ZAM Hotline 016-293 9027 ZAM Office 03-2142 6659

Email: zomiassociationmls@gmail.com

Volume 7, Issue 47
Kawlgam pan Malaysia-ah: Tulaitak leh abeisa hun khat lai-in, aminthang mahmah Kawlgam pan Malaysia ah, abat tawh kipai thei ci-in, Malay tunciang nasep zon sak dingin, Kha 4 sung thaman teng Puaisa ten laksak ding, tua khit ciang ngah bangbang ei a hiding cih thu pawl khat siksanin, kipai ngeingai-in, lam kawmkalah tuahsiatna leh asi amang, ngasa bengte kiangah zuak athuak Zomi tampitak ki om khin hi. Tua ahih manin, tulaitak thu thang hang tawh tua bang thu siksan in kua mah hong pai het kei un! Malay aom meltheihte tawh kithuza masalo-in, pai hetloding hihang! Zomi tampi tak atun abanna kitheilo, akikan khia theilo tam mahmah hi. Yangon Aung Mingalar Bus phualpi pan kei Pa Mang hing cih min azang zuauphuak tampitak ki om hi, tuate na upkhak hetloh dinguh deihsakna tawh hih thu kong khah khia hi. ZAM iNfO! UNHCR-CDU makaihna tawh Meeting kinei: April 18, 2013 Thursday ni zing nai 9:00am-12:00noon ciang Chinese Assembly Hall ah, RSC leh IAD uliante tung pan Priority 3 (P3) vai leh Cidamna lam tawh kisai, thugenna sungah, ZAM zum pan, Thuzeekpi pa leh Cidamna lam vaisai ahuhpa te zong va kihel thei uh hi. Tulaitakin US atungsate sungpan P3 tawh innkuanpih asap sawm, asiau (apply) mi 18 pha ta hi cih IRC/RSC pan pulakna hong nei hi. P3 tawh akisam theidingte; nu leh pa, zi/pasal leh kum 21 nuaisiah zi/pasal neinailo tate hiding hi. Asam ding mi khat ii theih ding thute: 1) Ama kum 18 acingkhin hiding, 2) Refugee (Galtaai) akiciapteh zawh kum 5 pha khin ding, 3) Affidavit of Relationship (Innkuan Lai) nei ding, 4) Asap ding mite apianna gam pualam ah om hi ding, 5)DNA (maan) kituak ding, 6) DNA akibat/kituak keileh US kum pin DNA etna/sitna sum bei piakiklo ding hi. DNA amaan(matching) aleh Malaysia pan asap ding innkuante apusuah ma-in, DNA sitna sum piakik ding hi. 7) DNA akituak kei aleh US pan asiau nu/pa penalty (zuauphuah man) Thong kum 5 leh US$ 250,000 (teng 2 leh alang) liau kha dinga, Green Card/ Citizen Card te lak sak ding hi. Tua banah apian na gam (Native Country) ah puakkik lai ding hi. Theih ding kilawm ZSM vai pawl khat: Zomite itna leh veina tak tawh ZSM laibu tawi-in mimal sazian hong kaihkhop sak Pawlpi Sia/Upate leh Khua makai Palaite tungah lungdam mahmah hi. Ih thukhun om bangin, March kha beima-in, zum ah laibu apkim ding cih thu kong tangko zawh uh sawtta ahih manin laibu a tawitawi lai palaite in amanlang thei pen in zumah hong ap un; cih kong zasak phapha uh hi. Ahih zongin Genvai alut nuamte lut theilo ding cihna hi lo-in ZSM zumah lut thei veve ding uh hi. Hun khat lai in March kha akhen khit ciang RM15/- hi ding hi I cih pen makai OB leh Advisor te thukimna tawh RM10 mah lak dingin ki khentat hi. Kawl gam miten sivui ciangin Bus tampi tak tawh hanah I paina hangin I ngahsa hante kingah nawnlo ahih manin mailamah sihna vai khat peuh a om ciangin leitang mah deih gige I hih teh makaite hong gen bang I zuih thei ding thupi mahmah ding hi. ZSM!

April 28, 2013

ZAM Palai Kiteel hun ding hong naita: Kum leh nite hong bei zelzela, ZAM Palai kiteel hun ding zong hong naito hiaihiai tahi. Hih kiteelna tawh kisai, akisam bang bang vaipuakna hong nei dingin, anuai-a, Election Committee mi 7 teng kiseh hi. (1). Rev. Dr. Cin Sian Pau (Convenor)- -017-329 1810 (2). Rev. Thawng Ngaih Khup- - - - - - - -010-264 3312 (3). Rev. Pau Cin Thang- - - - - - - - - - - -010-215 0973 (4). Pa Gin Khua Thawng - - - - - - - - - - 010-890 7181 (5). Pa Dai Za Kam- - - - - - - - - - - - - - - 017-991 0457 (6). Sya Zam Khan Sang- - - - - - - - - - - 010-277 7311 (7). Sya Francis Do Lian Kham- - - - - - - 010-830 4383 Candidate(Teeltheih)ding Numei/Pasal khat ii neihloh phamawh thukhunte: (1). UN Card nei hiding. (2). Mangpau(English) or Malay pau hoihtaka, pauthei/ genthei hiding. Akilawh thei natna nei mi hilo ding hi. Eg. TB, Hepatitis B or C leh Cancer cihte! (3). ZAM thukhun leh dante athukima azui ding mi, minam ading veina leh deihsakna anei taktak mi hiding. (4). Teelcing peuhmah Full-Time hidinga, mundangah nasep semkawm mi hilo ding hi. Teelcing angah ni aki pan asem theipah hiding hi. (5). Candidate dingte, amau leh amau hong ki candidate tawm theilo dinga, Pawlpi or Khua makaite theihpihna tawh hong candidate sak mi hiding hi. (Theihding: Teel theihding mi Single hileh kideih zaw hi!). (6).Teelcing mi peuhmah kiteelna hunsungah ami pumpi mahmah aom te bek kiteel thei ding hi. (7). Hih kiteelna sungah ateel theiding(mee piathei ding), Pawlpi pan tangmi 1 leh Khua kipawlna pan tangmi 1 ta hi ding hi. Hih kiteelna sungah ateel thei ding (mee pia thei ding) Pawlpi pan tanggmi 1 leh Khua kipawlna pan tanggmi 1 ta hidinga, Candidate teel theih ding pen, Pawlpi pan hita leh Khua kipawlna pan hita leh numei/pasal aom thei zahzah kisang ding hi. Pawlpi makai siate leh Khua makai ten kizasak sawn ciat ni! (8). Candidate(teeltheih)ding mi min sazian piak theih na dingin, atunga Election Committee mi 7 te tungah kipia thei dinga, anunung pen May 20, 2013 Monday niciang bek kisang ding hi. (9). ZAM Kum 7 cinna & Kiteel ni dingin, June 07, 2013 Friday ni hidinga, Chinese Assembly Hall kizang ding hi. Ahun ding zingsang lam nai 11:00am-5:00pm dong hi dinga, Sun an zong kivaihawm ding hi. ZAM iNfO! Youth Conference omding: UNHCR(SPF) makaihna tawh Refugee Youth Conference (Galtaai Khangno Khawmpi) omding; Ani May 01, 2013Wednesday ni; Amun Methodist College Kuala Lumpur (Off Jalan Tun Sambanthan 4 Brickfields); Ahun zingsang nai 9am-5pm dong, zing an sun an kivak ding. Khangno Kum 14-25 kikal te ading hunhoih leh hun manphate khahsuah lo-in, Zomi Pawlpi sungah Khangno makai President/Secretary, ahih theih kei leh pawlpi sung zattheih ding khangno numei/pasal mi 1 ta hi ding hi. Min sazian, Card no. leh Phone no. te, April 29, 2013 Monday ni zingsang nai 12:00 Noon ma-in, ZAM zum ah Register hong bawlun! Akah ding mi kiciangtan ahih manin, amasate ahampha hiding hi. ZAM iNfO!

Kihilh ding a utlote amah mah akisusia hi a, kithuhilh ding a utte pil semsem ding hi. Prov. 15:32

**ZAM Thupuak kal siala, kihawmkhia pen Leitung mun tuamtuam aom Zomi khempeuhin asim theih nadingin, Website: zomidaily.com & email: zomiassociationmls@gmail.com tepan kisim thei-in, aituam email tawh adeihte in zong kingen thei hi.**

Tulaitak Malaysia gam sungah alauhuai mahmah Myanmar Whisky: Malaysia gamsung aom UNHCRIAD te vai hawmna tawh April 11, 2013 ni-in Chinese Assembly Hall-ah Meeting khat kinei-a, Community makaiteng leh biakna makai pawlkhat leh ZAM Palai khatzong kihelthei hi. Hih Meeting sapna vaipen "Fake Myanmar Whisky" vai ahihi. Kawlgam panin hong kipua bangkekkhat in Malaysia gam sungah Kawlgam bawl ciin, Whisky pawlkhat kizuak hi. Hihvai hangin Malaysia gamsung cidamna lam vaisaite linglawng mahmah uh ahih manin, Selanglor Health Minister pa ngiatzong meeting sungah alauhuai ziate hong pulak hi. Whisky namte: 1) Mandalay Whisky 2) Myanmar Whisky 3) Grand Royal Whisky cihte ahihi. Bangzahin lau huai hiam cihleh hih tua Zute 10 ml bek dawn khaleng zong mittaw thei (Blindness) ci hi, 30-60 ml dawn khaleng kisi thei (Death) cimawk hi. Hihbang Zu aki zuakna natheih uh leh hong zasak pah un ci-in, Selangor Health Department pa in hong vaikhak hi. Zaksaktheih nading: Hotline: 03-5123 7333 Email: cprc_sel@sel.mon.gov.my
UNHCR-CDU makaihna tawh Tentan kahnuamte ading: Atunga thulu tawh kizui-in, 1). Kawlgam meh bawldan nam khat ahi, Balachaung kan dan asinnuamten ZAM zumah min sazian kipia thei hi. Khatvei sin in atam pen mi 10 ciangbek kisang ding hi. Kha khatin khat vei bek kisin thei ding hi, sun an vak ding, ciah leh kuan maw taw tawh hong dawn/kha ding hi. 2). Khi nam tuam tuam khildan zong kisin thei-a, nambat 1na mah tawh kibangin asinnuamte min kipia thei hi.

LUNGDAMPIHNA: Kawlgam pan Malaysia hongpai sanggamte mi 6 gamgi pan 9.9.2012 ni akiman pen Malacca Camp pan April 25, 2013 ni-in, hong suakta thei uh ahih manin, Zomi bupin ih lungdampih hi. Ih sanggam 6 te min; 1)Tg.Cin Khan Kim, 2)Tg. Khat Kaang Suan, 3) Pa Gin Suan Mang, 4)Nu Luan Deih Lun, 5) Pa Ln Za Hau, 6)Lia Hau Thian Hung te ahi uhhi. Malacca Camp pan asuakta khempeuh Kawlgam mi bekbek hi-a, mi 190 pha uh hi. Akimat akipan Zomi zumpi ahi ZAM pan Palaiten septheih zahzah tawh kipanpih toto-a, UN zum lam pan in Minsanna (Galtaai ciaptehna) Lai zong hong piaksak pah uh hi. Hong suahtak ciangin, ZAM Palaiten Kotaraya ah vadawn in zumah annek pih phitphet phota, gilvah khitciang, amau tunna ding mun pan hong ki dawnte tawh ciah khawm thei uh hi. Zomi akuama ciatin, Pawlpi pan hita leh Home-Cell(veng kikhop)na pan ahizongin, thongkiate ading ih thungetnate Topa'n hong dawng ahih manin, ih biak Pasian tungah Lung damna ih ko lailai hi. Zomi khat ihihna tawh kizui-in, Zomi Card (ZAM Card) ih neih/tawi kimciat dingzong khatvei athakin kong pulak kik lai hi.
Taung Za Lat Ansai & Sam metna: Pasar Seni Bus Station mai-ah, Zomi ansai khat ahi Taung Za Lat sai ah; Sam met/bawlna, Zongeina An tuamtuam, ni khat sunga Sum khak theihna, adang nasepna vai tuamtuam leh theihnop/dotna aom leh hih anuai-a contact nambat ah kidong thei hi. Zopi: 012-656 4713. Australia Tentan kahna mun: A 14-6, Menara Atlas, Plaza Pantai Jalan Pantai bharu, 59200 Kuala Lumpur (Near Kerinchi LRT station)Tel: 03 - 9235 5431 CO class kahna mun: Cultural Orientation Class F & B Business Park, 18 Jalan, Metro Pudu 2 Fraser Business Park, Jalan Pudu, 55100, Kuala Lumpur (Near LRT Chan Sow Lin)

Theihloh phamawh thupi Nihte: (1) Omna Address: Zomiten theihding kilawm thu pawl khat theilo thapai I hih manin vai haksa simsim om den hi. Palaaiten damlote zato ki paipih den hi. Admission bawlna-ah omna Address(Leihsa) kimtakin kisam ahih manin cina I paipihte kiangah na omna address bang hiam ci leng a thei kitawm mahmah hi. Tua ahih manin I vai manlang ding deihna tawh I zum address khawng kipiak sak zelzel hi mai hi. Ahih theih leh Zomiten koikoi-ah I om zongin I omna address (Inn No., Lampi Min, Veng Min, Postal Code No., etc.) te genthei set set dingin hanciam ciat ni cih kong hanthawn nuam hi. (2) Nasepna Address: Pawl khatte leuleu nasepna pan boss ten thaman sum pialo ahih manin panpih ding ngenin zumah hong pai thei zelzel uh hi. Tua ciang, na nasepna koilai, koi mun, na sai min uh bang, na boss pa/nu min bang, a phone no ee leh cih I dot ciang a theilo kitam mahmah hi. Tua bangte I panpih theih ding ahi phial zongin bang ci panpih mawk ding lungkham huai mahmah hihang! Bangbang ahizongin hih te I theih ding kilawm mahmah buang hi. Bang mah hak satna I tuak khakei phial zongin atunga nihte pen et loh sa-in theih ding kilawm mahmah sam buang hi. Theilo cih tawh mun khempeuhah kingah denlo ahih manin theihding kilawmte theih sawm hamtang ni. ZAM iNfO! ACTS Clinic Hon hun kikhel: Zingsang Letmat(Token) pen nai 9:00am ah kihawm pan ding hi, agamla/anai pan apai dingte ading hun laplah cih omnawnlo ding hi. Zing lam Token letmat mal 40 bek kipia dinga, nitak lam a ding sun nai 1:00pm ciang, mal 30 bek kipia ding hi. Clinic (sikhan) hon hunpen zing nai 9:00am pan nitak 5:00pm hundong bek hiding hi. Sunday ni zing 9:00am-11:30am dong bek kihong ding hi. Sikhum, Zun khumte ading Thursday leh Friday nite bek hiding hi. Nidang bangin Si khum, Zunkhumte UN kipia nawnlo hi. Hih anuai-a mi 4 tengin, amanlang thei pen in, UN lai ding, na la meng meng un! Kha 3 aval aleh, UN ki-ap kik ding hi. 1). Nian Don Cing, Apa Thang Cin Kai, 2). Khen Za Thang, Apa Ram Hup, 3). Mang Suan Lian, Apa Do Thang, 4). Cin Kam Tuang, Apa Dai Kam Tuang. A (6)Veina Manna Harvest Ministry Crusade: Manna Zomi Christian Church (MZCC) Pawlpi hanciamna tawh, hong tung ding May 16-18, 2013 sungin Malaysia gam sung aom Zomite in; 1.Pasian sungah pianthakna maan ih neih theihna ding, 2. Nungtolhna pan Pasian ih zotkik theih na ding leh, 3. Pasian thupha ngah minamte ih suah ngiatna ding lunggulhna lianpi nei ihih manin Malaysia gam sung aom Zomi khempeuh ih kihel kim ciatna dingin ih biak Topa Zeisu mintawh kong sam uh hi. Amun: Chinese Assembly Hall, KL Ani: May 16-18 (Thursday Saturday) Nitak hun: 6:00pm-10:00pm Crusade Speaker: Rev. Pau Khan Khai (Kawlgam) * Sun tentan kahna ding: Ahun: 10:00am 2:00pm Amun: Abundant Life Church (Near Leisure Mall, Manna Pawlpite Saturday thungetna mun), Tentan Pia ding: Rev. Kai Go Mang Dahpihna: Laitui khua Pa Vungh Khaw Mang (Gualnam beh) leh Nu Cing Za Man te tapa aneu pen Tg. Cin Lam Sing (Kum 23) in, anasepna Kuala Lipis pan damlohna hang tawh Temaloh Zatopi panin 20. 04. 2013 (Sat) ni-in, a leitung nuntakna hongnusia hi. Aluanghawm pen ZSM/ ZAM ii vaihawmpihna tawh 23.04.2013 ni-in Sg. Buloh hanmualah kituh kiktheihi. Anusiat innkuanpihte tawh aki bangin Zomi bupin ih dahpih hi. ZSM, Malaysia! ZAM Thupuak ading huhna sum RM-100/- Taung Za Lat An sai ten hongpiak manin lungdamna kiciamteh hi. Apianuam khempeuh adingin zong suakta takin kipia thei den hi.