ORAS NG PAGSAMBA
Arturo Bautista
Parang kahapon lamang nang akoy kalong-
kalong
Ni Apoy, ni Nanay at lahat ng kamag-anakan.
Di ako makapaniwalang ngayon naman
Itong inapo nang pamangkin ang aking
kinakalong.
Minsan, sinikap kong ilapit ang pagsuyo kay
Inday,
Ang isinagot naman niya ako munay maghintay
Nang muli ko siyang tanungin napagtanto ni
Inday
Nubenta anyos na pala siyat wala nang
maaalay.
INA KO
Merlie Alunan Wenceslao
Matris mo ang larawan ng una kong espasyo
Makipot na sukatan, kapintig, isang dugong
Dumaloy, bumalikwas, nang akoy nasa loob.
Minana ko di lamang ang hugis niyang baba,
Ang mahabang biyas, may aninong mata,
Punto ng pagsalita, kulay ng iyong balat.
Mga utos mo yaong sa aking budhiy batas.
Buhok akong suwail, sumalungat sa hangin
Sa estriktong pagsunod, takot na pagyukod.
Nasa akin nga ngayon at ayaw pagsisihan
Nanginginig ang mga itong nagluluwal panganib
Sintanda ng paghintay sa pagsingil ng puntod.
Ang kandungan mo pa rin ang nais kong liparin
Nakagigitlang lunang ang nukalagday dugo.
Ito rin ang pahayag ng iisang tadhana.
AN IROY NGA TUNA
Iluminado Lucente
An Iroy nga Tuna matam-is pagpuy-an
Bisan diin siplat puros kasangkayan
Hahani an hingpit nga ak kalipayan
Hahani hira nanay pati kabugtuan.
Salamat uyamot itong kalangitan
Waray na mabugon nga at kasalitan
Kay adton uripon nga nayon
Labis kamapait pa han kamatayon.
Kay an Pilipinas talwas na nga tuna,
Duyog han paguswag han dagko nga nayon,
May ada pagdasig an at hunahuna
Hin diri papagtugot kita pagtamayon.
Duruyog pagampo ining katiripon
Nga di na bumalik an pagkauripon
Kairo han at sumurunod,
Kun tulo nga bituon ngan adlaw matunod.
Salin:
Lupang tinubuan
Kaysarap mabuhay sa sariling bayan
Saanman tumingin may mga kaibigan;
Dito matatagpuan ang tunay na kaligayahan
Narito si Inang, pati kamag-anakan.
Magpasalamat tayo sa langit
Wala na ang pait at mga pasakit
Dahil ang bayang inaalipin
Mas masaklap pa sa kamatayan.
Malaya nang tunay itong Pilipinas
Kasamang uunlad ng iba pang bansa
Matatag ang ating pasiya
Hindi na papayag na sakupin ng iba.
Manalangin tayong lahat
Na di bumalik sa pagkaaipin
Alalahanin yaong mga susunod sa atin
Kapag hinayaan nating maglaho ang mga araw
at bituin.