Since 2006
ZAM Information Department
Estd. 2006
Informing People, Transforming Lives
“Maibiak dingte na maibiak un la, kihtak dingte kihta-in, phat dingte na phat un.”
Rome 13: 7b
EIMA MABAN EIMAH KIGIN’ KUL (A zom)
(Anuai aa thute khempeuh pen, Zomi khat ii
OPE interview lutna pan, alut nailo a kisamte-in
theihkholh kigin’ kholhna a lemtuam dingin
hopsawnna hibek aa, OPE ulian leh zum nasem
khat peuhpeuh ii ngaihsut piakna kihello hi.)
DHS te-in banghang reject (sang theilo)
A tamzaw in lah-wah-kah ci-in kawllai aa ih tomlawh
theiziauh DHS (Department of Homeland Security) in Zomi
gambel tampi hong sang zolo khin hi. Reject tuakhuai hetlo
pipi a tuakzong ki om mahmah khin ding hi.
Banghang hiam cih leh, OPE ah eilam pan pulak dan
siamlo, ahih kei leh tua OPE aa ih thugente leh DHS aa
thugente aki tukalh khawng om cihbangin ahang tuamtuam
tawh reject (nialna/san’ zawhlohna) ki tuakthei gige hi. DHS te
etding in OPE uliante-in ih thute hong dongkhol uh hi gige hi.
Thupi mahmah ahih manin, mikim kigin’na a lempen dingin
a kicing thei pen aa aki hawmsawn toto ihi hi. Eima aa ding
bek hilo a hawmsawn sawnte ihihding mawhpuak neitek hang.
Theihsakkikna
A beisai THUPUAK te sungah ‘Innkuan unau vai
bangteng hong dong phadeuh, Pilna sinzah leh nasep
vai zong kidong, A beisa omna leh nasep vaite hong
dotzia khat, Kum (5) sung aa bangdan teng dong
zawdeuh, Kamlet siate hong khumsak dotnate a mankhit
ciang’ cih thulute tawh a paizia aki telthei pending iki hawmsawn
khin hi. (THUPUAK aluite zong ki ngenthei den.)
Thu a khenlo thukhente
OPE interview lutding cihciang USA gam tun’theihna ding
interview a lutta kisa thei hi. Na hinai samlo-in, en ih ngaih
sutsut khithang tua USA gamin, nang zong ding maw hong
cipan na hidan hi. Na thuteng laidal sungah na koih o, na en
nung aci tawh kibang pian hi.
Ih gennasa, ulian/officer te-in kamlet sia/nute a sawlna uh
tawh kizui-in ngakna phual/tutna pan hong sapkik sak
ngawngaw teh officer te tawh dotna dawnna om taktak ding na
hipan hi.
Gam thupi khat lutdingte thu adong ahih mah bang un,
hong maitai uh in, hong muakna uh a gamtat uh tawh hong
lakpah ahih manin a tamzaw lungsim puak nuamsak hi.
Tuni aa kong thudot dingte khempeuh thumaan takin hong
dawng inla, ko OPE pen na thute ong dong ding hi-in, USA
gam na luttheihna ding, luttheihlohna ding vai pen DHS te ii
khentat ding hi, cih thu pen limtak hong genkhia hi.
Thu a khenpahlo tawh a kibat uh hangin thukhen panmun
vive ahi uh hi. Ih thugente ki kaii-awk sak theih hilo hi.
Hong theihsak masak thute khiatna tampi nei
Dotna-dawnna hun kipat ma-in, officer pa/nu-in theihsak
huai tampi hong gen masa hi. OPE lutma-in tuateng theikhol
gige hi le’ng, lungsim kithawizia khat nuam tuam mahmah
ding hi gige hi. Phawkkik zawh zahzah kihawm le’ng;
Volume 10, Issue 15
April 17, 2011
 Ulian tawh interview nei veve OPE interview atu khat aa
dingin, a beisa aa RSD, RST interview te tawh a kibat lohna
khat pen ih tutdan khat na hipah hi. RSD/RST lai-in officer
tawh, kamlet sia/nu tawh, ei tawh tua tengthum aki-um bang
pianin kitu aa, ei leh officer pen ki maingat hamtang hi. OPE
tak ciangin, officer tawh ki mai ngat hisam na pi-in kamlet sia/
nu pen ih pang/gei-ah tusak mawk hi. (Mikim tuabang aa
dongding uphuai) Ih pang ah tusak beklo-in, officer in hong ki
pulak tak ciang, “Na nung aa tu pen kamlet sia/nu, tuapa/nu
hi....” cizel lai ahih manin, a taktakin ih nung aa tuding dan
hiam cihkhat tawh kibang keii hi. Tuabek hilo-in, kamlet sia/
nu-in kam hong letsak simin va en le’ng, “Kamlet sia/nu etkul
lo....” ci-in maitai takin hong hilh bilbel hi. (Ei hong huh kamlet
sia/nu apau simin enlo dingin bil bek tawh a thugen ngaithei
cihbang pian khatin hong koih aa, aciil lamteng nop phalo hi.)
 “Kong thudotte maan takin hong dawng ding hi teh.” officer
in ci phapha hi.
 “Tuni aa nong thugen khempeuh confidential (thusim/thu
ki-im) hiding aa, a kisai dingte bek lobuang kuamah kilaklo
ding hi.” ci hi. (Gambel vai nasem zumte paizia khat ahi hi.)
 “Na gam pan nong taiikhiatna ahang dotna-dawnna ih
neihkhop khit aman ciang, na thu khempeuh khatvei ong simsuk
kik ding hi’ng. Tua pen thupi mahmah aa, tuasung aa kikhum
bangbangin DHS kipuak ding ahi hi. Tua ahih manin, kong
simkik hun ciang, na tuah ngei thumaante tung tawnin
na behlap kik nop, ahih kei leh na puahnop a om zenzen
leh kilaih theilai hi.” ci-in officer in hong hilhcian masa leuleu
hi. Tua acih mah bangin, interview mankhit hong ciahsak
ma-in khatvei hong simsuk kik hiathiat aa, kamlet siate-
in kam hong letsak lai hi. Tua sung aa kikhum bangbang
pen DHS a tungto ding cihna hita hi. Tua ahih manin a
kammal kimin hoihtak ngai dide aa, puahnop a om leh
genkik theihpah hun kihong lai hi gige hi. Thupi hi.
Kamlet nasep dinmun a baihlohna ding mun
Atung aa ih gen, officer in ih thugen teng a tawpna-ah
hong simkik tak ciang, ama ciapteh dandan, mang pau, mang
kammal tawh a ciapteh bangbangin hong genkik ahi hi. Hih
mun ah kamlet nasem khat aa ding, tua mang kammalte bang
linlian aa ei kammal tawh hong genkik ding hun kici thei
phadeuh hi. Cihnopna-ah, a kinai thei penin kamlet cihsang’
officer nu-in ama ciapteh bangbang zui-aa hong simkik pen,
kamlet sia/nu-in eitung kam hong letsak kik ding hun hi phadeuh
tawh kibang hi. A cihnopna tawmkhat kipelh kha zenzen in,
enlah puahsak kikna neikha nawnlo, tuabang mahin kikhum
toto hen la DHS tun’ teh, ih cihnop dan khat athu kibang gige
hi napi-in tawmcik khat kipelhna nei zenzen bang hileh hong
ummawh khial pah thei uh himawk hi.
Tua ahih manin kamlet nasem khat aa ding, applicant
(gambel mite) genteng officer tung kam a letsak thukhat, officer
in a record (ciapteh) teng gambel mite tung kam a letsak kikna
pen a haksa leh thupi mahmah ding hi. Banghang hiam cih
leh, tua aki ciamteh bangbangin ih zum maban leh USA kumpi
ii hong ciaptehna khempeuh ah kikhum toto ding hita hi.
ZAM THUPUAK
Minam min pulaktheihna hun manpha
Hih zumpite-ah interview lut cih khawng pen, gam thupi
pan gambel mite panpihna nasep hong sem officer te tungah
minam min taktak pulak theihna hun manpha a ngah hi gige
hang. OPE interview lutding ih tumphei cilin ahih leh, “Bang
kampau (dialect) zang?” cih dotna omkhin hi. Officer mai ih
tun’ teh bel, bang ethnic/race cih dotna dan khat om aa, ‘Zomi’
ci-in ki pulak theihna hamphatna khat kingah na hi gige hi.
Zomi ihih manin ‘Z’ ‘o’ ‘m’ ‘i’ mah hipah aa, tuabang iki pulak
theihna pen ih angtan’ mahmah ding thu hizaw gige hi.
Photo (maan) kizaih kisam hamtang
OPE interview lut khempeuh maan (MY nambat dawksak
kawmin) hong ki zaihsak hamtang hi. A maan zaihna inndei a
tuam khat hi-in, officer te-in, atung aa thute hong pulak khitteh
ih gam pan ih taiikhiatna thu hong dot ma-in maan kizaih dingin
kamlet sia/nu tawh hong paisak phot hi. (Agen uh ciang, tua
photo lian mah USA tun’ ciang tawlkhat kizat tuak hi.) Maan
kizaih khitciang gampan taiikhiatna hang interview kipanta hi.
Telkhialhna khatpeuh tawh reject tuahtheihna dotnate
(ahih kei leh) Mangngilh kik theihloh dotna-dawnnate
 “Na gam ah kumpi-in hong simmawhna a om hiam?”
cih dotna dankhat pen, a cilin zaisalua ka hih manin dongpha
kikkik pah hi’ng. Katheih tak ciangin, etpak theih zawkdeuh,
ih porter puakna, ih tangtha kuan’na cihte gending ahih gige
lam phawkpan hi’ng. Tua pen, dotna zailua savat in, a om pipi
“Omkei!” khawng va ci le’ng, simmawh ana thuaklo khat kisuak
pah lel hi. Cihnopna-ah, officer in, porter na pua ngei hiam,
tangtha na kuan ngei hiam, cihdanin hong dong
peuhmah lo hi. Hong ki simmawh zia, ih thuakzia khat leh
khat aki batloh mah bangin, officer te-in zong hong theihpih
nailo mah hizaw aa, hong dotna dan uh pen akhial hilo hi.
<Zoplai ding> Tg. Leikha
Zomi Te Aa Ding UNHCR Theihpihna Lai
Malaysia aa Zomi te thu ih gen teh, Kuala Lumpur kiim aa
om Zomi te ciang hibeklo, Penang lam aa om mipihte thute
kihello-in kicing thei ngeilo ding hi.
Mobile registration min vawh in ZAM member te register
hong kipiak masak penna Penang kici theiding aa, Mobile
registration tangthu-ah a lipkhap huai haksatna kituahna mun
pen Penang mobile registration hun masa lai kici thei hi. Min
san’na ngak aa biakinn sung aa a tu khinkhian Zomi (60) val
thuneite-in manin (40) val thong kikhum suak aa, thukhun zui-
in ciangduai tawh satna thuak dikdek uh hi.
Tua nung leh tu kikal Zomi te aa ding mobile registratoin
(2) vei bang hong paithei sam hi.
Makai vaihawmte palai sepna lamah etteh huai mahmah
uh aa, tuni aa dinmun ciang tun’na dingin thatang, sum leh pai
tampi beikhin uh hi. Zomi innpi khat zong vaihawm zo uh hi.
Tukum sung mahin UNHCR-CDU uliante hawhthei aa, Zomi
te nasepnate ava muh uh ciang tha ngah mahmah uh hi.
Zomi sung a palai sepnate vuah UNHCR pan Theihpihna
Lai khat a kisap sawt mahmah khin uh ahihna zui-in, Penang
Khawk makai Sia Lian Khai tawh kikupna tung tawnin ZAM
pan UNHCR tungah ngetna ki bawlsak hi.
April 6, 2011 nimit tawh UNHCR pan Theihpihna Lai hong
piatheita uh hi. Palai nasepnate kha muang zaw leh mazang
zaw ding uh ahih manin ih lungdam pih mahmah hi.
Bank Card Kibawlsakthei
UNHCR card ngahkhin bank card a lunggulhte aa ding a
kisapna zui-in ZAM pan panpihna/service ki behlap toto hi. A
bawlnuamte Sia Hau Khai (012 367 4665) tawh na kizom un.
April 17, 2011
Kota Damansara Pan Thupuak
April 12, 2011 ni aa kipan sangkah ni sialin, ZEC-Kota
Damansara ah uham mangpau sinna (32) tawh kipan thei hi.
World Race team (USA leh Canada) pan mi (7) te-in group
tuamtuam khenin sang laihilhna, mangpau hilhna leh kimawlna
tuamtuam tawh hong makaih ban vuah, nitak sial pawlpi mite
inn ah kikhopna (homecell) hong neihpih den uh hi. April 29
ciang omding uh aa, May kha ciangin group thak hong tungkik
ding hi. Zomi te tung hamphatna hong puakte uh ahi uh hi.
Uham mangpau sinna pen Monday pan Friday nisim hun
(4) in kikhen hi; 8-10am, 1-3pm, 3-5pm, 8-10pm
Hih uham mangpau sinna a kahnuam peuh kisang lai hi.
Ahi zongin, pilna thupi taktak pen leikul hamtang hi.
Naupang pattahna lamzong hanciamnate ki behlap toto
thei-in, sangkah ni sial sang naupangte inn kongkhak bul pan
mawtaw in dawnden aa, a ciahlam zong ki khaden hi. Hihtawh
kisai sum kidon’na omlo aa, naupangte-in thupha sang uh hi.
Sia Khuppi (017 344 7847)
DAHPIHNA
Pa Gin Ngaih Tuang (Gawngmual Khua, Bawmkhai Beh)
leh Nu Ciin Sian Kop Niang te tapa Tg. Nang Lam Mung (Kum
Khat leh ni Li) in April 9, 2011 ni-in Zatopi pan leitung nuntakna
hong nusia hi. April 12, 2011 ni-in Klang Meru hanmual kitanh
thei hi. A nu leh pa tawh kikim in Zomi bup ih dahkhawm hi.
A (1) Veina Zomi Bup Biakpiakkhopna May 3-5,
2011 sung, 2010 aa CCJ (Tedim) pan makai ding aa kitel Rev.
Dr. S. Pau Khan En, Bishiop Felix Lian Khen Thang, Rev. Dr.
Chin Do Kham, Rev. Dr. Do Suan Mung leh Rev. Dr. Gin Khan
Khual te Malaysia hong hawhding uh hi. FGA ah nitak sim 7-
9:30pm kikhopna omding aa, Chinese Assembly Hall ah 11-
4pm holimnate zong ki vaihawm hi. Bus zong ki vaihawm ding
hi. Pawlpi pawlkhat pan amau leh amau hanciamna tawh bus
a vaihawm ding zong ki-om hi. Sum leh pai tampi beiding ahih
manin Kipawlna khat pan RM300 ta, Pawlpi (bus amau leh
amau a vaihawmlo teng) khat pan RM100 ta, Khua Kipawlna
khat pan RM100 ta kidong hi. Pawi Vaihawm Pawl
RST Interview April 21, 8am; Khai Tawng (791-09C02768)
Professional Nasep Sintheihna UNHCR-CDU
vaihawmna tawh Zomi numei UNHCR card ngahkhin (RST
interview lut nailo) te aa ding Beauty & Massage lam pilna/
siamna sintheihna ding hamphatna kihong hi. Gamthumna
khawng ah kivaakna hong piazo ding pilnate hi-in sinhuai
mahmah hi. Monday pan Friday nisim sinding hi-in, a pilna a
thupitna, a lunglut atamna zui-in, ki nawhdeih pah hi. A lunglut
peuhmah Sia Hau Khai (012 367 4665) tawh na kizom un.
Mangpau Sinnuamte A kineisa UNHCR-CDU vaihawmna
tawh ZEC-Maharajalela Sang inndei sungah mangpau sinna
Wednesday leh Saturday tegel ah hun awng a ngahlo, mangpau
pilna adeih taktakte-in anuai aa phone nambat ah hong zasak
un, vaihawmna ki zomding hi: Tg. Kham (016 340 6743)
Nasep Malay pau thei; Tui order lathei Zomi nasep citak (25)
leh Malay pau theilo (5); Niangtui bawlthei kinawh deih. Athu a
kicingin Naa Mung (016 979 8277) tung kidawp thei hi.
Nasep Zomi pasal citak kum (30) nuai; Mangpau tawmtawm
thei; UNHCR card ngahkhin; Anbuk leh biscuit factory aa
semding. A lunglutte aa ding: 012 367 4665
Anpham ZCF-Canaan in, nipi kaal tawpna anpham
khempeuh ZEC-Talalla sang naupangte piaden hi. Lungdam
mahmah hi. Pilna pattahna cih pen beina bekbek hi! ZEC
Ngeina Vante Kingah ZAM zum ah Zonik, Zopuan ki
leithei hi. Kizopna ding: 016 680 8535
Laibu Kingah Siamsin Magazine (Vol. 3) leh Zomi te leh i
Maban (ZOLUS) laibute ZAM zum ah kileitheita hi; 0147381459
ZAM E-mail zomiassociationmls@gmail.com