SINCE :
EASTERN STAR “INTITHIANGHLIM RENG RAWH”
(I Tim. 5 : 22)
( For Private Circulation Only )
An Official Organ Of The Salvation Army Youth Chanmari Corps
Dated : 1st Nov. 2009 Vol - VIII
CORPS NEWS
Maj. Vanlalhuma C.O Prog :
Bazar CO Bial Sairang leh Rangvamual
a tlawhin hun a hmang ang.
### Kar leh hi Social Service
Prayer Week a ni a, he bun chhung hian
Sipai te Social Service lamah hma kan
sawn leh zual theih nan tawngtai tam
ila, inkhawm zan awm apiangah hemi
pual hian tawngtai bawk turin kan ni
ngen a ni.
### S.A.Y ten Zurkhal School
sakna atana Appeal letter dawngtu
zawng zawng te mahni theih ang tawk
theuhva lo tang turin kan in ngen nawn
leh a, hemi atan hian Sipaite i tawngtai
nasa leh zual ang u.
### Christmas a lo hnai leh
dawn ta reng mai... Pathian zarah dam
tlang takin kan hmang turah ngai ila,
amaherawhchu he hun lo thleng tur atan
hian kan Corps chhunga Sipai tin te
hnenah Thlarau pawl tharna kan neih
ngei theih nan sipaite tawngtai turin
kan in ngen bawk a ni. Tin, he hunah
hian S.A.Y, H/L Zaipawl neih a nih ngei
theih nan kan in sawm lawk bawk a ni.
### Dt. 6/11/2009(Fri) zing
dar 6:30 hian Bazar Corps ah Census
neih tur a ni a, hemi atan hian vawiin
Bible Class inkhawm zawhah Biakin
Department zawng zawng te Pre-Cen-
sus neih tur a ni a, kim taka kal tur in
kan in ngen a ni.
### Pu K.T Thuama te chuan
dt 27/10/2009 khan Civil Hospital ah
naute (mipa) an nei thar a, Sipaiten kan
lawmpui tak zet zet a ni.
Published and Edited by : Salvation Army Youth Chanmari Corps
2002
Gen. Shaw Clifton
Issue No - 44 Eastern Star Chanmari Corps Page -1
TAWNGTAI THILTIHTHEIHNA
Tawngtai hlutna : Ringtute hriamhrei tha ber chu tawngtaina hi a ni
a,a hlutzia hretute chuan an bansan tawh ngai lo. Communist ramah
Kenchick-te chhungkua chu an tawngtai thin a. Ring lo mite chuan an
tawngtai fo chuan sipaiin an rawn hmu ang a, an man ang tih an hrilh fo
va; nimahsela an tawngtai lui zel a. Nakinah chuan
Communist sipaite chuan an rawn hmu ta tak tak
a, an man a, cheng singhnih an chawitir a. A
thenawmte chuan tawngtai an sim raih tawhin an
ring a. Nimahsela Kenchick-a chuan a thenawmte
hnenah, “Communist sipaite hian tawngtai hi an
ngai hlu lutuk a, vawikhat tawngtai hi cheng singhnih tluka hlu niin an
hria a, tun atang chuan ni khatah vawi hnih kan tawngtai thin kha vawi
thum kan tawngtai tawh ang,” a ti ta hlauh zawk a. Tawngtai hlutzia
hretute chuan a man chawi tur pawhin an tawngtai zel dawn a, a hlutzia
hre fuh ve lote erawh chuan hlawh nei pawhin kan tawngtai peih lo a ni
Reformer ropui Martin Luthera kha tawngtai mi a ni a, “Vawiin
chu tih tur ka nei tam zual a, chuvangin ni danga ka tawngtai aia a leta
rei ka tawngtai loh chuan ka tih turte hi ka tizo seng lo vang,” a ti a.
Keini erawh chuan, “Vawiin chu ka buai lutuk a, ka tawngtai hman
hauh lo mai,” kan ti thin a, Luthera nen chuan kan inang lo hle. Keith
Piper pawhin, “Kan hun hlu ber hi tawngtai nan kan pek phal loh chuan
hun hian hlutna reng reng a nei tawh lo,” a ti ve hmiah bawk.
Tawngtaina hian kal tlang theih loh a nei lo va. Minit khat lekah
khawvel ram pum pui a fang chhuak thei a, van leh lei inkar pawh a
thleng tawn thei bawk. Pindan kawng kalh tlat pawh hawn theih loh a
nei lo va, thinlung sak tinemin rilru a tithianghlim thei. Khawvel mi liante
be tur chuan an official duty-te biak hmasak a, rei tak tak nghah a tul a,
duh hun huna biak theih an ni lo. Lei leh van Lalber erawh chu eng
hunah pawh, khawii hmunah pawh, tute pawhin an be thei reng a,
keimahnin biak kan chak aiin amahin biak min chak zawk bawk.
Vawikhat chu sipai duty pakhat hian Charles-a hlaphuah pakhat,
“Isu ka thla hmangaihtu,” tih hi zawi te hian a sa a. Chutih lai chuan
hmelma sipai chuan silaia kah tumin a tin ran a. Nimahsela, “Ka lu
phen nei lo khuh la, i thlahnuai daihlimah chuan,” (Cover my defenless
head, in the shadow of thy wing) tih a han sak thlen chuan hmelma
chuan a kap ngam leh ta lo tlat mai a, a him phah ta a.Chumi hnu kum
30 vel lai 1881-ah chuan chu mite pahnih chu Potamic lawngah an
chuang dun a, titikhawchang an sawi dunnaah an sawi chhuak a, mak
an ti dun hle a ni an ti.
‘Tawngtai hun hlu tawngtai hun hlu,
Khawvel buaina ram atang hian;
Kan Pa hnenah kan duh tinreng,
Min thlensak thin tawngtai hun hlu’.
 S.A.Y THILTUMTE EDITORIAL BOARD
1. Krista chanchintha puandarh. EDITOR
2. Thalai piangthar lote zawnchhuaha chhandamna A.Lalhmangaihzuala 9612163414
kawhhmuh. NEWS EDITORS
3. Thalai mimal tinte chakna leh thiltih theihna tam
zawka chhawr Terry Lalfakawma 9612297025
4. Thalai mimal tinte mahni invawn fel leh mahni intih T.Lalawmpuia 9856626394
hmasawnna kawnga thantir. Jonathan Lalchhanhima 9615181898
5. Thalai,Corps/ Society rawngbawlnaa kutke pawimawh H.S Lalawmpuia 9862978506
ni tura zirtir. CIR.MANAGERS
6. Salvation Army zia leh tihdan phungtha te chhawm John A. Zonunsiama 9862905171
nungzel thei tura thalaite kaihhruai. V.Lalrammuanpuia 9862327198
7. Thalaite, khawtlang tan a mi tangkai, khua leh tui tha PATRON
leh rinawm ni tur a zirtir. Dr. H. Ngurdingliana
CORPS HUNRUATNA Page - 2

VAWIIN PROGRAMME KAR LEH HUNRUATNA

Thianghlimna Inkhawm : Zing Tawngtai Inkhawm
Mon - Tue : Lt. Col. Lalkungi
Hruaitu : Pi Zothanpari
Wed - Thu : Pu Thangkima W.S
Bible Add : Maj. Kapluaia Fri - Sat : Pi Ramfangliani
Chhungkaw Bible : Pu Rosailova Sun : Pi C. Thangkimi
te chhung Sipai Inkhawm (4/11/09)
Sawi tur : Sam 33:1-2 Hruaitu : Pi Lalngaihthangi
Bible Class : Maj. Kapluaia Zirtirtu : Lt. Col.Rohmingthanga
Tawngtai Inkhawm (7/11/09)
Chhandamna Inkhawm :
Hruaitu : Pi Rochanzingi Hruaitu : Tv. V.Malsawmkima
Bible Add : Pu Lalnithanga Bible Add : Pu C. Chawnghlira Col.Sgt.

VAWIIN Y.P CORPS PROG : Thianghlimna Inkhawm(8/11/09)

(Social Service Sunday)
B&P : Chawngremi Hruaitu : Maj. Zodingliani
Collection : PC Lalrindiki Bible Add : Commr. Chianghnuna
Sp. Items : Lalhmangaihzuali Chhungkaw Bible : Pi HC Rothuami
Hruaitu : Lalnunziri Y.P.G te chhung
Sawi tur : Sam 62 : 3
S.A.Y PROG : (2/11/09)
Bible Class : Maj. Kapluaia
Hruaitu : Lalkhawngaiha
Bible Add : Lalhmingthanga Pachuau Chhandamna Inkhawm
Hla sak ho : Amy Lallawmpuii Hruaitu :Pi Chawngchhingpuii HLVS
B&P : Albert Vanrammawia Bible Add :Lt. Col. Lalkungi

L.O.M PROG : (5/11/09) HOME LEAGUE INKHAWM (3/11/09)

A hmun : Pi Engzami In Chanmari
A hmun : Pu Rualthankhuma In
Hruaitu : Pi Thannguri
Chanmari.
Bible & P : Pi R. Lalhmachhuani
Hruaitu : Pi Zomuanpuii
Zirtirtu : Pi Lalsangliani(Tetei)
Bible Add : Pi K. Zosangzuali
Recitation : Maj. Zodingliani
Sunday pangpar khawitu: Collection : Pi Lalbiakthangi
Zirlai 49,50: ‘Thih hnu thlenga
Vawiin : Pi R. Lalhmachhuani thiltithei’,
Kar leh : Pi Lalbiakthuami ‘Buaina nei ve ngailo’
 E-mail address : chanmarisay@yahoo.in and lalhmangaihz@yahoo.co.in
IHQ NEWS
Emergency Relief in Indonesia :
Indonesia ram West Sumatra a lirnghing tuar te tanpuina
hna kawng hrang hrangin thawh a ni. Pangang Pariaman
Sector ah chuan hnathawktute chuan nitin damlo 200
chuang an enkawl a ni. Tunah hian puan in 1000, blan-
ket 2000 leh bawnghnute pack 5000 pekchhuah tawh
a ni. An hotu pakhat chuan ‘Allah hnenah lawmthu kan
sawi a, a taka min tanpui tur hian Salvation Army ang hi
an lo la kal ngai lo’ a ti. Indonesia hi lirnghing Richter
Scale 7.9 a nain a nuai khan chhungkaw 90,000 chuan
chenna in an nei lo a ni.
Emergency Relief in Philipines :
Kum 40 chhunga tuilian an tawrh nasat ber tum ni a
hriat nasa takin he ram hi a suasam a, Typhoon Pedeng
an tih hian Northern Luzon a suasam nasa hle mai. Na-
tional Disaster Coordinating Council in an chhut dan
11th Oct a an report ah chuan he thil hian mihring
maktaduai 2 leh a chanve in an tuar a, heng zinga a tam
ber chuan chenna in an nei lo a ni. Salvation Army Biakin
tam tak pawh a chhe tel a ni. Hetiang thil a lo thlen hian
Corps officer te chuan theihtawp chhuahin sorkar nen
tang kawpin hna an thawk a, mi mangang te hmun him
lamah thiar chhuah anni a, Salvation Army chuan dona-
tion hmuh hrang hrang atang tein heng harsatna tuarte hi
enfiah a tanpuina hna awmze nei tak siam a nih tur thu
Major Daryl Crowden chuan a sawi.
Philipines Divisional Hqr. chu Aid Cen-
tre ah dah a ni :
26th Sept atanga Typhoon Ondoy in Phlipines a nuai a,
mi maktaduai 4 chuangin harsatna an tawh atang khan
Salvation Army chuan chhumlo chat lovin hna a thawk
char char a, Quezon City a Divisional Hqr. chu Aid
Centre atan hman a ni a, hetah hian eitur chi hrang hrang,
thawmhnaw leh damdawi te chhekkhawl a ni a, heta
tang hian ei leh in tur te, thawmhnaw leh damdawi te hi
sem chhuah hna thawh char char a ni.
Page 3
Seeing is beleiving
Emergency Relief Team in Samoa :
Salvation Army chuan Samoa, American Samoa and
Tonga.a lirnghing leh Tsunami nasa taka a nuai na hmunah
Relief Team tirin hna thawh a ni a, tualchhung hotute nen
inpawh takin hna thawh kalpui a ni a, khawsak a pangngai a
mite tanpui turin project chi hrang hrang ruahman a ni a.
Salvation Army represented at World
Council of Churches Meeting in Switzer-
land :
Lieut-Colonel Richard Munn, Secretary for International
Ecumenical Relations chu Geneva a W.C.C inkhawmpui ah
Salvation Army aiawhin a kal. He Meeting ah hian khawvel
hmun hrang hrang a Kristian pawl aiawh mi 225 te an tel a,
he Meeting ah hian Norway mi Rev Dr Olav Fykse Tveit
chu W.C.C General Secretary 7-na atan thlan a ni bawk.
(W.C.C hi kum 1948 khan din tan a ni). Rev Tveit chuan
Norway a Salvation Army te nena an tan hona chu a
chhuanawm zia leh zah kai an nih zia Lieut-Colonel Richard
Munn chu a lo hrilh a ni. Assembly neih lehna tur atan
Busan, S. Korea chu nemngheh a ni bawk. Assembly hi
kum 2013 ah neih leh tur a ni. He Meeting ah hian thu
pawimwh tak tak an rel a ni.
Salvation Army hi W.C.C ah hian full member chuan kan
awm lo a, mahse an rorel leh thu kal lam leh haw lam hre
turin palai (Observer) kan tir ve thin a ni.
Lt-Colonel Richard Munn G.S Rev Dr Olav Fykse Tveit
 1st Nov 2009 EASTERN STAR
PAUSE FOR THOUGHT
A life of Love
He khawvel a mihring lo piangchhuak te hi kan
danglam chungchuang bik ngawt mai. Mi tupawh
mai hian kan nu leh
pa, u leh nau te tan
tih theih danglam
tak kan nei theuh,
tichuan chhungkua
atangin midangte
tan, ram leh hnam
leh khawvel tan a
malsawmna
thlentu kan ni thei.
Chutichuan
chhungkaw
khawvel chu induhsak tawnna in a lo ni thin.
Hetiang chiah hian kan chenna khawvel pawh hi
mi chi hrang hrang theih dan inang lo te, economic
inchen lohna te, politic thil te, hnam zia hrang te,
sakhaw biak dan hrang te hrang nei te
awmkhawm kan lo ni ta a ni. Mihring rilru hre
theitu ni ta ila, he kan khawvel a mihring te hi han
thlir kual vel ta ila, he kan planet chhunga chengte
inan loh zia leh mak zia chu chiang tkain kan hmu
thei awm e. Engpawhnise, Pathian nung bia
(Christian) kan nih chuan heng kawng hrang hrang
a kan inan lohna te hi dah that a, he khawvel a
kan tih tur ber keimahni theuhva taima taka thawh
hi a ni. Tu kutah mah kan innghat tur a ni lo.
Keimahni theuh hi thianghlim taka nun kan tum
tur a ni a, politic te, hnam leh tawng ect te hian
min tibuai tur a ni lo. I nitin nun chu family nen
inkungkaih tlat reng fo se, engtinnge kan famliy hi
chhungkaw hlim leh nuam ah kan siam theih ang
? tih hi inzawt fo ila, i family kha tha taka a kal
theih nan a chhungkaw member tin te hi kan
pawimawh dan a a inang vek a, kan tih theih erawh
a dang chauh zawk thin. Hetiang zawng hian kan
chhungkua theuh hi inenlet ila, chutatang chuan
thenawm te tan pawh mlsawmna thlentu, thenawm
tha nih kan lo hlawh bawk ang a, chutichuan
khawtlang, ram leh hnam leh khawvel pum tan
rahchhuah duhawm tak a thleng ngei ang. Hei hi
kan nun dan tur leh Pathian pawhin ti tura min
duh kan fulfil ngei tur chu a ni.
‘Lei chunga Vanram hnai ber chu in
chhung nuam hi a ni, Pa tan Lal ram a ni a,
Nu tan Ropuina a ni a, fate tan Paradise a ni
thung’.
Eastern Star Agents:
ELIZABETH VL NGENI, SAMUEL LALRINDIKA ,LALBIAKKIMA, JF DARROMAWIA, LALNUNPUII, ROSANGPUII HMAR, CHAWNGREMI,
BETH VL NUNTLUANGI, LALCHHANHIMA, V. LALRUATSANGA, PC LALRINDIKI
Printed at LV Art Chanmari. Aizawl.
Page - 4
State Level Workshop on Global Warming
& Climate Change :
Dt. 28th & 29th, October,2009 khan Beraw tlang Tour-
ist Lodge ah CASA (Church Auxiliary for Social Action) chuan
Workshop a buatsaih. He Workshop ah hian kohhran/Corps hrang
hrang atang leh NGO hrang hrang atangin palai an kal tha hle.
Maj Lianhlira Social Secretary pawh he hunah hian a tel a ni. Tan
ni hian Territorial Songster (I.E.T) te chuan thiam takin ‘I dare to
be different’ tih chu an sa a, palaite lawm an hlawh hle. Mithiam
chi hrang hrangin Paper Presentation neiin tunlai khawvel lum zual
zel leh boruak lo chhe ta zel chungchang nilengin zir ho a ni a, a
topic hian palai te a cho em avangin palai ten an bengverh em em
a ni. Mizoram dinhmun pawh uluk taka zir ho a ni a, discussion te
neiin khawlum zel ven theih a nih dan leh Awareness mipui leh
sorkarin neih a tun tawh takzet thu palai te chuan an sawi hlawm
a ni.
Ni hnihna ah hian Paper Presentation te zir ho a ni leh a,
hetah hian Col. Samuel Charan T.C (IET) pawh lo telin Pathian
hnena Meeting hlanna hun a hmang a, khawvel boruak chhe chho
zel chungchangah palaite hnenah thuchah chi hrang hrang a sawi
bawk
Paper Presentation te hmangin ‘Kan khawvel boruak chhe
mek hi engtinnge kohhran/Corps atanga hma kan lak ve ang ?’ tih
leh ‘Climate chhe zela hmeichhiate pawimawhna’ tih te zir ho a ni
a, heng atang hian rawtna chi hrang hrang kohhran ang zawnga
kan tih ve theih te sawi ho a, record a ni bawk. Record pawimawh
tak siam a ni a - kohhran tinah Awareness a theih anga tam pek
nise, Sunday School, Nilai zan zirlai, hetiang lam pual a thalai ten
programme siam leh a theih ang a tam heti lamah hian participa-
tion pek nise. Tin, hmeichhia te hian pasal fanau enkawltu annih
avangin family ah khawlum zel veng tura zirtirna uar deuh deuh se
tih te record a dah a ni bawk.
He Meeting ah hian Eastern Star Editor Pu A.
Lalhmangaihzuala pawh Mizoram Consumers Union aiawhin a tel
ve a ni.
Col. Samuel Charan T.C IET Songster
* Thingkung pakhat hian puitling pali tana nilenga Oxygen
hip tur a pechhuak ......!!!!!
* Thingkung pakhat hian Room 10 a Air condition dah
theuh nikhat a darkar 20 hman ang hu hi a hen.....!!!
** Thing phun rawh, nangmah leh i tu leh fate tan.....