PK August2014 - Ika-18-Ika-22 Nga Domingo Sa Ordinaryo Nga Panahon-A

1
Liturhikal nga Giya

Ika-18 nga Domingo sa
Ordinaryo nga Panahon-A
Ika-22 nga Domingo sa
Ordinaryo nga Panahon-A

3 Agosto 2014- 31Agosto 2014

DIOCESAN COMMISSION ON LITURGY
Diocese of Bacolod

Series 2014 - No. 10
2

NIHIL OBSTAT:

REV. FR. BRETHEN RYE M. GAMALA
Director
Diocesan Commission on Liturgy

IMPRIMATUR:

MOST REV. VICENTE M. NAVARRA, D.D.
Bishop
Diocese of Bacolod

____________________________________
For your subscriptions:

Please visit or contact the Diocesan Commission on Liturgy Office
at the Bishops House, Rizal Street, Bacolod City
and look for Ginette M. Ginete.
Telephone No. : (034) 433-4950 / 0930-2858386
PRAYER BEFORE MASS

3

All: In the name of the Father (sign of the cross)
Almighty and loving Father, we are yours and yours
we wish to be. We thank you for calling us to your service.
Before we assist in this Holy Mass, please pour upon us
the Spirit of Jesus Christ your Son. Cleanse us from our
sins and make us pure channels of your graces. We unite
ourselves with Jesus, our Eucharist, for he alone is
pleasing to you. Please accept us as you accept him. This
we ask in the name of Jesus our Lord. Amen.

Priest: Mary, Mother of the Holy Eucharist.
People: Pray for us and lead us to Jesus your Son.
Priest: Lord Jesus in the Eucharist.
People: Have mercy on us.


PRAYER AFTER MASS

Lord Jesus Christ, thank you for making yourself
available to us again in this Holy Eucharist and for giving
us the grace of serving your people. Please forgive us for
whatever faults we have committed while assisting in Your
Holy Mass. Let the Eucharist we have celebrated be
reflected in the lives we live each day. May all glory be
yours now and forever. Amen.

Priest: Mary, Mother of the Holy Eucharist.
People: Pray for us and lead us to Jesus your Son.
Priest: Lord Jesus in the Eucharist.
People: Have mercy on us.


IKA-18 NGA DOMINGO SANG TUIG- A
Berde
4

3 Agosto 2014

ST. JOHN BAPTISTE MARIE VIANNEY SUNDAY

Hours: Pss II, Seasonal prop, OR Te Deum, EP II of Sun
Mass: Prop, GL, CR, Pf I-VIII of Sun in OT
Other celebrations are not permitted, except funeral Masses.

TEMA: HATAGI NINYO SILA SING KALAN-ON

INTRODUKSYON SA LITURHIYA
Ang mga balita sa medya nagapadumdom pirme sa
aton halos adlaw-adlaw sang kagutom sa kalan-on sa
madamo nga bahin sang kalibutan. May yara man sang
tuman nga kagutom sa espirituhanon, kagutom kag kauhaw
sa mga ginapakamahal sa kabuhi, para sa mga butang nga
ginasaligan kag ginalauman. Si Jesus naghatag sa
katawhan sang kalan-on sang kaluoy, sang Iya pulong sang
kapatawaran, kag labi na gid ang kalan-on nga amo ang
Iya lawas.
Samtang ginasaulog man naton subong ang St. John
Marie Vianney Sunday, ipangamuyo naton ang padayon nga
pormasyon sang aton mga kaparian kag para sa
nagamasakit, retired kag tigulang na nga mga pari nga
padayon man sila makakita sang kabakod sa Eukaristiya
kag padayon man sa paghalad sang ila kaugalingon sa pag-
alagad sa Dios.
Kita man nagapaambit sang aton pagsuporta,
pinansyal, moral kag espiritwal sa mga kaparian sang
Domus Dei.

(Ang Antipona sa Pagsulod wala ginasiling kon ginakanta ang Ambahanon sa Pagsulod)
Antipona sa Pagsulod
O Dios, luwasa ako sa Imo kahamuot! O Ginoo, dalidali Ka
sa pagbulig sa akon! Ikaw ang akon manugbulig kag manluluwas;
O Ginoo, indi Ka magpadugay!

PANGAMUYO
O Ginoo, tamda kami nga Imo mga alagad, kag ipakita ang
Imo walay untat nga kaalwan sa tanan nga nagapanawag sa Imo;
5

bag-oha kag tipigi ang mga butang nga mapuslanon para sa mga
nagapabugal sa Imo subong ila Tagtuga kag Manugdumala.
Ginapangayo namon ini sa Imo paagi kay Jesukristo, Imo Anak
kag amon Ginoo nga nagakabuhi kag nagahari upod sa Imo sa
kaisahan sang Espiritu Santo, Dios, sa tanan nga mga tuig sang
mga katuigan.

INTRODUKSYON SA BALASAHON
Sa tion sang kinahanglan, ang Dios nagapabakod
sang Iya katawhan paagi sa propeta. Sa mga ginagutom kag
gina-uhaw sa Dios kag mamati sa Iya, ang tanan ihatag sa
ila sing bugana.

1. Is 55: 1-3

Ang pagbasa gikan sa Libro ni Isaias nga Propeta.

Amo ini ang ginsiling sang Ginoo: Kari ang tagsatagsa
nga ginauhaw yari ang tubig! Kari kamo nga wala sing kuwarta
Magbakal sing kalan-on kag magkaon! Kari kamo, magbakal
sing bino kag gatas wala ini ginpabayari! Ngaa magasto kamo
sing kuwarta sa indi kalan-on? Ngaa gastuhon ninyo ang inyo
mga suweldo, sa mga butang nga indi makabusog? Pamati kamo
sa akon kag tumana ang akon ginasiling, kag mabusog kamo sang
labing maayo nga pagkaon sa tanan. Karon pamati kamo, mga
tawo ko, kag kari kamo sa akon; kari kamo sa akon, kag
makaangkon kamo sing kabuhi! Magahimo ako sing walay
katapusan nga kasugtanan sa inyo, kag ihatag ko sa inyo ang mga
kaayuhan nga ginsaad ko kay David.

Ang Pulong sang Dios.
S: Salamat sa Dios.

SALMO SA PAGSABAT Sal. 145: 8-9, 15-16, 17-18

Kon ginabuksan mo ang imo kamot, ginapaayawan mo kami
sing tuman.

1. Ang Ginoo mahigugmaon kag maluloy-on, indi madali
mangakig kag puno sang mapinadayunon nga paghigugma.
Maayo sia sa tanan kag maluloy-on sa tanan nga iya ginhimo.
(S.)
6

2. Ang tanantanan nga nagakabuhi sa iya, kag ginahatagan niya
sila sing pagkaon sa tion nga ila kinahanglanon ini.
Ginahatagan mo sila sing tuman kag ginahimuan mo ang
tanan sa ila mga kinahanglanon. (S.)
3. Ang Ginoo matarong sa tanan nga iya ginahimo, maluloy-on
sa tanan niya nga mga buhat. Malapit sia sa tanan nga
nagapanawag sa iya, nga nagapanawag sa iya sing
mamintaud-on. (S.)

Sa ila mga kinahanglan kag kapipit-an, ang mga
Kristiano kinahanglan magpadayon sa pagsalig sa Dios.
Ang aton pagtuo nagapasalig sa aton nga ang Dios indi gid
magbiya sa aton, tungod ginpakita Niya sa aton kon ano
kadaku ang Iya paghigugma sa aton dira sa paghatag Niya
sa aton kay Jesus nga Iya Anak.

2. Roma 8: 35, 37-39

Ang pagbasa gikan sa Sulat ni San Pablo nga Apostol, sa mga
taga-Roma.

Mga utod: Sin-o bala ang makapahamulag sa aton sa
gugma ni Kristo? Ang pag-antos bala, ang kapipit-an, ang
paghingabot, ang gutom, ang kaimulon, ang katalagman, ukon
ang kamatayon? Wala sing may makapahamulag sa aton! Kay sa
sini nga mga butang may bug-os kita nga pagdaog paagi sa iya
nga naghigugma sa aton! Kay napat-od ko gid nga wala sing may
makapahamulag sa aton sa iya gugma, bisan pa ang kamatayon
ukon kabuhi, bisan pa ang mga anghel ukon ang langitnon nga
mga punoan ukon mga gahom. Bisan pa ang mga butang sa karon
ukon sa palaabuton; ang kalibutan sa ibabaw ukon sa idalom,
wala gid sing butang sa tanan nga mga tinuga nga sarang
makapahamulag sa aton sa gugma sang Dios nga nangin aton
paagi kay Kristo Jesus nga aton Ginoo.

S: Salamat sa Dios.

INTRODUKSYON SA EBANGHELYO
7

Sa mga tinaga nga malapit sa pagtukod sang
Eukaristiya, ang ebanghelista nagasugid sa aton kon paano
si Jesus naghatag sang pagkaon sa mga ginagutom nga
katawhan kag kon paano sila nagkalaon asta nagkalabusog
sila tanan. Ang mga gintuton-ang ang nagpanagtag sang
pagkaon.

ALELUYA
Indi lamang sa tinapay mabuhi ang tawo, kundi sa tagsa
ka pulong nga ginahambal sang Dios.

EBANGHELYO Mat 14: 13-21

Ang pagbasa sang Santos nga Ebanghelyo suno kay San Mateo
S: Himaya sa Imo, O Ginoo.

Sang pagkabati ni Jesus sini naghalin sia sa sadto nga
isahanon lang. Sang nahibal-an ini sang mga tawo sa
nagkalainlain nga banwa, nag-apas sila kay Jesus nga naglakat
lang. Sang pagtakas ni Jesus, nakita niya ang madamo nga mga
tawo. Naluoy gid sia sa ila kag gin-ayo niya ang ila mga
masakiton. Sang sirom na, ang iya mga gintuton-an nagpalapit sa
iya kag nagsiling, Madulom na kag baw-ing ini nga duog.
Palakta ang mga tawo agod makabakal sila sang ila kaunon sa
mga baryo palibot.
Nagsabat si Jesus, Indi na kinahanglan nga maglakat pa
sila. Kamo mismo ang maghatag sa ila sing pagkaon.
Nagsabat sila, Wala gid kami diri sing pagkaon, kundi
lima gid lang ka bilog nga tinapay kag duha ka isda.
Nagsiling si Jesus, Dalha ninyo ina diri sa akon.
Ginsugo niya ang mga tawo nga maglingkod sa hilamon. Dayon
iya ginkuha ang lima ka bilog nga tinapay kag duha ka isda,
nagtangla sa langit kag nagpasalamat sa Dios. Ginpamihakpihak
niya ang tinapay kag ginhatag niya sa iya mga gintuton-an, kag
ginhatag ini sang mga gintuton-an sa mga tawo. Ang tagsatagsa
nagkaon kag nabusog. Dayon gintipon sang mga gintuton-an ang
nabilin kag dose pa ka alat ang napuno. Ang mga nagkaon mga
5,000 ka mga lalaki, wala labot ang mga babayi kag mga kabataan.

Ang Ebanghelyo sang Ginoo.
S: Dayawon ka, O Ginoong Jesukristo.
8

PANGAMUYO SANG MGA TUMOLUO

P: Sang gingutom ang mga tawo nga nagasunod sa Iya, ang
kasingkasing ni Jesus napuno sang kaluoy. Dal-on naton
sa Iya ang mga kabalaka kag kagutom sang aton mga
kautoran nga nagakinahanglan, magsiling kita:

Ginoo, sabta ang amon kagutom.

1. Para sa Santo Papa, mga obispo kag kaparian ilabi na gid
sining St. John Marie Vianney Sunday, agod nga ila
masabat ang kagutom sang katawhan sa gugma kag
katarungan, kamatuoran kag paglaum paagi sa
pagbantala nga wala nagakompromiso sang mensahe
sang Maayo Balita, mangamuyo kita: (S.)
2. Para sa mga lideres sa politika sang kalibutan, para sa
mga mangin-alamon sa siyensya kag mga ekonomista,
agod nga sila indi magdalok sa pagbuligay nga
mahatagan solusyon ang gutom sa kalibutan kag madala
sa ginagutom nga kalibutan indi lamang ang pagkaon
kundi ang dignidad, hustisya kag paghidait,
mangamuyo kita: (S.)
3. Para sa mga nagamasakit kag nagapangasubo, para sa
mga handicapped kag sa mga nagakatalaw, para sa mga
ginagutom sa paghigugma kag pagbaton, agod ang aton
gugma kag kabalaka mangin timaan para sa ila nga ang
Dios wala nagapabaya sa ila, mangamuyo kita: (S.)
4. Para sa aton tanan nga yari diri ilabi na sining Tuig sang
mga Laiko, agod nga magsinako kita indi lamang para sa
pagsabat sang mga kinahanglanon sang aton
kaugalingon kag mga panimalay, kundi nga
magpadayon kita sa pagsabat sang kagutom para sa mga
huluwaran nga mga kaayuhan sang pulong sang Dios,
para sa Eukaristiya kag para sa pag-alagad sa mga
nagakinahanglan, mangamuyo kita: (S.)

9

P: Ginoong Jesukristo, kabay nga wala sang pagtilaw ukon
palaligban ang makapahamulag sa amon sa gugma sang
Amay sa langit tungod Ikaw amon Ginoo sa tanan nga
mga tuig sang mga katuigan. Amen.

PANGAMUYO SA MGA DULOT
O Ginoo, pasantosa ang amon mga dulot kag batuna ining
espirituhanon nga sakripisyo agod himuon Mo man kami nga
walay katapusan nga halad para sa Imo. Ginapangayo namon ini
sa Imo, paagi kay Kristo nga amon Ginoo.

PREPASYO
Takus kag angay gid, igo kag mapuslanon sa amon
kaluwasan, nga sa gihapon kag sa tanan nga duog magpasalamat
kami sa Imo, O Ginoo, Santos nga Amay, gamhanan kag walay
katapusan nga Dios, paagi kay Kristo nga amon Ginoo.
Tungod sang Iya paghigugma sa makasasala nga tawo,
nagpaubos Sia kag nagpakatawo sa isa ka Ulay. Paagi sa Iya
pag-antus sa krus, Iya kami ginluwas sa kamatayon, kag paagi sa
Iya pagkabanhaw halin sa mga minatay Iya ginhatag sa amon ang
kabuhi nga dayon.
Gani, upod sa mga Angheles, sa mga Arkangheles, kag sa
tanan nga nagadayaw sa Imo sa langit nagaamba kami sing
walay untat sang kalantahon sa Imo himaya nga nagasiling:

(Ang Antipona sa Pagkalawat wala ginasiling kon ginakanta ang Ambahanon sa Pagkalawat)
Antipona sa Pagkalawat
Ako amo ang tinapay sang kabuhi, siling sang Ginoo. Ang
nagakari sa Akon indi na gid paggutomon kag ang nagatuo sa
Akon indi na gid pag-uhawon.

PANGAMUYO SA TAPOS ANG PAGKALAWAT
O Ginoo, apini sing dayon ang Imo mga ginalipay paagi
sining langitnon nga sakramento; wala Ikaw naga-untat sa
pagtatap sa amon, gani itugot nga mangin takus kami sang Imo
walay katapusan nga pagtubos. Ginapangayo namon ini sa Imo,
paagi kay Kristo nga amon Ginoo.

10

Berde
10 Agosto 2014

Hours: Pss III, Seasonal prop, OR Te Deum, EP II of Sun

TEMA: KON ANG ATON PAGTUO GINATAY-OG

Makita man bala naton ang Ginoo sa kagamo sang
aton mga pagpangduha-duha, sa aton pagpang-alag-ag, sa
aton alang-alang nga pagtuo? Makita pa bala Sia sa mga
pag-ginual sang aton nga panahon? Yara Sia sa mga unos
kag kabudlayan sang aton magamay nga kalibutan, kag
sang aton tagipusoon.
Ang Catholic Bishops' Conference of the Philippines
(CBCP) nagpahibalo na sang pag-abot sang aton Santo
Papa Francisco sa madason nga tuig 2015. Ang mga ka-
Obispohan nagasiling: "ang Santo Papa nagpaathag na
sang iya handum nga ang daku nga tinutuyo sang iya
pagbisita amo ang pagdala sang kaluoy ni Kristo para sa
naga-antus naton nga mga katawhan nga padayaon
nagahimakas sa katibawasan gikan sa mga kalalat-an
dulot sang linog kag bagyo nga nag-igo sa Visayas." Ang
Ginoo padayon nga nagapasalig sa aton sang Iya presensya
sa sining pagbisita sang aton Santo Papa.

O Ginoo, dumdoma man ang kasugtanan nga Imo ginhimo
sa amon, indi man pagpabay-i ang Imo mga tawo nga wala sing
ikasarang. Tindog Ka, O Dios, kag apini ang Imo kawsa, indi
pagkalimti ang mga singgit sang Imo kaaway.

PANGAMUYO
O gamhanan kag walay katapusan nga Dios, nagaisog
kami sa pagtawag sa Imo nga amon Amay; dugangi sa amon mga
tagipusoon ang mga balatyagon nga ila sang Imo mga anak nga
inayupan, agod nga mangin takus kami sa pagbaton sang
palanublion nga Imo ginsaad sa amon. Ginapangayo namon ini sa
11

Imo paagi kay Jesukristo, Imo Anak kag amon Ginoo nga
nagakabuhi kag nagahari upod sa Imo, sa kaisahan sang Espiritu
Santo, Dios, sa tanan nga mga tuig sang mga katuigan.

Ang maisog nga si propeta Elias nadulaan sing gana
tungod ang iya mga pinangabudlayan wala man lang
nagadugay. Nagpanglakaton sia sa desierto, sa bukid sang
Dios. Didto kag ang Dios nagsugata sa iya indi paagi sa
kalayo ukon sa unos kundi sa mabugnaw nga dapya sang
hangin kag naghatag ini sa iya sang bag-o naman nga
kaisog.

1. 1 Hari 19: 9, 11-13

Ang pagbasa gikan sa Nahauna nga Libro sang mga Hari

Sang pag-abot ni Elias sa bukid sang Ginoo nga amo ang
Sinai natulogan sia. Sa hinali ang Ginoo naghambal sa iya, Elias,
nagaano ka diri?
Ang Ginoo nagsiling sa iya, Gwa ka kag magtindog sa
atubangan ko sa ibabaw sang bukid. Dayon ang Ginoo nag-agi
kag nagpadala sing mabaskog nga hangin nga nagtay-og sang
mga bakulod kag nagpugday sang dalagku nga mga bato, pero
ang Ginoo wala sa hangin. Ang hangin nag-untat sa pag-huyop,
kag dayon naglinog, pero ang Ginoo wala sa linog. Sa tapos ang
linog may kalayo, pero ang Ginoo wala sa kalayo. Kag sa tapos
ang kalayo may mahinay nga tingog nga nagahutik.
Pagkabati ni Elias sini gintabunan niya ang iya nawong
sang iya kunop, naggwa kag nagtindog sa puwertahan sang
kuweba.

Ang pulong sang Dios
S: Salamat sa Dios.

SALMO SA PAGSABAT Sal. 84: 9, 10, 11-12, 13-14

Ipakita sa amon ang imo mapinadayunon nga gugma, O Ginoo,
kag luwasa kami.

1. Nagapamati ako sa ginasiling sang Ginoong Dios; nagasaad
sia sing paghidait sa aton nga iya mga tawo. Matuod gid nga
12

handa sia sa pagluwas sang mga nagapadungog sa iya, kag
ang iya himaya magapabilin sa aton duta. (S.)
2. Ang gugma kag ang katutom magaupdanay, ang
pagkamatarong kag paghidait magakitaay. Ang katutom sang
tawo magalambot sa ibabaw halin sa duta, kag ang
pagkamatarong sang Dios, magatamod halin sa langit. (S.)
3. Ang Ginoo magapauswag sa aton, kag ang aton duta
magapatubas sing bugana. Ang pagkamatarong magauna sa
Ginoo, kag magaaman sing alagyan para sa iya. (S.)

Si San Pablo nagakasubo gid nga ang mga Hudiyo,
ang katawhan sang ginpromisa nga Manluluwas, wala
nagbaton kay Kristo.

2. Roma 9: 1-5

taga-Roma

Mga utod: Matuod ang ginasiling ko; iya ako ni Kristo kag
wala ako nagabutig. Ang akon konsyensya nga ginagamhan sang
Espiritu Santo nagapasalig man sa akon nga wala ako nagabutig.
Daku gid ang akon kalisod, kag wala gid nagauntat ang kasakit sa
akon tagipusoon tungod sa akon mga kasimanwa nga akon gid
mga kadugo! Tungod sa ila, maayo na lang kuntani nga
pakamalauton ako sang Dios, kag ipahamulag kay Kristo. Mga
pinili sila sang Dios, kag ginhimo niya sila nga iya mga anak, kag
ginaambit sila sang iya himaya. Naghimo sia sing mga
kasugtanan sa ila, kag ginhatag niya sa ila ang Kasugoan. May
matuod sila nga pagsimba kag nabaton nila ang mga saad sang
Dios. Naggikan sila sa mga patriarka, kag si Kristo, sa iya
tawhanon nga kinaugali, naggikan man sa ila kaliwat. Kabay nga
dayawon sa gihapon ang Dios nga Makagagahom sang tanan!
Kabay pa.

Ang pulong sang Dios.
S: Salamat sa Dios.

13

Si San Pedro nagasimbolo sa Simbahan kag sa tagsa-
tagsa man sa aton. Kon sa mga unos sang aton panahon ang
aton lamang kaugalingon ang aton saligan, yara gid kita sa
katalagman. Kon kita magsalig kay Jesuskristo, kita hilway
na sa kalainan.

ALELUYA
Nagalaom ako sa Ginoo, ang akon kalag nagasalig sa iya
pulong.

EBANGHELYO Mat. 14: 22-23

Ang pagbasa gikan sa Santos nga Ebanghelyo suno kay San
Mateo

Dayon ginsugo ni Jesus ang iya mga gintuton-an sa
pagsakay sa ila sakayan kag sa pag-una sa tabok sang linaw,
samtang ginpapauli niya ang mga tawo. Sang mapalakat na niya
ang mga tawo nagtaklad sia sa isa ka bakulod sa pagpangamuyo.
Sang gab-i isahanon na lang sia didto. Sa amo nga tion, ang
sakayan didto na sa tunga sang linaw nga ginabulobalinsay sang
mga balod, kay sumpong ang hangin. Sang kaagahon na, si Jesus
nag-apas sa ila nga nagalakat sa ibabaw sang tubig, Sang makita
sang mga gintuton-an nga nagalakat sia sa ibabaw sang tubig,
kinulbaan gid sila kag nagsinggit, Bagat!
Dayon si Jesus nagsiling sa ila, Magpakaisog kamo! Ako
ini. Indi kamo magkahadlok! Si Pedro nagsiling, Ginoo, kon
ikaw ina pakadtoa ako sa imo nga nagalakat sa ibabaw sang
tubig.
Si Jesus nagsiling, Kari ka! Gani nagpanaog si Pedro sa
sakayan kag naglakat sa tubig pakadto kay Jesus. Sang
matalupangdan niya nga mabaskog ang hangin, hinadlukan sia
kag nag-amat-amat sia lugdang sa tubig. Nagsinggit sia, Ginoo,
tabangi ako!
Sa gilayon gindawat sia ni Jesus kag gin-uyatan nga
nagasiling, Kadiutay sang imo pagtuo! Ngaa bala
nagapangduhaduha ka?
14

Nagbalik sila nga duha sa sakayan, kag naglinaw. Ang
mga gintuton-an sa sakayan nagsimba kay Jesus kag nagsiling.
Matuod gid nga ikaw ang Anak sang Dios!



P: Mangamuyo kita sing may daku nga pagtuo sa aton
Dios nga yara pirme sa Iya katawhan. Nagahambal Sia
sa aton nga may tingog nga mahidaiton. Kita magsiling:

Ginoo, itugot nga makita namon ang Imo kaayo.

1. Ginoo, wala Ikaw sa kilat kag daguob sang kaakig kag
pagtimalos. Pamatii ang pagpanghakroy sang Imo
Simbahan kon sa diin ini sia ginapigos kag ginakuhaan
sang kahilwayan, nagapangalaba kami: (S.)
2. Ginoo, wala Ikaw sa linog sang mga nagatanum sang
kahadlok kag nagapatigayon sang giyera ilabi na sa
Middle East. Hatagi sang paghidait kag hustisya ang ila
mga biktima, nagapangalaba kami: (S.)
3. Ginoo, wala Ikaw sa kalayo sang mga nagahukom kag
nagakondenar sang mga tawo. Ipakita ang Imo kaayo sa
mga nabiktima sang political harrasments kag sang
corrupt practices sang gobyerno, kag himoa nga ma-
konbertir ang tagipusoon sang mga nagahalit sa iban,
nagapangalaba kami: (S.)
4. Ginoo, yara Ikaw sa mabugnaw nga dapya sang hangin
dira sa mga tawo nga naga-alagad sa Imo sing maayo
kag nagadala sang kalipay sa ila mga panimalay kag
katilingban ilabi na sining Tuig sang mga Laiko.
Magpabalin Ka nga malapit sa ila kag hatagi sila sing
kaisog, nagapangalaba kami: (S.)

15

P: Amay, nagalaum kami sa Imo, nagasalig kami sa Imo
pulong. Itugot nga ang Imo Anak mangin kaupod namon
karon kag sa mga tuig sang katuigan. Amen.

O Ginoo, batuna ang mga dulot nga Imo ginhatag sa Imo
Simbahan agod nga mahalad niya ini sa Imo, kag Imo ini
mabaylohan sa sakramento nga nagahatag sa amon sang
kaluwasan. Ginapangayo namon ini sa Imo, paagi kay Kristo nga
amon Ginoo.

PREPASYO
Kay paagi sa Iya pagkamatay kag pagkabanhaw, Iya kami
ginluwas sa sala kag sa kamatayon; Iya kami ginpadunggan nga
mangin pinili nga kaliwat, harianon nga mga pari, balaan nga
pungsod kag Iya pina-in nga banwa.
Sa tanan nga duog amon ginabantala ang Imo gamhanan
nga mga buhat, O Dios, nga nagtawag sa amon gikan sa
kadudulman pakadto sa Imo makatilingala nga kapawa.
tanan nga nagadayaw sa Imo sa langit, nagaamba kami sing

Dayawa ang Ginoo, O Jerusalem! Ginabusog Niya ikaw
sang pinakamaayo nga trigo.

O Ginoo, kabay nga ang amon pagkalawat sang Imo
mahal nga sakramento mangin mapuslanon sa amon kag
magpalig-on sa amon sa kapawa sang Imo kamatuoran.
Ginapangayo namon ini sa Imo, paagi kay Kristo nga amon
Ginoo.

16

Berde
17 Agosto 2014

Hours: Pss IV, Seasonal prop, OR Te Deum, EP II of Sun

TEMA: PAANO BALA ANG ATON PAGKA-KATOLIKO?

Ano bala ka lapad ang mga ganhaan sang aton
Simbahan? May lugar pa bala ang aton Simbahan para sa
tanan? Nakahibalo kita kag nagapahayag nga ang Dios
amo ang Amay sang tanan nga katawhan. Nagatuo kita kag
nagabantala nga si Jesus napatay para tagsa-tagsa kag sa
tanan. Pero ano bala ka matuod ini tanan? May mga tion
man kon kaisa nga manubo ang aton panulukan sa iban nga
mga Kristiano bisan pa gani sa aton isig ka-Katoliko,
tungod indi sila makahibalo magpadungog sa Dios pareho
sa aton ginahimo. Pangayuon naton sa Ginoo sang tanan
nga buligan kita sa pagdula sang tanan nga sahi sang
diskriminasyon kag upod sa Iya mangin bukas kita sa
tanan.

Tamda ang amon taming, O Dios; tamda ang nawong
sang Imo pinili. Maayo pa ang isa ka adlaw sa Imo Templo sang
sa isa ka libo ka mga inadlaw sa iban nga duog.

PANGAMUYO
O Dios nga amon Amay, Imo ginaaman para sa tanan nga
nagahigugma gid sa Imo ang di-masaysay nga mga kaayuhan;
padabdaba sa amon mga tagipusoon ang kainit sang Imo
paghigugma, agod nga amon Ikaw higugmaon sing himpit kag
labaw sa tanan, kag madangat namon ang Imo mga saad nga
labaw sa tanan nga amon ginahandom. Ginapangayo namon ini
sa Imo paagi kay Jesukristo, Imo Anak kag amon Ginoo nga
nagakabuhi kag nagahari upod sa Imo sa kaisahan sang Espiritu
Santo, Dios, sa tanan nga mga tuig sang mga katuigan.
17

Indi lamang ang mga Hudiyo kundi pati man ang
mga pagano nga gintawag sa pagkabuhi sa balay sang Dios.
Sa mga luyag mangin kabahin sang kasugtanan indi na sila
dumoluong para sa Dios kag sa Iya katawhan.

1. Is 56: 1, 6-7

Ang pagbasa gikan sa Libro ni Isaias nga Propeta

Ang Ginoo nagsiling sa iya mga tawo, Sa indi madugay
luwason ko kamo. Gani himoa ang matarong kag nagakaigo.
Kag ang Ginoo nagsiling sa mga dumoluong nga nangin
katapo sang iya tawo, nga nagahigugma kag nagaalagad sa iya,
nga nagapakabalaan sang Adlaw nga Inugpahuway kag
nagtuman sing matutom sang iya kasugtanan, Dalhon ko kamo
sa Sion, ang akon bala-an nga bukid, hatagan ko kamo sing
kalipay sa akon balay nga palangamuyoan, kag akon batunon ang
mga dulot nga inyo ginahalad sa akon altar. Ang akon Templo
pagatawgon nga isa ka balay nga palangamuyoan sang mga tawo
sang tanan nga mga kapungsoran.

S: Salamat sa Dios.

SALMO SA PAGSABAT Sal. 67: 2-3, 5, 6, 8

Kabay nga ang tanan nga mga katawuhan magadayaw sa imo, O
Dios.

1. Kaluoyi man kami, O Dios kag bendisyuni kami; ipakita ang
imo kaayo sa amon, agud mahibaluan sang bug-os nga
kalibutan ang imo kabubut-on; kag ang tanan nga mga
kapungsoran makakilala sang imo kaluwasan! (S.)
2. Kabay nga magkasadya ang mga kapungsoran kag magakanta
sang kalipay. Kay ikaw magahukom sing matarong sa mga
katawuhan; kag nagatuytoy sa tanan nga mga kapungsoran.
(S.)
3. Kabay nga ang mga katawuhan magadayaw sa imo, O Dios,
kabay nga ang tanan nga katawuhan magdayaw sa imo! Ang
Dios naghatag sa aton sing kaayuhan, kabay nga ang tanan
nga mga tawo bisan diin magtahod sa iya. (S.)
18

Kalabanan sang mga Hudiyo wala nagbaton kay
Kristo bilang Manluluwas. Ini nangin higayon para sa
Simbahan nga magbantala sang Maayong Balita sa mga
pagano. Luyag sang Dios nga maluwas ang tanan, pagano
man o Hudiyo.

2. Roma 11: 13-15, 29-32

taga-Roma.

Mga utod: Karon nagahambal ako sa inyo nga mga Hentil:
samtang apostol pa ako sa mga Hentil, magapabugal ako sang
akon bulohaton. Ayhan magakahisa sa akon ang akon mga
kasimanwa kag tungod sini maluwas ang iban sa ila. Kay sang
ginsikway sila, ang kalibutan nangin-abyan sang Dios. Ano pa gid
ayhan kon mabaton na sila? Manginkabuhi ini para sa mga patay!
Kay ang Dios wala nagabaylo sang iya panghunahuna
nahanungod sa iya ginapili kag ginabendisyonan. Sang una kamo
nga mga Hentil wala magtuman sa Dios, pero karon nabaton
ninyo ang kaluoy sang Dios kay ang mga Hudiyo wala
magtuman. Sa amo nga bagay, tungod sang kaluoy nga inyo
nabaton, ang mga Hudiyo karon wala nagatuman sa Dios, agod
nga ila man mabaton karon ang kaluoy sang Dios. Kay ginhimo
sang Dios ang tanan nga mga tawo nga binilanggo sang pagkadi-
matinumanon, agod nga mapakita niya sa tanan ang iya kaluoy.

S: Salamat sa Dios.

Si Jesus nagapamatuod nga ginapasulbi ang mga
Hudiyo bilang mga manunubli sang mga promisa
nahanungod sa Mesiyas. Pero ang ginharian bukas para sa
tanan nga magatuo.

ALELUYA
Si Jesus nagwali sang Maayong Balita sang Ginharian, kag
nagpang-ayo sang tanan nga sahi sang mga balatian sang mga
tawo.

19

Mateo

Si Jesus nagkadto sa kadutaan malapit sa mga siyudad
sang Tiro kag Sidon. May isa ka babayi nga taga-Canaan nga
nagapuyo didto, nga nagpalapit sa iya nga nagasinggit,
Manunodlo, kaliwat ni David! Kaluoyi ako! Ang akon anak nga
babayi ginagamhan sang yawa kag malubha ang iya
kahimtangan. Pero si Jesus wala gid magsabat sa iya. Ang iya
gintuton-an nagpalapit sa iya kag nagpangabay gid nga
nagasiling, Pahalina sia! Nagasunodsunod sia sa aton kag
nagagahod! Dayon si Jesus nagsabat, Akon ginpadala para
lamang sa nadula nga mga karnero sang Israel. Dayon nagkadto
ang babayi sa iya atubangan kag nagluhod nga nagasiling.
Manunodlo, buligi ako! Nagsabat si Jesus, Indi nagakabagay
nga kuhaon ang pagkaon sang mga kabataan kag ihaboy sa mga
ido. Nagsabat sia, Matuod ina, Manunodlo, pero bisan ang mga
ido nagakaon sang mga usik nga nagakahulog sa lamisa sang ila
mga agalon. Dayon nagsabat si Jesus sa iya, Babayi, kadaku
sang imo pagtuo! Matuman ang imo ginapangabay suno sa imo
luyag. Sa amo sini nga tion nag-ayo ang iya anak nga babayi.



P. Mangamuyo kita sa Dios nga aton Amay, nga
nagabukas sang Iya tagipusoon kag puluy-an para sa
mga nagapangita sa iya, kag kita magsiling:

Pamatii ang Imo katawhan , O Ginoo.

1. Agod ang Simbahan, ang aton Santo Papa Francis, ang
aton Obispo Vicente, sa tanan nga kaparian kag tumoluo
ilabi na sining Tuig sang mga Laiko, mangin
mabinantayon sa kabuhi kag kinahanglanon sa kalibutan
subong, mangamuyo kita: (S.)
2. Agod ang mga Hudiyo, ang una nga katawhan nga
gintawag sang Dios, makakita nga nahatagan katumanan
20

ang ila mga ginalauman kag madeskubrehan sa pila ka
adlaw si Kristo nga ila man Manluluwas, mangamuyo
kita: (S.)
3. Agod mabuksan ang aton mga tagipusoon kag mga
puluy-an sa mga mabudlay amomahon: ang mga
dumuluong kag wala-ilistaran, ang mga wala trabaho
kag mga imol, mga biktima sang diskriminasyon kag
pagpamigos; agod nga mahimo naton ang aton
masarangan nga maka-impon sila matuod sa tawhanon
kag Kristiano nga katilingban, mangamuyo kita: (S.)
4. Agod nga tanan kita nga yari diri magkabalaka sa mga
wala diri nagakadto tungod sila nangin malayo na sa
Simbahan kag agod ang kabuhi magpahayag kay Kristo
sa ila, mangamuyo kita: (S.)

P: O Dios nga amon Amay, himoa nga mangin matuod
kami nga katilingban nga bukas para sa tanan nga
katawhan kag sa ila mga kinahanglan paagi kay
Jesukristo nga amon Ginoo. Amen.

Batuna, O Ginoo, ang mga dulot nga amon
ginapabaylohan sa Imo; paagi sa mga halad nga amon nabaton
sa Imo, ginabaton gid namon Ikaw. Ginapangayo namon ini sa
Imo, paagi kay Kristo nga amon Ginoo.

PREPASYO
kabuhi nga dayon.

21

Yara sa Ginoo ang mapinadayunon nga gugma kag ang
bug-os nga kaluwasan.

O Ginoo, amon ginbaton si Kristo sa sini nga sakramento:
itugot nga mangin kaangay kami sa Iya samtang nagakabuhi pa
kami diri sa duta, agod nga mangiin takus kami sa pag-ambit sang
Iya himaya sa langit. Ginapangayo namon ini sa Imo, paagi kay
Kristo nga amon Ginoo.

Berde
24 Agosto 2014

Hours: Pss I, prop, OR Te Deum, EP II of Sun

TEMA: KUBOS PERO GINPILI

Ang Catholic Bishops' Conference of the Philippines
(CBCP) nagpili bilang tema sang 2015 Papal Visit ang
mismo nga motto sang aton Santo Papa Francisco nga
nagasiling: "Miserando atque eligendo", ini Latin nga mga
tinaga kon sayuron 'kubos pero ginpili'. Ang CBCP
nagasiling: "Sarang man naton ini gamiton nga mangin
motto man sang aton pungsod. Bisan nga kita kubos sa
tunga sang mga pungsod sang kalibutan, pero ginpili kita
nga makabaton sang bendisyon sang Vicario ni Kristo." Ang
aton mga obispo nagahangyo sa tanan nga mga Pilipino
nga Katoliko sa pagpatigayon sang espiritwal nga pag-
aman para sa pagbisita sang Santo Papa.
Mabatian man naton subong nga si Jesus nagpili kag
nagtugyan man sang Iya Simbahan sa mga apostoles sa
pihak sang ila pagkakubos kag kahuyang.

22

Pamatii ako, O Ginoo kag sabta ako, luwasa ang Imo
alagad nga nagasalig sa Imo. Kaluoyi ako, O Ginoo,
nagapangamuyo ako sa Imo sa bug-os nga adlaw.

PANGAMUYO
O Dios nga amon Amay, Ikaw amo ang nagapahiusa sang
mga balatyagon sang Imo mga tumoluo; itugot nga higugmaon
namon ang tanan nga Imo ginasugo kag handumon namon ang
Imo ginsaad, agod nga sa tunga sang pagbinaylobaylo sining
kalibutan mapalig-on ang amon mga tagipusoon sang paglaum sa
matuodtuod nga kalipay. Ginapangayo namon ini sa Imo paagi
kay Jesukristo, Imo Anak kag amon Ginoo nga nagakabuhi kag
nagahari upod sa Imo sa kaisahan sang Espiritu Santo, Dios, sa
tanan nga mga tuig sang mga katuigan.

Ang Dios nagtugyan sang Iya hilikuton sa mga tawo.
Ginhatag Niya sa ila ang 'yabe' sang awtoridad. Sila may
salabton na sa Iya kag sa katawhan.

1. Is 22: 15, 19-23

Ang pagbasa gikan sa Libro ni Isaias nga Propeta

Ang Ginoo nagsiling kay Sibna nga pangulo sang templo:
Pahalinon ka sang Ginoo sa imo obra, kag kuhaon ka sa imo
mataas nga palangakuan! Kon mahanabo ini, ipadala ko ang
akon alagad nga si Eliaquim nga anak ni Helcias. Ipasuksok ko sa
iya ang imo kappa kag ihatag ko sa iya ang tanan nga
kagamhanan nga imo anay sang una. Mangin kaangay sia sang
amay sa mga tawo sa Jerusalem kag sa Juda. Hatagan ko sia sing
bug-os nga kagamhanan sa idalom sang hari, ang kaliwat ni
David. Sia ang maga-uyat sang mga yabi sang opisina; ang iya
abrihan wala sing may magasira, kag ang iya masirhan wala sing
magaabri. Akon sia palig-unon kaangay sang palpal, kag
magahatag sia sing kadungganan sa bug-os niya nga panimalay.

S: Salamat sa Dios.

SALMO SA PAGSABAT Sal. 138: 1-2, 2-3, 6, 8

23

O Ginoo, ang imo gugma nagapadayon sa walay katapusan.
Tapusa ang hilikuton nga imo ginsuguran.
1. Nagapasalamt ako sa imo, O Ginoo, sa bug-os mo nga
tagipusoon; nagakanta ako sing pagdayaw sa imo sa
atubangan sang mga dios. Nagasimba ako sa atubangan sang
imo balaan nga Templo kag nagadayaw sa imo ngalan. (S.)
2. Tungod sang imo mapinadayunon nga gugma kag katutom,
kay nagpahayag ka nga ikaw kag ang imo sugo labaw sa
tanan. Ginsabat mo ako sang nagpanawag ako sa imo;
ginpabakod mo ako sang imo kusog. (S.)
3. Bisan pa nga ang Ginoo yara sa kahitaasan, pero nagakabalaka
sia sa mga kubos, kag ang mga bugalon indi makapanago sa
iya. O Ginoo, ang imo gugma nagapadayon sa walay
katapusan. Tapusa ang hilikuton nga imo ginsugoran. (S.)

Si San pablo nagpaathag kon paano ang Dios nagahatag
sang kaluwasan sa mga Hudiyo kag mga Hentil.
Ginadayaw niya ang Dios sa Iya daku nga kaalam.

2. Roma 11: 33-36

taga-Roma.

Daw ano kadamo sang mga manggad sang Dios! Daw ano
kadalom sang iya kaalam kag ihibalo! Sin-o bala ang makasaysay
sang iya mga paghukom? Sino-o bala ang makahangop sang iya
paagi? Ang kasulatan nagasiling:
Sin-o bala ang makahibalo? Sang hunahona sang Ginoo?
Sin-o bala ang makalaygay sa iya? Sin-o bala ang may ginhatag sa
Dios, nga ang Dios dapat magbayad sa iya?
Kay ang tanan nga mga butang naghalin sa Dios kag ini
tanan tungod sa iya kag para sa iya sa iya ang himaya nga wala
sing katapusan! Kabay pa.

S: Salamat sa Dios.

24

Sa pamangkot ni Jesus: "Sin-o ako suno sa imo?", Si
San Pedro nagpahayag sang iya pagtuo: "Ikaw ang
Mesiyas, ang Anak sang Dios nga buhi." Si Jesus nagtugot
sa iya nga mag-ambit sia sa Iya awtoridad agod sa pag-
alagad sang iya kaupod nga mga apostoles kag sa bug-os
nga Simbahan.

ALELUYA
Ikaw si Pedro, Ang Bato kag sa sini nga bato
pagatukoron ko ang akon iglesya. Bisan ang gahom sang
kamatayon indi makadaog sa iya.


Mateo

Nagkadto si Jesus sa kadutaan sang Cesaria Filipo sa diin
nagpamangkot siya sa iya mga gintuton-an, Sin-o bala ang Anak
sang Tawo suno sa mga tawo? Nagsabat sila, May nagasiling na
si Juan Bautista. May iban nga nagasiling nga si Elias kag may
iban pa gid nga nagasiling nga si Jeremias ukon iban nga mga
propeta. Si Jesus nagpamangkot sa ila Pero suno sa inyo, sin-o
bala ako? Si Simon Pedro nagsabat, Ikaw ang Kristo, ang Anak
sang Dios nga buhi. Si Jesus nagsabat, Bulahan ka, Simon, anak
ni Juan! Kay ini ang kamatuoran wala ginpahayag sa imo sang
tawo, kundi sang akon Amay sa langit. Kag ako nagasiling sa
imo, ikaw si Pedro nga kon sayuron Bato kag sa sini nga bato
pagatukoron ko ang akon iglesya bisan ang gahom sang
kamatayon indi makadaog sa iya. Ihatag ko sa imo ang mga yabi
sang Ginharian sang langit, kag kon ano ang imo ginadumilian sa
duta pagadumilian man didto sa langit, kag kon ano ang
ginatugotan sa duta pagatugotan man didto sa langit. Dayon
nagpaandam si Jesus sa iya mga gintuton-an nga indi nila pag-
isugid sa kay bisan sin-o nga siya amo ang Kristo.


25

P: Mangamuyo kita sa Dios nga aton Amay nga
ginagikanan sang tanan nga awtoridad sa langit kag
duta, kag magsiling kita:

Ginoo himoa kami nga mga alagad sang Imo gugma.

1. Para sa aton Santo Papa Francisco, agod ang Espiritu
Santo magpabakod sa iya sa pagdumala sang Simbahan
nga may kaalam kag kaisog kag para sa iya
mabinungahon nga pagbisita sa aton pungsod sa
masunod nga tuig, mangamuyo kita: (S.)
2. Para sa tanan nga mga obispo kag kaparian, agod nga
sila magbantala sa katawhan sang Dios sang mga pulong
sang paglaum kag pagpaisog kag agod nga magpanguna
sila sa mga tumuluo sa espiritwal nga pag-aman para sa
2015 Papal Visit ilabi na gid sa Sakramento sang
Pagpakig-uli, mangamuyo kita: (S.)
3. Para sa tanan nga mga Pilipino nga Katoliko nga naga-
saulog sang Tuig sang mga Laiko, agod ila padayon nga
mapasad ang Simbahan paagi sa ila mahigugmaon kag
dedikado nga pag-alagad kag agod nga ila pirme
madumduman ang ila espirituhanon nga pag-aman sa
pagbisita sang Santo Papa paagi sa paghimo sang buhat
sang kaluoy sa matag-adlaw, mangamuyo kita: (S.)
4. Para sa mga gamhanan sang kalibutan, sa mga lideres
sang mga kapungsuran agod nga indi nila pag-abusuhan
ang ila gahom ukon maggamit sang pagpamigos,
biyolensya ukon gyera kag agod nga sila magdampig
sang mga kubos kag sa mga wala sing tingog nga
katawhan, mangamuyo kita: (S.)

P: Ginoong Dios namon, buligi kami sa pagtahod sa tagsa
ka tawo bilang isa ka ginhalaran ni Kristo sang Iya
kabuhi tungod Sia amon Ginoo sa tanan nga mga tuig
sang mga katuigan. Amen.

26

O Ginoo, paagi sa pagkamatay ni Kristo Imo kami gin-ayup
nga Imo mga anak; ihatag sa Imo Simbahan ang mga bugay sang
paghiusa kag sang paghidait. Ginapangayo namon ini sa Imo,

PREPASYO
kabuhi nga dayon.

O Ginoo, ang duta napuno sang Imo mga kaayuhan; ang
mga tanom nagapatubas sang kalan-on sang tawo kag sang bino
nga nagapalipay sang iya tagipusoon.

O Ginoo, ayuha kami sing lubos sa amon mga kalautan;
itugot nga magpadayon kami sa paghimpit sang amon
kaugalingon, agod nga sa tanan nga bagay makahibalo kami
magpahamuot sa Imo. Ginapangayo namon ini sa Imo, paagi kay
Kristo nga amon Ginoo.

Berde
31 Agosto 2014

Hours: Pss II, prop, OR Te Deum, EP II of Sun
27


TEMA: ANG ATON KRISTOHANON NGA PAGPANGABUHI
AMO ANG ATON MATUOD NGA PAGSIMBA

Ang pagsimba naton kada Domingo amo ang mataas
nga bahin sang aton Kristohanon nga pagpangabui.
Ginapahayag sini sa aton sing tuman ang kon ano ang aton
gintinguhaan nga ipangabuhi sa matag-adlaw. Ang tanan
nga aton ginpinsar kag ginahimo, ang matag-adlaw naton
nga pagpangabuhi, siling ni Sa Pablo, kinahanglan
maghatag pagpadungog kag pagdayaw sa Dios. Amo ini ang
aton ginatingob sa aton Eukaristiya kada Domingo. Sa
baylo sini, ang Eukaristiya nahimo nga buhi nga tuburan
sang malig-on nga pagtugyan sang kaugalingon sa Dios kag
sa katawhan. Pangayuon naton sa Ginoo nga ang aton
matag-adlaw nga pagpangabuhi magsimba Dios sa espiritu
kag kamatuoran.

Kaluoyi ako, O Ginoo, nagapangamuyo ako sa Imo sa
bug-os nga adlaw. Maayo Ka kag mapinatawaron, puno sang
mapinadayunon nga gugma sa tanan nga nagapanawag sa Imo.

PANGAMUYO
O Dios nga makagagahom, tagtuga sang mga butang nga
maayo: itanum sa amon mga tagipusoon ang paghigugma sang
Imo ngalan agod nga paagi sa pagtubo sang amon kabuhi nga
espirituhanon Imo pa gid dugangan ang amon kaayo, kag sa Imo
mahigugmaon nga pagbantay Imo ini tipigan sa amon.
Ginapangayo namon ini sa Imo paagi kay Jesukristo, Imo Anak
kag amon Ginoo nga nagakabuhi kag nagahari upod sa Imo sa
kaisahan sang Espiritu Santo, Dios, sa tanan nga mga tuig sang
mga katuigan.

Si propeta Jeremias nagreklamo batok sa Dios tungod
ang iya misyon nagdala sa iya sa kapipit-an. Pero padayon
28

ang iya pagsalig sa Dios kag ginpadayon ang iya
katungdanan.

1. Jer 20: 1-9

Ang pagbasa gikan sa Libro ni Jeremias nga Propeta

O Ginoo, imo ako ginlimbungan, kag ako nalimbungan.
Makusog ikaw sang sa akon, kag imo ako gindaog. Ginyaguta ako
sang tanan, kag ginkadlawan nila ako sa bug-os nga adlaw. Kon
ako maghambal, nagasinggit ako sing mabaskog Palugosay!
Laglaganay! O Ginoo, ginyaguta ako kag gintamay sa tanan nga
tion, kay ginwali ko ang imo pulong. Pero kon magsiling ako,
Kalimtan ko ang Ginoo, kag indi na ako maghambal sa iya
ngalan. Dayon ang imo pulong nagadabadaba subong kalayo sa
akon tagipusoon, yara ini sa sulod sang akon mga tul-an kag indi
ko na ini mapunggan.

S: Salamat sa Dios.

SALMO SA PAGSABAT Sal. 63: 2, 3-4, 5-6, 8-9

Ang akon kalag ginauhaw sa imo, O Ginoo nga ako Dios.

1. Tugoti ako nga makita ko ikaw sa santuaryo, ipakita sa akon
ang imo pagkagamhanan kag pagkamahimayaon. (S.)
2. Ang imo mapinadayunon nga gugma maayo pa sang sa
kabuhi, gani dayawon ko ikaw. Tubtob nga buhi ako
magapasalamat ako sa imo; bayawon ko ang akon mga kamot
sa pagpangamuyo sa imo. (S.)
3. Ang akon kalag magapaayaw-ayaw kag mabusog, kag
magakanta ako sa imo sang masadya nga ambahanon sa
pagdayaw. Samtang nagahigda ako ginadumdom ko ikaw, sa
bilog nga gab-i yara ka sa akon panghunahona. (S.)
4. Nagakapyot ako sa imo, kag ginauyatan mo ako sing malig-on
agod indi ako maano. Ang nagtinguha sa pagpatay sa akon
magapanaog sa duta sang mga patay. (S.)

Si San Pablo nagatudlo sang kamatuoran: ang matuod
nga pagsimba amo ang pagpangita sa kabubut-on sang Dios
29

kag ihalad ang aton kabuhi bilang sakripisyo. Sa amo lang
sina nga pamaagi nga mangin matuod man ang pagsimba sa
Eukaristiya.

2. Roma 12: 1-2

Ang Pagbasa gikan sa Sulat ni San Pablo nga Apostol, sa mga
taga-Roma.

Mga utod: Tungod sang daku nga kaluoy sang Dios sa
aton, nagapakilooy ako sa inyo nga ihalad ninyo ang inyo mga
kaugalingon subong isa ka buhi nga halad sa Dios, nga natugyan
sa pag-alagad sa iya kag sa iya nahamut-an. Amo ini ang matuod
nga pagsimba nga dapat ninyo ihalad. Indi kamo magsunod sa
mga pagginawi sang mga tawo sa sini nga kalibutan, kundi
itugyan ninyo ang inyo kaugalingon sa Dios agod nga iya kamo
bag-uhon, paagi sa bug-os nga pagbaylo sang inyo
panghunahuna. Dayon mahibaluan ninyo ang kabubot-on sang
Dios kon ano ang maayo, ang iya nahamut-an, kag himpit.

S: Salamat sa Dios.

Si Jesus nagtagna sang Iya pagkasakit kag
pagkabanhaw. Dayon Iya gin-tawag ang Iya mga gintutun-
an sa pagsunod sa Iya sa dalanon sang krus padulong sa
kabuhi. Nagpamalabag si Pedro tungod mabudlay ini
batunon. Pero amo ini ang pamaagi sang Dios.

ALELUYA
Ang Amay sang aton Ginoong Jesukristo nagahatag sing
kapawa sa inyo agod inyo mahibaluan kon ano ang paglaom sang
iya pagtawag sa inyo.

Mateo

Naghambal si Jesus sa iya mga gintuton-an, Dapat kamo
magkadto sa Jerusalem kag mag-antos sing tama sa mga
30

katigulangan sang mga Hudiyo, sa pangulo nga mga pari, kag sa
mga manunudlo sang Kasugoan. Pagapatyon ako kag sa ikatlo ka
adlaw pagabanhawon ako. Gindala sia ni Pedro sa uloonhan kag
ginsaway, Ginoo, ang Dios indi magtugot sini! Indi ini dapat
mahanabo sa imo! nagbalikid si Jesus kay Pedro kag
ginsingganan sia, Palayo ka sa akon Satanas! Ginbalabagan mo
ako, kay ang imo panghunahuna iya sang tawo, kag indi iya sang
Dios! Dayon si Jesus nagsiling sa iya mga gintuton-an, ang bisan
sin-o nga luyag magsunod sa akon, dapat niya kalimtan ang iya
kaugalingon, magpas-an sang iya krus kag magsunod sa akon.
Kay ang tawo nga buot magluwas sang iya kaugalingon nga
kabuhi madula sini, pero ang tawo nga nagadula sang iya kabuhi
bangud sa akon makakita sini. Ano bala ang makuha sang tawo
kon maangkon niya ang bug-os nga kalibutan kag madula niya
ang iya kabuhi? Wala gid! Wala sing sarang mahatag ang tawo
agod mabuhi sia liwat. Kay ang Anak sang Tawo madali na lang
magkari sa himaya sang iya Amay kaupod sa iya mga anghel, kag
dayon magahatag sia sing balos sa tagsa ka tawo suno sa iya mga
binuhatan.



P: Ang aton Ginoong Jesukristo nagatawag sa aton sa
pagsunod sa Iya, sa pagpas-an sang krus nga nagasunod
sa iya kag sa pagtugyan sa Iya sang tanan nga naga-
antus. Kita magpanawag sa Iya:

Ginoo, mangin kabakod Ka namon.
1. Para sa Simbahan ilabi na sa aton pungsod nga nagasa-
ulog sang Tuig sang mga Laiko, agod nga si Kristo
makita sing maathag sa pag-alagad sini sa Dios kag sa
katawhan, sa iya mahigugmaon nga pagkabalaka sa mga
kubos kag sa iya misyon sa pagpalapnag sang
ebanghelyo, mangamuyo kita: (S.)
2. Para sa mga naga-antus sa ila lawas kag sa ila
tagipusoon, para sa mga naga-ubra sa katarungan sa
31

kalibutan kag paghidait sa katawhan, agod nga ila
matalupangdan nga sila nagahiusa kay Ginoong Jesus sa
Iya kasakit kag kamatayon, mangamuyo kita: (S.)
3. Para sa mga may kabudlayan sa pagbaton sang kabubot-
on sang Dios kag sang ila misyon sa kabuhi, agod nga
sila makasumalang sang mga abyan nga magahatag
inspirasyon sa ila sa pagbalik sang ila pagsalig sa Dios
kag sa katawhan, mangamuyo kita: (S.)
4. Para sa aton nga nagatipon diri sa Eukaristiya agod nga
kita mangin matuod sa pagpangita sang kabubot-on sang
Dios dira sa paghiusa upod sa aton Ginoong Jesukristo,
mangamuyo kita: (S.)

P: Ginoong Jesukristo, gina-agda Mo kami sa pagsunod sa
Imo kag sa paghalad sang sakripisyo upod sa Imo. Mag-
upod Ka sa amon karon kag sa mga tuig sang mga
katuigan. Amen.

O Ginoo, itugot nga ining paghalad maghatag gid sa amon
sang Imo dayon nga bendisyon, agod nga ang amon ginasaulog
sa isa ka paagi nga makita magpatigayon sa amon sang
kaluwasan. Ginapangayo namon ini sa Imo, paagi kay Kristo nga
amon Ginoo.

PREPASYO
kabuhi nga dayon.

32

O Ginoo, daw ano ka makatilingala ang maayo nga mga
butang nga Imo ginatigana sa mga nagahigugma sa Imo.

O Ginoo, Imo kami ginpabakod paagi sa kalan-on sining
langitnon nga bangkete; itugot nga ining kalan-on magpalig-on
sang paghigugma sa amon tagipusoon agod mag-alagad kami sa
Imo kag sa amon mga utod. Ginapangayo namon ini sa Imo,

Kaadlawan
Agosto
4 (1959) - Bp. Gerardo A. Alminaza
(1975) - Fr. Jacob E. Segurola
6 (1967) - Fr. Romulo G. Mendoza
9 (1956) - Fr. Rodolfo J. Tan
10 (1968) - Fr. Rene H. Gaylon
11 (1945) - Msgr. Victorino A. Rivas
(1959) - Fr. Jose Ma. B. Aguas
(1968) - Fr. Elmer B. Poniado
12 (1970) - Fr. Joebel E. Mangubat
13 (1958) - Fr. Alejandro V. Colmeiro
14 (1939) - Fr. Eusebio T. Mana-ay
16 (1938) - Msgr. Benjamin N. Villanueva
18 (1972) - Fr. Dominic Dexter M. Somcio
19 (1934) - Fr. Emilio A. Henares
(1972) - Fr. Ronald S. Quijano
22 (1966) - Fr. Ernie A. Larida
29 (1961) - Fr. Alfredo Z. Gamarcha
(1974) - Fr. Chris S. Gonzales
(1974) - Fr. Augustine S. Hinayan
30 (1968) - Fr. Jesmar V. Manato

Annibersaryo sang Pagkapari

4 (2008) - Bp. Gerardo A. Alminaza
(Episcopal Ordination)
9 (1997) - Fr. Jonathan G. Borromeo
- Fr. Christopher C. Entrata
- Fr. Jose Rey F. Erexima
- Fr. Joeffrey T. Flores
33

15 (1986) - Fr. Alejandro V. Colmeiro
25 (1995) - Fr. Anthony Ben M. Ayubo
31 (2012) - Fr. Jomar Burgos, LRMS

Annibersaryo sang Pagkapatay

13 (2009) - Msgr. John B. Liu
24 (1982) - Msgr. Donato Lambayan
27 (1989) - Fr. Rafael Arib

Piesta

16 San Roque Parish Daan Banwa
16 St. Roch Parish Tanza
16 San Roque Church Tabao
18 Sta. Helena Chaplaincy Paticui
19 St. Ezekiel Moreno Monastery Tangub

MGA NAGAPASUNOD
NGA HILIKUTON SA MISA

HILIKUTON SA PAGSUGOD

Pari: Sa ngalan sang Amay, kag sang Anak kag sang
Espiritu Santo.
34

Tumoluo: Amen.

Pari:
A. Ang grasya sang aton Ginoong Jesukristo, ang
gugma sang Dios nga Amay, kag ang
paghiupod sang Espiritu Santo, yara sa inyo
tanan.
B. Ang grasya kag paghidait sang Dios nga Amay
kag sang aton Ginoong Jesukristo yara sa inyo.
C. Ang Ginoo yara sa inyo.
Tumoluo: Kag yara man sa imo.

Pagkatapos sang panamyaw sang pari, ginahimo sa sini nga tion ang Introduksyon sa
Liturhiya
BULUHATON SA PAGHINULSOL

Pari: Mga utod, kilalahon naton ang aton mga sala
agod nga mangin takus kita sa pagselebrar
sining balaan nga mga misteryo

Tanan: Nagakompesar ako sa Dios nga makagagahom
sang tanan kag sa inyo, mga utod, kay
nakasala ako nga tuod sa hunahuna, sa
pulong, sa buhat, kag sa pagpatumbaya.

Sa akon sala, sa akon sala, sa akon daku nga
tuod nga sala. Busa, nagaampo ako kay Santa
Maria Birhen gihapon, sa tanan nga mga
Angheles kag mga Santos kag sa inyo, mga
utod, ig-ampo ninyo ako sa aton Ginoong
Dios.

Pari: Kabay nga maluoy sa aton ang Dios nga
makagagahum sang tanan kag sa napatawad
na ang aton mga sala, tuytoyan kita Niya
padulong sa kabuhi nga wala sing katapusan.
Tumoluo: Amen.

KYRIE

35

P. Ginoo, maluoy Ka sa amon. T. Ginoo, maluoy Ka sa amon.
P. Kristo, maluoy Ka sa amon. T. Kristo, maluoy Ka sa amon.
P. Ginoo, maluoy Ka sa amon. T. Ginoo, maluoy Ka sa amon.

HIMNO SANG PAGDAYAW
(Sa Panahon sang Adbiento kag Kwaresma wala sang Himaya sa Dios luwas kon ini
ginasambit sa Ordo sa mga Piesta Solemne nga dapat gamiton sa sulod sini nga mga
Panahon)

Tanan: Himaya sa Dios sa kahitaasan, kag sa duta
paghidait sa mga tawo nga Iya nahamut-an.
O Ginoong Dios, Hari nga langitnon, Dios nga
Amay nga makagagahom sang tanan.
Nagadayaw kami sa Imo, nagapanginbulahan
kami sa Imo, nagasimba kami sa Imo,
nagahimaya kami sa Imo, nagapasalamat
kami sa Imo, bangud sang daku Mo nga
himaya.

O Ginoong Jesukristo, bugtong nga Anak,
Ginoong Dios, Kordero sang Dios, Anak sang
Amay Ikaw nga nagawala sang mga sala sang
kalibutan: maluoy Ka sa amon. Ikaw nga
nagawala sang sala sang kalibutan: batuna
ang amon pag-ampo. Ikaw nga nagalingkod sa
tuo sang Amay, maluoy Ka sa amon.

Tungod kay Ikaw lamang ang Santo, Ikaw
lamang ang Ginoo, Ikaw lamang ang Labing
Mataas, O Jesukristo, upod sa Espiritu Santo
sa himaya sang Dios nga Amay. Amen.
PANGAMUYO

Pari: Mangamuyo kita
Tumoluo: Amen.

LITURHIYA SANG PULONG


36

NAHAUNA NGA BALASAHON
Lektor: Ang pagbasa gikan sa
Tumoluo: Salamat sa Dios.

SALMO SA PAGSABAT


IKADUHA NGA BALASAHON
Lektor: Ang pagbasa gikan sa
Tumoluo: Salamat sa Dios.


ALELUYA

EBANGHELYO

Pari: Ang Ginoo yara sa inyo.

Pari: Ang pagbasa gikan sa Santos nga Ebanghelyo
suno kay San N.
Tumoluo: Himaya sa Imo, O Ginoo.

Pari: Ang Ebanghelyo sang Ginoo.
Tumoluo: Dayawon Ka, O Ginoong Jesukristo.

HOMILIYA

PAGPAHAYAG SANG PAGTUO:
KREDO NICENO-CONSTANTINOPOLITANO
(Ini ginagamit sa Panahon sang Adbiento, Pagkatawo, Ordinaryo nga Panahon kag mga
Piesta Solemne sa gwa sang Panahon sang Kwaresma kag Pagkabanhaw)

Tanan : Nagatuo ako sa isa lamang ka Dios Amay nga
makagagahom sang tanan, Magbubuhat sang
langit kag sang duta, sang tanan nga makita
kag indi makita.

37

Nagatuo ako sa isa ka Ginoo nga si Jesukristo
Bugtong nga Anak sang Dios nga gin-anak
sang Amay sa wala pa ang kalibutan, Dios
gikan sa Dios, Kasanag gikan sa Kasanag,
Dios nga matuod gikan sa Dios nga matuod,
gin-anak Sia, wala gintuga, isa sing kinaugali
sa Amay.

Paagi sa Iya ang tanan gintuga. Tungod sa
aton nga mga tawo kag tungod sa aton
kaluwasan nanaog Sia gikan sa langit,

(Ang tanan nagaduko samtang ginasiling ang masunod nga duha ka
linya.)

kag ginpanamkon Sia ni Maria nga Birhen sa
lalang sang Espiritu Santo kag nahimo nga
tawo.

Ginlansang Sia sa krus tungod sa aton sa sugo
ni Poncio Pilato; nag-antus kag ginlubong, kag
nabanhaw Sia sa ikatlo ka adlaw suno sa
Kasulatan, kag nagkayab sa langit,
naglingkod sa tuo sang Amay. Kag magakari
Sia liwat nga mahimayaon sa paghukom sang
mga buhi kag sang mga Minatay, kag ang Iya
ginharian wala sing katapusan.

Nagatuo ako sa Espiritu Santo ang Ginoo kag
Magbubuhi, nga nagikan sa Amay kag sa
Anak. Upod sa Amay kag sa Anak ginasimba
kag ginahimaya Sia sing tingob. Naghambal
Sia paagi sa mga propeta. Nagatuo ako sa
Simbahan nga Isa, Santa, Katolika kag
Apostolika. Nagatuo ako sa isa lamang ka
Bunyag sa kapatawaran sang mga sala.
Nagapaabot man ako sang pagkabanhaw sang
mga minatay kag sang pagkabuhi nga wala
sing katapusan. Amen.

PAGPAHAYAG SANG PAGTUO:
38

KREDO SANG MGA APOSTOLES
(Ini ginagamit sa Panahon sang Kwaresma kag Pagkabanhaw kag sa mga Piesta Solemne
sa sulod sining mga Panahon)

Tanan : Nagatuo ako sa Dios, Amay nga
makagagahom sang tanan Magbubuhat sang
langit kag sang duta. Nagatuo ako kay
Jesukristo, Iya Anak nga Bugtong nga aton
Ginoo,

(Ang tanan nagaduko samtang ginasiling ang masunod nga mga
linya tubtob sa Santa Maria Birhen.)

nga ginpanamkon sa lalang sang Espiritu
Santo, ginbun-ag ni Santa Maria Birhen;

ginsakit sa sugo ni Poncio Pilato ginlansang
sa krus, napatay kag ginlubong. Nanaog sa
mga minatay. Sa ikatlo ka adlaw nabanhaw
Sia nga naghalin sa mga minatay, kumayab sa
mga langit kag nagalingkod sa tuo sang Dios
nga Amay makagagahom sang tanan.

Gikan didto magakari pa Sia liwat sa
paghukom sang mga buhi kag sang mga
minatay. Nagatuo ako sa Espiritu Santo; sa
Santa Iglesia Katolika; sa ginkakaupdan sang
mga Santos; sa kapatawaran sang mga sala;
sa pagkabanhaw sang mga lawas; kag sa
pagkabuhi nga wala sing katapusan. Amen.


LITURHIYA SANG EUKARISTIYA

PAGHALAD
KALANTAHON SA PAGHALAD

Pari: Magpangamuyo kamo, mga utod agod ang
akon kag ang inyo sakripisyo mahamut-an
39

sang Dios, Amay nga makagagahom sang
tanan.

Tumoluo: Batunon unta sang Ginoo ang sakripisyo sa
Imo mga kamot sa kadayawan kag sa
kahimayaan sang Iya ngalan, sa aton man
kapuslanan kag sa bug-os Niya nga Santa
Iglesia.


ANG PANGAMUYO EUKARISTIKO


Pari: Ibayaw ang inyo kasingkasing.
Tumoluo: Nabayaw na namon sa Ginoo.

Pari: Magpasalamat kita sa Ginoo nga aton Dios.
Tumoluo: Takus kag angay gid.

PREPASYO

SANTO

IKADUHA NGA PANGAMUYO EUKARISTIKO

Pari: Santos Ikaw nga tuod, O Ginoo, kag tuboran
sang tanan nga pagkasantos. Gani, ipadala ang
Imo Espiritu, sa pagpasantos sining mga dulot,
agod nga mahimo ini para sa amon nga Lawas
kag Dugo sang amon Ginoong Jesukristo.

Sa wala pa sia gintugyan sa kamatayon nga Iya
ginbaton sing kinabubut-on. Iya ginkuha kag
ginpamihakpihak ang tinapay nga
nagapasalamat sa Imo, kag Iya ini ginpanagtag
sa Iya mga gintuton-an nga nagasiling:

40

Magkuha kamo tanan kag magkaon sini;
kay ini amo ang akon Lawas nga
igatugyan para sa inyo.

Subong man, pagkatapos sang panihapon Iya
ginkuha ang kalis nga nagapasalamat liwat
kag Iya ini ginpalibot sa Iya mga gintuton-an
nga nagasiling:

Magkuha kamo tanan kag mag-inom sa
sining kalis, kay ini amo ang kalis sang
akon Dugo; ang Dugo sang bag-o kag
walay katapusan nga kasugtanan, nga iga-
ula para sa inyo kag para sa tanan sa
kapatawaran sang mga sala. Himoa ninyo
ini sa akon handumanan.
Ang misteryo sang pagtuo.

Tumoluo: Ginabantala namon, O Ginoo, ang Imo
kamatayon, kag amon ginapahayag ang Imo
pagkabanhaw, tubtob sa Imo pagbalik

Pari: Gani, O Amay, amon ginahalad sa Imo ining
tinapay sang kabuhi kag ining kalis sang
kaluwasan, sa pagsaulog namon sang
handumanan sang pagkamatay kag
pagkabanhaw sang Imo Anak. Nagapasalamat
man kami sa Imo kay Imo kami ginkabig nga
mga takus sa pag-atubang kag sa pag-alagad
sa Imo sa sining sakripisyo. Nagapakiluoy
kami nga ang Espiritu Santo magpahiusa sa
amon nga nagaambit sang Lawas kag Dugo ni
Kristo.

O Ginoo, dumdoma ang Imo Simbahan nga
nalapnag sa bug-os nga kalibutan; himpita sia
sa paghigugma, upod sa amon Santo Papa nga
si Francisco, sa amon Obispo nga si Vicente,
41

kag sa tanan nga kaparian.
______________________________________________________
Dumdoma ang Imo [mga] anak
Nga si N. [si N. Kag N.]
Nga Imo gintawag [karon] sa sining kinabuhi.
Paagi sa pagbunyag sa iya [ila],
Nahiusa sia [sila] sa pagkamatay ni Kristo;
Itugot nga mahiusa man sia [sila] sa Iya
pagkabanhaw.
______________________________________________________

Dumdoma ang mga sakop sining amon
katilingban nga nagtaliwan nga may paglaum
nga mabanhaw sila. Dumdoma man ang tanan
nga nagkalamatay sa Imo pagkaabyan: batuna
sila sa pagtan-aw sang Imo mahimayaon nga
nawong.

Kaluoyi man kami nga yari diri nagatambong,
agod maambit namon ang kabuhi nga wala
sing katapusan, magdayaw kag maghimaya
kami sa Imo, upod kay Santa Maria Birhen,
Iloy sang Dios, upod kay San Jose, iya bana,
upod sa mga Apostoles kay San Sebastian,
(Patrona sang parokya/kapilyaniya), kag sa tanan
nga mga Santos nga nagpahamuot sa Imo,
paagi sa Imo Anak nga si Jesukristo.

Paagi sa Iya, upod sa Iya, kag dira sa Iya,
ginahatag sa Imo, O Dios, Amay nga
makagagahom, sa kaisahan sang Espiritu
Santo, ang tanan nga dungog kag himaya sa
tanan nga mga tuig sang mga katuigan.

Tumoluo: Amen.

HILIKUTON SA PAGKALAWAT
42

Pari: Tungod kay ginsugo sang aton Manluluwas
mangamuyo kita sa daku nga pagsalig suno sa
Iya gintudlo sa aton
1
:

AMAY NAMON

Tanan: Amay namon, nga yara Ka sa mga langit;
pagdayawon ang Imo ngalan; umabot sa amon
ang Imo ginharian; matuman ang Imo pagbuot
diri sa duta siling sang sa langit.

Hatagan Mo kami nian sing kan-on namon sa
matag-adlaw kag patawaron Mo kami sang
mga sala namon siling nga ginapatawad
namon ang mga nakasala sa amon; kag dili
Mo kami ipadaog sa mga panulay, hinonoo
luwason Mo kami sa kalaut.

Pari: Luwason Mo kami, O Ginoo, sa tanan nga
kalautan. Hatagi kami sing paghidait sa amon
mga inadlaw. Buligi kami agod maluwas kami
gihapon sa sala, kag palig-ona kami sa tanan
nga mga palaligban, samtang nagapaabot kami
sang bulahan nga adlaw nga amon ginalauman
nga magabalik si Jesukristo nga amon
Manluluwas.

Tumoluo: Kay Imo ang ginharian, ang gahom kag ang
himaya sa mga tuig sang mga katuigan.

Pari: O Ginoong Jesukristo, Ikaw nagsiling sa Imo
mga Apostoles: ang paghidait ginabilin Ko sa
inyo, ang Akon paghidait ginahatag Ko sa
inyo; indi pagtamda ang amon mga sala, kundi
ang pagtuo sang Imo Simbahan, kag, suno sa

1
Amo ini ang Pangagda sa Amay Namon ang gamiton. Ang iban nga options
nga makita sa Sakramentaryo indi na paggamiton.
43

Imo ginsiling, hatagi sia sing paghidait kag
paghiusa. Ikaw nga nagakabuhi kag nagahari
sa tanan nga mga tuig sang mga katuigan.
Tumoluo: Amen.

Pari: Ang paghidait sang Ginoo yara gihapon sa
inyo.

Pari: Maghatagay kamo sing paghidait.

Tanan: Kordero sang Dios, nga nagawala Ka sang
mga sala sang kalibutan, maluoy Ka sa amon.
Kordero sang Dios, nga nagawala Ka sang
mga sala sang kalibutan, maluoy Ka sa amon.
Kordero sang Dios, nga nagawala Ka sang
mga sala sang kalibutan, hatagan Mo kami
sing paghidait.

Pari: Yari ang Kordero sang Dios nga nagawala sang
mga sala sang kalibutan. Bulahan ang mga
ginadapit sa bangkete sang Kordero.

Tanan: Ginoo, dili ako takus nga magsulod Ka sa
akon puloy-an; apang imitlang lamang ang isa
ka pulong kag magaayo ang akon kalag.

Pari: Mangamuyo kita
Tumoluo: Amen.

MGA PAHIBALO
Kon may ara nga mga pahibalo, ginahimo ini sa sini nga tion.

HILIKUTON SA PAGTAPOS

Tanan: Kag yara man sa imo.

Pari: Bendisyonan kamo sang Dios
44

nga makagagahom sang tanan,
Amay Anak kag Espiritu Santo.
Tanan: Amen.

Pari: Lakat kamo sa paghidait:
tapos na ang Misa.
Tanan: Salamat sa Dios.

45

LITANIYA SANG PAGPASALAMAT
SANG LAIKO NGA PILIPINO
Year of the Laity 2014
O Dios nga amon Amay nagapasalamat kami sang
dulot sang Laiko nga Pilipino sa Imo Simbahan.

Sa tagsa ka pagpanawag ang aton sabat:

Nagadayaw kag nagapasalamat kami sa Imo!

Bangud sang amon Iloy, ang Mahal nga Birhen Maria, Iloy
sang amon pungsod Pilipinas, nagahimaya kami sa Imo.

Bangud sang pagpadungog Mo sa amon tungod sang
pagkahimo nga Santos sang amon mga kasimanwa sanday
Lorenzo Ruiz kag Pedro Calungsod kag sa pagpadya Mo sa
ila sang corona sang pagkamartir, kami nagahimaya sa Imo,

Bangud sang Imo pagtawag sa amon nga mangin balaan kag
sa pagpadala mo sa amon subong mga baganihan, kami
nagahimaya sa Imo!

Bangud sang handum kag pagkakugi sang amon mga
pamatan-on, sa kalipay kag pagka-inocente sang amon mga
kabataan, kami nagahimaya sa Imo.

Bangud sang kalulo kag gugma nga Imo gindala sa tagsa ka
panimalay nga Pilipino, kami nagahimaya sa Imo.

Bangud sang mga Laiko nga Pilipino nga nagapangabudlay
sa malayo kag banyaga nga pungsod, kami nagahimaya sa
Imo.

46

Bangud sang mga nagatarabaho sa gobyerno, mga
negosyante kag propesyonal nga nagapangabudlay nga may
pagkatampad kag integredad, kami nagahimaya sa Imo.

Bangud sang mga mamumugon, mga mangunguma, mga
mangingisda nga nagadala sang kadungganan sa tawhanon
nga pagpangabudlay bilang tinugyanan sang Imo mga
tinuga, kami nagahimaya sa Imo.

Bangud sang mga tigulang, mga nagamasakit, mga maluya,
mga may sablag sa lawas, may palaligban, kag bangud sa
paglaum kag kaisog nga ila gintudlo sa amon paagi sa ila
pagpangabuhi, kami nagahimaya sa Imo.

Bangud sa mga wala makilala nga mga Pilipino nga nangin
Santo kag baganihan, kami nagahimaya sa Imo.

O Amay, kami nagasaulog sang dungog kag misyon sang
Laiko nga Katoliko kag Pilipino. Buligi kami agud kami
magtubo sa pagtuo. Tudloi kami nga mangin maisog.
Dugangi ang amon paghigugma paagi kay Kristo nga amon
Ginoo. Amen.

PK August2014 - Ika-18-Ika-22 Nga Domingo Sa Ordinaryo Nga Panahon-A

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

PK August2014 - Ika-18-Ika-22 Nga Domingo Sa Ordinaryo Nga Panahon-A

Uploaded by

Copyright:

Available Formats

1

Liturhikal nga Giya

You might also like