ng mga Amerikano laban sa mga Ingles noong 1775-1783. Mga kabutihang dulot ng pagbubukas ng daungan sa bansa para sa pandaigdigang kalakalan. Pagbilis ng transportasyon at komunikasyon Pagbuti ng paraan ng pagsasaka Pagdami ng mga ani at produkto Pag-usbong ng liberal na ideya ng mga Pilipino tungo sa kamalayang nasyonalismo Sa pagitan ng mga taong 1834-1898, binuksan ang ilang mga daungan sa Pilipinas para sa kalakalang pandaigdig.
Higit pa itong naging malawak nang
mabuksan ang Suez Canal noong Nobyembre 17, 1869. Ang pagbukas ng Suez Canal ay ginawa ng inhinyerong Pranses na si Ferdinand de Lesseps na nagdugtong sa Mediterranean Sea at Red Sea. Ang mga kaisipang liberal pagtutol sa paraan ng pamumuno ng isang lider na hindi karapat- dapat o ang pagaalsa laban sa pamahalaan. Balikan Natin!