Ika-12 ng Nobyembre, 2018

Rodrigo Roa Duterte

Pangulo ng Pilipinas
1420 Jose Laurel St.,
San Miguel, Manila

Mahal na Pangulo,

Magandang Araw Pangulong Duterte!

Kami po ay dalawang mag-aaral at mamamayan ng Pilipinas na may malasakit sa

aming kapwa. Dama ko ang iyong katapangan, ang iyong determinasyon upang
masupil ang krimen at ang masasamang loob sa bansa. Nais ko lamang pong ipaalam
na isa ito sa mga matitinding mithiiin ng mamamayang Pilipino kagaya ko - ang
lumakad sa daan nang ligtas kahit anong oras at maging malayo sa panganib kahit sila
ay nasa ilalim ng bubong ng kanilang tahanan. Ngunit, sa panahon ngayon, ano na nga
ba ang ibig sabihin ng “ligtas”? Paano ko ba masasabing hindi ako mababaril o
mapapatay kapag ako’y naglalakad sa daan? Madaling sabihin na kung malinis ang
konsensya mo ay hindi ka dapat mag-alala, ngunit sa panahon ngayon na nawawala na
ang tamang proseso ng paghuhukom, kahit na sino na lang ay puwedeng paulanan ng
bala.

Tama! Ang pagbabago ay hindi lang nakakamit pagkatapos ng tatlo o anim na buwan
lamang. Ito ay nangangailangan ng taos-pusong kagustuhan ng pagbabago, hindi
lamang isa o dalawang tao, pero ang buong sambayanang Pilipino. Ngunit hindi po ba,
ito ay dapat na nagsisimula sa inyo? Bilang pangulo, kahanga-hanga ang inyong lakas
ng loob, ngunit hindi po lahat ng bagay ay dinadaan sa agresibong paraan, sa
pagmumura at sa kawalan ng respeto sa simbahan. Kahit kailan ay hindi po naging
tama ang pumatay ng tao kahit na may kasalanan sila. Sa aking palagay, hindi maaring
maitama ang mali sa paggawa ng isa pang pagkakamali. Bilang pangulo, kayo po dapat
ang aming modelo. Kayo po ang magbibigay ng liwanag tungo sa pagbabago kaysa
magdagdag ng kadiliman sa aming mga puso. Marapat lamang po na ipakita po ninyo
ang tamang paraan tungo sa demokrasya at hustisya.

Maaaring tama ang simbahan na lumaban sa isyu na ito, na lumaban sila sa para sa
makataong proseso. Tila nawawalan ng pakialam ang gobyerno sa mga pamilyang
napupuno na ng kalungkutan. Sana po ay bigyan niyo ng kaunting respeto ang
simbahan at gayahin niyo ang mga mabuting batas na ipinapakita nito.

Bilang kabataan, nakikita po namin ang mga isyu na ito sa ibang pananaw at sana
maunawaan niyo po ito. Naniniwala pa rin kami sa inyong kakayahan at katapanagan
na mabigyan ng solusyon ang mga problemang minana ninyo mula sa mga nagdaang
administrasyon.

Nawa’y huwag ninyo tignan ang liham bilang pagtuligsa namin sa inyo bagkus isang
liham ng mamamayan na namumulat sa isyung kinahaharap ng bansa.

Sumasainyo,

Santi Abiera at Thomas Masa

Mga Mag-aaral ng PAREF Southridge