Let us brain-storm a little about bihars problems and its solution releted to her growth Problem1.

Badh ki samsya: har saal kosi nadi me aane wale badh se bihar trast rahata hai. Arbo rupye ki sampatti nasht ho jaati hai, tatha kisaano ki bhari nuksaan hota hai. Sarak nasht ho jaate hai. Fashle barbaad ho jaata hai. Aur charo or paani bhar jaane ke karan log berojgaar ho jaate hai.natijaa hota hai bhari garibi. Solution: Construction of a Great Water Reservior: Badh ki samsya ka asthayi nivaaran ke liye Goverment ko ek water reservoir construct karna chahiye jo Nepal se sate ho kyoki baadh nepal se aane waale paani ke karan hi aata hai. Ye project koi choti pariyojna nahi hogi balki jaahir hai world ki sabse bari pariyojnaao me ek hogi, kyoki reservior ka area itna hoga ki jitna jal baadh laane me sakshma hota hai wo sab Is reservoir me store ho jaaye. Aur iske liye kaafi nivesh ki aavsayaktaa hogi. Is reservoir me jitna jal ka sanchayan hoga , use dhire dhire nadiyo me chora jaa sakta hai jispar kai choti choti panbijli yojnaaye chal sakti hai.aur rajya ke liye aavsyak bijli ki aapoorti ho sakti hai. Iske liye Bihar ki nadiyo ko aapas me jorna hoga. Is reservoir me matsya paalan bhi kiya jaa sakta hai jo rajya ke liye income ka bahut bara srot hoga. Is reservoir ka advantage hoga ki bihar ke bhoomigat jal ka astar bhi sudregaa. Tatha is reservoir me sanchit jal ka upyog sinchai ke liye kiya jaa sakta hai. Problem2 .udyogo ka abhaav: bihar me udyog ki bhari kami hai, karan hai bijli ki kami, pichli sarkaro me udyog ki moolbhoot aavsaykata sarko par dhyaan na dena. Solution: Bihar me udyog ki kami ke piche bijli sankat ek pramukh karan hai. Bijli ki kami se niptane ke liye hum kai program chala sakte hai jaise 1. Un sites ki khoj karna jaha chote chote panbijli sayantra lagaye jaa sakte hai, aur panbijlee utpaadan kiya jaa sakta hai. Ek sarvey ke anusaar bihar me aise sites ki kami nahi hai. 2.Renewable energy program ke tahat private aur goverment immarto ke upar, naalo ke upar, banjar jamino par, park me, sarko ke sides me, school, collego ke chat par solar power plates lagaye jaaye aur har muhalle, gaaon, district leval par chote chote solar power plants ka nirmaan kiya jaaye. Ye baat sach hai ki is kshetra me abhi laagat adhik lagati hai parantu agar mass scale par agar is project ke antargat kaam kiya jaaye to solar power ki kimat lagbhag nuclear power plant se milne waali bijli ke barabar ho parti hai. Gujrat me ye sidhdh bhi ho chuka hai. 3. Baaki hum taap pariyojnaao se bhi bijli paida kar sakte hai. 4.Bihar me udyog ke liye aavsayk bhari kachche maal ki kami hai , kyoki saare lauh tatha koyala khadan jharkhand ke paas chale gaye hai. Parantu humaare yaha krishi aadharit udyog ko badhawa milne ki apaar sambhavnaaye hai, har gaaon me kutir ydyog ko badhawa diya jaaye , jaise food processing plants lagaye jaa sakte hai, b.p.o sector, IT sector aur service sector me humaare paas apaar sambhavnaye hai. Jarorat hai vas yuvao ko train karne ki. Hume mass scale par trainining centers kholne chahiye tatha logo ko alag-alag skills me training deni chahiye.fir hum in skilled person ki service doosre states aur world ko export kar sakte hai. Problem3. takniki siksha ka abhav: bihar me maanav sansaadhan prachur matra me hai, hamaare paas kaam karne waale logo ki bhari fauz hai lekin unko kisi visesh skill me train karne waali sansthaao ka abhaav hai. Engg. Aur medical college gine chune hai, natija hai ek prakaar ka apratayaksh berojgaari tatha logo ka kaam ke liye doosre states me palyaan.

Solution. A. Bihar me takniki siksha dene waale institutions ki bhari kami hai jo kuch thore hai bhi unme padhai ka astar kaafi achcha nahi kaha ja sakta hai. Hume chahiye ki aur adhik se adhik polytechnic, engg college, medical college, manangement institute kholne chahiye. B. e-Education: Padhai ke kharaab astar ke liye sabse adhik ayogya faculty ka hona hai, adhiktar sikshak ayogya hai. Atah hume is samsya ke nidaan ke liye har vidyaalaya, colleges ko tele- education system se jorna chahiye, jiske antargat agar ek jagah agar class chale to uski broadcasting har sambadh vidyala, college me ho. C.online student help website: Shaikshanik board ko chahiye ki wo ek website ka nirmaan kare jispar kisi bhi subjects ka lecture on line uplabdh rahe. Aur download ka option bhi ho. Education system ko hightech karna parega. Ek online faculty forum ka nirmaan kiya jaaye jaha student apne prashno ko compitative teachers, lecturers se pooch sake kisi bhi samay, aur uska jawab use mil jaaye. D.Development of virtual practical software and training games: Practicals ki haalat humaare school collego me kaafi kharab hai. aksar ye dekha jata hai ki practicals ke liye jo instruments aate hai wo kaafi mahnge hote hai, tatha in instruments ki itni kam availability hoti hai ki hum me se adhiktar students in instruments ko touch bhi nahi kar paate, agar practical kar bhi liya to ek baar me kuch bhi sikhna muskil hota hai , isliye jaroorat hai ki computer games ke tarj par aise software programmes develop kiya jaaye jisme subjects se releted machines, parts, practicals ki assembling, construction, aur execution virtual world me kiya jaa sake. Kalpana kijiye agar ek electrical engineering ka student transformer ka nirmaan virtually kar raha ho, ek aisa computer game jisme transmission line me fault ho aur usko thik karne ke liye ek electrical engineering ka student games khel raha ho isse uska manoranjan bhi hoga aur takniki gyan me bhi badhotari hogi , ek mechanical engineer car ka nirmaan virtually kare. E. krishi training centers: Kisaano ke training ke liye training centres aur help centers har gram panchayat me khole jaaye, jaha ek nischit avadhi ke baad unki training ko mandatory kiya jaaye. Problem 4.Curroption & misgovernance. Bihar me lambe samay tak araajkata ki stithi rahi hai. Loot paat ki ghtnaye, apaharan, rangdaari etc. Ke kaaran udyog pati bihar me aane se katraate rahe hai. Hala ki stithi me ab kaafi badlaao hai parntu abhi bhi kaafi kuch kiye jaane ki jaroorat hai. Koi esi sanstha nahi thi jisme curroption nahi tha. Tasveer ab kuch badli hai parantu abhi bhi curroption kaafi hai. Khas kar MNREGA tatha anya sarkaari programs me jaise Pradhamantri sarak nirmaan yojana, Indira aavas yojana etc. Mai dekhti hu jab naalo ki saffai ke liye paise diye jaate hai, to thekedaar poore saal koi kaam nahi karata hai , jab barish hone lagti hai to kaam suru kiya jata , baarish ke karan naalo me paani bhar jaata hai, fir koi bhi is baat ki jaach nahi kar sakta ki kaam hua ya nahi thekedaar ye dikha dete hai ki kaam hua hai aur yojana ke paise nikaal lete hai, aur ye sab hota hai uche pado par baithe officers, vidhaayak, sansado ki mili bhagat se. MNREGA me bhaari ghotala hota hai, gram pradhan file par ek hi pokahr naalo ki khuddai baar baar dikhate hai, jabki kaam hota hi nahi hai. Kaam dene ke naam par farji logo ka jobcard bana diya jata hai. Solution: misgovernance aur curroption ko khatm karne ke liye kuch steps liye jaane ki jaroorat hai jo is prakar hai. A. Lokaayukt :Majboot lokaayukta ki bahali jiske jurisdiction me chief minister se lekar D group tak ke saare kramchari ho. Curroption se related saare case ki ek limited time ke andar faisla

B.

C.

D. E.

F.

G.

ho, tatha gaban ki gayi raashi ki wasooli inki sampatti jabt karke ki jaye. Aur dand ke roop me aajivan karavas jaisi sakht kanoon ho. Citizen charter: Citizen charter laya jaaye jisme har office me kaam ko poora karne ke liye ek fixed time table aur deadline ho, ek nischit avadhi me kaam na hone par sambandhit officer ki tanqwaah kaat li jaye. Installment of cctv cameras: Pratyek goverment office me cctv camera lagaya jaye jisko district ke ek mukhyalay se joraa jaye. Jaha se sarkaari karamchariyo ke kaam kaaj par nigraani rakhi jaaye. Protection of whistle blowers: Bhrasht adhikariyo ko pakarwaane waalo ko aur whistle blowers ko sanrakshan pradan kiya jaaye. Public-private-goverment cooperated ruling system: Iske antargat goverment private doorsanchar companies se ek samjhautaa kare jo district, tahsil, gaaon me kin pariyojanao par kitna paisa gaya hai ye jaankaari usi district, tahsil, gaaon ke logo tak massage karke bataaye aur kisi bhi garbari hone par sikaayat kaha par kiya jaaye iski bhi jaankaari de. Sikaayat karta ka naam gupt rakha jaaye aur maamle le tatkal jaach ki jaaye. Police call centres and help booth: Law and order ko durusht karne ke liye private companies ke call centers tatha customer care ke tarj par police call centres tatha help booth ka nirmaan kiya jaaye jaha log aasani se apni complaint likha sake.kyoki aksar police complaint likhne se katraati hai, Baad me releted police stations ko ye cases transfer kar diya jaaye. Saare police stations me cctv camera lagaya jaaye jise district nigraani department se connect kiya jaaye. Police sudhaar program ko laagu kiya jaaye.

problem5. chote kisaano ki garibi. Bihar ke kisaano ke paas jamin kam hai, unke paas poonji ki kami hai, tatha wo chote astar par kheti karte hai. Krishi ek esa kshetra hai jisme majdooro ki salo bhar aavsyakta hoti hai,9973641997 Kisaano ki sabse bari samsya hai majdooro ka na milna. MNREGA scheme aane ke baad to ye samsaya aur gambhir ho gayi hai. 2-3 bigha pyaaj ki kheti ke liye niyamit roop se 5 majdoor ki har roj aavsaykta hoti hai. MNREGA scheme me dainik majdoori rs.187 hai. Is hisaab se lagbhag 950 rs. Har din kisan ko majdoori deni paregi.Jabki kisaan itni majdoori dene me sakshma nahi hota hai.natija yah hua hai ki kisaano un faslo ki kheti karna chorne lage hai jisme jyada poonji ka nivesh karna hota hai tatha adhik majdooro ki aavsayakta parti hai. Solution: Goverment ne kisan credit card jaisi pariyojnaa chalai hai, Jo sarahniye hai.parantu avsyakta hai kuch aur steps uthane ki jaise jaise A. Work forum: Block aur gram panchayat level par work forum ka gathan kiya jaaye. Jaha kaamgaar majdoor apna registration kara sake. In work forum me kisaan ek form bhar kar jama kare jisme kaarya, majdooro ki sankhya aadi ka ullekh ho. Kisaano ko utne majdoor avantatit kar diye jaaye jisme kisano ko unki majdoori dene me ek nischit subsidy mile.

Problem 6. Bajaar ki anuplabhdata: kisaano ki sabse bari samsyaa hai fasal ko bechne ke liye bajaar ka na hona, jisse bahut fasal barbaad ho jaati hai, khaskar sabji jaise kachche fasal. Solution: A. Gram panchayat level par kisano ko food processing ke skill me train kiya jaaye, tatha kutir aur laghu udyog ke roop me food processing ko badhawa diya jaaye, udaharan ke liye agar kisi

season me tamatar ki jabardast paidawar ho to aksar ye dekhne ko milta hai ki kisaano ke khet me hi bahut adhik tamatar barbaad ho jaata hai, agar kisaano ko training di jaaye ki kaise tamatar ko process karke tomato puri aur katch up banaya jaaye aur unki packing karke international market me export kiya jaaye to unki aamdani kai guni badh jaayegi, aur fasal ki barbadi se nijaat milegaa. Is prakaar bajaar bhi kaafi uplavadh hogi. B. Aajkal food items ko sanraksit karne ke liye nayi technology par aadharit shitgriho ka upyog hone laga hai,In technology par adharit dhitgriho ka nirmaan agar block level par kiya jaaye to kaafi laabh hoga. Upar ki dono hi baate possible hai humne doodh utpadan ke kshetra me ye kranti kar dikhaya hai.