Alima nung nisung ka takum suiren (footprint) meyipa reprangba mapa ya kanga dang tongtibang ka lir.

Suia aruba ta asuba mapa ajak nung kodang tatalokbatemji meyipa reprangdangdir, yangji jangratemtsu mapa, tepelatsu otsutem mesura tejashitsu karbo asukshijang merong tanu tashi beilemetettsusa tatalokbatem, mesura aseni meinyakjemi toktsuba mapa karbo tanu tashi sasa-a bilemtettsu akok. Ano aji dang masu kechi sula aru item indang meyipa reprangba jag, metekmepribatem yanglushitsu mesura tarutsu nubur aseshi tatishitsu agiteta amshitettusa tapu jenti aremoka angtsu. Tsurabur M. Purtoshi Salulamang, takum otsu kaket ka zulur ta angashia ni par sannuker ka ama, pa den kum ishika kulemi lisema arudang kuna sensaksemba aser ku tajitetba khuli kar iba o selok nung zular. Ni pa nungi angzzukba agi, 1962 kum ano ap asangur asuba mapang ka nung Merangkong nung School teasayur mapa inyaktsu aru. Pa aruba mapang tashiji tang pa telidak Merangkong School compound ya kakum aser Arogoa metenzuki liasu. Iba Merangkong School compound ya 1964 July 15 nungang mesemtet aser Arogoa kesa kum nungsa July 22 (Bodhbar) anogo nung tenzuk. Tongtibangsa Merangkong School Compound Arogo ya. tsurabur M. Purtoshi aser pa den kulem school nung teasayur kibong ti lungiemer tenzuk. Iba Arogo nunng mezung Pastor inchargeji tsurbur M. Purtoshi-i 22nd July 1964-22nd Feb 1965 tashi inyak aser nutsung nubu maliba yari Arogo nung tenzukba mapa tapu ajak nung meranga tenzuka arur rongnung pa-a ka liasu. Ano aji dang masu paisa school teasayur kinungtsutem aser hostel tsurtem den kulemi lunngjemer kelen 11th March (Brihostibar) 1965 tetsur sentep tenzuk aser yangji pasa tetsur sentep incharge 1965-1966 inyak.

KETA ALIBA

Okila Meten O Lanuwa aser shisatsu anguba Tenzukba wadang balala nung Government mapa inyaktsu tenzukba Merangkong nung Arogo aser lokti nung Kibong akumba aser Chirnur Tenungsang 1 5 9 10 12 14 16

Office of the

KETA ALIBA
Oboula M. Purtoshi-i onok kodangsa ajurudir pai ajangshia aruba, Tsungremi meimba aser ajungketba, lokdi balala nung tenzuka aruba aser Otsula S. Mangyangnungla tena liyunga aruba onok den aser ozu tzurapur ajakden lemsatepli asu. Pai ashidangbo nangnanga angar saka amaa toklita asu. Anungji ajangshia aruba ajak ta mesuaka pelemtetsu asoshi zulu nung ayutsu onok pangjemteb aser iba oset tatsu kuma benden. Nisung takum ka aser kibong ka indang zuludi sura jendi lir. Saka olen ishika nung chirnur aser semchisemnori mamadoktsu asoshi Oboula Semchir ajak tenungnung onok pezui ya inyak.

Salulamang Baptist Arogo

P.O. Chuchuyimlang - 798614 Dist: Mokokchung Ref :......................... Date : ........................

Meteno
Saluamang neburtem rongnungi Tsurabur Purtoshi kaketshir tajung lenir ka aser mezungbuba Hindi tesayur, pa indang pei takum otsu kaket zuluogo ya asoshi tsurabur dang kanga pelar aser tsungrem tenung asanger. Apijemtsu shin 1:7 nung "KIBUBA" tsububaji shisatsu tetenzuk lir", ta shia aliba ama asen tsurabur Purtoshi, pa takum nung Tsungrem tsububa den Khristar Arogo tenzukba mapa nung takum peyong tashi anga inyaka aruba nutsung tajung ka lir. Tanu pa takum otsuji par chirnurtem aser semchirnurtem asoshi dang masu saka salulamang sensopur asoshi aser khristantem aika asoshi tatishitsu tajung, senti rongsen kaket ka asutsu. Asen Teyanglur Tsungremi tsurabur Purtoshi, pa takum aser par kibong Tsungrem sentsuwangshi asoshi tali dang moajangma.
Kibuba mapa nung (Nungshi Pastor) Salulamang Baptist Arogo

Mr. Limasunep Jamir Mr. Bendangjongshi Khongwar Miss. Alemkala Pongener Miss. Meyisongla Pongener 2014

Mr. Chubanungba tesayur liasu. Kenu tesayur Mr. Chubanungba meina pa Mokokchungi school nungdak asoshi atu. Tanuy ama cari limang mali nungji tetsung agi tesayur khu bener tena Mokokchung aonung tua atong, aser Mr. Noksangyuba (S.I) den ajeruteb. Iba tensa Assam Government yimsusuba kubok aliba mapang aser area school reprangtsuji Sri Noksangyubaji yuja liasu. Aonung S.I par kidang ayib aser pa sulen anidaka anepdang office - i, or mapa ajak renemer kulen turoto nung yim bushia alutsu asoshi apuso. Limang tatsuba bushia Longkong yim ajanga alu. Longkong atungtangbo mangadodekr liasu, saka tia kaa iba aonung itaya liasu. Limang tepeyong tesayurba tesu aser aboula tama ta sur jaja. Kanga tsubuseta ola madoki jajadang sungtembang aser arem min ankum tulu angu shia shiruru amen ama aoksali asu. Yim atongdangbo yimer ajak mejangadoker saka tetsui tena aluba ata-a memejangi liasu. Tesayur asur Chubanungba tena Mokokchungi atuba anogo May 21st 1945. Oboula 1964 Mokokchung nung tua azung aser 1947 nungbo Chuchuyimlang M.E. School nung azungtsu alu. Kechiba pai Mokokchung doktsu ta sura tongtipangsa Assames subject ka aliba yong. Ao agitsu asoshi school melenshi. 1950 kum tashi nung pa class VI passed asu. Chuchyimlang M.E. School iba mapang tashinungjibo Govt'i agia doker liasu. Ao lima nung mezungbuba aser tejentiba M.E. schoolji Langbangkong telungjem mungdang ajanga tenzukba Chuchuyimlang school ya liasu. Tangbo Govt. High school kumogo.

Asen tetsu tebutemi Akoh amungi aru ama ta shin o kechi jembi, aji tsurabur M. Purtoshi dak atalok ta reprangteter. Pa merangkongi School tesayur ka ama dang aru saka pai Merangkongtsur Mangyangnungla den kibong kuma tena nungi jala jabaso aser semchisemnur taginutsu moaja rendaktsuogo. Tang pa joko arishi kum 80 atena oa tambur kumaka teti agitsu ki tajung renemteter kelen temenungratsuka yangji pa kija sangrema lidagi, aser pa tereta yangisa toktutsu ama pai Merangkong meimba yimya ajiteter. Tanu par chirnur aser anukapangtemi tsurabur takum otsu kaket ka pa masudangsa zulua toktsudi ta atongtetbaji kanga shidak ta bilemer, kechiaser iba kaket nung pai ajangshiba tensa aser tia balala ajak indang lepa lua reprangdangdang tang pa tambur ka kumer liaka, pa sasa atura tajungdang ama bilemteta pa temulungjangbo kumyanga shilangtsu. Ano aji dang masu, pai mesutetba chirnur aser semchirtem ajak asoshi aser ano iba kaket azungertem ajak atema oda tsurabur takum iba lima nungi akhumtema oadokaka, pa takum otsu kaket tila temenungratsu aser tatishitu tulu aketba kaket asutsu ta amanger.

Rev. Y. BENDANG Pastor, MSCBA

Meteno
Tanu lima reprangdangra, meimchir anogo shia angazukba agi temetetba jinjang tuluba kuma, benshitetbapur dang nungi tesayur jenti kumogo. Iba ama tensa ka nung aganzukba aser angashiba lemsatepba dang nung pei takum nung ajangshia kuli tulu agutsuba jagi nisung mulung tali arakzudaktsur aser Tsungrem sentsuwangshidaktsur. Tsurabur M. Purtoshi-1 tangatetba tajung agi pei ajangshiba takum kuli kaket simchirtemi adokba angashia kanga pel-a belimer. Salulamang nunger Mr. M. Purtoshi ya Merangkong School compound Arogotsur otsu nung tongtebangtiba lenir rongnung ka lir. 1964 July ita nung Arogo tenzuk aser iba sulen 1965 kum March ita nungi tesayur M. Purtoshi anir tetsur lokti tenteta Brihostipar sentep paid anir tenzuk. Aji oda pa linisuba nung 1967 January ita tashi inyaka arogotsurtem mezung jenjang alangtet. Tsurabur mangdang tulu aser mapa tajung asoshi Merangkong School compound Arogotsurtem ajak kanga pelar. Tsurabur M. Purtoshi-i takum tepeyong tensa balala ajurudang Tsungrem taochi indang takum kuli lemsateba amangbapur jenti temoatsu tulu ngua arudagi. Iba kaket tila azungertem ajak T sungremi tali moajangma. Kibuba mapa nung tenzuker

Lanuwa aser shisatsu anguba:

Oboula M. Purtoshi March 21 st 1930 nung Salulamang yimdak aso. Pa tebu asur Mr. Mejunglepshi Pongener, pa aluyimer ka liasu. Tetsu tenung asur Alimenla Jamitsur la-a aluyimer kibong ka nungi liasu. Tebu (grandfather) tenung asur Rebamongba Pongener pa aluyimer ka dang saka takar nisung ka liasu. Obolula 1946 kum 16th May nung asur Rev. Kijunglubai Baptitsu. Pa alishisatsu anguba3 Pa mezung Salulamang L.P. School nung 1942-1945 tashi azung. 1945 kum class II final exam agutsutsutsu asoshi Chuchuyimalang M.E. Schooli alu aser yangji first division nung takok angu. Aji oda parnok mapang nung shirsa class II first division nung takok angu, parnok ajak Govt. M.E. School Mokokchung nung zungdaktsu. Anungji pa 1946 kum Govt. M.E. School Mokokchung nung class III azungtsu atu. Iba mapang Government nung ita shia parnok num competitive scholarship Rs. 10 agutsu, aser iba senji agia pa bendang lima school azungtsu asoshi tenzuk. 1946 Mokokchung nung tua azungdang school head master Sri. Mangyangnokcha liasu. Kodangsa head Master ajanga suide, o jembitsu mokoki tsubusetasa liasu. Ano yimdak school nung dang zunger school tasen nung subject tasen kaji Assames aser tesayurji D. Barua liasu. School nung ajak rongnung tasaktiba subject pa asoshi Assames aser pai ibaji kanga tsubua pelem. Jaka tasen, school tasen ano kulen hostel nung yimyayimpong kecha memeteti aliba tensa ka nung tia kaa tedi nunger ka Mr. Obangtiba Chuchuyimlang den kum ka ali, iba adianui oboula dang kanga meima benshi, pai ibaji kodanga mamar. Pa yimdak class II tashi azungdang tatalokba ka yamai shisumer. Parnok mapang class A nungi II tashi school nung tesayur ka dang yuja liasu. Pa yimdak azungba mapang tzurabur asur

Mrs. Moainla Asso. Pastor Women Merangkong School Compound

yim salulamang bushia atu, saka par kinunger aser tetsubo joko pa sur alitsu ta shisabelua liasu. Saka kodang pa tejak angu parnok ajak pelaba agi ajeb tenzuk. School zungtor senzur asunng temelung animesungzukteti kechi suder saka school azungtsu ta belema tetsu den sensakasem, tetsui tebu ni ametsur senotsu angutsu limang kecha mali anungji ni na meyaritetsy ta ashia, saka pai ni aotsu dang nai melang ni ku sasa pushia azungtsu ta jimber Mokokchungi abusoa atu , aser Head Master Sri Mangyangnokcha den ajeruteba pa dak adalokba ajak jembia liasu. Tesu pai class tesayur jar iba tanur classi anir oang ta ashi saka tesayuri langzu pa tenung mali, classi anogo aika maru anungji pa tenung agiena adok ta langzu. Saka Head Master teyari ajanga tanaben pa tenung zulua pelaseta schooli aotsu tenzuk, Ita 2-3 dvhooli moi mrfrmrtbo lrddon sjsk yrmrt joko final exam agitsuba mapang, kanga shisabeluseta mejango moi medemer kaket meshia lesson zulua azungtsu tenzuk. Iba kum pa class IX nung kanga jung takok anguba ngua Head Master kanga pelaa pa tang tebu obala na ngua pelar ta ashi ibaji pa asoshi lession tulu liasu. Jorhat jail nung Sima nunger aser asen Aor ajak meyokteber parnok 60 shi liasu. Item rongnung tambur ana Mr. Imnaone aser Mr. Rongsenmeren tena tensema jail nung liasu Anungji parnok ajak jembiteber Sima nunger ka aser oboula M. Purtoshi tena nem sentep agitsu lemzuktsu. Tia maka jail nung lia Sima nungbaji tashidak adoka asu, aser iba sulenjibo oboulai tang sentep ani. Jail nung aliba mapang kinungeri parnok semdangtsu mokoki liasu. Kechiba sura asen Naga lima alima tensa majung, India sopy agi alima sunga ayaoker, nisungtem senzusembongtsu kenyongi mokoki aliba tensa ka liasu. Shiyunga aruba tenungtem ajak arishi. Tembanger, saka tanu tashi pa areshi lia item mapangtem nuklai arua. Tsungrem tenung sanga lidaki.

Iba sulen 1951-1952 Pa Impur Mission School nung azungtsu apuso. Idangji Impur schoolji class VIII tashi upgrade M.E. School kumer liasu. Idakji lia pa class VIII pass asu. Tangbo iba Impur Mission schoolji Higher secondary school kumogo. Pa Impur nung azungba mapang kunu pai tetsu aser tebu na dang yami nangzuk. Ni mission school nung azungerji jokerla foot ball sayaba anentsu. Saka ita ka dang lirbo ano taliang asayatsu tenzuk. Tali asayaba ajanga pa temang nang tashidak adoker kum lirshi (4) arur aser tanu tashi ibaji agi temantemer Impur nung azungba mapanag pa temang nung temtem agi tonger schooli moteti lir ta tzurburi angashia tebu (Father) pa semdangi jang aser aonsotsu ajak bener tetsung agi Impur atong. Tebu tena akumli nung ajeruteba ibai tatembangba liasu. Impur nungilurbo tebu kanga shiranga adok, aser ibaji tenebtsu mongoteti asu. 1953-1954 iba kum ana ya pa takum otsu tatemlen pai inyaka aruba mapa nung shisema angutsu. Item kum anaya school doktsur tenzukbaleni meyib. Iba sulen kechisuder saka ano ni school azungtsu ta melungteter 1955-1956 Mokokchung Govt. school nung class IX nung join asu. Iba mapang Govt. school head masterji tzurabur asur Sri Mangyangnokcha liasu. 1956 class X nung zunga lia, tia make Naga lims ajunga mapang tamajnung azungtsu mokoki temtim tuluajuru. Govt. school nung mazungtsu ozung agutsu, mazungtsu ta nangzukba temaitsu senchi Rs. 1000 meshi. School tanurtem Mokokchung Govt. School nung mezungteti school doktsutsusa akum. Saka pai Head master den angateteba limang bushiteber tatem nung Naga lima doktsur Hindi azung aotsu lemteta Maharashtra State Wardha (Bombay) nung Hindi training oatsucorrespondence agi. Iba mapang Mokokchung nung D.C. mail A.D.M. ta sur Milker nunger ka liasu. Oboula tena kanga junga Jorhat Towni oa khu (Hair) mejepdakji aser ano tola. longpan tasen

meteteba akum, pai oboula atema limang ajak junga renemtsur tatemsa pa nem Rs. 150 agutsur yok. Iba mapang train parji Mariani nungi Bombay tashi Rs. 40 tang liasu. Pai agutsuba sen jagi kecha temtem makia Bombay atong. 1956 June ita nung 1958 tashi yangji lia pa class X nung takok angu aser Hindi P.U. nanung takok ngur Nagalimai meyiba aru. Mamatetba lendong ka Tzurapur peria mali, school zungnuaka teyarer mali aiben shisabelu khuret ajurua liasu. Oboula school sodi mapang ajak nung ayangi oa school aung. 1955 class IX Mokokchung nung azungdang meyi sodi mapang nung ayangi aotsu apuso. Iba mapang Changtongya town nung Asangma yim tashi limang yangluyaa liasu. Aser iba limang atutsuji yim shia nem lemsaa agutsu. Oboula teko asur Mr. Imnanuklu G.B. Salulamang nema 1/4 km lemzuktsu. Anungji iba mapa repranga inyaakdaktsutsu sodi mapang oboula tang asungdang nung pelaseta mapaji reprangi alu. Kodang mapaji tembanga aru, parnoki amshiba osettemji Govt' office nung meyipa agutsutsula. Anunjgi oboulai parnoki amshiba osettem agutsur Changtongya town nung yimdaki atutsu cari ataa hotel tila ka kima mena liasu. Iba mapang tang ama ki aika mali, ground anasa Mr. Makenlepbai asuba ki tila ka nung hotel mena liasu. Tarur taor ajak yangji menzuka liasu. oboula yangji mena lia parnok kelemi impur nung azungba Sangtemer medemer ka Mr. Litsuba ajurua tena hotel nungji sungojima mena lia Mr. Tinumangyang arua tena den jembir oa adok. Iba nisungji oboulai memetet saka tesulenangshiba agi parnokji Indian sopy den senzur asu. Mapang tatsuka tsungda nung sopy ana arua oboula pua bener ao. School tezungdak nung sen tera bushia senzurba saka ya oda adaloka oboula temelung koda mesui kuma adok. Sopytemi pa Mr. Chubasowa D.B. kidangi anir ao, aser idakji Mr. Limasungit mena liasu. Sopy tem Mr. Lima nai iba nisong meteta lir asu ta asungdangIdangjisa pai itemya onok shiti abenertem liasu

ta langzu, Iba sulen Mr. Temjenzulu Er aru aser sopytemi pa tanga nai iba nisung ya meter asu masu aser ya nisung ajung majung ta asungdang nung pai yamai tang langzu, pa nisung ajung majung koma sur ni metetsu ne kodanga meteta maliba ta langzur oa adok. Idangjisa sopy temi pa Mokokchung jaili anir atu. Jail nung Parnok jail nung aliba roomji 6 /7 tasazuk aser yangji parnok ajak agi nisung 60, metsu meshiba teshinem agi kazu majung, yangji hobta ka shi lia alidang oboula report tamajung kecha mangu nungji ita 6 atema Jorhat jaili pa aotsu order adok. Pa den Ungma nunger G.B. ke tena Jorhat central jaili anir alu, aser iba jail atongbaji oboula \ashoshi tepela tuluba liasu. Kechiba sura yangibo ayeptsu aser chiyoungtsu peria angu. Jorhat jail nung pa mapa Mezungbuba ki aoktsu mapa lemzuktsu aser ibaji hobta ka mapa lisau (Jaru Sali). Tanabuba hobta mapaji limang yanglutsu (Troma Sali). Tasembuba hobta mapaji ki asutsu (mistre sali). Yangji lia aonung ka oboulka kang koa sarasademer mejang, ayatrem mapang ka nung pa dak teasangwa ka yaloktsur ama pa aoksar sak saka shinga mali asu. Anepdang saker jail yimsu agi sotsu (Soft rice) den mojitsu inokersa chidaktsu aser mapai aotsu renema 6 a.m. nung tsungtsung atem parnok ajak oa nokdak. Aser pei pei mapa limzukba jakai ao. Oboula parnok telok den ki yanglua lia jail office nung inyaker ka pa tenung jaa aru aser ashi na mapang temogo suoshi renemang aser kidangi oang, iba mapangjisa parnokia ya na jail nung mapa inyakba taa ta sur Rs. 4 agutsu. Ita 6 alitsuba saka ita 2 tang lir pelaseta sen pezu agizuka bener jail nung adok. Iba mapang kinunger Mr. Nukentiba Chuchuyimlang. Jorhat Assam police nung liasu oboula par kidangi oa. Pai oboula anir alitsur par kidang anisungzukdakja liasu. Tananu saker apusoa par

Anogo tepeyong army aser Yongpang yimsusur tsungda nung o tongtar ka ama chiyungtsua mapang mongoi pa den teyariteber shinga mali, Yongbang G.B. aser yimsusur den pa shisatsu agiatungba tashi jebmi. Idangjibo tetsur tanur shinga yimdak melii aremi ki doktsur parnok asoshi tejenokdak bushia sensher liasu. Yongpang G.B. aser yimsusur den tatembangbuba jembitsu tenzuk, idangjibo 12 ako tonger liasu. Yongpang nunger tebur tashi arem ka nung sentepa lia idakji kechi ashitsu tim liasu ajak rakboka jembitep. Nenoki yimya mi aser bomb yoka rongdokdaktsutsu aji mebilemer no ? Yimsusuri Oboula dang yamai langzu, rongdokdkjang onoki kecha tsubua mali, asungyongi Naga nunger Idependent angutsu. Anungji joko army den kecha ajeruteba jembitsu lemang madok. Anungji pai tatembang nung yamai ashi, nenoki nur lima, aser yim meima mali, iba den nia meima mali saka tesulenbo nenoki tanu jembiba o ya bilemtetsu. Tatem nung sarasademer paid ki bushia adok. Joko nekongdang 5 tonger yimdak shinga mali, pa kija kidang pai yamai sarasadem oh! Tsungrem nu mulung suang ni yariang, ku den shinga mali, saka no ku den lir ta pa sarasadem atem. December 16th 1954 anepdang yakta 4:00 nung yimdak karbo ajerutsu imlaa yimdong sua yimpang mopu nungi yimlang mopu tashi alu, idangi pai yimlang mopu G.B. Thalung ajuru, saki pai Oboula den jembitsu memelung. Ano tatsuka ao nung head G.B. Anak ajuru pai yakta pa den jembitsu oki ala, saka G.B. Anak jagi yamai ashi, Pastorba ni taor kecha jembitsu mali. Joko Naga nunger nuchiso angutsu ana nung lir. Iba mapangji G.B. shiba pai ajeru parnokji jena or arem nung linuk tenzukba mapa inyaka liasu. Tena dak alema pai shinga majuru, temelung kanga mepelai kidangi ao, saka idangji army nisung 15 par kima nokdaka liasu, parnoki pa tang asungdang koda asu? Pai ashi yimer ajak aremi jena ogo, kecha jembitsu lemang mali ta army den jembia idangji army temi pa tang ashi, na renemang tang yimdak mi adoktsu. Sura ni apusodi ku oset koma ? Na tetsubu onoki anebalutsu. Par ki anasa P. School

TENZUKBA WADANG BALALA NUNG

(A) Yongpang yim nung : (Phom) Shisuma aruba ama 1953 Impur Mission school nung zunger kulen asur Rev. Kijungi Phom limai Pastor inyaki aotsu asungdang nung pai pelaseta aotsu nangzuk. Pa phom lima Yongpang arogo Pastor ka ama 1953 March ita nung mapa tenzuk. Iba manapang ya Phom lima arogo ajak Ao Mungdang nung tena liasu. Anungji pa Ao Mungdang scale ita sen Rs. 10 agai inyak. Sentep tekulem nung Lai aser ken o ajak ao o agi tang aser school nung ao o tang sayua liasu. Kechiaser iba mapangji ano Phom nunger oshi nung kaket mali asu. 1953 ya Phom arogotem asoshi tongtepang kum ka. Iba kum ya Phom arogotemi Ao Mungdang tang Phom Mungdang balaka razuka aotsu asundang, Ao mungdangi pelashishia razuka yoktsu mela. Iba sulen Phom Pastortem aser yimtsung nung yimsusurtem ajak jateba mungdangji kong koda tenzuktsu ta jembi. Idangijisa Pongru Arogoi par yimdak mezungbuba Phom mungdangji lidi ta yimsusur aser tenzukertem ajaki molunga agizuk. Anungji 1953 November ita nung mezungbuba Phom mungdang Oboula M. Purtoshi mendenbuba sur Pongru yimdak tenzuk. Mungdang nung inyakbatem ajak ao o agi dang zulua angutsu. Iba mungdang mapang nung aoMungdang nung razuka yokba kuli zung kaket mungdang tenzukba aonung asur Rev. Kijung Executive Sectary ABAMi Mr. Mangkum Evangelist Phom nem amoktsu. Ano pa den Ao mungdang nungi asur Rev. Tsuknungkumzuk tena liasu. Iba aonung sentong ajak tenati dang agi. Tanabuba Phom mungdang 1954 November ita nung Mongnu yimdak sentep. Aser idangjia pasa mendenbuba liasu. Iba mungdang nung Oboula M. Purtoshi Sangtem mungdang nung oa atentsu teloki nungloktsu, anungji mungdang temli tang pa den khubener ka anir Mongu yimdak nung apusoa asur Rev. Onenlepden asur Re. Imtionen aser M. Purtoshi parnok asen Sangtem mungdangi ao. Cari lemang maliba mapang

asunung parnok anogo tepeyong jajar Noksen yim atong (chang) asper Pastor ki bushia oa yangji aonung anisungzuk. Parnok Noksen yimdak lia linuk tenzuker Mre. Tekatemsu lepsetogo ta osang aru. Kenbo kanga tsubuteba liasu saka lemangji Tsungremi anitsu ta sarasadema maneni parnok lemangi aposo. Anogo tepeyong jajar nekongdang Yimrep yim adong idakji parnok head G.B. Kidang anenzuka mejanger ano tasemnububa jajatsu tenzuk aser nikongdang Yongpang yim tonga idakji M.E. School Head master Sri Pangersowaer kidang anisungzuka mejang. Iba Bhodbar aonung liasu, aonung sentepji oboulai agi. Anepdang yakta saker pezunu lemang jajatsu tenzuk aser nekongdang 2:30 nung Sangtem mungdang alitsu Beriahai yim atong. Parnok ajak pelateba iba mungdang nung aten aser Oboulai sendong nung aliba ama tajungshi o aser tepela o jimbia sarasadema pa o tempang. Sangtem mungdang nung tenur par arogoi meyipa Dec 12th 1954 anepdang pa den aruba adianu tena Briahia nung aposo. Pezunu lemang to agi kunu lemang kuma jajatsu asoshi arem min ajanga ao. Joko amang arur saka tena kud nung milen kecha bena mali kanga temtema aonung 10:00 nung yongpang yim atong. Tsungrem nem tenungsang agutsur kidang anisungzuka mejang. Ain nungi belemset jajar arua lia December 13th 1954 ame[damg lodamgo temziler Mr. Nangba shiti ka neber aru. Aji lapoka reprangdang nung Longling A.S. nung yokba shiti liasu. Shiti nungji yamai zulua angu, Phom Pastorem ajak December 14th 1954 anepdang 9:00 bybg A.S. Office atongtsuji km 15 tetsung, lemang anungji pa December 14th 1954. anepdang yakta saker Longlingi apusoa ao. Pastortem ajak sentepa office kima menteba liasu. Pa tonger asungdangteb nung Evangelist Mangkum Impuri mettingi oa doker aser ano Yajem Pastor Mr. Maong aser Thangsa Pastor Mr. Semenkangba ta parnok mali asu. Iba dak alema Pastrotem ajak arur liasu. Tesusa Pastortem ajak A.Si pa office aja aser ashi, 1954 December tashi nung Pastrortem ajak Phom lima doktsur oang.

Parnok ajak kanga aoksa, saka ola adoka sabh denji mejembitel. Anungji tesusa Oboulai kecha kuli maka nung koda sur Pastortem Phom lima doktsutsu ta A.S. sabh denji jimbi. Saka Sabhi yamai langzu ya mapang tamajung anjugji ni ashiba ama nenok ajak pei limai oa dokang ta ashi Idangi kima nung D.B. kari nenok Pastortem tasu ita jembiang, tanu ya Phom lima yanglutsu mesura raksatsu, aji nenok dak aket, koma surtang yimjung mapang Pastrotem Phom lima doktsutsu nenok tetsubu meranga jembiang onok nenok den lir, onoki yaritsu ta shia office kima nungi teloki ayimten. Idangji pai A.S. sabh dang yamai ashi, onok Phom lima yim na lepdepa tekolak bushiba mapang nung aru, tang joko Phom lima jak yimjung nung lir, aji tang masu Longling ya mission center lapoka lia tang Govt. arua amenok anungji tang onok Phom lima doktsur aotsubaji masu. Tangbosa onoki Phom lima arogotem toktsur maotsu ta jembia o tatem kadi aru. Aji sur tatsuka sungojimba mapang liasu. Tanaben ano meeting tenzuka jembi A.S. Sabh jagi yamnai ashi, nenok melungba amaji suang saka nenokia mapa ka inyaktsula ta sur form kaka lema agutsu. Iba form nungji yamai liasu. yim tenung kilen kwi, amangba kibong kwi, nisung kwi, limapur kibong kwi ibaji zulua bener arung ta sur lema agutsu. Tamasabo Pastortemi aji agizuk, saka office doktsur kulen kimai lur iba mapa ya Pastortemi masu office nung tenzukertemi yimshia oa inyaktsula ta sur parnoki lepa agutsu. Saka Pastortem ajak temelung anemesungzukteti pei pei arogo bushia senshi. Ajungbena December 15 1954 anepdang Oboula kidang lia Longling nungi Sabhi anir sopy 50 aser Tuensasng nungi sopy 150 Yongpang Bungalow nung arua anen, aser ibaji anepdang 7 meta liasu. Iba sulen 8 ako shi nung army temi Oboula parnok campi aja. Pai pelaseta sabh den oa ajeruteb. Armytemji Major kati anir liasu. Army tuluba jagi pa tang yamai ashi, yimdak G.B. aser yimsusur ajak anir arung parnoki onoki ashiba angara kecha masutsu, saka tashi mangara yim rongdoktsutsu aser bomb aser injang yoktsu.

12

par arogo nung ken atenba angudang kangas temoatsu nguli asu. Ibai par arogo nung madaloktangba mapa ka ama, tesayurtemi tanurtem anitena Tsungrem o nung sayuba ngua tzurburtem ajak kanga pela. 1962 February nung Sungro Middle school nung Merangkong Middle schooli transfer aotsu temelaba angu. Kanga tang pelaseta pei lima nung alitsu angurji ta pelem, saka ano kelenbo mezung tesayuba mapa inyaka tenzuba jaka medoktsunui tesayur aser tanurtem ajak den tepila sentep agir tanabuba hobta Febuary ita nung Sungro middle school doktsu. Tangbo iba schoolji high school kumogo. Sungro School tanurtemi pa khu ajak bener Longkum yim tongtsu aser pa Longkum Middle school Head Master Oboula Imnuksungbar kidang anisungzuka ayib aji February 16th 1962 liasu. Iba aonung Longkum head masterbai putupur jatepa par kidang sensaksema Oboula khu Mokokchung tongtsutsu indang jembi. Yimsusuri yimli tulu aguja pa khu bener nisung pezu yok. february 17th anepdang khubener pezu anir Longkum yimdak nungi apusoa Mokokchungi aru. Iba mapang nung Mokokchung nung D.I.S. Shri. Chubanungba liasu, anungji Oboula par kidang oa anenzuk. Aser Longkum nunger khupenertemji meyepa yok. February 18th 1962 anepdang saka Mokokchung nungi Merangkong Middle schooli alutsu asoshi aposo. Tia ka-a truck ka ajerua pa khu ajak yangji inoka bener lua Merangkong atong. Yim tongli koleni aotsu ta lia medemer asur Mr. Rendisowa lemang shidak nung nokdaka liasu. Pa ajurubaji Oboula asoshi teyari tulu liasu. Kechiba sur paji Oboula asoshi tejen medemer ka aser ajak metetba nisung. Anungji pai otsula Limakumla (Salulamangtsur) shiba Merangkong L.P. school nung tesayur inyaka liasu par kidangi Oboula anir ao. Otsula Limakumlar kidang ita anashi sumlok lir kulen pa asoshi ki ka yanglua idakji alitsu tenzuk.

ki liasu idakji pa oset ajak rezunga doktsu. Iba sulen pa yangko nung laishiba aser kenkaket inoka bener kimai alua armytem nokdaka lia pai sarasadem, iba mapangji anepdang 7-30 liasu. Oboula kanga temelung shiranga par kidang nungi amongi ayaoka oli armytemi yimdak mi senoktsu, injang aser bomb yokba ola agi jaka asung. Yim sungkum nung mener oboulasi sarasadema oh! Tsungrem ozu lima kumzukang ni ta ayimten, aji sur pa Longlingi oa adok. Longling atungdang 11-00 ako meta liasu idangji A.S. Sabhji office kima nmokdaka liasu. A.S. Sasbh jagi hai Pastorba na yagi atung ta teka ayiba aja, pai pelaseta office jagi atu. A.S. Sabh jagi mezungbuba pa dang yamai ashi ni nu dang Yongpang nunger majung ta ashiba to shidak sudi? Aji yongpang arunger sudi koma asu? Saka pai langzua Sir, ya Yongpang majung masu saka nisung kar lir ibaji ajanga tanu Youngpang akoksadaktsur. Idangji A.S. Sabhi Pastor na kong anentsu ta asungdang, idangjisa sahb den inyakba peon asen Aor ka Mr. Kari Kensa, pai yakta tang Pastorba ozu kidang anentsu ta langzu. Anogo tepeyong aser aonung par kidang anisungzuka kazur December 17th 1954 anepdang aposa par yim Salulamang bushia ao. Anogo ana tzurabur kidang anisungzuka monger tanaben December 20th ano Youngpang bushia apuso. Temelung shirangtsuka yim ajak rongdoker yimer ajak moapu nung pei pei kimong nung mapa inyaka lia pa yim atong. Tsungremsa tajungteba asunnung, sarasadem langzuba idaki tali meteter aser ibaji arogo missionm kibur ki den ki pezu aser arogo jen ana morongi anunga liasu. Ibai angudang kanga pelateba arogo tenzuker ajak sentepa mission kidang sarasadem, aser pa mission kidang anisunzuka ayip. December 21st nung Khristmass mapa inyaka tenzuk, Saka tepelemtsu tulubaji tenla ki maka anungji yimer ajak areteba pei mapa doktsur tenla ki yanglutsu sungkum tongnu dfdsf 11

10

bushiteba tenla ki tama renem. 1954 December 24th - 25th ji tenla ki dak alema ki maka moapu nung Khristmas sendong agai liasu. Nubrtem ajak kanga temelung shiranga saka pelateba Tsungrem nem agutsuba Khristmas ka-a liasu. School Zunga lia Pastor mapa inyaktsu asungdang nung pelaseta yongpang arogo aser Phom mungdang nung kum 2 tenzuker kulen February 2nd 1955 Yongpang arogo aser Phom mungdang tang sodi meshir, Oboula ano school azungtsu tejangraba nung apuso. Feb 10th 1955 anepdang pa ket nung yua aliba mungdang file aser oset ajak Longlingi bener arua Evangelist Mr. Mangkum num agutsu. Tzurabur peria mali iba den senotsu temtem meteta pa Yongpang nungi aposoa adoker Longling nung schooli aotsu ashoshi senotsu bushitsu tenzuk. February ita tepeyong Longling nung lia sungrangba mapa inyaka sen busher par kidangi meyepa arua, March 1st nung Mokokchungi apusoa atu aser Govt. High School class IX nung join asu. (B) Tasolima Salulamang yim nung 1959 kum par yim Salulamang arogo nung secetary mapa den repa choir master ka ama inyaka aru. Mapang tamajung nung yim school ajak shibanga doker yhimdaklirtem schooli moi kazutebangua 1959 kumsa pai Impuri tua Mission school ta sur L.P. school tenzuktsu atema Rev. Kijung tang temelaba shiti meshia bener alu. Yimdak L.P. school class A nungi II tashi lapok, saka tesayur mongutet nungji paisa kum ka tepeyong pa kijai class A nungi II tashi sayua kum temdaktsu. Iba mapang ya pa Hindi azungi aoba temer arua aliba mapang liasu. Idangjisa pai Govt. den school agitsu asoshi asungtdangteba mapatem ajak inyaka aru. Tia ka-a 1960 nung Govt. i salulamang yimdak school nung inyaktsu asoshi tesayur 3 agutsu. Anungji pai inyakyim ajak parnok nem renema doktsur, pa Govt. mapa inyaktsu apuso.

GOVT. MAPA INYAKTSU TENZUK Salulamang nunger rongnung mezungbuba high school azungbaji Oboula asur Mr. Chubanungba liasu. Pa Jorhat mission school nungi class VII pass asu. Chuchuyimlang yim aser Salulamang yim ana nungi mezung tazungba nung lenirtemji parnok liasu. Pa Chuchuyimlang nung tesayur inyaktsu Chuchu yimsusur tanir atu, idangji Chuchu nungeri yamai ashi, ango (Fish) tulu tzu tulu nung dang amonger saka tzu modi tila nung meliteter ta shir ani alu. Salulamang nunger rongnungi mezungbuba class X pass asubaji Oboula asur Mr. Akangmongba pa Shillong nung class X pass asu. Oboula M. Purtoshi Salulamang yimdak inyaka lia 1960 kum Govt. Middle School Sungro (Otha) lima nung tesayur inyaktsu order aru, aser ibai Salulamang nunger rongnung mezungbuba Hindi tesayur mapa anguba liasu. Anungji pa February 1st nung pa den alitsu semchir Nukshimeren anir apusoa Mokokchungi atu. Tia ka-a Education Office nungi cari Jeep ka Sungroj parnok anir yok pai kodanga mangshiba jaka ka nung Longkum atena or Sungro M.E. School ta asudang temelung ajak tema apuso. Kodang parnok Sungro M.E. School ta asudang temelung ajak tema apuso. Kodang parnok Sungro M.E. School atong idakji tia ka a Head Master asen Aor asur Mr. Martemsu Mongsenyimti par kibong liasu. Anungji Oboula par kidangji anogo 3 nu lir pa nem lemzuktsuba ki mesema oa. Iba anogo nungi tenzuka pa tesayur ka ama tesayuba mapa nung inyaktsu tenzuk. 1960-61 kum ana Sungro nunmg tesayuba mapa inyakba mapang nung, school tanurtem anitena pai kensa sayuli asu. Mapang aben anasa aliba arogotem sema Okotso yim aser Pangti yim school tanurtem anir deobar sentep nung atentsu oa. Aji tang masu saka Sungro Middle school tanurtemi Deobar sentep shia

16

13

Arogo aser lokti nung Tetenzuklen kar shisuma arugo saka ano maneni Oboula M. Purtoshi lokdi nung shilem agia arubatem tatsu agi zulutsur. 1. 1948 Middle school Chuchyuimlang nung azungba mapang Oboula asur Mr. Rongsensutsung tenadi Salulamang sdutents telongjem tenzuk. Idangji menden aser tezular mapa ajak pai sa repa inyak. Yamaji pai iba mapa kum pezu tashi inyaka arur medemsortem nem melena doktsu. 2. salulamang arogo secretary mapa den repa chor master ka ama kum ka inyak. 3. Yimdak school shipanga doker tanur tazungdak maliba mapang Oboulai ABAM den jembiteber yimdak mission school ta sur 19581959 nung class A-II pa kijai sayua tenzuk. Arogoi pa nem teyari ita shia Rs.10 aguja aru. Saka item mapa ajak takok nung arubaji Obula asur Rev. No. Ozung Pastor teyari ajanga aser pa tang pelar. 4. Salulamang arogo tenzuker kum 25 ajungba Silver Jubilee otsu zulutsusa akum. Anungji Oboula M. Purtoshi Changtongya yim arogo tangi anaben tashi alu. Kechiba sura Changtongya nunger asur Mr. Polongnoki Salulamang arogoji tenzuktsu. Parnok den ajeruteba nungdakba ajak meshir arogo otsu zulutsu tenzuk. Otsu nung kuda alibatem: arogo otsu, kaket shisatsu renlokba aser sobaliba. Oboulfa item teyari ajanga iba otsu kaketji zulu. Asur Rev. N. Ozung Pastor, asur. Mr. Impanglemba, asur Mr. Marmongba, asur Mr. Markaba. Item tzurabur tajungtem oboulai teti pelemteter. Parnok ajak teyari ajanga Salulamang arogo kum 25 Jubilee otsu, ken aser programme ajak zulua bener kaket kuma adoktsu aosohi Oboula Jorhati alutsu sa akum. Parnok mapang nung kaket ken o adoktsu aser menungtasu ajak Jorhat nung dang sa inyaka aru. Pa kija truck ka nung Amguri atong aser idak nungjagi Jorhati ao. Cari peria maliba mapang luli atuli senzutsu tasak asuba den ano asen aginuba mapang nung merenemteti Oboula Jorhat nung hobta ka shi amount. Jorhat nung amongba mapang tia ka-a tedi nunger ka Mr. Nukentiba Chuchuyimlang par kibong Assam police nung inyaka liasu. Oboula par kidang anena pa nungdak ajak peretsuaser par teyari tulu ajanga item mapatem ajak renemtet. Salulamang arogo Silver jubilee 1959 kum May 23 nung among. 5. March 12th 1953 nungi tenzuka Yongpang arogo nung Pastor

Merangkong nung Oboula M. Purtoshi February 20th 1962 anebdang Merangkong Middle school nung joining report agutsu. Iba mapang Merangkong middle school Head Masterji Mr. Alemchiba Longjang nunger liasu. Tesayur tejen medemertem aika ajuruteba pelaseta classi aitsu Tenzuk. Tesayurtem aser school tanurtem ajaki akumtsuba aguja-a pa agizuka. 1962 pa middle school nung join asudang yim temzung ka yanglua liasu, aser ibaji school tesayur shinga numa yimi ki meyanglutsutsu. Anungji May ita moatsu sodi nung medemertem aser yimdak tembar aser kinungertem senteba sungkum yima Oboula ki tila ka yanglutsu tenzuk. Iba ki nungji may ita nungi may ita nungi tenzuka ali, tang iba kimongji Mr. Talimeren Yaden lidagi. Par atsuki nung kozu tong tulu, talang alibatemji tzurabur asur Impangtiba Yadeni Pur Kozu ya tema yuang aser ibaji nu nungwa asutsu ta ashi, kechiba sura aji par li aser atsu liasu. Alema tensa kanga mejungi aliba tensa ka asunung , kodang kechi mapang nung kechi adaloktsu memetetba mapang ka Naga lima ajunga tetsubu agi nisungtem liyunga aru. 1962 1st september nung Govt. middle school aser L.P. School ajak shibantsu aser tesayur ajak tesem palalai transfer yok. Oboula iba mapang nung Chuchuyimlang Govt. Schooli yok. Iba mapang nung Merangkong nunger ajak yimpang mopu kibong terti (18) nung sentepa lidaktsu, saser Town pur ajak Middle school hostel nung sentepa lidaktsu. Anungji 1962 September ita nungi tenzuka pa Chuchuyimlang nung teko Mr. Nungsangkaba-er kidang lia kum suidaktsu. December 16th 1962 anepdang Khristmasbo pei kidang liang ta sur pei pei ki bushia senshidaktsu. Anungji iba osang angashia Oboula Merangkongi tanaben meyiba alu aser iba sulen school shibanga aliba ajak tensuka odaktsu. Middle school Merangkong nung jangratema inyaka lia, March 10th 1972 Kangtsung Middle school nung inyaktsu transfer order angu anungji oboula pelashishia Kangtsung Middle school nung inyaktsu transfer order angu anungji oboula pelashishia Kangtsung pushia April 11th

14

15

anepdang Merangkong nungi apuso. Limang tajung mali anogo tepiyong tetsung agi jajar Kangtsung 3-00 anko nung yim atong. Pa tamasa kangtsungi aludang medemer Mr. Zuluyanger kidang anenzuk aser 12th April anepdang nungi schooli ao. Kangtsung Middle school nung Head masterji Mr. Boroa Sibsagar nungi liasu. Hobta anashi medemer kidang lir yimi pa nem agutsuba ki mesema ao. Yangji kum ka sur ita asem inyaka lia June 1st 1973 nung tanaben meyiba Merangkong Middle schooli transfer atu. Pa kangtsung nung alidang tesayur aser tanurtem ajak den kanga pelateba lia ao. Tongtebangsa arogo nung tenzukertem aser yimsusur ajaki kanga meima pa den limsateba liasu. Pa Kangtsung nung alidang pa den teti yariteba aruba kibong ana pai tetisa onok jimbir, Mr. Mr. Zuluyanger aser Mr. Mrs. Putiyanger par pezu, pa asoshi teyariteber tajungteba liasu. Tangbo Kangtsung Middle schoolji Govt. high school kumogo. Aser Merangkong Middle school govt. High school kumogo. School compound Tasen : 1962 tashi Merangkong yim aser Merangkong Town tetsungda nung Merangkong Mopungsen M.E. School ta tenung jar liasu. Saka kodang Govt.i iba school agi Govt. Middle school Merangkong ta melen. Iba sulen Merangkong Middle school compound tasen lapoka (mesema) aotsusa akum. Yimi kanga junga asadanger Awatsunglu (Merangkong school compound) iba school tanurtem

anepdang temenungratsuka middle school tesayur aser school tanurtem ajak pei pei khu bener Merangkong arogo nungi Pastortem aser tenzukertem ajak school compound tasenba jagi ken tenyonga ao. Tang koba tenla ki yanglua lir iba moapu ya tenem tajung ka asunung tanurtem aser tesayurtem ajak iba tenem nung khu anena yur, Tsungrem num tenungsang aguja asur Mr. Takonukshi Pastor Menden sur mapa tenzuka iba ken aten (Ali tajung ni tongogo). Iba sulen asur Mr. Watimeren Deaconi sarasadem. Tajungshi aser tepela o asur Rev. B.T. Lueni Jimbi. Tatem nung Pastor Takonukshi sarasadema iba compound meshitet. Aji sur tanurtem ajak pei pei hosteli ao, tesayur aser arogo ana nungi arur ajak Oboula M. Purtoshi kidang sungo ajemba mapang den nungdaktem jembiteba meeting tatsuka mena liasu. Idangji Pastor B.T. Lueni Len ani. Telok ajak kulemi sarasadema iba meetingji atem. Compound tasen nung Arogo tenzukba : July 20th 1964 anepdang school tesayur ajak aser linertem senteba meeting ka ka-a liasu. Iba meeting nungji yamai renem: 1. Mezungbuba nung sentep tenzuktsu aser arogo tenzuka aotsu. 2. Mother churchji Meranmgkong yimtiba arogo asutsu. 3. Mother churchi sentep alitsu aser arogo tenzuktsu melaa liasu. 4. Tesayur kati repa Pastor / incharge mapaji inyaktsu, aser shibai iba mapaji agizukder pa nem arogoi Rs. 20 agutsutsu lemtet. Ano Pastor / inchrage ji nenoki melungba shimang ta tesayur nem nungloktsu. 5. Iba anogo nungsa tesayurtem meeting lia Pastor / inchargeji shiba asu tajungba aser sentep koma tenzuka aotsu ajak jembiteb. Iba mapang nungjisa tesayur M. Purtoshi Pastor/ incharge ji bena liang ta tesayurtemi lemtetsu. 6. July 22nd 1964 anogo nugi Pastor / incharge ka ama sentep agia aotsu asoshi tesayur M. Pur nem nungloktsu nungi, Oboula dak tajungkecha meliaka iba maongka asoshi pelaseta July 22nd merangkong School Compound arogo Tenzukba sentep agai aru.

20

17

Oboula rongjenseta aliba ngur anogoshia chirnurtemi oba nai kechi chinur, jemnur aser aginur onoki agutsutsu, na temtema medoktsutsu onok den arua liang ta. Saka pai otsula den lia aruba kimong kodanga medoktsutsu ta sa onok tang shia arur. Kunu par tanurtemi oba aseni Par sentong meteta make ako saka na bendang lima lia koda masu ka sura onoki nai aginuba ama ojala aliba jakai bener arutsu ta shia liasu. Aji saka pai langzur ni yangi tangsas alitsu. Obo aser otsu na ainlen jajaba : Feb 27th 1997 Andhra lima NMMi lapokba Mission field reprangi ao. Idangji arogotem semdanga tamangertem tanula nung jangraba ngua tepela agi nuktsu yima senzu. Bay of Bengal tzukem nung angopurtem tzuyim kum nung sentep ki yanglua yur, reshikangshi jendi nung arema tanula nung ainba angudang asen lima arogotem tia nuklai arua tena kanga temoatsu angu. Otsula tena ano pelateba tzuyim nung tzu nungshidak nokdaker asayaa kazuba, onok tanur asuba mapang saka nuklai arur. Ano tena alima repranga Visakhapatnam city-i ao idangji Otsulai sarung asenokbo sarasademdi Tsungremi yangluba tebur tajung lima asoshi tenungsang agutsudi tasa shia senzu. Ya Tsungremer maongka. Aji oda mapang shia tena chirnur aser semchirtem semdanga Kohima, Shillong aser Dimapur nung monga senzuli asu. Tesusa Otsula alima nungi pela-a or 2007 kum menungraseta Oboula tanaben Andhra Pradeshi ao. Ibai pa takum nung tanurtemi Otsula tena den asayateba jembiba mapa ka adalokba liasu. aonung tanurtem den kibong makamait indang jembia kibong tekulem agia sarasademer kulen, tanurtemi yamai langzu. Tang nena yamai temtema shisabelua liaka kunubo kutsu nena tayemtsu nung menur senzudaktsutsu, aser ya adaloktsu asoshi teti sarsademaliang. Amadoker lia, saka Otsula bo mali tesuiba mapatem pelemteta Oboula kisung Kolkotta nung air nung ao. Pungmang ka ama saka ibai pa asoshi otsu ka kuma, takum nung Tsungremer tenangzukba mapatem indang tali jangjashir. Otsula tena jangratema, mapang aser mapu ajak nung teyanglur

mapa inyak. Iba mapang Ao mungdang ita sen Rs. 10 ngua pelaseta Tsungrem mapa inyak. 6. 1953 Phom Mungdang tenzukdang Oboula Mendenbuba sur Pngru yimdak November ita nung among. Tanabuba Phom mungdang 1954 Mongnu yimdak liasu idangjia pa sa mendem liasu. 7. 1964 nungi Merangkong School compound nung lia arudang medemsortemi yimli tulu aguja lokti palala nung shilem agia aruba mapatem kar shisumer. (A) Arogo nung Merangkong school compound arogo nung July 22nd 1964 nungi February 22nd 1965; April 1st 1966 nungi January 30th 1967 tashi Pastor / incharge ka ama inyaka aru. 1. Arogo secretary maliba mapang nung pastor / incharge mapa den repsema July 15th 1966 nungi January 1967 tashi inyak. 2. Arogo nung Deacon ka ama 1977-1983 ; 1986-2002 tashi inyak 3. Arogo Mission kibur mapa 1978 nung 1980 4. Sunday school supt / 1970, 1979 nungi 1988 5. Sunday school tesayur 1976 nungi 1980 6. C.Y.E. Mission Kibur kum 3 7. ABAM executive commettee kum 3 aser ACYE executive commette kum 3 (B) Arogotsur mapa nung 1. July 22nd arogo tenzukba den kulemi tetsur sentep yaria aru. Saka March 12th 1965 nungi tetsur sentep shidakba tenzuka tetsur teasyula ka ama inyaka 1965-1966 kum temdaktsu. Iba sulenjibo 1967 January 1st nungi Mrs. Imkongnungla tesayula shima inyakdaktsu. Item mapaten ajak ka nungi ka ta bilema arudang asen teyanglur Tsungrem taochi-i Oboula arishi toktsuba asoshi kanga pelar aser Tsungrem dangi tenungsang ola yoker . Oboula M. Purtoshi teti onok dang yamai sa ashi. Nisung nungi maongka masu, saka nenok Tsungrem nungi maongka atang. Aser ibaji kodang nenok tangi arudir nenok tepang agi meshitetba temoatsu tulu aser ibaji agi nenok takum tepeyong anisungzuk angutsu. Pa takum nung itemji maongka aser temoatsu ta zungshi.

18

19

Kibong akumba aser chirnur April 27th 1963 Oboula Merangkong Town arogo nung asur Mr. Takonukshi Pastor ajanga S. Mangyangnungla (Merangkong) den kibong akum. La iba mapang Govt. Middle school nung class VI nung zunga liasu. La asur Mr. Sentimembang Yaden er jala tanabuba. Merangkong Town arogo nung tena ya mezung Khristan kibong kuma liasu. Anungji Merangkong Town arogo Silver Jubilee mapang arogoi tena num sempet tajung ka aguja lir. Otsula sarasadem nung akanga aliba Tsungrem metetba aser temeim aketba, taremzuk, tejungnu aser mapa teyenak tetsu tajung ka liasu. Jabaso jalatem nungdakba aser parnok taginuba ajunga ajangjema peritsuba tetsu ka, lai kodanga azumesen chiyongtsu machi. Tanurtem shia chineba chiyongtsu aser aginuba lai teka agi renemtsu, Lai kodanga rarabangsen masu. Alu tangar dang nungi tuluba inyaka, kidang kisetshiruru agi mesumi liasu, aluruba mapang kinunger ajak anir oa chiyunga peladakja lai oda inyaka aru. Tanurtem tang nubu (father) shisa akaba ajanga ni lanuwa mapang kecha memeteti kibong akum saka pai tzurabur tajung ka ama ni anir aru tasa shia aru. Lai arogo maparen palala nung shilem agia aruba aika lir. Talisa 1965 nungi tenzuka 2003 tashi arogotsur tenzukla ka ama inyaka aru. 2002 kum Mother's day nung arogo ajanga la nem tetemjen tetsu tenung jaa sempet agutsu. Obo aser otsu na kibong kumer kum asem suia aodang, Oboula Mokokchung DIS office nung Clerk inyaktsu order angu. Mokokchung DIS Office nung celrk mapaji kum ka tang inyaker tanaben pa Merangkong Middle schooli sa meyipa alu. Kechiba sura Merangkong school managing boardi tesayur school nung peria mali anungji nenok mapa nung nungdakaka M. Puronok asoshi tanaben meyipa yokang ta office dangi shiti zulu. Anungji DIS Office iba shiti dak ajemdaker tanaben pa Merangkongi yok.

asoshi tesatem lushi ka ta ajiteta iba tesem shimtet. Yimisa school ki, tetsur aser tebur hostel, iba den tesayurtem alitsu ki ajak yanglutsu. Tamasabo sungkum tongnu aser sura agi tang school aser ki ajakji yanglua liasu, saka tangbo school ki tajungba melena yanglugo. Mezungbo yim aser school ozung ajanga school compound nung alir chirtem dak alema school tanurtem ajak hostel nung alitsula ta ozung liasu. Anungji compound tasen ta saka azungmeyak mesui kanga longso longsoa liasu. July 16 1964 chirnurtem kibong aser semchirtem ajak pei pei mapa palala nung shilem agia anir arudar. Ya onok sasa anguba temoatsu masu, saka tzurabur anati ayanga doktsuba maongka, aser ya ajak asoshi Tsungrem tenung asanger. Otsula tena kibong kumer kum 42 buba nung kunu aseni belema maliba mapang agi Oboula dak atong. May 1st 2006 nekongtsutsu la tsu chikotsu ajak pai renema doktsu, anabo na mapa termra chiyungdi ta sur table nung kulemi amen. Otsula temang koda masu ta asuji pai chi tera mentsu aser yipten nung anir tua mejangdaktsu. Saka Otsula temang tamajungba kuma, kiyongertem ajak senteba la yari saka tajungba mekumi, tananu la Kohimai anir aru. La Hospital nung amoungdang May 10th anepdang la kum 61apensaba sarasadem temli lai Oboula tang nubo na temang mereka renemang aser brush suang ta shirbo joko jai kecha memeteti kuma adok. Kinunger ajak kanga aoksaa tanebtsu bushi aru nung ya koma ta temelung shirang agi sunger, kinungertem ajak senteba Otsula rebrang saka tia makai la May 11th 2006 onok ajak doktsur iba akumli nungi pelaa oadok. La asoshibo anisungzuk limai asen tebu Tsungrem den teti tatem makadak alitsu asoshi aposor. Saka lai doktsuba kinungertem aser adianutem ajaki tanu tashi la mamateter. Tulusang Tsungrem sentong aseni meteta maka nisunger sentong aika yanglur liasu, saka item ajak amajok akum. Aiben Oboula temelung shirangsuta otsula tena mapatem ajak nuklai arua, tenati teti atenba ken onok tang enyua "Ku Tsungrem anasa" (Ao ken no 296) otsu (story) ka ama shijen asher.

24

21

Koda masualiba mapangtem ajak nung medemsor tajungtem, ana aser talang nungi Oboula den ajerutebtsu arua, shisatsu, rongsen aser maparen ajak nung na kija masu ako ta temelung sungzuktsua yariteba aruba onoki angur. Oboulai onok tang tetisa ashir, nisung den yaritebangma no ! kinunger aser danger ta belema teli ma no! Asen danga ya oda parnoki inyaka arur ako. Ya oda Otsur sur Obo rongjenseta alidang mapang apen pa semdanga yarirtem ajak Tsungremi moajangma. tenungsanga kum 42 anogo ka tanga memeyongi suidaktsu. Asen sentong nung alir asu kula anojungi ta saka otsula asoshi ibai atemzuka akaba, aseni paidoktsu makok. Mapang ajak nung Tsungremi asen asoshi tajungteba tang inyaker ta angateta, asen takuma renemsher.

Tenungsang: 1962 kum Merangkongi tesayur mapa inyaki aruba mapang nungi tenzuka tanu tashi liyonga arudang, tatalokba aser mamatetba, temenungratsu mapang aika lir. Oboula Merangkong nung lia yimsusur aser tzurapur tajungtemi na yangi tzurabur yemteta alitsula ta shia Oboula asur Mr. Imkongmar Imsonger tebu yimdaktsu. Oboula M. Purtoshi Pongener chanu saka Merangkong nung Pngener mali, anungji anasateba Imsonger ayim. Oboula Mar arishi talang lir tambur kumer asu, pa meliakasa par jabaso tambusang Mr. Tongbangenshi Retd. / Tesayur dang tebu jaa tanu tashi par akum nung Oboula alir. Iba den ano anasatepa ta sur otsula asur Mrs. Imdanglemla Jamitsur tetsu yima ali. La tantsur kumer shirang yepten nung lia lai tebu ni suaka ano Oja ta ajatsu Mrs. Meyisenla lir ta ashi. Anungji otsula Meyisenla Tetsu ka ama tanu tashi I Oboula metokshi repranga arudagi. Oboula M. Purtoshi tia aka Oboula (great grandfather) Sentimembang aser Otsula (great grandmother) Mrs. Bendanglemsu jala den kibong akum. Par den sosemba yong bendanglima ta ala ashi meli-i yimsobor ka ama tanu tashi jangratema alir. Tongtebangsa otsula tebu (grandfather) asur Noktensang aser asur Mrs. Yimyangerla na kibong tajung, kimong lushi tepiri akar senso tajung, jabaso 6 rongnung oboula asur Sentimembang Yaden a ka liasu. Adianutem asur Mr. Talikaba Yade; asur Watimeren Yaden; asur Meyilepshi Yaden; asur Angumkaba Yaden aser asur Imtipokyim Yaden. Parnoki kunu danga Oboula Purtoshi medokshi repranga aru. Alu tajungteba pa nem yimdaktsu. Sungkum o nu tajungba pa num lepdaktsu, kimong tajungba pa

22

23

Tang Oba aser Otsula nem moatsuba tanur ajak agi parnok 6 den semchir ajak agi 9 lir. Aseni tajung kecha meyenaktetaka pa temoatsutem aseni zungdangtsu makok. Pa taochi-i tanu tashi num lepzuka agutsu. Yongji pa anungashi mesui tsuk teyenba bena arua azukarua ali. Tanu tashi Okola nungertemi aji oda yaria arur. Oboula M. Purtoshi-ia yamaji Oboula nunger par 6 prongla pa tebu ama belem, tanurtem danga nenok shibasa yimdaki arunder aser yimdaki tukoder nubo (grandfather) nunger ajak ki semdanger tang aitsula tasa shia aru. Tanurtem yimdak nungi aita tongli shiba dangisa ao ta asungtangli asu. Aji dang masu Otsula tetsu (great great grandmother) Merangkong yimtiba nung tantsutila Mrs. Kilanglemla (Lar mapang) Oboula M. Purtoshi pa tetsu ama meima tantsur kumer par kidang anir aita lidaktsu. Aser la par kidang lia asu. La anema aliba mapang Oboulai mapang shia tanurtem anir sungotsu bener la semdangi sa yimdaki tuko, aser tanurtem anir, tanu ama tzu beria aliba mapang masuji Korakla, Jagketsu ajak sema otsu asoshi tzu bushia sa senzu. Oboula mulung nung pela-a pelemba onok tang teti yamaisa shia arur. Ni bendanger chanu ka pei lima nung lia aruba takum saka kodanga ni bendang lima alir ta mebelemer. Merangkong nung yimsusur aser yimeryimsanger ajaki oboula tang meima benshi. Talisa yimten yimsusrtemi aser linertemi yimdak yimtsung nungi kechisa angutsu tim, Item ajakji obo numa kuksasas limzuktsu, ano kenkenbo pa-ang tama lemzuktsuli ta liyonga arur. Iba yongji Otsulai doktsur oaka pa den otsula ali ama pelaseta pa Merangkong yim nung alir. Ya Tsungremer maongka Oboula M. Purtoshi asoshi, Asen teyanglur Tsungremi onok anuktsu asoshi Oboula arishi moajangma. Amen

28

25