1

Madat mara ai gaw hkungga shan hta grau kaja nga ai

Ga Hpaw: Shinggyim masha gaw Karai Kasang a hkrang bung sumla hku hpan da hkrum ai re. Rai tim,
hkrang bung sumla a manu, sari sadang, ahkaw ahkang hte chyeju ni gaw Hpan da ai Karai kaw na sha lu
la mai ai re. Dai hpe chyeju hpe hpring hpring tsup tsup lu la na matu gaw, Hpan da madu a yaw shada
da ai lam hte hkrak sak hkrung nga pra ra ga ai. Dai hku nga pra lu na matu gaw hpan Karai a matsun
maroi ga ni hpe madat mara let sak hkrung nga pra ra ga ai.

Kadai Hpe Madat Mara Na

‘Karai Kasang gaw hpan da madu hte nga yawng danghta a madu re ai majaw shi a ga hpe madat mara ra
ai re’ (Tara Jahprang 4:35-40). ‘Masha ga madat na hta Karai Kasang a ga mahtang grau madat na ga ai’
(Kasa 5:29) hpa majaw nga yang, hpanda ai madu a yaw shada ai lam hte hkrak sak hkrung let hpan da ai
lam a chyeju hpring hpring hkam la lu na matu gaw hpan da ai wa hkang da ai matsun maroi ga ni hpe
madat mara nna asak hkrung ra ai re. ‘Yehowa hta shingbyi nga ai gaw, masha wa hpe shamyet nga ai
hta, grau kaja nga ai. Yeowa hta shingbyi nga ai gaw, Du ni hpe shamyet nga ai hta, grau kaja nga ai’
(Sh.k 118:8-9)

Madat Mara Ai Ngu Ai Hpa Rai TA?

Yesu shawng ningnan hkaw tsun ai ga gaw ‘K.K a mungdan gaw ni wa magang ra ai; myit malai lu nna,
dai kabu gara shi ga hpe kam sham nga mu’ ngu ai re.Madat mara ai ngu ai gaw, K.K a n sen azin ayang
madat ai, K.K a man e ding man ai hku galaw ai, shi hkang da mada hpe madat mara nna, shi a ga matsun
nlang hte hpe hkan nang ai lam re (Pru 15:26). N madat mara ai ngu ai gaw, K.K a ga n madat ai hte, na
mung n na la ai sha, tinang a hpaji daw ai hte myit ja ai hku hkan nang let, myi man n yawng ai, shingdu
dat kau ai lam re (Yeremia 7:24).

Madat Mara AI A Akyu: Karai Kasang a ga hpe Adam n madat ai lam gaw shinggyim masha ni hpe si
hkrung si htan hte ngarai de du shangun nga ai. Tara Jahprang 11:27 hta Yehowa hkang da ai ga hpe
hkan jang, shaman chyeju lu la na. Pru 19:5 hta gaw, nanhte nye a ga teng teng madat nna, nye a ga
shaka hkan myit yang gaw, masha amyu nlang hte hta na nanhte nye a Sali wunli tai na marin dai: kaning
rain me law lamu ga ting nye a rai nga li ai: nanhte gaw nye a matu hkinjawng mungdan hte chyoi pra ai
amyu tai na marin dai. Ga ndai hte gaw Israela kashu kasha ni hpe nang tsun na ga rai nga ai, ngu tsun da
nga ai. Yeremia 7:23 hta mung "Nye a ga madat mu: shing rai yang, ngai gaw nanhte a K.K, nanhte gaw
nye a amyu tai na myit dai, nanhte ngamu ngamai hkrum lu hkra, ngai nanhte hpe htet da mada hkan
nang nga mu" ngu tsun da nga ai re.

N Madat Mara AI A Akyu: Yesu Hkristu si ai du hkra kawa K.K a ga madat mara ai gaw, hkye hkrang la ai
lam hpe shabyin wu ai (Rom 5:19; Hpili 2:8). Tara Jahprang 11:28 hta Yehowa a hkang da ai ga hpe, K.K
tawn da ya ai lam hta tawt nna, tinang n chye ai Hpara shaje hpang de manoi mat wa ai majaw, dagam
dala hkrum na lam tsun da ai re. Egutu mung na pru wa ai Israela kashu kasha ni Yehowa a ga n madat
ma ai majaw kaji kawa ni hpe dagam da ai mungdan, nga chyu the lagat jahku lwi ai ga hpe shanhte n
mu lu ma ai. Yehowa dagam kau ai majaw, shanhte hta na ri nhtu chye lang ai la sha wa-ngan nlang si
htum ai du hkra, dai nam mali hkan e mali shi ning tup kayin hkawm ra ma ai (Yawshu 5:6) .
 2

I Samuel 15:24 hta gaw, “N madat mara ai myit chyawm gaw, hpyi shung shung sha ai zawn, je hpre ai
myit gaw, Mandan lakle the sumla naw ku ai zawn mara kaba nga ai. Nang Yehowa a ga kabai kau ndai
majaw, Yehowa mung nang hpe hkawhkam ayah ta na jahkrat nna, kabai kau nit dai, ngu tsun da nga ai.

Shawlu a sak hkrung lam hta mu lu ai sakse: Shawlu hpe lak lai shangun ai lam gaw ‘Yeowa a Wenyi shi
kaw du ai ‘ lam re (I Samuela 10:6). Shaloi shi gaw yu maya sun hkau na galaw sha ai wa kaw na,
mungdan hpe woi awn ai ningbaw ningla shatai la hkrum ai re (I Sam 10:9-13). Yehowa a Wenyi Shawlu
kaw nga nga ai majaw, shi woi awn ai kaw Israela ni hpyen majan awng dang ai lam ni law law lu la wu
ai. Shawng de makau grup yin mungdan ni gasat tsing la kau ai lamu ga ni hpe mung bai lu madu la ai re.

Shawlu gaw mihtoi Samuela hku nna K.K matsun ai hpe hkam la ra ai re. Rai tim makam masham
hte mung masa daru magam power, shi chyu awng dawm lu la mayu wu ai. I Samuela 10:10; 11:16 hpe
hti yu ga yang, Karai Kasang gaw Shawlu hpe hpung shingkang jaw ai re. Rai tim Shawlu gaw shi ram nna,
chye nna ngu gum rawng wa ai. Karai Kasang tsun ai hku n madat mat ai. Dai majaw Yehowa Karai
Kasang gaw, “Ya Yehowa a ga Samuela kaw du nna, Ngai Shawlu hpe hkawhkam shatai we ai majaw,
myit malai lu se ai. Shi a myit yit mat wa nna, nye a hpang n hkan ai hte ngai hkang da ai ga n shatup nu
ai “ (I Samuel 15:10-11). Dai majaw, Karai Kasang a hpung shingkang shi hta n nga mat ai. Karai Kasang n
makawp maga la mat ai. Shawng de shi galaw ai bungli shagu hta awng dang wu ai. Rai tim ya gaw n
awng dang mat sai. Mungdan kata rawt malan ai lam ni hkrum wa ai. Hpilipi ni a gasat ai hkrum hkra wa
ai. I Samuela 31:1-6 hta kasha 3 hpyen jaubu ni rai tim majan hta si mat ai. Shawlu mung hprawng
hkawm ra ai re.

Ga Hpung Dim: I Tim 4:8 hta tsun ai, tara hkungga ai myit gaw lam shagu hta akyu nga ai rai nna, ndai
prat hte rai ti mung, htawm hpang na prat hte rai ti mung, seng ai ga ndat rawng nga ai. Law malawng lu
su ai aten, arawng aya lu ai aten, hkam kaja ai aten Karai Kasang a mungga hta n hkan sa ai. Dai majaw
Karai Kasang a hpung shingkang hte makawp maga da ya n hkum lu ai.Hkrat sum ai shaloi she, Karai
Kasang a matu ap nawng na re nga hpyi jahtau, myit malai lu sai nga hpyi jahtau chye nga ga ai. Dai ni
hkam kaja tim, hpawt ni ana amyu myu byin mai ai, dai ni sut gan gumhpraw lu tim hpawt ni sum mat
mai/yawm mat wa mai ai, dai ni arawng aya lu tim hpawt ni hkrat sum mat mai ai. Karai Kasang a hpung
shingkang hte makawp maga ya ai lam lu la nga yang chyu sha ngang grin ai hku galu kaba wa mai ai
re.Dai majaw, I Kor 10:31 hta “nanhte sha ti mung, lu ti mung, hpa galaw ti mung, nga manga hta K.K a
hpung shingkang tam let, galaw nga mu” ngu matsun da ai re. Dai majaw, I Samuel 15:22 hta gaw,
“Madat mara ai gaw hkungga shanhta grau nga ai; tsun ai hku hkan ai gaw, sagu la sau dung hta grau
kaja nga ai” ngu matsun da ai lam rai nga ai law!

Ginlen shalai ai,

Rev. Dr. Lahpai Awng Li

MIT, Insein.
3