Since 2006
ZAM Information Department
Estd. 2006
Informing People, Transforming Lives
“Maibiak dingte na maibiak un la, kihtak dingte kihta-in, phat dingte na phat un.”
Rome 13: 7b
EIMA MABAN EIMAH KIGIN’ KUL
(Anuai aa thute khempeuh pen, Zomi khat ii
OPE interview lutna pan, alut nailo a kisamte-in
theihkholh kigin’ kholhna a lemtuam dingin
hopsawnna hibek aa, OPE zum nasem
khat peuhpeuh ii ngaihsut piakna kihello hi.)
Hong kisapna ding phone nambat thupi
Tuhun teh Zomi gambel atamzaw USA tungding mahin ki
lunggulh leh, USA gam zong Malaysia tawnin gambelmi tam a
sangpen gam ki cithei ding hi. Tua ahih manin, adang gam a
ngim hamtang khat ihih kei buang leh RST iphi lai-in, OPE
atung ding phone nambat piak pen a kician piak kisam hi.
Nasep kuan denin phone len manlo pawl ihih leh zong,
lawmte phone a lenman zawdeuh a kician khat aa piakding
zong kisam hi. Phone nambat nih leh thum piak hangin uliante-
in hong muanlohna ding thu omlo hi.
Tua na piak phone nambatte OPE hong kisapma-in ahang
khatpeuh tawh zattheih nawnlohna na neih leh manlang takin
RST ah zaksak pah kisam hi.
OPE dawptheih hunte
RST interview lutzawh sawt ih kisak sim khitteh OPE mah
ih dawpnuam tek hi. OPE te zumkhak ni/kaal ahih kei buang
leh Tuesday, Wednesday leh Thursday hih ni thum sungin
Enquiry/dawpna neihtheih ding kong hong uh aa, ni khatteh a
dawpding mi ciangtan den uh hi. Tua ahih manin, a tamzaw in
zingsang nai 7:30 peuhmah lap hamtang uh hi. Eibang mah
zong tampi na om ki cithei hi.
OPE interview ni ding ki koici theih
A tamzaw pen a phone nambat piak tungtawn in kisam
kici thei hi. Pawlkhat leuleu a dawpna pan un interview a lutni
ding uh theikhia thei uh hi. Phone a kisap teh, pawlkhatte
phone len manlo ahih kei leh phawk khalo-in omkha thei aa,
zum hun sungin hopih kik aa dot theih zong hi-in, ih ciat kei
leh ZAM ah kidong theiding hi.
Interview ni ding theihkhit teh
Interview ni ding hong ki zaksak teh theihsa mah bangin
tua ni zingsang hunlap aa ih luttheih hamtang ding ei leh ei-in
ih vaihawm kul hita hi. Cihnopna-ah paulap tuamtuam zon’
theih om nawnlo hi. Ani dangkhat kingen mawk theilo hi.
Ih gampan ih taikhiat zong sawtin, ih taina zia leh ahang
khawng zong mang ngilh nuam pianta ihih loh ding kiphawk
pah kul ngiat hi. A kisap leh zong ciapteh kik ngiat kulding hi.
Patauh ngaihsut ding zong hilo aa, kiginglopi-in zong
interview va lutding hi peuhmah lo hi!
Kigin’ zia kibang theilo
Khatguak interview lutding leh innkuan tawh lutdingte kigin’
zia kibang theilo hi. Innkuan (zi/pasal/nau/ta/nu/pa) tawh
lutdingte-in khatguak lutdingte sangin kigin’ huai zaw hamtang
ding hi. Naupangnote bel (theihna ciangah) thu tam kidong
Volume 10, Issue 13
April 3, 2011
khollo thei hi. Ahih hangin, zi, pasal, pian’na nu, pian’na pa
khat peuhpeuh tawh a lutkhawmte pen, (tu ciangciang zakna-
ah) atuam tuakin thu kidong hamtang hi.
Atuam tuakin thu kidong cih hang patauhna ding omlo-in
innkuan mahin a kicing aa kigin’ khop ding hilel hi. Lungkim
huai takin kigin’ kholh ding eitek maban hipah hi.
Interview ni a tun’ ciang bangteng tuakding
OPE interview lutdingte kigualhna na omding hi. A lolte
zingsang nai 7 bangin a tungzong omtuak hi. Lol zawh mah
lah hoihlel in mu ingh. Kongpi ih lutteh ih UNHCR card tawh
hong check aa, hong piakik pahin, asunglam OPE te ngakna
phual ih tun’ phet mahin kamlet nasemte tung ih UNHCR card
appah kisam hi. (A theilo tampi ki omthei hi.)
Pawlkhatte asung lam kisam suak pahin, interview ding
aa kipan a vaite-uh zomkha pah hi. Pawlkhatte sun an nekkhit
teh kisam kik pan aa, pawlkhatte nitak nai 4 khitciang a kisam
zong omthei hi. Hih pen OPE uliante vaihawm dandan hilel aa,
ahih theih leh nibup hun abei lel dingin zong kigin’ hoihzaw
mai hi. Lungsim patauh omlo tak aa ngakding kisam hi.
Interview ma-in bangteng vaihawmna om
A masa-in ih UNHCR card ap pen tawh kamlet siate-in a
zum sung va tum uh aa, hong pusuah kik uh teh token (laidal
neu khat) leh ih card hong pia kik uh hi.
Tua hong piakding ciangin bang kam (dialect) zang cih
dotna om aa, Zomi kamlet kicing mahmah lel (theihna ciangah)
ahih manin kawlpau khawng siam hetlo pipi pauthei ingh
cihkhak lohding thupi ding hi. Kamletna-ah buaina omthei hi.
Tua laidal neu tung ah ih MY nambat a cih kigelh aa, tua
pen USA tun’ khit dong mah ciapteh gige ding bek thamlo-in,
OPE khit zum mabante-ah tua nambat tawh ih thu ki ciamtehta
ding, ci uh hi. Tuamah bangin, ih file nambat ih cihcih
zong UNHCR card nambat hong hi nawnlo aa, tua MY
nambat pen hita ding, ci uh hi. Mangngilh theih nawn
vetloh, ciapteh gige ding cihna hipah leuleu hi.
Ei hun khatteh (zingsang tung zong hithei, sun lam zong
hithei) kamlet nasemte-in a sunglam hong sam uh aa, interview
ding na hinai hetlo-in (vekpi tuaci-in um ingh) kamlet nasemte
khawlna khandeino sungah kamlet sia/nu kia tawh eima
innkuan sung, nu leh pa, unau cihteng ii thu tomkim laidal
khatah hong khumsak hi. Ih mipih kamlet sia/nu kia tawh ahih
manin mang pau cih zong kizalo aa, ei pau mahin hong dot
hiathiatna hun ki cithei hi. Tua laidal (form) pen, OPE bek hilo
DHS zum khawng ah aki puak toto ding ahi hi. A denlam teh
ulian pa/nu (officer) in zong tua laidal tung tawnin dotna tawm
hong dong hi. Innkuan unau vai, min te, kumte vai ki cithei hi.
Innkuan unau vai bangteng hong dong phadeuh
A vek sitsetin ciamteh manlo, phawklai teng ensuk ni; Hih
dotnate pen ih vekpi-in hong dong dingin lamet huai hi;
 Min dang na nei hiam? Suahni, suahkha, suahkum?
 Zi/pasal leh ta nei maw, neilo? (A neite atuam in a zi/
pasal’ min cihte, suahni, kha, kum cihte dong ding hi.)
ZAM THUPUAK
 Nu leh pa suahni, suahkha, suahkum? (Keibang a
suahkumte uh bek theician lai ka hih manin tuabek genthei
ingh; Phadawm lai, ki ngahsak bilbel uh hi.)
 Nu leh pa suahna khua?
 Upmawh khak hetloh khatin, na nu in pasal bangzah nei cih
leh na pa-in zi bangzah nei cihzong kidong bilbel hi.
 Nu leh pa kiten’na khua? A kiten’ kum? (A kiten’ kum cih
pen keibang tello ka hih mah bangin theilo mah ka cih leh
piangsak sam uh hi. A theite-in lah gending hipah ding hi.)
 Nu leh pa tulaitak kawh om cihzong kidong ngel hi.
 Nu leh pa tawh kisai hidan teng (phawk khakloh ommai
thei) kidong aa, tuamah bangin sanggam neite aa ding a suahni,
a suahkha, a suahkumte, innkuan nei uh maw, neilo cihte, ta
nei uh maw, neilo cihte, tulaitak tua ih sanggamte koi mun, koi
khua-ah om uh cihte kimtakin kidong hi. (Hih munte-ah zong,
sanggamte suahni leh suahkha pen kei bang theicianlo ka hih
manin a suahkum lian bekmah genthei ingh. A omna uh zong
ki thuzakna haksat tawh tellohte thei ke’ng mah cilel ingh. A
theician taktakte-in bel gending hipah ding hi.)
 Malaysia ah ih laizom sanggam khatpeuh ommaw, omlo
cih zong kidong hi.
Upmawh kholhloh dotna khat
Hih na phone nambat pen bang kum pan na zat hiam cih
dotna zong kidong bilbel hi. (Bangkum pan zat cih lian a tello
tading in, kei hoihsak mawkmawk ah, cianke’ng, theinawn
ke’ng cihpah ding hilel hi. Na theih gige ahih leh lah thutuam.)
Pilna sinzah leh nasep vai zong kidong
 Kawlgam ah bang kum pan sang kah kipan cih kidong hi.
 Laitan/Sang bangciang kah, bangciang zo, koi mun/khua
ah kah cih kidong hi. Bangteng sin cihzong kidong hi.
 Kawlgam ah bang sem, bang kum pan bang kum ciang,
nang pen a bang mun ah sem, na nasepnate ii ngimna bang
cihkhawng zong kidong hi. (Ei nasep ngei tawh kizui-in ih phawk
bangbang, ih ciat bangbang aa dawnding hiding hi.)
 Hih Malaysia ah bang sem, koimun ah cihzong kidong hi.
<<Zoplai ding>> Tg. Leikha
CDU In Mipi Hong Van
Gelnasa om bangin March 31, 2011
ni-in UNHCR-CDU pan gambel mite tawh
kimuhkhopna khat ZAM zum ah nai 4 sung
khawng hong bawlthei uh hi. CDU pan
Kawlgam gambel mite vai alen alianpennu
leh kamlet sianu khat hong paithei hi.
Ih vaihawm zia khat peuh kizui diamdiamin mainawt thei
ihih manin, thudong nuam, kimuhkhopna a neinuam gambelmi
kitam mah taleh hun saulo sungin ki zothei veve hi.
CDU uliante aa ding zong nasep zo suakkawm in, eisung
mahmah ah zong hamphatna angah tuam, a ngah manlo tuam
cihbang ki omlo pah hi. Hih pen, ih zumpi pan vaihawmna
khatpeuh mipi-in phunciaklo aa ih zuih diamdiam man ahi hi.
Tuabang takciang hamphatna angah pen mipi hipahin
Uliante muhna-ah zong etlawm sa uh aa, ih Kipawlna mahmah
zong vang pia leh aki panpih, aki veipih minamte hipah hihang.
Innkuan lutpih vai hong vaikhakzia
Mipi thudong sung panin innkuan lutpih tawh kisai adong
zong ki-om aa, hih tawh kisai-in Kipawlna makaite-in UNHCR-
RSD ah hong apsak dingin RSD pan aban hong vaihawm ding
uh cihtawh Uliannu-in vaikhak hi. Tuamah bangin Kipawlna
makaite tungah hih innkuan lutpih tawh kisai tulam ciang bangci
vaihawm ding cihte lamlahna zong hong neihpih thei hi.
April 3, 2011
SPF In Zomi Te Hong Van
Social Protection Fund (UNHCR-SPF) panin a hunhunin
Zomi te aa ding maban thupite ma hong patsak zelzel uh hi.
Rawang aa om Zomi te tawh ki mukhawm in mailam Zomi
te hamphatna, khan’tohna tuamtuam hong omtheihna ding
deihsakna aneihna uh tungtawnin March 31, 2011 ni nitak lamin
SPF makaipinu leh ZAM pan Lutangpi leh Thuzekpi tawh
kithuah in Rawang lam va hawhthei uh hi.
Kikupding thu bulpite leh kikupna
Social Protection Fund bangci bang, Rawang aa Zomi te
kisapna bangte, Mailam bang vaihawm ding cihte bulphuh hi.
SPF Uliannu-in SPF ii nasep ziate kicing takin pulakna
leh mipi lungsim kaihkhop thakna khat neithei hi.
Rawang aa Zomi te kisapna tuamtuam sung pan,
naupangte aa ding pilna, aneu alian cidamna lam, nasep,
khutsiamna leh computer lam sinna, ki kepbitna cihte tawh
kisai-in kikupna, ki pulakna ki neithei hi.
Uliannu’ thapiakna
Hihbang vai khempeuh a lawhcin’na dingin mipi hanciamna
kisam hi. Commitment (sepding kiciamna/khentatna) na nei
uh hiam? Pilna sinna ding hi leh a Sia ding om, a munding
FGA in piathei cihte, kidawn kikhakna ding koici vaihawm
khopding cihte lamlahna leh thapiakna neithei hi.
Working committee
Khual Khan Kam, Kham Suan Mung, Langh Za Cin, Lun
Lam Dim, Dim Sian Niang, Khual Dai, Kimkim, Kam Za Khai
Hih teng ii mapina leh mipi hanciamkhopna tawh maban
zoptoh ding kipsakna kinei hi.
Kota Damansara Ah Zomi A Veite Hawh
March 29, 2011 ni UNHCR-CDU Uliante ZCF-Kota
Damansara ah gambel mite-in manglai, mangpau sintheihna
ding vai vankawm in white board gol khat leh a tun’na puakthei
uh hi. Zomi atam theithei-in sin hamtang ding thupi hi. Sia
Khuppi (017 344 7847) tawh na ki thuza tawntung un.
March 31, 2011 ni-in Zomi te hong vei NGO khat pan mit
Siavuan 2 leh ahuh (5) in damlo (50) valte khoina neithei uh hi.
Pahtawipiakna
April 1, 2011 ni-in, ZEC-Cheras ah Zomi naupang bek ahilo
Rohingya, Rakhine gambel naupangte akigawm (60) val pilna
siamna pantahin tuni ciangdong veina tawh
asem tantan Zomi Sia, Sianute tawh hun
zangkhawm ding leh sang naupangte
pahtawina puak ding in, ZEC phualpi pan
ava kihel thei Tg. Kham in pahtawina
vannote leh sang naupangte hanthotna va puakthei hi.
Harvest Training Centre te hong piakkhiat leh Siate
makaihna tawh sang naupang khempeuh Sang uniform tek
tawh etlawm mahmah hi. Nisim in subject tuamtuam sin beklo-
in Zolai , Mal aysia pau leh
computer te zong kihilh ngiat hi.
Tzu-chi panin computer (2) tak
asawtlo-in na piakbeh lai-uh aa
kicing semsem hi.
Zomi naupangte maban ding lungmuanna apiazo Sia/nute-
in, hih ka nasep pen bangzah takin khaici hoih hiam cih hong
phawk tawntung ding uh ih lunggulh toto hi.
Bank Card Kibawlsakthei UNHCR card tawi bank card
a lunggulhte aa ding a kisapna zui-in ZAM pan panpihna/service
ki behlap hi. Sia Hau Khai (012 367 4665) tawh na kizom un.
Nasep Zomi pasal citak; Kum (30) nuai; Mangpau tawmtawm
thei; UNHCR card tawi; Anbuk leh biscuit factory aa semding.
A lunglutte aa ding: 012 367 4665
ZAM E-mail zomiassociationmls@gmail.com