This document provides information about refugee resettlement interviews with RSC/DHS and contact information for those agencies. It also announces an upcoming talk by Rev. Dr. Do Suan Mung on issues concerning Zomi refugees and migrants in Malaysia. Additionally, it shares news about Thailand agreeing to temporarily shelter refugees from Myanmar. The document lists refugee registration numbers and provides answers to frequently asked questions about the resettlement process in the United States.
This document provides information about refugee resettlement interviews with RSC/DHS and contact information for those agencies. It also announces an upcoming talk by Rev. Dr. Do Suan Mung on issues concerning Zomi refugees and migrants in Malaysia. Additionally, it shares news about Thailand agreeing to temporarily shelter refugees from Myanmar. The document lists refugee registration numbers and provides answers to frequently asked questions about the resettlement process in the United States.
This document provides information about refugee resettlement interviews with RSC/DHS and contact information for those agencies. It also announces an upcoming talk by Rev. Dr. Do Suan Mung on issues concerning Zomi refugees and migrants in Malaysia. Additionally, it shares news about Thailand agreeing to temporarily shelter refugees from Myanmar. The document lists refugee registration numbers and provides answers to frequently asked questions about the resettlement process in the United States.
ZAM Office 03-2142 6659 Email: zomiassociationmls@gmail.com Volume 9, Issue 7 Since 2006 20 July 2014 ...hongpai un, mapang khawm ni. Nehemiah 2:1718 USRAP khutletbu sungpan June 8, 15 leh July 6 ni a kisuah sak khinsate i zom Mite dotden thu pawlkhat: 1. Kei pen palik ten hong man uh a, tawlpi khat hong khumcip khit uh ciangin ka gam vuah hong puakkik uh hi. Ahizongin tun Malaysia hong tungkik thei ingh. Ka om loh sunga ka phi khak loh RSC/ DHS interview tawh kisaiin kua hopih ding ka hiam? Mat leh hen na tuak khit ciangin na gam vuah hong kipuak kik a, tun nang Malaysia ah hong tung- kik cileng a masa penin UNHCR leh RSC ah thu na puak pah ding hong kisam ding hi. Nang hong kihopih theihna ding Phone numbat kician tak pia lecin na Interview hun leh ani ding zum panin hong kigeelsak kik ding hipah hi. 2. Ka phone hong kiguuk sak dihdih ven, ka phone numbat tuam ta veh aw! Bang cih ding ka hia? Na phone numbat na laih aleh manlang tak- in UNHCR, RSC leh IOM zumpi ah gen pah inla, na numbat thak na piakpah ding kisam mahmah hi. Zum phone numbat tawh kihopih thei hi. 3. RSC/DHS interview teng ka man khit ciangin UN Card ngah nai lo khat zi/pasal nei kha zenzen leng kua tungah thu ka puak tam aw? RSC/DHS na zawh khit ciangin zi/pasal na neih zenzen leh UNHCR/RSCte zasak pah in. Na vai zekai tuam ding cihna hipah hi. Thumaan maw zuau cihpen UNHCR leh DHS ten limpha takin na kan pah ding uh hi. 4. Kawlgam a om ka innkuan pihte kei tawh kibangin USA ah hong teeng thei ding uh hiam? Ka innkuan pihte Malaysia hong tun ding uh a ngak gige hiveng? Kawlgam a om na innkuanpihte na ut leh na ngak thei a, na ut kei leh zong na lensan thei hi. US thu- neite lampan hong saan sak theih leh US ah na inn- kuan un na om thei uh a, a hizongin kum khat kum nih sawt thei hi. Bang hang hiam cileh UNHCR in na innkuan pihte hong theihpih uh hong kul phot dinga, tua khit ciangin RSC ah dam in kibuaipih pan ding hi. Na innkuanpihte min leh a omna uh kician takin na gen hong kisam pha mahmah ding hi. UNHCR in kimat kihen tawh kisai khawlsak nuam informing people, transforming lives R efugees/Asylum Seekers ten a omna uh gam tuamtuamte ah mat-leh-hen lim tuak mahmah uh ahihmanin UNHCR in hoih a saklohna thu genkhia uh a, adiak in naupang kumcing nailo mat tuakte mailam ding a ngaihsut sak uh ciangin hehpihhuaisa uh hi. Hih thu tawh kisai vaihawmna thak (New Strategy) a neih lam uh zong pulaak uh a, tua geelna thak sungah point thum om hi. 1. Kumcing lo naupang mat nawn loh ding vai, 2. Mat-leh-hen beisakin adang khat geelna kinei zaw leh, 3. Mat tuakte zong mihing mah ahihman un mihing ngeina danin kithuaksak leh cihte hi uh hi. UNHCR Director ahi Volker Turk in Asylum Seeker (gambel) cih pen Upadi tawh a kilangpanna om lo hi. Gambelte ut banga mat ziauziau pen pelh theih ding kisam pen hi. Bang hang hiam cileh gambelte pen ut man peuh a hong bel uh hi lo hi. Mi hehpihhuaite hi uh a, lim tak ih kep zawh ding thupi hi. Hih tawh kisai in gam tuamtuam kumpite tawh thukikupna om dinga, apha diak in kum cing lo gambel mite mat nawn loh ding hih thu kikupna ah thupi pen ding hi. UNHCR in phalna lo tawh gamdang va lut a va belh cihpen a lutna gamte ading in thubaih ahih loh lam telpih mahmah a, ahizongin tua bang mite mat pahpahna tawh kikhaam zo lo ding hi ci hi. Gam hong bel mi cihmawh Asylum Seekers te Leitung gambup in a zuih Upadi (International Law) tawh zong kilehbulh lo ahihman in hoih takin ih zindo a, suakta takin ih gam ah ih om sak theih ding thupi hi ci hi. UNHCR te nasepna gam Lithunia, UK, Malaysia, Mexico, Malta, Indonesia, Hungary, Zambia cihte ah Asylum Seekers te kimat nawn lohna ding thu nasia takin UNHCR palaiten gen pih uhhi. UNHCR te deihna bulpi (Vaihawmna Thak) thumte pen a tungah kigen khin hi. Source: www.unhcr.org 2
5. USA ah innkuanpih leh meltheih naihuai khat mahmah zong nei kei mawk veng in, lem in cia cih bek tawh vai a siang thei veve dia? US ah innkuanpih/ meltheih naihuai khat zong na neih loh hangin phamawh lo hi. Tua in na vai hong khaktan lo ding hi. Neih sese a kul zong hi peuhmah lo hi. 6. USA a om khinsa ka innkuan pihte kiang a kibel thei diam? US ah meltheih tanau na neih leh RSC na phi ciangin amau min, address leh phone numbat te theisak hamtang lecin amau tawh na om khop theihna ding hong kigeel sak thei ding hi. US na tun khit ciangin na omna laih na sawm leh nang leh nang na kibuaipih kul dinga, sumbei paai bei khempeuh zong nang kisik ding ahihi. Nang hong buaipih Resettlement Agency ten bangmah hong vaanpih lo ding uh hi. 7. Kei sungsuak ahilo naupang dang khat ta bang a ka kep uh om ven, amah zong USA ah kong tonpih thei uh diam? Nang ta lopi ta banga lak na sawm a na tonpih ding aleh UNHCR nasemte tawh hoihtak na kikup masak uh kul ding hi. UNHCR in a hoih pen dingin hong khentat sak ding uh hi. 8. USA ka tun khit ciangin ka omna khel nuam bang hileng bang a ci tam? Tua bang geelna leh ngaihsutna na neih leh phamawh lo hi. A hizongin nang hong buaipih Agency ten hong buaipih lo ding uh hi. Nang leh nangin a kisam teng khempeuh na vaan a, na buapih hong kul ding cihna hipah hi. Na Agent te tawh kisai kilkel lo ding hi. Theihding: Hih atung a thu teng pen USRAP Handbook pan hi a ZAM zumpi pan a kilet khia hi. Azom omlai hi. Rev. Dr. Do Suan Mung (GZA Secretary) tawh kimuh khopna om ding Hong tung ding July 26 ni (Saturday) ni sun 1:30pm in Chinese Assembly Hall ah Rev. Dr. Do Suan Mung (GZA Secretary) tawh Malaysia a om pawlpi makai, siate, khua makaite, leh Zomi alunglut khempeuh kimuh khopna nei ding ih hih manin nong kihelzawh ciat na ding un kong zawn uh hi. MY No. UNHCR Ref. 210342 512-03C01998 114485 354-09C03023 115511 354-09C01140 203951 791-09C06422 210383 512-05C00505 212831 512-03C01367 213238 354-08C01130 141732 xxx 113277 354-08C01327 123011 791-09C12842 208121 791-10C00291 213440 354-12C01906 214306 354-12C04549 127311 791-09C15239 213937 354-10C06264 114811 791-08C02222 119170 791-09C13844 211027 512-05C01667 211035 512-04C02772 211079 512-04C02983 213409 354-10C03054 204628 354-12C04238 211866 354-10C07199 MY No. UNHCR Ref. 212253 354-09C04241 213323 354-10C02623 213417 354-10C06212 205992 791-10C07425 206947 791-10C02200 207570 791-09C16355 211796 512-04C01180 213235 354-10C02458 213251 354-10C02334 208727 791-09C07916 212625 791-10C04138 214159 791-09C10362 129932 791-10C08278 211167 791-10C06112 211752 512-03C01642 213885 354-13C07041 214212 354-10C01779 211415 791-10C02834 211767 512-03C00446 212657 791-10C07069 211051 512-04C00667 210342 512-03C01998 114485 354-09C03203 MY No. UNHCR Ref. 115511 354-09C01140 203951 791-09C06422 212831 51203C01367 213238 354-08C01130 141732 xxx 118277 354-08C01627 123011 791-09C12842 208121 791-10C00291 213400 354-12C01906 214306 354-12C04549 127311 791-09C15239 213937 354-10C06264 114811 791-08C02222 119170 791-09C13844 211027 512-05C01667 211035 512-04C02772 211079 512-04C02983 213409 354-10C03054 204028 354-12C04238 211866 354-10C07199 212253 354-09C04241 213323 354-10C02623 RSC leh DHS panin Contact ki ngahzolo pawlkhat om leuleu hi. Hih anuai ateng lakah na UN Nambat akihel khak leh ZAM zumpi ah hong zasak pah in. 3
Thai gamsung a pem Kawlgam pan galtaite (refugees) Kawlgam puakkik dingthu Thai galkap mangputal in pulak (July 13, 2014) Nungkal sungin Kawl galkap mangputal leh Thai galkap mangputal te kimuh khopna panin Kawlgam pan galtaite vai zong deihtak kikum uh hi. Tua kikupna panin Thai kumpi leh Kawl kumpi in galtaite Kawlgam puakkik ding kithukim ta-ung cih Thai galkap kumpi makai Prayuth Chan-ocha in nung Friday (July 11, 2014) ni-in pulak khia hi. Prayuth Chan-ocha in agenna ah, "Galtaite agam uh puakkik ciangin alemthei pen leh ahoihthei pen dingin koici vaihawm sakding cihzong kikum ung. Amau pen Thai gamah galtai in hongpem uhzong kum tampi sawtta a, suahtakna ngak in a-om zawh uhzong sawtlua ta hi," ci hi. Asian Research Centre for Migration at Chulalongkorn University ah director asem Supang Chantavanich in kumpite in UN tawhzong akikup phot uh kulding hi ci hi. Thai gam National Human Rights Commissioner nu Niran Pitakwatchara inbel hivai tawh kisai-in galtaite in a-ut uhleh Thai gamah omtheihna ahi zongin amau deihdan leh lunggulhdan zong kuppih kul hi ci hi. Tua banah athupi penah Kawlgamah kilemna taktak a-om phot kul a, tua khitciang galtaite lung- muang takin ciahkik thei panding hi cibeh lai hi. Thai Action Committee for Democracy in Burma kipawlna panin Activist Myint Wai inbel Kawlgam nisuahna lamah Mines tampi omlai a, Kawlgamah Muslimte deihlohna nasia mahmah lai ahih ciang aciahkik Muslimte adingin nokkhaak nawngkaina piangthei laiding hi. Galtaite zong galkapte kihta a tai uh ahih ciang, galkapte kamciam muanhak sah mahmah lai-uh hi ci hi. Tua banah Kawlgam ciahkik leng nasep silbawl dingzong vai hamsakhat hongsuak hi ci hi. Nunglam deuh in zong Thai galkap kumpi in galtaite milip simna nasia takin bawlkhin uh hi. Hihbang teng kawmkal ah, UNHCR panin gam thumna apaipai zong om veve sam hi. Thai gamin galtaite aciahsak nop uh sawtpi pek hi a, tutungin bang hongci vaihawm laiding uh hiam cih kithei nailo hi. Malaysia ate bang hong cih zen tam uh maw? Thupuak, Zam Sian Sum ZEC Zinmangpinu Mrs. Pamella Garvin leh UNHCR-EDU nuai a sang siapi teng holim khopna om ding ZEC sang van ding a USA gam JPS pan hong zin Mrs. Pamella Garvin pen July 16 ni UNHCR-EDU uliante tawh va kimu khawm thei uh a, ZEC bek hilo UNHCR-EDU nuai a om sang siapi khempeuh tawh zong kimuh khopna a nuai a bangin kinei ding hi. Ani : 22 July 2014 (Tuesday) Ahun : 3:00pm 4:00pm Amun : UNHCR New Conference Room ZEC in UNHCR-EDU ading lengla limci kivai hawmsak thei ahih manin ki angtang mahmah hi. Hih atung a holimna ah a kihel kha nailo sangte na kihel zawh hamtangna dingun kong zaksak uh hi. ZEC ah Volunteer Sangsia ZEC sangah kaalnih sung sang naupangte laihilh ngiat dingin Singapore panin Ryan Cher hong pai a, ZAM zumah tulaitak om hi. Amah pen London Uni- versity ah Law (Upadi) a sin laitak hi-in kum khatna zo khin hi. Khaal sangkhak sung Zomi naupangte tawh hun zang khawm ngiat dingin hong pai ahi hi. Tukal Palaai te buaipih diak teng Lun Suan Dim (Laaitui) July 14 ni-in GHKL zatopi ah ki buaipih. Ning Sian Sung (Tungzang) July 16-18 ni-in Klang Hospital ki buaipih. Taa Mung (Kaptel) July 14 ni-in IPR zato ah ki buaipih. Sing Lam Cin (Vangteh) July 15/16 ni-in IPR zato ah ki buaipih. Cung San Lun (Thalmual) July 17 ni-in UKM ah ki buaipih. Vungboih (Bapi) July 18 ni-in GHKL ah ki buaipih. Go Suan Mung leh Mang Sian Thang (Dakdung) July 12 ni- in KL Central ah Palikte tawh phone pan vai siang sak. Vung Do Hau (Kaptel) July 13 ni-in Ampang lampi Block tuak, phone pan vaisiang sak. Lian Khup Pau leh Thang Khai Lam (Tuimang) July 14 ni-in Pudu palikte tawh phone pan vai siang sak. Sum Za Suan (Laaitui) July 14 ni-in Mid Valley Palikte tawh phone pan vaisiang sak. Ngin Suan Mung or Thang Suan Khual (Talek) July 15 ni-in Danwanggi Palikte tawh phone pan vai siang sak. July 12 ni-in Johor Bahru sai a sem ding mi 9 kipuak thei. July 17 ni-in Giants Hyper/supermarket ah mimal 35 kipuak thei. Theihding: ZAM pan ki buaipih honkhat ten Thupuak ah hong suaksak kei un ci a hong ngetna tawh ki zui-in ki suaksaklo hi. 4
ZAM Thupuak pen leitung muntuamtuam aom Zomi khempeuh in asimtheih dingin www.zomidaily.com website ah ki koihden hi. REMEDI Insurance leinuamte UNHCR leh TUNE Insurance ten gambeel te ading hong geelsak uh REMEDI Insurance a lei nuam peuhpeuhin ZAM zumpi min sazian kipia thei hi. Asawtlo in hong hawh kik nuam ahih manin Zomi alunglut khempeuh in min sazian nongpiak na dingun kong zasak phapha uh hi. Visa 93 Interview ding USA panin nazi napasal te hongsapding Malaysia ah a ngak nahihleh pum ngakcip kei un. Banghang- hiam cihleh tulaitak Visa 93 vaitawh kisai Malaysia US Embassy pan Contact a ngahzawhloh uh honkhat om cih Embassy Officer te'n hong zasak uhhi. Contact ngahlo te amin ka nget uhhang in Embassy te'n Private & Confidential thupisak mah- mah uh ahih manin amin List te hong piakhia ngam- lo uhhi. US aom asamding penin Immigration zumah nakanhen cih hong vaikhak uhhi. Hongtungding July 23 nizong Visa 93 vai Interview ding akisam honkhat omkhin hi. US pan asamdingpa piak ahi Email ah hihvai tawh kisai aki khakkhin hi a, ahi zongin pawlkhat in Email check manlo hiam, a Email zangnawnlo hiam ki Contact theilo cihi. Tua ahih manin hih Visa 93 vai tawh aki sawhkha limlim in navai uh pumngakcip lo a, kanzelzel ding kisam hi. Australia pan laikhak ngah ding Zam Lian Tuang, Khup Lian Thang leh Thawng Khan Lian Khai lai ding ZAM zumpiah hong tung ahih manin hong la un. Malaysia Vanleng MH17 kikap khia Russia leh Ukraine gamgi aa Malaysia vanleng MH 17, mi 295 tuanna (Passengers-280, Vanleng nasemte 15) kikap khiatna tawh kisai pen Russia tawh a kipawl kumpi langpangten Missile tawh a kikap khiat hi dingin kilamen hi. Passenger lakah Dutch minam 154, Australians 27, Malaysians 23, Indonesians 11, UK 6, Germans 4, French 4, Belgiums 4, Filipinos 3 leh Canadians 1 kihel uh a, acianlai 58 te pen koi gam pan hiam cih a kikan laitak hi. Hih vanleng tuahsiatna ah kumcing lo naupang 80 om hi kici hi. Ukraine gamsunga kumpi thunei khat in a genna ah 22,000 metres ciang dong a kap thei missiles tawh a kikap khia hi cih ama Facebook sung panin gen khia hi. Ahizong in Ukraine galkapbupa in Russia tawh a kipawl singnuaimi te kapna dingin ko missile thautang khat zong ka zang kei uh a, a kap hiphial mah le ungh zong hih vanleng hong lenna leh ko omna kigamla lua hi. Ko missile in tuk lo ding hi ci hi. Hih vanleng a kiatna mun pen Russia tawh a kipawl singnuaimi te ukna gam hi a, tulian laitakin Ukraine mite leh Russia tawh a kipawlte nasia takin a kikapna mun ahihi. Tu ciang dong hih vanleng pen kua kap hizaw ding hiam cih kitel nai lo hi. Malaysia Vanleng nasemten hih tuahsiatna ah a misite innkuanpihte $5000 tek piak phot dingin gen uh hi. Ahih theih leh kimuhkholh hoih penpen Tulaitak pen UN in min kibang te anak sap mahmah laitak hi-in Zomi sungah tua dan a tuak kha a om leh bang mah launa ding omlo hi. UN zumpi na paima in kamlette ahih kei leh zum asem palaai te tawh kimu khol thei le teh hoih penpen. ZAM Card tawi Zomi te ading nasep UNHCR-EST nasep zonsakna paninKL sung KFC sai ah cashier sem thei ding numei pawlkhat ki nawh deih mah mah. UNHCR-EST pan mahin Johor Bahru KFC sai a sem dingin Zomi citak mi kideih behlai hi. A lunglut khempeuh ZAM zumpi ah na min sazian uh hong pia un. UNHCR-EST pan manin Old Town White Coffee Shop ah ding mangpau or maly pau thei kideih. Khasum pen sialo ding hi. Port Klang packing setzungah sem ding pasal 6 kideih. Nasep hun nikhat nai 9 sung tawlngak hun tawh kigawm, kal khat 1 veita off, OT tawh nikhat RM54-60 kikal ngah thei den. UN card neite bek deih. Khasum ni 7 mata pia den. Alunglutte kizopna ding: Mangpu 019 510 6413 Lungdam kohna Zomi Catholic (ZCCM, St. Joseph Church, Sentul) pan tukal Thupuak bawlna ding RM50 hong piakhia leuleu uh ahih manin lungdam ihko hi. ZCCM Pawlpi tawh na kizop nop leh: Francis Khampi 016 269 1351. Keizang khuami Pyidawtha a teng Thang Langh Pau in tukal Thupuak ading RM50 tawh ma hongpang ahih manin lungdam ihko hi. Ever Smile Ministry panin Zomi thongkiate panpihna dingin RM50 tawh ma hongpang uh hih manin lungdam ihko hi. Mi cimawh, genthei tampi a huhzo dingin Topan thupha hong piak sak semsem ta hen.