You are on page 1of 1

ፍካሬ፡ ዘጻድቃን ፡ ወዘኃጥኣን ፤

መዝሙር ፡ ዘዳዊት ፡ ሀሌ᎐ ሉያ ።


ብፁዕ ፡ ብእሲ ፡ ዘኢሖረ ፡ በምክረ ረሲዓን ፤

ወዘኢቆመ ፡ ውስተ ፍኖተ ኃጥኣን ፤

ወዘኢነበረ ፡ ውስተ መንበረ መስተሳልቃን ።


ዘዳእሙ፡ ሕገ እግዚአብሔር ፡ ሥምረቱ ፤

ወዘሕጎ ፡ ያነብብ ፡ መዐልተ ፡ ወሌሊተ ።


ወየከውን ፡ ከመ ዕፅ ፡ እንተ ትክልት ፡ ኀበ ሙሓዘ ማይ ፤

እንተ ትሁብ ፡ ፍሬሃ፡ በበጊዜሃ።

ወቈጽላኒ ፡ ኢይትነገ᎐ፍ ፤

ወኵሎ፡ ዘገብረ ፡ ይፌጽም ።


አኮ ፡ ከመዝ ፡ ኃጥኣንሰ ፡ አኮ ፡ ከመዝ ፤

ዳእሙ ፡ ከመ መሬት ፡ ዘይግሕፎ ፡ ነፋስ ፡ እምገጸ ምድር ።


ወበእንተዝ ፡ ኢይ᎐ትነሥ᎐ኡ ፡ ረሲዓን ፡ እምደይን ፤

ወኢኃጥኣን ፡ ውስተ ምክረ ጻድቃን ።


እስመ የአምር ፡ እግዚአብሔር ፡ ፍኖቶሙ ፡ ለጻድቃን ፤

ወፍኖቶሙሰ ለኃጥኣን ፡ ትጠፍእ ።

የንባብ ምልክቶች መፍቻ፦

= ተነሽ (rising intonation) = ወዳቂ (failing intonation) = ተናባቢ (forming compound) = ጠባቂ (stress)