Professional Documents
Culture Documents
Pananaliksik Mid3-2
Pananaliksik Mid3-2
Pananaliksik:
Kahulugan,Layunin,Katangian at Uri
Kahulugan
May ibat-ibang paraan ng pagpapakahulugan sa pananliksik.
Good (1963) - Ang pananaliksik ay isang maingat, kritikal, disiplinadong inquiry sa
pamamagitan ng ibat ibang teknik at paraan batay sa kalikasan at kalagayan ng
natukoy na suliranin tungo sa klaripikasyon at/o resolusyon nito.
Aquino (1974) - Ang pananaliksik ay isang sistematikong paghahanap sa mga
mahalagang impormasyon hinggil sa isang tiyak na paksa o suliranin.
Manuel at Medel (1976) - Ang pananaliksik ay isang proseso ng pangangalap ng mga
datos o impormasyon upang malutas ang isang partikular na suliranin sa isang
syentipikong pamamaraan.
Parel (1966) - Ang pananaliksik ay isang sistematikong pag-aaral o imbestigasyon ng
isang bagay sa layuning masagot ang mga katanungan ng isang mananaliksik.
E. Trece at J.W Trece (1973) - Ang pananaliksik ay isang pagtatangka upang
makakuha ng mga solusyon sa mga suliranin. Idinagdag pa nila na ito ay isang
pangangalap ng mga datos sa isang kontroladong sitwasyon para sa layunin ng
prediksyon at eksplanasyon.
Calderon at Gonzales (1993) - Formulated in more comprehensive form, research may
be defined as a purposive, systematic and scientific process of gathering, analyzing,
classifying, organizing, presenting and interpreting data for the solution of a problem, for
prediction, for invention, for the discovery of truth, or for the expansion or verification of
existing knowledge, all for the preservation and improvement of the quality of human life.
Layunin
Upang makadiskubre ng mga bagong kaalaman hinggil sa mga batid nang penomina.
Halimbawa:
Ang alkohol ay isa nang batid na penomina at sa pamamagitan ng pananaliksik,
maaaring makalikha ng isang fuel mula sa alkohol na ang kalidad ay katulad ng sa
gasolina.
Upang makakita ng mga sagot sa mga suliraning hindi pa ganap na nalulutas ng mga
umiiral na metodo at impormasyon
Halimbawa:
Ang kanser ay isang malubhang sakit na hindi pa nahahanapan ng ganap na lunas,
ngunit sa pamamagitan ng mga intensib at patuloy na pananaliksik, ang sakit na ito ay
maaaring malunasan na sa hinaharap.
Mapagbuti ang mga umiiral na teknik at makadebelop ng mga bagong instrumento o
produkto.
Halimbawa:
Sa pamamagitan ng mga pananaliksik sa komunikasyon at teknolohiya,
napakikinabangan na natin sa kasalukuyan ang mga makabagong kagamitan tulad ng
komputer, cell phone, fax machine at iba pa. inaasahan na bunga ng patuloy na
pananaliksik sa larangan nabanggit, higit sa sopistikado at episynte ang mga
kagamitang maiimbento at gagamitin natin sa hinaharap.