Professional Documents
Culture Documents
Nakatutulong:
Marie Claire Singson po, mauuna sa talastasan
Sapagkat alam kong tama aking ipinaglalaban
Talagang nakatutulong mga produktong dayuhan
Binibigyang tugon, pangunahing pangangailangan.
Hindi Nakatutulong:
Lakandiwang mahal,pasasalamat ko’y tanggapin n’yo
Sabi nga ni Manny Pacquiao, para sa inyo ang laban na ito
Kung magsalita ang katunggali, parang ‘di Pilipino
Maringal lang ang suot, ‘kala mo na kung sino?
Lakandiwa:
Sandali muna, mga mutya ng bigkasan
Tila maanghang na mga salitang binitawan
Init ng ulo nyo hindi natin kailangan
H’wag pairalin ang galit at pagiging mayabang.
Maging mapagkumbaba, iwasang magmalaki
Dahil ‘di ito mabuti sa pananaw ng marami
Huwag ding magpadala sa emosyong namamayani
Matitinding awayan, ito ang makabubuti..
Hindi Nakatutulong:
Bakit ba colonial mentality patuloy sa bansa?
Hindi ba ito nakikita ng iyong mga mata?
Sariling atin, bigyan naman ng pagpapahalaga
Sa halip na tangkilikin mga produktong banyaga.
Nakatutulong:
Colonial mentality, masyadong big deal sa ‘ting bansa
Masakit na sa pandinig hindi ka ba nagsasawa?
Pagpapakatotoo lang iyan, maging praktikal ka!
Produkto ng ibang bansa, sulit na sulit, tipid pa.
Hindi Nakatutulong:
Produktong sariling atin huwag niyong maliitin
Dahil kalidad nito’y maituturing na world class din
Saan mang tahanan, itong siyang dapat tangkilikin
Sapagkat sa produktong Pinoy tayo nabibigyang-diin.
Nakatutulong:
Hindi ka ba nakikinabang sa produktong dayuhan?
Kung susumahin, ito’y isa nang pangangailangan
Adidas, Swatch, Levis, DKNY, Girbaud at iba pa
Ilang materyales nito parang sa atin din nagmula.
Hindi Nakatutulong:
Maunlad bang maituturing ang kakulangan sa hanapbuhay?
Hindi ba dulot ito ng pag-angkat na walang humpay.
Buti na pa ang Jollibee, Sarao ,Hapee, Bench, at Shoe Mart nagbigay trabaho,
Mga kompanyang Pilipino na s’yang dapat ipagtaas noo.
Nakatutulong:
Kaibigan kong makata, mga mata mo yata’y natatakpan
Mga dayuhan pa nga ang dapat nating pasalamatan
Patuloy silang tumatanggap ng mga Overseas Contract Workers
Nagpapaunlad , nagpapayaman. . . mga tunay na dollar-earners.
Hindi Nakatutulong:
Nagbibigay nga ng trabaho, ngunit sa iilang tao lang
Milyon napupunta sa dayuhan, barya lang sa bayan.
Nakatutulong:
Bakit? Hindi ba’t sa pagpasok ng kanilang negosyo
Kasabay ng dolyar, pagtaas ng halaga ng piso.
Hindi Nakatutulong:
Kung tumataas ang piso, ‘di sana’y mayaman na tayo
Masdan mo ang paligid, may nakikita ka bang pagbabago?
Nakatutulong:
Ang pagbabago ay ‘di nagaganap sa isang iglap lamang
Sa pakikipagkalakalan, tayo’y makipagbayanihan.
Hindi Nakatutulong:
Kung nais ay bayanihan, bakit ‘di mo simulan?
Nakatutulong:
Sa akin kasi kailangan ang produktong dayuhan.
Hindi Nakatutulong:
Na nagbibibgay sa atin ng dagdag kumpetensiya.
Nakatutulong:
Bakit, wala bang Pilipinong natutulungan ng dayuhang kompanya?
Hindi Nakatutulong:
At sinong bang mas nakikinabang, tayo ba o sila?
Nakatutulong:
Di ba ang cellphone,computer ay mula sa ibang bansa.
Hindi Nakatutulong:
Ang imported na gamit pag nasira hindi na magawa.
Nakatutulong:
Ang mahalaga’y nakatulong.
Hindi Nakatutulong:
Hindi! Sa gastos lang tayo ibinaon.
Nakatutulong:
Nakatulong pa rin.
Hindi Nakatutulong:
Hindi!
Nakatutulong:
Oo!
Lakandiwa:
Tama na inyong pagtatalo’t maghunos-dili kayo
Ang inyong mga katwiran sagad hanggang buto
Kung makipaglaban daig pa si Gabriela Silang
Baka sa bagsik pagka-dalagang Pilipina’y nalimutan.