30/04/2021 (1) Facebook

Fundamental Analysis - How to

"DYOR" Ya "Do Your Own Research"
ADNAN BABAR · TUESDAY, MARCH 30, 2021 ·

"DYOR" Ya "Do Your Own Research" Ya "apni research khud karain" kaise kerni
chahiye? Jo bhi coin/token lena hai us ki ye aik checklist bana lain or dekhain k kya data
available hai or kya nahi.

Website

Third class website or design waly projects se durr rahain. ye neche diya gaya zyada tar data
apko website se mil jayega.

Whitepaper or litepaper

Isko samjhna zaroori hai or samajhnay k liye parhna. ye project ka khulasa hai or isko parh k
ap ko idea ho jayega k is mein kitni potential hai or kya ye zyada profit dega k nahi.

Core operations / bunyaadi maqsad kya hai inka?

Agar ye coin ya token sood/interest se related activities kerta jaise AAVE borrow and lending
kerta hai, ya kisi sharab ya gambling/juwa se related to is se durr rahain beshak ye agay ja k
apko 1000x kyu na de. haram kamayi se dur rahain, qaamyabi ka pehla qadam. Agar
coin/token ka idea new or innovative hai toh ye bohat upar ja sakta hai.

Audit

Bohat zaroori agar brand new project hai. Strong team ho to zaroori nahi lekin phir scam k
chances b hotay.

https://www.facebook.com/notes/the-market-wizards-%EF%B8%8F/fundamental-analysis-how-to-dyor-ya-do-your-own-research/299252435121736/ 1/6
30/04/2021 (1) Facebook

Github to

Project ko github ki website pe search karain or dekahin k data/code regularly update hota
hai? Available b hai k nahi?

Team to

Zaroori nahi k team parday k peche hai toh project scam hai, team kisi aise country se bhi
operate ker sakti hai jahan crypto ban ho isliye team apne aap ko reveal nahi ker sakti.
Telegram group pe puchain ye sawal. Team agar available hai toh LinkedIn ya twitter pe
dekhain unki achievements or activities or history or experience ko

Contract Address to

In case agar project bilkul new ho, agar audit hua ho toh audit wali team isko review kerti hai
or result annouce kerti hai, aapki or meri samaj k bahar hai isko review kerna. Website pe
audit related info dhundain.

Twitter & Telegram to

Check karain k team active hai activities ya ap k sawaloun ja jawab dene mein. Zaroori nahi k
active team hai to scam nahi hoga. Telegram pe unse puchain k whitepaper, team, audit ka
batayen. Agar unhon ne apko block kerdiya to shukar karain or agar jawab tassali baksh mila
to research jarri rakhain phir invest.

Partnerships to

Inki partnerships dekhain dusre projects k sath. Or kya in k partners jaanay maanay hain b k
nahi?

Advisors and Investors to

Koi achay tajurbakaar advisors ya baray investor inko support kertay hain? Agar new project
hai to zaroori nahi k ye dono cheezain or partnerships available houn. waqt k sath bhi aa
saktay hain.
https://www.facebook.com/notes/the-market-wizards-%EF%B8%8F/fundamental-analysis-how-to-dyor-ya-do-your-own-research/299252435121736/ 2/6
30/04/2021 (1) Facebook

Project idea new or copied?

Agar inka idea pehle bhi crypto market mein hai to chances hain k ye zyada faida nahi
daingy. Agar inka idea same hai lekin puranay coin/token se behtar technology hai to
kaamyab ho sakta hai (Example $LINK ka strong competitor hai $API3.) Ye jan'ne k liye
apko crypto mein tajurba chahiye bohat, Ghabrana nahi, mera experience b kam hai.

Technical Analysis

Ye seekhain jahan se bhi seekh saktay, trading view pe practice karain. Baaki steps ko
Fundamental Analysis kehtay hain. Basic TA sabko aana chahiye.

Roadmap

Dekahin website pe k agay ja k ye project kya kya karayga

Tokenomics

Tokens ya coin kis tarah or kisko or kab milaingy. Agar adhay se zyada team ko khud mil
rahay toh sab bech k nikal jayegi or aap ko bilkul maza nahi ayega.

YouTube

Project ka naam likhain sath crypto likh k videos dekhain project ki.

coinmarketcal.com to

Is website ko use ker k aap idea laga saktay hain k kis coin/token k kya upcoming updates aa
rahi hain. Usko thora sa buy kerain, jab wo pump hoga to bahir nikal ayen.

icomarks.com & icoholder.com twitter follow @ico_analytics @top7ico @icodrops

@cryptogems555 etc. to

In pe apko new projects k baray mein pata chalayga, research ker k enter houngy to jaldi
profit kama k bahar. Youtubers bhi btatay achay new projects ka, dekhain new projects konse
https://www.facebook.com/notes/the-market-wizards-%EF%B8%8F/fundamental-analysis-how-to-dyor-ya-do-your-own-research/299252435121736/ 3/6
30/04/2021 (1) Facebook

aa rahay phir research karain. Achay projects 10-100-300x + bhi ker saktay hain dinoun
mein. New projects k launch Pump and dump se bach k rahain agar aap late ho gaye to stable
honay ka wait karain phir enter.

New projects pe sirf utna paise lagayen jo agar doob gaya to apko masla nahi hoga

https://www.islamicfinanceguru.com/crypto/

Is website pe top 53 coins/tokens market cap k hisaab se jis time ye list bani thi, shaamil
hain, aap dekh saktay hain coin ya token k naam se pehle PLUS ka sign press ker k k ye halal
hai ya nahi. Agar koi islamic sawal hai crypto se related to is website k forum pe jaa k post
karain or Muftis k jawab ka wait karain https://forum.islamicfinanceguru.com

Jo bhi buy karain, research ker k zaroor dekhain k halal hai ya haram

= Matlab Bohat zaroori (is k bgair invest kerna bohat zyada risky hai)

= zaroori

= ye info na b ho to kaam chal jayega.

Project ka matlab = coin/token ka naam ya parent company ka naam.

Jis coin ki research apko bata rahi k ye bohat acha project hai, usko twitter pe follow
rakhain or updates dekhtay rahain or apna profit ka target increase kerte rahain. yaad
rakahin k har coin 100x karay ye zaroori nahi, isliye bas research ker k munasib acha target
set karain or us target k kareeb nikal jayen, thora sa para rehne dain or dekhain kismat kdr le
jaati.

Jazbaati faisla kerne se guraiz karain, agar apka dil keh raha k ye 100x karayga to yaad
rakhain, aap Shahrukh Khan nahi hain or ye movie nahi chal rahi. Apki halal mehnat ki
qamayi ko bgair research zaya mat karain

Ye formula aap new and old coins/tokens dono pe istimaal ker saktay hain.
https://www.facebook.com/notes/the-market-wizards-%EF%B8%8F/fundamental-analysis-how-to-dyor-ya-do-your-own-research/299252435121736/ 4/6
30/04/2021 (1) Facebook

Question 1: Crypto mein research kerna kyu zaroori hai?

Answer 1: Agar 2018 mein aap ne or maine ChainLink pe research ki hoti to sirf $50 laga k
5 lac chainlink k maalik hotay or aaj Lamborghini kya, Bugatti or Ferrarri ap k neche hoti or
pakistani khadh'doun wali sarkoun pe neche ragarh rahi hoti or hamara driver Mercedes
mein 1 kilo Dahi laa raha hota.

Question 2: research mein kaafi time zaaya hota hai, mere se nahi hoga ye sab.

Answer 2: crypto ap k liye nai. Is bull run se zyada se zyada profit uthayen or seekhain, jab
market crash hogi toh bear run mein choti choti amounts multiple coins/tokens pe lagayen
or next bull run mein millionaire ban k niklain. 10-20-30 mein se Koi aik toh aisa project
niklayga jispe aap ne bear run mei $50 lagaye houn toh wo apko next bull run mein $100,
$500 ya even $5000 araam se de sakta.

Question 3: coin/token khareed liya research ker k, upar nahi ja raha.

Answer 3: dou lagayen kaan k neche, dekhain kaise upar jayega. Crypto ap k liye nahi agar
aap mein holding power ya sabar nahi. $50 lagayen, usko loss samjhain or next bull run tak
isko dekhna nahi ya ap k desired profit tak nahi dekhna. research nahi ki toh scam b ho sakta
nahi toh millionaire b ban saktay. Yaad rakhain, kaafi achay projects bhi scam ker saktay
hain, risky hai crypto.

Question 4: kya aap khud ye sab kertay hain? Answer 4: Jee, saray steps nahi, lekin itna
zaroor dekhta k halal hai k haram, website, whitepaper, audit, team, telegram etc. Ap isko
adat bana lain toh pro ho jayengy phir 5-10 minute mein research and invest. Main Project
pehle 1 minute mein hi reject ker deta agar haram hai phir dusra dhundta. New projects mein
research ker k investment nikaal k baaki bhool jata hun. ab next bull run tak wait hai agar ye
projects upar jayen ya abhi 10x ker k bahar apki marzi.

Profit parts mein book karain.

Question 5: koi hamain bhi coin token bata dain?

https://www.facebook.com/notes/the-market-wizards-%EF%B8%8F/fundamental-analysis-how-to-dyor-ya-do-your-own-research/299252435121736/ 5/6
30/04/2021 (1) Facebook

Answer 5: ap k liye 3 ghantay laga k sab points dhoond k aik post bananay ka maqsad yeh
hai k aap khud dhundain or paisa lagayen.

Isliye aap se guzarish hai k andha dhun se betar wo jo apni qeemti zindagi k 10 minute
laga k aise research karay or 5 saal baad ayaashi karay. Ayaashi aap aglay 1 month mein bhi
ker saktay hain lekin phir wohi baat, research karain.

Agar apko aaj ka lecture pasand aya hai to please subah, dopahar or raat ko sonay se pehle
aik aik dafa dobara parhain.

JazakAllah

https://www.facebook.com/notes/the-market-wizards-%EF%B8%8F/fundamental-analysis-how-to-dyor-ya-do-your-own-research/299252435121736/ 6/6