MONDAY , AUGUST

PASTOR CHRIS

Kabu kara shiga tsun na ahkrung nga u!

Dai shaloi Madu gaw shana e shingran hta Pawlu hpe, Hkum hkrit et; she tsun u, atsin sha hkum nga et; ngai nang hte rau rai nga nngai, nang hpe shoihpa jahkrum na kadai lata shadu lu na n rai; ndai mare hta nye a masha law law nga nga ai, ngu nna tsun wu ai. Shing rai dai yang e Karai Kasang a mungga sharin achyin ya let, laning me shata kru a nga nga ai (Kasa 18:9-11).

arai Kasang a man hta hkik hkam dik ai masha ni gaw dam nga ai wenyi ni hpe Karai hpang de woi wa lu ai wa rai nga ai.Wenyi hkye hkrang la ai wa rai nga ndai majaw , satan a n hkru ai agung alau kaw na nang hpe Karai Kasang nan makawp maga na rai nga ai. Lahta na chyum daw hta Karai Kasang Pawlu hpe shingran hta nhkrit n tsang ai sha kabu kara shiga htawn tsun na matu n-gun jaw ai lam hpe mu lu nga ai. Maigan masha ni hpe kabu gara shiga tsun ai hta, Karai Kasng shi nan Pawlu hpe makawp maga nga na lam pahkam hkam da nga ai. Dam nga ai wenyi ni hpe hkye la matu shakut nga ai wenyi hkye ai wa hpe Karai Kasang tsawra ai nga ai sha nga shi hte htep galoi mung rau rai nga ai. Dai wa a matu sumsing mungdan e shara nga nga ai. Hkristan langai a matu kabu gara shiga tsun ai hta grau lai ai lam ngu ai n nga sai. Yesu Hkristu gaw Pawlu hpe ngai nang hte rau rai nga nngai, nang hpe shoihpa jahkrum na kadai lata shadu lu na n rai; ndai mare hta nye a masha law law nga nga ai (Kasa.18:9-10) nga ka da nga ai. Karai a magan gun ai rai yang Karai Kasang kaw na mauhpa grau lai htum ai makawp maga ai chye ju gaw Shi a magam gun ai ni a ntsa e atawn da nga ai. Mahte 6: 33 hta Nanhte chyawm gaw, shi a mungdan hte shi a ding hpring ai lam hpe shawng tam nga mu; shaloi dai nlang nanhte hpe kahtap jaw na ma rin dainga nga ai. Nang Karai Kasang a makawp maga ai n-pu e shim nga ai hte sutsu nga

mai let awng dang ai sak hkrung lam hta hkawm nga mayu ai rai yang, nang nga ai shara hte na a byin da masa hta Karai a kabu gara shiga a tsun nga u. Hta sha n-ga tinang tsun nga ai kabu gara shiga hte htap htuk ai sak hkrung lam hta hkrung nga u. Mungkan e Karai Kasang hpang de masha law law hpe woi wa lu na matu Karai Kasang nang hpe ra nga ai. Shi a Kabu gara shiga htawn tsun na matu hkum hkrit nga sa. Kabu gara shiga hpe na a byin nga masa de mahkri shawn la dat u. Na a makau e nga nga ai ni hpe kabu gara shiga tsun dan u. Kabu gara shiga hkaw dan na gaw nang galaw ra ai lit nan rai nga ai (1Kor. 9:16). Dai majaw n hkrit ai sha nden marai hte kabu gara shiga htawn tsun, hkaw dan nga u law.

Kyu Hpyi Ga
Tsawra ai Karai Kasang wa e, nye a sak hkrung nga ai lam gaw na a hpung shingkang dan pru na matu rai nga ai law. Ngai kaw nna masha law law hpang de kabu gara shiga chyam bra wa shangun rit. Masha law law hpe kabu gara shiga hkaw tsun dan lu na matu daini jang lam woi rit. Kabu gara shiga hte rau Karai a mau hpa nmik kumla ni hte masha law law hpe hkye la ai magam bungli hta ngai hpe asung jashawn lam woi rit. Yesu a mying hta hpyi nga nngai law. Amen.

MATUT HTI N-GUN LA NA CHYUM DAW NI

Yeremia 1:4-8 SHANI SHAGU HTI NA CHYUM LAIKA Laning Mi Chyum Laika Hti Masing Lahkawng Ning Chyum Laika Hti Masing Roma 6:1-14 Shakawn Kungdawn 56-59 Luka 12: 22 -34 Tara agyi 7
KACHIN