PAGPUPUGAY
lumabas sa lansangan
parang kailan lang
mga ninuno at magulang
nagbuwis ng kanilang buhay
upang ipaglaban
dignidad at mga karapatan
ng mga kababaihan
walang kasing dakila
ang kanilang adhikain
layunin hindi pansarili
kundi pangkalahatan
upang henerasyon ngayon
kalayaan makamit at
maranasan
parang kailan lang
mga kababaihan
karamihan sa bahay ay tali
asawa't anak pinagsilbihan
tinaguriang ilaw ng tahanan
iminulat sa ganoong kaisipan
tinanggap magandang
tadhana o kapalaran
pinagmalaki at pinupuri
sinabitan ng medalya
hinangaan, ginawang
halimbawa
para pamarisan ng iba
parang kailan lang
nabago't nabuksan mga
kaisipan
pananaw sa mga kababaihan
hindi pambahay na lang
isang kamulatang
sa daan taong
mahabang pinagdaanan
patuloy na pinaglaban
mga maria, lorena at gabriela
makialam usaping panlipunan
makilahok at makipagkapit-
bisig
parang kailan lang
mga nanay, asawa, anak na
babae
libu-libong lumisan sa mga
tahanan
naging OFW sa ibang bayan
sa mga banyaga nanilbihan
tinaguriang bagong bayani
ng mga taga-pamahalaan
ngunit sa katotohanan
sila ang makabagong alipin
dollar remittance naging
sandalan
ekonomiyang naghihingalo
bansang lugmok sa kahirapan
parang kailan lang
sa pahina ng kasaysayan
pati sa banal na kasulatan
magandang halimbawa
dakilang mga gawa
ng mga kababaihan
hindi pansin o binabalewala
unti-unti binuklat muli
binasa at inunawa
sa mga mata at karanasan
ng mga kababaihang
nakikibaka't patuloy na
lumalaban
kaya hindi dapat manghina
o mawalan ng pag-asa
mga lola, nanay, tita at ate
kasama ang mga lalaki
bakla at lesbiana, pari at mga
madre
manggagawa at magsasaka
mga lumad, moro at taga-
cordillera
maniniwala: may suporta at
nakikiisa
sa dakilang adhikain at
kilusan
pakikibaka ng mga
kababaihan
para sa ganap na kalayaan
sa Diyos ay binabasbasan
marso 9/09
5:35-6:58pm