A PUBLICATION OF YOUNG PAITE ASSOCIATION, BUNGMUAL UNIT

Bungmual Weekly News

Vol - XXVVXI SUAH NO. 93 PATHIANNI 1 JANUARY 2012 Bungtuinews@gmail.com Bungtuinews@gmail.com ail. BUNGMUAL

THU TUAMTUAM
KUMTHAK LOPNA OM DING I khosung a Biakinn chih ah kum thak lopna in kikhopna om ding. Hiai ni in EBCC Bungmual chih louh in annekkhawmna neih sawm uh a, EBCC BML in ahihleh date 2/1 in ankuangluina neihsawm uh hi. DANSIANGTHOU IN KITENG UH Dt.29/12 in Tg.Lamkhoson @ Soson s/o Upa Kamkhohen Llv leh Lia Manhoihching @ Rosny d/o Upa Thangsuanhang,Tuibuang EBCC Bungmual Biakinn ah saptuam dansiangthou ah kitenna nei uhi.Tua hun in mipi tamtak ten uap in,nitaklam in moulopna in neek khawm na leng neih in om hi. Dt.30/12,Ziltawpni paita in Tv. T. Thangginlian s/o Upa T. Tunkhansong Nl leh Lia Dr.Chingnunsiam te EBCC Newlane Biakinn ah Saptuam dansiangthou ah kitenna neih in om hi.Hiai hun in iit leh ngaih- u leh nau tamtak ten programme uap ua,nitaklam in progaramme uap teng in neekkhawm na leng neingal uhi. Dt.30/12 in Pa Dr. Tualkhankham Clv in a tanu Miss Niingsangching khakna programme nei hi.Miss Niingsangching ahihleh Mr.Paukhanmang Ngaihte toh EBCC Central lamka ah tua ni mah in dansiangthou in kiteng uhi. NAAK GUH MANG MUTA UH Tv.T.Thangbiaksang s/o Pa Sumzamang Slv in a tangtawn tulpih ding in Newlamka apan in Lia Chingneihkim dt.24/12 ni in ana pitou verver hi. Tv.Ginsuanlian s/o Pa Lamchinkhup Llv in nungak melhoih mahmah Lia Jamkhanching NewLamka kalpaita in a tangtawn tulpih ding chi in hon pi tou hiau hi. Tg.Tony Tuangoulian s/o Pa Thangzakam Nl in kalpaita in a tangtawn tulpih ding chi in Pearson apan in Lia Grace hon pisuk liauliau ta hi. THANKS GIVING HUN ZANG UH Dated 27/122011,12:00 pm in Tv. N.Nengsonlian s/o Slv Bank PO apan Deputy Manager a ana kaisang na leh Lia Dimbiaklun ANM,AIIMS Delhi a sepna amuh Pathian kiang a kipahthu genna hun leh Mr.Lal in a laibu bawl Zoson Slam Book kichi honna nei uhi.Hiai hun a paikhawm te tengteng leng gilvah sa a pai siausiau uh hidan in BWN News Correspondant Tv.Dalsuanlal Zrv apat in thutut kingah hi. YPA HALL BAWLNA SUTZOP PAH HITA DING YPA Hall bawlna sutzop nawn pah hita ding a, January 21 leh 28 election /Polling day a zatman ngei ding a panlak kisawm ahih dan YPA heutu ten gen uhi.Hiai hall bawl zoh ngei deihna in bialtu Minister panlak pihna tawh sum tamtak muh hita a, muh beh zel hilai ding chih makaite akipan thutut kingah bok hi. HONG TUNG Tg.Khamsuanthang s/o Pa Thangzakam Slv Sintawpni paita in America apan in vangkhua hong tungta hi. Nu Nemngaihniang Delhi a christmas zangzou zan kiginni in hongtung hi. TANU NEI Nu Niangbiakching w/o Pa Minthang Nl ten kalpaita in tanu melhoih tak nei uhi. ACCIDENT TUAK KHA Pa Minthang h/o Nu Niangbiakching Nl apaita 29/12 zingkal in Activa a tuang lai DI gari toh ki het kha cheuh in liamna tuak in DDin puaklut ahih nung in tu in innmun ah etkol in omta hi. INTERVIEW DING NGAK Kal paita issue a Manipur police a SI lakna result sutzopna Tv. Thangkhankhual Tonsing Lnv in Written test ah lohchinna ngah in tu in Interview ding ngak lel hi.

KHOSUNG A BIAKINN CHIH AH CHRISTMAS LOPNA OM

EBCC BETHANY

EBCC NEWLANE

PCI Bungmual EBCC BUNGMUAL Khovel mun tuamtuam ah Christian omkha peuhmah te,n I Toupa Jesu Kris hong pianni lawpna thupi theipen in zang uh a, tua mah bang in ei Bungmual khawsung ah leng Biakinn chih ah, hiai ei Kristian te a ding a ni thupi penpen, Biakinn te chei in, Biakna hun zang in a thupi theipen in lawpna hun zat in om hi.

BYF NEWLANE 1ST ANNUAL FELLOWSHIP ZOH IN OMTA

Apaita 28-29 in BYF Newlane in 1st Annual Fellowship hun zatna nei uhi.Hiai hun in kitaiteh na tuamtuam-indoor leh outdoor kitaitehna nei uhi.Outdoor Kitaitehna pen 28/12 zing dak 6:30 in biakinn ah Upa K.Kamkhanpau,Adviser BYF in honna a neihzoh phet in Marathon tai duamduam tamai uhi. Outdoor game ah kimawlna tuamtuam chi 10 leh Indooor kimawlna chi tuamtuam 14 nei uhi.Hiai fellowship zat hun ah mundang a omte teltheih nading a ngiim ahih toh kiton in tamtak te kihel uhi. Hiai hun ah Thupi tuamtuam thum(3) pansan in Dr. Suankhanhau leh Upa T.Langzathang ten Discussion&Question hour hun zang uh a,hiai hun pen tuailai pawl in phattuampih mahmah in nuam sa mahmah uh hi in gen uhi.A thupi ding in (1) ZUDAWN KHELHNA AHI DIAM? (2) ZAWL LA SAK/PHUAH KHELHNA AHI DIAM? (3) DIKTAT LOZEN KEN... chih te hi a,tua hun ah Tuailai tamtak ten dotna te bawl in phatuam pih mahmah uhi.

SECY DONER IN TANKY MUN HONG ENKHIA

Dt.30/12 Sintawpni paita in Mr.G.Kamkhenthang Secy DONER in Bungmual Water Treatment Plant etkhiatna hong nei a,tua hun ah Dept. O cial te ban ah YPA makai ten ana kithuahpih in,tui lakna leh hawmkhiak dan toh kisai pan lak apoimoh dan YPA makai ten taklatna nei uhi.Hiai hun ah EE(PHED) in a genna ah tulel in Bungmual khawsung a tuipiakna ding in vengnih(i.e. Llv leh adang khat) ah tankey bawlna ding order om khinta ahihthu gen hi. Hiai toh kisai in koimun hiam chih leh kua bawl ding chih kithei nailou a, maban ah mipi hamphat pih dia ahong omkhiat pah ginthu makaite akipan in kiza hi.

BUNGMUAL WEEKLY NEWS 1 JANUARY 2012 NEW YEAR MESSAGE -

HINKHUA

KUMTHAK LOPNA PROGRAMME EBC BUNGMUAL

NIPINI ZING Hun uk LST Simna Thilpiak Lantu Spl Nos Thugenna Hunkhakna NITAK PROGRAMME Hun uk LST Simna Thilpiak Lantu Special nos Thugenna Hunkhakna : Upa N.Thawnzagin : Pu Liansiam Clv : Upa Hanglianthang : TBYF : Rev Dr.Luaichinthang : Hun uk khut ah : Upa T.Thangkhanzam : Mr. Liankai Hsv : Upa V.Gouzachin : TBYF : Upa Dr.Tualkhankham : Hun uk khut ah

THEIHSAKNA LEH NGETNA

EBCC NEWLANE
NIPINNI ZING Hun uk : L/Upa M.Vialzapau Kumthak Thilpiak lantu : Upa K.Khamkhanpau Thugentu : Upa B.Kh Khankhup Hunkhakna :Thugentu NITAK PROGRAMME Hun uk :L/Upa T.Thuamzamung Thilpiak Lantu : Upa S.Thangzagou Phatna Lapawl :TBYF Thugentu : Upa T.Chinzagin Hunkhaktu : Thugentu

Mihingte, Ganghingte, Sing leh louten amau toh kisai in hinkhua nei chiat uh a, achi chi in a sawt leh a tom dan ki bang lou hi. Koi mun hiam a pan piang/pou khia in, amah a ding a poimoh nawitui, huih siang, tui siang, lum-le-vot pansan in hong khang khia a, tuate lakah mihingte etkol louha hi thei lou hi. A hihhangin, huai a hinna pen tak uh a enkoltu in pethei mawk lou a, a hin ziak a kem thei hi lel zaw hi. Tuni in, Kumthak ahih dungjuiin, Mihing hinkhua gen lehang I chi a, simtuten kei hinkhua bang chi a, bang ziaka hinga bangtan daih dinga, atawpna bang hi ding hiam chih awl a sut in, ngaihtuah in nei lehang ka chi mahmah hi. Mi chidam khat peuh a gil a vah leh a pumpi navak khat suak a,a hihhangin, ahinna in bang tasam hiam chih kuamahn theihpih loua, tua taksap diktak pen leng midang hilh mengmeng lou zaw mah hi. Ahih leh, mikhat in hichi taka a sep gim pen a pumpi khual na hia? Or ahinna? A tangpi in, Muhtheih, huai bel pumpi/taksa in a taksap teng nei zou ta leh, hinkhua nuam nei I hisak ding ua, kong khat ah dik leng a dik moh kei hi. A ziak bel, tuamah I lunggulh leh zon pen uh leng ahih chianga maw? Gensau lai lehang, huai I zonna luat ziaka, midanga ding khual banlou, abanban a en zial toumai, loh ching dana I ki theih nak leh minsiat khawng maimai lel a ngai. Et a, nopsak chi lua, lehlama thawmhau geuguau a hin khua zang tampi om ding a tuat theih in om hi tuaten bang tasam hi ding? Kumthak ahih toh kitona I gen-ot nop pen tuh Nang leng hiai khovel hinkhua na zatna ah, thawmhau vungvung leh kha muang lah tuntuna hinkhua zanga, khat veivei bang ning kitel tuntuna na om ni a om mai thei. Tua hun chiangin, ka hinkhua in leitung a a tawp pha hita leh, tangtawn gam kichi koi a zang ding ka hia? chih ngaihtuah na in Kumlui 2011 mangpha khakin, Kumthak 2012 chibai buk sawm in. Nuamsa banga om a, taksap neilou banga kingaia om na hih leh bel, Pathian leh A gam bangmah lou a ngaite laka natel leh, tua ah tanvou na nei kei
dia? apoi cih in genkhak a neih nawn louh hun chian thilteng kikhel ding hi. THUTAWPNA: Bangteng hileh, deihhuai leh lunggilh huai ka sak pen zaw, simtu tengtengin, I pumpi/hinkhua uh I khual luat zawzen man ua lungsim thawmhau tak oma, I biak Pathian bang gamlat deuhdeuh dana I omna un thilhoih hon tunlou ding ahi chih ngaihtuah in nei chiat lehangla, I hin ziak ua I pum pi un ne a dawn hi zaw ahih dan ngaihtuahna in Kumthak vai dawn le hang chih ahi. Toupan kum thak ah hinkhua thak nei din hon vual zawl chiat hen.

EBCC Newlane in Kumthak Ni 01-01-2012 lopna di toh kisai hiai bang ahi ding1. Krismas 2011 a Neektak -Tuanvai leh khosung duty leh mohpuakna te kumlui a te set ahi a,(zinkhia leh damlou te kisuanlah louh ding) 2. Bawngsa,voksa leh saa nelou te adi kumlui a dan mah hih/bawl ahi ding. 3. Damlou/ankuang hong umlemtang theilou di ten Mess Commander T.Thangzasong leh tuanvai te lak a mipi annek kham in alak theih ding, a tawi nang ngailou in neektak ten hon pedi uh. 4. Zingkal dak 6:00 in saa at dia Biakinn a paikhawm ding. 5. Tuanvai te panpih ding in Nungak thak bangzah hiam chial leh seh ahi ua, kipah huai. 6. Kumthak 2012 vualzawlna kum hong hileh ichih kawmkawm in Thohlawm thoh beh ut omleh kong lianpi a hon ahi. 2012 kum Toupan hon vualzawl henla, hauhsakna, damtheihna leh Pathian lam naihzawk semna in zang ni. Sd/Sd/T.Donglianpau S.Thangchinkhup Secretary Chairman Nektak Saipawl EBCC Newlane

new year greeting

The 1st January, 2012
Hun leh kumte mualliam zel e,Sang zatamte din nunnop hun, Simsenglouhte din kahna,Namchih zata nopna leh dahnate hun in mualkhum ta. Hizong , Sian huai nan haibang I ngak kumthak tuang hongtung e,Namchih zatate lambang pak in, lungdamna toh kumthak chibai kon buk hi, Kumthak in Muanna leh Bitna, Gam leh Nam damna, Namchih Kipumkhatna,Michih a din Damna, Lohchinna leh Vualzawlna simsenglouh hon tun hen. Noute toh semkhawm, ( H. MANGCHINKHUP ) Executive Member, ADC Churachandpur District

VAN NEITU ZONNA

Bungmual kholai lampi ah mitbelh kamu a,aneitu in ka kiang ah ahong lak theih ding. - Pa N.Douzakham Lnv Hun bangtan hiam paita akipan in ka dawr ah meivak khat hong kinusia a, aneitu diktak in a hong la thei ding. - Pa Jamginthang Lv.

CHIALNA
January 5, 2012,Ningani zing dak 11:00 in ka tapa nihna T.Khamkhanpau leh Lunkim(Kimboi) d/o T.Tunzalian , Chapellane , Hiangtam Lamka toh Saptuam dansiangthou in EBCC Bungmual Biakinn ah kitenna leh innmun programme dak 12:30 ah kipan ding ah hongtel ding in kuapeuh hiai i news deihthohtak uh BWN tungtawn in chialna kahon bawl hi. Kakipak. Chialtu, T.Ginzathang Siloamveng.

YOUNG PAITE ASSOCIATION

BUNGMUAL UNIT

KIPAHTHU GENNA
Dated 30 December 2011 No.YPA-Bml/Estt(Cir)/1(3)/2011: Young Paite Association Bungmual Unit in i khawsung a kongzing/ lampite ah street light koihsuakna ding a panlak ding chih Term plan a i neih dungzui in,huai sepsuahna ding a panlakna ah mimal akipan hiai a nuai a bang in panpihna muh nawn ahi.(Kallui a suah behlapna). 1.NEWLANE a koih te: i) Foundation school = 1 lamp 2. LAMLIAN VENG a koih te : (1) Pu T.Thanglianmung + Nu Lalbiakching + Pu Lianzagou + Nu Chingkhanvung + Pu Vungsum = 1 Lamp (2) T.Ginkhanmuan = 1Lamp (3) T.Vungzakai+ Thongkhogin+ Pauzason = 1Lamp Hiai atung a kitaklang bang in panpihna hon thawhte tengteng leh tting hon bawlsak te tung leh Electric t hun a singpi man dia Rs.100 hon thoh Evan Thianminlian tung ah YPA Comtt. in kipah thu hiai i news tungtawn in kipuang hi. Committee sik in, Sd/Singkhanmang Guite President Sd/H.Zemkhanthang Secretary

KUA TEN BANG GEN?

# Hiai kumthak in news simtu te tengteng salam leh khalam ah vualzawlna thak hon tun leh chih deihsakna kon khak hi. - Editor. # December khasung in ka coat silh sawpman lou phial kahi. -Pastor M.Ginzatun Llv # Pathianni a sagoh hoih salou ten sa alei teitei uleh,sagoh hoih sa ahi thouthou uh. - Ppl Soisang Lnv. # Eh! tukum lah hong beizel mawk a le. Tg. Pk Lun Lnv. # Lun, kachih chih mah....haha....Kumthak ah chi nawn peuhmah le..... Tg.Ks Mung. Hsv # Kum paita pen ana full khin vial eivele,Kumnawn December kha kei ading a nikhat reserved nana koih ding uh kachih hiven. Tg.N.Nengsonlian Slv. # Ni 5/1/2012 nitak apan in CRP lup chih himhim kaching nawn kei ding. Tg. Khamkhanpau Slv. # Newlane saptuam in Pastor tuam aneih hunhun ka inn Pastor Quarter dia pekhe di kahi. Ppl.Pauthianmuang NL

- Upa V.Ginchinpau Lnv.

BWN Wishes you a Happy New Year

sunna: Nu Niangngaihching,kum90 m/o L.

Thangkhanchin Lv in damlouhna te ziak in dt 25/12 a ahon na mualliamsan na tung ah, i suunpihthu i news tungtawn in i puang hi.