YMA ARSI

KAN HUN hman MEK HI:

S. Lalhmuaka, Branch Asst. Secretary

Kan hun hman mek hi “Computer Age/Button Age” sapho chuan an ti ani awm e.Kan hmewt zeuh a,
khawvel letliama thil thleng mek kan hmu nghal thin. Kan thil hmuh te chu thil chi hrang hrang, infiamna
lamte, intihhlimnate, indona, inrawkna, inrikrapna, hmasawnna, a chhia a tha in kan hmu thei reng. Thil
tha leh hmasawnna lama ke pen duh tan pawh rawn tur tam tak a awm ani awm e.A thalo lama hun
hmang duh tan lah chuti hlauh chu a ni a. Tunah hian chutiang hunah chuan kan cheng mek ani a, hun
inher danglam mekah kan cheng mek ani.
Kan hun hman mekah hian pawl hrang hrang leh khawtlang hruaitute tan pawh inkaihhruai dan thiam a
har hle mai. Tun hma deuh a hruaituten tih tur an tih kha chu ihe lovin mipuiin kan zui mai a. Tunah
chuan chutia tih awm,khatia tih zawk tur kan ti a. A ni renga, tunhma chuan khaw khata chengho
eizawnna chu lo neih kha ani deuh vek a, tunah erawh chuan kan hnathawh leh eizawnna a in an loh em
avangin inthurual taka thil tihho a lo har ta a. Khawtlang in awmni kham tur ani han ti ngawt mahila, kan
nitin hna chawlhsan hlei thei lo kan tam tlat zel. Mahse, tumah han in dem thei kan awm chuang lo.
Mahni eizawnna hlamchhiah theih ani tlat lo. Hetih lai mek hian chhiatnia kan insawngbawl dan pawh hi
han thlir ila,kan tihdan phung leh kan hun hman meka inhmehlo pawh a awm nual tawh maithei. Mahse
tuna kan tih dan thlakna tur tha kan hriat hma chuan chhiatnia kan insawngbawl dan hi chu tlansan thei
kan nih loh avangin kan theih ang anga kan la chhawmnun zel ala pawimawh tlat ani.
Chuvangin kan hun hman mekah hian changkanna leh hmasawnna thil chi hrang hrang in min chim
mahse kan hruaituten min hruai ang hian kal thiam hram i tum tlat ang u.

EDITORIAL

Tunlai hian kan tualchhunga member engemaw zatin zirna lama an kaisanna tur rahbi pawimawh
tak EXAM an beichho mek zel a, kar hmasa chhuaka kan tarlan angin kan hruaituten duhsakna
thilpek(Mihring te ngaih chuan a te maithei!!)an pe tih kan tarlan kha. Zirna kawnga hmalatu nih
hreh hauh lo hruaitu kan nei hi a lawmawm takzet a ni.
Term hmasa a thu hmanga ZIRNA lam kan thlawpna kha tunah chuan a tak ramin kan che
chhuak thei hi a lawmawm takzetin ka hria. Zirlai te thlavang hauh a, fuihtu leh phurpuitu nih hi
YMA ten kan mawh a kan dah thiam a pawimawh hle reng a ni.
Chutih mek laiin, khawvel a changkang a thiamna leh finna a sang, sum leh paia mitin thahnem
kan ngaihna kawngah kan tu kan fa ten eng harsatna nge an tawh tih kan chhutpui a kan
ngaihtuah a ngai. Khawvel ram changkang leh indodelh ramten hnathawh an hreh lo tih kan hria.
Zirlai nih a, sum leh pai dehchhuah hi tum ruh fe tan lo chuan hlawhtlin a har viau in ka ring. Ni
tha leh sum hmuhna anih phawt chuan ti a kan fate, zirlai an nih pawh hre lek lo maia kan
tirchhuak thin hi NU leh PA ten kan ngaihtuah ngun chu a ngai.
Sum chuan a hlutna hlawhchhuak tu a mamawh, zirna kawnga kan fa tlan mekten inhlawh a ni sa
hnuaia cheng 100 an hlawh a kan lo lungawipui thei zel anih chuan hmabak kan dawn thui tawk
lo tihna ni ah ka ngai. Hun leh ni a inher zel anga, thiamna hmang lo chuan hmasawnna rahbi
chuankai a har tih ka hriat a pawimawh.
Zirlai te dimdawi thiam hi mitin mawh a ni tih hria ila, in chhung sekrek an khawih hi chu sawi
kher a ngai lovang, ZIRNA hi hmabak mi hlen tirtu rahbi pawimawh takah ngai theuh ila a va
duhawm em.
A tawp berah chuan tuna Exam bei mekte Arsi Board ten kan duhsakna sang ber kan hlan mawlh
mawlh cheu a, hlawhtling ngei tur pawhin taimak chhuah hram hram a, thangthar leh zel turte
darthlalang i nih hi hre reng ula kan duh. Matric exam a 1st division pass chu Board in YMA
Day ah Rs.50/-lawmpui nan kan hlan ang.

LAWMTHU SAWINA
Kan nu duhtak Lallawmi boral chungchang a min buaipui tu YMA nula leh tlangval, nu leh pa te chungah
thinlung takin lawmthu kan sawi a, In mi hmangaihna leh duhsakna kan dawn zawng zawng ah te hian
kan lawm takzet a, keini chuan kan rul seng dawn lo cheu a. Pathian in a let tamtakin rul cheu(Sela kan
duh e)rawh se.
In tanpuina dawngtu
Pu Hunthara leh A chhungte.
(Kar hmasa chhuakah thawktu lam in daih loh na avangin Lawmthu Sawitu te lawmthu sawina kan lo
mangnghilh palh a an mi hriatthiamna kan ngen mawlh mawlh e. Ed/-)

LAWMTHU SAWINA
Pu C. Lalhunthara te chhungkua chuan an nu Pi
Lallawmi hriatreng nan Mizo Cooker lian tak mai(Khap 8 vel)Branch YMA min pe a, Branch YMA in an
chhungkaw chungah lawmthu uar takin a sawi a ni. Mi inphal te leh thahnemngai te zarah YMA pawh a
changtlung zel a, hma a sawn zel a ni.

KHUALZIN/ZIN HAW TE
Pu C. Lalhlimpuia leh Pu Laldingliana te Aizawl atangin an lo chuang chhuak hlawl mai, vawn loh chibai
bukin kan lo lawm e. Engchen nge an cham dawn tih erawh kan hrelo tlats!
Pu Lalkimthanga, Vanapa Section pawh hna pawimawh avangin Aizawl ah a zin a, Pu Kaptinchhawna
pawhin a lo pal khuk thinna kan veng hun engemaw chen a cham hnuin Aizawl lamah min kirsan leh
tawh bawk. Tin, Pi Mawite-i w/o Pu GF. Lalniropuia, Taitesena Section pawh a U thlah a kal, Delhi tlanga
a zu hawi vung vung hnuin lam ang alo let leh tawh bawk. Aizawl Sumo Service, Pu T. Lalchhandama leh
Tv. Mavuana te pahnih veng chhungah an awm mek a, Pu Lianhminga erawh Aizawl lamah a cham mek
thung.