KUMPUAN : KHAW TLA NG NUN SI AMT HAT

VOL. XXV

NO 32 INRINNI

DATED 3rd September, 2011 MIMKUT THLA

11

Tunkar thawhtanni chawhnu dar 1:00 khan Vengthar YMA Hall-ah NLUP a Iskut Trade thlangtu te leh Iskut member ni tawh zawng zawng te koh khawm an ni.

Sihphir Branch YMA Executive Committee Vawi 8-na Thurel Tlangpui

Sihphir, the 3rd September : Kar kalta Zirtawp zan khan Sihphir Branch YMA Executive thlabi Committee vawi 8-na chu Pu HV Lalhrangliana, President kaihhruaina hnuaiah Pu Lalchhuana In, Chhanhim vengah neih a ni a. A hnuaia mite hi thurel tlangpui te an ni. 1. Commmittee hmasa in Bible Quiz neih nise a lo tih, ruahmanna siam tur a a ruat ten an hmalak dan report-na an nei a. Sawihona neih zui a niin, a senso tur sum indaih loh dawn avang leh hmachhawp lian tak kan neih mek bawk si avangin Bible Quiz hi la buatsaih rih loh mai nise tih a ni. 2. YMA General Conference, dt.25-27 October, 2011 Kolasib Diakkawn Field a lo awm tur atan a Branch tih ve tur hetiang hian bawhzuina siam a ni : (a) Pu JH Zoremthanga, Vaivakawn Branch chu nominate nise tih a ni. (b ) Agenda atan Kalodyne Multi Model Project a hlawhtlin ngei theih nan sorkarin chak takin hma la rawh se tih leh kumpuan Thupui atan Ram leh Hnam Humhalh thlen ni se tih a ni. (c) Conference Item atan Zaipawl leh Solo - Tv Andrew Lalnunthara, V.Section thlen ve ni se tih a ni. (d) Hruaitu hlun chawimawina dawng turin Pu HV Lalhrangliana, President (1990-2011) thlen/rawt nise tih a ni. (e) Kumpuan report form leh Ramngaw leh nungcha humhalh form Secretary in a lo fill-up chu thlirho a ni a. Pu Vanlalsawma, Chairman, YMA Chhang/Culture SubComt, Pu Robert Lalhmachhuana, Chairman, Evangelical Cell te leh Secretary ten lo chulmam lehin C.YMAah lo theh lut se tih a ni. 3. Kumpuan hmalak zel dan tur kawng hrang hrang a sawiho a ni. Tin, ruihhlo kaihhnawih avanga man te laka action lak dan tur Comt lehah siam tum nise, member te pawhin ngaihtuahna lo seng zau ila tih a ni. 4. Dt. 25.8.2011 ningani tlaia Laldinthara, kum 20 s/o Laldingliana, Durtlang Mualveng in kan khaw dai a naupang kum tling lo rawng taka a pawngsual chungchang sawiho a ni a. Hemi zawh hian he pawngsual kan demzia leh duhloh zia demna resolution passed a ni. 5. Central YMA atanga lehkha hmuh : (a) dt.13-14.October, 2011 chhunga Sipai Lammual a Chief Minister Running Trophy, Cultural Dance neih turah tel ve nise tih a ni a. YMA Chhang/ Culture Sub-Comt ten hma lo la rawh se tih a ni. (b) RSBY(BPL), APLY Health Care Society enrollment chungchang puang zar tura min tih chu chanchinbuah tarlan nise tih a ni. (c) Kum 2012 atanga Chapchar Kut tiak atanga Bamboo Day hman zui a nih tur thu leh Mau humhalh tha lawmman siam tur chungchang chhiar chhuah a ni a, hma lak tum ve nise tih a ni. (d) Dt.14.9.2011 a CCC neih turah tel ngei nise tih a ni. 6. Secretary, Sihphir Pastor Bial Mashihi Sangati in dt.27.8.2011, zirtawpni a sport an neihna atan Community Hall hman an dilna chu phal sak a ni. 7. Pu Safika, Biak In vengin permit renew reng ngai tawh lo tura hmalak sak tura a rawn dilna chu sawiho a ni a. YMA thuneihna a nih loh bakah a tun dinhmun a khawtual mi anga a awm dan ang hi a tha tawk rih e tih a ni. 8. Pem lehkha : (a) Seretary, Salem Veng Branch YMA atanga pem lehkha hmuh - PC Vanlalhruaia te chhungkua, member 4, eizawnna avanga an pemna chhiarchhuah a ni. (tuna awmna Pu Laldawngliana Thlam, Sethupkawn) (b) Secretary, Zemabawl Airfield Branch YMA atanga pem lehkha hmuh - Vanlalthanga te chhungkua, member 5, eizawnna avanga an pem lehkha chhiar chhuah a ni. (Tuna awmna Pu H.Lianmawia huan, Neihbawi) Hemi te chhung hnih hi an khawsak phung te engemaw chen enthlak nise tih a ni.

11

Pathianni kalta tlai khan Durtlang Local Council member te chu an veng naupang pawngsual tawk, Sihphir khawtlangin kan lo buaipui dan leh information kan pek dan a an lawmna thu rawn sawiin an lokal a. Pu HV Lalmalsawma, VCM Inah ama hovin YMA leh VDP hruaituten an lo dawngsawng. Durtlang khawtlang hruaitute leh an mipuite hi kan khawtlang chungah an lawm tak meuh meuh a ni.

11

Tunkar thawhtanni khan State Bank of India, Sihphir Branch Chuan Teachers Day pualin Govt. High School leh Vengthar High School hnenah Water Filter 10 ve ve a pe a. Zirtirtute leh naupangte an lawm hle. Tin, Shillong atangin Branch Manager tur Pu Lianhmingthanga chuan a hna a rawn zawm fel tawh bawk.Pu Lianhmingthanga hian Pi R.Lalngaihzuali d/o Upa Vanlalruata, Arpu veng In a luah mek.

11

Tunkar thawhtanni leh thawhlehni khan Ni 100 inhlawhna YMA Section area pahnih zel inkawpin a inchhawk a thawh a ni. Peg number pawt ve lo ten ningani khan an thawk.

11

Tunkar thawhlehni khan Sihphir-ah AYUS Dotor ten Sihphir kohhran Centenary Hall-ah Free Clinic an rawn nei a, mipuiin an hlut hle.

11

R.Lalbiaktluanga s/o R.Lalrammawia, Chhanhim veng leh Lallawmkimi te chuan dt.9.9.2011 Zirtawp chawhnu dar 1:00 hian Sihphir Venglai Kohhran Halll-ah tiam tlat e an ti dawn ta.

11

Pu H.Lalrawngbawla, Vanapa Section YMA Asst. Leader leh Branch YMA Comt. member chuan Agricultural Department-ah Accountant hna a hmu thar a, Kolasib-ah post a ni. Pu Bawla hi kan lawmpui hle. September thla chhiatni thatni mawhphurtute:
Pu HV Lalhrangliana, Pu T.C Chhuanmawia, Tv Lalengkima,Tv Malsawmkima, Nl K Lalremtluangi

YMA thurel : Dt. 25.8.2011, ningani tlai a Laldinthara, kum 20 s/o Laldingliana, Durtlang mual vengin kan khawdaiah naupang kum tling lo rawng taka a pawngsual hi YMA chuan a dem tak zet a. A na thei ang ber a hrem turin thuneitute kan beisei tak meuh meuh a ni. Sihphir Branch YMA chuan tun hnuah hetiang nunrawn thil tenawm chungchuang tak mai hi thleng tawh lo se a duh tak meuh bawk. Tin, naupang thlabar tak mai chhanchhuaktu leh misual mantute hi Sihphir Branch YMA chuan fakawm a tiin a chhuang tak meuh meuh bawk a ni.

HIV/AID LAKA I HIM THEIH NAN I NUN FIMKHUR RAWH

PDF created with pdfFactory Pro trial version www.pdffactory.com

AW I R E M T L A N G

CH A N C H I N B U

Phek

Hnihna

EDITORIAL BOARD
Editor : Z Hnamte 9436390185 Jt. Editor : PC Lalrinliana 9612585927 News Editor : TC Lalchhuanmawia 9862362515 : Vansangliana 9612320146 Cir. Manager : R Lalsawmliana 9862531790
email : sawiremtlang@gmail.com Website : sawiremtlangccb.blogspot.com

ZIRTIRTUTE NI
(Teachers Day)
- Lalrema, Vice President, S.T.A Zirtirtu te ni kan lo hnaih leh ta, kar leh thawhtanni (5th Sept 2011) a lo ni leh ta reng mai. He ni pawimawh tak hi India ram President pawh lo ni tawh, Dr. S. Radhakrishnan pianni September ni 5 denchhen a hman a ni. Kum 1962ah hman tan a ni a, kumin hi hman a nih kum 50-na, Golden Jubilee a ni ang. He ni-ah hian naupangten an zirtirtute an chawimawi nan thilpek (present) an pe thin. Zirtirtu pension tawh te pawh an zirtir naupang lo ni tawh ten thilpek hlu tak tak an la pe ve fo thin. Tin, zirtirtute pawhin he ni hi inpek thar lehna ni atan an hmang bawk thin. He ni lo pian chhuah chhan Dr. S. Radhakrishnan hi kum 1888, September ni 5 khan a lo piang a. Zirtirtu ropui, mite rawngbawl tu rinawm, mithiam, mifing, India palai rinawm, mithiam hmingthang leh zahawm, mihring te chunga hmangaihna lantir thintu leh mitin a lian a te, ang khat veka en thintu a ni. President a nih hnu-a a thiltih langsar hmasa ber chu a thla khat hlawh tur Rs. 10,000/- chu Rs 1,900/- ah a ti hniam a ni. Khawvel pum a India ti hmingthatu leh tizahawmtu a ni a, amah anga mahni mihringpuite tan a inhmang zo hi an tam lo hle ang. Mihring ropuina ber chu sum neih tamah ni lovin an damchhung a dikna leh thatna lama hun hmang tam a piang hi an ni zawk a ni. Zirtirtu, natna khirhkhan tuarte tanpui nan pen leh key chain te naupangten an rawn zuar dawn a, tlawmngaih chhuaha min lo lei sak turin kan ngen a che u. A tawp berah chuan zirtirtute hi Ram leh Hnam siamtu te kan ni a. Vawiin-a kan zirtirte hi naktuka ram leh hnam hruaitu turte an nih avangin thahnemngai takin i thawk ang u. He Teachers Day lo thleng tur hi inpek thar lehna niah i hmang ang u. Zirtirtu chu Zirtirtu a ni si a.

Editorial
Zirtirtute pawimawhna
Zirtirtute Ni (Teachers Day) pawh kan lo thleng leh dawn ta a. Hnam fing leh ropui a piangin Zirtirtute pawimawh zia an hria a, zah pawh an kai hle reng a ni. An hna hi a pawimawh , a sap tawng takin zirna in a tum chu All round Development a ni tawp mai. Mihring nunchher puitlin nan he zirna hian ramri kham chin a nei lo a tih theih ang. Syllabus thiam tir leh pawl an sawn theih nana passed tir tumna piah lamah he all round development hian Be a man..Be a women ni tura kawng kawh hmuh leh an nun sawizawi hi ril takin a kawk tel bawk. Zirtirtute pawimawh zia hria-in veng tam tak chuan an nunchang pawh an duh fir sak hle. Zirtirtu nunchang mawi lo te, zirtirna kawng a inthlahdah te hian zirtirtute zahawmna nasa taka a tihchhiat theih thin avang te, naupang nunah nghawng tha lo tak a neih theih thin avangin zirtirtute hi fimkhur a ngai khawp mai. Zah tlak a nun hman a pawimawh tak zet. He zirtirtute ni lo thleng tur atang hian zirtirtute hian an mawhphurhna san zia, thlarau nun hial nghawng phak a nih zia hre thar theuh se. Tin, he khawtlang nunphung a zirna boruak hniam lutuk leh competition awm thei reng reng lo mai te, Board exam leh degree course results vel a topper kan awm mumal ve thei lo te, State services - MCS, MPS leh competitive exam dang a tling ta han sawi tur kan awm lo reng mai te hian zirna kawng a kan hmabak ngah zia min hriat thar tir se. Chubakah nu leh pa te pawh kan harh thar a tul bawk. Kan faten nitin zirna Sikulah hrem an lo tawk a nih pawhin a dik a dawk thlu lova fate bul a an Zirtirtu sawichhiat bawih bawih te hian rah tha pakhat mah a chhuah lo tih te hre thar ila. Hrem ngai a an awmna chhan kha siamthat kan lo tum ve zawk tur a ni. Tin, kan inchhungkhur environment theuh hi kan faten tum nei a zirna chhunzawm chak zel theih nan kan adjust thiam ve zel pawh a pawimawh ang. He Teachers Day lo thleng tur hian khawtlang mipui, nu leh pa, khawtlang hruaitute leh tlawmngai pawl, Kohhran tin te pawh hi min chhem harh theuh se. Kan khawtlang nunphung hniam lutuk a zirna boruakin rah tha a rawn chhuah theih nan mawhphurhna sang tak kan nei theuh a ni. rawnna angin Sawiremchang chanchinbu hi Internet a chhiar theih turin chhawpchhuah a ni ve ta, sawiremtlangccb.blogspot.com ah luh tur. YMA thlalak hlui leh Branch YMA chanchin te pawh a chinchhuak a dah luh tum a ni. He kan Website min siam saktu leh min enkawl saktu Pu Vansangliana (Venglai) leh Tv H Lalrimawia te thahnemngaihna a zarah zahpui awmloh tak tur a tihphuisui chhoh zel tum a ni.

Beihrual thla hmang tan ta.

Kum 1918, June thla atanga hman tan Beihrual Thla chu Kohhran hrang hrangin an hmang tan ta. Presbyterian Kohhran zingah Sihphir kohhran chuan thla chawhma thupui zirin Biak Inah an hmang ang a. Ni 19-25 chhung Crusade an nei ang. Venglai Kohhran chuan thla chawhma Biak Inah thupui an zir ang a. Thla chawhnu lamah Upa bial then angin an hmang ang. Neihbawi kohhran chuan thla chawhma lam Biak Inah an hmang ang a. Ni 17-25 chhung Camping an nei ang a, Speaker Hmingthanmawia a ni ang. Vengthar Presbyterian chuan Biak Inah vek thupui an zir ang.UPC, Sihphir te chuan Hapta 3 Biak Inah an hmang ang a. Hapta hnuhnung ber Crusade in an hmang ang. IKK, Sihphir te chuan hapta khat thupui an zir ang a. Hapta thum chhung chhungkaw hrang hrangah hmangin, a kharna Biak Inah an hmang leh ang.

Keimahni : Ram pawn leh hmundang a awmten min

Arpu Welfare Committee thu

Arpu Welfare chuan chhiatni thatni intodelh nan hma kan la mek a. Thuthleng tur thingzai pawh zawn mek a ni bawk. A hnuaia kan tarlan inkawp te hnen atang hian zu man sak an ni bawk : 1. Zamawia s/o Zakhuma, Sangtea s/o JC Zakiamlova - Fun 17 2. Lalropuia s/o Nghakliana - Fun 4 3. Edenthara s/o Johana (L), Lalthakima (Sena) s/o R Thansiama (L), Thangmuana s/o Pauva - Fun 10 Issued by : Arpu Welfare Committee

avang leh Pu Ramdina, Kawn vengin min lo chhar sak a, min rawn pek leh avangin lawmthu ka sawi e. Pu Ramdina Kawn veng leh Sawiremtlang dam reng rawh se - 9862907839 n Khawngaih takin khawtlang hruaitute hian Sehlawh kawng ringawt mai a ni 100 inhlawhna hna thawk bik reng lovin, khaw chhung hmun hrang hrang a inkalpawhna kawng leh tui luankawr tha taka siam hi han hma tel se a va nuam dawn em !! - 9612191241 n Tunlai hian Electric Department in line chhia an siam thin a. An siam dawn hian mipuiah information an pe hmasa thei lo maw? Power hmang a eizawng kan tam ve tawh si a.. - 8014088127 .n Pu Editor, Ui leh Ar khuahkhirh tur tih an puang a. Ui lah chu khawlaiah an tam si. Chubakah Zawhte hi an ninawm, kan veng a Arte an ei zo tak ngial dawn. Zawhte hi chhuah phalloh zingah an telh ve lo emni? Khawngaihin min lo hrilh teh. - 9612845451
( A neituten Ui leh Ar an khuahkhirh loh i hmuh chuan man la, VC member i hnaih ber hnenah kalpui la, pakhat zelah Rs 200/- i hlawh ang tih dan kha a la nung reng turah ngai ang hmiang...Zawhte kher hi chu an telh lovang. Bakah.thlun a har lawng maw? Kan Zawhte emaw tih lai reng te hian mi Zawhte-ah te a lo tang leh daih a. Hetiang hi a nia a khawsak duh dan chu, a ngeiawm reuh khawp mai - Ed)

n Pu Editor, i chanchinbu hmang a chahbi bo min zawn hmuh sak

Thangkhawk

Lawmthu sawina
Dt.25.8.2011 tlaia ruah sur nasa avanga kan kawmchhak leiminin kan In a rawn chim avang a ruahsur leh khawthim hnuaiah, mahni hreawm pawisa lova tlawmngai taka min tanpuitu te, V.C, YMA leh thenawm khawveng zawng zawng te chungah thinlung takin lawmthu kan sawi a ni. In mi hmangaihna leh lainatna zawng zawng te kha a thlamuanthlak kan tiin, a let tam takin Lalpan rul che u rawh se tih hi kan tawngtaina a ni e. R. Laltanpuia te chhungkua, Sihphir Arpu veng.

MAHNI NUN THUNUN ZO LO CHUAN A BUN TUR KHAIDIAT A CHHER TIHNA A NI

PDF created with pdfFactory Pro trial version www.pdffactory.com

AW I R E M T L A N G

CH A N C H I N B U

Phek

T h u m na

Pawngsual chungchang review

Soccer City Stadium

International Friendly Match

Nizan khan Kolkata Salt Lake Stadium-ah Argentina leh Vanezuala ten International Friendly Match an khel. Lionel Messi boruakin Kolkata khawpui a nuai hneh rem rem hle. Ticket pawh an hralh fai pak. Mizoram atang pawh he inkhel en tur hian mi tam tak an thawk thla bawk. Dt. 6.9.2011 hian Bangladesh khawpui Dhaka-ah Argentina hian Nigeria an khelh pui leh ang. He an inkhelna Salt Lake Stadium hian a vanneih phah hle a, nasa taka chei thar a ni. Nizan inkhel kha Celebrity Management Group in an organised a ni a. Live in ESPN an pekchhuah tir bakah Tv rights hi ram 152i. an hralh chhuak bawk. ah

Indian Grand Prix

Intlansiak nan thla 1 zet a la awm. Airtel India Grand Prix enna tur ticket man tlawm erawh an lei zo ta. Amaherawhchu a bik a enna tur an siam Corporate Box a la book theih a. Heta tanga en tum te chuan nuai 35 atanga vaibelchhe 1 vel sen inhuam a ngai thung !! He Corporate Box te hi tlan kawng tha lai berah dah vek an ni a. He box hi i book ve dawn a nih chuan i chhas bakah midang 7 vel i thut tir ve thei ang. Film Star Shahruk Khan pawhin Box khat a booked der tawh !! Heta tanga en pha te hi chuan F1 VIP awmna te, driver leh thawktute awmna te an duh duhin an kal tlang theih bakah an tlawh phal sak an ni. Indian Grand Prix tlanna tur Buddh International Circuit siam nan hian cheng vaibelchhe 1800 vel sen a ni.

Bangkok lamah
International Sepaktakraw Federation chuan Super Series - Thailand, Malaysia,Vietnam, China, India te telna tur 1st Series, Bangkok, Thailand-ah an 5-11.9.2011 chhung hian a buatsaih dt. a entu lam pawh thisen a. India dawn a sang thei team hruai tur hian Pu Lalrinliana ham ham khawp Royte, Gen. Secretary, Mizoram Sepaktakraw mai... Association leh Manipur Sepaktakraw Association President chu ruat an ni. Hemi zawh hian Kings Cup World Sepaktakraw Championships, Bangkok a neih chhunzawm tur an khel nghal ang. India Teamah hian Lawmzuala leh Lalhmingmawia te pawh thlan an ni.Vawiin hian Mizoram chhuahsanin Kolkatta an pan ang a, September ni 7-ah India ram an chhuahsan ang a. September ni 18-ah an lo kir leh ang. Tin, Sr. National Sepaktakraw Championship chu Orissa-ah November ni 9 -13 chhung hian a awm dawn a. Mizoram Team atan Sihphir thalai te i lo in puahchah tan ang u.

Kan Infiammi te feh chhuak

Tunkar thawhlehni khan SAI Sepaktakraw trainer, Sihphir tlangval 3 te chuan Sepaktakraw Championships, Manipur a inkhel turin Sihphir an chhuahsan. Tin, September ni 5-8 chhung a Fencing National Cadet Sub Junior, Kokatta a tel turin kan veng rawlthar mi 6 te chuan tunkar ningani khan Sihphir an chhuahsan ta bawk. Fencers te hi Nl C.Lalmuanpuii, Dam veng, Mizoram Fencing Coach leh Pu Lalneihtluanga, Asst. Secretary, Branch YMA ten an hruai. Tin, vawiin inrinni hian Sihphir FC te chuan CEM Running Trophy, Haflong a tel turin Sihphir an chhuahsan bawk. Runners-up an nih avangin Quarter Final-ah dah nghal an ni a. Karleh thawhtanni hian an khel ang.
( Pu Lalramchhana, Cashier-cum-Clerk, MRB, Arpu veng chuan Sawiremtlang Chanchinbu tanpui nan pawisa engemaw zat min hlan a, kan lawm hle)

Mi thenkhatin pawngsual chungchang kha a chin chhuak deuh hlek a chhui a, rawn tarlang leh tur a min ngenna angin, a theih ang ang a kan han chian kual velna leh a behbawm dang thenkhat kan han tarlang dawn a ni. He pawngsualna nunrawng tak mai tawktu te chhungkua hi Durtlang Zion veng (Durtlang field chung a veng) a khawsa, harsa ve tak an ni a. An pa hi hmun hran hran a lehkhabu zuar a vak kual vel thin niin, Sihphir khuaah pawh a rawn zuar fo va, pawngsual tawktu a fanu pawh hi rawn hruai chang a nei thin. Vanduaina an tawh tlai hian hmeichhe naupang unau te hi an nu in Durtlang dawrkawnah buhfai lei turin a tir a. Laldinthara hi Durtlang damdawi In kawng tepen lam atanga Taxi a lo tlan thla-in, Durtlang field peng bul a naupang pahnih kawng kal mek te bulah hian a ding a. Chuan man pawh ngai lova chuang ve tura a sawmna chu anni naupang a thukhawchang, an chuang ve mai a. Dawrkawn an thlen hian Taxi Driver hian an in lamah a kal tlang lawk dawn thu leh, chuang tlang ve a, haw lam a buhfai lei mai turin a sawm a. Hmeichhe naupang te pawh hian ngaihthat lohna engmah nei lovin an aw ve mai ni awm tak a ni. Selesih lamah a rawn tlan tlangpui ta a. Selesih kawn an rawn thlen hian hmeichhe naupang pahnih hi an mangangin, an zam hle tawh a. An buhfai leina tur, an nu-in Rs 100/ - a ken tir chu pek a, chhuk tir turin Taxi Driver nunrawng tak mai hi an ngen nasa hle. He pa hian an au vaih chuan thah dunah a vau bet ta a. Kum 7 leh kum 9, an kum phu lova taksa thangduang pawh ni lo, chawrche ve tak te hi he mi nunrawngpa hian Rescue Centre kawng lamah a rawn phur lut lui ta a nih chu !! Rescue centre kawng hi a tha vak lova. Tlan tlang luih a tum thawm pawh a tha ham ham viau a niang, hemi ni a tlaklam tuikhur mawng a feh Pu R Zothansiama, Biak In veng pawhin motor thawm hi lo hria-in, An va han pawimawh awm em em ve aw ka lo ti hial a ni a ti. He misual hian Upa Tana (L) farm peng thlen hma metal road chinah motor hi ti dingin motor chhungah a pawngsual a. Hemi hnu hian pawn lamah a pawngsual leh bawk. A u a pawngsual lai hian a nau hi an bulah a awm luih tir thin. Hemi bul lawk a mi bekte zarah hruai luih a tum a, naupangte hi an tang chuan thahah a vau zel bawk si a ni. Helai ram vel hi nidangah chuan a rak hle a, hemi ni ber kher hian ruah sur nen, mi an reh hle a, an vanduai chungchuang hle. Pitar pakhat feh haw an hmu a, a chhan ngam an rin loh avangin an au ngam lova. Hemi hnu lawk hian Pu Ralthuama, Tamlo veng te nupa feh haw lo lang lehin, naupangte hi an au chhuak ta a. Pu Ralthuama te nupa hian naupang hlau thlabar au ri an hriat hian an phur an nghat sawk sawk a. Chutih mek laiin naupang pahnih, pakhat zawk kekawr ha lo, hlau khur zawih zawih an lam pan a lo tlan an hmu a. Pawngsual tawk zawk hian Pu Ralthuama nupui hi hlau khur zawih zawih chungin a rawn pawm bet nghal a, cheng za pawh a la hum tat nghe nghe. Pu Ralthuama te hian hemi bul lawk leipui a hnathawk mek Pi Chawngziki te an au nghal. Misualpa hi ngemaw chen a Taxi bulah hian a din hnuah chhak lam panin a tlanchhe chho ta a. Pu Ralthuama hian chem tum nen a um zui nghal bawk. A sawi danin a thin rim lutuk a, umpha ngat se chu a sat nasa viau awm e. Pi Chawngziki leh a vahnu an lo thlen hian a vahnu pawhin chemkawi nen he mi sualpa hi thui tak a han um ve nghal bawk. Kan thin a rim lutuk a, engmah hlauh kan hre tawh lo an ti. Pi Chawngziki hian fing takin in lama a fapa Zoramchhana a han phone vat a. He misual thawmhnaw hak leh a tlan chhiatna lam pawh a hrilh nghal. Chumi hnuah VDP hruaitute pawh a phone zui nghal a, VDP lamin YMA lam an phone veleh a. Phone dawng hmasa VDP hruaitute hi ruahsur hnuaiah rang takin a hmun an thleng thla nghal a ni. Khawchhung lamah inhrilh darh zel a ni bawk a. He misualpa hi zawn thlak nghal pahin a tlanchhuah theihna tur khan zawng zawngah chan nghal a ni. Man fuh a nih takna chhan hi a vanneihthlak hle. Pi Chawngziki fapa Zoramchhana leh a thianpa hian thlanmual thar an kal mek laiin Sunhlu tlang a thil phe zeuh an hmuh chu an ringhlel a. Pu Bawihchhunga (L) In bulah rawn tlan let leh nghalin, a nu-in a rawn hrilh ang thawmhnaw ha, Pu Ngurdawla In bul a rawn chhuk thla mek chu an han man bet ta a ni. Hepa thawmhnaw hak hi tuman an hriat ve loh avangin tlem a tlemah a rawn bi bo hman tep a ni e. A mantute sawi danin misual pa hian khur zawih zawih chungin kut thlak lo tur leh Police a pe zawk turin a ngen nasa hle.A tirah tak chuan he misualpa hi Hall-ah dah tum a ni a. Ngun zawk a an ngaihtuah hnuah kan hruaituten mipui thinrim inven zawh loh hlauh vangin Pu HV Lalmalsawma, VCM inhnuaiah an dah ta zawk a ni. Chibaitu erawh a tawng ta nual tho... phek 4-naah chhunzawm

THI MAI TUR NI LA, TUNGE I LAM ANG A, I KOH ANG.... ?

PDF created with pdfFactory Pro trial version www.pdffactory.com

S A W I R E M TL A N G

W E E K LY

VOL X XV

I S S U E N 0. 32 IN R I N NI . D at ed 3 rd September, 2011

Lawrkhawm
Telephone Hrui ru
Kar kalta Zirtawp zan khan Theihaingaw leh Arpu in kar a BSNL hrui thlun engemaw zat chu ruk /lak bo a ni a. A rutu te hi rin hriat an niin, manchhuah ngei tuma beih mek a ni.

KAN NGHILH THEIH LOH

Tv K LALTHAZUALA (1983 - 2005) Dt.31.8.2011 Ramthar ni.. kan lung a va han leng ve aw !! Kan fapa K.Lalthazualan chatuan ram min pansanna ni a lo thlen hian amah kan ngaih a zual vawng vawng a ni. He ni ropui tak a lo thlen hian kan ngaih che a zualin kan thinlung a na vawng vawng thin a sin. Nimahsela kan tana tha tur a ro min relsaktu kan Pathian chauh chu fak tur kan lo ni reng si a. Ka taksa lungngai mahsela, Vanramah thlain ka leng thin; Tunah chauvin rum mah ila Nakinah thlain ka thlawk ang. I nau te MS Dawngzeli (Nupuii) F. Hmingthanruala Sihphir Neihbawi I nu leh pa K. Lalsawmliana, H. Lalnghinglovi

Aieng ching mite tan

Aieng Society din tum a ni a. Aieng chin lam a tui mi te chu dt.4.9.2011 Pathianni tlai 3:00-ah Pu Lalngilneia In Kawn vengah Rs.10/- kengin kal khawm tur a ni e.

Hna hmu thar

Sihphir khua-in Dan lam thiam kan neih te zing a mi Tv Lalparvula, LLB s/o Zakapa, Sihphir Vengthar chuan Guwahati High Court, Aizawl Bench-ah hna a hmu thar a. August ni 22 khan Joining report a pe fel ta.

HRIATTIRNA
MCPCS Ltd. Sihphir chuan Bulk Milk Cooler (BMC) Operator tur a la thar dawn a. He hna thawk duh tur chuan dt.4.9.2011 Sunday ral hma ngeiin Chairman, MPCSC Ltd., Sihphir hnenah ziakin dilna thehluh tur a ni. Hlawh chu Rs. 4000/- (Cheng Sangli ) per month a ni ang. A hrechiang duh tan Managing Committee te hnenah zawhfiah theih a ni. Interview hun : Dt. 5th Sept, 2011 dar 7:00 A hmun : MCPCS Ltd. Sihphir Office, Dam veng. Sd/-Secretary MCPCS Ltd. Sihphir

Larsap thar
He thu kan buatsaih lai hian kum 2006, July ni 25 atanga Mizoram Governor ni tan M.M Lakhera thlak turin Vakkom B. Purushothaman chu Mizoram Governor (Larsap) thar atan Rai Bhavan Circular Lawn-ah nimin zirtawpni kha lak luh ni atana ruahman a ni. M.M Lakhera hian ningani khan Haryana a chawl hahdam tawh turin Lengpui Airport atangin Mizoram a chhuahsan tawh bawk.Kan Governor thar tur hi kum 83 a upa, kum 1946 ah politics luhchilh a ni a. Kerela MLA-ah term 4 thlan tlin a lo ni tawh a. Kum 15 vel State Minister leh kum 2 chhung Speaker a lo ni tawh bawk. Hei bakah kum 7 chhung Lok Sabha member a ni. India ram leh khawvel huap Committee pawimawh tak takah a tel tawh bawk. March 1993 atang khan kum 3 chhung Andaman and Nicobar Island Lt.Governor a lo ni tawh bawk a ni.

LAWMTHU SAWINA
Kan pa Tlanglawma, kum 71, Serkhan khua, dt.23.8.2011 tlai a Doctor Specialist pana a inentir tur kan nau Rosangmawii te ina a riak, zing dar 4:30 vel a min boral san tak chungchangah Sihphir YMA ten Kuang tha taka min dah sak chungchangah te, ruahsur khawchhe chunga YMA nula tlangval, nu le pa, thenawm khawveng te, unau laina te, min buaipuitute zawng zawng chungah thinlung takin lawmthu kan sawi a ni. Hmun awl atan zawng zawng te hi keini nufa hian kan rul seng dawn lo Inthatna che u a. Pathianin a let tam takin rul che u rawh se. Hei hi kan lawmthu sawinaah min pawm sak turin kan ngen a che u. In khawngaihna dawngtu Lalzawmliani te nufa, Serkhan

YMA Zaipawl
Kar lo awm tur ni 7.9.2011, Nilai zan inkhawm ban hian Sihphir Branch YMA Zaipawl member te YMA Library Buildingah hla zir tur a ni a. Member te kim tak a kal tur a ni. General Conference a hla sak tur zir tan tawh tur a ni e.

SIKNI ENG KUT - 2011

Sihphir Branch YMA chuan dt. 10th November, 2011 hian Sihphir Playground-ah programme hlimawm leh dangdai tak tak nen SIKNI ENG KUT ropui takin a huaihawt dawn. Programme tarlan a la ni ang.

Dan thar hmang ta

September ni 1 atang khan Mizoram Sorkar chuan The Mizoram Motor Vehicle Taxation (Amendment) Act, 2011 chu a hmang tan ta. He dan siamthatah hian 2wheeler leh motor dang tana chhiah pek nawn ngai tawh lova tumkhat a pek tlak nghal theihna tur Life time Tax, kum 15 chhung daih tur pawh a tel nghe nghe. Lirthei hlui tawh te erawh kum 15 a la tlin loh chuan an pek hmabak zawng chu life time tax in an pe thei ang. Road Tax tharah lirthei te hi an horse power atanga teh tawh lovin engine len zawng (capacity) atang a teh a ni tawh ang a. Bungraw phur thei chi te pawh an phur rih theih dan zawng atangin Tax an pe tawh ang. Hetih mek lai hian City Bus chuan man thar pawh tihchhuah a ni a. Stand khat zelah Rs 3/- a ni tawh ang a. Stand 1 atanga stand 27 thleng chuan man Rs 16/- a ni ang. Sihphir leh Bawngkawn inkar Rs 15/- a ni tawh bawk.

pawngsual chungchang review..... A hnu lamah khan kir leh ta ila. He thil thlen lai hian nasa takin ruah a sur kan tih tawh kha. Pu Ralthuama nupui hian thelret puanin hmeichhe naupang thlabar, khur zawih zawih leh huh zawr vek bawk si hi tuamin a pawm nghal a, Pi Chawngziki nen an thlamuan nghal mawlh mawlh bawk. Tichuan a thleng hmasa te zing a mi Pu Sangzuala leh Pu H Laltanpuia ten rawn paw chhovin Pu C Lalsangzuala Inah luh pui a ni a. A buaipui tur hian thenawm nuho an tlan lut nghal bawk. Thawmhnaw pawh hak sen loh an rawn vawm lut nghal a ni. Hmeichhe naupang serh hi a hliam nat em avangin a kekawr hak chhanah pawh thisen a chhuak rei hle. (Tun thlengin zun leh ek a la thiar tha hlei thei lo) An unau hian thawmhnaw lum te hak tirin, chaw te ei puar tir an ni a. Durtlang lamin an rawn hruai phei ta a ni. Hemi zan hian pawngsualtu leh a pawngsual a hi medical check up/ HIV Test neih sak nghal vek an ni a, HIV/AIDS lakah an normal. He naupang vanduai leh khawngaihthlak avang hian lainattute mittui a luangchhuak hnem hle. He vanduaina kan lo buaipui danah Durtlang mipuite hi Sihphir khawtlang chungah an lawm tak meuh meuh bawk. Khami tlai khan melkaw chho-ah kawng chhe lovin, Durtlang lam hi rawn thleng chho thei ta ngat se he misualpa hi damin a chhuah a rinawm loh. Police kuta a awm hnuah pawh an chil hlum tep reng a ni. Tun thleng a mite thinlung a zawhna thi thei lo chu Man ni ta lo se heng unau pahnih te hi a that mai a ngem ? tih hi a ni. Heng naupang khawngaihthlak tak te hma lam nun tur hi ngaihtuahawm tak a ni ta bawk. A tawp ber atan chuan kan hruaitute thu leh hla kan zah der leh kan pawisa thin hi a lawmawm tak meuh meuh a. Kan chin chhoh zel atana thil duhawm tawp a ni. Tin, nu leh pate hian kan fate hi i fuih reng bawk ang u. Hei bakah kan vengchhung atang hian nitin Aizawl lam a Sikul kal etc. thahnem tak kan awm mek a. Kan fimkhur thar a ngai hle. Hmelhriat ngai loh lakah ngat phei chuan fimkhur a ngai zual tak meuh meuh a ni.

Published by Sihphir Branch YMA : Printed at Lois Bet Chanmari Aizawl (0389) 2349250

PDF created with pdfFactory Pro trial version www.pdffactory.com