1

Dinghpring ai hpe kawsi hpang gara nga ai ni gaw a lu ma ai

Mahte 5:6 - Dinghpring ai hpe kawsi hpang gara nga ai ni gaw a lu ma ai:
kanng rai n me law, shanhte hkru kat wa lu na mara ai. (Blessed are they
which do hunger and thirst after righteousness: for they shall be filled)

Ga Hpaw: Shinggyim masha yawng kadai mung dinghpring hkra shakut lu ai n

nga ai. Tinang a ja gumhpraw hku, arawng aya hku, hpaji hku, lai kyang shingni
hku Karai Kasang a man hta dinghpring ai lam n lu la mai ai. Ndai chyum ga
kaw dinghpring ai ngu ai gaw, Karai Kasang e dinghpring ai wa ngu nna masat
ya hkrum wa chyu sha Karai Kasang a man hta ding hpring ai wa tai lu ai re.
Dai wa chyu sha Yesu Hkristu a marang e Karai Kasang san da ya ai dinghpring
ai hte seng ai chyeju hpring hpring hkam la lu na re.

Ding hpring ai hpe kaw si hpang gara ai ni hkru kat wa lu na: Yesu gaw
dinghpring ai ni ngu n tsun ai. Hpa majaw nga yang mungkan masha yawng
kadai mung tinang a atsam hte Karai Kasang a man e dinghpring ai wa n tai lu
ai. Masha yawng gaw, yubak galaw chye ai, yubak hta len chye ai, yubak mara
lu ai ni hkrai re. Dai majaw dai n ding hpring lu ai yubak lu ai masha ni, Karai
Kasang chyu sha jaw ya lu ai dinghpring lam hpe kawsi hpang gara jang, Karai
Kasang gaw yubak mara raw dat ya nna, dinghpring ai ni ngu masat ya nna,
Karai a man hta dinghpring ai wa tai lu ai a shaman chyeju hpring hpring tsup
tsup hkam la lu na re ngu ga sadi jaw ai lam rai nga ai.
Kawsi hpang gara ai gaw hkrung nga ai ngu ai a kumla re. Si ai ni kaw si
hpang gara ai lam n nga ma ai. Karai Kasang sha jaw ya lu ai dinghpring ai hpe
kawsi hpang gara ai gaw, Karai Kasang hte shi a sharawng awng ai lam hpe
chye mayu, hkan nang mayu, madu la lu mayu ai lam re. Chyum laika hti
lagawn, nawku n kam sa wa, kyu hpyi lagawn wa, chyum laika hpe n kam hkan
nang wa rai jang, wenyi hta si ai de du wa ai kum la re. Luka 15:11-24 hta dam
mat ai Kasha: 24 “ndai ngai sha gaw si mat sai, ya bai hkrung sali ai, mat mat
sai, ya bai mu la sali ai” ngu nna Karai Kasang hte tsan mat ai, n seng mat ai
kum la hpe shaleng dan nga ai re. Mahte 19:16-22; Marku.10:17-22; Luka
18:18-23 ni hta aya lu ai masha n htum n wai asak hpe lu la mayu ai. Yesu shi
hpe lu malu hpe kau da gwi ai daram, n htum n wai asak hpe marin marin nni?
Ngu dai wa hpe san ai re. Mahte 8:20; Luka 9:57-58 hta masha langai Yesu
kaw hkan nang na tsun ai shaloi, Yesu gaw,chyahkyawn ni nhkun lu ma ai, ntsa
malen pyen ai u ni mung, u yup lu ma ai; dai masha kasha chyawm gaw baw
tawn na shara pyi n lu nga ai, ngu nna tsun ai hta nang gaw prat a tsin yam ma
hkra hpe hkam jan lu ai hku nna nye a hpang hkan nang gwi nni? ngu san ai lam
rai nga ai.Mahte 10:37; Luka 14:26 hta “ngai hpe tsaw ra ai hta Kanu/wa,
kashu kasha hpe grau tsaw ra ai rai yang, ngai hte n ging ai” ngu Yesu tsun
sharin ai re. Karai jaw y ana dinghpring ai lam gaw hpa the mung n galai lu ai
manu dan dik re ngu ai hpe hkam la shangun mayu ai lam rai nga ai.
Hkristan asak hkrung lam gaw Karai Kasang hte shi a tara ni hpe chye ai
sha n rai, dinghpring ai lam gaw si hkrung si htan lam daram ahkyak ai hku
 2

marin marit ai lam re. Hkan sharau, shakut shadik shatup nna lu la lu na lam n
re ai sha, Karai Kasang Yesu Hkristu a marang e jaw ya ai chyeju hku nna sha
lu la mai ai re. Dai rai nna Yesu Hkristu hku nna Karai Kasang jaw ya ai yubak
a shabrai kawn lawt lu ai dinghpring ai chyeju hpe hkap la kam sham ai ni sha
dai hpe hkam la lu mai ai re.

Ga Hpungdim: Lu su nga mai lam hku dinghpring ai hpe kaw si hpang

gara ai lam n rai; arawng aya lam hku dinghpring ai hpe kaw si hpang gara ai
lam n rai; Mungkan a pyaw len lam hku dinghpring ai lam hpe kaw si hpang
gara ai lam n rai; n gying dan tim, udang ntsa hta yubak a shabrai si ai kawn
shalawt ya ai Dinghpring ai Yesu Hkristu a chyeju jaw e Karai Kasang jaw ya
na, dinghpring ai lam hpe kawsi hpang gara ai ni anhte tai nga ra ga ai. Dai hpe
manu dan dik, madu la lu mayu ai myit, sharawng awng ai myit ayan rawng nga
ra ai. Dai Karai Kasang masat ya ai dinghpring ai ngu ai chyeju- chyoi pra wa
ai, san seng wa ai hkum tsup wa ai, ngwi pyaw simsa wa ai lam ni hpe ayan
myit mada nga ai ni tai nga ra ga ai.