Edisi 08, 9 Funfan 2011

Funan Nua Npoi Haefes

Publikasi Gratis neik Uab Met neu Kit Ok-ok a-nbi Format PDF
Abmepu : Yohanes Manhitu, Yogyakarta. Email: ymanhitu@yahoo.com

Lelogama In Human. Foto: Yulius Ndapamuri

Tuis neu Edisi i

Kle ntomneu Radio ma In Fungsi (Artikel) Kamus (Bukhanfuaf) (Topik Buku) Tabel Verba Uab Met (Varia) Ulan Funfan (Puisi)

Tbait Tenab teik Uab Met (oras i Amneikhanaf) Edisi 08, 9 Funfan 2011Tkoenoktm teu Blog Uab Met http://uabmeto.blogspot.com

Artikel
2

Kle ntomneu Radio ma In Fungsi

SEKAU es fka nahn fa radio? Masi ka tmu fa radio, hit ok-ok lof tahn radio nane s. Teik hanfuaf tuktuk-palpal, radio nane alat a beishanaf he tateab hantonas (informasi) neu balebale natuin gelombang elektromagnetik (gelombang humfes es neno-tnanan l nabe nafinib hanaf l nm nko radio). Neis nko in fungsi on alat he tateab hantonas hum-hum, radio ms nabe mapak he tbait ma tfe hiburan (acara mlil) ma hine humaf namfafau neu atoni bian nbi bale paumak a lo. Nmu acara namfafau l nabe mapoin ma mateab natuin beishanaf kanan radio. Ka on fa tivi (televisi) l nmu hanan ma gambar natuin in layar, radio nmu alaha in hanan. Es onnane, ka nmu fa hanfuaf akiosradio, me nmu hanfuaf annradio a atnnradio ma asinmkradio. Nko un-un (oras radio mapaka malal) nmu annradio namfafau nbi pah-pinan i, esan bale-bale, nko pah moderen talantea pah hufui(j). Nbi neno un fka nmu fa radio an-an (l nmnf ma nabe mafit a mahuk, matek nak radio transistor), es onnane radionin mabelak a-nbi ume, nbi kele/peti naek es. Me namuin onnane, ahlisin nmo nan radio an-an namfau ma ntulun anaolalnin l a-nsimakan he nnen radio. Nbi m-m sin natninan radio ma napeinin informasi humhum, masi sin nbi nasi nanan a nfe tunan. Radio lo nmo tuaf namfafau onl ka nasaitan fa kota masi sin esan kuan a tasi-ninen, nbi bnao-tasi tunan nbi tasi tnanan a nbi naijamet fafon. Biasa hantonas l mateab natuin radio neik uab hum-

Foto: Microsoft Clip Art

Tala neno i au fka uhn neu program radio neik Uab Met nmu en a fka (es Kupang, TTS, TTU, ma Oekusi-Amben).

hum. Radio anaplenat biasa npaek uab nasional he nateab hantonas neu negara nobtemen, neu to(b) ok-ok. Me naik nko nane, ini ms anpaek uab pahbute (baelmatteme) he nfe siaran neu negara bian ntomneu negara nane (natuin siaran internasional). Onatlek RRI (Radio Republik Indonesia),

masi in biasa nfe siaran neik uab Indonesia (Labit), ini ms nmu seksi siaran uab bian, onl uab Ingls, Spanyol, Prancis, ma uab bian. Natuin siaran humaf i, pah Indonesia in lisan alekot (l mapanat lekleok piuta) mateab neu pah bian henait sin nahn atoin-Indonesia sin monit. Naik nko radio anaplenat, nmu radio lokal onl RPD (Radio Anaplenat Daera) ma radio soasta bian. Fun sin soasta, sin nfe siaran namfau neik uab lokal uab l mapak nbi daera. Nbi bale l atoinamfaute namolok uab mes, onl uab Jawa, Sunda, a Bali, siaran namfau mateab neik uab nane henait to-amfaute nahn arti nko s l mateab neu sin. Me nbi bale bian l nok uab lokal namfau lef, onl Kota Kupang, alaha uab nasional (Indonesia) nms es biasa mapak.

Tbait Tenab teik Uab Met (oras i Amneikhanaf) Edisi 08, 9 Funfan 2011Tkoenoktm teu Blog Uab Met http://uabmeto.blogspot.com

Edisi 08, 9 Funfan 2011

>>
Tala neno i au fka uhn neu program radio neik Uab Met nmu en a fka (es Kupang, TTS, TTU, ma Oekusi-Amben). Nbi kabupaten-sin l anpaek Uab Met, au utenab ak musti nmu program kusus neik uab i. I ka nak fa henait atoinamfaute nahn mane s l mateab natuin beishanaf nane, me ms henait uab i nabe nmu in wibawa nbi tob in matan oke-ms henait in mapanat piuta on maus budaya mes. Masit hit tahinen tak mun i, nbi era internet, program radio namfau es mateab natuin situs-web hum-hum. Biasa in hanan nmeu neisin radio biasa ini. Me he tapein siaran nane, hit musti tasoin nko situs-web radio-es ini. Masi onnane, fka nmu fa radio namfau es npaek program internet i. Santein neu siaran radio neik Uab Met l nabe tapeini nbi internet, hit musti tpao ma tpao ttein tala nok-sin nmu salit ma nekaf alekot neu mepu humaf i. Yogyakarta, 28 Funnim 2008 Yohanes Manhitu in tuis

Kamus (Bukhanfuaf)

Foto: Situs Internet

Maus Humaf Bian : Tolas/Ekut

Tolas a-nbi Sonaf Tamkesi, BIboki Foto: Herisandy Umbu Deta

KALU hit tatoit tuafes ntomneu hanfuaf kamus in arti (otne) s, in masit lof natae nak nane buku-es l naheun nok hanfuaf hum-hum ma matur natuin alfabet. Nane ka nsan fa, fun Oxford Advanced Learners Dictionary nfe definisi ahunut i buku-es l nfe daftar hanfuaf nko uab-es natuin tuinas alfabetis ma natn sin arti, a nfe hanfuaf nko uab pahbian es neu hanfuaf es-es (a book that gives a list of words or a language in alphabetical order and explains what they mean, or gives a word for them in a foreign language). Neu, kamus esl buku l natm hanfuaf namfafau nko uab-es. Es onnane, kamus ntam neu buku referensi buku l ntulun tuaf he napein informasi ntomneu hanfuaf sin mhb. Natuin Kamus Besar Bahasa Indonesia (Kamus Naek Uab Indonesia), hanfuaf kamus nm nko hanfuaf qamus, nko uab Arab. Ma hanfuaf nms nane nm nko hanfuaf Yunani okeanos l nak taismanuan a tasi-amanuat. Matek onnane fun buku humaf i naheun nok hanfuaf hum-hum ma njail onl taismanuan neu informasi ntomneu hanfuaf nko uab-es. Judul fafon i mapil fun kamus lo buku apanat hanfuaf. Uab es-es a-nparl he nmu kamus, l npanat hanfuaf amfafaut nko uab nane. Ma amolok uab sin namlil fun kamus l masusun ma mapak neu parlt hum-hum. Me haef namfau, uab bian ka nmun fa kamus komplt. Masi

Tbait Tenab teik Uab Met (oras i Amneikhanaf) Edisi 08, 9 Funfan 2011Tkoenoktm teu Blog Uab Met http://uabmeto.blogspot.com

Edisi 08, 9 Funfan 2011

>>
meupkamus (susun kamus) nane mepu mfen, npar he nmu kamus neu uab ok-ok. Nane fun natuin kamus nane, hit nabe tahn uab-es in nesan. Natuin in mafauban, nmu kamus naek ma kamus an. Kamus naek nane natm nain kanan hanfuaf nko uab-es, me kamus an-an alaha natm fukes ma mapak neu parlt praktis. Natuin in nesan, kamus mabat neu kamus standar ma ka-standar. L ahunut natm hanfuaf nko disiplin hine hum-hum. Kamus humaf i njail sumber neu kamus humaf bian, natuin parlt praktis a kastandar. Ma natuin uab nbi nanan, kamus mabat neu kamus uabmes (monolingual), kamus uabnua (bilingual), kamus uabteun (trilingual), mhf. Uab (molok) es-es nmu in kamus ma nfe in kamus piuta natuin era in sekan. Mun i kamus naek l mapak nbi Indonesia esl Kamus Besar Bahasa Indonesia l masusun nko Pusat Pembinaan dan Pengembangan Bahasa (Pusat neu Loitan ma Noeb Uab). Atuikamus-es mahin a-nbi Indonesia esl W.J.S. Poerwadarminta, atuis Kamus Umum Bahasa Indonesia (1551). Nbi pah Ingls hit tahn Samuel Johnson l ntui Dictionary of the English Language (Kamus Uab Ingls ini), mapublikasi nbi ton 1775. Ma nbi Amerika hit tahn Noam Webster l matek nak amf atuikamus Amerika, l ntui An American Dictionary of the English Language (Kamus-es Uab Ingls Amerika ini), mapublikasi nbi ton 1828. Tuaf amunit es nfe uab Ingls natuin tekas Amerika ini kun. Es onnane, mun i hit tahn uab Ingls versi pah Ingls ma versi pah Amerika. F nmu humaf bian a-ntein l sin ejan (ortografi) natuin es nko l nuain i. Nbi Webster in kamus, hit tt versi uab Ingls l mpalan nko hanfuaf Ingls sin l mapak nbi in pah asli (amaneot). On tlek, nbi kamus nko pah Ingls hanfuaf colour (kotof, warna) es mapak, me nbi kamus Amerika sin hanfuaf color es mapak. Me versi nuain nane ok-ok masim nbi tuis neik uab Ingls nbi pah-pah. Hit tamolok talaelen ntomneu kamus neu uab Indonesia ma uab naek bian nbi pah-pinan amanuat i. Kamus sin nane lo npanat hanfuaf nko uab faukfauk l matek malal. Haef i aim he tkios kamus Uab Met. Hit lof tahn tak talantea neno i fka nmu fa kamus naek komplt he natm nain kanan hanfuaf nko Uab Met. Haefes au nen nak Dr. Pieter Middelkoop (ahnuab mahin nane) ntui nan kamus Uab Met es, me au fka tae t fa buku nane. Nbi ton 1991 Undana Press npublikasi kamus-es kanne Kamus Dwibahasa Indonesia-Dawan l Tuan Felisianus Sanga nsusun, me kamus nane fka nkomplt fa ma toamfaut fka npake fa. Ahnmolok Met sin musti lab-lab, napein tulun nko anaplenat daera, nmeup mtan he nsusun kamus Uab Met es. Samuel Johnson namolok nak kamus in fungsi esl he npanat uabe in meun (kninon). Noah Webster nko Amerika ms hanaf mes nokan. Es onnane, tenab ntomneu meupkamus he tpanat uab, neis-neis Uab Met, musti mab nai henait nbi neno-amunit hit uab i nmoin nabala, kais njail uab amates bian onl uab amfaut l neno i namnekunen fun ka mapanat fa lekleok. Yogyakarta, 28 Funnim 2008 Yohanes Manhitu in tuis

Tbait Tenab teik Uab Met (oras i Amneikhanaf) Edisi 08, 9 Funfan 2011Tkoenoktm teu Blog Uab Met http://uabmeto.blogspot.com

Varia : Hum-Hum Ntomneu Uab Met

Tabel Verba Uab Met, Indonesia, ma Ingls

>>>>> lof matutan a-nbi edisi amnemat

Nota: Mamnait nko Tabel Verba Uab Met, Indonesia, ma Ingls, Tabel Kata kerja bahasa Dawan, Indonesia, dan Inggris, Table of Dawan, Indonesian, and English Verbs, Asusun/Penyusun/Compiler: Yohanes Manhitu

Tbait Tenab teik Uab Met (oras i Amneikhanaf) Edisi 08, 9 Funfan 2011Tkoenoktm teu Blog Uab Met http://uabmeto.blogspot.com

Sastra : Puisi

Jendela Ulan Funfan

Nko: Yohanes Manhitu
Neno i ho mkios kai haef nua ben ma muskeken meik ho mnemat, l kamafnekan fun tabu nfinen. Ho oras namsoupen neu kai.

Me ho f mutonom meik popit,

Foto: Microsoft Clip Art

l ton i in nanan napt ns naijan. Oras i hai mifnekan kim manas me ho f esan he mpoip pah.

Nko: Yohanes Manhitu

Nbi uemkase amfautin, ho lof mte neuspalaf l biasa nabia nesu mnan. In upan lo ka naek ini fun fesat ume kamajendela. nfinin fa manes

Kaiskais ho mupnikan oras, kaiskais ho nekam namneuk, es ho mfain oum he mkios kai masi ho oras makisot a-nfinen.
nesu

Haef namfau naheun mae

ho ne-

Kalu ho mmouf ka musns fa, kalu ho mkios ka mutuin fa oras, hai lof ka mihn fa ben he mlek fun-met ma fun-petas sin nakat.

kam

a lasimtaus l naplenat ma nkan ko. Ho mumtau mis he mkios mutuin nesu, me jendela nfe ko baelson he mupn.

Yogyakarta, Funfan 2010

Haef bian ho smanam ka nt fa manas fun in nl nko mesin atan alekot. Jendela nfain lalan mes neu mesin henait ho smanam kais anmaknen.

Neu totis ma komentar ntomneu media i, msoun email neu ymanhitu@yahoo.com

Tbait Tenab teik Uab Met (oras i Amneikhanaf) Edisi 08, 9 Funfan 2011Tkoenoktm teu Blog Uab Met http://uabmeto.blogspot.com